رواية ضحية رجلين -48
شهد تكلم وليد اللي جالس في دوامه ..
وليد : ناس فاضية وداقة تزعج
شهد : حرام عليك بس أبي أعرف شي
وليد : وش قولي
شهد: وش شعورك وملكتك بكرة ...
وليد : شعوري مثل أي شعور مواطن سعودي
بيدخل القفص الذهبي
شهد : أحلف جد والله وش شعورك
وليد " أكيد فرحان وش رايك .
شهد : طيب ما تحس أنه غلط يوم الاحد ملكه
وليد : لأنها مختصرة خليناها الأحد
شهد : طيب
وليد : طيب ضفي وجهك وروحي شوفي عيالك
أحسن تلقين فارس موسخ على عمره
وريماس تصايح جوعانه تب حليب
شهد : مالت عليك يله مع السلامة
وليد : مع السلامه ...
ما راح نروح بعيد .. عند روان ....
تكتب لمحمد :
(( ملكتي بكرة لا تحاول تدق على جوالي لأني غيرته
وأنت بأحذفك ...
تبي تسمع عن أخبار فيصل دق على أبوي وعندك رقمه
وإذا ضاع هذا هو 0555******
أنساني ولا تفكر فيني لأني خلاص على ذمة رجال ثاني ...*))
رجعت تقرا اللي كتبته حست كلامها رسمي مره وأحسن شي كذا
أرسلته على أميله وعلى طول حذفته من عندها .....
وأرتاحت منه ومن ذكراه ....
................................... ............... ............................
ندى : أنا عندي محاضره أتأخر عشان تقهر غيرها
أم سلمان : أنتظري المحاضره ما بتطير
ندى : حلوه يمه هذي
أم سلمان : روحي أعتذري للنجود زعلانه من الصبح
ندى : لو تنطبق السماء على الأرض ما أعتذرت ...
أم سلمان : لا تخليني أزعل عليك
ندى وهي معصبه : ازعلي علي أما نجود تغلط علي ما تخلينها
تعتذر لي وأنا لا حرام أزعلها بشي
مدلعتها على الأخر ..
وهي ماشيه من عند انها وتقول :أزعلي علي كيفك !
سلمان : خلاص يمه ترى نجود وندى مو أول مره يتخالفون على شي
أم سلمان : كله من مرتك من دخلت هالبيت والمشاكل جت معاها
سلمان : الله من الكذب ترى ما كملنا أسبوع من جينا ...
أم سلمان : حتى ولو ..
سلمان : وش اللي حتى ولو مرتي ما تدخلت في شي من جت
لا تدخلينها في أشياء مالها دخل فيها
سكتت أم سلمان
................................... ............... ...............................
أم وليد : وين ثوبك جبيته من المغسله
وليد : يا يمه كم مرة سألتيني
أم وليد : ولو الحرص زين ...
وليد : والله شوفي .. ويفتح الدولاب ويطلعه : ها أرتحتي .
أم وليد : زين نام اللحين عشان ما يتخ وجهك بكرة
وليد : يايمه الساعة 9 وين أنام معه ..
أم وليد : نام عشانك بتقوم من الصبح ...
وليد : يمه انا قايم اصبح قايم وراي دوام يعني لا تتعبين نفسك ..
أم وليد : طيب تبي شي ..
وليد يتنهد من حرص أمه : سلامتك
تطلع أم وليد من غرفته ,,,
,,,,,,,,,,,,,,,,,,,,,,,,,,,,,,,,,,, ,,,,,,,,,,,
بكرة ملكتي
أنا خايفة مرة ..
أخاف ما يعاملني زين أنا وولدي
خاصة أني متزوجة ومطلقة
والله أخاف يصر علي كيف تطلقت ساعتها
كيف بيكون ردة فعله ..
طبعا مستحيل أقول له ,,
بأطيح من عينه ..
وخايفة من محمد يغار من وليد ويسوي لي شي ..
والله أكرهه هالأنسان ..
على كل اللي عطيته تركني ..
صدق ما يستاهل ..
لو أني متزوجة بدر كان أحسن ...
حسيته تحطم لم رديته بس الحق كان معي كان متقدم لي واحد
قبله ..
معقولة للحين أنا في خاطرة ولا خلاص تزوجت وتطلقت وجبت ولد
ما عاد أنفع له ...
صحيح تذكرت جمانه ليش في العرس تسأل عنه
وعن أخلاقه ..
معقوله يعرفون بعض ؟
لا جمانه مو راعية هالحركات وحتى بدر كذا ..
ياربي أدور أي شي أشغل نفسي فيه لبكرة ..
أحسن شي أنام ...
قامت وطفت لمبات الغرفة ونامت ..
................................... ............... ...........................
محمد يدعي من قلب : الله لا يوفقك ياروان معه
مالقيتي إلا ولد عمك الكلب والله ولك يوم يا وليد
مع روان وأنا ما اكون محمد أن ما فرقت بينكم
يا عيال الكلب !!!!
الساعة 4 الفجر ...
جمانه تقوم منزعجة تلف على جوالها اللي رن بكذا رسالة ورا بعض
أكيد هذي وحدة من البنات الله يزعجها ...
مسكت الجوال لقت 4 رسايل ....
الرسالة الأولى : (هاي جمانه ياليت تجيبي دفتر الأدب ضاع
حقي وأبي أصور حقك ..))
جمانه : اوف يا دانه من جد وقت غلط ترسلين فيه ..
الرسالة الثانية ::(صباح الخير يا يا يا يا يا يا يا يا يا
ياللي تشاركني في طولي ..))
ضحكت جمانه رغم أنها مو رايقة :" هه جد نهاد أنك رايقة
ردت عليها :(صباح النور جد رايقة على الفجر نامي بكرة دوام))
فتحت الثالثة : ((بكرة ملكتي .. أدعو لي ..))
جمانه : يا حياتي يا روان ,..
الرسالة الرابعة : ( أحبك)
وأرسلت لها : ( وانا بعد أحبك أكثر ))!!!!
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الثلاثون ...: والأخير ................................... ...
ما فــــــــــــــــــــــــــــــــــ ــــــــي أحد مرتــــــــــــــــــــــــــــــــ ـــــــــــــاح ...
.. .. .. .. .. .. .. ..
بعد مرور شهر كامل .....
.
.
.
.
.
.
روان في السوق مع شهد ..
روان : ياربي باقي شهر
شهد : طيب يمديك ..
روان : كلمت المصممة تقول باقي لها فستان ما خلصته
شهد : كم عطيتيها أنتي
روان : 3 وقلت لها تستعجل عشان إن كان فيه تعديل
يمديني أعدله ودبلت لها المبلغ ..
شهد : خلاص لا طلعنا من هنا نمرها نشوف اللي خلصته
روان : طيب باقي لي كم عطر بأشترية ونطلع ...
شهد :يله قبل ما يذن العشا ...
................................... ..............
لميا : تحسونه وقت غلط زواج روان قبل الاختبارات النهائية بأسبوعين
أم تركي : إلا احسن وقت الحجز فاضي
لمى : أيه أحسن عشان الأجازة بتكون عزايم لهم
أم تركي : الله يعين ...
لميا: ترى بأصبغ شعري
رغد : أي لون ..
لميا : مدري على حسب فستاني ...
رغد : ما عجبك الأحمر
لميا : لا الظهر كله مفتوح ما أبيه
أم تركي : لكم للأسبوع الجاي تختارون ولا والله
لميا: لا تحلفين علينا الأربعاء نروح السوق وعد
أم تركي : ما ينفع معكم إلا العين الحمرا ..
.................................
جمانه ترسل لها : (( يا حلوه من أمس ما أرسلتي شي وش صاير؟؟))
دقايق جتها رسالة : (( كنت مشغوله أسفة ...كيفك ..؟ ))
ردت جمانه: ((تمام .... شخبار الجامعه ))
ردت هي : ( والله تعب ...))
واستمرو في الرسايل !!!!
................................... ............... ................................... .
روان تدور بالفستان: ها حلو .؟
شهد : يجنن
روان : لا شوفي يبي له تعديل شي
شهد : لا ضابط على جسمك ..
روان : الحمد لله طلع زين ..
شهد : الحمد لله يله نروح الساعة اللحين 9 ما يمديني
أطبخ العشا
روان: السواق برى ولا روحتيه
شهد : لا برى يله بدلي أنتظرك ....
...بدلت روان .. وطلعو ..
أول شي شهد راحت لبيتها وروان رجعت للبيت ...
شهد تدخل مستعجله بدلت وشافت العيال وراحت للمطبخ على طول ...
سامي يدخل : وش تسوين ..؟
شهد : بأطبخ العشا
سامي:جايب عشا من المطعم تعالي بس ..
شهد : زين ريحتني ....
يطلعون من المطبخ ..
وتاخذ شهد فارس ويجلسون على الطاولة يتعشون...
شهد : رحت لخالتي .؟
سامي : من خالتي !
شهد : أنت تقول أنك بتروح لأمك
سامي زل لسانه : أصلا من شهر ما رحت ..
شهد : نعم !
سامي : ها
شهد : وش اللي ها
سامي سكت أنفضح ..
شهد : كل ما سألتك ليش ما أورح معك لخالتي تقول أنها
ماتبي تشوفني وتقول من شهر أنت مارحت
ليش تكذب علي ..
سامي : على قولتك أكذب عليك وانا من شهر مارحت ...
شهد : سامي ما يجوز تقطع أمك
سامي : مالك دخل ...
شهد : أستغفر ربك لو ماتت وهي زعلانه عليك ..
سامي : لا تفاولين على امي
شهد : هذا أنت خايف عليها ليش ما تزورها
سامي :أنتي ما تحبينهم وشوله تقولين كذا
شهد: مهما صار كل شي ألا أنك تقطع أمك
سامي : طيب طيب
شهد : كنك تسكتني
سامي: ما أسكتك قلت طيب بأزورها
شهد : متى ؟ \
سامي: بعدين ..
شهد : بكرة ؟
سامي : لا بعدين ...
شهد : بعد بكرة
سامي : لا
شهد : متى يعني ..
سامي : بعدين
شهد : سامـــي
سامي عصب: شهد أنا وأمي أنتي مالك دخل ..
شهد تقوم : أستغفـــر الله
سامي : وين كملي أكلك
شهد : سديت نفسي .
سامي يكمل أكله : بكيفك ...!!!!
................................... ............... .
وليد وسعد في محل الأثاث معهم كتلوج الغرف ..
سعد : تصدق كل هذا ما ينفع أهم شي الحب بين الزوجين ...
وليد : ليه أنت وزوجتك ما بينكم كذا ,,,
سعد : ولا مريناه ..
وليد : غريبه !
سعد : مالغريب إلا الشيطان
وليد : أنت طيب ويجي أقول رومنسي بس ما حبيتها للحين ما أصدق..!!
سعد : متكبرة
وليد : من أي ناحيه ..
سعد : أسولف معها ما يعجبها كلامي
كل شي حولها قرف
أهلي ما تزورهم إلا نادر شايفه نفسها مره
وليد : وش مصبرك عليها
سعد : ما تزوجتها عشان أطلقها
وليد : بتصبر شهر شهرين ثلاث إذا ما تغيرت هذا وجهي بتطلقها
سعد : لا إن شاء الله تتغير ...
وليد : خلنا منها ترى للحين ما جهزت غرفة النوم يا رجال
سعد يسحب الكتالوج منه : أنا ذوق خلني أختار لك ..
وليد : ورنا وش يطلع منك ...
................................... ............... ................
محمد يدور في السيديات صورة هو وروان
في الملكة ... وصورها قبل لم كانو يتكلمون مع بعض
كانت كثير ومنزلها على سيدي وحاط وحدة بجواله
بس يبي كثير
وجلس يحوس لم لقاها خذها وطلع
من شقته وألف فكرة تدور في راسه...
................................... ............... .........................
تركي : لا مواعد الربع الصيفية في الشرقية
لمى :خذوني معاكم من 4 سنوات ما رحت الشرقية حرام عليك ...
سلطان يدخل البيت :فيه أحد ..
لمى :لا تعال ..
سلطان يدخل : السلام عليكم ...
لمى وتركي : وعليكم السلام ...
لمى : سلطان شوف هذا الدب
سلطان : وش مسوي ؟
تركي : تبي تروح الشرقية في الصيفية
سلطان : ليش ؟؟
لمى : يعني ليش نتمشى هناك ...
سلطان : أها وأبوي غريبه ما قال وين بتروحين في الصيفية .
لمى : ما قال وأنا أبي أروح الشرقية
سلطان : لا جت الصيفية فيها حلال...
لمى : طيب أنت وين بتروحون ..
سلطان : في المدينه عشان جنان ...
لمى : طيب خذوني معكم ...
سلطان : تعالي وشوفي وش يجيك ...
لمى: مالت عليكم من أخوان ما وراكم إلا الشقا ..
وتقوم زعلانه .
تركي : وين زوجتك ما جبتها
سلطان : تعبانه من الحمل
تركي :الله يعينها تخاويني ..
سلطان : وين ..
تركي : للربع مجتمعين عند واحد ...
سلطان : قدام ...
ويقومون وطلعو من البيت ....
أم تركي : وين راح كني سامعه صوت سلطان..
لمى تجي لها : شكلهم طلعو ..
أم تركي : طلع وما سلم علي...
لمى : بكرة بيجي سلمي عليه ..
أم تركي :طيب ما بيرجعون دقي عليه عشان أحسب لهم عشا ..
لمى تدور رقم سلطان وتدق عليه :
ها ...بترجعون عشان أمي تسأل كان تحسب لكم عشا
.. .أها ... طيب ... باي ..
أم تركي : وش يقول ..؟
لمى : هو وتركي رايحين لواحد ولا تحسبون لهم عشا
أم تركي : بكيفهم ...
................................... ............... .........................
جمانه : نوير بنروح السوق وما شحنت جوالي بأخذ جوالك
نورة : خذيه ..
جمانه : طيب ما بتجين معنا ...
نورة : لا ما أبي ..
جمانه تاخذ عبايتها وجوال نورة وتطلع ...
نورة شافت جوال جمانه قالت أسوي فيها خير وأشحنه لها
ركبته على الشاحن ...
وشغلته لأنه طافي ..
ولع شوي وصلت 4 مسجات أستغربت كلها
من وحدة مسمات : ( نهاد ))
الرسالة الاولى : ( جمانه أنا رايحة أستراحة ))
الرسالة الثانية :: (( ولد عمي مهبول بغى يصدم سيارتي ..))
استغربت نورة
الرسالة الثالثة : (( غريبه ما تردين رسايلي فيك شي ..))
الرسالة الرابعة : (( قلبو إذا مشغولة ردي علي لا تخليني أنتظرك))
أحتارت تعرف نهاد بس ليش الرسايل كذا ...
معقولة يكون ولد ويكلم جمانه بأسلوب بنت
خلني أتاكد ...
أرسلت للرقم نفسه ...
(( هلا وغلا يا أحلا .... ))
ما كملت تنتظر وش بتقول أو وش بيقول ..
جاها رد سريع ..
(( يا أحلا أيش ؟؟))
ردت نورة لها : (( يا أحلا حبيبه ))
ردت : (( حبيب ولا حبيبه ؟؟؟ ))
هنا نورة أنصدمت معقولة جمانه تكلم شباب من متى
دقت على الرقم ورد ....
......:هلا وغلا بهالصوت ...
نورة :" هلا
بدر أستغرب : جمانه تعبانه
نورة اللي تورطت وصرفته: مزكمة وحلقي يعورني ..
بدر : أها سلامتك
نورة : من أنت ؟؟؟؟
بدر: مين يعني بدر
نورة أنصدمت سكتت شوي وصرفت : لا صوتك متغير ضنيتك
واحد ثاني ..
بدر: لا متغير ولا شي بس يمكن عشان من زمان ما كلمتيني
فتظنين أن متغير صوتي .,..
نورة اللي رمتها بوجهه: بدر انت من متى تكلم جمانه
بدر استغرب :ها ,,, من معي ,,,؟
نورة بعصبية : أنا أختها
بدر على طول سكر ...
نورة منقهره مره : حقير وجمانه ليش تسوين كذا ليش ...
أنتظرت لم تجي جمانه ...
ساعه مرت ساعتين ثلاث وهي تنتظر لم جت جمانه دخلت الغرف ووراها
عبدالله معه أكياس ...
نورة : عبيد أطلع
عبدالله : طيب طالع أصلا
نورة سكرت الباب وتطالع جمانه ....
جمانه حست أن فيه شي : وش صاير ...
نورة : أنا اللي أبي أفهم وش صاير
جمانه : لا تلعبن بأعصابي وش صاير ...
نورة : من متى تعرفين بدر ...
جمانه وقفت أنصدمت كيف نورة عرفت ...
نورة : تكلمي من متى ....
جمانه : ما أعرفه
نورة : لا تكذبين أنا شحنت جوالك وجت رسايل ودقيت عليه
جمانه : وش قال ؟؟
نورة : يعني تعرفينه ....
جمانه نزلت راسها للأرض ...
نورة : من متى ..
جمانه اللي خلاص ما راح تطلع من الموضوع بالساهل
لأن نورة بتقعد لها سكتت شوي ثم قالت: من شهرين ...
نورة:ومن وين جبتي رقمه ..
جمانه : هو دق علي ...
نورة : جمانه أن ما قلتي لي وش السالفة من البداية ترى والله
لاخلي نايف يعرف ...
جمانه ترجف: إلا نايف إلا نايف لا يعرف ...
نورة : تكلمي
جمانه : طيب قصري صوتك ما أبي أمي تعرف ..
نورة : تكـــلمي ..
جمانه نزلت دموعها: لا تصارخين بأقولك السالفة
نورة : يله ...
جمانه بدت تتكلم ......
................................... ............... .................................
بدر سرحان يفكر في جمانه أكيد صار لها
شي وأختها نورة أكيد بتعلم أمها
والله حالة ورطت البنت
................................... ..............
وليد جالس في الصالة يطالع التلفزيون
وجاه فيصل يمشي ببطء وميلان لسه ما ثبت على الأرض
وأي شي ممكن يطيحة
ما قاوم شكله وراح شاله لفوق ودار به
وفيصل فاتح فمه يضحك
نزلة وليد وحطه في حضنه وجلس
وفيصل يحاول ينزل منه
وهو ماسكة لم حس أنه بيصيح نزلة ..
وفيصل راح يمشي وغاب عن عين وليد
ابتسم وليد تمنى ينتظر فيصل عنده شوي يمكن
روان تجي ويشوفها لأنها ما تجلس معاه
تقول كل شي بعد الزواج
ومشتاق يشوفها ...
مل من الجلسه وقام طالع من البيت يروح يدور
في شوارع جدة ....
................................... ............... ................
شهد جالسة ترتب الصالة لأن فارس حاسها فوق تحت ومعه بسكوت
وطيحة نصة في الأرض صاحت ريماس وتركت شهد الترتيب وراح تسكتها
ولم سكتت راحت تدور فارس لقته نايم على الأرض في غرفة الألعاب
شالته وودته لسريرة ... رن تلفون البيت وراحت ترد : الو
سامي : هلا وينك أدق على جوالك ماتردين
شهد : ما كنت عنده وش صاير
سامي : لا بس أبي أسأل كان تجين معي نتقضى اغراض البيت ولا أروح لحالي
شهد : لا روح أنت أنا هلكانه مالي خلق أدور ...
سامي : يله مع السلامة
شهد : مع السلامة
سكرت شهد ورجعت تضف الصالة لم خلصت راحت تتجهز العشا اللي هو مكرونة بالباشميل لم خلصت راحت تتسبح ونزلت وشافت سامي جاي ويدخل الأغراض
وراحت تساعدة وتعبيهم في الثلاجة لم خلص سامي رقى فوق بدل ملابسه ونزل
يتعشى ..
على الأكل ....
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك