رواية ضحية رجلين -28
يحس سلطان
طلعت أول شنطة وحطتهم في الصاله
ورجعت تاخذ الثانية وطلعت وسكرت الباب
باقي الشناط حقتها
جلس على الكنبه وحطت الشنطة جمبها
وفتحتها
الحمدلله الملابس مرتبه
بس لازم تشوفها
وجلست تطلع كلها ساتره
بلايز توصل لنص الفخذ
ونفس مقاسها$
مم ألونها هادية
بيج . سكري . وردي فاتح مرة
ما تجذب كويس عشان الطلعات
فتحت الشنطة الثانية
بناطيل طقم مع البلايز في الشنطة الولى
وحجابات تناسب معها
حست أنها مالها داعي تكثر شناط
شافت أن الشنطة الثانيه أكبر من الولى
فجمعت الولى في الثانية
ودخلتهم بالقوة وسكرته
وحطتهم على جمب
باقي سلطان
أكيد شناطة ما ترتبت
راحت وفتحت الباب
وسحب شناطة وطلعت
هم كلهم 4
وباقي شنطة في الغرفة لجنان بس ما انتبهت لها
فتحت شناطة
جزم . بدل . ثياب . ملابس داخليه .
تشيرتات سبورت . بناطيل .
بجامات نوم . .... إلخ
وجلس ترتبهم عشان ماياخذ كل الشناط
وحاولت قد ماتقدر وبكل قوتها
في شنطتين
وطلعت لسلطان لبس عشان ما يرجع يحوس
شافت الساعة 6 ونص لازم تصحيه
دخلت الغرفة بس مالقته على السرير
شهقت : وين راح
سلطان طلع من الحمام : وش فيك ؟
حمر وجه جنان من الفشيلة
سلطان : صباح الخير
جنان : صباح النور
سلطان : شايفك تسحبين الشناط وينهم ؟
جنان تفشلت أكثر : في الصالة
سطان يقلد صوتها : وليش في الصالة ؟
جنان : ارتبهم
سلطان : حياتي أنتي
جنان لا رد
حس سلطان أنها منحرجة طلع من الغرفة
وطلعت وراه جنان
سلطان يقرب من شناطة بيفتحهم
جنان : لااا
سلطان تركهم بسرعة : ليش ؟
جنان بصوت واطي : مرتبتهم لا تخربهم
سلطان : كيف بألبس ؟
أبي أتروش
جنان تروح وتاخذ ملابس سلطان الي مطلعتهم
: أنا مجهزة هذي
سلطان خذهم من عندها : ههه فديتك شكلك تعبانه
في التريب
ورد وجهها : لا عادي
سلطان راح وباس راسها ورجع للغرفة ودخل الحمام
يتروش ....
انسدح على السرير :
اليوم الجو رطوبة
ماتعودت إلا على جو الرياض الصحراوي
وأتوقع انها بتجي أمطار
فتح الشباك ويطالع الناس
تذكرها
تذكرها
وينها يا ترى وش أخبارها
وش علومها من بعد ذاك اليوم
ياترى فرحت بالعيد
مثل كل الناس
ولا حزينة وجرحي لها مابرى
طيف أوصل لك أسفي يا روان
طرى له ماجد
أخوه لا مو أخوه
هذا عدو خانه مع زوجته
جميلة وش الجمال يسوي دام
إللي جوا خياس وقرف
ما يخاف على زوجته
أصلا هذي طباع ماجد
مايترك خرابيطة
وأتوقع أنها ختمها بزوجتي
جعلة الموت بس تراجع وش ذنب بنته
يموت أبوها
آآآآه يالدنيا غريبة
رجع ابتسم لذكرى روان
ماراح ينساها
غيرت رقمي
عشان أهلي
وودي أدق على روان بس أسمع
صوتها وأسكر
ياترى بترد على رقم دولي..
ولا بطنش
مسك جواله
ودق على رقمها اللي
فاتح معه
رن
تنفس بقوة
رن
تنهد
رن
يابنت ردي
رن
وجاه صوتها : الو
محمد : .....
روان توها صاحية من النوم: ألو من معي ؟
محمد : ......
روان استغربت: .............
محمد :....................
روان : الو عمى من معي ؟
محمد مسك ضحكته ما تترك حركاتها
روان طفشت : الو هاااي
محمد مسك ضحكته أكثر
روان : على تبن وطااع سكرت جوالها
انفجر محمد ضحك:والله أنك مهوية ياروينا
روان تطالع الرقم
دولي وداق على رقمها غريبة
طنشت وكملت نومها
................................... ............... .....................
في الطيارة :
قرو سلطان وجنان دعاء السفر
سطان بعد ماخلص طالع الصغيرة اللي جمبه
حس أنه معرس : جنانا
جنانه وجنانا ابتسمت : نعم
سلطان نسى : لابس خلاص
عقدت جنان حواجبها ولفت تطالع الشباك
ومشت الطيارة تستعد للطيران
لسلطان يكره الطيارت ما وده يخاف
لأن بعد جنان بتخاف أزيدها أنا
جنان قلبها يرقع من زمان ماركبت
من أول متوسط من 4 سنين تقريبا
ماقدرت تستحمل لم أرتفعت الطيارة
كتمت شهقتها
سلطان : جنان لا تخوفيني
مد يده ومسك يدها االباردة
وبعد ما استقرو بالجو
سلطان : أااوف أخيرا
جنان ساكته (ياحليلة يخاف)
سلطان جوعان وأول ماجتهم المضيفة
خذ عصير وشربه وعطا جنان واحد
شربت شوي وباقي نصة
مو لازم تشرب
سلطان : كمليه الرحله طويلة
جنان : لا خلاص شبعت
سلطان : كيفك
ورجعت جنان تطالع الشباك بهدوء
................................... ............... ...................
أأأأأأأأأأأأأأأأأأأأأأأأأأأأأأأأأأأ أا
صرخة هزت البيت
أم روان نزلت من غرفتها
ووليد طلع من الملحق ركض لجوا
نورة وروان اللي نايمين قامو
ونزلو أكيد مصيبة وحصلت
أم وليد اللي توها مخلصة صلاة العصر
ركض على مصدر الصوت
في الصالة :
شذا واقفة عند التلفزيون وماسكة فمها
أم وليد : وش فييييييييك؟
وليد لف وجهه لم شاف نورة وروان ببجاماتهم نازلين
بس وقف عند مدخل الباب يبي يسمع
شذا : مات مات
الكل : ميييييييين ؟
شذا : البطلة ماتت
وليد عرف سخافت أخته ورجع لعرينه الملحق
أما نورة وروان عطوها نظرة كلها حقد
ورواحو يكملون نومهم
أم روان أستغفرت وراحت
أم وليد : كل هالصراخ عشان هالممثلة جعلها المرض
خرعتينا وماخليتي أحد ألا جى أخر شي كذا
شا عضت على شفايفها : يوه أسفة
أم وليد : احمدي ربك أبوك مو هنا ولا كان عطاك كف يربيك
شذاتجلس : خلاص قلنا أسفين
ام وليد بطول صبر : المهم اليوم بنطلع للبيت نشوفه
ومعنا وليد بس أنتي عقاب ماراح تجين
شذا ببرود : طيب
أم وليد بتنهبل منها مشت وخلتها
وراحت للمطبخ تصلح قهوة تعدل مزاجها
................................... ............... ......................
نايف دخل للبيت معصب وراح لغرفته على طول
وما اهتم بسمر اللي جالسة في الصالة ومستغربه
سكر الباب بقوة وهو يلعن ويسب في داخلة
فسخ ثوبة ورماه على الأرض
فسخ جزمته وشرابه ونطلهم
خذ ملابسه ودخل الحمام يتروش
انتظرت سمر شوي ثم دخلت الغرفة
علقة ثوبه والجزمة حطتها مكانها
والشراب في سلة الغسيل
فتحت المكيف عشان تبرد الغرفة من الحر
جلست على السرير تتنتظرة
طلع نايف ورمى المنشفة من شعره على السرير
وخر البطانية ومتجاهل وجود سمر
انسدح بهدوء وغطا بالبطانية جسمه
سمر سحبة البطانية : وش فيك معصب
نايف: سمر اطلعي من راسي ماني برايق لك
سمر : أفا يا نايف منت برايق لي
نايف: سمر فكيني مو وقتك
سمر : لاوقتي وبتقولي وش اللي مضايقكك
نايف: بعدين تعرفين
وسحب البطانية ورجعها
سحبتها سمر : قوول
نايف بطولة بال : غصب هو
سمر : مو غصب بس قول لي
نايف: بتزعلين لو تعرفين
سمر : ما راح أزعل
نايف : نقلوني للخرج وأنا طالب الرياض
والأسبوع الجاي لازم أداوم هناك
سحب البطانية وغطى نفسة
سمر : هههههه وهذا اللي مزعلك
عادي أقرب للرياض بس يصير ساعة
يعني خميس وجمعه نكون في الرياض
عادي وين المشكلة
نايف معصب مارد عليها لأنها ماراح تسوق السيارة
لأنه بأختصار يكرة المشاوير
وأصلا عصب لأن هو وواحد معه في الشغل
قدمو من فترة نقل للرياض
وافقو على زميلة وهو حطوه في الخرج
مع أن زميله أهله في الشريقة وهو أهله في الرياض
كلم زميلة يبدلون رفض
وهو انقهر وعصب
................................... ............... .......................
بعد وصولهم للفندق
دخلو الغرفة :
حط سلطان الشناط وتنفس بقوة الجو حلو
سلطان يطالع جنان اللي بدلت في الطيارة ولبست
حجاب : جنانه شكلك حلو
جنان استحت : شكرا
سلطان : بس يمكن تفكين شناطي فيما أروح
أجيب أكل عشان ماتعصبين علي وتقولين
ليه فرغت الشناط
جنان منحرجة : اوكي
سلطان طلع يجيب لهم أكل مع ان الوقت متأخر
بس جوعااااان
جنان أول ماسمعت صوت الباب يتسكر
فسخت الحجاب
وراحت للدواليب وفتحتها
مسكت شناط سلطان
وفرغت كل اللي فيهم
ورتبتهم بعنايه عشان ما يحوس
ملابس الطلعات على جمب
والبيت على جمب
وجزمه على جمب
وهي بعد طلعت اللي في شناطها ورتبهم على السريع
لأن سلطان بيجي أكيد
طلعت بجامه حلوه لونها وردي ودخلت الحمام تتروش
سلطان دخل وحط الأكل على الطاولة
راح للغرفة سمع صوت الموية في الحمام
دور في الشناط كلها فاضية
راح للدولاب وشاف ملابسه مرتبه
خذ له لبس ولبس جوعان بياكل ثم يتسبح
طلع وقعد على الطاولة ورتب الأكل دقايق إلا جنان طالعه
وشعرها المبلول فاكته
جلست على الطاولة
سلطان قام وحرك شعرها بقوه ورجع قعد
جنان حمر وجهها وش هالحركة
سلطان : ليش أنتي هادية ؟؟!
جنان بهدوء : طبيعتي كذا
سلطان وهو ياكل : ذكرتيني بشي ذكريني بكرة أقولك
جنان :أيش؟
سلطان : كلي بكرة تعرفين
جنان مدت يدها وسمت وأكلت بهدوء
وطول الوقت سلطان يحكي
وجنان ترد بكلمة
................................... ............... .............
اليوم برد تغير الجو لبس بجامه ثقيلة
وجلس في الصالة
وهو يفرك ايده في بعض
اصابعة متجمدة
جوعان والثلاجة فاضية مارح يشتري
وفيه خمول يروح يجيب من المطعم عشا له
يا شينك يامحمد كان سكنت عند عائلة احسن
مسك بطنه اللي بدا يطلع صوت ما تحمل راح
للغرفة لبس بجامة داخلية
ثم بنطلون جنز وبلوزة سودا ثقيله
ولبس جاكيت بني دافي وله قبعة
حطها على راسة وطلع من شقته
نزل الدرج بسرعة وهو يلهث من البرد
راح لأقرب محل عنده يبيع الكروسانات بانواعها والخبز
دخل المحل وطلب له 4 كروسون جبن
2 اللحين والفطور بكرة 2 مو رايق يشتري مرة ثانية
حاسب وهو يسب في بيرطانيا وأهلها
كيف عايشين بهالجو
راح لشقته بسرعة
ودخل حط الأكل في الصالة وراح يسوي له كوفي
بعد ما أكل وخلص جى بيدق على خوية
ويسأله عن أحوال أهله للحين يدورونه ولا لا
بس تذكر فارق الوقت وهون
وهو يحس بالوحدة في هالمكان للحين ماتعرف على أحد
بس مالقى
......................... .................................. ....
في اليوم التالي :
الصباح :
الشمس خجولة متخبيه ورا السحب
والجو حلو ولا يقاوم
قام سلطان بعد نومته الحلوة والثقيلة أمس
راح للصالة لقى جنان واقفة عند الشباك تطالع
الناس .. راح له ومسكها مع كتوفها
وهي مسكت روعتها وقالت : صباح الورد
سطان : صباح الفل .. سكت شوي يتأملها
كنه بنته من قصرها بالنسبة لطولة : حبيبتي روحي البسي
عشان نطلع نفطر
جنان تحرك : طيب
وراحت للغرفة ووقف بدالها سلطان يطالع الناس من الشباك
طلعت جنان بنطلوب أسود واسع مع بلوزة طويله الأكمام بيضا
واسعة وطويله للركبه لبست حجاب أبيض وشبشب أبيض
حطت كحل أسود وروج خفيف وردي
طلعت ولقت سلطان بالطبخ التحضيري يشرب موية
حط الكاس وطالع شكلها ووجها الصغير مع الحجاب
دخل للغرفة ولبس بنطلون جنز وقميص أسود مقلم بأزرق
وطلع لها مسك يدها وراح يفطرون
بعد الفطور مشو برجولهم يتمشون :
جنان ودها تكلم أهلها ومستحية تطلب من سلطان
بس تشجعت : سلطان
لف سلطان بسرعة : عيونه
جنان ورد خدها : ممكن أكلم اهلي
سلطان: أكيد طلع الجوال من جيبه وعطاه لها
جنان بسرعة دقت على بيتهم بس محد رد
تضايقت ورجعت دقت ومحد رد
سلطان لاحظ أن وجه جنان تغير : ما ردو
جنان هز بـ(أيه)
سلطان : يمكن طالعين
جنان جت بتقول محد عندهم يطلعم بس سكتت
وردت وهي تمد الجوال:مرة ثانية بأدق
سلطان خذه ودق على أهله
ردت رغد بعصبية : نعـــم
سلطان ابتسم لأخته : السلام عليكم
رغد تصرخ لبندر : انقلللللللع
سلطان فتح عيونه : أنا سلطان تقولين أنقلع
رغد توها تستوعب الصوت : هلا السلام عليكم مو لك أنقلع لبندر
سلطان : ايه توقتعتها لي
رغد : مجنونه أنا اقول لك انقلع عشان تذبحيني
هذا أسلوب البنات مايمونون مع سلطان مرة لأنه يعصب تضايق
سلطان بس في نفسة : وين أمي ؟
رغد : نايمة
سلطان : وأبوي ولميا
رغد : لميا في الغرفة وأبوي طالع
سلطان : وتركي
رغد : يذاكر ولمى في غرفتي وبندر على التلفزيون
وأنا بخير لأنك ماسألت
سلطان انحرج : كيفكم ؟
رغد : بخير كيف جنان ؟
سلطان يلف لجنان اللي واقفة تطالع محل : بخير تسلم عليك
رغد: اديني هيا أكلمها
سلطان : بعدين المهم سلمي على الكل وطمنيهم أحنا بخير
يله مع السلامة
رغد : مع السلامة
سلطان ينادي جنان : جنان تعالي
مشت لعنده
سلطان : عجبك المحل
جنان : لا
سلطان: اوكي ناخذ تاكسي ونتمشى الجو حلو
جنان : اوكي
وقف سلطان وياشر لتكسي وهي تطالعه
هو وعضلاته اللي خفت عن أول قبل وفاة يوسف
وقف تاكسي وركبو
................................... ............... ..........
نورة واقفة على الميزان قررت بعد تفكير طويل
من بداية رمضان لحد نهايته
انها تسوي روجيم
وبعد أكل رمضان الثقيل الدسم اللي ماتتخلى عنه
ناظرت الميزان : 75
تبي توصل على ال60 بأي وسيلة
ماتبي كلام دكاترة ولا مشورة أحد
تبي تسوي الشي اللي هي مقتنعة فيه
من بكرة بتبدا
نزلت من الميزان وأخذت دفتر من دفاترها الكبيرة حقت الجامعه
وفتحت صفحة فاضية وكتبت :
الفطور : (عصير برتقال ـ ليمون ـ حليب )
سندوشة خبز بر (جبن ـ زعتر ـ لبنه ...إلخ من أنواع النواشف)
وطول روحتها للجامعة ما تاكل شي
الغدا ( شوربه بانواعها مع قطعة صغيرة من أي نوع من اللحوم)
وتجلس لم العشا (أي نوع من السلطة , مع معكرونة كمية بسيطة
بحجم الكف )
مشي يوميا 10 دقايق
كل هذا في مدة أسبوعين
شخطت بالقلم على أخر سطر وتدعي ربها يصبرها
أذا شافت شذا ولا روان طالبين من المطعم
ويطلع في هالأسبوعين نتيجة
خلاص ملت من أحد يعايرها أو يقارنها بأحد
.....................
شهد وهي تلم كل شي لها في غرفتها بعد ساعات بيجي سامي
وياخذها ...
لفت على ريماس اللي في لافافتها وباستها على خدها
وصحت فارس اللي نايم بهدوء من كثر مالعب
مع شذا الخبلة أمس
سبحته ولبسته بعدها تركته يطلع من الغرفة
لأنه ما ينمسك
طلعت لها تشيرت سماوي
ووتنورة جنز للركبه بتكسيرات كبيرة
طلعت لها صندل سماوي مسح على الارض
خذت ملابسها وطلعت عطتها الشغالة تكويها
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك