رواية ضحية رجلين -29
شهد وهي تلم كل شي لها في غرفتها بعد ساعات بيجي سامي
وياخذها ...
لفت على ريماس اللي في لافافتها وباستها على خدها
وصحت فارس اللي نايم بهدوء من كثر مالعب
مع شذا الخبلة أمس
سبحته ولبسته بعدها تركته يطلع من الغرفة
لأنه ما ينمسك
طلعت لها تشيرت سماوي
ووتنورة جنز للركبه بتكسيرات كبيرة
طلعت لها صندل سماوي مسح على الارض
خذت ملابسها وطلعت عطتها الشغالة تكويها
مرت على الصالة اللي فوق لقت روان وبيدها فيصل تلعبه
وترفعه وتنزلة وتعضضه
خلتها مع ولدها وراحت لغرفة البنات دخلت لقت نورة ماسكة
دفتر ووتأمله بهدوء .
شهد : كيف الأمورة
نورة : الحمد لله اليوم بتروحين
شهد تجلس على كرسي : ايه بس بغيت الميزان اللي كان
بغرفتي مدري وين راح ؟
نورة : هنا بتوزني
شهد : ايه أحس أني سمنانه
نورة تناظرها من ولدت فارس ماتغير جسمها ما شاء الله لأنها بأختصار
محــــــــــــــــــــافظة : لا بالعكس نسك ماتغيرتي
شهد تسحب الميزان وتضغط برجلها لحد ماجاها00
ورقت فوقة : اااااااايه شفتي قايله لك زدت
نورة : كم زدتي
شهد : نص كيلو
نورة : احلفييييييييي أجل أنا وش أقول عن نفسي
شهد ترجع تجلس على السرير : بس انا ما أحب اغير وزني
صافي على 56 ما أبي لا أنقص ولا أزيد
نورة تبي تسحب تجارب : كيف تتحملي وما يزيد وزنك
شهد : أسمعي أنا كنت مثل شذا عصلا مصلا
تزوجت وانا نفسي ماتغيرت حاولت أزيد ما قدرت
يقولي أنتي طولك 160 لازم يكون وزنك 60
ما أقدر 45 لا أزيد ولا أنقص
حملت في فارس بعد الولادة تذكرين كيف الكل انصدم من زيادة وزني
وأمي فرحت لأنها ماتحب النحف قالي سامي ثبتي وزنك
وأنا سمعت كلامه حاولت أني أقلل أقلي
خاصة من المطاعم يعني وجبه في الأسبوع تغطي على ناري
ووأكلي كله قليل الدسم رز أبيض وسلطة
في البداية ياللله عذااااب أسبوع أسبوعين شهر
شهرين تعودت وصرت أحب أكلي
نورة : طيب تمشين ؟.
شهد : أكيد خاصة وقت العشا أحس أنه وقت حلو
وقبل ما أحمل بريماس كنت أنا وسامي نروح نمشي على الشاطىء
يعني وكذا حافظت على جسمي
نورة (يالله تفرجها علي ) : يعني في أمل في شذا
شهد : أيه أصبري تتزوج بتتغير
نورة : ياحمار انطر
شهد :ههه أترك بأروح اتعدل
نورة : روحي والله يعينك على القضا
شهد : أي والله شايله همه
طلعت شهد نادتها روان : يا حلوة الأتفاق لا تنسي
شهد: ما نسيته ههه
روان : بعد أسبوع اوكي
شهد : اوكيييي
دخلت غرفتها لقت ملابسها مكوية وعلى السرير
دخلت الحمام تسبحت طلعت لبست
نشفت شعرها بالأستشوار على السريع
وربطته فرس ونزلت خصلتين على وجهها
حطت مكياج خفيف وخذت عبايتها وشالت ريماس
وطلعت تتنتظر سامي ياخذها
جنان وسلطان ثلاث أيام مرعليهم وجنان تحس براحة كبيرة
مع سلطان
يدلعها يمشيها يدلعها يعاملها برقة
كنها بيبي عنده
وبدت تتكلم معه براحة وحبته بكل مافيه
بشينه وزينه
هو زوجها ومالها غنى عنه
وتحس بقلق لأنها تدق على أهلها ما يردو
مع انهم عارفين أنهم مسافرين يعني
يتوقعو أي أتصال منها بأي وقت عشان تتطمن
بس مافي لأسألتها حل
......................
بدر من شهرين وهو معهم
مرتاح من ضحكهم ومزحهم واستهبالهم
وأهم شي طيشهم وشـ.ــــ
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الفصل الرابع والعشرون /
دنــــــــــــــــــــــــيا غريبة
..
بيت سامي :
أم سامي : خلك رجال وطلقها الحرمة اللي تطلع
من بيت زوجها ماهي بحرمه طلقها
شروق : ايوه كلام ماما صح طلقها ايش تبغى فيها
خلاص جبت عيال منها ارميها وأنا أزوجك وحدة أحلى منها
سامي ساكت
عروب : عندي صديقتي حنان مررة جمال
تعرفيها ياماما جمال والله قمر
ماضنتي في مثلها اثنين ايش رايك نخطبها لك
سامي / بأفكر
............................
جمانه تمشي في ساحة المدرسة
سمعت أحد يناديها لفت لقيتها ملاك زميلتها في الفصل ..
ملاك : جمانه وينك أدورك من زمان
جمانه تبتسم : أيش عندك غريبه تتركين شلتك وتجيني
ملاك : لابس أبيك بموضوع ضروري
جمانه بأهتمام : قولي
ملاك : تعالي نجلس على الكراسي
وتروح معها جمانه للكراسي
ملاك مرتبكة : صراحة نفسي أكلمك في موضوع وخايفة
تقولي لحد
جمانه : والله ماراح أقل لحد شي بس تكلمي خوفتيني
ملاك : اسمعي أنا صراحة عندي مشاكل في بيت
أهلي كثيرة وبابا وماما مطلقين من يوم عمري 7 سنين
وانا عايشة في بيت جدتي
وجدتي تعبانه وحالتها حالة
وفي ناس بيزوروها يوم الخميس
وما أعرف كيف أتصرف
الشغالة سافرت الأسبوع اللي فات
ولا في أحد يساعدني في البيت
جمانه : يعني تبين أرسل لك شغالتنا
ملاك : أيوه وأنتي معها لأني صراحة ما أعرف شي
جمانه : وش معنى أنا من كل البنات اللي تعرفيهم
ملاك : مدري كذا مرتاحة لك صراحة هم ما أمنهم على البيت
جمانه : يعني كيف بيسرقو شي يعني ؟
ملاك : مو كذا مم كيف أفهمك يعني هم مصالح عارفة كيف
يعني تجي لعندي ساعة وتطلع من البيت وما أعرف أنها
تروح مع غير أهلها يعني خويها والوقت اللي بيجو أهلها فيه
ترجع لعندي وياخذوها
جمانه : طيب ليش تخليهم يجو لعندك
ملاك : حاولت أمنعهم ما قدرت وإذا وقفت بوجهم دقو على البيت
وترد جدتي وتقول : عادي ياجدة أجي عندكم ملاك تبيني أجي
لعندها ولازم أستأذن منك
فتقول لها جدتي حياك الله وأنا أتورط لم تقول كذا ما أقدر أطرهم
فتكفين تعالي عندي يوم الخميس أنا واثقة منك منتي زي البنات الباقين
جمانه رحمتها : أشوف أبوي وأرد عليك
ملاك بترجي : حاولي تكفين متورطة مع اللي بيجون
جمانه : خلاص خلاص أشوف أبوي وأعطيك خبر
ملاك : مشكورة مررة بتخدميني خدمة ماراح أنساها لك ..
جمانه : عفوا
.............................
مي : بشاير بسرعة قومي بابي لا نتاخر عليه
ويروح ويخلينا مشي يلــــــــــه
بشاير تتقلب على السرير : تعبانه ماراح أداوم
مي : يعني خلاص أروح
بشاير : روحــــــي وفكيني وتغطي نفسها بالبطانية
مي : أووف منك
راحت مي تلبس بسرعة
لبست بنطلون أبيض واسع مع هاينك أبيض
وبالطو أسود طويل لحد الركبه
لممت كتبها المتناثر في الغرفة
بأهمال وخذت أقلامها وجت بتطلع بس تذكرت الحجاب
رجعت لبسته بسرعة وطلعت من الغرفة ...
ماما
أم بشاير : صباح الخير بالحلوه
مي : صباح النور وين بابا
أم بشاير : نسيتي أن اليوم يروح الساعة 7
واللحين الساعة 9
مي : مااااما لاااا ما أبي أروح بالتكسي
ام بشاير / ماعليه ماما وين بشاير
مي : تقول تعبانه يله أنا طالعة
أم بشاير : وين وفطورك
مي : بعدين ماما أفطر في الطريق يله باااااي
وتطلع بسرعة
لم وصلت الشارع راحت شرت لها كوفي حاااار
طالعت ساعتها 9 وخمس
باقي كثير على محاضرتها اللي تبدا 10
جلست على واحد من الكراسي المواجدة في الشارع بكثرة
وجلست تتأمل في الناس كلهم مشتين
أشكالهم تضحك محشوين ملابس
قرصتها معدتها من الجوع
والكوفي مايكفي
شالت كتبها ومشت لأقرب مطعم
دخلت وطلبت لها فطور
وجلست في طاولة لوحدها
دخل المحل واحد عربي شافته من قبل ويتكلم بالجوال
يا أخي لا تعطيهم وجه ,,,
عارفهم مدة وييأسون .... لا خله عندك .......
يله مثل ما وصيتك ما أبي أحد يعرف
... يله مع السلامة ..............
سكر محمد من خوية ولف على البنت اللي تطالعة
مي لم شافته ناظرها احترمت نفسها ولفت
محمد طلب له فطور ولا كأن في بنت عربيه تطالعة
وكلهم فيهم فضول يعرفون وش سالفة الثاني
مي افطرت وطلعت ومحمد افطر وطلع
والكل راح يشوف مستقبلة
ياترى محمد بيتعرف على مي .؟
ولا بيطنشها مثل أي بنت تمشي في الشارع
................................... ..........
نورة واقفة على الميزان ...
روان: ها كم نقصتي ؟
نورة بيأس : بس كيلوين
روان: كويس فيه تقدم اسبوعين ونص كيلوين
في الشهر يمكن 4 كيلو بس أنتي دامي على المشي
امشي في الجامعة لاتجلسين كثير
نورة : أمشي كل يوم 10 دقايق
روان : كل يوم 10 دقايق ما تزيدين ؟
نورة تنزل من الميزان وتجلس على السرير قبال روان :ايه ما ازيد
روان : لازم تزيدين يعني اللحين تعودتي على 10 دقايق
بكرة خليها ربع ساعة بعد 4 أيام خليها 20 دقيقة
اقعدي أسبوعين ثم زيدي خليها 25 دقيقة
وهكذا لأحر حد توصلين .
نورة : بس ما يكفي الوقت في الجامعة
روان: خلاص أنا بعد أبي أمشي نروح كل يوم
للشاطئ ونمشي هناك الجو حلو ويساعد
نورة : بس بيخلينا عمي أخاف يرفض
روان: وحنا وش رايحين نسوي نمشي
خلي عمي علي اقنعة
نورة : اوكي طيب لامتى شهد بتظل ساكته
روان : أنا كنت بأروح لها بعد شوي لازم نعرف وش
فيها لها أسبوعين عندنا ومانعرف
نورة : هي بين وسامي بينهم مشكلة
روان : أكيد بينهم شي ولا ماتركت بيتهم وجت عندنا
نورة : على طاري البيت متى بنروح البيت الجديد
روان : ما أدري بس خلصو صبغة والبلاط
باقي تروح الريحة ونركب الأثاث ونروح
نورة : كم يعني ؟
روان : أسبوعين كذا
نورة : تعرفي أنا خايف من شي ؟
روان : أيش ؟
نورة : أن أبوي ينقلني للرياض
روان : اها يمكن
نورة : ما أبي أنا تعودت أجلس هنا
روان : كم باقي لك من سنة ؟
نورة : سنتين
روان:وأمك وجمانه مافتحو لك هالموضوع
نورة : لا جعلهم ما يفتحون أبد
روان :أن شاء الله
................................... ............... ..........
في بيت تركي :
أبو تركي : يله أخصو لبسو نروح نشتري لكم لاب توب
لميا ولمى : وووووووواااااوووووووووو
ويركضون لغرفتهم
جاهم الفرج بعد طول الأنتظار
بندر : الحمد لله والشكر مجانين
رغد : مساكين من شهر وهم يبون ومسوين أضراب
لو تروح غرفتهم كلها صحون أكل
بس كذا ما يبون ياكلون معنا
وهم ياكلون في الغرفة
بندر : طيب أنا أبي جوال بعد
رغد : أقول أسكت ماعندك سالفة أخر عمرنا البزارين تمسك جوالات
بندر : ماني بزر أنتي البزر
رغد " طيب انا البزر
لميا ولمى لابسين عباياتهم ونازلين بسرعة
لميا : وين أبوي ؟
بندر : في السيارة
لميا : يله لمى نروح
وطلعو من البيت
................................... ............... ...................
جمانه : ماما والله رحمتها
أم نايف : حتى أنا بس أبوك ماضنتي يرضى
جمانه : حاولي فيه البنت طيبة وبنت ناس
بعدين في أبها كنت عادي أروح بيوت صديقاتي
وش يفرق اللحين .
أم نايف : بس نايف بيجي الخميس هنا
جمانه : ماراح يضركم تجتمعون بدوني
أم نايف : أسمعي أنا بأقول لأبوك أذا وافق زين ما وافق
مالي دعوى لاتحنين على راسي أبوك وكلمته
جمانه : متى بتقولين له ؟
أم نايف : اليلة بأكلمة وأشرح له وضع البنت
جمانه : ترى ماراح أطول أروح العصر وأجي هنا العشا
أم نايف : يصير خير
................................... ............... ...............................
جنان تصحي سلطان لدوامه:سلطان قوم أذن العصر
سلطان يفتح عيونه وبصوت ثقيل : طيب طيب
ويرجع يسحب البطانية وينام
جنان: سلطان قووم دوامك
سلطان : طيب
جنان : طيب لا متى يله عاد لا تخليني واقفه يله قوم
سلطان وخر البطانية وقام يسحب رجوله للحمام
غسل وتوضى وطلع بسرعة للمسجد
صلى ورجع للشقة لقى
جنان نايمة على كنبه في الصالة هذا حالها
تجي من المدرسة تطبخ الغدا وترتب البيت
أجي أنا أتغدى بسرعة وأنام وهي تجلس لحد أذان العصر
وتصحيني للدوام لم أروح هي تنام .
حركها : جنون قومي روحي للسرير
لا رد
هزها بشويش : جنان قومي نامي على السرير
بيتعبك الكنب
لا رد
حس أنه بيتأخرعلى الدوام
راح لبس بسرعة وشال جنان وحطها
على السرير ولحفها وطلع بعد ماسكر اللمبة والباب
وراح يشوف شغلة
................................... ............... ...........................
لميا شرت لاب توب dell لونه فوشي
ولمى مثلها بس لونه أحمر
................................... ............... .........................
طق طق طق
شهد : أدخل
دخلت روان : هلا شهودة
شهد : هلا روان تعالي ..وزحفت لها مكان جمبها
روان راحت جست جمبها : شهد عارفة ليش جاية
شهد : عارفة
روان : طيب ممكن اعرف وش السبب
شهد : أنتي عارفة مفروض ما تسألين
روان : طيب وش صار بالضبط اللي يخليك تطلعين من بيتك ؟
شهد : بس اللي خططنا عليه ماصلح ولاحرك فيه شعره
وقال : ترى ما أحب هالحركات وكبرنا عليها خنقتها العبرة ...
روان : يعني باقة الورد والهدية رفضها
هزت راسها ب(إيه )
(شهد لم رجعت لبيتها بعد النفاس ...
جلست كذا يومين وراحت تشتري هدية لسامي وورد
عشان تفاتحة بموضوع أمه وحياتهم
لكن لم جى الوقت الموعود وعدلت نفسها
ووقدمت له الهدية ووالورد
قال : ما أحب هالحركات وكبرنا عليها
طبعا شهد تحطمت لكن ما سوت شي غير أنها سكتت
بعد يوم فتحت معه الموضوع وهوشها
بعد مدة جا وقالها سالفة النقل اللي بدون سبب
وتهاوشو )
روان : طيب مو لهدرجة ماقدرتي تمسكين عمرك وتهاوشتي
معه
شهد : جاي يقولي بدون مقدامات بننقل لعند أمي
وبنبيع البيت
وتخيلي حتى فلوس البيت بيعطيها لأمه
وأحنا نجلس في جناح في بيت امه
لو ان أبوه حي ما رضى باللي تسوية مرته
خير والله البيت مليان وفيه أخوه وماتزوج
ماني فاضية أتغطى على الرايحة والجاية
وأصلا يكفي خواته ما اطيقهم
كل وحدة لسانها أطول من الثانية وما يحشمون أحد
لا القريب ولا الغريب حتى انتي ضايقوك
أجل كيف أنا ؟
وكل شي أمه تدخل فيه
أنا ما كنت أبي أسمي ولدي فارس
بس أمه تبي كذا
وريماس خواته اللي مسمينها
حتى أثاث البيت لم يجون لعندي
يتدخلون فيه
شيلي هذا وحطيه هنا وحطي هذا هنا
من فترة صار سامي يدق على أمه يستأذن منها
عادي أوديها لبيت أهلها
خير وش هالعيشة قرفت
قرفت صبرت صبرت صبرت لم أنفجرت
والله ماصرت أطيقة ما أطيقة
ونزلت دموع القهر من عيونها
روان انصدمت كل هذا في شهد وساكته
كملت شهد بصوت متقطع : عطاني كف عشانها
جعلـ..ها الم...وت
روان بسرعة : لا لا تدعين عليها
شهد : لا بأدعي لأنك ما شفتي شي
شي يقهر
أنا أبي الطلاق ولا يجي يعتذر لي قدام عماني وأنه ماعاد
يمد يده وانا نسكن في بيتي أنا مو بيتها
روان : هدي هدي وأنا بأتصرف.
................................... ............... .................................
جمانه تطلع من غرفة أبوها : الحمد لله وااافق وواو
خلني أدق عليها أبشرها
وتدق على ملاك
ملاك : هلا وغلا
جمانه : أهلين افرحي خلاص أبوي وافق
ملاك : ووووووواو أحلفي
جمانه : ههه والله وافق بس ماراح أطول أرجع العشا
ملاك : ماعليه بس متى بتجين بكرة ؟
جمانه : أول ما يذن العصر بأجي
ملاك : تكشخي العجايز كثار يمكن يخطبونك
جمانه :ههه تخيلي أتزوج
ملاك : مصيرك تتزوجين يله أتركك جدتي تناديني
جمانه : يله مع السلامة
ملاك : مع السلامة
سكرت ملاك من جمانه ودقت على ياسر : هلا ياسر
ياسر : هلا ها وافقت
ملاك : ايه بس بتروح العشا يعني قل لخويك يستعجل
ياسر : ومتى بتجي ذي عندك ؟
ملاك : العصر
ياسر : ومتى بيجون الحريم لعند جدتك ؟
ملاك : بعد المغرب .
ياسر : خلاص أنتفقنا باي
وسكر
تأففت ملاك وقامت تشوف العجوز اللي مبتلشة فيها
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك