رواية ضحية رجلين -12
قام تركي : خلاص خليها تنزل أنا طالع .....
وطلع تركي
لميا : جمااااااااااااااااااااااااااانه
رغد : أسكتي أبوي نايم
لميا: يوه صح نسيت
دقيقة وجت جمانه وجلست معهم : وين تركي
رغد : طلع من البيت عشانك
جمانه: أيه أحسن عشان أخذ راحتي
لميا : قولي الله يعافيه الله يجزاه خير مو أحسن
جمانه " ما عليه ولد خالي وأمون إلا .......................
وليد داخل الصالة حتى ماقال في أحد ولا لا ؟
بس مالتفت لجمانه
وعيونه حمر ومعصب لابس ثوبه وحاط الشماغ على كتفة :
وين تركي ؟
لميا بخوف : طلع قبل شوي
من دون ما يرد عليها طلع من البيت
جمانه ": يمه روعني وش فيه . ؟
لميا : مدري بس أكيد صاير شي كايد الله يستر ..........
،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،، ،
قامت روان من النوم وهي تحس بألم فضيع في بطنها
حاولت تمشي ما قدرت نادت على نورة :
نورة نورة ولأن صوتها منخفض ما تسمعها
نورة تكفين قومي
شذا شذا شذاا آآآآه ياربي وش فيني
نورة نورة وبدت نورة تتحرك شوي
نورة نورة قومي
قامت نورة : ها وش فيه
روان : تكفين قومي جيبي لي موية أي شي بطني بعورني موووووت
نورة قامت : وش فيك من أمس أنتي مو طبيعية ماكلة شي
روان : نورة الله يعافيك نادي أمي لي
طلعت نورة ونادت على مرت خالها وجت بسرعة :
بسم الله وش فيك
روان : بطني بطني يعورني مووووت آآآآآه
أم روان : خلاص ألبسي عبايتك وأنا بأشوف السواق يودينا للمستشفى
طلعت أم روان وقالت لأم وليد عن روان وونادو على وليد اللي كان صاحي
دقايق وكانو أم روان وروان وأم وليد ووليد
في السيارة وراح بهم لأقرب مستوصف لأن روان
تتألم من بطنها كثير
دخلوها عند الدكتورة وقالت لهم وضع عادي نزلة معوية
ويبي لها مغذي ساعة وتكون أحسن .......
وليد اللي جالس بغرفة الأنتظار وجته أمه له : يمة
روح للصلاة روان مطولة حطولها مغذي يا عمري
وليد : باقي على الصلاة كثير
أم وليد : روح ألبس شف شكلك وشلون ورح صل مع عمانك
وليد : متى بتخلص روان ؟
أم وليد : بعد ساعة
وليد : ليه وش فيها
أم وليد : نزلة معوية
وليد : بس ما رجعت !
أم وليد : وأن وش يدريني هم قالو لي كذا
أستغرب وليد ومشى ....................
في بيت هنادي :
هنادي : يمة أحلفي متى وكيف ودوام الجامعة !
أم بدر: ما راح نروح إلا في العشر الأواخر لا تفرحين واجد
هنادي : بس العشر
أم بدر : أيه أجل وش
هنادي : ومتى نرجع
أم بدر : ليلة العيد
هنادي: طيارة ولا سيارة
أم بدر : بنروح بسيارة وبنرجع بطيارة
هنادي : وأذا مافي حجز
أم بدر : الشكوى لله مالنا إلا السيارة
هنادي : بس ها من اللحين أقولكم ترى كل يوم بأروح لروان
أم بدر: ايه يصير خير بس شوفي الوقت المناسب حتى نروح نتقضا للعيد
هنادي: الاثنين أحسن وسط الأسبوع ومافي زحمة ........
أم بدر : إلا بغيتك في موضوع
هنادي : وش
أم بدر : أمس جو ناس لأبوك
هنادي بأهتمام : وبعدين
أم بدر: يخطبون
هنادي سكتت أخر شي تتمناه الزواج
أم بدر : أكمل
هنادي: أيه كملي
أم بدر : هذا الله يسلمك واحد أسمة سلمان راشد ال///////
عمرة 26 سنة يشتغل مدرس رياضيات يدرس ثانوي
وأبوك سأل عنه قبل ما أقولك وطلع الرجال ما يعيبة شي
ها وش قلتي
هنادي أستحت :طيب من وين عرفني
أم بدر : عزيمة أهلي حقت الجمعة السنوية قبل أسبوعين في الأستراحة
كانو أهله جايين يقربون لأمي من بعيد وشافوك وعجبتيهم \
ها وش قلتي
هنادي: بس أنا أبي أكمل دراستي
أم بدر : بنشرط عليه بس أنتي فكري الحيين
هنادي: بأستخير وأرد
ورقت فوق لغرفتها جلست تطالع نفسها في المراية :
وزني 50 ووماني طويلة مرة وبشرتي قمحية
ملامحي حادة وش يبون فيني مممم يمكن هو يكون شين
أو ماهمه الشكل بس أنا اللي يشوفني مشخصة يقول حليوه
بس أنا عادية ,,,,,,,,,,
جلست على السرير تفكر في هالزوج اللي جاها
ماتبي تقول لروان قبل ما تتم الشوفة الشرعية ................
................................... ............... ...............
في المستشفى (،،،،،،،،)
سلطان جالس لحاله على كرسي في سيب والهم باين عليه
صديق عمرة تعب على أهله مرة ودخلوه العناية
دقايق الأ جاه تركي : ها بشر
سلطان : وينك أنت ؟ أدق عليك ما ترد ؟
تركي: رحت أصلي الجمعة مع عماني وحاط الجوال على الصامت
ليه صار شي كايد ليوسف
سلطان : لا بس يبي دم توني متبرع
تركي : وين أهله محد تبرع الا أنت
سلطان : أهله في البيت أمه تبي تجي ومنعتها وخواته يصايحون
دقو علي وأنا نايم قالو يوسف تعبان رحت له ووديته ودخلوه العناية ...
تركي : لا حول ولاقوة إلا بالله وين يتبرعون بالدم ؟
سلطان : الدور الثاني رح ويدلونك
نزل تركي للدور الثاني وراح بيتبرع ليوسف :::
قصة يوسف :
( من حوالي 6 سنين توفى أبو يوسف وكان عمر يوسف 15سنة
وهو الولد الوحيد في العائلة وعنده 3 خوات
وجدان: 25 سنة متزوجة وعندها ولد أسمه فهد
جنان : 17 سنة في ثاني ثنوي أدبي ملامحها هادية تحب الترتيب
وحساسة وتحب أخوها يوسف مرة
نوف : 11 سنة
واللي يصرف عليهم راتب أمهم التقاعد لأنها كانت مدرسة سابقا وعمانهم في الرياض كل 4 شهور يرسلون لهم مبلغ يمشون حالهم فيه
من سنتين أصاب يوسف بسرطان الدم ووتدهورة حالته الصحية
واللي كان معه خطوة خطوة ويساعدة سلطان يودية المستشفى
ويجيبة حتى أغراض أهله هو صار يجيبها لهم وما يخليهم يحتاجون لأحد الكل كان يعرف عن سلطان انه عصبي ونار
وما ينقرب بس قلبه طيب ويجي بالكلام الهادي الحلو المحترم
مايحب أحد يتطاول عليه أو يعلي صوته )
جلس سلطان بقلل : أسغفر الله أستغفر الله الله يستر بس ........
شوي جته ممرضة وقالت الدكتور يبيك
دخل عند الدكتور وجلس
الدكتور : لازم تتبرعون بالدم ليوسف شوفو أي أحد يتبرع له أهله
أخوانه
سلطان بألم : يصير خير .. .. وكيف حالته اللحين
الدكتور : مافي جديد بس يمكن ما تتحسن حالته
سلطان بخوف : يعني
الدكتور : ما أقدر أقولك شي لكن كل شي بيد الله
سلطان : الله كريم
وطلع دق جواله من أم يوسف ورد :
أم يوسف : هلا يمة وينك مادقيت علينا وش صار على يوسف وش عطوه يا قلبي عليك يايوسف ياقلبي عليك
سلطان ما حب يقولها شي عن حالته : الحمد لله أحسن من قبل
بينوم هاليومين بس
أم يوسف : لا تكذب علي قلي وش فيه ........
سلطان : خالتي مافيه شي بس مثل قبل يتعب يومين بعدين بيتحسن أن شاء الله
أم يوسف : طيب تعال خذني أبي أشوفه
سلطان : ممنوع الزيارة الحيين بكرة الصبح أجيبك أنتي والبنات
أم يوسف : الله يعين طمني يا وليدي وشيصير عليه قلبي مو مطمن هالمرة ...
سلطان : لا تطمني يوسف ما فيه إلا العافية .........
ام يوسف : الله يجيب الخير
سلطان : أمين
أم يوسف : تعبناك معنا يا سلطان تحملنا مالنا غيرك
سلطان : يوسف أخوي ولازم أوقف معه .....
أم يوسف : مع السلامة
سلطان : مع السلامة وسكر ..........
وجلس يدق على اللي يعرفون يوسف أو اللي يعرفهم هو
عشان يجون يتبرعون بالدم له لأنه محتاج دم كثير .......
ودق على وليد وجى معه سعد وماقصرو تبرعو .........
................................... ............... ............................
تركي توه راجع من المستشفى ودخل البيت وكانت الساعة
تقريبا 2 وربع :
جى بيرقا الدرج نادته أمه
أم تركي : وينك يمه رحت فيه تغدينا عنك
تركي: بالعافية
أم تركي : أحط لك غداءك
تركي: لا ما أشتهي
أم تركي : ووين سلطان بعد ماجى وشفيه
تركي : لابس يوسف تعب وراح خذاه للمستشفى
أم تركي : ياعمري وعسى ما تعب مرة
تركي : لا تعب مرة بنومونه عندهم
ام تركي : وأنت كنت في المستشفى عنده
تركي : ممنوع الزيارة عنه بس سلطان هناك
أم تركي : طيب دق عليه قوله يجي يتغدا ثم يروح
تركي : قلت له بس قال ما أبي
أم تركي : عنيد هالولد يله يمه غير وتعال تغدا
تركي \: لا يمه مو مشتهي
أم تركي : مو على كيفك غير وتعال
ما بغى تركي يعاندها رقى وغير ونزل تغدا
رغد و بندر جالسين يطالعون التلفزيون :
تركي : ووين لمى بعد ماقامت
رغد : كانت هنا قبل شوي ثم رقت
بندر : كانت تصيح
( لمى سمعت تركي لم كان يتكلم عن يوسف )
تركي : وش فيها
رغد قبصت بندر وصارخ : آآآآآآي
تركي : وش فيكم ؟
بندر : تبيني ما أعلمك
تركي : رغد وش فيها لمى
رغد : ما فيها شي حرام الواحد يتضايق .
تركي : لا لمى من يومين مو طبيعية وش فيها
رغد قامت : ما فيها شي وراحت فوق طقت الغرفة على لمى
بس محد رد دخلت ولقت لمى نايمة بس رغد عارفة أنها
تمثل : ياهوه تراك مفضوحة تركي شك يسأل وش فيك
لمى ماترد
رغد : ترى لا أستمريتي كذا كلهم بيعرفون
هنا لمى ردت ودموعها سيل : خلهم يدرون كيفي تفهمون وش معناة كيفي مالكم دخل فاهمين مالكم دخل أطلعي برى
رغد طلعت وهي متأسفة على حال أختها .........
لميا ورغد يعرفون أن لمى من زمان وهي تحب يوسف
وزادت أكثر لم عرفت أنه مريض كانو ما يعرفون وش علة
يوسف غير أنه مريض وبس ....
لميا ساكته عن أختها والوضع عندها عادي
رغد اللي تفكيرها أكبر من سنها والكل يقول
عنها كذا ما دخلت فكرة أن لمى تحب صديق أخوها
لأن سلطان لو يعرف بيذبحها .......
,,,,, ,,,,,,,,, ,,,,,,,,,,,,,,,,,,,,,,,,,,,,,,,,,,, ,,,,,,,,,,
روان نامت بعد ما رجعت من المستوصف وشذا ونورة
ماخذين تحذير من وليد أنه لا يزعجونها نورة جلست
في غرفة شهد وشذا راحت تحت في الصالة وكانو كلهم
مجتمعين أبوها وعمها محمد ووليد وعمتها سارة اللي جت تسير لهم جلست معهم :
أبو وليد : نامت
شذا : اصلا من جت وهي نايمة
أم نايف : وش فيها ماكل شي غريب
شذا : مدري عنها يمكن عشان تغير الجوعليها وتعبت
أبو روان : ايه روان تتتحسس من المكان
أبو وليد : إلا أكيد موكلينها من المطعم
شذا : وش دعوى مرة وحد من جت كلت من المطعم لهدلدرجة بيأثر !..
أبو وليد : ايه يأثر لاعاد تجبون من المطاعم
شذا : أن شاء الله
وليد ساكتت ما تكلم وده يشوف روان ويتحمد لها بالسلامة
بس ما يمدي آآآخ لو يرجع ذاك اليوم اللي ركبت معي
تذكر إلا الأن قالت لعمه أنها ركبت معه ولا للحين ساكته عن هالسالفة ............!
،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،
مر هاليوم
سلطان جلس عند يوسف لم الساعة 12 الليل ورجع وعلى طول نام .........
هنادي أستخارت وأرتاحت لسلمان وقررت تقول لأمها بكرة أنها
موافقة ووتخليهم يجون عشان الشوفة .........
روان خف بطنها عليها
لمى تبي تشوف يوسف وتقول أنا أحبك قبل ما يصير شي تندم عليه.......
تركي يبي يعرف وش سالفة نوم لمى الزايد عن حده
يوم السبت :
شذا راحت المدرسة ونورة للجامعه
لميا ولمى غابو بحجة أنها أخر ليلة لجمانه عندهم
بس رغد راحت لأن ماتتبي يفوتها شي ..........
الساعة 9 الصباح :
سلطان راح لبيت يوسف عشان يتطمن على أهله
أستقبلته أم يوسف اللي تفتش له لأن سلطان عندها
ولدها الثاني .........
سلطان : البنات راحو للمدرسة
ام يوسف : أيه يمه جاهم الباص وأنت يمه عندك محاضرات
سلطان : عندي بس ماراح أروح
أم يوسف : ليش يايمه يوسف مانعين عنه الزيارة ليش ماتروح
سلطان : ما يطاوعني قلبي أدخل الجامعة وهو مومعي
أم يوسف : إلا متى وأنت بتكون كذا يوسف صعب مرة أنه يشفى
سلطان : كلنا بندعي له والباقي على الله إلا متى البنات بيطلعون .
أم يوسف : جنان بتطلع 12 ونص ونوف 11 ونص
سلطان : متى يجيبهم الباص لاهنا
أم يوسف : جنان تجي 1 ونوف يجيبها الباص تقريبنا 12
سلطان : خلاص أنا اليوم فاضي راح أجيبهم
أم يوسف : لا تكلف على نفسك الباص بيجيبهم هم أصلا متعودين
كل يوم بيتغير اليوم حاجة يعني
سلطان : ماعليش بس اليوم أنا بأجيبهم
أم يوسف : وأمتى نروح نشوف يوسف
سلطان : خمس تكونو جاهزين
أم يوسف : الله كريم ...
/// ///////////// ///////////// ................................... ....
الساعة 10
لميا وجمانه جالسين في غرفة رغد :
لميا : يوووه بتروحون بكرة والله حسافة
جمانه : أقول لأمي مانبي نسكت في أبها تقول مو على كيفي
شغل أبوك تصدقي أنه قدم طلب نقل يا لجدة أو الرياض بس مدري متى بيردون عليه
لميا : أن شاء الله لجدة مو الرياض
جمانه : بس عماني هناك
لميا : امم طيب وش رايك نصلح فطور
جمانه : لاتكفين ماني رايقة
لميا : طيب وش نسوي اللحين طفش
جمانه : نطلع نجلس في الحديقة برى
لميا : نقوم لمى
جمانه : ما راح تقو م خليها نايمة
لميا : طيب يله ننزل
نزلو ومرو على المطبخ وصلحو لهم كفي وطلعو جلسو في الحديقة ....
جمانه : جدة حارة لاصيف ولا شتا لا ليل ولا نهار عكس أبها هناك الجو جنان خاصة الصباح
لميا:يا شيخة تعودنا
جمانه : الحين أنتي وش ناوية تدخلين في الجامعة أي قسم
لميا : اتوقع أدارة أعمال
جمانه : وش تتوقعين أنتي وش تبين
لميا : ما أدري على حسب نسبتي ودي أروح السوق اليوم
جمانه : ههاي لا يا عمري مافي روحة اليوم أمي بتجي
ومعها زوجة أخوي وعبدالله
لميا :متى بيجون
جمانه : العصر لأن نروح في الليل لخالي عبدالرحمن
لميا : بأروح معكم
جمانه : حياك الله
لميا : اصلا من دون ما تقولين بأروح
جمانه : عارفة أقول قومي حر ما تحسين
لميا : يله قومي ما أمدانا جالسن
ودخلو جوا ...................
................................... ............... ..........................
الساعة 11ونص راح سلطان مدرسة نوف بس ما لحق عليها
راحت مع الباص وراح لمدرسة جنان وجلس ينتظرها
طبعا مشغل المكيف مل وهو ينتظر راح شرى جريدة ورجع
وجلس يقراها على الساعة 12 وثلث :
طلعو البنات نادى على أسمها وجلس ينتظرها ما يعرف غير أن
شنطتها لونها سماوي حاول يعرفها من بين البنات شاف وحدة وشك أنها هي نادى عليها : جنان
وقفت البنت : مو أنا جنان أنت غلطان
سلطان : طيب تعرفين جنان
البنت : هي في الباص لسه ايحة
سلطان : لو سمحتي روحي ناديها لي
راحت البنت للباص وقالت لجنان تطلع للأخوها !
جنان أستغربت ولم طلعت شافت سلطان واقف أبتسمت وراحت له
جنان بصوت هادي: السلام عليكم
سلطان في نفسة (فديت هالصوت):وعليكم السلام
سلطان : يله على السيارة
جنان : بتوصلني
سلطان : أجل العب معك
لحقته جنان للسيارة وركبت ورا ما قال لها شي حرك ......
سلطان يبي يسولف معها : من شو كنتم طالعين
جنان : لسة من شوي طلعنا
سلطان سكتت ما يدري وش يقول لها
جنان كان همها تسأل عن أخوها وشجعت نفسها :
وبهدوءها المعتاد : سلطان
سلطان لا أراديا : لبيه
جنان حمر وجهها ما تعودت أحد يقولها كذا : يوسف وش أخبارة
سلطان : بيخير أن شاء الله بتشوفينه اليوم
جنان فرحت : والله
سلطان أبتسم : يعني أكذب عليك
جنان : مو قصدي كذا بس فرحانه
سلطان : عسى دوم
جنان :وياك طيب أمتى بنروح له
سلطان : العصر
جنان : الساعة كم ؟
سلطان : خمس
عم السكوت في السيارة
سلطان عايش جوه بوجود جنان
وجنان تفكيرها متى بتوصل البيت عشان تبشر أمها أن يوسف بخير لأنها ما تعرف أن سلطان سبقها وخبرها
سلطان وقف عند باب بيتهم
جنان : مشكور سلطان تعبتك معايا
سلطان : تعبك راحة
جنان جت بتنزل
سلطان : جنان
جنان : نعم
سلطان : أنتبهي على نفسك
جنان : أن شاء الله
سلطان مرتبك ما يدري وش يقول لها بس قرر يقول لها اللي في قلبه : جنان تكفين لا تفهميني غلط
جنان ساكته
سلطان حط عينه في عين جنان اللي واضح أنها تطالعة من طرحتها الخفيفة : جنان أنا أحبك
جنان ما تحملت تجلس أكثر سحبت نفسها ودخلت البيت
وسلطان محتر يبي يعرف وش ردة فعلها
حركالسيارة ومشى راح للبيت صلى ونام ...........
....
جنان دخلت البيت :
وراحت كالعادة حبت أمها على راسها : هلا يمه
أم يوسف : جايه مبكر سلطان جابك
جنان : أيوه جابني يله يمه أنا تعبانه بانام صح تذكرت ترى بنروح العصر ليوسف
أم يوسف: أوه قلي سلطان الصباح
جنان في نفسها (خرب المفاجأه) وراحت غرفتها شافت أختها
نوف نايمة بدلت ملابسها وجلست على السرير تفكر
في سلطان : معقوله اللي قاله
يحبني أنا
ايش فيني عجبه
اعتبره مثل أخوي بالمرة ماجى على بالي يقولي هالكلمة
ياترى صادق فيها صدق حطني في موقف محرج
يعني جايبني عشان يقولي كدا !
ولا عشان يوسف تعبان وبيراعي نفسيتي
بس ليش جابني ولا جاب نوف
او يمكن جاب نوف ثم جاي ياخذني
بس عيونه لم قالي حسته صادق
يالله وش هالأفكار يا جنان أنا أيش دخلني في هالسوالف
وسلطان مثل يوسف ما أحس بتجاهه بأي شي ......
تقلبت شوي على السرير ثم نامت ..........
................................... ............... .......................\
الساعة 3 ونصف عصرا ........
هنادي تحوس في غرفتها ومرتبكة سلمان مع أمه بيجون
المغرب عشان يشوفها وللحين ما تدري وش تلبس
نادت على أمها وجتها : يمه والله شوي وأصيح وش ألبس محتارة
أم بدر : البسي شي ناعم وحلو لا تلبسين مرة خل يشوفك على طبيعتك ولا تكثرين مكياج
هنادي : هقوتك كذا
أم بدر : أيه أحسن وترى سلمان عادي لاتظنينه بذاك الجمال
هنادي : شايفته
أم بدر : لا ما شفته بس بدر يقول كذا
هنادي : ذوق العيال ما ينوخذ منهم ما يعجبهم العجب لو واحد ملك جمال قالو شين
أم بدر : بدينا ندافع من الحيين أقول خلصي دوري لك لبس قبل المغرب .............
طلعت أمها وجلست تدور ولقت لبس يعني يناسب تخاف تلبس شي ويقول هذي من أولها أو يعيب تلبس عادي وبكيفة هو ....
تنورة سودا مع كاروهات سكرية لنص الساق ضيقة من فوق ووسيعة من تحت
وبلوزة سكرية كمها طويل ضيقة من جهت الصدر ووسيعة من تحت مثل موديل التنورة اختارت جزمة شوي مرتفعة على الأقل تطولها ...
أختارت مكياج خفيف وحطتم على جنب وتنتظر المغرب .........
وتذكرت روان من يومين مادقت بس أرسلت مسج تقول مشغولة
راح تدق عليها بعد ما تتم الشوفة ....
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك