رواية ضحية رجلين -46
أدري الموضوع بيكون صعب عليك بس فكري وخذي راحتك ومتى ما قررتي
قولي لي .زين يمه ..
روان بهدوء: إن شاء الله
قامت أم وليد وطلعت من الغرفة وروان طفت اللمبات وسحبتها نومة وما
فكرت في اللي قالتها لانه مو موضوع جديد عليها وهي مقرره من زمان ..
................................... .......
جنان : جد والله روان تستاهل
سلطان : ما صار شي بس قال لي انه بيتقدم لها
جنان : زين والله يناسبون بعض
سلطان : بس وليد ما يتحمل البزران وخاصة أنه فيصل من
رجال برى القبيلة وما نعرفه وأكيد بيغار لم يتذكر أن عاشت معه
جنان : لو يفكر كذا بتتعب حياتهم
سلطان : إن شاء الله ما يصير وليد كذا
جنان : آمين
سلطان : ما تلاحظين لك مدة مارحتي لأهلك في المدينة ...
جنان : تعرف حامل وتعب علي السفر بعدين أروح لهم
سلطان : على راحتك قلبي ..
................................... ............... ...............
شهد : جـــد !! والله زين
وليد : لا تقولين لأامي ترى ما تعرف أن روان أصلا عارفه بالموضوع
من قبل
شهد : أبشر من عيوني
وليد : فكرت شهر العسل ما \أبي فيصل تخلينه عندك
شهد : وش عندي يجلس عند جدته وأمي ما بيصير له شي إن شاء الله
وليد : قلت مرت عمي بتتعب مع فيصل أخليه عند شهد أحسن
شهد : لا والله وأنا كأن ماعندي هالمبزرة زيادة بعد فيصل لا أرحمني
وليد : كيفك بأسكر أكلمك لا صار شي
شهد : دقيقة فكرت وين بتسفرها ..
وليد : جد ملاقيف الحريم بس عشانك أختي الوحيدة بأقول لك
شهد حزت في خاطرها لأنها تذكرت شذا بس جاملت : وين ؟؟
وليد : فكرت أسبوعين في تركيا باقي الشهر في دول الخليج ..
شهد : أكيد الأمارات
وليد : أكيد والبحرين بعد ...
شهد : الله يوفقكم أن شاء الله
وليد : آمين يله مع السلامة
شهد : مع السلامة ..
................................... ............... .................................
................................... ............... .................................
هنادي " سلمان
سلمان نايم
هنادي : سلماااااااااااااااااااان قووووووووووووم
سلمان يفتح عيونه : يالله صباح خير وش الصراخ ..
هنادي بعد ما قام أستحت وقالت بصوت واطي: صباح الخير
سلمان ابتسم وتعدل على السرير : فجأءة راح الصوت ..
هنادي تصرف : قوم صل الفجر ...
سلمان : هه إن شاء الله وقرب من عندها وصرخ يا
هنننننننننننننننننننننننننننننننادي
هنادي :ههههههههههههههههههههههه
سلمان ياخذ المنشفة ويدخل الحمام وهو يضحك عليها ...
جد زوجة خبله هذا ثاني يوم وتصارخ هههه
توضا وطلع صلى بعد مالف السجادة :هنوده وش رايك نطلع نمشي شوي برى
هنادي: الحين!
سلمان : الجو حلو يله لبسي بسرعة ...
هنادي : طيب أطلع برى ..
سلمان يطالعها : خير إن شاء الله ...!!
لبسي بسرعة لا تطولين علينا ..
بعد مالبسو طلعو وهم ماسكين أدين بعد ...
والجو كان مره روعة ...
تمشو نص ساعة على رجولهم لم تعبت هنادي: سليم
لف سلمان :ههه وش سليم هذي؟؟
هنادي: سلومي تعبت
سلمان :هه من سليم ل سلمومي ...
هنادي : تكفى تعبت
سلمان : من عيوني يله نرجع
ورجعو رايحين للفندق ...
وصلو وعلى طول كملو نومتهم
................................... ...............
بدر في غرفته جالس يفكر ويفكر ويفكر أخر شي
قرر يدق عليها مع أنه ما وده يدق بعد سالفة الأستراحة
بس ليك حاجة عند الكلب قله يا سيدي ...
دق على ملاك ...
رن ورن ورن ما ردت ...
أنتظر شوي ورجع دق ...
ردت بصوت ثقيل : نعم
بدر : السلام عليكم
ملاك : نعم من معي
بدر: أنا بدر
ملاك : وش تبي صور ما بجيب وأنقلع عني
بدر : لا موضوع ثاني
ملاك : اخلص عشان أكمل نومتي
بدر : أسف نكدت عليك
ملاك : قلت اخلص علي
بدر: عندك رقم جمانه
ملاك : ايه وش تبي فيه ..
بدر : أبي اكلمها بموضوع
ملاك : لا كل تراب وسكرت بوجهه
بدر تقرف منها ومن أسلوبها الزفت ...
لولا الحاجة ما دق عليها ..
أحسن يرسل لها :
(( ملاك أبي رقم جمانه ضروري لا تخافي ما راح أدخلك
في موضوع مثل ذيك امرة
بس بليز أبيه ضروري )
ما ردت لعيه ملاك ..
رجع أرسل ..
(( ملاك جمانه أبيها ضروري تكفين ردي لي ...
بسرعة والله ما راح أدخلك بأي سالفة ..))
شوي وأرسلت ..
(*******055)
سجل رقم جمانه عنده وهو يفكر وش بيسوي ............
................................... ............... ................................... .......
رغد : لميا في عرسك بأخلي سلطان والعيال يرقصون
أحس يسون جو في العرس
لميا:أحم احم الأخت بتزوجي المهم أذا طلعت بعد الزف يرقصون كيفهم
رغد: أصلا من كثرنا ..
سلطان وتركي ووليد وسامي رجل شهد بس
لميا : والله شبابنا شويين أقولك لازم كل وحدة منا تجيب 5 أولاد
رغد : 5 شوي قولي 8
لميا:هه لا وين كثير ..
رغد : لا مو كثير
لميا تقوم : ما وراك سالفة خلني أقعد على النت أحسن
رغد : قلعتك ..
أبو روان : والله تشاورني انا يا عبدالرحمن
وش بتظن بأرفض يعني
بنتي بنتك ووليد ولدي بأقول لا بعد
وما ظنتي وليد بيقصر معها
أبو وليد : لازم ياخوك أشاورك وأنت خل روان
تستعجل بالرد نبي نفرح فيه ...
أبو روان : مالك الا اللي تبيه واليوم بأخليها تقرر وبأرد لك خبر
أبو وليد : الله كريم ...
في غرفة روان :
روان : أوافق بس بشرط ...
أم روان : وش يا بنيتي ...
روان : ما أبي عرس كبير يعني في البيت
أم روان:وشفيكم أنتم عروسكم مختصرة لازم يا بنيتي
أفرح فيك
روان : يمه شذا مالها قريب متوفيه
أم روان : طيب العرس مو اللحين بعد 3 شهور ولا أكثر
روان /: وترى ما بكمل دراسه
أم روان :؟؟؟؟
روان : ما أبي اكمل مالها داعي كذا طقت في راسي ما بكمل
أم روان : مدري عنك يا بيتي وما أبي أغصبك على شي ما تبينه
بس الشهادة مهمه هالأيام وأنتي بكيفك ..
روان : قولي لأبوي اللي قلته عن موافقتي والعرس في البيت
أم روان : عرس في البيت مافي فاهمه
والزواج بعد 3 شهور من اللحين
ولا ترى بأزعل عليك
روان : يمه ما أبي زواج وخلق الله عائلي وقضينا
أم روان : أنتي ثاني مره تتزوجين بس وليد أول مره وبنفرح
به عند الناس ..
وطلعت من عندها روان أنجرحت من كلام أمها
المقنع الجارح
مفروض ما تنسى أن وليد بعد أول مره ولازم يفرح
ويعزم الناس على عرسه ويستانس ...
أشتاقت لهنادي من تزوجت ما دقت علي
يا حليلها الله يوفقها
جد أشتقت لها ونفسي أقول لها هالخبر
أن وليد خطبني ...
................................... ..............
جمانه جالسه في غرفتها تذاكر ونورة مو عندها
في الصالة تطالع التلفزيون جاها مسج على جوالها :
يا بعيد عن عيوني
دريت ولا مادريت
قلبي اللي تسكنه
دوم يسألني عليك
لو سهى فكري شوي
صدقني بك سهيت
صرت ما أفكر بروحي
و أفكر بس فيك ..
استغربت من تكون ...
يمكن وحدة من البنات تستهبل
ولا وحدة من صديقاتي في أبها ..
طنشت ورجعت تذاكر وجى صوت الجوال
يعلن برسالة جديده ...
محتاجك حبيب وصديق تشاركني
أهدافي
تسمعني لا حكيت تواسيني لا بكيت وجرحي
تخفف الامه
لا الدعوى فيها حبيب من تكون
أرسلت :
((مين الحلوة اللي معي ))
أرسل :
شئ واحد قبل لاابدا مابي أي شئ ثاني
يخطر فـ بالك وانا اكشف لك شعور تجهلينه
إن أنا وبكل ماتحمله "أحبك" من معاني
كنت وراح ابقى احبك لين مدري وش هو لينه
أرسلت :
(( مهاوي عيوش حصيص مناري
بيبو عنوده ....عارفتكم يا بنات أبها بلا أستهبال
أي وحدة أنتي منهم ....))
دق جوالها وعلى ول ردت :
...ألو
جمانه دق قلبها طلع رجال بلعت ريقها وقال: نعم
...هلا جمانه كيفك ....
جمانه أنتفضت يعرف أسمها : من معاي ..
.... ما عرفتي صوتي ..
جمانه : لو سمحت داق تبي شي أهلا وسهلا
بتستهبل لو سمحت ماني فاضيه لك
...: جمانه الله يخليك تذكري من أنا
جمانه تحاول تعرفه من صوته ما قدرت ما مر عليه أحد
من أقاربها مثل صوته الهادي : لو سمحت ما عرفتك ...
....: أوكي أدق لك بعدين وأقولك لك من أنا
جمانه : لا تدق ولا شي وقلعتك وسكرت بوجهه ...
رمت الكتاب على جمب وبخوف تفكر من يكون
ذا الرجال ولا يعرف بعد اسمها ...
دق مره ثانية سكرت الجوال ....
جت نورة: ياهووه بنام بسكر اللمبه
جمانه : طفيها أصلا بأطلع ..
طفت اللمبه نورة ونامت ..
وجمانه جلست في الصالة تطالع فلم ..
بعد ساعة راحت للغرفة وفتحت جوالها حصلت مسجين ..
((أسف على الأزعاج وأسف على كل شي صار
مو لازم تعرفي من أنا الأهم أنا أعرف من انتي ))
المسج الثاني :
((أنتبهي على نفسك بأدق أتطمن عليك قريب أتمنى ما ترديني ))أحتارت جد من يكون سجلت رقمه : المجهول ...
ومسحت الرسايل ..
................................... ............... ................................... .........
من يوم طلعت موافقت روان والخبر أنتشر
بسرعة ووصل الرياض بعد ..
وفرحانين أن وليد بيتزوج ...
ووليد فرحان بيعرس ولقى وظيفة في شركة براتب حلو ...
وحددو الملكة بعد شهر والعرس بعده بشهرين ...
وروان صارت تستحي تطلع من الغرفة تخف تلتقي بوليد ..,..,.,
ومحمد روان أرسلت على إيميله أنها بتتزوج ولد عمها
وما رد عليها ....
وحرقت شريحتها عشان تغير رقم جوالها ومحد يشك فيها
عشان محمد يعرف رقمها وهي خلاص شبه على ذمة رجال
وأي رجال ولد عمها لو يعرف انها تكلم محمد كل أسبوع
بيذبحها .....
وهي ما تبي تتطلق مر ثانية ...
وبتحذف إيميله قريب بس بعد ما يرد عليها على سالفة الزواج ....
مر الوقت تقريبا ثلاث أسابيع بالتمام والكمال ....
ماصار فيها شي يذكر ...
بس مره هنادي كلمت روان من بعدها ما دقت
وبترجع للسعودية قريب ...
وجمانه ما دق عليها المجهول بس كل يوم يرسل رسالة غرام....
,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,, ,,,,,,,,,,,,,,,,,,,,,,,,,
روان وشهد جالسين يتناقشون عن الملكة ,,,
شهد : بعد العشا
روان: بعد المغرب
شهد : بعد العشا يا هبله
روان : ما أبي أطول بس يشوفني ومع السلامة ,..,,
شهد : الرجاجيل وراهم صلاة العشا أحنا نتأخر وأول مرة أشوف ملكة بعد
المغرب ....
روان : مين بيجي بس إحنا ...
شهد : عمتي ساره ما تقدر تجي
روان : عادي أهم شي الزواج يحضرونه ..
شهد : بعد العشا زين
روان : لا أصلا مافي رقص ولا شي
أحم أتجهز ثم يلبسني ونجلس مع بعض وخلاص
شهد : ومافي ملكة الا بعد العشا ولا مافي زواج
روان : خلاص مافي زواج
شهد : أحسن ...
روان : هههه
شهد : جد بزر
روان : حرام عليك
شهد : والله جد مافي ملكة إلا بعد العشا
روان : كيفك خلاص
شهد : كذا تعجبيني ...
................................... .............
................................... .............
هنادي وسلمان وصلو للرياض ..
وراحو لبيتهم اللي هو بيت اهل سلمان ...
أستقبتهم ندى وأم سلمان كانت نايمه مع انها تدري انهم بيجون
ونجود ما تتنزل لهم وتعذرت بأنها مشغولة بالنت ...
راح سلمان وهنادي للجناحهم ..
ريحو من تعب السفر ...
بعد ثلاث ساعات قامت هنادي وراحت للصالة تبع الجناح ..
ودقت على امها ...
أم بدر : هلا حبيبتي
هنادي : هلا يمه وش أخباركم
أم بدر: كلنا بخير ها يمه وصلتو
هنادي : ايه يمه من ثلاث ساعات
أم بدر : ما راح تسيرين علينا اليوم
هنادي : بأشوف سلمان إن قام من النوم مريت عليكم
أم بدر : الساعة اللحين 8 العشا لا ما قام بعد ساعة
لا تكلفين عليه وتجين صبحي علينا بكرة
هنادي : إن شاء الله يله سلمي على اللي عندك
أم بدر : يوصل ..
هنادي : مع السلامة ..
أم بدر : مع السلامة ..
دقت هنادي على روان ...
روان :هلااااااااااااااااااا وغلا يا الخايسه
هنادي :هههههههههه وش أخبارك
روان : الحمد لله كيفك أنتي والله وحشتيني
هنادي : وأنا اكثر
روان : الحمد لله على سلامتكم
هنادي : الله يسلمك ها مافي اخبار جديدة
روان : إلأ شي بتفرحين له وبتزعلين بس وش أسوي فيك ما تدقيت علي
وأنتي مسافره
هنادي : قولي ما بزعل
روان : ملكتي بعد أسبوع
هنادي :ها
روان :ههه وشفيك
هنادي : يعني تتزوجين !
روان : وش رايك ؟
هنادي :هههههههههههههههههههههههههههه
جد والله ههههههههههه
روان: هههههههههه وشفيك أنهبلتي
هنادي تمسح دموعها اللي نزلت تغير صوتها :
جد روان تتكلمين ؟
روان : هنادي لا تبكين تكفين والله عارفه أنك بتزعلين
هنادي : لا والله مو زعلانه بس فاجأتيني بالخبر .
روان : من تتوقعين سعيد الحظ ..
هنادي : مين ؟؟
روان :وليد ولد عمي
هنادي : جد والله
روان : أيوه
هنادي : روان اسمحي لي لسه متزوجة ما أقدر أجي لجدة أحضر الملكة
العرس إن شاء الله بأجي
روان : أصلا ما عزمنا أحد مختصرة مره
هنادي: مبروك روان والله جد خبر يفرح
روان : الله يبارك في أيامك
هنادي : روان
روان : نعم
هنادي خنقتها العبرة : كبرنا وتزوجنا
روان : يا حياتي يا هنادي
هنادي :والله ما كنت أتخيل بيصير فينا كذا
روان : أقول هنودة لا تخليني أبكي اللحين
هنادي :والله الدنيا تمشي
روان: هنادي بس بأبكي
هنادي " ماني مصدقة مر على زواجي شهر
روان : وش شعورك
هنادي : مدري ما أعرف
روان : الله يهنيكم إن شاء الله
هنادي : آمين ويهنيكم ...
روان: وين رجلك عنك
هنادي : نايم
روان : ونزلتي لأهله تحت
هنادي : بأتسبح وأتزين وأنزل ..
روان : لا قام سلمان انزلي معه
هنادي : فيما أتسبح وأتجهز لينه قام
روان : اوكي أكلمك بعدينوشوفي شغلك أنتي
هنادي : أن شاء الله يله بباي
روان : باي ..
سكرت هنادي وراحت خذت ملابسها ودخلت الحمام تتسبح ..
قام سلمان من النوم سمع صوت الموية في الحمام ..
جلس ينتظر هنادي لم طلعت ..
هنادي : مساء الخير
سلمان : مساء النور بتنزلين تحت
هنادي : إذا بتنزل بأنزل ..
سلمان : لأن الساعة 9 ونص بيحطون العشا
هنادي : فيما تتسبح والبس أنا لينها جت 9 ونص
سلمان يقوم : زين ...
هنادي جلست تطلع لها لبس محتارة أول يوم
لها عندهم ...
مالقت شي مناسب غير جلابيه حلوه
لونها متدرج من الأورنج وفخمه ...
طلعت الشبشب اللي شاريته تبعه
ولبست ..
فكت شعرها وحطت كحل مع ماسكار
وروج أحمر خفيف ...
طلع سلمان ولبس ثوب البيت ...
ونزلو لتحت لقو ندى وأم سلمان في الصالة ..
سلمان يسلم على أمه وحب راسها وجلست
وهنادي سلمت على خالتها وجلست جمب
سلمان ...
ندى : أنادي لك نجود ما سلمت عليك
سلمان : لا خليها لو تبي بتنزل
ندى : كيفك ..
سلمان : إلا وش اخبار الجامعه
ندى : زينه
سلمان : ونجود وش اخبار الجامعه معها
ندى : ما أشوفها إلا قليل ومع شلتها
سلمان / وش في الوالدة ساكته
أم سلمان ما تكلمت
سلمان : الشيخة زعلانه ولا وش
أم سلمان : توني أشوفك من شهر وتجلس جمب حرمتك
وانا مخليني لحالي
سلمان في نفسه (هذي أولها ): من عيوني ويقوم ويجلس جمبها
وندى تقوم وتجلس جمب هنادي : صورتي
هنادي : كثير
ندى : فديو
هنادي : اللي تبين
ندى : وينها بأشوفها
هنادي : تعالي أوريك ويقومون
أم سلمان : وين على الله
ندى : بأروح أشوف صور السفرة
سلمان : أيه صح جيبوها وجيبي الهدايا
هنادي : إن شاء الله
أم سلمان : لاحقين على الصور والهدايا أجلسو بس
هنادي أنقهرت
سلمان : لا خليهم يجبونها حلاة الهدية في يومها
أم سلمان : كيفك
وتروح هنادي وندى نزلو شنطة كبيرة ..
فيها الصور والهدايا ...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك