رواية ضحية رجلين -36
رمت مي جوالها على السرير بملل وخذت منشفتها ودخلت الحمام
توضت وطلعت تصلي الظهر ..
ورجعت دخلت الحمام تاخذ لهال شور على السريع ..
طلعت من الحمام ولبست نفس الملابس الصبح
وراحت للمطبخ شربت موية وخذت الفلوس اللي على
الطاولة وطلعت من البيت
وتحس بالجوع بيقطع بطنها
الساعة : 4:10
ودخلت المطعم وطلبت وجبة دسمه تشبع معدتها الجوعانه
بعد ما خلصت وبالأخص شبعت
قامت بسرعة راجعة البيت خافت تشوف الشباب اللي في الصباح
أو السعودي اللي ماتعرف عنه شي ,,,
وصلت للباب البيت بس ليش تدخل ما عندها شي جو
واهلها كلهم طالعين ,,
مالها الا تتمشى طرت على بالها سبا ودقت عليها :
سبا : السلام عليكم
مي : وعليكم السلام كيفك وكيف الماما
سبا : تمام وكيفك انتي
مي تقلدها : تمام أقول فاضية
سبا : إذا طلعة خليها في الليل اللحين اسمحي لي مشغولة مرة
مي : آه منك بالليل ما اقدر طيب بس ساعة نتمشى مع بعض
سبا : سوري مو بيدي
مي : مالت عليك يله باي
سبا : باااي
سكرت مي من سبا واشرت لتكسي ووقف
وركبت ما كانت تعرف وين تروح
بس قالت له يمشي وبس ,,,,
مشت حوالي خمس دقايق ووقفته ودفعت الحساب
ومشت ,,,
ما عندها هدف معين بس بتمشي ,,,
ودق جوالها طالعته وردت : هلا سبا
سبا : مم زعلتي ؟
مي : ايه
سبا: أحسن هذا اللي ابيه ههه
مي : يالخايسة توقعتك بتقولين بأجي معك ..
سبا : لا بس كنت بأقولك تجين بيتنا الليلة
مي : وش نسوي في البيت
سبا : بنصلح عشا أنا وانتي وناكله ونطالع فلم سهره يعني
مي : مم اوكي خلاص اجيك بس متى
سبا : 7 ونص تعالي ,,
مي : اوكي على الموعد
سبا : باي
مي : باي ,,,,,
وجلست مي تدور في الشوارع لحد ما ملت ورجعت للبيت
وجلست ترتب نفسها ووش بتلبس في بيت سبا
لحد ما جو أهلها وجلسو يسولفون لها وش صار عند السورية ....
................................... ............... ................................... ...........
روان : يله ماما روحي معنا
أم روان : لا والله أنتي تعرفين مقاسي وأي شي يناسبني جيبيه
بس لاتكون الوانه غريبة
روان : طيب خالتي تعالي معنا ,,
أم وليد : لا والله عندي جلابيه مفصلتها 2800 ما لبستها
إلا مره بألبسها
شذا : أقول يله بس نمشي تأخرنا
نورة تصلح نقابها : يله
وطلعو البنات مع السواق ,,,
في الطريق ...
شذا : وليد أمس كلمته يقول يمكن يجي بالطيارة الاسبوع الجاي
بيجلس يومين ويرجع..
روان : للحين ما خلص الجامعة
شذا : باقي له شوي ويتخرج ,,
نورة : الله ييسر له المهم ترى نهاية الاسبوع رايحين
للبيت الجديد ..
شذا : ايه أمس أبوي يقول راحت ريحة الصبغة
روان : يوه أنا اكرهه ريحة الصبغه تجيب الصداع ,,
شذا: حتى أنا ووواع اتقرف منها
وجلسو يسولفون لحد ما وصلو السوق
عند البوابه ,,,
نورة : روان غريبه ما جبتي فيصل
روان : لا عادي ما راح اخذه
شذا : غريبه
روان في نفسها:(والله ماتدرون انه سافر) : عادي يله بس لايضيع
الوقت علينا ,,,
شهد : بأروح يعني بأروح
سامي : لا مافي روحة ومن يقعد عند ريماس ’’’
شهد : بأخذها معي ولا أمك تقعد عندها بس انا بأروح ..
سامي : أمي مو شغالة عندك ..
شهد : ما قلت شغالة بس عرس ولد عمي مسكتها تمسكها هالمرة
وش وراها ,,
سامي : ناس ما يقربون لك ليش تحضري العرس ,,
شهد : أبي اطلع اوسع صدري ماتحس أنت
سامي ينسدح على السرير : مافي روحة لا تناقشيني ,,,
وصحيني بعد ساعة ,,,
شهد : اوووف وش هالعيشة القرف ,,
وتطلع من الغرفة بعد ماصفقت بالباب بقوة ,,,
ونزلت للصالة,,,
شروق : شوي شوي على الباب بغيتي تكسرينه
شهد واصله معها : أكسره أحرقة كيفي أنتي انطمي واسكتي
شروق : أنا تسكيتني من تكونين
شهد :أنا بنت(,,,) وإذا عندك شي تكلمي
شروق : ههه مسكينه ما تدرين أن سامي بتزوج عليك
شهد: يتزوج إن شاء الله مية حرمة علي قلعة تقلعة وانتي معه
شروق: مسكينه شكل سامي مطلع عبيدك .
شهد : احترمي نفسك وإذا شي بيني وبين سامي إنتي مالك دخل فيه ,,
عورب تطلع من غرفتها لابسه عبايتها
ولافه الطرحة وتنزل من الدرج : اووف من جت هالعلة وكل شي هواش
اسكتو ترى ماما نايمة ,,
(نسيت أخبركم عمر الأخ اللي بعد سامي 24 سنه وهو في مكة
خلص دراسه وبيرجع قريب بعدين شروق عمرها :23 سنه
وبعدها عروب 20 سنة)
شروق : وانتي وين طالعة ,,,
عورب : وانتي ماما حتى تعرفي..
شروق : لا بس أسأل ..........
عروب : مرة ثانية ما تدخلي .....
وبتطلع من الباب ,,
شهد : والناس تطلع كل هالمكياج يحطونه
لو إنك رايحة عرس ,,
عروب : أنتي ما تدخلي فاهمة ,,,
شهد : اطلعي بس ,,
عروب : أصلا أنا طالعة ما يحتاج تقولي ...
وتطلع من البيت ,,
جت أم سامي بعد ما صحت : وشفيكم ليش كل هالأزعاج؟
شروق : لابس شهد فيه أكيد بيكون إزعاج ,,,
أم سامي : وانتي متى بتفكين شرك عن الناس..
شهد تقوم : متى ما تعلمتو تحترمون الناس ...
شروق: ايش قصدك يعني !؟
شهد تمشي : اللي يجي في بالك ..
شروق : حقيرة ,,,,
وطاااااع
وصوت صياح فارس ,,
ركضت شهد بسرعة وكان فارس طايح من الدرج
شالته بسرعة : بسم الله عليك بسم الله عليك
وصياح فارس قوي ,,,
ام سامي : هذا أنتي ما تهتمين فيه
شروق:هيه ولد أخوي
شهد ماتسمع كلامهم رقت فوق لغرفتها ,,
دخلت وقام سامي من صياح فارس ,,
شهد : اوش ماما اووش حبيبي ..
سامي :وش صاير؟
شهد : قوم لبس شكله طايح عند الدرج
قووم نوديه المستشفى صياحة مو طبيعي ,,
سامي لبس ثوبه بسرعة وشهد لبس عبايتها ونزلو بسرعة
شهد : انتبهو لريماس لا تصحى ومحد عندها
أم سامي : روحي بس جعلك ما تردين
شهد ما هي رايقة ترد عليها وطلعو راحين للمستشفى
وطول الطريق فارس ما سكت ,,,,
وصلو للمستشفى ,,
ودخلو على طول على الدكتورة ,,
وسو له أشعلة بسرعة وتبين أن عنده في رجله
اليسار متشعره ,,
جبسوه ,,, عقب خف صياح فارس :
في السيارة :
سامي:كيف طاح ..
شهد : ما ادري شفته طايح عند الدرج ويصيح
شلته وقومتك أكيد طايح من الدرج ,,
سامي : وأنتي وينك عنه ..
شهد : وأنا بقعد الاحقة 24 ساعة ليش الشغالة موجودة
وهذي مهمتها بعديين فارس ما يقعد في مكان طول الوقت يدور ,,
سامي : ولا تبين تروحين العرس..
شهد ارتفع ضغطها بس سكتت ..
وصلو للبيت وكان السواق واصل ونازلة منه عروب ,,
سامي يفتح الباب ويدخلون ...
في الصالة :
أم سامي : وش صار فيه ؟
سامي :رجله اليسار متشعرة ..
أم سامي :ويه ياعمري عليه كله من زوجتك اللي تاركه عيالك
في كل مكان ماتراقبهم
شهد تطلع فوق ..
سامي لف على عروب : وانتي وين كنتي فيه ..
عروب : طالعة مع صاحبتي حنان فيها شي ؟
سامي : وكل هالمكياج ؟
أم سامي : سامي عروب بنتي وتسوي اللي تبي مالك دخل فيها ..
سامي يطنش أمه : ووين راحين .؟
عروب : رحت لبيتها ,,وتطلع لفوق ,,,
سامي: انتبهو لها كاثرة طلعاتها هالأيام ..
أم سامي : قلت لك بنتي وتسوي اللي تبي ,,
سامي : طيب فهمنا
ويرقى فوق دخل الغرفة ..
فسخ ثوبه ورماه على شهد : علقيه ..
طالعته شهد : خير إن شاء الله وش شايفني ..
سامي ينسدح على السرير : شايفك زوجتي ,,
طالع فارس اللي نام وآثار الدموع على وجهه
باسه على خفيف وقربه لمه : شهد تبين تخلينا نرجع لبيتنا
جلست شهد على السرير : ياليت ,,,
سامي :عاملي اهلي زين ونرجع للبيت ,,,
شهد : بس أهلك أنا أعاملهم زين ,,,
سامي : اسمعي أخوي بيجي بكره البيت
فياليت ما تطلعين كثير من الغرفة ,,
شهد : من جدك أقعد طول الوقت في الغرفة ؟؟!
سامي : ايه وعمر خلاص بيجلس هنا على طول ,,,
شهد : سامي من جدك!
سامي : ايه من جدي
سكتت شهد تمشي له الموضوع ثم قالت :بكرة بأروح لأهلي
سامي : عقاب لك مافيه
شهد : أحسن ما أبي ....
................................... ............... .............................
سبا ومي يطالعون الفلم جتهم أم سبا : حبايبي ممكن تقصرون على
صوت التلفزيون
سبا : تقصر على الصوت
أم سبا : ماما مي متى أهلك بياخذونك
مي : لسه خالتي الساعة 10 بابا بيجي ياخذني 11 ونص
أم سبا : لا بس خفت ترجعي لوحدك .
مي : لا مستحيل بابا يخليني ..
أم سبا تدخل غرفتها ...
وكملو البنات سهرتهم ..لحد ما جى أبو بشاير وخذ مي
................................... ............... ...............................
نورة لبست الفستان اللي شرته اللي لونه ليموني :ها حلو ..
روان : حلو بس يبي لك مكياج ثقيل
شذا : أصلا دايم تحط مكياج ثقيل
روان : يله اطلعو بالبس فستاني ,,
وطلعو البنات لبست روان فستانها اللي لونه أحمر
ضيق مره لم الخصر بعدين نفاااش لحد الركبه والظهر طالع نصة
فتحت للبنات ...
شذا :واووو يجنن
نورة : مره حلو ..
شذا : ايه ايىء اهئء أنا مسكينه
روان : ياعمري والله نروح بكرة ندور لك فستان
شذا: ماراح أدور بألبس فستان ملكة هنادي
روان : ايه البسيه عادي محد شافه..
شذا :خلاص بألبسه
روان : متحمسة مره للعرس
نورة : حتى أنا ............
فسخو نورة وروان الفساتين وجلسو يسولفون
أم وليد تصارخ من تحت : بناااااااااات تعالو
البنات ركض على تحت
شذا : وش صاير؟؟؟
أم وليد : عندي لكم خبر ..
نورة : وشو خالتي لا تعذبينا
أم وليد : تخيلو بنت أم ثامر انخطبت..
روان : وواااااااااااع
نورة : أي وحدة وسن ولا رنا ؟؟
أم وليد : رنا
شذا : ههه ومن خذها المسيكين
ام وليد :من تتوقعون خاطبها ..
نورة : مييين؟
أم وليد : سعد صديق وليد
لفو البنات على شذا ..
شذا : بسم الله وش سويت؟؟
نورة تصرف :ومتى خطبها ؟؟
أم وليد : مدري سمعت أنهم يقولون خطبها
روان : خلاص ملكو
أم وليد : لا بس خطبه ...
نورة : الله يعينه بلشة وابتلش فيها
روان : الله يعينه عليها هذي مو وجه زواج
أم وليد : بتحشوون في البنت روحو عني ..
ورقو البنات فوق مو عشان الحش عشان شي ثاني
دخلو غرفتهم ,,
نورة: شذا ياعمري سعد بيتزوج..
شذا : طيب
روان: ذاك اللي طلعتي بوجهه
شذا : ايه أذكره طيب
نورة: يعني ما انقهرتي لم خطب
شذا : هيه أنتم وانا كل من بأشوفه بقعد أفكر فيه عز الله اللي بأموت
بعدين أنا ما حبيت سعد صدق انه شافني بس هذا ما يعني أني تعلقت فيه
حمد الله وشكر هذا طبع الناس لا شافها واحد حبته على طول
عادي كنه وليد عندي ,,,
روان : يا حليلك يا شذا قمتي تقولين كلام كبار ..
نورة : شذا في وقت الشدائد تقول حكم..
شذا: احم احم من قدي ..
نورة : أقول يله بس كبرنا راسك
شذا : مالت عليك ...........
هنادي : سلمان خلاص خل بدر لا تراقبه
أحس أني أشغلتك
سلمان:خلاص أنا بأشوف لي يوم مناسب وأكلمه ..
هنادي : يعني بتواجهه
سلمان : ايه فكرت ومافي أحسن من هالحل ,,,
هنادي : خلها بعد اسبوع خلاص
سلمان : على راحتك,,,
هنادي: سلمان ممكن أعرف شي ؟؟
سلمان: وشو ؟
هنادي : ليه نجود تكرهني
سلمان : هذي بزر ومتكبرة عسى ما ضايقتك
هنادي : لا ما ضايقتني بس كذا أبي أعرف..
سلمان : لا تفكرين فيها كثير هذي أخلاقها كذا من يومها
في بطن أمي وإذا ضايقتك بشي قولي لي وأنا بأوقفها عند حدها
هنادي: اوكي ,,,
وجلسو يسولفون
................................... ............... ..........................
مرت الأيام ...
وجى يوم زواج مشاري ...
البنات كلهم اجتمعو في مشغل واحد
وتتعدلو ثم تفرقو لبيوتهم
عشان يلبسون ..
ثم راحو للقاعة ....
الرجاجيل كلهم راحو (أبو وليد وأبو روان وأبو تركي
وتركي وبندر وسلطان)
والحريم دخلو مع بعض للقاعة ..
بعد مافسخو العبايات...
روان: نفس فستاني ..
جنان : ههههه صدفة ..
أم روان : طالعين كنكم خوات
روان : هههه والله ماقلتي لي إنك مثلي
جنان:وأنا ايش عرفني إنك مثلي
أم تركي: يله عشان ندخل مع بعض..
لميا : نورة فيك شي متغير
نورة:مثل ايش ؟
لميا : ناحفة
نورة:والله مشكورة أول وحدة تلاحظ...
لمى : ليه مسوية روجيم
نورة :احم احم ايه..
رغد :شذا شهد ما راح تجي
شذا : لا دقت تقول أنها تعبانه
رغد: يله شوفي مشو البنات..
وراحو دخلو كلهم وبعد السلام تجمعو البنات كلهم على طاولة وحدة
لمى : بنات كم الساعة مالبست ..
شذا : الساعة 11 ونص
لمى : تتوقعون متى بيزفون ؟
جنان : يمكن 1 12 ونص
لمى : ياليت 12 مالي خلق فيني النوم
روان : جنان قومي نرقص الكل قايم يرقص
جنان : لا استحي ...
روان : وش تستحين قومي بس
جنان : لا ما أحب ارقص
روان : أنتي لابسه مثلي خلينا نرقص مع بعض
جنان : بأشاور سلطان قبل
الكل : ههههههههههههههههه
جنان حمر وجهها: بنات بااس
شذا:ههههه وش عندك تشاورينه ؟؟؟
جنان : لازم أشاوره في كل شي
لمى : ياربي على الطاعة لو تقولين له اللحين بيضحك عليك
جنان تطالع جوالها وتنطشهم وتكتب رسالة:
(سلطان بيت عمك تبيني ارقص معها عادي أقوم؟)
دقيقة وأرسل (إذا شذا لا ترقصين خبلة وإذا غيرها عادي)
ابتسمت جنان
لميا : هههه الحمد لله والشكر ها وافق
جنان تحط الجوال في شنطتها الصغيرة وتقوم : ايه
وتمشي مع روان ويرقصون
الكل كان يطالعهم عشانهم نفس الفستان ...
وبعدهم البنات قامو يرقصون ...
الساعة 1 زفو البنت أول وبعد نص ساعة دخل المعرس
وأبو العروس وأخوان العروس 3 وخالها وعمها ..
شذا اللي ماتقصر : لمى شوفي ذاك
لمى :أي واحد
شذا : اللي شكله أصغر واحد
لمى : اللي يطالع الحريم
شذا: ايه ههه ماخلى أحد مايدري أن الكميرا تلقطه
لمى : أحسن ينفضح عند أهله
شذا : تتوقعين كم عمرة ؟
لمى : ما ادري بس يمكن 19
نورة تسكتهم : بـــس لا أحد يسمعكم تحشون
شذا :طيب خلاص بنسكت ..
على الساعة 4 الفجر حطوا لعشا ,,
تعشو البنات بسرعة وطلعو الكل راح لبيته وكانت الساعة حوال 5إلى ربع,,
نورة وروان وشذا أول ماوصلو جلسو يصورون نفسهم
بعدين نورة تبي تبدل بالغرفة فطلعو البنات
وشذا راحت تبدل بغرفة شهد سابقا ..
وروان نزلت للصالة تنتظر ..
كان البيت مظلم تقريبا الكل نام ومابقى إلا البنات
مسكت مجلة وحطت رجل على رجل ومتقرفة من نفسها
تبي تبدل بسرعة ماتحب تجلس بفستان مدة طويلة ..
فتشت المجلة بسرعة ورمتها على الطاولة القريبة وقامت أول ما رفعت راسها
طالعت باب المطبخ
شهقت وطاع طاع بالكعب ركض لفوق أول ما وصلت للغرفة حاولت تفتحها
ما قدرت لأن نورة مسكرته .. وأول ما خلصت نورة فتحت الباب
دخلت روان بسرعة : فيه رجال تحت
نورة طاح قلبها: من هو؟
روان تلهث : مدري روحي شوفي ..
نورة : بايعة عمري تعالي معي
روان :لا روحي أنتي
نورة : بأقول لشذا تجي
روان : لا شذا خوافة مارح تنزل ..
شذا تدخل عليهم : وش فيكم ؟؟!
نورة : تعالي سحبتها وسكرت الباب ..
شذا : آآآه عورتيني وش صااير ؟؟
روان : في رجال تحت ,,
شذا : ها
نورة: مدري روان نازلة تقول شافت رجال...
شذا : رجال يعني له رجول ويدين وعيون وخشم
روان : شذا بلا استهبال شوي وأموت من الخوف
شذا : وين شفتيه ..
روان : كنت جالسه في الصالة ولم جيت بأقوم أشوف الرجال اللي عند باب
المطبخ..
شذا: يماااه شفتي وجهه
رووان : مو واضح ظلام تحت ..
نورة تتمسك في شذا :والله خاااايفة حرااامي
شذا : هيه حتى أنا يمكن يسرق الثلاجة
روان : بس كيف دخل للبيت ؟؟؟
نورة : أنا أخر وحدة دخلت مدري خوالي سكرو الباب بعدي ولا لا ؟
شذا تحرك رجولها على الأرض : آآآآآآآآآآه يامممممماي
روان :اووووص الكل نايم
نورة تجلس على السرير : قومو خوالي يشوفون من هو ؟؟
شذا: ماراح أتحرك من الغرفة لو على جثتي
روان تستقوي : بنات بأنزل أتأكد ..
نورة : وش تتأكدين حرامي أكيد
روان : بس يمكن مو حرامي
شذا عاضة على شفايفها
نورة : وش قصدك ؟
روان" شوفو الساعة 5 وعشر يمكن جني
شذا:لاااااااااااااااااااااا
سكرت فمها روان :اوص
نورة: شوي ويذن الفجر نصبر نص ساعة
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك