رواية عيوني جفت وهي تبكي على حبيبها -8
عمار.روح اخطبها..وعيش حياتكـ معاها ولا تفكر بنفسكـ بس اهي تحبكـ...لو بس سامعها
واهي تكلمني بالتليفون تفكرني انت شان ييت من مكان انت فيه
ياسر وهو يلم عمار ويبجون مع بعض
ياسر.عمري ماراح انسى هالجميل راح يتم دين برقبتي
عمار.وعلشانكـ كلشي يهون...(وراح اضحي بحبي)
بيت بو عبدالرحيم على لفطور واهم يالسين كلهم
روابي.يلى انا طالعه يمه ولا تحاتين
ام عبدالرحيم.لوين رايحه
روابي.بروح اصور اشوي وموبايلي بحطه سايلنت او بقفله
بوعبدالرحيم.لورا وقفي اشوي
وقفة وادموعي تيمعة بأعيوني اشكثر اشتقت لأسمي ومن مين خصوصآ من ابوي
عبدالرحمن.يبه مين لورا ليه صار لها اسم ثاني وانا ماأدري
بوعبدالرحيم يرقع.تعرفني انا اشكثر كنت احب هالاسم بس امكـ الله يهديهى مارضت ان نسميها
لورا وسمناهى روابي
روابي التفت.نعم
بوعبدالرحيم.انا خصصتلج جزء من مجلتنا تعرضين فيها اصورج
روابي واهي تبوس ايد ابوها.مشكو يبه
بيت بو عبدالعزيز بعد ماافطروا ايلسوا بالصاله ولكل راح على دوامه ماعدا روان ماراحت
بوعبدالعزيز.ها روان شقلتي موافقه او لا
روان.الي تشفونه
بوعبدالعزيز.مو الي انشوفه انتي شرايش يصلحلج كزوج او لا
ام عبدالعزيز.وافقي يابنتي ماراح تلقين احسن منه
روان بعد تفكير.خلاص يمه قولي لهم اني موافقه
عند روابي
ادور ابي التقط لقطه تكون فريده بس عدسة لكاميرا اوقفة على شخص كان مسند راسه على
لكرسي وفارش ادينه كنت ادوره كنت انتظر لاحظة وصوله شافني لهوى توقف عن لحركه اقلوبنا
تخفق لبعض جاء حبيبي الي غاب شهر كأنه سنه
بفلة بوعبدالرحيم
عبدالرحيم.يمه فهمتيهم اني ماأبي عرس بس نملج ونسافر على طول
ام عبدالرحيم.اي بس والله فشله
عبدالرحيم.تعرفيني انا مااحب اجوا لعرس وخرابيطه
ام عبدالرحيم.ان شاءالله بس لبنت ماتعارض
بفلة بوعبدالعزيز
روان.ياسلام حتى من هذا بيحرمني
بوعبدالعزيز.روان اهم شي السعاده مو لمظاهر ولمجامله
روان.يبه بس هذي ليلتي..كأني عامله شي وبداري خطيئتي
بوعبدالعزيز.انتي سوي الي يبي واوعدج بعد ماتردون من السفر اقنعه ان يسوي زواج
روان.مو حلوا كلشي بوقته يكون احلى
ام عبدالعزيز.خلاص انا اسويلج حفلى بسيطه هناء بالبيت وبعدها تروحين معاه هاى شقلتي
روان.شقلت بعد امري الله...رضينا بالهم والهم مارضى ابنا
ام عبدالعزيز.عفي على بنتي
عند روابي
روابي.ياسر حبيبي...وقف لا تروح وتتركني
ياسر.روابي انا مراح اتركج
روابي.انا محتاجتلكـ لا تتركني وتروح
ياسر.كلذا مشتاقه لي
روابي وانا ماسكه ايده وابجي.خذني وروح او تعال معاي بس لا تتركني ابدآ ابدآ ابدآ اوعدني
بهالشي
ياسر وهو يمسح دمعتها.ماراح ابعد ليكني جدامج
روابي ماادري شلون تشجعت وقدرت اقولها له بويهه
روابي.ياسر تتزوجني
ياسر فتح عيونه على آخرها ويلس وهو صامت
روابي.تكلم عطني ردة فعل انا عن جد
ياسر.مااقدر
روابي.وليه ماتقدر عطني سبب واحد
ياسر.ماابي بعد فتره ادموعج تنزل علي وتحرقني
روابي واهي تضرب ريلها بالارض.انا راضيه لو ابجي عليكـ لحد مااموت انت عذابي وسلوتي.
..يمكن تستنكر اني انا عرضة عليكـ الزواج بس انا عايشه حياتي كلها بالندن يعني هالشي طبيعي
ياسر.انا مو فاهم شي...وانتي متى طلعتي براء وعشتي وانتي طول
حياتج هناء وجدامنا
روابي.قول انكـ موافق وانا بقولكـ عن حياتي كلها...بس انت تقولها لمره وحده
ياسر يمسكـ ايدها وييلسها يمه ويهه بويها.اي موافق مين يحصله ان مراء
تطلبه لزواج وخصوصآ مراء حلوا وعيب لواحد يرد لها طلب
روابي بأبتسامه.مشكور حبيبي انا اللحين بقولكـ عن حياتي لاني ماابي حياتنا تنبني على جذبه..
بس ماتقاطعني..
ياسر.قولي ماراح اتكلم..
روابي اخذت لي نفس طويل وبديت اقصله قصتي الي انبنة على هويه يديده وحياه يديده وانا اعيوني
بعينه ابي اقراء شنو بيخبرني....
ياسر.انتي جذاااابه...بس تبين تلعبين علي
روابي.انا مااجذب عليكـ...واذا تبي اسأل ابوي واهو يخبركـ عن الي تبي تعرفه
ياسر تذكر.البيت الي رحتي فيه مين بيته وبعدها جاء عمي ومعاه بنت بعمرج
روابي.هذا لبيت الي يمع امي وابوي اروح له اتذكر امي فيه اشوف صورتي الي تبدلت
اشوف لورا وين كانت وين صارة ولبنت الي تكلمة عليها ذي صديقتي رنا جاءت تزورني
...لسى مو مقتنع
ياسر.قصه ولا في لخيال
روابي.اذا تبي اوديكـ بيتنا...
......................................
راح يوافق ياسر على الزواج من روابي بعد الي سمعه منها وبقتنع من جلامها
كيف تكون حياة عبدالرحيم و روان اذا عاشوا مع بعض
مين بالليلة زواج عبدالرحيم بيحدد مصيره من الشباب والصبايا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
الحـــــــــــــــــــــلقه العــــــــــــــــاشــــــــــــــره...
في بيت روابي مع ياسر ادخلوا لبيت....
روابي.ادخل ليه واقف تستحي
ياسر.لا..خلينا نرجع انا صدقتج...اللحين عمي يطب علينا
روابي تمسكـ ايده ودخله وتسكر لباب....
روابي.لا تخاف عمكـ ماراح يجي بهالحزه ايلس وانا بصعد اجيبلكـ الدليل
يلس ياسر وهو خايف ان احد يطب عليهم ويشوفهم ساعه واقف وساعه يالس لحد مانزلت اهي..
روابي.تفضل هذي امي...يعني اصورها
ياسر.خلينا نمشي بلاهى لمغامره
بالشقة روبين مع عبدالعزيز
بعد ماخلصوا غدا ايلسوا بالصاله يشربون جلاص شاي اهو حاط راسه على صدرها واهي تلعب
بشعره بأصابعها
روبين.عبدالعزيز انت نمت ..(واهي مبعده ايدها عن شعره)
عبدالعزيز ورفع انظره لها.لا عمري مانمت...بس احب انج تلعبين بشعري
روبين وتستدرجه بالحجي.بس هذا الي تحبه فيني
عبدالعزيز وهو ينزل راسها ويبوسها بتمها.انتي عمري كله شلون مااحبج
روبين واهي تبوسه بجبينه.وانت النبض الي ينبض ابه قلبي
عبدالعزيز يسوي نفسه معصب وعقد الحواجب.هذا الي قدرج عليه الله
روبين واهي لفه ويها.شو قصدكـ...
عبدالعزيز.يعني بوسه بالخد...بالتمي...غير ليبه
روبين.لمره ليايه
عبدالعزيز يبعد راسه ويمسكها من ايدها.تعالي انا اعلمج طريقه ثاني
روبين.عبدالعزيز...حبيبي مو وقتها
نرجع عند ياسر وروابي
ياسر ويحط صبعه على الصوره.وهذي مين
روابي.ماادري مااعرفها انت تعرفها
ياسر يغمز عليها.اذا ماخانتني الذاكره يالسه يمي وتحبني وايد...وايد
روابي تقرصه بأيده.يعني مو معترف انكـ تحبني
ياسر يحط ايده مكان لقرصه.اي عورتيني يامجرمه
روابي.تستاهل
ياسر.طيب فرجيني اصورج يوم كنتي لورا
روابي.خلكـ على روابي يمكن مااعجبكـ يوم كنت لورا
ياسر وهو يعض على شفته.يمكن ابدل راي
كانوا منسجمين مع بعض ماحطوا في بالهم ان احد دخل لبيت ماحسوا لا يوم نادى عليها.....
بوعبدالرحيم.روابي...روابي...وينج فيه
ياسر فز من مكانه.عمي...عمي...جاء انا قلتلج
روابي تمسكـ ايده وتيلسه.استريح زين ماراح يقول شي
بوعبدالرحيم.انتي هون وانا صارلي ساعه انادي عليج
روابي.يبه مو كأنكـ قلت بتجي لعصر
بوعبدالرحيم.غيرة راي...(توه ينتبه)...ياسر موجود عندنا
ياسريرتجف.عمي لا تفهمنا خطأ...والله ماسوينا شي
بوعبدالرحيم.انا فتحت حلجي بشي.ههههههههههههههههه
ياسر فاجئ عمه و روابي.عمي بنتكـ اطلبتني لزواج وانا موافق
بوعبدالرحيم.بنطبق لمثل اخطب لبنتكـ قبل ما تخطب لولدكـ
ياسر.عمي...ماعطيتني كلمه
بوعبدالرحيم.انا موافق...بس لازم تعرف حقيقة روابي
روابي تكمل عن ابوها.يبه ياسر يعرف بكلشي انا خبرته
بوعبدالرحيم.ايل هيج...ماقول الا على بركة الله
ياسر يبوس راس عمه.مشكور ياعمي...هذي امنيتي بالدنيا...
مرة الاحداث سريعه كأن بالامس عبدالعزيز تزوج روبين وليوم زواج روان وعبدالرحيم حفله
بسيطه بين الاهل والاصدقاء ماالبست فستان زواج البست فستان بسيط كيف بتكون الحياه الي
بتيمعهم كانت ناعمه غير عن كل مره كأن لقمر طلع بدايت الشهر...لون لفستان ابيض فتحت
الصدر قصه لبنانيه واسيور رقيقه وفيه كرستال على الصدر ومخصر لحد الخصر وبعدها مثل ذيل
السمكه ومكياجها ناعم مطلع انوثتها وزايد جمالها ادخلت على اغنية لبدر...وبعد ربع ساعه
دخل عبدالرحيم من دخلتها وروان عصبت لو ودها تقوم وتطعنه بالسكين...بس يوم ارفعة
راسها وطاحة عينها بعينه...شافت عبدالرحيم لاول مره من اعرفته يلبس الدشداشه مخصره
ومسوي سكسوكه...لعاده مايحرف بالحيه وماحست الا ايد تضغط على ايدها وتشد اكثر...
عند عبدالرحيم
عبدالرحيم وهو يهمس في اذنها.لا تشردين اكثير ترى انا واقف يمج مارحت لبعيد
روان تسحب ايدها.تافه...وبعد منحط وازباله
عبدالرحيم.كل الي تقولينه عسل على قلبي
روان واهي شاده على اسنانها.عبدالرحيم
عبدالرحيم.روان هدي مو جدام الناس
عند لبنات
روبي.شفيهم ذليه معصبين
رحاب.اكيد واحد عن لكفر يتكلم والثاني عن الايمان
ريناد ازيدها.ولا اذا جابوا اطفال اتوقع بيكون نصه مثل ابوه والنص الثاني مثل امه
روابي.يلى عاد لا تحجون عن اخوي هيج راح يطلعون احلى ثنائي
عند عبدالعزيز
عبدالعزيز.هلى و غلا بلي نسانئ ولا عبرنا
روبين.ماعاش من ينساكـ انت بالفكر
عبدالعزيز ويشدها من خصرها.اخلصت لحفله ولا لسى
روبين واهي تبوسه بخده.تدري اني اشتقلكـ بجم الساعه الي يالسه بداخل
عبدالعزيز.يالعياره كان دقيتي في اختراع اسمه موبايل
روبين واهي تحط ادينها على رقبته.شوفني بس اصعدت روان تبدل وعلى طول جيت لعندكـ
عبدالعزيز وهو يبوسها على راسها.حياتي انتي
ميثم.بس مامليتوا من بعض 24ساعه في 24ساعه
عبدالعزيز.وانت شحاركـ
ميثم.ترى اختي مو حلوا بس يلى طاحة بجبدكـ انت مو واحد غيركـ
روبين واهي تضرب جتفه.ماحد طايح بجبد نفسه غيركـ انت
ميثم.انا مو طايح بجبد نفسي والي بتاخذني امها داعيه لها
عبدالعزيز.يا مغرور
ميثم.من قدي
عند عبدالرحيم
بوعبدالرحيم.هاالله هاالله بنت عمتكـ حطها بعيونكـ
عبدالرحيم.لا توصي حريص روان بعيوني
روابي.ياربي من هالخوا شلي اقلبه فاجئ
روبي.روان مسوي له شي هلي مخليته رومنسي
لكل مشى بعد مامشى لمعاريس ماعدا فيصل الي تم مع ابوه وامه اما لكل ساروا يستريحوا بعد الليله
عند عبدالرحيم
عبدالرحيم.شنوا تحبي اطبلج
روان.مابدي شي شبعانه
عبدالرحيم.واضح عليج انج شبعانه
روان.ليه منصجي
عبدالرحيم وهو يحط ايده على ايدها.طالعي نفسج بالمرايا كيف ويهج منقلب اصفر و ترتجفين
روان ماادري بديت اتقبل فكرة ان زوجي مدين وملتزم مو صايع وماله الا نفسه.....
روان.خلاص عبدالرحيم جيب لي عصير كوكتيل مع شورما
عبدالرحيم.على امرج حبيبتي
روان وانا افتح الجام.عبدالرحيم.
عبدالرحيم.نعم حبيبتي
روان.لا طول علي يمكن ماتحصلني
عبدالرحيم وهو يغمز عليها.حتى لو رحتي للقمر راح اوصلج
روان واهي تضحكـ.هههههههههههههههههههه خلنا على الارض احسن لنا....
عبدالرحيم.الله لا يحرمني من ضحكتج
بفلة بوعبدالعزيز
رانيا يالسه تحت الشيره بحديقة بيت خالتها وجاء فيصل من وراها وقطع من لشيره اسعفه وحطها
على اذن رانيا ولعب عليها....
رانيا واهي تحط ايدها على قلبها.بسم الله فيصل
فيصل.اسم الله على قلبج
رانيا.لسى ما مشيت
فيصل.شلون امشي واعيوني هون ماتحركـ من مكانه
رانيا.يلى روح من هون اللحين يطب علينا ميثم او راكان
فيصل وهو يقعد بالارض يمها.مافي احد ماغير انا و انتي
رانيا تلعب بخصلة شعرها.بس انا بدخل داخل يمهم
فيصل.تدرين ان ياسر خطب روابي تمنيت اني اخطبج من ابوج
رانيا افتحت عينها على الآخر.من صجكـ ياسر خطب روابي
فيصل.اي ياقلبي
رانيا.طيب شان خطبتني من ابوي
فيصل.صج والله
رانيا.لا اتغشمر معاكـ
فيصل وقف.رانيا لا تتحركين من مكانج انا جايلج
رانيا.يا مينون وين رايح
بفلة بوعبدالرحيم
بوعبدالرحيم.بوعمار خطب روابي لياسر وانا عطيته كلمه
ام عبدالرحيم.بس ام عمار مايابتلي اي سيره
بوعبدالرحيم.قالوا بيعملونها مفاجئ
عند روابي بالغرفه
روابي.هلا بلي سلب فكري و عقلي و سكن بالعيون
ياسر.خفي علي حبيبتي ترى مااقدر...ترى اللحين اركب سيارتي واجي واخذج من بيتكم
روابي.اعقل...تراكـ خطبتني من ابوي حتى عمي ماعنده علم
ياسر.هههههههههههههههههههههههههههههههههههههههههه خبرج عتيج اظاهر ماوصلج خبر
روابي.و شنوا هذا لخبر
ياسر.بملجة عبدالرحيم نخطبنا رسمي يعني ياحبيبتي لكل صار عنده علم....
روابي.وانا آخر من يعلم
ياسر.وهذا انتي صار عندج علم...شراح تسوين بتعفيني
روابي.اعيف عمري ولا اعيفكـ
عند فيصل ورانيا
فيصل.يلى نخش لهم داخل ونقول لهم ان نحن نبي بعض
رانيا.لا مستحيل....شيقلون عنا
فيصل.بتيين ولا اخطب وحده ثاني
رانيا.سوها اذا ماذبحتكـ وذبحتها
فيصل يمسكـ ايدها.واهون عليج
رانيا واهي تلعب برمل بريولها.لا طبعآ
فيصل.ايل يلى
رانيا.لا استحي ادخل انت قول لهم
فيصل.اللحين انادي امي وقول لها واليله لازم نلبس الدبل
بفلة بوعمار
رحاب كانت نايمه ونست عن تحط جوالها سايلنت ورن موبايلها
رحاب بدون ماطالع الشاشه.الو....
....الو انا اجيت من السفر تبينهم اطرشيلي بنت عمج لوحدها بدون ماتكوني انتي موجوده
رحاب.انت اشبدكـ مني ومن بنت عمي
....انا مابدي منج شي بس عندنا احساب مع بنت عمج
رحاب.بس انا لازم ايي معاها ماراح اتركها بين ادينكم هذا شرطي
....على راحتج ياعمري تعالي و تفرجي لفرجه أبلاش
رحاب.الو..الو..الو.. (تسد لموبايل بويهي...)
بفلة بوعبدالعزيز
ام عبدالعزيز.يلى تعال بوس ايد خالتكـ وياى عمكـ واخذ منهم لبركه
فيصل.يعني وافقوا
ام عبدالعزيز.اي
ودخل فيصل ووراء رانيا ورانيا مستحيى و منزله راسها بالارض ماحط نبها وقال لها ان بيوم من
الايام بتنخطبين بهالطريقه ووصلوا عند ابوها وامها وعمها وباسوا روسهم واخذوا الرضا منهم
والموافقه....
رولا.وليه ماقلت من زمان وصارزواجكـ مع عبداعزيز
فيصل وهو يتل شعرها.قلت يمكن تتزوجين ويفضى لي لبيت انا و رانيا
رولا.حريمتكـ
عند بوعبدالعزيز
بوعبدالعزيز.بوميثم متى تبي لملجه عشان يملجون و يلبسون الدبل
بوميثم.نخليها بعد اسبوعين
فيصل.مافي داعي اصلآ انا جايب الدبل معاي ولملجه قبل لعرس بأسبوع
رولا.ماشاءالله مجهز لكلشي
فيصل.طبعآ...والا شعبالج
وطلع فيصل من جيبت الدشداشه علبتين ومد علبه لرانيا والثانيه عنده وفتحها واخذ الدبله....
ورانيا واقفه مقابلته
فيصل.عطيني ايدج
رانيا ترفع ايدها.تفضل
فيصل لبسها الدبله بصبعها.مبروكـ (ومد ايده)
رانيا واهي تلبسه.وانت بعد مبروكـ
ام ميثم.مبروكـ بااعيال
رانيا و فيصل.الله يباكـ فيج
ام عبدالعزيز.يا ام ميثم صاروا لعيال احسن منا و اخطبو روحهم بروحهم
ام ميثم.الله يهنيهم ولا يغير عليهم شي
ومرة ثلاثة ايام على سفر عبدالرحيم و روان لمكه مافي احلى من هالمكان و روابي و ياى رحاب
راحوا لعند مديرها بالشريكه وماحسلته خدعهم و رحاب حالتها النفسيه تعبانه من هالموضوع معاها
حق مافي احد يتحمل الي يجيله...ايلست من النوم وشافته نايم مثل لملاكـ وويهه مقابل ويهه
ارفعة نفسها و تلمس بخده وادخل اصابيع يدها على اشعره وادمعة عينها وماتوقعة انها نزلت ادمعه
على ويهه وطاحت على عينه....
بمكه..عند عبدالرحيم
عبدالرحيم فتح عينه.روان حبيبتي ليه لبجي فيج شي
روان.لا عبدالرحيم مافيني شي
عبدالرحيم.حبيبتي متأكده انج بخير
روان.اي يلى قوم ادخل لتواليت عشان نروح لحرم بدري
عبدالرحيم رفع نفسه وحط ايده على راسها وقربه ليمه وباسها بجبينها.من اعيوني
روان.تسلمني اعيونكـ
عبدالرحيم.اذا ماعليش امر تطلعيني ملابس من لكبت
روان واهي حاطه راسها على لمخده.معقوله بالفترى لقليله تملكـ قلبي ولا فيني ابعد عنه ولالاحظه
طلع عبدالرحيم من لتواليت ووقف قبال لمرايا ومشط شعره
عبدالرحيم.روان حبيبتي يلى اذا بدخلي روان..روان (التفت)روان نمتي (وقربت لعندها
ومسحت على شعرها وحطيت اللحاف عليها ويلست على لكرسي اقراء قران....)
بفلة بوعمار
رحاب.رد يازفت رد علي وخلصني
ياسر.مين هذا الي تبينه يرد عليج
رحاب ارتبكة من دخول ياسر عليها.مافي شي
ياسر وهو يعدل بشعرها.رحاب انا مااخبي عنج شي قولي لي اذا فيج شي ليه ساكته
رحاب.ياسر مافيني شي
ياسر.والي مافيها شي تيلس بنص الليل وتتجول بالحديقه وماتركة لموبايل من ايدها وكله تدق وماحد
مستجيب لها
رحاب.وانت اشلون عرفت
ياسر.كنت اكلم روابي وانا واقف يم لبلكونه ولمحتج
رحاب.صدقني اذا كنت طايحه بورطه اول واحد انت تعرف
ياسر.اتمنى هالشي
رحاب.خلكـ من سالفتي و خبرني عنكـ انت و روابي
ياسر يرمي نفسه على السرير.ماتتخيلين اشكثر احبها
رحاب.واضح عليكـ
بشقة عبدالعزيز مع روبين واهي معاندته على الدواء
عبدالعزيز.يلى روبين خليني اشربج الدواء
روبين واهي حاطه للحاف على ويهها.مابدي مو حلوا طعمه
عبدالعزيز يحاول يبعد للحاف عنها.لا تطعمين...وحتى اذا استفرغتي لمهم انه وصل لمعدتج
روبين واهي لسى على وضعها.مابدي اكره هذا الدواء
عبدالعزيز بعد نفسه عن السرير وسوى نفسه انه بيطلع من لغرفه.زين مثل ماتبين انا رايح الدوام
...واذا حسيتي بشي دقي علي
روبين.مع السلامه حبيبي
عبدالعزيز.الله يسلمج
روبين وابعدت للحاف عن ويهه وماتوقعة انه واقف فوق راسها ومسكـ ويهها......
روبين.عبدالعزيز مارحت
عبدالعزيز.ماراح اتزلزح لا لمن تشربينه
روبين واهي تبعد ايده.يعني لازم
عبدالعزيز.اي لازم والا مافيه طلعه لسوق
روبين.لا لا لا لا الا السوق انا بزور قنعتكـ
عبدالعزيز.يلى ياحلوا ورني شطارتج وشربيه
روبين وانا اصبه بتمي بابلعه وماقدرت وكبيته وكله تطشر على ملابس عبدالعزيز وانا ركضت
لتواليت....غسلت وطلعت
عبدالعزيز.حسبي الله عليج لازم على ملابسي يمج لزباله
روبين وانا انشف تمي بالمنديل.اتحمل انت الي اجبرتني
عبدالعزيز وهو يفصخ لقميص.كلشي بتحمله بس انج تطبين
بمكه عند عبدالرحيم
عبدالرحيم وهو يسكر لقران.نوم لعوافي
روان واهي تفركـ ويهه.جم الساعه
عبدالرحيم.11يلى بدلي لنروح لحرم
روان.صارلي كل هالوقت حرام عليكـ ليه ماصحيتني (وقمت من على السرير)
عبدالرحيم.ماهان علي
روان وانا مطلعه راسي من لتواليت.راح اعاقبكـ
عبدالرحيم.احلى عقاب..بس ليش
روان.لنكـ تركتني نايمه لهالوقت
عبدالرحيم.هذا يزاي
روان و سكرت لتواليت علي واخذة لي دوش على اسريع وطلعت ومشطت شعري ولبست لي
ملابس ورشيت لي عطر
روان.اشرايكـ بلبسي
عبدالرحيم.مثل الاميره النائمه
روان.بس انا مو نايمه صاحيه
عبدالرحيم وهو يحوط خصرها ويبوسها بخدها.بس انا بنسبى لي احلى من لقمر
.......................................
هل يدخل احد بالساحه ويدمر اشخاص
رحاب تقدر تنقذها روابي من لورطه او لا
راح ينكشف سر بعبدالعزيز او لا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الحــــــــــــــــــــــلقه الحـــــــــــــاديــــــــــــــــــه عشـــــــــــر...
بعد غياب سبع سنوات ارجعت للمكان الي اتركته فيه حبيبها متوقعه ان بس ايشوفها بياخذها
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك