رواية علميهم ليه احبك حب ما حبه بشر -1
روآية : علميهم ليه أحبك حب ما حبه بشر ..
للكــآتبة هاجس القلب ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ابو مشعل:(ابراهيم)..ابو حكيم وما يهمه بالدنيا الا عياله وشغله..
ام مشعل: (نورة).. ام طيبه بس كلمتها قانوووون وياويل اللي ما ينفذ كلامها .. حازمه اغلب الاحيان بس تموووت بزوجها وعيالها
دلال:بنت مملوووحه وهاديه تحب تقرا ومهتمه بدراستها مرررة عمرها 20 سنه وبقسم انجليزي
الهنوف:عكسسسس اختها تماااااما .. حلوة ومرجوجه وتحب الفله والهبال يااااما يشوفون عايلتها منها ومن رجتها بس عادي عندهم لانها الصغيره واخر العنقود عمرها 16 سنه
(مشعل :وسييم لابعد حدود طوويل واسمر شوي عمره 24 يشتغل مع ابوه بالشركه ..حنووون على اخواته مررررره بس عنييييييد درجة اووولى .. وبتشوفون قد عناده بالاجزاء الجايه ومع الاحداث انشالله
عايلة ابو بندر
ام بندر: (فوزيه)ام بقمة القسوة..كلمة ام بحقها جريمه ..مغرورة وشايفه نفسها وحقوده لابعد درجه
ريما:بنت بقمة النعوووووومه انثى بمعنى الكلمه حساسه ورايقه..تدرس بالجامعه مع بنت عمها دلال بقسم انجليزي حنونه مره على اخوانها وعمرها 20
ديما:اصغر من ديما بنت حبوبة وطيبه وجمالها خليجي اصللللل عمرها 18 سنه اخر سنه ادبي
بندر:اخوهم الكبير عمره 27 سنه يدرس طب باستراليا .. مملووووح ودمه خفيف
بدر:انسان طيب وحنون ورومنسي بمعنى الكلمه رجال مسؤول عشانه مسك مسؤولية اهله وهو صغير عمره 24 سنه
سلطان: 5 سنوات .. طفل بقمة البراءة
عايلة ابو رنيم
ابورنيم: (حمد)اب ولا كل الابهات .. يحب زوجته وبناته اكثر من الدنيا كلها
ام رنيم:( خلود) ام حنونه وتحب عيالها .. الفتره الاخيره صارت تمرض كثير ولاهم عارفين وش السبب وهي رافضه كل الرفض انها تروح بره وتكشف
رنيم:فنانه بمعنى الكلمه ترسم وتغني صوووتها خياااااال ..ميزتها هدوؤها والكل يحبها لانها اول بنت للعايله ولطيب قلبها ورقتها ..عمرها 23 سنه شعرها بني طوووويل لاخر ظهرها وعيونها عسليه واسعه ملامحها مرره حلوة اخر سنه بالجامعه وتحب ولد خالتها ماجد من يومها صغيره تعشقه وتعشق ترابه
مشاعل:عكس اختها بكل شي الا بالجمال ..حتى انها احلى من اختها قصيره وجسمها حلوو شعرها قصير قاصته فكتوريا ولونه اسووووووود وصابغه فيه خصله فوشي على جمب محليته اكثر واكثر ومستغله جمالها للاسف باشياء جدا سيئه شريره ومغرورة ومحد يحبها بالعايله عمرها 20 سنه وما تدرس بالجامعه تبي ترتاح على قولتها تحب ولد عمها خالد اللي مو داري عن حبها لانه مشغول بحبه لبنت عمهم ريما
عايلة ابو ماجد
ابوماجد(راشد) وام ماجد(ساميه) احن ابوين على وجه الارض
ماجد:الولد الكبير..يدرس مع ولد عمه بندر باستراليا وانشالله بيرجعون سوى عمره 27 وسيم بمعنى الكلمه وطيب .. واذا حب تضيييييييع علومه .. رومنسي وحبوب مررره حنون
ليان:عمرها 20 سنه تدرس مع بنات عمها دلال وريما ،مملكه على محمد صاحب خالد وبدر ومشعل من ايام الطفوله..كانو زمان جيران وشافتها ام محمد وخطبتها له
ايان:16 سنه كبر الهنوف وصاحبات وطول الوقت رجه وهبال سوى
متعب:18 سنه .. فلاوي وحبوب ومملوح
عايلة العمة ( ام عبدالله )
ام عبدالله: (الجوهرة) ام طيبه وتخاف على عيالها .. بس كلمتها قانون ومحد يقدر عليها ابد
ابوعبدالله: ( سعود) رجال بحاله.. حنون وطيب يحب شغله مرره
عبدالله:25 سنه..انسان حنون ويحب شغله
خالد:انسان يعشق ريما..واتوقع انو بان من البدايه وحلمه انه يتزوجها ..يحبها من يومه صغير..عمره 23 سنه توه متوظف بشركة ابوه وسيم وطويل
امل:24 سنه زوجة عبدالله..تزوجها عبدالله زواج تقليدي ومع الايام نمى بينهم الحب والتفاهم عندهم سعود اللي عمره شهور ومسمينه على اسم ابوعبدالله
مها:21 سنه..طيوبة ودمها خفيف.. شعرها اسود قصير قاصته فكتوريا بس على طويل شوي، وعيونها كبار ولونهم اسود
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
في احد البيوت الواااسعه الكبيرة
المليئة بالخدم والناس المرتاحه ماديا اللي عمرها ما فكرت بجوع ولا حاجه كانت تعيش عائله ولا كل العوائل مترابطين وفرحانين بحياتهم اللي يملاها الترف والبذخ
كانت الهنوف معلية الصوت عالاخير على اغنية مصرية وترقص بحماس
دلال وهي ساده اذانيها:الهنووووووووووووووووف يا كرهي لك وطي الصوت فقعتي اذني
الهنوف وهي ترقص بحماس وتطالع اختها وتقول بصوت عالي عشان تسمعها اختها:ماااااا عليك فيني خليني اطلع اللي فيني من الزهق
وتكمل رقص
دلال بصراخ:الللللللللللللللله يعينني عليكي بس
دخل ابو مشعل وام مشعل وضحك وهو يشوف بنته الصغيره ترقص ومستانسة
الهنوف مستانسه:هااااااااي بابي
ام مشعل:وش بابي انتي وراك قالبه الدنيا فوق تحت وطي ذا الصوت يا بنت
ابو مشعل:هههههههههههه خليها على راحتها يا ام مشعل
ام مشعل:وش اخليها على راحتها حتى انها ما حشمتك قاعده ترقص وانت قبالها
الهنوف وهي تحضن ابوها:يا ماما خليني على راحتي وربي زهقانه مووووت وبعدين يا بابا انت واعدني بروحة لجدة ماصارت ولا استوت متى انشالله بنرووح
ابو مشعل:انشالله بس نخطب لاخوك مشعل وذيك الساعه نروح الويك اند على طول
دلال والهنوف شهقوا بصدمه:مشعل بيخطب
ام مشعل:اي مشعل وش فيكم
دلال:وش غير رايه فجاة
ابومشعل:من حنة امكم على راسه تلاقينه يقول
بتزوج عشان ارتاح من حنة امي
ام مشعل:وش دعوه يابو مشعل هذا كله عشاني ابي افرح ببكري
دلال:ومنهي سعيدة الحظ
ام مشعل:والله يابنتي انا حاطه ببالي بنيه ماعليها كلام جمال واخلاق وبنت عايله
الهنوف:طيب طيب يمة درينا بالمقدمات ذي حقت المسلسلات الخليجيه ممكن تختصرين وتقولين منهي
ام مشعل طارت عيونها:بنت استحي على وجهك
ابومشعل وهو كاتم ضحكته:يللا يا ام مشعل قولي لهم بعذرها متحمسه قالت ذا الحكي
ام مشعل:وانت تقويها علي
ابومشعل:ماقلنا شي يالغاليه,ما عاش من قال لك شي مو بمكانه
ام مشعل انحرجت:احم
الهنوف:ياذا الليييييييييييييييل اقول بتقولون لنا ولا شلون
ام مشعل:طيب طيب نبي نخطب له اثير
دلال تعقد حواجبها:اي اثير
ام مشعل:هوو اثير بنت عم بنات خالتك
دلال:اهااااا يوووووه زمان عنها ذا البنت يازينها والله زين ما اخترتي
الهنوف وهي تكح: كح كح غباااار يمه من وين طلعتيها ذي
ام مشعل:شلون من وين طلعتيها
الهنوف:يعني اقصد انا اخر خبري فيها من 4 سنين يومني بالمتوسط انتي وين شفتيها فيها وهي اصلا عايشه بجده ؟
ام مشعل:شفتها من اسبوع ببيت خالتك كانت جايه هي وامها يزورون عمهم والبنات لانهم استقروا هنا
دلال:اهااا يا حلوها الله يتمم عليهم
الكل:امين
الهنوف:ومشعل يدري؟
ام مشعل:هو يدري اني بخطب له بس مايدري مين
الهنوف بخبث:بروح اقول له
ام مشعل:يا الهنوف مالك شغل انتي انا وابوك اللي بنحاكيه بالوقت المناسب
الهنوف وهي تطلع مسرعه من الصاله:اوكي اوكي
ابومشعل:ههههههه راحت تقول له
دلال بضحكه:اكيد يبة عندك شك؟؟
طلعت الهنوف مسرررررعه لغرفة اخوها مشعل وطقت الباب وفتحته على طول حتى انها ما عطته فرصه يقول ادخل
مشعل وهو ينقز: وجععع الهنووووف
الهنوف تمثل الزعل:وش فيك تصرخ علي
مشعل:هذا اسلوب ؟ كذا الواحد يدخل.؟
الهنوف:لا تلومني عندي لك خبر بمليووووون ريال
مشعل باستخفاف:وشو انشالله ؟
الهنوف وهي تمد يدها له:اول شي عطيني المليون
مشعل بصراخ:وانا رايق لهبالك احكي يا بنت!!
الهنوف وهي تسد اذنها من صراخ اخوها:مارح احكي لين تعطيني شي
مشعل وهو يتافف:بجيب لك شي وانا جاي بس اخلصي
الهنوف:بحمااس والله ؟ وشووو؟؟
مشعل نفذ صبره:ترى اذا ما طلعتي يا مرجوجة انتي قسم بالله لا اشيلك وارميك برة بقوتي سامعه ولا لا
الهنوف تكشر لانه قد سواها: طيب طيب ..اسمع الخبر
مشعل وهو يتكتف:وشوو ؟
الهنوف:امي بتخطب لك قريب
مشعل بصدمه:وشووووووووووو !!
الهنوف:ليش ما كنت تدري؟
مشعل بقهر: الا بس ماكنت متوقع انها بالسرعه هذي
الهنوف:وش دعوه مشيعل ما تعرف امي
مشعل بخيبة امل:بالسرعه هذي لقت لي بنت
الهنوف:والله انت حظك اللي مدري شلون قايل ..هي لو ما راحت بيت خالتي الاسبوع الماضي ما كانت لقت لك
مشعل باستغراب: وش دخل خالتي؟
الهنوف:عشانها شافت عروستك هناك..بنت عم بنات خالتي اثير ذكرتها ؟
مشعل بعدم اهتمام:اهااا
وتذكر حماس امه يوم رجعها من بيت خالته ذاك اليوم وكيف انها اول ما ركبت سيارته فاتحته بالموضوع ولا ضيعت دقيقه وحده
الهنوف:وش فيك مو متحمس؟ ترى البنت رووعه
مشعل:طيب طيب
الهنوف:لا تقعد تسلك صدقني اول ما تشوفها بتغير رايك تماما
مشعل:يصير خير
ويرن جواله...
مشعل:الووو..هلا والله....ههههههههه لا والله مانسيتك جايك الحين...امممما ..من يقول !!
طيب طيب ولا يهمك خلاص انا جاي..مع السلامه
الهنوف بلقافه:مييييين؟
مشعل بنص عين:وانتي وش دخلك
الهنوف: افففف منكم ..الممهم لا تنسى الشي اللي بتجيبه لي ..
مشعل وهو يدف وجهها بشويش للناحيه الثانيه:وخري بس ..وطلع
الهنوف تمسك وجهها:لا يكون يلعب علي ذا !! والله لا اوريه شغله لو كان بس حكي
)()()()()()()()()()()()()())()(
بالقهوة
كانوا الشاب متجمعين ..
مشعل تنهد بصوت مسموع
خالد:عسى ما شر وش فيك يا ولد عمي
مشعل: ياخي ضااااااايق
خالد: عسى ماشر من وشو ؟
مشعل بقهر: امي بتخطب لي
بدر:ماشالله عالبركه ..
مشعل:وشو له تبارك لي انت هاا؟؟
بدر:وليش ما ابارك لك ؟سويت شي غلط لا سمح الله ؟
مشعل:انا مابي اتزوج الحين
خالد:وليش انشالله ؟ وكمل بتريقه تبي تكمل دراستك ولا بعدك صغير
الكل:ههههههههههههههههههه
مشعل بنص عين:انطم
خالد:وانا صادق ليش ماتبي تتزوج؟
مشعل:مابي شي يشغلني عن الشركه الفتره هذي
محمد:والحين الزواج بيشغلك
مشعل:اكيد بيشغلني ..انا يالله اتحمل مسؤولية نفسي بتحمل مسؤولية بيت وزوجه
محمد اللي من اول يسمع وهو ساكت:ياخي ماعليك انت بس كل هذا خرابيط احلام ,الزواج مافي احلى منه واسال مجرب
خالد:اييي اكيد ..الاخ ممملك من شهر ومسوي لي فيها ابو العريف محمد:وانا احكي من جد..الزواج راحه نفسيه واستقرار
مشعل: على هوووووونك
خالد:مو مثلي انا صار لي 6 شهور اترجى امي تخطب لي تقول لي توك اصبر وش مستعجل عليه؟
مشعل بشماته:هههههههههههههه احسن صادقة عمتي
خالد:لا والله ماهي صادقه ..عشانها مزوجه اخوي عبدالله وفرحانه بولده الصغير نستني وكمل بحزن مصطنع وبصراخ ..انا انسان منبوذ اخاف البنت اللي ابيها تطير مننننننني
محمد وخالد:هههههههههههههه
بدر:اقوووول بس لا تكبرها استنى كم شهر استقر بوظيفتك وانشالله بتزوجك
مشعل:اي قول لعمي سعود ولارح يعارضك
خالد:ابوي موافق على كلام الوالده والله لو تطير البنت من يدي لا اموت كل احد
بدر:هههههههههههههههه اجل مالك الا انك تصبر وانشالله ماهي طايره من يدك
ويدق جواله ولقى المتصل اخته الصغيره ريما
بدر:هلا
ريما وهي تصيح:بدر الحقنا
بدر يوقف وبخوف:وششش فييييييييييك!!!
ريما بصراخ:امي تضرب ديما يا بدر الحقنا بتموتها
بدر بعصبيه:انا جااااااي الحين
دخلي سلطان غرفته عشان ما يخاف
ريما:انشالله
\وقفل بدر
خالد بقلق لما سمع صوت ريما طالع من السماعه من كثر ماكان عالي وهو يميز صوتها وقال بقلق:وش فيك يابدر عسى ماشر؟
بدر:لا لا مافي شي
خالد وهو يوقف:بجي معك ..
بدر:لا لا مايحتاج ..ماهو من بعد البيت..مع السلامه
الكل:الله يحفظك
محمد:وش تتوقعون فيه ؟
مشعل:علمي علمك
خالد وهو سرح بعييييد وبتفكيره يقول:وش فيك يابعد قلبي انتي وش اللي مخليك تبكين كذا ؟
-0-0-0-0-0-0-0-0-0-0-0-0-0-0-
بدر وبطريقه للبيت يفكر
لمتى لمتى يمه بتسوين فينا كذا لو الغريبه حنت علينا اكثر منك ..حشى مو ام ..استغفر الله بس وضرب على الدركسون بقهرررر
وصل البيت وهو مايعرف كيف وصل من قهره دخل الفيلا وعطى الحارس المفتاح عشان يركنها ودخل مسرع
اول ما دخل الصاله شاف امه قاعده على الكرسي وتشرب قهوتها
بدر بقهر: وين ديما
امه تطالعه بنص عين:كلمتك بنت ال...
بدر بقمة الغضب بس كاتمه عشانها امه:يمه حرام عليك اللي تسوينه فينا حراااام منا عيالك احنا
ام بندر تصد وتكمل قهوتها
بدر تنهد وطلع لغرفة اخته عشان يشوفها
ام بدر بهمس وقهر:والله لاوريكم كلللللكم
دخل على غرفة ديما وانصدم من اللي يشوفه
كان وجهها احمرررر من البكا والكفوف اللي جتها بكل قوة ويدها ماهي قادره تحركها من كثر ماهي مزرقه..وكانت بحضن اختها الكبيرة ريما واثنينهم يبكون
بدر قرب منها وحضنها:بس يا حبيبتي انتي
ديما من بين شهقاتها:والله ماسويت شي يا بدر والله.. كل اللي قلته لها اني بروح لصاحبتي وردت علي وقالت ما اخليك تروحين تصيعين على كيفك
بدر انصدم من تفكير امه وكلامها وشكها ببناتها:انا عارف انك ما سويتي شي حبيبتي
ديما بقهر:وين ابوووووي عنا يشوف ظلم امنا لنا وينه؟ بابا يروح وهي تفتري فينا حشى مو عيالها
بدر:خلاص حبيبتي مهما كان هذي امنا
ريما: مافي ام تسوي كذا بعيالها يا بدر
بدر سكت:خواته معهم حق .. ابوهم طول الوقت مسافر برة ولا يجي الا كل كم شهر ويرجع بره .. واخوهم الكبير بندر يكمل دراسته بره وما بقى له كثير ويرجع ومافي غيره يحميهم من امهم ويدافع عنهم
تنهد بدر:يللا حبيبتي قومي البسي عبايتك خليني اوديك المستشفى عشان يشوفون يدك
ديما ما تقدر تقول لا لانها فعلا خايفه يدها تكون انكسرت: طيب
ويطالع ريما: وانتي ياريما روحي غرفتك وهدي واغسلي وجهك لا يشوفك سلطان كذا يرتاع
ريما وهي تمسح دموعها:طيب
بدر يمسح على راسها بحنان ويلتفت لديما ..انا استناك تحت انزلي لي على طول
ديما:طيب
وراح بدر يتفقد اخوه الصغير سلطان ..اللي عمره بس 5 سنين وفاقد حنان الام اللي بس راميته على المربيات اللي كانو احن عليه من امه
دخل غرفته اللي كلها الوان وفرح تدل على صاحبها وملياااانه العاب
وهو يمشي دعس لعبه وكسرها
سلطان اللي كان يتفرج على ديزني التفت مصدوم وهو يطالع اللعبه مكسورة بين يدين اخوه
سلطان وخانقته العبره: ليييييه
بدر توهق:خلاص حبيبي لا تبكي وانا بجيب لك احلى منها
سلطان :مابي ابي هذييييي
بدر يقرب من اخوه: اسف حبيبي خلاص بجيب لك زيها بالضبط وحلاوة كمان ، مسح دموعك يا بطل
سلطان مسح دموعه زي ماطلب منه اخوه الكبير وابتسم له
بدر ابتسم على براءة اخووه بكلمه يبكي وبكلمه يبتسم .. ماهو مهتم غير بالعابه ووناسته
اااااه بس..ليتني طفل .. واكبر همي لعبتي !!
تمنى انه بعمره عشان ما يشيل هم ومسؤولية بيت كامل على راسه .. وراح باسه وقال له انه وهو راجع بيجيب له شوكولاته وسلطان تحمس ..
وقال: بدر وين بابا ؟
بدر ضاق صدره على اخوه: بابا مسافر
سلطان قطب حواجبه يعني مافهم
بدر: يعني بابا بالطياره
سلطان: والله؟
بدر: اي حبيبي
سلطان: متى يجي؟
بدر: قريب .. يللا سلطان اذا كنت بطل ورجال وشربت الحليب قبل النوم بوديك الملاهي
سلطان فرح: طيب.. اصلا انا رجال .. وصار ينادي لمربيته
لاني: يس سولطان؟
سلطان: حليب بليز
لاني: اوكي..
بدر ما قاوم براءة اخوه وقام حضنه على طول
سلطان باس اخوه وراح قدام التلفزيون يكمل الكرتون اللي كان يتفرج عليه
بدر مررة حزن على اخوه اللي فاقد حنان امه واللي زاد عليه انه سأل عن ابوه.. اللي ماشافه من سنه واشتاق له
تنهد بصوت مسموع وطلع
من غرفة اخوه عشان يودي اخته ديما للمستشفى
بنتكلم شوي عن ابو بندر ..
ابو بندر: (سلمان)رجال طيب وحنون على عياله..بس عيبه انه مشغول عنهم طووول الوقت ..حتى انه تقريبا مستقر بلندن وباريس مايجي الا كل فين وفين عشان يتابع اعماله بنفسه
في سر بحياته مخليه يبعد عن بيته واولاده وزوجته ونعرف ذا السر مع الاحداث انشالله
++++++++++++++++++
ببيت اخر من بيوت ابطال روايتنا
كانت رنيم قاعده بغرفتها تكمل رسمتها اللي بتسلمها بكره عشان درجتها النهائية .. كانت فنانه بمعنى الكلمه ترسم وتغني وتعزف على البيانو
هاااااديه وهدوؤها احلى مميزاتها
دخلت عليها اختها مشاعل: افففف انتي للحين تصبغين
رنيم:ماهي مشكلتي انك ماتقدرين الفن
مشاعل بغرور:بلا فن بلا هم ..وش رايك نطلع
رنيم وهي مارفعت عينها من على رسمتها :مالي خلق ابي اكمل رسمتي
مشاعل ابتسمت بنصر لانو الشي اللي كانت تبيه صار:اوكي..وطلعت برة غرفتها
رنيم وهي تطالع الباب وهزت راسها بياس
ركضت مشاعل لغرفتها ومسكت جوالها
ودقت
........:هلا بهالصوووووووت بشري
مشاعل بدلع:نص ساعه حبيبي وبشوفك
احمد:وعسى اختك بتكون معك؟
مشاعل بضحكه:لا قلت لك انا متاكده انها مارح تروح لاهيه بعالمها الفني بس رحت سالتها تمويه عشان امي لو قالت لي شي
احمد:ههههههه طيب حبي استناك لا تتاخرين ميييت من شوقي ولهفتي
مشاعل بحيا مصطنع: تيب حياتي ..وراحت تكمل لبس
بيت ابو ماجد
ابو ماجد:يام ماجد وين القهوه تاخروا ماجابوها
ام ماجد:هذي هي ليان جايبتها
دخلت ليان:السلام عليكم
ابو ماجد:هلا والله ببنيتي هلا
ليان:هلا بك يبه ..اسفه تاخرت عليك
ابوماجد:حصل خير يابنيتي..الا شلون محمد
ليان بحيا:بخير الحمدلله
وقعدت هي وامها وابوها يتقهوون..ودخل عليهم فجاة ايان ومتعب وهم يتطاقون
ام ماجد:وش فيييييكم صجيتونا ولجيتونا
ايان:يمه ولدك ذا بليييييييد ماله داعي بالوجود
ابوماجد:وش سويت لها يا متعب
متعب:والله ولا شي..تبيني اروح اجيب لها من ستار بكس قهوه اقول لها ارسلي السواق بطلع انا تقول لا انت روح السواق مايعرف يجيب طلبي وانا مواعد اصحابي
ام ماجد:وانت ابد ما تقعد بالبيت بس مع اصحابك؟
ابوماجد:خليه يام ماجد مسكين محد قده خليه يروح يوسع صدره شوي ..
متعب مستانس ويحب راس ابوه :الله يخليك لنا يبه..وحب راس امه وطلع
ايان وهي تتخصر:وانا انشالله من بيجيب لي قهوتي
ليان:خلي السواق يجيب لك..
ايان:احكي هندي انا ..أقول ما مايعرف يجيييييب
ليان بنص عين:خله يروح وكلمي الرجال بنفسك واطلبي اللي تبين ولا بس هو محارش لمتعب وبعدين استحي يختي تراه اكبر منك ماهو اصغر عيالك
ايان سفهتها وقعدت جمب امها ودقت على الهنوف وقعدت تسولف..
ابوماجد ابتسم.. الله لا يحرمني منكم ياارب ويرجع لنا ماجد بالسلامه
ام ماجد: اميييييين يارب يا حبيبي
بيت العمه ام عبدالله
كانت ام عبدالله تتقهوى مع مرة ولدها امل
ودخلت المربيه اللي شايله ولد عبدالله الصغير سعود اللي كان يصيح
امل تشيله بكل حنان:بسم الله عليك حبيبي انت
ام عبدالله:يمكنه جوعان يابنتي
امل:اي ياخالتي شكله ..بروح ارضعه واجيك عن اذنك
ام عبدالله:اذنك معك حبيبتي ...
امل راحت فلتها اللي كانت فيلا صغيره بنفس فيلا ام عبدالله ..
ودخل خالد متكدر من هنا
ام عبدالله:بسم الله علي وش فيك مكشر كذا؟
خالد:ابي اتزوج
ام عبدالله:واحنا ما خلصنا من ذا الطاري
خالد:وش فيها لو خطبتي لي يمه بتنقلب الدنيا يعني
دخل ابوعبدالله:ههههه وانت للحين على نفس الموضوع يا خالد
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك