رواية ضحية رجلين -6
هنادي : أي شي المهم أدخل
روان : وش تبين بالمستشفيات والله العظيم غثى
هنادي : مابقي على الدراسة شي خليني أوسع صدري
روان : إلا كم باقي
هنادي : أسبوعين ونص
روان : ترى أستعدي فيصل بتمسكينه
هنادي : يا قلبو فصولي أكيد بأمسكة
روان : بس بشرط
هنادي : وشو
روان : ممنوع البوسات
هنادي : لاااا حرام عليك تعذبيني ما أمسك عمري
روان : وش حرام مسيكين كل ما جيتني تصير خدود حمر منك
عمى
هنادي : يعميك إلا تلاحظين شي ؟
روان : وشو
هنادي : أن أتفقنا خلاص وما قلت لأمي ولا بدر
روان : يا الخايسة روحي قولي له اللحين بسرعة
هنادي : ههههه طيب عساه بس يعطيني وجه أكيد بيدخل معصب
روان : لا بليز حاولي معه
هنادي : أجل يله بايووو
روان : باي
راحت هنادي ودخلت غرفة بدر لقته جالس على السرير جلست جمبه ........
هنادي : حياتي بدر وش سويت معاه
بدر : وش
هنادي : بلا أستهبال الرجال
بدر : سالفة وراحت لا تسألين عنها
هنادي : طيب ممكن طلب
بدر : اطلبي
هنادي وتقول له سالفة روان كلها ....
ها وش قلت
بدر : قلتي لأمي
هنادي : لا
بدر : إذا قلتي لها ووافقت ردي لي خبر
هنادي : يعني موافق
بدر : وأنا قد قلت لك لا\
هنادي : أحيانا
بدر : أذا كان طلبك سخيف
هنادي : زين بأروح أقول لأمي لا تنام عشان أرد لك خبر
وطارت لأمها وقالت لها روحي لأبوك وراحت لأبوها وجلست عنده ربع ساعة حتى وافق ورجعت لقته نام قالت بكرة أقومة الظهر غصب عنه ودقت على روان وخذت منها موعد يمرونها بعد صلاة الظهر على طول .......
جلست على النت ساعتين ونامت .......
// // // // // // // // // // /// /// /// //////// //// ////// /////
محمد جالس مع هيثم صديقة بجدة ........
هيثم : دحين وبعدين معاك إلى متى جالسن كدا ما أحكي أي شي ساكت طفشت ......
محمد : وش اقول
هيثم : أحكي عن أي شي
محمد : مثل
هيثم : سنة كاملة ما شفتك ما صار فيها حاجة تكلم يا أخي
محمد : مالي نفس
هيثم : وليش مالك نفس أنا لي ساعة أتكلم وأنت ساكت
محمد : وش أقولك عنه
هيثم : زوجتك عيالك أهلك قرايبك أهلك كلهم عملك حياتك العامة أي حاجة
محمد : وش أقول تزوجت وطلقت وحملت وجابت ولد سميته فيصل تزوجت وطلقت من قريب وش تبغى تعرف عن حياتي
هيثم : وكل هذا صار لك يعني البنت اللي كنت تحبها طلقتها وليش وش عملت ؟
محمد يأشر بيده : خلها على الله
هيثم : وتفكر تتزوج مرة ثانية ..
محمد : قصدك ثالثة أذا لقيت بنت الحلال إللي تناسبني ما عندي مانع بس أذال ما تحقق اللي في راسي .
هيثم : الله يعينك والله حالتك صعبة شوف وجهك في المراية كيف صاير أصفر من قل الأكل طيب بأفرفش عنك شوية بكرة دوامك لحد كم؟
محمد : 4 العصر
هيثم : أيش رايك نروح نتمشى في مول منها نغير جو ومنها تشتري أي حاجة لأبنك
محمد أبتسم وبهدوء : يصير خير
هيثم : يعني خلاص رايحين بكرة
محمد : رايحن
/////////////////////// //////////////// ///////////////// /////////////
هنادي بدفاشة : قوووووووووووووووووووووووووووووووووو ووووووووووووووو ووووووووووووووووووووووووووووووووووو ووووووووووووووو ووووووووووووووووووووووووووووووووووو ووووووووووووووو ووووووووووووم تأخرنا الساعة 12 ونص وأنت نايم والبنت تحترينا هناك تحرك نايم تقهر
بدر ياله يرد : وش صاير
هنادي : قوم أبوي قال عادي روحي مع روان المستشفى
قوم أنت الللي بتودينا
بدر : ورى ما قلتي لي أمس ........
هنادي : رجعت شفتك نايم خفت أقومك تعصب علي
بدر : أجل يلة مشينا قام ودخل الحمام طلع لبس ثوبه فكر يمشط شعرة ولا مو وقته صلى الظهر وطلع وراحو لروان عند البيت .
هنادي : اللحين ورى ما زينت شعرك بتخوف ولد روان
بدر مو رايق : ما ودك تسكتين
دقيقة وطلعت لهم روان ركبت السيارة ومشو .......
وصلو للمستشفى .......
بدر : أحطكم و أروح لا خلصتو دقو علي
هنادي : يله روان
ونزلو وجلسو في غرفة أنتظار النساء ....
هنادي : تشمين ريحة
روان : لا
هنادي : ريحة شي مخيس
روان : لا ماأشم شي
هنادي : ريحة رحية قومـ؛ـــــــــــــي غيري لولدك
روان : ههههههههههههههههههههههههههههههههههه ههههههههههههههه ههههههههههههههههههههههههههههههههههه ههههههههههههههه ههههههههههه الله يرجك أحد قالك تمسكينة هاتية
خذته وراحت للدورات المياه بعد عشر دقايق رجعت ....
هنادي نادو على أسمك لم رحتي عطت فيصل لهنادي وراح ورجعت
هنادي: ليش رجعتي
هنادي : مايصبرون
روان : وراي عشرين مريضة ويبون يخلصون قبل 4 العصر
إلا وش صار مع اللي لحقك أمس
هنادي : سألت بدر قال مالك دخل
روان : اليوم شكل بدر يخوف ما عرفته هو وشعرة شكلة توه قايم من النوم .
هنادي : بالعافية قام أف نومه ثقيل
روان : يمكن فيه فقر دم
هنادي : بسم الله علىأخوي
روان : قلت يمكن مو أكيد
وجلسو يسولفون نص ساعة ودخلت على الدكتورة بعد ما خلصت دقو على بدر ...
هنادي : ما يرد
روان : دقي مرة ثانية
دقت ولا رد
روان : دقي لين يرد
دقت هنادي 5 مرات ولا رد
روان : أخاف رجع نام
هنادي: يووووووووه والله البلشة
روان : دقي على امك خليه تقومه
دقت هنادي على أمها وقالت بتقومه
بعد ربع ساعة جاهم ووصلو روان .....
روان : مشكور بدر تعبتك معي
بدر ساكت فيه النوم ومو رايق لأحد
نزلت روان
بدر حرك السيارة
هنادي : ووووووووقف
وقف بدر بسرعة : وش فيه
هنادي : روان ما دخلت البيت ليش نروح فتحت الشباك هنادي :
روان معك مفتاح
روان : أشرت بالمفتاح لهنادي عشان تتطمن
ومشى بدر .........
دخلت روان المفتاح في الباب بس ما دخل طالعت زين لقته مفتاح غرفتها مو البيت جلست تدور في الشنطة ما لقته ......
جلست على الدرج وحطت فيصل بحضنها وجلست تدور في الشنطة ما لقت : يا ربي وش هالورطة
دقت على أبوها مافي شبكة دقت على أمها مافي شبكة
والجو حااار مرة فكرت تدق على هنادي بس استحت توهم موصلينها وبدر مو رايق صعبه
انتفضت على الصوت .......
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الفصل التاسع :
عطني وعد أنك تمر
تلقاني أصبر لك عمر
ومهما تغيب
تبقى حبيب
وغيرك أبد ما أنتظر
/............,،،،،،،،،،،،،،،،،
وليد : السلام عليكم
روان رفعت راسها : وعليكم السلام .
وليد : هذا بيت محمد بن عبد العزيز الــــــــــ.....
روان : أيه
وليد : وأنتي مين
روان : وأنت وش دخلك
وليد : أنتي مين أبي أعرف
روان : أنا من أهل هالبيت
وليد : أنتي بنته
روان أستغربت : أيه ليه وش تبي
وليد : ليش جاسة في الشارع ما تخافين يجيك شي يله قومي أدخلي جوا
فتحت روان عيونها : وأنت مين عشان تتحكم فيني
وليد : أنا ولد عمك
/
/
/
/
/
/
/
شالت روان فيصل ووقفت : ولد عمي ؟؟؟؟؟؟؟؟؟
وليد : أيه ولد عمك
روان : ووينكم عنا .....
كل هالسنين ما نعرف عنكم شي
حرام عليكم ما عندي لا عمان ولا خوال كني مقطوعة من شجرة
حتى أساميكم ما أعرفها
وليد : هذي سالفة طويلة بعدين بتعرفينها
روان : كل من سألته قال لي بعدين بعدين متى أعرف يعني ....
وليد : طيب أهدي اللحين وقوللي ليش أنتي جالسة هنا
روان وبسرعة تكلمت سالفتها من المستشفى للحين
وليد: طيب الجو حار أرحمي ولدك يا شيخة ولا دقي على زوجك يجي ياخذك
ارتبكت روان : أنا مطلقة
انصدم وليد : خير توك صغيرة
روان : مافي نصيب
وليد : الله كريم يله تجين معي
روان شكت
جلست تناظر فيه وقالت: طيب ورني هويتك
وليد : لك الحق تشكين ماقد شفتي واحد منا طلع لها الهوية
قرت الأسم : وليد بن عبدالرحمن بن عبدالعزيز ال،،،،،،
وتأكدت
روان : طيب وين سيارتك
وليد : موقفها نهاية الحارة أجيبها وأجيك لا تتحركين
روان : طيب
راح وليد وجلست تناظره وفرحتها فوق ما أحد يتصور وأخيرا شافت أحد من أهل أبوها الحمد لله الحمد لله .......
جاها وليد وركبت ورى
وليد : سواق أنا
روان استحت : بس مو حلوة أركب قدام
وليد : عن الخرابيط وتعالي قدام
حطت شنطت فيصل وركبت قدام ......ومشى
وليد : وش أسمة .
روان : فيصل
وليد : من متى تزوجتي
روان : من مدة قريبة
وليد : ومن ولده كنتي ماخذه
روان : ولد جيراننا اسمه محمد ال/////
وليد : لو أنا عارفينكم من قبل حشى ما تاخذين من برى القبيلة
روان تغير الموضوع :عندك خوات
وليد : أيه شهد و شذا
روان : من الكبير فيكم
وليد : شهد متزوجة وعندها ولد أسمه فارس واللحين هي حامل بعدين أنا وبعدين شذا
روان : وكم عمرك
وليد : كم تعطيني
روان : 24
وليد : لا
روان: 23
وليد : لا
روان :25
وليد : ايه
روان : وشذا
وليد : في أول ثانوي
روان :تكلم عن عماني ترى ما أعرف عنهم شي سوى أنكم بجدة وبس طلبتك والله أبي أعرف كل شي ...
وليد : شوي شوي علي أول تغديتي
روان :لا
وليد :وش تبين تاكلين
روان : لا هو فشيلة
وليد : وش فشيلة أنا ولد عمك يله خلصي وش تبين
روان : بعدين أنا ما أكل إلا وأنا فاتشة
وليد :طيب
روان : يعني وشو أتغطى عنك
وليد : وش بقى أصلا أنتي متلثمة
روان : حتى ولو عيب ليه أنتم تفشون على بعض هناك
وليد: لا
روان : طيب خلاص
وليد : وشو اللي خلاص
روان : ولييييييييييييد لا تخليني أعصب .
وليد : طيب خلاص أنتي أدخلي قسم العوائل وأنا بأكل على أي طاولة .
روان: أيه كذا زين
وليد / أختار لك على ذوقي
روان : ممكن سؤال
وليد : أسألي
روان: أشوفك عارف الرياض
وليد: أيه أنا أدرس هنا في جامعة الملك سعود
روان: وش تدرس
وليد: حاسب
روان :ووين ساكن
وليد : ساكن مع 4 في شقة عزاب يعني
روان: وكيف عرفت البيت وليش جيت وش السبب
وليد : تراني جووووعان من الصبح وأنا أدور على بيتكم بالعافيه لقيته بعدين نتكلم عندنا وقت طويل حتى يجون أهلك ..
روان بزعل : طيب
وقف محمد عند مطعم حلو ونزلو روان راحت ووصلها طلبها ووليد جالس في الأفراد .....
بعد الغدا أذن العصر ........
طلعو وركبو السيارة .....
وليد : بأصلي وأنتي
روان حمر وجهها من الفشيلة ? ما ردت عليه
وليد : وش فيك
روان : رح صل أنت مالك دخل فيني
وليد فهمها بس يبي يحرجها : الأخت مسلمة
روان : لا يهودية
وليد : لا بس أتأكد ليه ما تصلين
روان : ما علي صلاة
وليد : ليش
روان : أنا توني ما طلعت من النفاس أرتحت
وليد : عسى ما فيك شي يوجعك شي أذا تعبانه قوللي لا تستحين
روان : لابس أول أسبوعين كنت تعبانه واللحين لا
وليد : عشان كذا رحتي المستشفى اليوم
روان تصرف : ترى أقام ...
وليد : هههههه طيب وقف عند مسجد وركض دخل جوا عشان ما يتأخر ...
روان : ااااه ما يفهم يحرج أف باقي أسبوع وأخلص ...
صلو المسجد وبعد عشر دقايق جى .....
وليد : اللحين وين نروح ترى ما أحب أدور في الشوارع ..
روان : يعني وش نسوي
وليد: اللحين كيف تتطلعين ما معك مفتاح البيت
روان : وش أسوي نسيت.. خذت مفتاح الغرفة بدل البيت
وليد : كم باقي ساعة عشان أهلك يجون
روان : 6 ساعات
وليد طفش جلس يدور شريط أغاني وقف السيارة على جمب
وجلس يفتش في المرتبة الثانية ....
لقى مفتاح معلق على شنطة فيصل : الحين وشذا
اللتفت روان : هيههههههههههههههههههههه هذا المفتاح
البيت هوو أثري معلقته على الشنطه والله أني عميا
وليد : صار خير .........فكة من الشنطة وركب
وليد : اللحين أرجعك للبيت ولا كيف
روان : أيه خلاص رجعني البيت
وليد غير طريقة رايح للبيت عمه .......
لم وصل : اللحين وش بتقولين لعمي
روان : محتارحة صراحة بتكون صدمته كبيرة إلا ليش جيت تسأل عنه ؟
وليد / كل شي في وقته حلو
روان : طيب عطني رقم شهد أو شذا أبي أتعرف عليهم
وليد : مو اللحين بعدين
روان : واللحين وش أقول لأبوي
وليد : اسمعي ولا كأنك ركبتي معي أو شفتيني حتى كل اللي صار أن صديقتك ودتك للمستشفى ورجعتي للبيت بس أنا بكرة العصر بأجي بيتكم من دون أحد يعرف وبأقابل عمي وذيك الساعة قولي للناس أنا رجعنا لعماني مثل قبل بس حذرتك لا تجيبين سيرة لأي أحد .
روان : أن شاء الله وتعبتك معي ومشكور على الغداء
وليد : حق وواجب يله أنتبهي على نفسك وعلى فيصل
روان : ياي شفت ولد عمي ونزلت من السيارة .......
فتحت الباب وأشرت بيدها تودعه ودخلت ........
مشى وليد وفي راسة مليون شغلة ...........
//////// ////////// ///////////////// ////////////////// ///////////// /
محمد : ودي أشتري ملابس لفيصل بس ما أعرف أختار
هيثم : تعال ندخل أي محل أطفال ونسألهم عن الملابس اللي تناسب شهر ...
محمد : مشينا
هيثم : ولا ناخذ أي حرمة وتختار لنا
محمد : أحلف بس
هثيم : شف هالمحل ..ودخلو وسألو عن ملابس تنفع عمر فيصل
هيثم : هذي حلوه
محمد : حقت بنات ما تشوف
هيثم : كلهم سوا
محمد : لا والله شوف هذي
هثيم : لا الخضراء أحلا
محمد : ولا الزرقا
هيثم : أو هذي اللي فوق
جلسو ربع ساعة وطلعو ما شرو شي
هيثم : أنا أخلي أختي بكرة تروح تشتري لفيصل أحلى ملابس له
محمد : ومتى بتروح
هيثم : بكرة أنا أحطها في السوق وخلاص
محمد : دام أختك بتروح بتشتري كل شي يخص هالمرحلة ترى والله ما أعرف شي .
هيثم :بأقولها أن شاء الله..
إلا نفسي أسألك سؤال بس متردد
محمد : لا أسأل عادي .
هيثم : يعني فيصل بيجلس طول عمره عند أمه
محمد : مو مطول وأخاف أخذه وتصير مشاكل أنا بأنتظر لم يكمل سنتين وأفكر في هالموضوع .
هيثم : أذا بيتربى عند أمه بكون مدلع أما معك أحسن بين أبوه وأهله .....
محمد : أنا قلت ما راح يعيش طول عمره معها
هيثم / كم باقي لك وترجع لرياض
محمد: يومين
هيثم : وش صار على زوجتك الثانية رجعت لأهلها
محمد : عمها يدق علي وأنا مطنش أكيد يبي ياخذ أغراضها بس خلها عناد فيها متى ما بغيت بأرد
هيثم : اللحين هي اش سوت فيك
محمد : ما تلاحظ أنك تسأل عن حياتي كثير ترى ماقد تدخلت في أمور أهلك .
هيثم : أسفين يا أخي لا تعصب علي ....اللحين وين نروح
محمد : تعال نشرب لنا شي
هيثم : يله ............
//////////////////////////////////////////////////////////////////////////
هنادي : أحلفي كل هذا صار اليوم
روان : أسكتي لا يسمعنا بيقول علمتيها وأنا محذرك
هنادي : واللحين هو عندكم
روان : لا
هنادي : أجل ليش تقولين أسكتي لا يسمعنا
روان : بس كذا أحس أنه بيسمع
هنادي : تكفين لو أنه جني إلا وأهلك للحين ما جو
روان : ليه اللحين الساعة كم
هنادي : 9
روان : لا بيجون 11 تصدقين جوعانه مدري وش أكل
وأخاف أطلب وأفتح الباب .
هنادي : الله يخلي توست وجبن وعصير تفاح وكلي وسدي جوعك
روان : أبي شي دسم
هنادي : قولي لوليد
روان :خير أمون من أولها
هنادي : ولد عم على الفاضي
روان : وأنتي عيال عمك ما قد جابو لك نتفت خبزة
هنادي : إلا يوم أني صغيرة كان ولد عمي عبد الله يوديني البقالة بس أنا اللي أدفع خخخخخخ إلا وليد كيف شكلة
روان: ليش بتاخذينه
هنادي : أذا حلو ما عندي مانع أما أذا شين خذيه أنتي
روان : لا حلو
هنادي: أجل با خذه
روان : يله بس أحس أنه متزوج بس ما يبي يقول لي
هنادي: يله قولي كيف شكلة
روان : طوله مثل بدر أخوك
هنادي": يعني طويل
روان: ايه وله عضلات شكله يروح نادي
جسمه رياضي مرة لا نحيف ولا سمين وسط وخشمه طويل
و وحاط سكسوكه وسوالف وشعره نص رقبته وش بقى يا ربي وعيونه مثل عيونك تقر يبا
هنادي: الله عامل مشترك بس باقي شي واحد
روان: وشو
هنادي: له كرشة
روان : أقولك جسم رياضي وتقولين كرشة
هنادي : أيه أشوى إلاأمداك تقزين كل ذا
روان : لا والله جالسة جمبه بالسيارة ولا تبين أقزه
هنادي : أقولك مواعدة بنات بأكلمهم على المسن يله باي وأذا صار شي جديد علميني
روان : شوفو ساحبه يله روحي بابي
هنادي : بايات ..........
سكرت هنادي من روان وهي تفكر في وليد والمواصفات اللي قالتها روان عنه يا ترى متزوج ولا أعزب يارب يكون من نصيبي!
سكرت روان من هنادي وتفكر في وليد وحياتها الجديدة مع عمانها وكيف بتكون ياليت خذت رقمة وبكرة آه يابكرة وش بيصير في أبوي وأخيرا بأعرف سبب هالخلاف الكبير اللي وصل في أبوي يترك أخوانه 20 سنة من دون سؤال عنهم أو يمكن أبوي يزورهم وما يقول لنا لا بس أبوي ماقد سافر ألا نكون معه طيب يمكن يتصل فيهم من ورانا أفف متى يجي بكرة قطع أفكارها صياح فيصل من الجوع خذته ورضعته ونام وحست بنوم معه طفت اللمبات ونامت ,,,,,,,,,,,,,,,,,,,,,,,
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك