رواية ضحية رجلين -45
ثم قامو بنات خالاتها وتصورو معها
ثم بنات عمها تصورو جماعي
بعدين صارت الناس تروح تسلم وتبارك للعروس ...
بعدها رقصت روان مع بنات خالات هنادي قريب من هنادي
وهنادي يدها ترجف من الخوف
موقف ما راح تنساها
كيف عدت على الدرج الطويل وما طاحت ...
بعد نص ساعة اعلنو بيدخل المعرس واللي تبي تتغطى تتغطى
روان بس لفت الشال وتلثمت
وبرضو نورة وجمانه مثلها
وبعض الحريم بعباياتهم وبعضهم بالطرح بس
دخل المعرس وجمبه بدر وخال هنادي الصغير
اصر انه يدخل معهم تقريبا عمره 29 سنه
وعمان هنادي الصغار راشد وحميد 20 و24
ومبارك 27
مشو وكل الأنظار عليهم ...
.
.
.
.
انصدمت
..
..
..
..
معقولة يقرب لهنادي
..
..
..
..
..
من يكون؟؟؟
..
..
..
...
كاشخ لأخر درجة ..
..
..
جمانه تلف على روان وبسرعة : مين اللي جمب المعرس
روان : أي واحد اللي على اليمين ولا على اليسار
جمانه : على اليمين اللي له سكسوكة
روان :هذا بدر أخو هنادي ...
..
..
أخوها
..
..
..
معقولة ....
..
..
..
لو شافني بيكون مصدوم مثلي
..
..
ليه وش سويت له عشان يسوي فيني ذيك الحركة
..
..
طبعه كذا ,,,
..
..
خلني أتأكد ...
جمانه : روان بدر داج في الحياة صح
روان :وين بدر لا عاقل ما قد شفنا منه شي
جمانه: متاكدة !!
روان :وشفيك على الرجال بتخطبينه
جمانه :ها لا بس أسأل ..
روان ناظرتها بأستغراب وطنشت ...
جلست جمانه تدقق في بدر
وكيف يضحك ومبسوط بعرس اخته
غريبه ما يطالع الحريم مثل الباقين
وش فيه ينافق وشخصيته الحقيقة وين مخبيها
صدق كذاب ..
حقير
,,,
..
..
بدر : مبروك
هنادي يالله طلعت الصوت :الله يبارك فيك ...
صورو كم صورة
سلمان :يله مع السلامه
راشد :وين بأرقص
سلمان :ارقص في بيتكم
حميد : لا حالفين نرقص
بدر اللي يشوف أمه قريب ناداها
ونزل لها شوي :يمه يبون يرقصون
أم بدر: يله بس وش يرقصون قولهم مع السلامة
بدر: لا يمه بيرقصون حالفين
أم بدر:اففف أمرنا لله
بدر:ههه تسلمين لي ....
رجع بدر : بيطقون لكم
راشد:بترقص
بدر:أكيد
هنادي تطالعهم جد مجانين ياربي احراااااج
وطقت الطقاقه وبدو الـ5 يرقصون
ولا ننسى صراخ الحريم متحمسين
حميد وبدر هم أحسن رقص
خلصو ونزلو الشباب وهم ميتين ضحك على أنفسهم
ومنزلين روسهم وطلعو ....
سلمان :وش هالحلا
هنادي بلعت ريقها
سلمان:هههه
وجلسو نص ساعة وطلب سلمان يطلعون
وطلعو مع بعض
والله يوفقهم ...
نورة :جمانه بأدق على ابوي يجي ياخذنا
روان : يله بس اهجدي شوي ويحطون
العشا
نورة :كم باقي ؟؟
روان :ساعة بس ويحطونه
نورة : لا خلاص مو لازم بنرجع
أم روان تجي لهم :ترى أمكم تقول بترجعون معنا
نورة :لااا
أم روان :ما في أحد بيجيبكم أبوكم نام بترجعون معنا
نورة : ياربييي
جمانه حتى هي تضايقت يوم شافت هالتبن
روان :جمانوه فيك شي
جمانه : لا أبي بس دورات المياه ..
روان : روحي
جمانه : أوكي
وتروح جمانه ما تدري وين دورات المياه بس بتدور
وفجأه لقت بدر جالس يكتب
في دفتر ذكرى العروسين
بدر لف لم سمع صوت الكعب
ووقف مصدوم يعرفها هذي جمانه
جمانه بلمت ماتدري وش تسوي ...
بدر:أنتي ؟؟؟؟؟؟؟؟
جمانه :أنـــت
بدر :وش جابك لعرس أختي
جمانه :والله ما كنت أدري أنك اخوها كان قلت لها
عن سواد وجهك ياــ ولا أستغفر الله
بدر:تعرفين أختي
جمانه : لو ما اعرفها ما جيت العرس
بدر:ومين أنتي
جمانه :،انا يا حظي بنت عمة روان صديقة أختك الروح بالروح يا فاشل
ومشت عنه ما عاد تبي دورات المياه
ورجعت ...
بدر مبلم كيف وش اللي سمعه
تقرب لروان
يا شين الصدف
رجع يمكل في الدفتر وهو سارح فيها
ويخاف تسبب مشكله له وهو مو رايق للمشاكل ..
حطو العشا وتعشو ثم رجعو نورة وجمانه لبيتهم وهم
راحو لشقتهم ...
في الفندق ...
هنادي سااااااااكته
وسلمان من دخلو وهو يتكلم وعلى لعشا يتكلم
وهي ساكته حتى أنها ما تضحك
وعرفت انهم بيروحون لباريس
والرحلة 10 صباحا
ولازم ينامون ..
صلو الفجر ونامو ليلة سعيدة
................................... ............... .......................
معقولة أقدر أعيش حياتي مع وليد
معقولة بسعدني
ولا بيطلع مثل محمد خاين
ياربي كم مره أفكر في هالموضوع
وأنا خلاص عطيت موافقتي ياليت ما تسرعت قبل
ما أستخير بس الموضوع طلع من يدي خلاص ...
ولد عمي أعطيه موافقتي بعدين اقول لا
بيحقد علي
بعدين مافي أحد غير وليد تقدم لي
وهو مثل ما يقول بيحطني في عيونه
والله ما يندرى عنه ...
................................... ............... ......
جمانه : نورة من أحلى واحد من قرايب هنادي
نورة : ما دققت مره
جمانه : لا جد من أحلى واحد
نورة :أقولك ما دققت
جمانه : شفت أخو هنادي
نورة : أي واحد اللي على يمين المعرس
جمانه : أيه وش دراك
نورة : مدري كذا حسيت أن اخوها
جمانه :وتقولين ما دققت
نورة : ياربي والله مادققت فيهم بس معروف الأخ يبان من أخته
حتى لو ما في شبهه
جمانه : مالت عليك طيب وش رايك فيه
نورة : من أي ناحية
جمانه :ممم شكلة
نورة : حليو
جمانه :حلو ولا شين مو حليو
نورة : حلو خلاص أرتحتي
جمانه : أسولف معك وش فيك
نورة : مدري وش فيك عليه عاجبك
جمانه :لا يخسى
نورة : لا تخسينه وأنتي ما تعرفينه زين
جمانه : ههههههه
نورة : قلت شي يضحك !
جمانه : لا ما في بس تذكرت شي ههه
نورة : الحمد لله ..
جمانه((والله ما تدرون عنه خلني ساكتهأحسن عن الفضايح
اللي بتجرني معه اكرهه)))
................................... ............
الصباح ..
بعد ما أستقرت الطيارة بالجو ..
سلمان : هنوده
هنادي:هممم
سلمان : قولي لبيه سم
هنادي:لبيه
سلمان :ايه خليك كذا
هنادي:هههه
سلمان : وش قلت
هنادي : لا مافي شي
سلمان : بتنامين
هنادي :ها
سلمان:أقول بتنامين الرحلة طويله
هنادي:ايه لا مدري
سلمان:هههه وش فيك
هنادي: لا مدري
سلمان:ههههه
هنادي :وشــفيك هههه
سلمان :ههه شكل ما نمتي زين
هنادي: لا شبعانه نوم
سلمان: مر واضح نامي لا تستحين مني أنا بأنام
ورجع راسه لو وغمض عيونه ..
هنادي طالعته ثم فكرت تنام ..
بس بتجلس شوي لا جاها النوم نامت ولا مابتنام
ساعة مرت وسلمان في سابع نومه
وولحقته هنادي ..
................................... ............... ......................
في جدة العصر ...
وصلو أبو روان وام روان وروان بالسلامة \...
أول شي سوته روان راحت لفصولي تشوفه
غابت عنه يومين ....
طبعا تحت عين ام وليد ...
خذته وراحت لغرفتها وسحبتها نومه .....
............ ........... ................................... .............
شهد أنا أسف
شهد : على أيش ..؟؟؟!!
سامي : على اللي كان قبل
شهد : أها
سامي : كلنا أسف
شهد : معذور خلاص
سامي : ماحقدتي علي
شهد : أنت أبو عيالي ما حقدت عليك
بس يعني شلت بخاطري كثير بس صابره
سامي : واللحين
شهد :دام تأسفت خلاص
سامي : صافي يا لبن
شهد: حليب يا قشطة ..
............. ................................... ..............
أم روان : وش بتسون بغرفة شذا
أم وليد : ملا بسها بنوديها الجمعيه
أم روان : وأغراضها الباقيه
أم وليد : بنرميها ..
أم روان : وبتسكرون الغرفة ولا بتحطون فيها شي
أم وليد : بنغير الاثاث وبنحطها أحطياط لاجانا احد
أم روان : من بيسطى قلبه يدخلها
أم وليد: أي والله حتى مدري كيف بأضف ملابسها
أم روان: خلي الشغالة لا تدخلين أنتي بتقطع قلبك
أم وليد: وانتي الصادقة الله يرحمك يا بيتي
أم روان: امين ....
احم احم فيه أحد ..
أم وليد : مافي أحد تعال
تغطت أم روان بشالها ..
جلس وليد:الحمد على السلامة
ام روان : الله يسلمك
وليد : وين فيصل ؟؟
((وده يقول وين روان بس عيب ))
أم وليد : خذته روان وراحت لغرفتها شكلها نامت ..
وليد : اها ..
أم روان : ما ودك تعرس دامك توظفت
وليد : والله ود بس تعرفين الظروف وش صار
أم روان : نخطب لك والزواج بعدين
وليد : والله محد سألني عن الزواج غيرك
أم روان: يا الكذاب كم مرة سألتك تقول لسه ولسه
شف سعد بعد كم أسبوع زاجه وأت متى بتقعد كذا
وليد : يمه مو زينه شذا لها شهر
أم وليد: شهر طيب وأنت ما راح تخطب ناس غراب
بنت عمك ...
أم روان: هووو لميا صغيره حرام عليك
أم وليد : وش لميا أنتي بعد روان وش فيها
عقل وجمال
وليد أبتسم أمه ريحته من مشوار طويل
أم روان : بس روان ما تفكر بالزواج بعد طلاقها الاول
أم وليد : وش فيها مافي شي ماراح يتغير وضعها
بتجلس معنا
أم روان : والله مدري ما ضنتي توافق
أم وليد :خليها علي أنا بأخليها تقتنع ..
أم روان / على يدك وما راح نلقى أحسن من وليد ...
وليد جالس يطالعهم خخطو لكل شي يا حليلهم الحريم
يختصرون الموضوع بسرعه ..
أستأذن وطلع
أم وليد : وحليله أستحى
أم روان : ما بان بس ههه نمشيها لك ...
أم وليد : ها متى أكلمها بس خطبه بعدين الملكة
أم روان : كيفك بس أحسن الأسبوع الجاي
أم وليد : يصير خير ....
.......... ................................... ............... ...........
هنادي وسلمان وصلو للندن ومن لندن لباريس ........
................................... ...........
نورة : كلمتيها
روان : لا وين أكلمها ثاني يوم لها
وش بتقول عني
نورة : أنتي تمونين إلا وين بيسافرون
روان : أكيد وصلو بيروحون للبارس
نورة : ألله وانا ليش ما خذوني معهم محرم
روان : ههه محرم في عينك وسلمان مو مالي عينك ...
نورة : على طاري سلمان وأن جمانه مو عندي
بدر أخو هنادي تشوفينه حلو
روان : ماعليه ليش؟؟
نورة : مدري جمانه تسألني
روان : ههه يمكن عاجبها لأنها سألتني في العرس من
اللي جمب سلمان قلت أخو هنادي وسألت عن اخلاقه بعد
نورة :ههه يمكن بتخطبه
روان : تخيلي جمانه تتزوج بدر لا ما يركبون على بعض
نورة : كل شي جايز
روان : يمكن .. أقول نوني بأسكر فيصل شكله طاح
تعرفين بدى يمشي شوي
نورة:الله يعينك عليه
روان: أمين يله باي
نورة : باي
راحت روان لفيصل وشالته بعد ما عضته على خفيف
لانه بينزل من الدرج وراحت لغرفتها
حطته على الأرض وكبت العابه كلها جمبه
وراحت تجلس على النت مثل العادة ..
................................... ............... .......
في الفندق الصباح بعد ما أفطرو
وجوالهم واحد بشريحة فرنسية ....
هنادي : سلمان
سلمان : عيونه
هنادي: أبي أكلم هلي
سلمان يطلع جوالها : خذي فداك
هنادي تاخذه وتدق على أهلها ردت أمها ...
هنادي : هلا يمه
أم بدر: هلا بنتي وش أخبارك وصلتو
هنادي: الحمد لله يمه وصلنا
أم بدر:ايه زين دقيتي علي تطمني
هنادي: لازم يمه وش دعوى
أم بدر: وش أخبار سلمان
هنادي : بخير تبين تكلمينه
أم بدر:هاتيه ..
هنادي: سلمان تبيك أمي
سلمان ياخذ الجوال ويحط يده عى السماعات :قولي حبيبي
كم مره أعلمك ...
هنادي أنحرجت منه
وهو رد ...
سلمان : هلا خالتي
أم بدر: هلا يمه وش أخبارك
سلمان : الحمد لله وش أخبارك أنتي
أم بدر: الحمد لله ها حط هنادي في عيونك
سلمان : أبشري ما طلبتي شي
أم بدر:عطني هنادي ..
سلمان يمد الجوال لهنادي :
هنادي : يمه سلمي على أبوي وبدر
أم بدر:يوصل يمه وأهتمي بنفسك ورجلك زين
هنادي: إن شاء الله يله يمه بأسكر
أم بدر: مع السلامة
هنادي:مع السلامة ...
سلمان : بأركبك المترو
هنادي: يله ..
ويروحون يركبون ...
................................... ............... .......................
أم وليد : ماني صابرة أسبوع
أم روان : كيفك روحي كلميها أنتي وقلتي لأبو وليد
أم وليد : ايه من أمس قايله له ...
أم روان : وش قال؟
أم وليد : وش بيقول بنت اخوه وولده وش بعد
وينها بنتك ؟؟
ام روان : في الغرفة
أم وليد : بأروح لها .. ...
وتقوم ....
روان في الغرفة لسه مسكره اللمبه تبي تنام
راسها مصدع
طق طق طق
روان : ميـــن ؟؟
أم وليد : روان أفتحي وأنا امك
روان تفتح الباب : هلا خالتي حياك
وتمد يدها وتفتح اللمبات وتدخل ام وليد
ويجلسون ...
أم وليد : روان بغيتك في موضوع ...
روان أستغربت لو أنه على وليد كان أمها جتها : وش ؟؟
أم وليد : أنتي الحين توك صغيرة والعمر قدامك
وزواجك الأول ما يعوق عليك أنك تكملين حياتك مع رجال ثاني
روان أرتاحت وهزت راسها بمعني كملي ...
أم وليد : ووليد ولدي وأنتي حسبت بنتي
ومالقيت أحسن منك تاخذينه
والقريب أولى من الغريب
أدري الموضوع بيكون صعب عليك بس فكري وخذي راحتك ومتى ما قررتي
قولي لي .زين يمه ..
روان بهدوء: إن شاء الله
قامت أم وليد وطلعت من الغرفة وروان طفت اللمبات وسحبتها نومة وما
فكرت في اللي قالتها لانه مو موضوع جديد عليها وهي مقرره من زمان ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك