رواية ضحية رجلين -44
دخلو أبو ثامر واهله يعزون
,,ثامر عزاهم وجلس جمب سعد لأن هو أكثر واحد يعرفة
ونسيبهم ..
أما عند الحريم ...
رنا لم عزت نورة قالت : وش أخبارك!!
نورة ما ردت عليها
رنا : صدق متكبرة حتى في عزا أختك مدري بنت خالك
نورة طالعتها بنظرات خلتها تسكتت وتروح
صدق ناس ما تستحي ..
بدو الحريم يكثرون ونورة بوسط هالزحمة تتذكر موقفها
في المطار مع شذا ...
(((شذا: هههه عاد بشرينا كل مانقصتي كيلو
نورة : أبشري بأقيس في اليوم 10 مرات
شذا : هههه والله أن ما دقيتي علي يا ويلك
لم توصلين الرياض
نورة : أكيد بأدق
شذا:ههه حركات بتسافرين بدون محرم ليتني معك
نورة : ياليتك معي هذا في الأحلام
والرحلة مو طويله وبأروح بدون محرم
شذا : ايه تذكريها تراها أول مره وأخر مره
نورة :هه \أظاهر بصير كذا
أبو وليد : يله نورة اعلنو الرحلة
شذا تطالع نورة نظرة أخيرة ضمتها
شذا اللي نزلت دموعها
نورة ":إن شاء ما تفقديني
شذا : تستهبلين إذا نورة وما أفقدك أفقد مين
أبو روان :يله بس نورة توكلي على الله
وسلمي عليهم
نورة تمشي :مع السلامة ...))
شهد :نورة نورة ساعة أناديك وما تردين
نورة :ها
شهد : قومي تكفين لريماس امسكيها فيما أشوف سامي يبني برى
نورة : وين بيدخل كله حريم
شهد الباب الخلفي ما عليك قومي أقعدي معها
نورة تقوم : وينها فيه
شهد : في غرفة روان
نورة تمشي : طيب
وترقى لريماس
وشهد طلعت لسامي ...
سامي : محتاجين شي
شهد:لا سلامتك
سامي :اهلك يبون شي قاصرهم شي
ترى جبت كراتين مويه كاسات
حطوها الشغالات في المطبخ
شهد:الله يعافيك
سامي : ويعافيك والعيال محتاجين شي
شهد والشمس حرقتها :سلامتك
سامي :شكل الشمس حرقتك أستأذن
شهد : أذنك معك
وراح سامي وشهد مستغربة
منه يعني لازم يصير موقف حتى يرجع مثل قبل ...
................................... ............... .................................
هنادي قالت لأمها وأبوها عن شذا وحزنو لها
توها صغيرة ما شافت شي بالدنيا
وأبو بدر دق على أبو وليد يعزيه
وأم بدر دقت على أم روان عزتها وعزت ام وليد
....................
ثالث يوم .....
روان تحس أن الثقل اللي على لسانها بدا يروح
وعلى الساعة 7 المغرب تكلمت
الكل فرح لها رغم الحزن
الناس صارت تخف
وعند الرجال على المغرب الكل راح
وأبو نايف اللي حجز طيارة بكرة الساعة 9 الصباح
راجعين للرياض وسيارتهم شحنوها للرياض
أم نايف ما كانت تبي ترجع بس لازم المدارس
والدوامات هناك
نورة ما قالت شي لم عرفت انهم بيرجعون لرياض
بس طلبت منهم يعطونها مفتاح غرفة شذا تبي تدخلها
في البدايه أعترضت أم وليد لأنها عارفة نورة بتقلبها نياح
وبالأخير وافقت وخذت مفتاح الغرفة وراحت ...
((قد جربتو تدخلون غرفة واحد مات فيها
أنا جربت بتحسون ان المكان ضيق
وفيه شي ناقصه
حتى تنفس يضيق ...الله يرحمك يا جدتي ))
فتحت نورة باب الغرفة ودخلت وسكرت وراها الباب
طالعت الغرفة كل شي مرتب وجديد
يا شذا يا قلبي ما امداك تتهنين في الغرفة الجديدة
راحت فتحت مكتبتها الصغيرة
وشافت دفاتر كثيرة
سحبتها وكانو 3 حطتهم على السرير وجلست تذكرت أن شذا ماتت عليه
قامت بسرعة ودموعها نزلت وجلست على الأرض
فتحت أول واحد لقت صورتها
لم كانت صغيرة تقريبا سنتين
تذكرت كيف كانت تعلق على شكلها لم كانت صغيرة
وابتسمت
فتحت أول صفحة ...
((أنا غير البشر
أنا أضحك
أنا أمزح
أنا ما أعرف الزعل
كذا حياتي ومدري كيف الناس تكون حزينه
ما يملون من الزعل ما يملون من المشاكل
ليه الناس كذا
أكيد لهم أسباب بس أنا الله ما حرمني من شي
الحمد لله
أب وعندي أم وعندي
أهل وعندي
ولا عمرهم حرموني من شي أحبه
ليش أحزن وادلع
خلني كذا
عايشه حياتي )))
نورة تطالع سطورها
حتى في كلماتها ما فيها تعقيد حياتها صافيه
فتحت الصفحة الثانية
((مدري ليه أكتب مذكرات وانا عارفة أني بأرميها
في الزبالة أخر شي لأن لو تقدم لي واحد
وتزوجت ما أبي يعرف عن حياتي اللي قبل وكيف
كانت صحيح ان مافي بحياتي غلط
ولا أستحي يعرفة
بس كذا ماله داعي أحتفظ مذكراتي بعد الزواج ..))
ابتسمت نورة شذا يا حليلها
تفكر بالزواج
ما تخيلت بيوم يكون لها زوج وعيال ..
حست أن الدفاتر خاصة في شذا
واكيد ما تحب احد يقرى شي بعدها
خنقتها العبرة لم قالت بعدها
آآه يا شذا رحتي وخليتني..
دخلت الدفاتر لمكانها
وطلعت من الغرفة بعد ما سكرتها ....
................................... ............... ...........
وليد :شهد عارف مو وقته بس ارجعي اسأليها تبيني ولا
لا يمكن حن قلبها علي
شهد : وليد صدق أنك رايق في عزا أختك وتطلب كذا
وليد : عارف أن مو وقته بس إذا ما قلتي لها اليوم بأروح لها
ترى ما يعوقني شي
شهد عارفة أن وليد يسويها فقالت : خلاص بكرة أقول لها
وليد : بكرة بتروحين بيتك قولي لها اللحين
شهد : اف طيب لا تزعجنا
وليد :بأدق بعد ربع ساعة أسألك
شهد /الله يصبري عليك يارب
وتروح لروان تتدخل غرفتها لقتها جالسه
جلست جمبها
شهد : روان
روان: نعم
شهد:أدري مو وقته ومستحيه منك بس وليد أزعجني
روان بدون ما تسمع الباقي : قولي لها موافقه
شهد : روان لا تتسرعين ترى هذا زواج مو لعبه
روان عصبت : أدري مو لعبه وانه ثاني مره بأتزوج قولي له
موافقه وخلاص
شهد خذت بخاطرها منها بس كانت متوقعه أكثر من كذا
الحمد لله جت على هذي
طلعت شهد
روان : شههههد
رجعت شهد
روان : سكري الباب واللمبه
وسكرت شهد الباب واللمبه
روان تطالع في الظلام اللي شابه حياتها
انسدحت ورجعت تبكي بألم
................................... ............... .................
وليد فرح لم عرف أنها وافقت
بس الله يستر إذا كان مو من قلبها
ما راح يخطبها إلا بعد شهر من اللحين
والزواج بعدين ويمكن مافي زواج
عشان اخته لسه متوفية
................................... ............... ......
اليوم الرابع الكل رجع
وسارة وعيالها رجعو للرياض
وبدت ترجع حياتهم مثل قبل
والبيت خلى من البنات
مافيه إلا روان
وشذا اللي كانت ماليه البيت برجتها راحت
البيت على وسعه صار ضيق
وأختفت طعم الحياة فيه
وليد صار يدور على شغل ونسى أن يفرح بتخرجه
أبو وليد تغير صار كثير الصمت قليل الأكل
أم وليد أغلب وقتها تصلي وتدعي لبنتها
روان حياتها ما تغير فيها شي
بس صارت تقعد على النت وقت طويل
ما في أحد يسليها غيره
.........مرت الوقت سريع
وقرب زواج هنادي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
الفصل التاسع والعشرون:
لمــآ تحـس آن مـآلك بـآلدنيآ نصيب !! ..
.......................... عدل مزآجك وحـآول من جديد
محمد جالس في الغربة
لا صديق ولا رفيق
همه بس يخلص دراسته ويرجع السعودية ...
.....
هنادي باقي على زواجها يومين
وطول الوقت تبكي أنها بتفارق العزوبية على قولتها
....
نورة نحفت 8 كيلو من الهم
اللي جاها
....
لمى صارت هادية مرة
....
بيت أبو وليد وأبو روان
صار هادي وما ينطاق
اللي ماليه البيت راحت
.....
وليد مشغول يدور وظيفة
......
روان جهزت كل شي بتروح للرياض زواج صديقتها
هنادي
......
بدر كل شي تغير بحياته للأفضل طبعا
بس صار هادي بشكل غير طبيعي
لدرجة البرود
................................... ...............
روان جالسة في غرفتها تكلم نورة بالجوال :
نورة : ودي أحضر بس شذا مالها إلا شوي متوفية
روان : وش نسوي يعني أمر الله
وهنادي صديقتي وحجزنا على الرياض
انا وأمي وأبوي
مدري تبين تجين كيف
نورة : بأشوف مع أنها عازمتني قبل إجازة الحج
وقلت باجي أستحيت اردها
روان : تعالي لا ترقصين سلمي واجلسي
نورة : متى طيب بتنزف هي
روان : تقول لي الساعة 12
نورة : بأسلم واطلع ما أبي اطول خصوصا وانا لحالي
روان : على راحتك أهم شي ما تردين دعوتها
نورة :أهل رجلها كثار
روان : ايه مره والقاعة كبيرة أكيد كل من هب ودب عزموة
نورة : الله يعين يله نشوفك بكرة صح
روان : ايه بكرة طيارتنا ويله مع السلامة
نورة : مع السلامة
جمانه: بتروحين؟
نورة :ايه
جمانه :عندك فستان
نورة /:بألبس اللي عندي مافي وقت أشتري
جمانه : خذيني معك من زمان ما رحت عرس
نورة : ما راح أطول بس بأسلم على العروس وباطلع
جمانه : وليش ما راح تعشين البنت متعنية لك وما تعشين
نورة : ما أعرف احد هناك ولسة شذا متوفيه عيب أروح عروس
جمانه : يعني تقعدين لم وحدة عادي تزيدين ساعتين هذا عيب يعني
نورة:جمانه تبين تروحين قولي لأبوي مالي شغل فيك
جمانه : بأروح أقوله
نورة : كيفك
جمانه تقوم تروح تقول لأبوها ما أقتنع
وانها ما تعرفهم وشوله تروح لعرسهم
وجلست تقنع فيه وتدخلت امها
لم اقتنع
فرحت جمانه وراحت تدور لها فستان حلو في دولابها
لقت فستان ليموني شرته حق ملكة ولد عمها
بتلبسه وهو مقصر من طولها وهذا زين لها
تحمست تروح العرس
من زمان ما راحت عرس,,,,
................................... ............... .........................
هنادي غرفتها محيوسه كلها أغراض وحاله
بكرة زواجها وما رتبت اغراضها في الشنط
عشان امها بتوديها لبيت سلمان
وهي بتسكن عند أهله موقتا لحد ما يكتمل بيتهم
الله يعينها على نجود ....
الساعة 2 الظهر والمغرب بيجون ياخذون أغراضها لهناك ....
وقعدة قعدة على الشنط
وترتبهم ونادت الشغالة تساعدها
وبرضو أم بدر جت وساعدتها بس في الاشياء البسيطة
على المغرب جت أم سلمان مع ندى وراحت معهم ام بدر
للبيتهم عشان يرتبون الجهاز
وهنادي جلست تبكي
عقب ما فضت تقريبا الغرفة من الحوسة اللي كانت فيها
سلمان قال لها انهم بسافرون لأوربا بس وين ما تدري
فاجأه
طق طق طق
هنادي مسحت دموعها بسرعة :مين
فتحت الشغالة الباب وفي يدها كيس كبير
هنادي :وش هذا
الشغالة :هذا مين بادر يقول في ودي حق مدام هنادي
هنادي:مدام فعينه وحطيه هنا واطلعي
حطت الشغالة الكيس وطلعت ..
فتحت الكيس لقت هدية على شكل مستطيل طويله شوي
وعريض فتحتها لقت
دبدوب أحمر كبير وماسك رسالة
وعلبه صغيرة فتحتها لقت عطر وساعة
مع خاتم وحلق مكتوب عليها اسمها
ابتسمت
ثم رجعت وخذت الرسالة اللي ما سكها الدبدوب وقرتها
((أختي الغالية .....
الله يوفقك ويسعدك في حياتك الجديدة
وحطي سلمان بعيونك
تراها نعم الرجال ...
وعسى حياتك كلها أفراح ....
أخوك : بدر ...))
رجعت تنزل دموعها مرة ثانية .....
................................... ............... .......................
رغد : بيت بارد ما كان في احد عايش فيه
تركي : طيب
رغد:أنت ولمى تقهروني ببرودكم
تركي : اللحين انتي وش فيك
رغد : ما فيني شي بس زهق وطفش وملل
تركي :اقعدي على النت
رغد : طفشت طفشت من كل شي
تركي : هذا وأنتي لسه صغيرة لا كبرتي وش بيصير فيك
رغد : بأستخف
تركي :الله يعينا عليك
رغد :تركي زوجو لميا عشان تجيب عيال
ويملون البيت
تركي :ههه وهو على كيفك وزين ما تسمعك ولا تسوي لك سالفة
رغد : ما سمعت شي تروك والله طفش..
تركي : روحي بيت عمي
رغد:مين هناك مافي احد غير وليد وعمي عبدالرحمن ومرته
تركي:ليه وين روان
رغد:راحو للرياض عشان زواج صديقتها
تركي :اللي كانت معنا في مكة
رغد : ايه هي
تركي :الله يوفقها
رغد:ويطلعني من هالطفش
تركي يقوم من عندها بتجيب له مرض أن كمل قعدته معها..
................................... ............... ......
يوم التالي :
لا تساوني عن احساسي مدري أبكي ولا أضحك
جالسه أشوف صديقة عمري تحت يد الكوافيرة
تصلحها ما توقعت في يوم بيصير كذا
ضروفنا أنا في ديره وهي بديرة
وهي اللحين بتتزوج وأنا تطلقت وجاني ولد
وقريبا بأتزوج
والله دنيا تمشي ...
صحتها من تفكيرها صوت جوالها رفعته لقت نورة تتصل
ردت :
هلا...طيب ..... اوكي باجي لعندكم اللحين ....باي
هنادي:وين
روان :لا بنات عمتي وصلو وبأروح أستقبلهم تخبرين ما يعرفون
أحد هنا
هنادي: طيب لا تطولين
روان: لا بس بأجلسهم مع أمي وأجي
هنادي:طيب
روان تروح للبوابه وتلقاهم سلمت عليهم ...
روان :جمانه وش هالحلا غطيتي علينا
جمانه:احم احم
نورة : صدقت نفسها
جمانه: ليه وش فيني اقطر حلا
نورة :مرة
جمانه:أقول يال5 لا تزودينها علينا
نورة : يالواحد
روان:هههه أقول لا تطلعون عيوب بعض مشينا لعند امي
نورة : ياربي ما أعرف أحد هنا
روان: تعالي مو لازم تعرفين أحد
جمانه :وين بنات خالات هنادي باتعرف عليهم
روان :جد تعالي اعرفك عليهم ...
وراحو لبنات خالات هنادي وسلمو جمانه جلست معهم تسولف واندمجت
ونورة جلست مع أم روان ...
روان راحت تجلس مع هنادي وتكحل عينها بشوفتها
اليوم بتسافر وهي بترجع لجدة
ومتى بيشوفون بعض مرة ثانية ...
................................... ...
سلمان شاق الحلق من قده اليوم عرسه
ينتظر الزفة عشان يدخل
ناظرت ساعة بتجي 12 نادى على بدر وجاه
بدر: سم
سلمان:متى بأدخل
بدر: أصبر العروس اول بعدين أنت لا تستعجل
سلمان: لا يستعجلون بتجي 12
بدر : بتدخل 1
سلمان : لا وش وحدة كثير
بدر: تدري كم بتقعد عشان تاصل الكوشة
سلمان : كم
بدر: نص ساعة عقب تتصور وحالة هالحريم
سلمان : مطولين يعني
بدر"ايه ريح تونا
سلمان تنهد مستعجل مره ...
................................... ...............
كانت قمر بفستانها الابيض
تمشي بهدوء ورزانه
كل الأنوار عليها
من قدها عروس
روان دموعها تنزل على حبيبة قلبها
ومثل ما قال بدر نص ساعة ووصلت الكوشة...
جلست تتصور لوحدها ثم جت امها وتصورت
ثم جت ندى ونجود تصورو
ثم روان وهنادي بس
بعدين جت جمانه وتصورت معهم
نورة ما بغت
ثم قامو بنات خالاتها وتصورو معها
ثم بنات عمها تصورو جماعي
بعدين صارت الناس تروح تسلم وتبارك للعروس ...
بعدها رقصت روان مع بنات خالات هنادي قريب من هنادي
وهنادي يدها ترجف من الخوف
موقف ما راح تنساها
كيف عدت على الدرج الطويل وما طاحت ...
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك