رواية ضحية رجلين -47
هنادي : تعالي أوريك ويقومون
أم سلمان : وين على الله
ندى : بأروح أشوف صور السفرة
سلمان : أيه صح جيبوها وجيبي الهدايا
هنادي : إن شاء الله
أم سلمان : لاحقين على الصور والهدايا أجلسو بس
هنادي أنقهرت
سلمان : لا خليهم يجبونها حلاة الهدية في يومها
أم سلمان : كيفك
وتروح هنادي وندى نزلو شنطة كبيرة ..
فيها الصور والهدايا ...
فتح سلمان الشنطة : ندو نادي نجود
ندى : لازم
سلمان طالعها
ندى : طيب
وتروح تنادي أختها اللي جلست ساعه
تتدلع لم نزلت وجلست من دون ما تسلم
سلمان : السلام لله
نجود من طرف خشمها : سلام
سلمان : وعليكم ..
سلمان يطلع الهدية الأولى ويعطيها أمه ../وهي لامي
أم سلمان تاخذ الهدية وتفتحها تلقاها ساعة حلوة : من هذا ذوقة
سلمان : هنادي ها حلو
أم سلمان : بس انا ما ألبس هالأشكال
ندى : إن ما بغيتيها بيعيها
أم سلمان : يصير خير
سلمان يطلع الهدية الثانية : وهذي لندو
ندى تاخذها :مشكور ما تقصر ..
وتفتحها تلقاه عقد أحجار كريمة وجنان : وواو يجنن
نجود : أشوف : واااع
ندى : حرام عليك يجنن
سلمان : تقطعينه بالعافية ..
ندى : وهذا ذوق هنادي
سلمان:ايه
لفت ندى لهنادي : مشكور قلبي والله أنك ذوق
هنادي : الله يسلمك ...
سلمان : وهذي لنجود
نجود تاخذها وتفتحها وصار عطر
مع الكريم تبعه نجود تفك العلبه وتشمه :وووواع وش هالذوق
هنادي شوي وتقوم تكفخها
سلمان : ما عجبك عطيه لندى
نجود تقوم وترمي العطر على ندى : خذيه ما ينبغى ..
وتروح لفوق ..
سلمان : حطو العشا ميت جوع
أم سلمان تصيح على الشغالة حط العشا ..
تعشو ..
جلسو مع بعض عند التلفزيون ويشوفون الفديو اللي صوروها
لم الساعة 12
ورقى سلمان وهنادي لجناحهم ..
سلمان : لا تاخذين بخاطرك ترى أمي ونجود هذا طبعهم
هنادي : لا عادي ماصار شي
سلمان : أكيد
هنادي : أكيد ...
سلمان : يا جعلني فداك
هنادي : وفداك ..
جمانه ونورة وسمر مع بض طالعين السوق ...
اليوم نايف جى لعندهم وسمر تبي تروح لسوق فطلعت
مع البنات تتشرى ملابس لها ولسديم ...
جمانه : أقول نصلي العشا هنا ولا في البيت
سمر : لا هينا أحسن نخاف نتأخر
نورة : يله أجل قبل زحمة الحريم على المصلى ....
ويروحون يصلون ...
وقبل ما يقيم مسجد السوق
فجلست نورة وسمر في المصلى لم يخلصون من
الصلاة ويفتحون المحلات
وجمانه ما تحب تجلس وتضايق الحريم
لأنه زحمة وهي خلصت صلاة ...
راحت تتمشى شوي ...
وتفكر المجهول ما أرسل اليوم أكيد صاير له شي
قلعته أزعجني ...
مشت شوي إلأ جوالها يهز في يدها ترفعه تشوف :
المجهول يتصل بك ...
ردت بسرعة : الو
...: هلا
جمانه :نعم
........: ما حنيتي علي
جمانه : لا
....:جمانه لو أقولك من أنا كان ما كلمتيني اللحين
جمانه كت أنه واحد من أقاربها : لو سمحت أعرفك ولا ما أعرفك
ضف وجهك وسكرت وهي خايفة لا يكون واحد من أقاربهم ...
خوالها ما يسون هالحركات كان واحد من عيال عمانها
هم كثار وأغلبهم ما تزوجو ..
خذها التفكير يمين ويسار ..
محتارة ...
بيكمل شهر وهو يرسل لها من يكون ..؟؟؟
وصل لها مسج..
(( جمانه أنا بدر ...... .....
أتمنى ما تزعلين بس أحب أقولك
أني مو بدر اللي شفته أنا صرت
واحد ثاني تأكدي وانا بكلامي صادق
وأتمنى تسامحيني جد اللي سويته فيك
غلط وأنصدمت لم عرفت أنك بنت عم
روان .. وأسف مره ثانية ..
ولم شفتك في زواج أختي
حسيتك حاقدة علي من قلب ...
أسف أسف
أنا خلاص وصلت اللي ابيه
أتمنى ما أكون أزعجتك وأنتبهي
على نفسك وغيري رقم جوالك
لأن ملاك معها رقمك يعني توقعي
في أي لحظة ينتشر في الرياض
غيريه أحسن لك ... ))
جمانه ببلاهه:بدر!!!!
ورن جوالها من سمر ..
أنتبهت أنهم فتحو المحلات راحت للمصلى لقتهم
ومشو يكملون ..
وطول الوقت جمانه تحاول تركز معهم
عشان ما يشكون فيها ..
الساعة 11 جى نايف وخذهم وراحو للبيت ....
وجمانه مسحت كل شي يخص ببدر تخاف أحد
يكشفها وسوي لها سالفة
نامت ليلتها وهي تفكر ببدر ..
وفي عقلها تقول :
بيبقى في عيني دايم حقير!!!!!!
الفجر صحت ولعت اللمبات عشان تصحي نورة تصلي
نورة تغطي عيونها : شذذذذذذذذذذذا سكري اللمبه
جمانه حزنت على حال أختها : نورة قومي صلي
الفجر ..
نورة اللي ما انتبهت لعمرها ش قالت : طيب
جمانه : يله ترى ما راح أرجع لك مرة ثانية
نورة تقوم : طيب طيب طيب زين
جمانه : لأني مو فاضية لك بانزل أفطر وألبس وأروح المدرسه
نورة : طيب خلاص روحي
جمانه دخلت الحمام وتوضت وطلعت صلت ونزلت تفطر
ونورة قامت صلت ورجعت تكمل نومها
دوامها الساعة 8 ...
جمانه خلصت وراحت تشيك على جوالها ماقت مسج
من بدر ..
\لبست ونزلت تحت لقت عبدالله جاهز وراحو للمدرسة مع السواق ...
وهي ودها يرسل بدر شي مدري ليش صار ودها تعرف أخباره ...
................................... ............... ...............
رغد معصبة تدخل غرفة تركي : ترررروك
تركي : بسم الله شوي شوي بغيتي تكسرين الباب
رغد :قوم البس أبي أروح ...
تركي : على وين ؟؟
رغد :أبي اطلع وش هالحياة أبي أتمشى تكككككفى
قوم ودني أي مكان روح عن أختك شووواي
تركي : علي اختبار برى
رغد تجلس على سريره : تركي تكفى تهز رجال
تركي : وأنتي أعرفك على النت دايم وش اللي خلاك
اللحين تكرهينه
رغد : ما أدري من الله
تركي : طيب أطلعي من غرفتي بكرة علي أمتحان صعب
رغد: تركي بس ساعة خذها لنفسك بريك
تركي : رغد أطلعي ما أقدر أبي أذاكر ..
رغد تطلع : يااااااااااليتني كنت ولد ......
بندر : عشان يهجون العيال
رغد اللي تكشي لغرفتها : سخيف
بندر : أنتي أسخف
رغد : بندر ترى ماني رايقة لك لا تخليني أحط حرتي فيك
بندر " حطيها
رغد بتهديد: بندر ترى النفس عليك طيبه ....
بندر يقلداها : بندر ترى النفس عليك طيبه ..
رغد تصرخ :يممممممممممممممممممممممممممماه
شوفي ولدك غثني ...
بس أم تركي ما سمعتها ,..
بندر : هه مسكينه
رغد : كل تراب تفهم
بندر : لا
رغد تدخل غرفتها وتسكر الباب
وهو راح جاب الكورة ويصقع في بابها ...
تركي طلع من الازعاج : هيه أنت روقنا
بندر كانه ما سمع شي وطار يخبط على باب رغد
طلعت رغد معصبه وبيدها الجزمه
وترميه عليها وجت على وجهه هو على طول دمعت عيونه
من قوة الضربه وراح بيردها وصار يضرب فيها
وهي ترد لم تشابكو ,...
أم تركي جت لهم وتحاول تفكهم ما قدرت
لم سحب تركي بندر بالقوة
ورغد دخلت غرفتها بعد ما علمت كل اللي في البيت أنها
سكرت الباب ..
وجلست تبكي طفشانه و بندر هبل فيها ..
أم تركي خذت بندر ونزلت معه تحت أحتياط عشان
ما يتشابك مع رغد مره ثانية ..
أما تركي انقطعت أفكارة بسبب هوشة هالبزران ..
قال أخذ لي بريك ساعة ...
تذكر رغد أنها تبي تطلع وأكيد هي تبكي بعد الضرب
اللي جاها من بندر ...
دق على أبوه وقال بياخذ رغد يمشيها شوي
وأبو تركي ما اعترض ..
راح تركي لغرفة رغد ودخلها لقاها تبكي على السرير ..
تركي : قومي لبسي أمشيك
رغد : ما أبي
تركي : بلا دلع يله ترى هذي فرصتك تطلعين
رغد : قلت م أبـــــــــي
تركي بيطلع : كيفك أنتي الخسرانه ..
رغد تراجعت : تركي
تركي : نعم
رغد : خلاص بألبس
تركي : غسلي وجهك اول ثم لبسي أنتظرك تحت ..
رغد : طيب
ويطلع تركي ورغد غسلت وجهها
ولبست وراحت للشارع لقت تركي ينتظرها ركبت ...
تركي يمشي : وين تبين تروحين
رغد : ما أدري
تركي : البحر
رغد : لا رطوبة
تركي : كل جدة رطوبة تفرق عند البحر
رغد : ما أبي البحر دور غيره
تركي : أنا أسألك ..
رغد : روح التحلية بس
تركي : زحمة
رغد : تكفىىىى
تركي : طيب لا تزعجينا ويمشي رايح للتحلية ...
تركي : تبين شي تاكلينه
رغد : لا شبعانه
تركي : شي خفيف
رغد : لا تسلم ما بدي
تركي : كيفك
رغد : تركي ممكن سؤال
تركي : اسألي
رغد : ما تغار أن سلطان متزوج وانت لا
تركي : لا لسه صغير
رغد " يعني مو ناوي تتزوج
تركي : لا تخرجت
رغد : طيب مافي احد ببالك
تركي : لا الحمد لله
رغد : ليه تقول الحمد لله
تركي : الحمد لله فيها شي !
رغد : لا
تركي : تبين تسمعين شي
رغد : راشد عندك
تركي : لا عندي رابح ..
رغد ": لا ما أبي
تركي : محمد عبده تبين ..
رغد : لا ما أبي
تركي : راشد الفارس
رغد : لا
تركي : ودي أقول ضفي وجهك
رغد : ما أحبهم وش أسوي
تركي : كيفك
ويشغل محمد عبده ويعلي عليه للأخر عشان تنقهر
رغد ..
بس رغد صارت تضحك عليه ...
تمشو في التحليه ثم تركي راح للكورنيش ..
رغد : قلت ما أبغى البحر
تركي يوقف السيارة وينزل : تلعبين معي
رغد : وش
تركي : نتسابق
رغد : ها
تركي : من جد أتكلم
رغد : أحلف وأنا بعبايتي
تركي : أيه عادي
رغد : فيه ناس
تركي : ما في أحد إلا بس عايلتين يله عاد
رغد تنزل : مدري أشاور نفسي
تركي : ما راح نبعد من هنا للكرسي هذاك
رغد : فشيله
تركي : ما تبين كيفك
رغد : خلاص بس لاتسرع مره
تركي : اوكي نبدا
رغد تحمست :اصبر أجي جمبك عشان ما تسبقني ...
و123
وطاع طاع طاع طاع ركض
ووصل تركي أول
رغد : خشااااش
تركي : هذا وأنا ما أسرعت
رغد تلهث وتصلح طرحتها \: مجنون ..
تركي : ها طلع اللي في خاطرك
رغد تجلس على الكرسي : لا
تركي : عطياك وجه يله بس نرجع
رغد : خلنا شوي
تركي : هذي اللي ماتبي البحر
رغد : لا بس شوي
تركي : على راحتك
جلسو خمس دقايق ثم قامو ورجعو البيت
لمى : خيانه
رغد : أحسن
لمى: لا تخليني يا تركي أحلف تمشيني
تركي : فاضي لكم أنا
لمى : لا جد مشني مثل رغد
رغد : غارت
لمى : مالت
رغد : عليك
تركي يمشي ويدخل غرفته ويرجع يذاكر ..
لمى : وين رحتو ..
رغد تقول لها وش صار
لمى : باااس أحسب رحتو وتعشيتو
رغد : الساعة 8 وين نتعشى يا هبله ..
لمى : عادي الجوعان بيتعشى اللحين
رغد : شكلك جوعانه ..
لمى : مرررره
رغد : ههههاي مسكينة يا حرام
وتروح لغرفتها
أما لمى راحت تاكل شي خفيف للعشا ..
................................... ............... ............................
................................... ............... ............................
صباح يوم جديد :::
ندى : لو سمحتي الساعة 8 وربع وما رحنا الجامعه
نجود : طيب أصبري شوي
ندى : تتأخرين عشان هنادي بتجي معنا
نجود : مشكلتها تنتظر إذا سلمان مو موديها ..
ندى : أسمعي أنا تحت في السيارة خمس دقايق والله
خمس دقايق امشي عنك
نجود : ما تسوينها
ندى تطلع من غرفة نجود وتنزل تحت
وتطلع هي وهنادي مع السواق
طبعا تأخرت خمس دقايق وندى
مشت السواق وراحو عنها .
هنادي : نجود وينها ؟؟
ندى /: أنا قلت لها إذا تأخرتي أكثر من خمس دقايق
بأمشي عنك
هنادي : لا حرام عليك
ندى : كل يوم تخلص الساعة 8 إلا ربع بس اليوم
عشانك معنا بتأخرنا مالت وانا محاضرتي 9 إلا ربع
فاضية ما أدخل عشانها تنقلع ...
هنادي سكتت لأن ندى معصبه على أختها \
وما تبي تتدخل بينهم ,,,,
دق جوال ندى من نجود وعطتها بزي
شوي جاها مسج :
(( أنت جد حقيرة لكن وعدك عن أمي ))
مسحت المسج الحلو وسكرت الجوال
لأنها عارفة أن أمها بتدق عليها ..
بعد الزحام وصلو 8 ونص وخمس
وندى على طول راحت لمحاضرتها
وهنادي محاضرتها 9 أنتظرت لم جت 9 وراحت ..
الساعة 11 ونص خلصت محاضرة هنادي وطلعت
راحت تدور بين البنات نجود
بس ما شافتها مع شلتها
أكيد ما جات ...
طالعت جوالها اللي على الصامت لقيت مكالمتين
من سلمان ورسالة ,...
فتحت الرسالة ..
((قلبي إذا خلصت محاضرتك دقي علي ))
دقت عليه ..
بس سلمان كان عنده حصه فما رد عليها ..
دقت مره ثانية ما رد
أرسلت
((قلبي إذا خلصت حصتك دق علي ?))
خمس دقايق ودق سلمان :
سلمان : هلا والله
هنادي : هلا فيك ...
سلمان :أخبار الجامعه
هنادي : تمام
سلمان : ترى أمي دقت معصبه
تقول رحتو عن نجود
هنادي : هي تاخرت علينا ومشينا عنها
سلمان : ما أنتظرتو خمس دقايق تجي
هنادي :أنا كان عادي عندي انتظر لان محاضرتي 9 بس
نجود 9 إلا ربع وتبي توصل مبكر تحجز كرسي
ومسافة الطريق ربع ساعة ما يمديها
سلمان : طيب وش أسوي مع الوالدة
هنادي : تتفاهم مع ندى مالنا دخل
سلمان : دام السالفة لندى هي تتفاهم معها
تبين شي
هنادي : سلامتك
سلمان : الله يسلمك ..
هنادي : باااي
سلمان : باي .. وتذكر شي : لحظة
هنادي :همم
سلمان : متى بتطلعين من الجامعه
هنادي : 2 ونص
سلمان : طيب أنا بأمرك لا تروحين مع السواق
هنادي : وندى
سلمان : ندى تخلص 1 وربع ..
هنادي : اوكي بأخبرها عشان ما تنتظرني ..
سلمان : يله باي
هنادي :باي ..
دقت على ندى وقالت لها تروح مع السواق ولا تنتظرها
وقالت لها عن أمها أنها معصبه
وندى قالت الموضوع علي ...
سكرت هنادي وراحت تكمل يومها الجامعي المتعب ..
................................... ............... .................................
شهد تكلم وليد اللي جالس في دوامه ..
وليد : ناس فاضية وداقة تزعج
شهد : حرام عليك بس أبي أعرف شي
وليد : وش قولي
شهد: وش شعورك وملكتك بكرة ...
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك