رواية علميهم ليه احبك حب ما حبه بشر -7
احمد:"ما يهمني وش تسوين.. واعلى مافي خيلك اركبيه
مشاعل بقهر: انت كيف اصلا تتجرأ وتتركني وانا كل الشباب يحفون وراي.. انت انجنيت؟؟ نسيت انك كنت بتموت علي لين تكرت وعطيتك وجه؟؟ ونسيت انك تحبني وتموت فيني.؟
احمد بطريقه استفزازية: احبك؟؟ هههههههههههههه اكيد مجنونه انتي .. مستحيل احب وحده زيك
مشاعل بقهر كاتمته جواها: ماشي يا احمد حسابي معك رح يكون عسير.. الهم ودني لبيت عمي
احمد: سوري يا ماما .. المكان اللي جبتك منه بوديك له
مشاعل: نفذ اللي قلت لك عليه وودني لبيت عمي سامع ولا لا.؟؟ وعلى فكره بمجرد ما انزل من سيارتك انا اللي بطلع من حياتك فاهم ولا لا.. بس طلوعي من حياتك ثمنه غالي مررررره يا احمد، بتدفعه غصبببببببن عليك,, وربي لا تندم ، وكلمة تقولها مشاعل بنت حمد ماتثنيها ولا تتراجع فيها ..
احمد سكت لانه حس انه زودها بتحقيره لها وانه اذا ما نفذ اللي تامره فيه الحين ممكن تسوي له مشكله لها اول مالها تالي مثل ما هددته ..
قال بزهق: وين البيت؟؟
عند البنات.. ببيت ابو مشعل
القعده كانت على الكيف.. البنات مليين المكان ..ويسولفون وياكلون ومدري وشو ...
وكانوا في غير بنات العايله كذا بنت من صاحبات دلال والهنوف.. (رؤى ، ايمان, الاء) اما بنات خالة دلال والهنوف اعتذروا من العزيمه لانو ابوهم بيسافر ويبي يقعد معاهم
ايان:رنوووووم يللا عاد انتي واعدتني انك تغنين لي
رنيم: ياربي يا ايان استحي
ايمان: وش دعوه رنيم تستحين مننا ترى محنا اغراب
ايان: اي كذا اموووون قولي لها
رنيم وهي تغطي وجهها بيدها : مابييييييي
رؤى: عن الدلع يللا رنوم سمعت انو صوتك حلووووو
مها: واحلى من الحلا ماشالله
الاء: حمستووووووني يللا غني
رنيم استسلمت مالها مفرر منهم ..
رنيم: طيب وش تبون تسمعون؟
دلال: امممم ابي على بالي حقت شيرين
ايمان: وييي يا قدمك يا دلول .. لا لا ابي لا يهمك حبيبي حقت عبدالمجيد
ليان: مابي ابي اغنية حبيب الحب..
ايان: اييي عشان حبيب القلب يحبها اجل لا تغنينها كاشفتك يالملعونه
البنات:ههههههههههههههههه
اثير: يللا رنيم غني اي اغنيه مو شرط احنا نطلب منك .. اي شي منك بيكون حلوو
رنيم بنعومه :اوووووووكي
سكتت شوي وتذكرت ماجد وقتها.. وبدت تغني اغنية تذكرها فيه وبدتها بصوتها الحنون
غبت يوم وعذرنـــاك
وبولهنا انتظرنـــاك
يللا ارجع كفايـــه
بصراحه فقدنـــاك
يعني ما صاحت اذنـك
ما بكى الشووق منـك
ماصرخ يووم حزنـك
لحظة اللي طرينــاك
في غيابك نسينـــا
وش لنا وش علينـــا
شاغل البال فينـــا
ليتنا ما تركنـــا
بصراحه فقدنـــاك
انجبرنا نخليــــك
تبتعد عن مراسيـــك
بس واللي يخليـــك
حتى بالحلم شفنـــاك
البنات سكتوا فتره
رنيم استحت: ياليتني ماغنيت
قاموا صفقوا بقووووووة .. وصارخوا
الاء: ماشالله ما توقعت صوتك حلو كذا
رنيم استحت: تسلمين حبيبتي انتي ..
ايان بلقافه: فقدتي مين ؟؟
رنيم: ياااااربي.. تراها اغنيه وش فيك انتي ؟.
الهنوف تجاري ايان: متأكده انو الموضوع بس كذا؟
رنيم: هههههههه اي حبيبتي الموضوع بس كذا
الا بدخلة مشاعل وهي مرتبكه واعصابها تلفانه من احمد
البنات التفتوا بسرعه لانو صوت الباب كان قوي
رنيم باستغراب: مشاعل
مشاعل: اي مشاعل وش فيك
رنيم: وش جابك
مشاعل تتخصر: لا يكون ماكان ودك اجي..
رنيم: مو القصد بس انتي قلتي انك منتي جايه
مشاعل وهي تفصخ عبايتها : غيرت رايي..
رنيم حست انو في انَ بس ما فكرت كثير..
دلال تهلي: هلا والله بميشو تو ما نور البيت
مشاعل بلا مبالاة: اهلا بك
دلال سكتت ولا علقت
الهنوف تهمس لايان: يارب وش جابها ذي
ايان بنفس الهمس: مدري عنها هادمة اللذات ومفرقة الجماعات
ريما: وينك ما تنشافين يا مشاعل
مشاعل طالعت ريما بنص عين.. تكررها من قلبها وهي نفسها ما تدري وش السبب": مشغوله
الاء لرؤى: قمررررر ذا المشاعل
رؤى: اي والله انها تخقق
الاء: بس شايفه نفسها مره ماهي زي رنيم
رؤى: يحق لها يختي شايفه ذا الوجه اللي عليها
مها تبي تلطف توتر الجو اللي سببته مشاعل بجيتها: اقول بنات وش رايكم نشغل الستريو ونردح لليل
ديما: اي والله انها فكره ولا كل الافكار
ريما: اقووول ديما عن الرجه ، مو كفايه يدك ناويه على الثانيه؟
دلال: اي صح ديما وش فيها يدك حبيبتي
ديما بابتسامه: طحت من الدرج
دلال: سلامتك والله
مشاعل بهمس: ليتها باختك .. مع انكم اثنينكم تستاهلون
رنيم سمعتها وعطتنها نظره محترمه
ديما: الله يسلمك.. يللا بنات خلونا نرقص
مها: ايييي يللا ..
وشغلوا البنات الاغاني وصاروا يرقصون كلهم الا مشاعل اللي كانت تراقبهم بس وتفكر باذا كان خالد عرفها او لا.. لو عرفني كان والله ما عتقني ولا القاه الحين فوق راسي.. بس وش اللي خلاه يلحقني؟؟ ااااه يا خالد وربي انك معذبني.. متى تحس فيني خلاص تعبت ..
وبعدها البنات كلهم تعشوا وقعدوا يكملون رقص لليل
الشباب..
محمد: ياخي بفهم انا وش اللي خلاك تركض فجأة كانك ملحوس
خالد: شبهت على البنت اللي كانت مع الرجال
محمد: من بتكون يعني؟
خالد: اهي وحده وخلاص..
بدر: ها شباب نروح الاستراحه؟
محمد: يللا ..
خالد يفكر.. ياخي انا مدري ليش عندي احساس اني قد شفت البنت هذي قبل كذا بس مدري وين.. وجهها مألوف لي.. واللي زاد شكي انها تقريبا قامت بعد ما انتبهت لنظراتي لها .. هذا الشي من جد بيجنني .. معقوله تكون عارفتني وانحاشت لانها خافت اكشفها ؟؟اوووووف وانا وش له اقلب ذا الموضوع براسي؟؟ خلني كذا احسن لي ..
عند البنات
كانت اصوات الاغاني ماليه المكان والبنات شغالين رقص ووناسهه وصراخ وصوت الاغاني الاجنبية ماليه المكان الكل كان متحمس الا مشاعل كالعاده كان الوضع عندها عادي و اقل من عادي
فجأة اشتغلت اغنيه هاااديه خلت البنات يقعدوون شوي عشان يرتاحون
اثير:ااااااااه تعبت
دلال:هههههه يعطيك العافيه رقصتي لين دختي
اثير: خلاص عاد لازم ارجع البيت عاد
الهنوف: لييييييييييش !!
اثير ابتسمت من رجة الهنوف: غدير حرقت جوالي من الصبح وهي تدق تبيني ارجع وانا سافهتها
دلال:ليش ما جت معك طيب؟
اثير: اليوم دي جي وحده من صاحباتها وكانت واعدتها تروح من زمان عشان كذا
الهنوف: المره الجايه خليها تجي مررره خاطري اتعرف عليها اكثر
اثير وهي تقرص خد الهنوف: من عيوووني يا قمر
دلال: بنااات مين تجي معي نجيب الحلا
رنيم: حرام عليك بعد في حلا وين احطه ذا بطني امتلت
دلال: لا حبيبتي مالي شغل.. بتاكلين يعني بتاكلين ..يللا قوموا من تساعدني فيكم
محد رد عليها
دلال طلعت عيونها: ووجع انشالله تحركوا
الهنوف: وش الله حادك ماكثر الله بذا البيت الا الخدم
دلال تتخصر وبنص عين: ضيوفي مو ضيوف الخدم
ايان: مننا ضيوف احنا راعين بيت.. بس تحبين الشقا لعمرك
اثير بابتسامه: يللا دلوو انا بقوم معك
دلال: هووو لا حشى مافي يقومون ذا البغلات يتحركون
ايان اللي كانت منسدحه على الارض : مالبغل غيرك قومي هزي طولك مع نفسك
دلال: طيب طيب انا اوريكم .. " وفكرت انو اثير خلاص بتكون زوجة اخوها ومصيرا تتعرف على البيت باركانه ليش ما تقوم معها"
دلال: يللا اثورتي
اثير: يللا حبيبتي
ديما: شغلوا شغلوا الاغاني الصاحيه خلونا نردح قبل ترجع دلال
مها:هههههه يللاا .. بحط لكم شكشكه..
بالمطبخ..
دلال: ياربي وييين طقم الصحون الجديد؟ سيتي؟
سيتي: يس مس
دلال: وين الطقم الجديد حق الصحون ابي صحون الحلاا
سيتي: فوق .. في دولاب كبير
دلال: ااااه بس.. مدري وش لقفكم تطلعونه هناك .. اثير حبيبتي انا بروح اجيب الصحون وانتي ولا عليك امر صبي العصير بالكاسات
اثير: طيب..
بغرفة مشعل.
مشعل كان حران وهو نايم وقام معصب: افففففففف وش ذا الحر اللي انا عايش فيه من طفا المكيف وانا نايم
طالع ريموت المكيف وهو مستغرب.. لقاه جمبه ، اكيد طفيته بالغلط وانا نايم لانه كان تحت
تافف بقرف.. اكره شي بالنسبه له انه ينام بالحر ..
وطلع بره يجيب له مويه.. لقى موية البراد شوي وماتكفي حتى كاس...هنا من جد عصب
مشعل: الله ياخذهم من خددددددم مدري ليش ما يتمون شغلهم .. ونزل تحت معصب
بالمطبخ كانت اثير تصب العصير بالكاسات الكريستال الراقيه وهي متحمسه ...
الا بدخلة مشعل: سييييتيييييييييي
و........
اكمل لكم بالبارت الجاي
هذا البارت اطول من اي بارت.. لانو اللي قبله كان قصير
مع حبي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء الخامس
الشباب كانوا مستانسين بالاستراحه اللي يشيش واللي يلعب سوني واللي يغازل يعني جو كل الشباب بكل الاستراحات
خالد يتثاوب: ياخي فيني النوووم
بدر: وييييين تونا بدري...
خالد: ابي انام ما نمت البارح زين
بدر: وش ماكل عقلك انت هاا
خالد بنص عين: انت وش عندك مسلتمني من اليوم دق..
بدر: ما تشوف حركاتك ؟؟ هي اللي تخليني احكي
خالد: اففف منك .. وخذا الجوال ودق على مها
مها:هلا خلوود
خالد: هلا مهاوي.. ها ما خلصتي
مها: اوووه اخوي راضي اليوم علي وداني وبيرجعي
خالد:هههههه شفتي كيف
مها: امممم شوي وتعال لسه بناكل حلا
خالد بزهق:حلي بالبيت
مها: مابي ابي مع البنات .. وبعدين ترى انا مايحصل لي اشوفهم دايم خلني شويات
خالد: ياربي منك ,, ترى ابي انام هلكاااااان
مها: خالد عاد خلاص ابي اقعد شوي عادي عندك اطلع وانا وناستي ما كملت، وبعدين دامك مرره تبي ترجع وتنام روح البيت وانا ارجع مع السواق
خالد: ايوووووة .. عشان الجوهرة تطب ببطني
مها ضحكت بخفه: اجل انتظرني
خالد استسلم: امري لله نستنى شوي
مها: وه فديتك يا احلى اخ
خالد:هههه يلا وخري.. باي
مها: بايات
مشاعل بلقافه: امم وش كان يبي خالد
مها استغربت من مشاعل خصوصا انها ما تحكي معها الا نادر واقل من النادر بعد مع انهم عيال عم: ولا شي
مشاعل: كيف ولاا شي وانتي تقولين له شوي
مها ابتسمت بخفه: مو شي يستاهل الذكر ..
ايان ببلاهة: وانتي وش لك شغل اخ واخته يحكون انتي وش لك
ليان: وش ذا ايان .. وش دخلك انتي
مشاعل مررره انقهرت من ايان لانها فشلتها كان ودها تقوم وتضربها لين تدوخ .. وانقهرت زياده لانها ما قدرت ترد على ايان هذا وهي مهجدة كل احد
ايان: بعد بعد ذا اللي ناقص.. والتفتت على مها
ايان: لا يكون بتروحين انتي
مها: لا اشوة اقنعته اقعد شوي
الهنوف: اي بعد احسب.. الحين وين دلال طولت
مها: اي والله واثير بعد
الهنوف: خليني اروح اشوفهم....
بالمطبخ..
مشعل وقف مصدووووم من اللي شافه
حلوة ..جميله..روووعه ما عرف وش يقول ...
مشعل مين هذي ؟؟ من وين طلعت
واثير مسكينه كان ودها تبكي من الفشله من هذا وليش قاعد يطالعني كذا ..اااااااااه ياربي ،فكرت تهرب بس وين تروح ماهي عارفه اي شي بذا البيت والاخ ساد الباب بوجهها ,, لفت لقت الفرج، الباب الخلفي !!! ماتدري وين بيوديها مو مهم.. المهم اي مكان غير اللي هي فيه .. حاولت تفتحه بس كان مسكر ..وسكرت الدنيا بوجهها من جديد.. لفت حول نفسها والاخ واقف مصنم يطالعها وماهي عارف ليش ما يتحرك ويفتح لها الطريق
استسلمت اثير وغطت وجهها بيدنيها وعطته ظهرها
دخلت الهنوف: دليييييل وينك انتي و .... وانصدمت لانو مشعل هنا
الهنوف تخبطه: مشيعل انت وش تسوي هنا
اثيربنفسها ااااه يارب هذا مشعل بعد يارب وش اسوي
مشعل بارتباك: هاا.. مدري
الهنوف تطالعه بنص عين: اطلع اطلع ما تشوف البنت مسكينه بتموت من الفشيله
مشعل حس على دمه اخيرا وطلع
الهنوف راحت لاثير وخبطتها على كتفها وقال بمزح دمه ثقيل:مسوية غراميات مع اخوي
اثير خنقته العبره وصارت تدمع: لا والله مو انا هو ...
الهنوف: ههههههه امزح امزح معك وش فيك انتي ...
اثير صاحت من جد فشيلتها فشيلتين مو بس شافها مشعل الا ودرت الهنوف بعد ياربي وش يفكها من لسانها
دخلت دلال: اثوور سوري تاخرت عليك بس. وانفجعت يوم شافت اثير تبكي
دلال: وش فيك اثير ليش تبكين
اثير:............
دلال بعصبيه: الهنوف وش سويتي لها اعترفي
الهنوف بخوف: وربي ولا شي انا دخلت لقيت مشعل هنا
دلال:مشعل هنا!!!!!!!!
الهنوف: اي وربي شفته بس طلع بعد ما دخلت
دلال: ياخزياااااااااااااااااااه شافك
اثير زادت بكاها الحين وش بيقولون عني
دلال فهمت: اااه بس من ذا المشيعل خذي حبيبتي اشربي مويه
اثير شربت المويه وهدت: انا بروح البيت
دلال: لا والله ما تتحركين
الهنوف: خلاص شافك وانتهى الوضع خلي عنك الدلع عاد
دلال عطت الهنوف نظره سكتتها
اثير: لا من جد خلاص لازم اروح
دلال: طيب ناكل الكيكه
اثير: على بال مايجي السواق
دلال: اوكي حبيبتي براحتك
عند مشعل
مشعل: ياويل حالي .. وش ذا الزين .. من هذي!! وربي خقق من تكون هذي.. ودموعها بعد ياحلوها ويا حلو شعرها .. اففف اعوذ بالله من الشيطان وش قاعد اقول انا ..
وتذكر انه بيخطب رسمي بعد كم يوم وضاق صدره صحيح ماصار شي رسمي بس خلاص .. وضاق صدره مايبي يتزوج ولا يبي اللي امه نقتها مع انه مايعرفها ولا شافها من يومهم صغار مررررره بعد ومرتين .. انا بحاول اقنع امي تصرف نظر عن ذا الزواج..
انسدح على سريره ورجع يفكر باللي شافها تحت ..
عند البنات ..
اكلوا الكيك وقضوها سوالف لليل .. وراحوا صاحبات دلال والهنوف وماصار في احد غريب
مشاعل قمة الملل عايشته .. وفوق هذا كانت خايفه مووت من الموقف اللي تعرضت له هي الحقير احمد..
انا اوريك يا احمد ان ماعرفتك قدرك.. اجل تتركني ؟؟ انت تتخلى عني ولله لا اخليك تندم..والله لا اوريك منهي بنت حمد ال....
رنيم:مشاااااااااااااااعل
مشاعل : وجع ليش الصراخ
رنيم: يا سلام.. صاير لي انادي عليك سنه
مشاعل بملل: اخلصي وش تبين
رنيم: يللا السواق بره بنروح..
مشاعل كان روحها ردت لها .. خذت شنطتها وطلعت حتى بدون ما تسلم على البنات او تودعهم
رنيم تفشلت من بجاحة اختها وسلمت على بنات عمها
رنيم: معليش بنات تعرفون اخلاق مشاعل باخر الليل كيف تكون
ايان: ههههه باخر الليل بس.. دايم اخلاقها اعوذ بالله
رنيم ضحكت بخفة وليان خزت اختها
ريما: عادي حبيبتي احنا بنات عم مو اغراب
رنيم وهي تبوس ريما: عسى ربي ما يحرمني منك يارب.. دلال
دلال: لبيه
رنيم: مررره شكرا على العزيمه والله من زمان ما تجمعنا وانتي جمعتينا ووسعتي صدورنا
دلال: هوووو وش دعوه حبيبتي .. مابينا شكر انشالله الجايات اكثر وبننبسط زياده ...
رنيم وهي تلبس عبايتها: انشالله حبيبتي,, يللا عن اذنكم بنات
الكل: اذنك معك..
التفتت ديما على اثير: وش فيك اثير
اثير اللي كانت ساكته طول الوقت ضايق صدرها: ولا شي
ديما: ولوووو .. لا تخبين عني .. انا زي اختك
اثير بابتسامه حلوة: ما تقصرين ديوم حبيبتي.. بس والله فيني النووم وابي ارجع البيت
ديما: تونا.. لسه قاعدين
اثير: لا خلاص من زمان وانا هنا .. وبعد ابي انام مره مرهقه
ديما: سلامتك حبيبتي..
اثير : الله يسلمك يارب..
بعد نص ساعه البيت خلا من البنات كلهم
ودخلوا الهنوف ودلال الفيلا
دلال وهي ترمي نفسها على الكنبه: ااااااه والله اليوم كان طويل
الهنوف: اي والله .. مرره تعبانه
دلال: ما ادور الا السرير انا ... ااااه بس لازم اتحمم مقدر انام كذا
الهنوف: يللا مو مشكله شاور على السريع وينتهي الموضوع ..
دخلوا ام مشعل وابو مشعل: السلام عليكم
دلال والهنوف: وعليكم السلام والرحمه..
الهنوف بنص عين: ما بغيتوا تجون
ابو مشعل: ياااارب من ذا البنت اللي بتذبحني.. زوج وزوجته طالعين انتي وش تبين
ام مشعل:هههههههههه
الهنوف تتصنع الزعل: كذا يا بابا :( هذا وانا بنتك حبيبتك اخر العنقود تحطم فيني كذا
دلال: اللي يطق الباب يسمع الجواب
ابو مشعل: كفوو والله بنتي الكبيره الحلوة
الهنوف تتخصر: لا واللللللله الحين دلال صارت الحلوة وانا صرت كخه
ابومشعل يغيضها: اي
ام مشعل: هوو ابو مشعل.. وش جاك حطيت راسك براس بنتي
ابو مشعل: نشبت لي انا وانتي..
الهنوف بزعل وحمق: انا رايحه انام احسن لي من ذا الحكي الي يضيق الصدر بذا الليل.. وطلعت الدرج زعلانه من ابوها..
ابو مشعل: ههههههههههههه
ام مشعل: حرام عليك ياخي .. كذا زعلت بنتي
ابو مشعل: ما تزعل مني بنتي فديتها.. انا اتصرف معاها بكره انشالله اعرف كيف اراضيها..
دلال: هههههه اجل الله يعينك على مراضاتها يبه .. مرررة بتكلفك ترى
ابو مشعل: كلي لكم .. عساني افداكم
دلال: الله لا يحرمنا منك يارب..
ابو مشعل: ولا منكم .. يللا عن اذنكم ..نورة انا طالع انام
ام مشعل: طيب بتطمن على كل شي انشالله واجيك..
ابو مشعل هز راسه بالموافقه
قعدت ام مشعل بعد ما جت الخدامه وخذت عبايتها: ها دلول بشريني كيف كانت عزيمتك؟
دلال بفرحه: والله كانت ابطل عزيمه.. مررة انبسطنا والبنات انبسطوا
ام مشعل: الحمدلله.. يللا حكيني وش سويتوا؟
دلال قالت لامها كل اللي صار لهم .. بس ما قالت لها عن موقف مشعل واثير لانها حست انو ماله داعي تقول.. وبعد لانها ماتدري وش ردة فعل مشعل بعد ما شاف اثير .. هي عجبته او لا
ام مشعل: الحمدلله..
دلال: اييييييي وجت مشاعل
ام مشعل باستغراب: مشاعل !!! غريبه مو بالعاده تتجمع معكم
دلال: من جد غريبه.. انصدمنا كلنا يوم شفناها..
ام مشعل: يمكن حبت تتقرب منكم
دلال بلا مبالاة: اما مشاعل.. كثري منها ماما مافي امل.. كل الناس ينصلح حالها الا بنت عمي مشاعل .. اي وبعد جت بعد رنيم بفتره طويله ماجت معها
ام مشعل: ماتدرين عن ظروفها
دلال: صح
ام مشعل : الله يهدي الجميع .. وين مشعل اخوك؟
دلال: بغرفته اكيد او بالملحق حقه مدري وين بالضبط
ام مشعل: طيب تعشى؟
دلال: مدري والله
ام مشعل: هووو وراك ما تدرين عن اخوك يا كافي
دلال: ماما!! مشعل ماهو بزر حشى.. المفروض توصينه علي مو العكس
ام مشعل: فديته عاد هو ماهو مقصر معكم ابد
من اي ناحيه
دلال: اي والله ما قصر.. عساني ماخلا منه
ام مشعل: انا بقوم اشوفه واتطمن عليه قبل ما انام..
دلال: وانا بعد بقوم اتحمم ونااااااام حدي تعبانه
ام مشعل: يللا حبيبتي اجل تصبحين على خير
دلال: وانتي من اهله ...
بيت ابو بندر
دخلوا البنات اليوم متطمنين وقعدوا يسولفون على بال ما يوصلون لمدخل البيت الكبير .. لانو ابوهم رجع يعني امهم ابدن مارح تسوي لهم سالفه على تاخرهم .. مع انهم ما تاخروا اصلا.. بس امهم تحب تسوي لهم مشاكل على اي شي يسوى ولا ما يسوى ..
ديما:يااااااي ماني مصدقه انو بابا رجع
ريما: ولا انا والله.. مرة مبسوطة .. وكملت بحزن ، انشالله يطول بقعدته هنا مو مثل كل مره اسبوع وخلاص يرجع
ديما: يااارب .. والله اني اتمنى من كل قلبي..
شوي وجا بدر وراهم
بدر بروقاااااان: يا مساااااااااااء الخيييييير
ريما: اي مساء قول صباح
بدر: مساء او صباح .. اهم شي انه خير بشوفتكم
ديما: يالبى اخوووي يا ناس ..
بدر: لبببى كلللللك.. الا اقول وليش متاخرين ها؟؟
ريما: اما متاخرين
بدر: اي.. ولا ما خفتوا من امي تسوي لكم مشكله
ريما: ههههههههههههه ما الوووووومك ما دريت
بدر : وشوووو
ديما: بابا
بدر: وش فيه؟
ديما: بابا رجع من لندن ..
بدر والفرحة غمرته: ابوي رجععععع
ديما: ايييييييييييي
بدر بارتياح: اللللللللللللللله يبشرك بالخير.. وانتوا شفتوه ؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك