رواية جمعتنا الصدف وفرقنا القدر -54
عبد العزيز:هي تبي هالشي يصير قبل لا تموت حتى لو ماحضرت حفلتك
سلطان:مآآآآآبي و اذا يعني قالت اتزوجها انا ماعندي عقل انا عقلي هو الي يخيرني و اختار الشخص المناسب ..هذي مو مناسبة لي
عبد العزيز:مستقبلك و انت حر فيه طبعا بس هذي وصيتها لك
سلطان بتعب فتح أزاريره:وهي الشينة تبيني؟
عبد العزيز:اتصلت لها بالمستشفى و كلمتها قالت الي تبيه خالتي انا ابيه
سلطان:عسى الله لا يبيها و لا رسوله آمين...و هي تبي الشارة بعد.. بنات خفيفات ماتقول بشوفه اول بقابله على طول الرد جاهز
عبد العزيز: حرام عليك هههه
سلطان:و انا الصادق ماجذبت بشي...و انا تعبان مالي مزاج لزواج و خرابيطه
عبد العزيز:ماتبي شي هي
سلطان فتح عيونه:بـــعد ...الله ياخذني
عبد العزيز:لاتدعي على روحك
سلطان:أمري لله ..و الله لو امي مو غالية و قدرها مو عالي عندي ماتزوجة هالشينة
عبد العزيز:مهما يكون هذي بنت خالتك
سلطان:لا بنت خالتي و لا بنت عمي انا مو مسؤول عنهم اتزوجهم كل شخص ياخذ الشخص الي يناسبه بس دامها وصية الغالية ماراح أرد لها طلب ..جانزين رفضتني آآآخ ليش القدر يعاند الي ابيه مايصير و الي مابيه يصير افف حياة تلوع الجبد
عبد العزيز:متى تبي تعقد عليها
سلطان:أسألها و الوقت الي تبيه راح أعقد عليها بس لاتظن بتفرغ و بقعد معاها و بطلع لا ظروفي النفسية ماتسمح و ظروفنا طبعا شاهر و امي ماتسمح بالاحتفالات و الرقص
عبد العزيز:هي قابلة بنت اصول اهمشي توقف جنبنا و توقف جمبك ..خله عقب يومين و انا فتحت لكم شقة حاليا تقعدون فيها
سلطان حطه يده على جبينه مايدري وين الله قاطه مو عارف يتخذ قراراته متشتت بحياته يحس قرار حياته و مستقبله بين يد ثاني ...مو عارف يرد و يواجه أي شخص حالته متدهورة
بعد يومين عقد سلطان على لمآ وصية لـ ام شاهر مايبون يردون وصيتها
سلطان لابس ثوب بيضة و غطرة بيضة و لحيته اشوي طالعة ماشالها
لمآ لابسة العباية و قاعدة مستحية
سلطان دخل عليها:سلام عليكم
لمآ:و عليكم السلام
سلطان:انا ماراح أروح الشقة بروح اشوف حالة امي و اخوي ..انتي الي يريحج تبين تقعدين ببيتنا تبين تروحين الشقة تبين بيتكم الي يريحج روحي أي مكان
لمآ بداخلها ياربي انا صح ابيه زوج لي بس ابيه يحبني بعد مو جذي مايهتم و موطايق حتى يسأل عن اخباري...
لمآ:ودني معاك المستشفى
سلطان تنهد:يلا قومي ...و ركبوا مع بعض...و اتجهوا للمستشفى...طول الطريق و هم ساكتين لمآ تبي الشارة علشان تتكلم و هو مو سامح لها
نزلوا اثنينهم المستشفى....سلطان اول مرة يروح لخوه ..طول الايام الي فاتت لمى درا انه بيتزوج حبس نفسه ولا طلع حتى جى هذا اليوم...و نزل على محل الورد..اشترى باقة ورد لخوه...و دلخوا المستشفى...و سلطان مو مفيس لمآ...اما لمآ بداخلها ضيق و ودها تقتل غزل على الي صار
سلطان ضرب باب غرفته و دخل:صباح الخير
شاهر منبطح على السرير رفع عيونه و بتعب بالكلام:صباح النور
سلطان خله الورد فوق الطاولة و قعد جنب اخوه:ان شالله الحين أحسن
شاهر:الحمدالله بس راح أظل اسبوع بالمستشفى تحت المراقبة
سلطان:اوله اسبوع ليش عاد؟
شاهر:شدراني عن هرارهم يبون يتأكدون اني صرت أحسن
سلطان:تقدر توقف؟
شاهر بعيارة:توني قاعد من النوم مالي مزاج ههه
سلطان:ههه ايوا طلع العيار طلع
شاهر تذكر امه:شخبار امي الحين؟
سلطان:بروح لها بعد اشوي
شاهر:اهاا
سلطان شاف صدر شاهر مضمض:هاه طعنوك يا الشري
شاهر:تطنز عليّ بس يلا ماعليه
سلطان:يلا ماتشوف شر...تذكر يوم تهددني و تحط راسك براسي كنت حاقد عليّ
شاهر:الغيرة اتولع الواحد نار و تخليه ظالم يسوي الي يبيه علشان ينال مبتغاه
سلطان:الله يهديك
شاهر:سلطان راح اقولك شي بس اتمنى انك ماتعصب
سلطان:قول..أسمع...!
شاهر:سلطان أنا زورت في اوراق ملاك قبل لا تسافر مع واحد اسمه عزام بعدين مالقيته
سلطان:اي اوراق و من يكون عزام؟
شاهر:مآدري بس صادفته...و عطاني شيك مقابل اعطيه اوراق ملاك و أخذها مني قال انه راح يزور فيها علشان يقول انه ملاك مو اختنه و هي بنت حرام من امريكا
سلطان بصدمة:و الحين؟
شاهر:مآدري شسوى بالأوراق ...الموضوع صار له فترة يمكن ثلاثة اشهر يوم كنت اتحداك و حاقد عليكم ...هذاك اليوم يوم اتهاوش معاكم ..و سطرة دانا يوم تطول السانها على ملاك...و صارت بينا خلافات و سويت الي سويته كنت في لحظة استغفر الله ...تقدر تقول طيش و انتقام
سلطان:ماعرفت من يكون عزام؟ و ليش أخذ اوراقها؟و شنوا يهدف من هالشي؟
شاهر:لا بس شكله غريب ...باين عليه فيه عرق من الغرب
سلطان حاول يستنتج:يمكن يصير لها؟
شاهر:شي كببير لاحظت شبه بينهم بس اشلون يصير لها و أخذ اوراقها علشان يلعب فيها؟
سلطان:انت متأكد قال يبي يزور؟
شاهر:هو قال!!بس مآدري اذا فعلا سوا هالشي او لا
سلطان:لأنه اذا سوا هالشي راح يهدم حياة ملاك الزوجية فهمتني؟بيدمرها!
شاهر تنهد بحزن:ان شالله مايسوي شي باين عليه مسالم
سلطان:لا تضحكني لا تحكم على الانسان من شكله...في ناس من تحت لـ تحت ماعليك منهم
شاهر:انا ماحكمت من شكله ..اسلوبه بالكلام راقي و محترم
سلطان:الله يستر..راح اشوف ..بتصل على ملاك بشوف وش صار عليها..و بتصل لـ أحمد بعد و راح أتصرف بالموضوع
شاهر بندم:سامحني سلطان..المهم اني عرفت غلطتي و اعترفت ابها قبل لا يفوت الآوان ..انا مانكرت ولا جذبت و الي يعترف بـخطائه هذا دليل تقدمه بالحياة
سلطان ابتسم ابتسامة باهتة:مسموح كلنا معرضين للذنوب و الأخطاء
شاهر بخجل:ترا انا الي عطلت الدراجة في هذاك الاحتفال
سلطان:ههههه بعد طلع طلع بعد زيد شسويت ههههه
شاهر:بريئ ههههه
سلطان:لا انت ام البرائة ههههه....بروح بشوف اخبار الوالدة و اجيك
شاهر:اوكي بس لاتنسون بعدها تجون تقعدون معاي
سلطان باس جبين اخوه:ان شالله يلا اشوفك على خير
طلع سلطان من الغرفة و اتجه يشوف امه..بس ماسمحوا له لأنها تحت العناية المشددة ..لقى لمآ واقفة عند الزجاج تنظار امه و تطيح ادموعها استغرب و تقدم منها
سلطان:لاتصيحين هذا شي مقدر و مكتوب
لمآ بداخلها انا سبب كل الي يصير انا الي سحرتكم و شاركت غزل اهئ...و ظلت تصيح من غير ماتتكلم
سلطان تنهد و طلع الكلينكس من جيبه الخلفي و مسح دموع لمآ بيده:خلاص
لمآ حست بحنين باعدت يده و مسحت دموعها بيدها
سلطان ناظر للكلينس ابتل بالكحل و الدموع
لمآ:يارب قوّم خالتي بالسلامة ...و قعدت على الكرسي فتحت القرآن تقرأ آيات عليها انّ الله يقومها بالسلامة ...........
بعد مرور ساعتين على وضعهم ..
العائلة كلها متجمعة تنتظر النتيجة يمكن تطلع
الدكتور:وين زوجها
سلطان نبضات قلبه تزيد:عسى مآشر وش صاير؟
الدكتور:ضروري لازم يتواجد زوجها الحين
سلطان طلع موبايله و اتصل لبوه :الوو يبه
عبد العزيز تحت بالكفتيريا يشتري للجهال أكل:الوو هلا سلطان
سلطان:يبه الدكتور يبيك
عبد العزيز:ان شالله الحين جاي بسرعة...ترك الأطفال عند أحلام و فهد....و راح يشوف الدكتور
عبد العزيز:عسى ماشر
الدكتور بأسف:يأسفني أقولك ان حالتها متدهورة جدا احتمال تسيقظ من الغيبوبة و احتمال اتظل للأبد جذي او تموت
عبد العزيز:انت شنوا ؟متأكد انك دكتور انا مآبي احتمالات ابي شي اكيد
الدكتور نزل راسه:التحاليل مو ثابتة و هي مو مساعدة نفسها علشان تقوم بالسلامة
*********
عبير دخلت الغرفة من غير محد يحس فيها...طلبت من اخوها فيصل يدخلها الغرفة من غير مايخبر احد
عبير مسكت ام شاهر:خالة ...*مالقت اي رد
عبير بدمعة قهر:لا تضايقين نفسج ...لاتموتين مقهورة راح اقولج الصراحة
عبير سكتت لحظات و هي تكتم دموعها و واصلت
عبير:انا شاهر خطفني و سوا الي يبيه و حقق مراده..بس مايعني هذا نهاية الحياة..الله كاتب هالشي...صح اني اكرهه و مستحيل اتقبله كزوج بس راح انجبر فيه ..بس يحلم عبير بنت امها و ابوها تتشرف و تقعد مع اشكاله ...خالتي انا طعنة شاهر اهئ علشان أدافع عن نفسي ..لو ماطعنته ماكنتي انتي بهالحالة ...الله يخليج قومي ترا الكل ينتظرج برا كلنا قومي خالة
ام شاهر ماردة عليها ..كانت تسمع كل كلامها بس ماكنت تقدر تسوي شي اعصابها المتشنجة و مرضها ماتقدر تفتح بوزها و تحرك شفاتها تنطق كم كلمة
عبير مسكت يد ام شاهر و ابتسمت:كلنا نبيج و نحبج و شاهر اطمنج عليه قام بالسلامة و ينتظرج تقومين بالسلامة و تشوفين عياله الي حلمتين طول عمرج تشوفين اعيال و لدج الكبير الكل يبيج ..لا تروحين و تتركينا بدوامة...
ام شاهر من داخلها تتقطع اتقطع ماتقدر تقول اي شي على الرغم من انها تسمع كل الي حواليها
عبير باست جبينها و طلعت من الباب الخلفي و محد يدري عنها....
بعد مامشى الدكتور عن عبد العزيز
عبد العزيز:دكاترة فاشلين
سلطان:ماله داعي يبه كل هالعصبية معاه هد أعصابك
لمآ تحس نفسها تعبانة تبي تمشي:سلطان ممكن نمشي
سلطان ناظر ساعته و الوقت تأخر:اوكي أشوفكم يا جماعة الخير باجر تصبحون على خير
الكل:و انت من هله
....و طلع معاها على الشقة و أول ماوصلوا ...لمآ عطت سلطان ظهرها تصيح
سلطان خله الغطرة على الكنب و باستغراب:عسى مآشر في أحد مضايقج؟
لمآ:اهئ سلطان انت ماتستاهلني
سلطان:ليش وش صاير؟
لمآ:بس ماتستاهلني و بس
سلطان:لا في سبب اكيد تكلمي
لمآ:تهئ سلطان انا السبب في كل الي يصير
سلطان عقد حواجبه:نعم وش قلتي؟؟؟؟؟؟؟
لمآ:اهئ خلااص ولشي...و راحة بتدخل الغرفة..سلطان استوقفها
سلطان:قولي وش صاير
لمآ:اهئئ سلطااااان ابتعد انا هي السبب في حالتك و في كل الي يصير
سلطان عطاها كف على وجها:وش سويتي؟
لمآ:اهئ سويت الي سويته ابتعد عني
سلطان مسكها من كتفها:بتتكلمين ولا اشلون يا النذلة
لمآ:اهئ انا سحرتكم علشان اخلي امك تتقرب مني و تخطبني لك و انت تترك اي بنت حولك و اذا في بنت تحبك او انت تحبها تفترقون اهئ مادريت انه السحر راح ينقلب و خالتي حالتها تصير جذي و انت يكون شكلك و تعبان و مدهور لهدرجة اهئ تقطع قلبي عليكم و الله انا مالي اي ذنب غزل هي الساس هي الي قالت لي ..انا مآعرف لهالسوالف
سلطان رماها على الكنب و طلع من الشقة و لمآ ظلت تصيح متحسرة و ندمانة
لمآ:اهئ وش لي بهالطريق فتحت على نفسي ابواب مسكرة اهئئ لو خليت القدر يمشيني و امشيه احسن مني اجيب لنفسي المشاكل و كلشي ينقلب ضدي الشر و الظلم رجع عليّ الحين اهئ استاهل
بس ماعليه يا غزل انتي السبب في كل الي صار لي و بتشوفين مثل ماعاملني سلطان جذي بهدم حياتج مثل ماهدمتي حياتي...........
@@@@@@@@@@@@@@@@@@@@@@@
اما بالريف ملاك كانت قاعدة على شاطئ البحر متضايقة تحرك الماء بيدينها تنتظر متى راح تخلص آلامها ...و ظلت فترة تحرك بالماء و تشكلت صورة أحمد بالماء ابتسمت ابتسامة باهتة حست بالفرحة ...
جد ملاك:ملااك حبيبتي
ملاك ناظرت الماء اختفت صورة أحمد ...و تضايقت من جديد
جد ملاك حطة يدينه على كتف ملاك:قومي حبيبتي مو زين الي تسوينه في نفسج
ملاك:عن اذنك جدي بروح أقعد بغرفتي اشوي
جد ملاك:الي يريحج ..الله يعينكم يا عيالي
ملاك دخلت غرفتها الي تطل على البحر و أنوار الشارع تنعكس على البحر و الأجواء حلوة و مريحة لنفسية
قعدت على دريشة غرفتها و فتحتها و شعرها منفل و يتطاير مع نسمات الهواء
اما جد ملاك قعد يلعب بالسهم مع الشباب و الكل يشجع.....
ملاك و هي تناظر الشارع ..تنهدت و ستنشقت بتعب:آآه ليش القدر يشتت شملنا ..ليش يلعب فينا مرة يجمعنا و يقربنا و مرة يبعدنا ليش كل هاللعبة و متى بتنتهي و وش نهايتنا معقولة راح يطلقني؟توقعته يحبني حتى لو كان بينا حواجز و شك ..كلامه تصرفاته نظراته كلها تثبت حبه لي ..ليش وش الي غير الموضوع معقولة كنت مجرد انسانة اقتحمت حياتك و الحين راح تتخلص منها...آآه ياقلبي اصبر و انتظر....و تبقى أحلامنا و أمالنا و أقدارنا على قيد الانتظار ...تنهدت بقوة...و استمرت نظراتها لريف و الناس مدة طويلة........
ملاك بشوق:والله انك وحشتني حسبي الله و نعمه الوكيل على الي طرش لك هالصور والله مآ قصدي شي ..ولا قصدي اني مستانسة انك بعيد عني ليش يا أحمد ليش للحين مآ تثق فيني الزواج و الحب أساسه الثقة اذا طاحت طاح كلشي ..مآ تثق فيني او تبي تتأكد من أخلاقي واحد من الاثنين ..اللهم طولك ياروح...و ردة عليه بهالرد
عذاب الحب ينهيني
وانا مالي سواك انسان
حرام انك تخليني مثل قصة
بلا عنوان...
ملاك:انت غير عن الناس انت قدرك عالي انت القمر الي يضئ لناس أكوان...متى راح أشوفك و أرمي نفسي بين أحضانك و هذاك الوقت مافي شي راح يبعدنا و يفرقنا الا الموت يعساه يكون بعيد
جد ملاك دخل غرفتها و مسح على شعرها..ملاك التفت بهدوء
جد ملاك:لا تضايقين صدقين راح يجي لج يحبج
ملاك:ان شالله....و أسندت راسها على الدريشة تفكر في اخواتها واحشينها...و جد ملاك طلع عنها علشان يخليها ترتاح و مايضايقها أكثر
بهاللحظة جى سليمان بيتهم طلع له جدها
جد ملاك:مرحبا
سليمان بيده الورد:مرحبتين ...وين ملاك؟
جد ملاك:بغرفتها تعبانة
سليمان:اهاا بس بغيت اكلمها اشوي
جد ملاك:مآدري أشوفها لك؟
سليمان:ياليت
جد ملاك راح لـ ملاك لقى عيونها تلمع على الشمس
جد ملاك:ملاك سليمان زميلج جآي تبين تكلمينه
ملاك بضيق:سليمان!لا تعبانة
جد ملاك:بيده ورد!!
ملاك:تعبانة مالي مزاج
جد ملاك:ان شالله راح اقوله
ملاك تنهدت...و لفت وجها تنتظر قدوم أحمد يجي و يرحمها
جد ملاك طلع لـ سليمان الي ينتظر:تعبانة مآتقدر
سليمان بتردد:اها عطها الورد ..حبيت اهديها اياه
جد ملاك أخذ الورد:مشكور و مآتقصر و اتمنى تعذرها
سليمان:عذرها معاها ...و طلع من منطقتهم بالريف و دخل شوارعها يتمشى متملل ماعنده أحد يقعد معاه..قعد على الكراسي يناظر الي رايح و الجاي يتأمل الناس بطفش ....
الكسندرا اول ماوصلت الريف خلت أغراضها على الأرض و نزلت القبعة من راسها...
و ركبت سيارة تآكسي متجهة لبيت جد ملاك...اول ماوصلت ضربت الباب و سمح لها جد ملاك بالدخول
اللغة بالانج
الكسندرا:أين ملاك؟
جد ملاك:بالغرفة تعبانة
الكسندرا:اها سأذهب لها ..انا صديقة والدتها
جد ملاك:حسنا خذي راحتك معها
الكسندرا دخلة الغرفة بكل هدوء و هي مخلية القبعة بين يدينها..تقربت من ملاك و قبلت يدها
ملاك باستغراب بالانج:من انتي؟
الكسندرا:صديقة امك..لقد رعيتك يوم كنتي صغيرة
ملاك ببتسامة ممزوجة بالحزن:اهاا اهلا و سهلا
الكسندرا:زوجك في أمريكا الآن ستنتهي كل المعانات و تبدأن حياة خالية من المشاكل
ملاك:اشلون؟
الكسندرا:جاستن الذي يحارب أحمد ليأخذك سيقتل و امك لا أعلم هل ستعيش ام لا و أحمد ان شالله يتخلص من جاستن بدون أن يصيبه أذى
ملاك:أها و من يكون جآستن
الكسندرا:قصته طويلة ...له اوراق و معاملات مزورة و سرقات سيتم القبض عليها جميعها الآن و لك صور عند جآستن أحمد يريد الوصول اليها قبل أن ينشرها ...لقد التقط لكم صور و أضاف تركيبات ...لا يريد أحمد ان تتلوث سمعته و سمعتك بسبب شخص تافه..و ارتكب عدة جرائم قتل ..هو الذي قتل أختك و الآن سيدفع ثمن أفعاله كله
ملاك:أريد امي و أخي و زوجي
الكسندرا:ستذبهين معي الي بلادك لا داعي لأن تبيقي هنا
ملاك:أحمد يريدني ثلاثة أشهر أن أبقى هنا
الكسندرا:لا عليك منه سأقول له أنا التي أمرتك بذلك
ملاك:أحمد لا يحب أن أعصي أمر له
الكسندرا:أحمد يحب الخير و أن تبقي بعافية و صحة لا يريد لك الأذى
ملاك بداخلها راح تفتقد سليمان الي بمثابة أخ لها:حسنا..و لكني سأذهب و أبقى في بيت أهلي لا أريد البقاء و الذهاب الي قصرهم امه لا تريدني
الكسندرا:أذهبي الى المكان الذي ترتاحين له المهم أن تذهبي الى بلدك
ملاك:هل أحمد سيطلقني؟
الكسندرا:و لماذا يطلقك؟
ملاك تذكرت الصور الي طرشها أحمد و تأكدت مئة بالمئة بيطلقها أحمد
ملاك:لا أعلم
الكسندرا ابتسمة لها:يا مجنونة هو مجنون بك لن يطلقكي أبدا
((الكسندرا عمرها 37))
ملاك بارتياح:الغالي واحشني
الكسندرا:*الحبيب واحشني....هيا لنتعشا معا
ملاك:ههه هيا .....................بعد ماكلوا مع بعض الكل يضحك الا ملاك تزيف الضحكة
ملاك تبي تودع سليمان:جدي بطلع اشوي ماراح أتأخر
جد ملاك:اوكي اخذي راحتج
طلعة ملاك تدور سليمان بالشوارع لقته واقف وحيد حزين يناظر المحلات
ملاك:سليماااان سليماااان
سليمان لف لها ببتسامة:ملاك ماتصدقين شكثر ارتحت الحين وينج يا الظالمة و لا تسألين و لشي
ملاك:آسفة بس اشوي كنت تعبانة
سليمان:ياليت التعب فيني و لا فيج
ملاك انحرجت و طنشت:سليمان أنا راح أرجع لديرتي
سليمان:و انا بعد راح أرجع البحرين
ملاك:اها عجل راح نصير بطيارة وحدة
سليمان:ان شالله ....و ان شالله بعد يكون لنا لقى ثاني
ملاك:اممم مآتوقع
سليمان:ليش؟
ملاك:انا متزوجة يا سليمان
سليمان رفع عيونه باستغراب:و ليش ماقلتين لي؟؟
ملاك:توها سامحة لي الفرصة اقولك
سليمان صد عنها:زعلان
ملاك:لا ليش؟
سليمان:لأننا احتمال مانتلاقى مرة ثانية
ملاك ابتسمة له:اكيد القدر راح يجمعنا مرة ثانية بالصدفة
سليمان لف و ابتسم لها:اكيد
ملاك:عن اذنك أخليك الحين
سليمان:اممم اوكي براحتج تحملي بنفسج
ملاك:مع السلامة .........................رجعت ملاك بيت جدها ...حطت يدها على الدريشة و شعرها يتطاير و هي تناظر القمر و النجوم الامعة تتخيل أحمد
ملاك:ياغرامي أتعبني غلاك......................
*** اما سليمان تضايق على ملاك و لم كل اغراضه علشان يسافر الصبح
@@@@@@@@@@@@@@@@@@color]
غزل طلعت على المجمع تشتري لها ثياب للعيد...بعدها طلعت على الشوارع تشوف الناس و المحلات و المكياج
و هي تمشي تناظر المحلات ماتناظر الي قدام و على طول رفعت راسها و تضرب براس
محمد:آآي ماتشوفين يابنت الناس
غزل:بالغلط مو قصدي و مشت عنه مو معبرته او عآطيته أي أهمية
محمد بداخله:مو هذي غزل ..و أخذ له لفة بالشارع يناظر غزل و الساعات حتى قرب منها
محمد:لو سمحتي انتي غزل؟
غزل :اي ليش؟
محمد:مآعرفتيني
غزل رفعت عيونها و انحرجت:بلى عرفتك
محمد:آسف كنت أمشي من غير قصديـ...
غزل باحراج:لا عادي
محمد ابتسم ابتسامة باهتة:تشترين للعيد
غزل:اي
محمد:اها..اخليج الحين و سوري على المقاطعة....
غزل:اوكي....كملت غزل مشواريها ببتسامة طول الطريق...اما محمد اول ماوصل البيت مستانس
و شاف بوجهه لمآ و صفق في وجها من الوناسة و دخل غرفته فرحان
لمآ:محمدوو يالمهبول الله ياخذك كل مآدخل صفق فيني و طلع عسى يدك تنكسر و باجر يودونك السلمانية
ام محمد:عسى مآشر وش صاير
لمآ:المخبول جاي منهد عليّ صفقني و دخل غرفته و هوا يضحك
ام محمد:هههه الحين بروح أشوفه
لمآ بعصبية:والله مالي مزاجه و دخلت غرفتا معصبة و تصيح خايفة على سلطان ماله حس ولا تدري عن أخباره
ام محمد دخلت الغرفة بعد مآ استأذنت
ام محمد:وش فيك
محمد:يمــــه لقيتهاااا
ام محمد:من؟
محمد:غزولتي
ام محمد ابتسمة و فرحة من داخلها:قصدك غزل اممم وش صاير بينكم
محمد:دعمتها بالشارع بالصدفة على قولتهم الحب من اول نظره ابيهاااا
ام محمد:توك داعمنها بهالسرعة حبيتها يا سبحان الله
محمد:اصلا من تزوجة ملاك طول الوقت أفكر فيها دايما تجي البيت و تزورنا شفيها و فوق هذا خلوقة و خجولة و أهمشي الأخلاق العالية
ام محمد:بس فيها غرور و شايفة نفسها
محمد:ماعليج من غرورها هذا اذا تزوجتها أكسر غرورها بس يمه طلبتج خطبيها لي قبل لا تطير من يدي وحدة و طارت كفاية
ام محمد:من عيوني اليوم بروح بيت أهلها و بكلم امها
محمد رمى راسه على السرير:اوكي...اليوم بطلع مع الربع نلعب كيرم
ام محمد:خذ راحتك...........و طلعة من غرفته مبتسمة و ترفع يدها تدعي انّ الله يوفق ولدها ....
@@@@@@@@@@@
رهف بتعب و ضيقة على خوها رجعت البيت ترتاح و تراجع لامتحاناتها ..فتحت الاب علشان تشوف علاقتها معاه تبي تنهيها تحس العلاقة مالها داعي مجرد تسلية و مضيعة للوقت
فتحت المسن لقته آون
لا قآلوا بحريني يكفي:هلا هلا تو مآنور المسن
رهف تذكرت سامي و بدلت نكيمها قبل ماتكلمه
طلع عاشق طلع مهتم طلع ذايب طلع مشتاق و انا أحسب وحدي المغرم طلعنا اثنيننا عشاق:اهلا
لا قآلوا بحريني يكفي:من طول الغيبات جاب الغنايم ..وينج شخبارج الحب
طلع عاشق طلع مهتم طلع ذايب طلع مشتاق و انا أحسب وحدي المغرم طلعنا اثنيننا عشاق((رهف)):الحمدالله بخير ,,انت شخبارك؟
لا قآلوا بحريني يكفي((عبدالله)):دوم يارب مو يوم ..آنا بخير أسأل عن الحب
طلع عاشق طلع مهتم طلع ذايب طلع مشتاق و انا أحسب وحدي المغرم طلعنا اثنيننا عشاق((رهف))::عبد الله انا قررت أقطع علاقتنا مالها داعي احس..
لا قآلوا بحريني يكفي((عبدالله)) ...عبدالله بداخله قبل مايكتب صح كنت أكلمج تسلية بس دخلتي مزاجي و مآراح تطلعين بهالسهولة لقيتي واحد ثاني هاه ماعليه:عبالج القرار راجع لج بروحج؟
طلع عاشق طلع مهتم طلع ذايب طلع مشتاق و انا أحسب وحدي المغرم طلعنا اثنيننا عشاق((رهف)):وش تقصد؟ انا غلط يوم كلمتك احنه مو مناسبين لبعض و كل واحد بعيد عن الثاني
ماسمعت انّ ناس وايد يحبون بعض تزوجوا و بسرعة تطلقوا
لا قآلوا بحريني يكفي((عبدالله)):محد قالج تكلمين صبي و تقولين له كلمة منتي من قدها مو شغلي مو آنا الي تلعبين عليّ و ترميني
طلع عاشق طلع مهتم طلع ذايب طلع مشتاق و انا أحسب وحدي المغرم طلعنا اثنيننا عشاق((رهف)):تبي تقنعني انك تحبني؟و تبي تتزوجني؟انت مجرد تلعب معاي في وقت فراغك و انا سأمت خلاص كل واحد بالطريق
لا قآلوا بحريني يكفي((عبدالله)):لا يا حبيبتي مو بهالسهولة جاية بتلعبين عليّ و بتروحين..اذا فكرتي مجرد تفكير بانج تروحين لواحد غيري عقب مالعبتي لعبتج حطي في بالج انج راح تندمين و بتخسرين كلشي حتى نفسج
طلع عاشق طلع مهتم طلع ذايب طلع مشتاق و انا أحسب وحدي المغرم طلعنا اثنيننا عشاق((رهف)):!!؟؟مشاعر زائفة جذب..؟مستحيل اواصل مع واحد يلعب بالبنات و يكلم الف وحدة غيري...خلاص انتهى كلشي
لا قآلوا بحريني يكفي((عبدالله)):ههههه لو كلمت مليون بكيفي اسمي رجال و انا حر بنفسي و على قولتهم الرجال شايل عيبه ...و دامج منتي قد الكلام و مشاعرج مو ثابتة تنتقل من واحد لواحد ..ليش تكلمين هااه؟؟
طلع عاشق طلع مهتم طلع ذايب طلع مشتاق و انا أحسب وحدي المغرم طلعنا اثنيننا عشاق((رهف)):غلطة عمر يوم استخدمت النت بشكل غلط!خلاص وعيت للي سويته
لا قآلوا بحريني يكفي((عبدالله)):ههههههههه لا ياحبيبتي وعيج و فهمج للأشياء و طريقة استخدام الانترنت جى بوقت متأخر ياحلوة و اذا انتي وحدة توج صغيرة جاهلة ماتفهمين شي كان علموج أهلج الأصول
طلع عاشق طلع مهتم طلع ذايب طلع مشتاق و انا أحسب وحدي المغرم طلعنا اثنيننا عشاق((رهف)):وش تقصد؟؟انت تماديت وايد و قاعد تغلط
لا قآلوا بحريني يكفي((عبدالله)):تحملي ثمن هالغلطة ..كنتي المفروض تفهمين من قبل انج تصونين نفسج ولا تكلمين صبي الا و انتي من قد الي سويته ..ولا تطرشين اشياء و انتي ماتفهمين فيها
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك