رواية ضحية رجلين -15
الفصل السادس عشر :
(رمضـــــــــــــــــــــــــــان كــــــــــــــــــــــــــــــــــ ـــــــريم .....)
في جدة
يوم السبت :
الصباح الساعة 8
الكل مداوم في المدارس اللى روان اللي صاحية وجالسة
في الغرفة وما عندها شغلة فتحت المسن بالعادة
تلقى محمد ... بس الحمد لله مو موجود .....
تذكرت أن يمكن بكرة رمضان وبيجون لمكة أفففف
وويووه صور فيصل والله نسيت
جلست تدور في جوالها صور لفيصل أختارت أحسن 3 صور وأرسلتها لمحمد ....
دقايق إلا جاها الرد وكان عبارة عن وسائط
صورته وتحته شعر ......
أنا| قلبـي| طفـل مغـرور
مثل صوت المطر طيشہ ..!!
أنا قلبـي مثـل عصفـور
بلّـل هالمطـر ريشـہ ..!
يجي كلّه بـدون شعـور
رغـم قلبـک و تهميشـہ ..!
يروح وخاطـرــہ مكسـور
يدوّرله علـى عيشـہ ..!
وقلبـک .. / طفلتي معـذور
أحـب صـدّه وتطنيشـہ
يلـوّن عتمتـي بالـنـور
دفـآـہ ونبضـہ وطيشـہ ..!
روان طنشت الشعر وسرحت في صورته طالع كأنه واحد ثاني
والصورة من الجنب ومبين بس وجهه لابس كاب أبيض ونظارة
شمسية سودا وأيطارها أبيض ومع العوارض طالع خياااااال
بس ليش راسل صورته ...؟؟!!
وودها ترسل له بس منعت نفسها
وكل دقيقة تفتح الجوال تشوف صورته وترجع تسكره
لم طفشت وأرسلت له :
0(ليش راسل صورتك لي )
طول ما رد ..
وجتها رسالة وسائط منه فيها صورتين له
وحده واقف ولابس ثوب وشماغ
والثانية جالس في السيارة
أستغربت وش يبي ذا
مسحت الصور
وأرسلت له :
( لا ترسل لي شي لو سمحت )
أرسل :
( طيب بس أبيك على المسن في الليل الساعة 10)
مسحت روان الرسايل ....
جلست شوي ثم نامت ..........................
................................... ............... ........................
الساعة 7 المغرب
في بيت منصور :
لميا ورغد وبندر وتركي وأم تركي وأبو تركي وسلطان
جالسين عند التلفزيون ينتظرون يعلنون بكرة عيد ولا ولا ..
بندر: ترى طفشت بكرة عيد ولا لا ؟
لميا : أصبر شفنا كلنا ننتظر
بندر : أبي اللعب سوني أقلبوه
رغد : عشان أرمية برى لك
بندر: اااف
أبو تركي : وش فيكم ؟
بندر : مافيه شي
أم تركي : لاصار بكرة رمضان ايش تبغو سحور
أبو تركي : لا تصلحين شي خلي أول يوم على خفيف
أم تركي : لانصلح شوربة وكبسة وبس
أبو تركي : عني أنا تكفيني الشوربة
وجلسو يتناقشون عن الأكلات مرة ربع ساعة
رغد صرخت :أووووش بيعلنون
تركي يعلي على صوت الرموت
وحاطين على العربية وأعلنو أن بكرة أول أيام رمضان
وبدت الناس تتراسل التهاني
في بيت عبدالرحمن الساعة 8
في غرفة أم تركي
شذا ماسكة جوال أمها وترسل : ها من بقى ما أرسلنا له
أم وليد : مرت عمك منصور أرسلتي لها
شذا : أيه
أم وليد : وشهد
شذا : وشوله ؟
أم وليد : بنتي
شذا : يعني لازم تهنينها بدخول الشهر العصر مكلمتها
أم وليد : لا أرسلي لها ......
شذا " طيب وأرسلت لشهد
أم وليد : وين البنات
شذا : في الغرفة
أم وليد : روحي لهم
شذا تقوم : طرده على اصول
وطلعت بتروح لغرفتها رن جوالها في جيبها
من شهد طلعته وردت:
ردت : هلا
سامي : السلام عليكم
شذا ارتاعت : وعليكم السلام من معي
سامي : أنا سامي
شذا : صاير شي
سامي : شهد جاها الطلق وأنا اللحين في المستشفى
شذا : ووووووووووووه أحلف
سامي : يعيني أستهبل
شذااستحت : طيب اللحين بنجي لكم
سامي : مع السلامة وسكر ................
شذا : يمامااااااااااااااااااااااااااااااا ااااااااااااااا ه
اهتز البيت من صرختها
طلعت أم تركي من الغرفة : وش صااير ..؟
شذا : يمه شهد جاها الطلق وهي في امستشفى توه مكلمني سامي
أم وليد : بنيتي يابعد قلبي يله بسرعة روحي البسي وقولي لسواق يودينا ............
أنشر الخبر في البيت بسرعة
ماهي إلا دقايق أم تركي وأم روان وشذا وروان راكبين السيارة
مع السواق ونورة ما تحب الولادة ففضلت تمسك فيصل بدل الروحة ماتبي تتعقد وأبو وليد كان بيجي وقالت له أم وليد : أقعد بس في البيت سوالف حريم
وعلى طول للمستشفى ....
لقو هناك سامي وواضح عليه القلق أكيد مثل أي واحد زوجته بتولد
وبين الصرخات والألام ولدت شهد ...
وجابت بنت .........
شذا وروان جالسين على كرسي طويل
شذا تبكي : مسكينه أختي
روان تضحك : هههه عادي وشفيك تبكين
شذا: والله أحس الولادة تعور
روان :ههه الولادة كنك بتموتين عذاب بس تنسن الألم لم تشوفين الولد طلع ...
شذا: لا تخوفيني على اختي
روان: هههه يا بنت الحلال مو أول مرة تولد يعني الوضع عادي اللحين .....
شذا :واضح
روان تناظر ساعتها 10 ونص..
روان: بنرجع البيت ولا أيش
شذا: ما أدري إلا وين أمي راحت
روان : راحت تشوف بنتها دخلوها غرفتها
شذا: وأمك وينها
روان : مع أمك
شذا: يا عمري يا سامي شفتي وشلون شكلة
روان : ههه عادي وشفيك أكيد قلقان على زوجته
شذا:كل شي عادي عنك قدري شعوري
روان: غيري الموضوع ترى من جد طفشت
شذ ا : وش بنسميها
روان : وش رايك بشموخ
شذا /// حلو ولا جوري
روان : حلو وش رايك بريوف
شذا : كمان حلو أقول أحنا مالنا دخل سامي وشهد هم اللي يحددو
روان : قلتي لنورة أنها ولدت
شذا : أيوه قبل شي أرسلت لها بس محتارة أقول لوليد ولا أنتظر لم يسموها وأقوله مرة وحده ..
روان : لا قولي له اللحين يمكن يكون عنده اسم حلو
شذا تمسك جوالها : ااففف تدين كم رسالة وصلتي اللحين
روان : كم
شذا :15
روان : تهاني
شذا : أكيد
وفتحت جوالها شافت الرسايل وراحت للرسالة وليد وقرتها
لروان : شوفي العيال ما عندهم أسلوب
(هلا شذا مبارك دخول الشهر وقولي لأمي لاتدق علي الصبح
يكون عندي محاظره)
روان : هههه ما أنتظر شوي وأرسل ثانية
شذا : عيال ما عليهم شرههة خليني بس أعلمة وكتبت له
(ترى شهد ولدت وجابت بنت عندك اسم حلو لها أرسلة )
دقيقة ورد
( لاصرت أبوها تعالي شاوريني )
شذا : أعوذ بالله ماعنده أسلوب
روان : يمكن معصب
شذا : أتوقع
روان : يلـــــه ماله داعي نجلس هنا ماراح يخلونا ندخل على شهد إلا بكرة ......
شذا : أدق على السواق يعني
روان : ومن بيجيبنا غيرة
شذا :طيــــــب .....
شذا تدق : ها وينك ........ تعال بسرعة ........ باي
روان: بيجي
شذا تقوم ../ ايه تراه قريب خلينا نقول لهم وننزل
روان: أدخلي أنتي عليهم ما أبي أدخل
شذا : ماله داعي نقول لهم خلينا نمشي بس
روان : لا لازم نقول لهم خاف يقولون ضاعو
شذا : عجيز يا حرصك
راحت شذا دقت الباب عليهم وطلعت لها أمها وقالت لهم بيرجعون
قالت روحو وبعد ساعة خلو الواق يجي ياخذ أم روان....
نزلت روان وشذا ووقفو عند البوابه ينتظرون السواق
دقيقتين إلا هو جاي ...
ركبو .......
شذا : شفتي الحمار اللي جالس يطالع فينا
روان : أي واحد
شذا : اللي كان واقف معنا عند البوابة
روان وبدون أهتمام : خليه يقز لين بكرة
شذا : مدري أحس أنه مشبه
روان : مين اللي يعرفنا بعباياتنا
شذا : لا يعرفونا الرجال لاشاف ماعاد ينسى بعير
روان : يمكن
دق جوال روان برسالة
فتحتها :
محمد (مواعدك 10 ليش مادخلتي؟)
شذا : مين ؟
روان : هنادي صديقتي
شذا : اممم وجلست تطالع الناس من الشباك
أرسلت له روان :
(أنا مشغولة بأدخل بعد ساعة أوعدك .. بس تكفى لا ترسل على جوالي *)
خمس دقايق وكانو في البيت :
نورة : خذي ولدك من رحتي وهو يصيح أزعجني
روان تاخذ فيصل من نورة :" تعودي بكرة ولا بعد عندك عيال وشلون بتتعاملين معهم
نورة: أرميهم في الشارع لو صاحو
شذا : حشى قطاوة مو عيال
نورة : والله أكرة البز لا صاح
روان : عادي تعودت
جلسو يسولفون شوي تركتهم روان وراحت تنوم فيصل
عقب شبكت عشان محمد مع أنها تعبانه بس تبي تعرف وش يبي...
لقته موجود.......
محمد :يستاهل البرد من ضيع دفاه :
سلام بدري
روان : الجروح اللي ما تذبحك تقويك :
سوررررررري طيب وش عندك
يستاهل البرد من ضيع دفاه :
بس كنت أبي أعتذر
الجروح اللي ما تذبحك تقويك:
لا أنت كنننننت جااااد
يستاهل البرد من ضيع دفاه :
لأن فكرت أن مستحيل تتزوجين
الجروح اللي ما تذبحك تقويك:
ليش واثك من نفسك !
يستاهل البرد من ضيع دفاه :
أنتي عارفة
الجروح اللي ما تذبحك تقويك:
مو شرط وأنا من جد أتكلم في واحد في بالي
يستاهل البرد من ضيع دفاه ::
من هو ؟
الجروح اللي ما تذبحك تقويك:
ههههاي ماراح أقول
يستاهل البرد من ضيع دفاه :
مو مهم حلوه صوري
الجروح اللي ما تذبحك تقويك:
ذكرتني ليش راسلها لي
يستاهل البرد من ضيع دفاه :
يمكن مشتاقة لي
الجروح اللي ما تذبحك تقويك:
مرة ذابحني الشوق المهم بكرة جاين مكة ؟
يستاهل البرد من ضيع دفاه :
لا بعد بكرة ليش؟
الجروح اللي ما تذبحك تقويك:
بتجي تشوف فيصل
يستاهل البرد من ضيع دفاه :
أكيييييييييييييييد ما يبي لها كلام
الجروح اللي ما تذبحك تقويك:
أذا بتجي دق على أبوي عشان يوصف لك البيت
يستاهل البرد من ضيع دفاه :
ليش.؟
الجروح اللي ما تذبحك تقويك:
لو أرسلت لك الوصف بيشك أني أكلمك
يستاهل البرد من ضيع دفاه :
أها طيب اللي تبينه ........
الجروح اللي ما تذبحك تقويك:
تبي شي
يستاهل البرد من ضيع دفاه :
أبيييييك تكفين لا تطلعين
الجروح اللي ما تذبحك تقويك:
سوررررررررررررري تعبانه وأنت ما تستاهل الواحد يتكلم معك
يستاهل البرد من ضيع دفاه :
مشكورة
الجروح اللي ما تذبحك تقويك:
خخ لا شكر على واجب
يستاهل البرد من ضيع دفاه :
متى بتدخلين مرة ثانية
الجروح اللي ما تذبحك تقويك:
بس عشان فصولي أكلمك ولا أصلا ما أبي أكلمك
عشان كذا متى ما بغيت أدخل دخلت ....
يستاهل البرد من ضيع دفاه :
مدري وش أقولك
الجروح اللي ما تذبحك تقويك:
لا تقول شي ...خروووووووووووج
طلعت روان من محمد لقت هنادي شابكة على طووول
وضحكت على التوبك حقها ..
هنادي : ياحظي 999 با أعــــرررس
ههاااااي كل عام وأنتي بخير
الجروح اللي ما تذبحك تقويك:
هاي يالعروس .. وأنتي بخير
ياحظي @@@ با أعــــرررس
احم احم أحرجتيني ترى أستحي
الجروح اللي ما تذبحك تقويك:
أموت أنا على اللي يستحون
ياحظي @@@ با أعــــرررس
فديتني من جد أشتقت أشوف وجهه
الجروح اللي ما تذبحك تقويك:
من كثر ما شفتيه كلها مرة
ياحظي @@@ با أعــــرررس
بس حبييييييته دخل قلبي
الجروح اللي ما تذبحك تقويك:
مقدر أنا على هالكلام
وجلست روان تكلم هنادي لم أستأذنت منها ونامت على طول ......
........ .......... ...................... ................ .....
أجووووووووواء السحور
أبها الساعة 2 الليل
في بيت سارة:
جالسين ياكلون السحور :
أم نايف : دريتا شهد بنت أخوي ولدت
أبو نايف: ما شاء الله على الركة وش جابت
أم نايف: الله يبارك فيك جابت بنت
أبو نايف : متى ولدت
أم نايف : اليوم العشا
أبو نايف : الله يعينها على القضا
جمانه في نفسها ( ما يستحي أنا فيه )
أم نايف: أحسن لها بتتريح من طبخ رمضان بتجلس عند أخوي مدلعه...
أبو نايف : لا طعم رمضان غير إلا عبود قوموه يتسحر
جمانه : قومته يقول تونا على السحور
أبو نايف : وش تونا قوميه بس
أم نايف : خله نايم هو الخسران
أبو نايف : يصوم وهو ما تسحر روحي قوميه بس
جمانه : أن شاء الله
وراحت تقوم أخوها العلة وياله ياله قام وتسحر معهم
................................... ............... ..................
في الرياض الساعة 3 الفجر :
بيت هنادي :
على السحور
بدر : يمه خلي هنادي تمسك طبخ رمضان عشان تتعلم
هنادي تناظره بحقد : الحمد لله أعرف أطبخ ما يحتاج
أبو بدر : بتروحين بيت رجلك بيقول ما ربوها أهلها
هنادي: الله كل هذا عشان الطبخ
أم بدر : أيه أنتي ما تعرفين إلا أشياء بسيطة لازم تتعلمين
هنادي : أن شاء الله طيب كلتوني
بدر : أبي بكرة معكرونة بالباشميل وأبي فطاير دجاج
وكوسة محشية وأنتي اللي بيلصلحينهم
هنادي في نفسها (أيه هذا وجهي أن صلحت بكرة شي) /
أبد أمر باااس هذا من عيوني كم عندي أخو أنا
بدر : والله أخاف مثل كل مرة أجي أقومك للفطور
هنادي: لا بأصير حرمة بقوم 4 العصر
أبو بدر: ما قصرتي أصلا من تجين من الجامعة وأنتي للمطبخ
هنادي: لااحرام تعب
أم بدر : بكرة لاصار عنك خمس عيال وش تسوين؟
هنادي ": وش خمسة واحد ويخب عليه زين موب نص !
بدر : حشى موب أدمي ذا
هنادي :" والله قالت أيش خمسة
أبو بدر : خلصي أكلك بس...خخخ تسكيته
................................... ............... ..................
شقة وليد :
سعد : وشذا لاعاد تطبخ لنا سحور قسم بالله أحس بطني يعورني
وليد : أحمد ربك أنت اللي قلت أبي شوربة خضار
سعد : عاد مو بها الطريقة
وليد : وأنا مرتك تسحر بس قبل لا يذن
سعد : وينا على الأذان بقوم بس أصلح لي خبزة أسد جوعي
قام سعد
وليد : قووم عبد المجيد على طريك خله يتسحر لايزعجزنا بكرة
سعد : هذا وجهي أذا قام
وليد : قله باقي خمس دقايق على الأذان وهو بيطمر لك
سعد :ههه يا نذلك ......
................................... ............... .......................
شقة محمد :
( كل شي حوسة ملابس ما غسلت مواعين من أسبوع
ما غسلها أكل على طاولة المطبخ من يومين
و غرفته ملابس في كل مكان ثوب منا وشماغ مناك حالتة
حالة كل مايقول بيجيب شغالة أهلة ينسى)
محمد جالس ايدري وش ياكل وده يروح للمطعم
بس متعيجز .. وما يمديه يروح لأهله عشان يتسحر
شرب له موية ونام ...
............................. ........................ ....................
في القصيم الساعة 3:34:
بيت نايف......:على السحور ........
نايف وسمر اللي جالسن بس وسديم نايمة ...
نايف : سمورة قلبي صبيلي موية
سمر" من عيوني وتصب له .:العيد عند عمانك ولا بنروح جدة
نايف : لا في الرياض أن شاء الله
سمر : وبيجون أهلك لرياض
نايف : أن شاء الله
سمر: نايف متى ننقل من القصيم
نايف : والله وش أسوي عارف أنك متضايقة من الجلسة
هنا ماعندك أحد بس أبوي يقول أنه مقدم على نقل
لرياض أو جدة ومتى ما نقل أنا بأقدم
سمر : يعني وين ما يكون خالي فيه بنكون معاهم
نايف : أيه
سمر : اممم طيب قدم لرياض
نايف : اااه منك تبين أهلك مو مشكلة مسألت أنقل لجدة فيها صعوبة بس الرياض أحتمال كبير
سمر : ياااااارب
نايف :ههههه فديتك
................................... ............... .......................
في جدة :
بيت عبدالرحمن :
سفرة للحريم
وسفرة للرجال
الحريم هم : أم روان وروان ونورة وشذا (أم وليد مع شهد في المستشفى )
والرجال : أبو وليد وأبو روان
روان : والله شموخ حلو
نورة : لا نورة أحسن علي
أم روان : ريحو عقوكم سامي بيسميها
شذا : وش؟
أم روان : وش تتوقعون ؟
نورة:أسم غريب ولا قديم
أم روان : لا
شذا : لا تقولين على أمه
أم روان : لا
روان :يمه قولي والله متحمسين
أم روان : بيسميها ريماس
روان :لااااااااا مو حلو
شذا : الحمد لله توقعت بسميها منيرة على أمه
نورة : حلو الأسم بس لو كان نورة كان أحلا
شذا : عشان أذبحها
نورة : نورة نورة نورة حلو غصبن عنك
شذا : خلاص لا تزعجينا
روان : شهد بتجي بكرة هنا
أم روان : أيه العصر ما تحب المستشفيات
روان : أيه والله
شذا : يعني ماراح نروح لها
أم روان : وشوله بتجي وتملون منها
شذا : لا أختي ما أمل منها
نورة : من زود النصب
................................... ............... ......................
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك