رواية علميهم ليه احبك حب ما حبه بشر -3
مشعل: يااااااااارب صبرني عليها لا اقوم اذبحها
دلال: هههه ما عليك منها بزر
مشعل: اي بزر الله يهديك.. البزر ما يكبر يعني
دلال: مو مشكله .. المهم مشعل ابيك تودينا السوبر ماركت اليوم انا وريما بنت عمي
مشعل:اسف بس مواعد خالد
دلال:الله يخليك يا مشعل السواويق واحد مع ماما والثاني ابوي موصيه على اغراض ماهو راجع الا العشا
مشعل:بس..ويقاطعه رنين جواله
مشعل:الووو
خالد:هلا مشعل وينك يارجال نسيت وعدنا؟
مشعل:لا والله مانسيت بس عشان خواتي يبون يروحون السوبرماركت قلت ممكن ناجل الطلعه؟
خالد:وديهم ياخي وبعدين تعال
مشعل:شكلهم مطولين لسه بعدي على بيت عمي ابوبندر
خالد بحذر:"وش عندك هناك؟
مشعل:نبي ناخذ البنات..
خالد بلهفه:خلاص خلاص انا جايك نروح نوديهم وبعدين نرجعهم البيت ونطلع موعدنا
مشعل استغرب لانه غير رايه بثواني بس مافكر واجد:اوكي اجل انا استناك..
خالد:مع السلامه
دلال:ها يا مشعل بتودينا؟
مشعل:اي بوديكم انا وخالد..انتي كلمي البنات وخليهم يجهزون
دلال:اوكي..
اما خالد من قفل من مشعل وهو الفرحه مو سايعته..ماني مصدق اني بكون معها بنفس المكان حتى لو ماني شايفها يكفيني اتنفس انفاسها..وراح بدل بسرعه وطلع لبيت مشعل
بيت ابو ماجد
دق التلفون
ايان ترد بزهق:نعععععععم
........:هههههههههه الله يرجك من بنت للحين مافي اسلوب انا قلت ما ادق الا بعد فتره يمكن تكبرين وتتغيرين الا تصغرين
ايان بدت تستوعب الصوت وقالت بصراخ:مااااااااجد
ماجد:هههههه اي ماجد وش فيك
ايان وشوي وتبكي:وحشتيني وينك زمان ما دقيت
ماجد:ابد حبيبتي مشاغل والله انا اسف حقك علي..بس لازم اشد حيلي شوي عشان ارجع لكم بدري خلاص هانت الحمدلله كلها شهور
ايان:انشالله حبيبي وطمني عليك....
دخلت ليان على ايان وشافتها تحكي بحماس استغربت
ليان:مين؟
ايان:ماجد
ليان فرحت وسحبت السماعه منها:ماااجد حبيبي
ماجد:اهلاااااااااا بعروستنا
ليان خانقتها العبره:اهوووون عليك املك ولا تكون معي يا ماجد
ماجد حز بخاطره:حقك علي حبيبتي انتي والله اني مقصر بس مالقيت لي اجازة ولا فرصه اني انزل وانا والله حتى لو لقيت اكيد ماني متاخر عليك
ليان:الله لا يحرمني منك يااااااارب
ماجد:ولا منك حبيبتي.. امي قريبه ودي اسلم عليها
ليان:ثواني اناديها لك .. ومسكت ايان السماعه
ايان:اقوووووووول ماجد
ماجد:يا عيووون ماجد
ايان: يا ويييييلك اشوفك مشبر الرياض بدون ماتجيب لي شي يسوى .. سامع ولالا
ماجد:سمعا وطاعه .. اوامر ثانيه عمتي
ايان ببراءة :لا
ماجد:فديتك
ام ماجد جت تركض وسحبت السماعه من يد ايان
ايان:ااااه يمه عورتيني وش ذا موب طاير ولدك
ام ماجد ماردت عليها:الوووووو ماجد يمه وينك عني وحشتني يا غالي
ماجد:وانتي وحشتيني يا ست الحبايب
ام ماجد ببكى :كافي غربه يمه .. تعال نور لي دنيتي
ماجد:هاااانت يا غاليه كلها كم شهر اول ما اخذ الشهاده بجيكم ركض وبنفس اليوم
ام ماجد وهي تمسح دمعتها بجلالها: الله يرجعك لي سالم وارفع راسي فيك
ماجد:امييييييين يا رب...وقعدوا يكلمون بعض شوي ياخذون اخبار بعض وقفل على دخلة بندر
بندر:من تحاكي مجوود؟
ماجد بضيق:امي
بندر:وش فها خالتي ؟
ماجد:مافيها الا العافيه.. بس ما وقفت بكى تقول لي ارجع
بندر:اي والله لازم نرجع،خلاص زهقت ودي اشوف اهلي وارجع لهم
ماجد سكت قاعد يفكر
بندر:وين وصلت يالحبيب؟
ماجد:ولا مكان
بندر:اجل وش فيك؟
ماجد تنهد":مشتاق لها
بندر سكت مو عاجبه الوضع ابد
ثواني ورن جوال ماجد
ماجد بابتسامه:هلا حبيبتي
رانيا:اهلا فيك
ماجد:للحين زعلانه مني
رانيا:وش رايك انت ؟اناانطرك من صباح ربي وبالنهايه تيي وتقول لي اسف حقج علي حبيبتي اضطريت اتأخر بالجامعه؟ منو اهم انا ولا دراستك
ماجد من حبه لها يتكلم بدون شعور: حبيبي حقك علي انا غلطان وما افهم ولا ادبر بس لاتزعلين مني طلبتك
بندر ماغير يطالع وهو مفهي
رانيا:ماني راضيه جذي بسهوله
ماجد:خلاص حبيبتي تكفييييين ..انا برضيك
رانيا:نشوووف
ماجد:متى اشوفك حبيبي؟
رانيا:باجر انشالله
ماجد:طيب حبيبي صار..
رانيا:يللا باي
ماجد:باااي
بندر متكتف ويطالع ماجد
ماجد وهو رافع حاجبه:خيير
بندر:من وين يجي الخير وهذي البنت قاعده تاخذ اللي وراك ودونك؟
ماجد:بندر لو سمحت ..
بندر يقاطعه:لو سمحت انت ..كيف تخلي بنت تسوي فيك كذا؟ماجد انت اعقل من كذا ولا انت صغير حكم عقلك لو سمحت وخلي قلبك على جمب رانيا ما تناسيك
ماجد:شلون ماتناسبني وهي نصي الثاني اللي يكملني؟
بندر:يتهيأ لك .. ماجد انت ما تحبها احنا جينا هنا صغار وانت عرفتها وحبيتها على طوول وتعلقت فيها لانك لقيت فيها الحنان
اللي كنت محتاجه.. على طول فسرته حب؟؟ انت تعودت عليها لا اكثر ويمكن اقل !!!
ماجد: انت مو فاهمني لا حبيت ذيك الساعه بتفهمني
بندر:يرجع يقول لي حب.. انت ما تحب يا ولد النااااااس هذا طيش
ماجد:اي طيش وانا عمري 27 سنه .. انا احب رانيا وابي اتزوجها
بندر انصدم:نععععععععم؟؟ تتزوجها؟ وش قاعد تقول
ماجد:اللي سمعته..كلها كم شهر ونتخرج.. باخذ اهلي ونروح نخطبها من اهلها بالكويت
بندر:ماجد انت استخفيت؟ كيف تتزوج وحده ماهي منا ولا نعرف لا اصلها ولا حتى فصلها ؟وكيف تتوقع اصلا انو عمي بيرضى؟
ماجد بعصبيه:ابوي يهمه اني اكون مبسوط بحياتي ولا رح يرفض لي طلب.. واخذ مفتاح سيارته ومشى
بندر:على وين انشالله؟
ماجد:بروح اجيب شي اراضي رانيا فيه..وطلع
بندر:لا حول ولا قوة الا بالله ..البنت لحست مخ ولد عمي خلااااااص
تعالوا نتكلم شوي عن ذا الوضع اللي شفتوه
رانيا بنت تعرف عليها ماجد اول ماجا استراليا ..كانت معاه بالجامعه حبها على طووووول بحكم انه رومنسي وهي البنت حلوة ما يعيبها شي جميله ورقيقه بس ماجد ابد ماهو حاس بلعانتها على عكس ولد عمه بندر اللي شايف كل شي بعيونه .. بس للاسف ماجد ابد ماهو راضي يصدق ، مبين كل شي بعيونها طمعها الشين بماجد وفلوسه ولا هي عمرها ما حبته ولا حتى فكرت فيه...
وبندر خايف عليه من ذا الحب اللي مبين مصيره اللي هو النهايه بجرح كبييييير بقلب ماجد اخوه وولد عمه ...
---------------------------
وقت العصر ..
مشعل/ يللا يا دلااااااااااااال
دلال وهي نازلة من الدرج:يلله يلله جيت
مشعل:الله يهديك ساعه
دلال:سووووووووووري
مشعل:طيب يللا عشان عندي شغل مع خالد
دلال: ها جا خالد؟
مشعل:اي توه داق علي يقول انه عند الباب
دلال:يللا مشينا
مشعل:والهنوف ماهي جايه؟
دلال:لااا واللي يرحم والديك ماعلمتها اصلا اني بجي تسحبت والله تقلب السوبرماركت علينا ولا هي مخليه شي الا وهي جايبته.. خلها بنومتها ابرك لها ولنا
مشعل بابتسامه: طيب طيب يللا
دلال وهي تعدل طرحتها:مشينا
بالسياره
دلال بهمس:السلام عليكم
خالد:وعليكم السلام والرحمه..كيف حالك يابنت عمي
دلال:بخير الله يسلمك..انت شلونك؟
خالد:الحمدلله ...
مشعل:هااا خوليد ..على بيت عمي بو بندر
خالد فز قلبه : ايي يلله.. وراحوا
بعد ربع ساعه وهما واقفين عالباب وقال خالد للحارس يفتح له الباب ودخل بالسياره لجوة
مشعل:يللا دلوو دقي عالبنات خليهم ينزلون
دلال: اوكي ...
ديما:الووووو
دلال: هلا ديووم كيفك حبيبتي
ديما:بخير وانتي ياقلبي
دلال:انا الحمدلله زينه..يللا انزلوا ترانا تحت
ديما:اوكي يللا ..
بعد دقيقتين.. ركبوا السياره كلهم
ريما وديما:السلام عليكم
خالد خلااااااااااص ماهو قادر يضبط نفسه ولا اعصابه ، وده يلتفت عليها يكحل عينه بشوفتها حتى وهي متغطيه مشتاق لها موووووووت ولا وده يفارقها لحظه
خالد:وعليكم السلام..شلونك ديما؟ " تقصد يسألهم وحده وحده عشان يسمع صوت ريما"
ديما:بخير الله يسلمك..
خالد:وانتي ياريما ؟
ريما بخجل: الحمدلله طيبه ..
خالد بقلبه ياربي صبرني ..وش ذا الخجل والنعووووومه ماني قادر اااه بس الله يسامحك يا يمه .: دوووم يارب
مشعل:كيفكم يا بنات؟
البنات:بخير
سلطان:وانا يعني مافي هاااي
الكل:هههههههههه
خالد:هلا واللله بشيخ الشباب
مشعل: هلا بالشيخ سلطان والله منور
سلطان:ثكرا :)
دلال تقبص خدوده: يا زينووووو ياناااااس
سلطان ابتسم بحيا
ديما:اجل وين الهنوف؟
دلال:اسكتي بس واللي يسلم عمرك لو تشوفين كيف انحشت من البيت نحشه عشان ماتجي معي
ديما:ههههههه حرام عليك يامجرمه .. كان خليتيها تجي
دلال:لا والله مافي..تجي عشان تقش معها الاخضر واليابس..وعاد الهنوف ما تدبر شي بدون ايان وهاتي يالصجه
ريما:ههههههههه جعلي فداها انا والله لها وحشه
خالد خلاااااص داخ على ضحكتها
دلال:ما يوحشك غالي .. يللا هانت كلها كم يوم انشالله ونتجمع ونفلها فله يحبها قلبك
ريما:انشالله حبيبتي
ووصلوا السوبر ماركت واخذوا اللي يبون..ونزلوا عند الدبلوماسي وطلبوا منهم يسوون لهم كيكه كبيره وحلوة عشان تكون جاهزة على الخميس ويوم خلصوا نزلوا كلهم ببيت ابومشعل.. جوة الفيلا
خالد:ها يا بنات تبون شي ثاني
البنات:تسلم
خالد وهو يطالع ريما:اكيييييد؟
ريما استحت ماهي متعوده على نظرات رجال تكون كذا عليها
دلال:اي اكيد مشكور ما تقصر تعبناك معنا
خالد وهو ماشال عينه من على ريما:/ولوو حاضرين للغالين,,ومافي اغلى من بنات عمي
ديما:تسلم
خالد: ها يا سلطان انبسطت ؟
سلطان بفرحه:ايييييي ..ثكرا عموو
مشعل وهو يقلد سلطان :وانا يعني مالي ثكرا على تعبي يا سلطان ؟..
سلطان:الا كلكم ثكرا..
دلال:وش دعوه انت راكب بس..مجرد مرافق لا اكثر ولا اقل
مشعل:افاااا الحين جحدتيني يا دلوول..هين ان ماعلمت عليك الهنوف ماكون مشعل
دلال:لا مشيعل تكفى
مشعل:بعد مشيعل
دلال:اسفه اسفه ياخي
مشعل:اي كذا,,يللا اذا بغيتي شي ولا نقصكم شي ولا احتجتوا شي لا يردكم الا لسانكم..هذا نجيب راجع البيت كلموه على طول ورقمي انسووه اليوم على الاقل ارحموني من مشاوريكم
البنات:هههههههههه
دلال:طيب طيب..يللا توكلوا والله معكم
الشباب:فمان الله..
البنات:فمان الكريم...
ريما:والله ما قصروا
دلال:واجبهم علينا
ريما:لا والله مو مجبرين
ديما:الا صادقه دلال..حقنا عليهم يودونا ويجيبونا ولا محسوبين علينا اخوان عالفاضي يعني..
ريما:يمممه منكم ..
ودخلوا جوة,,حمدت دلال ربها انو الهنوف كانت نايمه لسه قعدوا شوي البنات سوى شربوا قهوة واستنوا سواقهم ىيجيهم عشان يرجعون البيت..وبعدها قامت دلال تشوف وش الاشياء اللي ناقصتها عشان تكملها..
وبكذا كملوا البنات اغراضهم وخالد تحقق مناه وشاف ريما لو من بعيد وحكى معاها ...." محد قده والله....
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء الثالث
اليوم الثاني..بيت ابو مشعل
وقت الغدى
ام مشعل: ابو مشعل
ابو مشعل:سمي
ام مشعل:سم الله عدوك ..من بعد اذنك بنروح نخطب لمشعل نهاية الاسبوع
مشعل بقهر:يمه تكفين مابي اتزوج الحين
ام مشعل: ليش انشالله وش ناقصك عشان ما تتزوج الحين..وبعدين اذا ما تزوجت الحين مارح تتزوج بعدين
مشعل:من يقول
ام مشعل:انا اقول..خلاص من بعد اذن ابوك بنروح نخطب لك هالكم يوم
ابو مشعل:الله يقدم اللي فيه الخير
مشعل حط ملعقته من يده انسدت نفسه وبان على وجهه انه معصب
الهنوف:وللل عليك بشويش لويت الملعقه وهي حديد
مشعل ووهو راص على اسنانه من القهر:الهنوف اسكتي عني
دلال خبطت الهنوف عشان تهجد
الهنوف: طيب يارب سكتنا
ام مشعل قامت من السفره: بروح اكلم اختي تعطيني رقم ام عبدالرحمن "ام اثير " عن اذنك يابو مشعل
ابومشعل:اذنك معك ..
قام مشعل على طول:الحمدلله
ابومشعل: ما اكلت وانا ابوك
مشعل:الحمدلله يبه شبعت.. عن اذنكم
ابومشعل:اذنك معك وانا ابووك.وطلع مشعل
ابومشعل:انا مدري وش فيه مشعل على الزواج
دلال:والله مدري يبه ..يقول ماني مستعد نفسيا للزواج الحين ابد..ولاني بوضع مستقر يسمح لي اتزوج
ابومشعل:وش دعوه عاد..من صغره ؟ هذا وهو كل شي متوفر له الحمدلله ياربي..
دلال:والله مدري عنه
الهنوف:ههههههههه شكله يبي يكون نفسه لسه
ابومشعل:الهنوف..عيب عليك تتكلمين بذاالمواضيع انتي توك صغيره
الهنوف:اي صغيره يبه الله يهديك، وش دعوه عاد
دلال طارت عيونها:الله يخس شيطانك من بنت ترى هذا ابوك اللي انتي قاعده تحكين معاه ماهو وحده من صاحباتك
الهنوف:وش فيييييك علي انتي تتفرصين فيني تستنين احد بس يفتح فمه علي بكلمه عشان تفكين علي باب ما يتسكر ابد
دلال وهي تقوم:انا بقوم احكي مع مشعل شوي قبل لا ينام ..الحكي معك ضايع انتي ..عن اذنك بابا
ابومشعل:اذنك معك يابوك
الهنوف:انا بروح اكلم ايان حبيبتي اتطمن عليها وحشتني من جد
ابومشعل وهو يقوم:اي يبه كلميها
راحت الهنوف تدق على ايان
ودلال طالعه الدرج سمعت امها تكلم خالتها..فكرت انها تقنع امها انها تأجل فكره خطبة مشعل لبعدين عشان يكون مقتنع نفسيا بفكرة الزواج ,,وراحت لها
ام مشعل:ههههههه اي وانا اختك ..عاد انا كنت داقة عليك ابيك تعطيني رقم ام عبدالرحمن
ام وليد:مين ام عبدالرحمن؟
ام مشعل:هووو وش جاك يا شيخه؟ ام عبدالرحمن سلفتك..ابيها بموضوع
ام وليد :اي من عيوني وانا اختك..بس ماقلتي لي وش الموضوع اللي تبينن فيه ام عبدالرحمن؟
ام مشعل:والله وانا اختك ابي اخطب اثير لمشعل
ام وليد:يازييييييين ما اخترتي..يا حلو اثير ويا حلو تربيتها..الله يكتبهم لبعض يااااارب وحده بادب اثير مارح تلقين
ام مشعل:وانا قلت كذا برضو ..بصراحه دخلت مزاجي البنت مرره واحسها مناسبه لولدي مشعل وبتشرفنا
ام وليد:اي والله ..يلله خذي الرقم ودقي عليها وانشالله خير ..
ام مشعل:ان شاء الله.. وخذت الرقم وخزنته واستاذنت من اختها ام وليد عشان تدق على ام عبدالرحمن
دلال:يمه
ام مشعل:هلا
دلال:يمه ليش ما تاجلين موضوع خطبة مشعل لبعدين,,مره متازم من ذا السالفه
ام مشعل:انا ادرى بمصلحة ولدي يا دلال
دلال:بس يمه الزواج بالغصب شي ماهو كويس..والله مصيره الفشل
ام مشعل:اطلعي منها انتي بس وهي تعمر ..
دلال:هذا حكي يمه الله يهديك..انتي وابوي عمركم ما غصبتونا على شي تجون الحين تغصبون مشعل على موضوع كبير مثل الزواج؟
ام مشعل:انا ماني راضيه افهم ..هو ليييش مايبي يتزوج ..وش اللي يمنع
دلال:يمه الزواج يبي له اقتناع من جوه ..مو خذني جيتك
ام مشعل:دلال قومي عني واللي يعافيك صدعتي راسي خليني اعرف اكلم ام عبدالرحمن بدل ما اقعد اسمع ذا الحكي اللي لا يودي ولا يجيب
دلال قمت بحمق:الله يهديك يا ماما بس ..
وراحت تشوف مشعل
-----------------------------------
بيت ابو ماجد
ايان قاعده على التلفون وتكلم الهنوف وليان جمبها تشرب كوفي وتتفرج على التيفي
ايان بربشه:كذاااااااااااااااااااااااااابه
الهنوف:والله ما اكذب
ايان:يعني بيكون عندنا عرس بالعايله اخييييييييييييرا ..
الهنوف:اييييييي يختي ..انا مره متحممسه
ايان:انا متحمسه اكثر منك
الهنوف:وش دعوه هذا وانتي اختك متزوجه
ايان:وينها وين الزواج..مملكه وبس..البنت قاعده تتدلع علينا هي وجهها وبتظل تتدلع ليييين الرجال يحط رجله وينحاش منها مدري متى بتفكنا من مقابلها
ليان طالعتها بنص عين لانها عارفه انها تحكي عنها
ايان ارتاعت من نظرة ليان وتلعثمت: اااه امم قصدي يعني تبي تستقر شوي بدراستها وتتزوج بعدين يعني العرس ماهو طاير خلينا نشبع منها فديتها
الهنوف:ههههههههه وش فيك قلبتي حكيك
ايان بهمس:عطتني نظرة
الهنوف:زااد وانا اقول وش عندها البنت..الا ايان حبيبتي لا اوصيييك عاد ابيك تنشرين الخبر بكل العايله ساعديني يختي ترى للحين محد يدري
ايان:افااااااا علييييييك من عيوني الخبر ما ينشره الا وكالة ايان للانباء
الهنوف: اي كفوو توأم روحي كذا ابيك..
ايان:فديييييييتك.. يللا يا حلوة خليني اقوم ابدأ بجولتي التفحصيه بالبيت وانقل الخبر
الهنوف:اووووكي ..يللا بااي
ايان:بايات .. وقفلت
ليان: انتي وبعدين معك انتي وذا الهنوف ما تستحون على وجيهكم يختي كنكم حريم ما كنكم بنات توكم 16 سنه استحوااااااااا
ايان: اقووووول عاد لا تشوفين حالك علينا يعنني الكبيره ولا عشانك متزوجه يعني
ليان:انتي الحكي معك ضايع
ايان: اي يختي ضايع وش تبين فيني اجل وش له تحكين معي.. وجت بتروح
ليان: وين رايحه تعالي
ايان:رايحه انشر الخبر
ليان تتكتف: اي خبر بعد يا حظي
ايان تروح تقعد جمبها متحمسه: ما دريتي يعني
ليان:بدري بوشو ؟؟
ايان:مشعل ولد عمي
ليان:وش فيه مشعل
ايان: بيخطبون له
ليان: من جد؟؟ ماشاللللللللللله عالبركه..
ايان:ايييي شفتي وناااسه
ليان:الله يتمم لهم على خير..وما عرفتي يا اخت ايان مين يبي ياخذ؟
ايان:اممم الا .. تقول الهنوف بيخطبون له اثير بنت عم بنت خالته..
ليان عقدت حواجبها: ما اعرفها..
ايان:انا اللي شفتها مرره ..حلوة موووت البنت
ليان وهي تكمل القهوة:اهم شي الاخلاق
ايان:اي اي صح.. يللا بروح اقول لامي عن الخبر
ليان:يختي اقعدي شوي كني ممكن؟ اذا تم الموضوع على خير انشالله خالتي نورة بتدق على امي وتعلمها..
ايان:حشاااا وكلاااااا تعرف من غيري.. يللا سلااام بروح اقول لامي..
ليان تصد عنها:مافي فايده فيك....
============
بمكان ثاني,, ماقد زرناه كانت بطله من بطلاتنا منسدحه بغرفتها تسمع اغاني على روااق.. لين ددخلت عليها اختها مسرعه وخوفتها..
غدير:اثيييييييييييييييييييير
اثير فزت:يممممه وش فيك
غدير:قومي ماما تبيك ..
اثير:الله يقطع شيطانك بغيتي تقطعين قلبي احد يدخل كذا ..
غدير:يختي بفوت المسلسل علي وامي قومتني غصب
اثير:طيب طيب نازله الحين..
علقت جوالها برقبتها وفردت شعرها البني اللي يوصل لنص ظهرها ونزلت..
اثير:ماما ناديتيني؟
ام عبدالرحمن:اي حبيبتي .. ابي اكلمك بموضوع ....
اثير:خير ماما
ام عبدالحرمن:انشالله خير.. والله كبرتي يا اثير
اثير مستغربه:ماما وش السالفه؟
ام عبدالرحمن:اليوم جوك خطاب..
اثير انصدمت:خطااب..
ام عبدالرحمن : اي خطاب .. وش فيك؟
اثير:مدري .
ام عبدالرحمن بابتسامه وهي تمسح على شعر بنتها بحنان: اليوم كلمتني ام مشعل اخت زوجة عمك صالح..
اثير ساكته..
ام عبدالرحمن:وخطلتك لولدها مشعل..وش رايك حبيبتي؟
اثير:ماما ما تحسين اني صغيره شوي؟
ام عبدالرحمن:لا والله منتي صغيره .. وانا اصغر منك كنت متزوجه وعندي عبدالرحمن وسالم..
اثير بدت تستوعب الوضع وانحرجت..
ام عبدالرحمن:عالعموم حبيبتي خذي راحتك بالتفكير..وانشالله لما يجي عبدالرحمن عالعشا بقول له عشان يسأل عنه مع انو الولد معروف وولد عايله معروفه وما عليها كلام..فوشقلتي يمه عشان اقول لاخوانك بقرارك؟
اثير قامت بحرج:اللي تشوفونه يمه
ام عبدالرحمن تداري دمعتها: الحمدلله بيجي اليوم اللي بشوفك فيه عروسه
اثير:عن اذنك يمه .. وراحت ركض لغرفتها..
ام عبدالرحمن:عسى الله يوفقك يابنتي يارب ويكتب مشعل من نصيبك وماتشوفين معاه الا الايام الزينه..الله يرحمك يابو عبدالرحمن ويغفر لك كانت بتكون فرحتك ولا كل الافراح ..حبيبة قلبك اثير كبرت وصارت تنخطب...
بغرفة اثير ..
اثير مرة كانت مستحيه ومنحرجه عمرها ما استحتى هالقد من امها او من اي شي بالدنيا
مسكت دبدوبها وحضنته وانسدحت على السرير ..ياترى كيف شكلك يا مشعل وايش تكون؟ وكيف بتكون ايامي معاك...
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك