رواية عيوني جفت وهي تبكي على حبيبها -9
هل يدخل احد بالساحه ويدمر اشخاص
رحاب تقدر تنقذها روابي من لورطه او لا
راح ينكشف سر بعبدالعزيز او لا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الحــــــــــــــــــــــلقه الحـــــــــــــاديــــــــــــــــــه عشـــــــــــر...
بعد غياب سبع سنوات ارجعت للمكان الي اتركته فيه حبيبها متوقعه ان بس ايشوفها بياخذها
بالاحضان رتبت شقتها وحطت ملابسها بالكبت و ادخلت لتواليت واخذة لها شور و طلعت و نامت
على طول بعد تعب الطياره و ترتيب الشقه....
بمكه عند روان
روان واهي شابكه ايدها بأيد عبدالرحيم.تصدق دايما لكعبه اشوفها بالتليفزيون بس ماخطر
في بالي اني اذا شفتها على ارض لواقع بتكون احلى
عبدالرحيم.مانحس بقيمة اشي الا اذا وصلنا له (وباس ايدها)يلى نطوف
روان.ماشي حبيبي...
فترة لمساء في بيت بوميثم بعد مارجع من الشريكه وهو منهار تمامآ بعد لكارثه الي حلة عليه
دخل لبيت وهو يفتح ازرار الدشداشه
ام ميثم.بوميثم عسى ماشر
بوميثم.جلاص ماي وجيبي احبوب الضغط
رانيا.يمه ابوي اشفيه
ام ميثم واهي تمسح على صدره.بسرعه يارانيا جيبي الدواء ابوج تعبان
رانيا.ان شاءالله يمه (وانا اصعد الدري)
ام ميثم.بوميثم علامكـ كلمني (وانا اضرب على خده...)
رانيا ارجعة لعند امها وادموعها تنزل.يبه كلامني يبه لا تروح احنا بأمس لحاجه لكـ..
يبه يبه رد علي
ام ميثم وادموعها متجمعه بأعيونها.روحي دقي على اخوج راكان
رانيا قمت من على الارض وركضت لعند التليفون ودقيت على راكان....
رانيا.الو راكان الحق علينا ابوي ماادري شصارله
....اختي انا مو راكان انتي داقه خطأ
رانيا.اسفه ياخوي (ولتفت على امي)يمه نسيت نمرة موبايل راكان نقليني اياه
ام ميثم.بدفتر الارقام تحصلينه بسرعه
عند روابي وريناد يحاكون بعض على الهاتف
روابي.الو ريناد
ريناد.يس يامرة اخوي خطبناج لخوي وطنشتينا اظاهر مالنا قدر عندج
روابي.محشومه لقدر كله لج...بس رحاب يالسه او نايمه
ريناد.نايمه بعد مايات من الدوام واهي مالها خلق لأحد
روابي.عطيني عنوان شقلها
ريناد.شلش ابه
روابي.ياكرهج ياريناد اذا استخدمتي معاي هالاسلوب
ريناد.خلاص يا كلمه ردي مجانج يلى كتبي
روابي.اي يعني اترج النافذ الي فيه شريكة ابوي وادخل بالنافذ الثاني
ريناد.عليج نور بس ماقلتيلي شلش ابه
روابي واهي تنافخ.وااااي من لقافتج الزايده
ريناد.يلى سيو مابدنه نعرف
روابي.شطوره اذا سمعتي الكلام
بمكه عند روان
روان.عبدالرحيم وقف اشوي
عبدالرحيم.يلى حبيبتي استحملي بس بقى اشوي ونخلص من السعي
روان وتهدد بأصبعها.ترى اذا ماقدرة اوصل لعند لفندق بتشيلني
عبدالرحيم وهو يغمز عليها.اشيلج فوق راسي جم روان عندي
بالمستشفى
راكان.بشر دكتور
الدكتور.جلطه خفيفه بالدماغ
راكان بصدمه.جلطه بس ابوي عمره مااشتكى من شي
الدكتور.متعرض لصدمه قويه ولهيج صارله كذا
رانيا واهي ماسكه ايد فيصل وفيصل واقف ويمسح على شعرها وادموعها ماوقفة اهي وياى امها
رانيا.فيصل ابوي صار جثه هامده مايتحرج منه شي
فيصل وهو يمسح دموعها.حبيبتي عمي مافيه الا لعافيه اللحين راكان يجي ويطمنى عليه
ام ميثم واهي تمسح ادموعها بالمنديل وبس لمحة راكان جرت سريع لعنده......
ام ميثم.راكان يمه شقالكـ الدكتور
راكان حاول انه مايظهر منه شي.بخير يمه بس حصله هبوط بالضغط
ام ميثم.هبوط بالضغط و يصير كذا
رانيا.انت متأكد ولا خاش عنا شي
راكان.لو ابوي فيه شي مابخش عنكم
فيصل يسحب راكان على جنب.قولي الصج عمي علامه انا مامرة علي ان الضغط نازل
راكان.ابوي معاه جلطه بالدماغ
فيصل يحط ايده على فمه.واللحين اشلون وضعه
راكان.الحمد الله مرة على خير
فيصل.لا جيب سيره لهم
راكان.انا مينون (ولتفت على امي واختي)يلى نشوفه
بالشريكه عند روابي
روابي.لو سمحتي ممكن اقابل لمدير
....مين اقوله
روابي.قوليله روابي جاسم
....قعدي على ماابلغه
بشقة عبدالعزيز
عبدالعزيز وهو يحط ايده على جبين روبين.لا صرتي احسن و لحراره انخفظة
روبين.يلى اقوم البس نروح السوق (وتنطط على السرير)
عبدالعزيز يضحكـ على شكلها وعلى ينون حبيبته
روبين.مو وقت الضحكـ
عبدالعزيز وهو يحط ايده على خصرها وينزلها وتصير بمستواه.تدرين شنو
روبين.لا تقول انكـ بطلت
عبدالعزيز.تزوجتي بس تصرفاتج تصرفات بزر
روبين مدة لبوز.انا بنظركـ ياهل
عبدالعزيز وهو يشد على خصرها اكثر.بس تصرفاتج عجبتني
روبين.اتركني لروح ابدل
عبدالعزيز يضغط على ايدها ويغمز عليها.خلينا نعملها وبالليل نروح لسوق
روبين.عبدالعزيز والله انكـ فراقه
عبدالعزيز.روبين مشتاقلج والسوق لحقين عليه
بالشريكه
....هلا و غلا
روابي.ليه تهلل و ترحب تعرفني
....اي اعرفج مثل مااعرف اسمي
روابي.بس انا مااعرفكـ
...ماالوم هاني الي متمسج فيج لحد اللحين ومو قادر يشيلج من باله احلويتي اكثير
روابي.بعد تعرف هاني...مو مهم عطني اصور الي مصورهم لبنت عمي...انتوا
ناس ماعندكم حيى
هاني يدخل لمكتب.سمعوا مين تحكي ابي افهم شي واحد من اقلبج عينا وغيرج ماكنتي هيج قبل
روابي.الي غيرني الله مافي احد غيرني
هاني يكزها ويخليها تيلس على لكرسي ويحط ادينه على اطراف لكرسي
هاني.مااشتقتي لأيامنا سوا
روابي.ابدكـ لأحلفلكـ اني مااعرفكـ وانا اللحين انسانه مخطوبه
هاني.عادي كنتي مخطوبه من قبل لولد يرانكم وساعتها قلتيلي حتى لو تزوجته بتستمر علاقتنا
مع بعض
روابي.اعتبربه من لماضي...ولو سمحتوا عطوني الصور
....بشرط
روابي.وشنو شرطكـ
....انج تقضين معاي لليله مقابل الصور
روابي.شنوا....
....الي سمعتيه
روابي كزة هاني وراحت لعند صاحبه واضربته كف ومسكـ ايدها وايده الثاني على ويهه محل لكف
....تضربيني
روابي.اضربكـ واكسر راسكـ
....سمعت حبيبتكـ شتقول
هاني.ماعليه امسحى بويهي افيوزاتها طاقه
روابي عضيته بأيده وتركها.وانت شلون ترضاها علي
هاني.طبيعي مثل ماتكونين معاي بتكونين مع غيري
روابي.ناس لحيى انفسخ منهم مره وحده
هاني.وشبدج تعملي
روابي فتحت جزدانها وطلعت لمسدس ووجهته على هاني....
روابي.اذا ماعطتوني الصور والله راح اقتلكـ
هاني وهو يحاول يبعده عنها.اتركيه هذا مو لعبه هذا مسدس اذا روحتينا تروحين نفسج
روابي بأبتسامه مزيفه.زين انكـ قلتلي وانا افكره رشاش اطفال
هاني.روحي سوي خفت دمج على صحباتج مو علي
روابي وانا اضرب بالأبجوره طلقه من لمسدس
....يامعود عطها اياه لاتذبحنا انا مو عايف نفسي
هاني.ماشي بعطيج اياها بس بأخذ الي ابي بطريقه ثاني
ومد الأسطوانه لي وانا اخذتها وخطيت جم خطوه ورجعت وضربة صاحب الشريكه بريله رصاصه من لمسدس
روابي.هذا درس يكون لكم
طلعت من لمكتب وماكنت ادري ان رنا رفيجتي تعرفهم بس انا ماشفتها بس اهي شافتني....
عند فيصل براء
فيصل.تفضلي حبيبتي السندويش
رانيا.ليه جايبني للمكان
فيصل.لتغيري جوا وتتحسن نفسيتج
رانيا.حبيبي خلنا نتمشى اشوي
فيصل.مثل مااتحبي
شافته واهو يتمشى وافرحة من داخلها بس سريع ماراحة الابتسامه بعد ماشفته ماسكـ ايد لبنت بس
قالت بداخلها اكيد هذي وحده من خواته اركضة لعنده ولمته وباسته بخده اهو وقف
مجمد ولبنت اوقفة مثل لمسطوله بس اهو سريع رجع لنفسه وبعد ايدها من على رقبته
....الحمد لله على السلامه متى شرفتي
....اليوم وحدي مشتاقه لكـ حبيبي
....بأبتسامه سخريه.حنين انا مو حبيبج وعن اي حبيب تركتيه ومشيتي عنه
حنين.فيصل ماعاكـ حق انكـ تتشره علي بس انا عرفة غلطتي ورديتلكـ
فيصل.كيفج وانا شعلي منج واتحملي نتيجة افعالج
حنين بغرور.منو هذي حبيبي
فيصل يقرب رانيا لعنده ويحضنها.هذي خطيبتي وحبيبتي وعمري الي مااقدر استقنى عنه..
حنين بصدمه مو قادره ادخلها بعقلها.حبيبتكـ...طيب وانا
فيصل.انتي ماضي ومحيته من ذاكرتي
حنين.بس انا احبكـ
رانيا كانت ساكته ومانطقة بشي وفيصل حاس فيها لانه ويهه قلب اصفر
فيصل وقف ويهه مقابل ويهه وباسها على راسها.حبيبتي انسي الي صار
رانيا عبرتها اخنقتها.فيصل ماراح تتغير علي
فيصل.طمني بالج اني ماراح اتركج لاحظه
رانيا.احبكـ
فيصل.وانا احبج
عند رنا
رنا.ان شاءالله هذي لبنت الي كلمتني عنها
هاني.اي انتي تعرفينها
رنا.هذي رفيجتي
هاني.رنا بنت خالتي ترافج هالاشكال من لبنات
رنا شكة بالموضوع وحبة انها تتأكد منه.هذي شسمها لكامل
هاني.روابي جاسم الفهيد
رنا تضحكـ.ههههههههههه لحد اللحين مااستوعبة الي تحب ماتت
هاني بعصبيه.لا ماماتت هذي جدامي
رنا تحاول انها تهديه.واذا قلتلكـ عن حقيقتها تصدقني
هاني.على حسب لكلام الي تقولينه
رنا.ايلس واسمع مني
بفلة بوعمار
روابي.شلونكـ عمار
عمار وقف وشاف حبيبته الي راح تكون لاخوه لاحظه يلس يناظر بعدها رجع للواقع وتذكر اخوه
عمار.بخير
روابي.رحاب موجوده
عمار.اي بغرفتها روحي لها
روابي.مشكور
عمار.لعفو
وصعدت غرفتها وولعت الليت واهي نايمه وبستها في خدها وايلست
رحاب.روابي
روابي.يا كسلانه بسج نوم
رحاب.عشان انسى الي صار طول لوقت نايمه
روابي.خلاص لكابوس انزاح
رحاب تعدل بقعدتها.اشلون
روابي واهي تعطيها الأسطوانه.تفضلي حرقيها وقدمي استقالتج
رحاب لمت روابي.مشكوره حبيبتي (وادموعها انزلت)
روابي.انا مااحب لبجي
رحاب.سامحيني اني شكية فيج وقلت راح تستغليني مثل عاتج
روابي.رحاب انسي اني كنت بالماضي سيئ
رحاب.نسيت والله نسيت وبدليل ان ياسر حبج
روابي تاخذ نفس كبير.لا وينه حبيبي
ياسر من وراء روابي وينغزها بأصابعه في خصرها.وهذا حبيبج قدامج
روابي تحط ايدها على قلبها.ياسر تبيني اتنغز من كلشي
ياسر ويحط خصله من شعرها وراء اذنها.عشان كله تكونين بحضني
روابي وتوها تنتبه بشكل ياسر.حبيبي ليه لهالوت السوده تحت عينكـ مانمت او مريض
ياسروهو حس بداره في راسه ويلس على سرير رحاب.لبارحه تروشت وطلعت ولتكيف شغال
وخذة برد
روابي واهي ترجع شعر ياسر لوراء.مابيكـ تمرض بيوم ملجتنا
ياسر يكح.كح..كح..كح
روابي واهي تحط ايدها على جبينه.حرارتكـ مرتفعه وتصب عرق
ياسر.لا تشغلي بالج كلها نزله معاويه
رحاب.انزين ممكن اطلعون من غرفتي
روابي واهي ترمي لمخده عليها.يا نذله ماتقولين اطلع واخليهم على راحتهم
رحاب.اصلآ انا بدخل لتواليت اتروش وانتوا كملوا رومنسيتكم بس لا تسون شي غلط
بعد مادخلت رحاب لتواليت ياسر كان منسدح على السرير وروابي واقفه ومسكه من ايدها وسحبها
لعنده وايلست على طرف السرير
ياسر.ياليت تعشين معاي على طول بالبيت ابي كل ثانيه تكونين موجوده وانظري مايفارق
ويهج لحلوا
روابي واهي تلعب بأيده.خلاص من بكره اييب ملابسي واسكن معاكـ
ياسر يبي يطفرها.خلاص من اليله وغرفتي جاهزه
روابي وتضربه على صدره.وانت بسرعه صدقة
ياسر بدى يسعل اكثر وروابي خافت عليه لان حالته مو طبيعيه
روابي.حبيبي كحتكـ مو عاديه انت حيل تكح
ياسر.كح كح كح بس ادلل عليج ابي اشوف خوفج علي
روابي.تحب انزل ايبلكـ شراب لسعال
ياسر يقربها اكثر منه بحيث يكون ويهه مقابل ويهه
ياسر.خلينا نملكـ بسرعه ابي اقضي معاج وقت اطول ابي تكون لي معاج ذكريات اكثيره
قبل مااسافر
روابي ودمعتها نزلت على خدها.ياسر حبيبي شالكلام الي اسمعكـ يقول بتسافر سفره طويله
ومو راجع بالمره
ياسر يمسح دمعتها بأصبعه.هذي لعيون ماأبيها تنزل ادموع ابيها على طول مبتسمه وتلمع لمع
روابي وترمي نفسها بحضن ياسر.ماابي سعادتنا تكون قليله ولا ابي شي يفرقنا عن بعض
ياسر يبي يختبرها.اذا مت لقدر الله تتحملين افراقي او تعشين حياتج طبيعيه وماكأني
موجود بالدنيا
روابي.اموت..اكون عايشه بس بنفس لوقت ميته انت الي نورة دنيتي
رحاب اطلعت من التواليت وياسر وروابي مابرحوا على وضعيتهم وماافتكروا برحاب كأن
الدنيا لهم اهم وبس....
رحاب.ترى كلش لعشق مو لايق عليكم
ياسر.ولا انتي لايق عليج
رحاب.يلى قوموا عن سريري لا تخربون سريري وتعلمونه على هالحركات
روابي ترفع نفسها من على صدر ياسر.ترى هذا جماد مايحس
رحاب.بس سريري يحس ويحكيلي انه يستحي من هيج معامله
ياسر.قومي حبيبتي نروح غرفتي واهي خليها تشبع بغرفتها
بفلة بوعبدالرحيم
روبي.امي من وين ياين
ام عبدالرحيم.من لمستشفى رحنا تطمنا على بو ميثم
روبي.وكيف صار
ام عبدالرحيم.الحمدلله واختج وينها
روبي.وينها عند لحبيب
ام عبدالرحيم.دقي عليها خليها تجي بنروح السوق نقضي لشقة عبدالرحيم
بمكه عند عبدالرحيم
عبدالرحيم.روان خلصتي من تقصير شعرج
روان مااقدر اوصل له شعري اقصير
عبدالرحيم.هههههههههه هذا الي مخليج ماده لبوز يلى رفعي لحجاب وانا اقص منه...
روان.مشكور حبيبي (ورفعت لحجاب)
بشقة حنين
كانت يالسه بشقتها واعصابها فارطه على الاخر ويات رفيجتها عندها بالشقه....
حنين.شفتي يحقرني ويتركني ويمشي
فرح.وانتي شحارج من حقه ان يفكر بوحده غيرج وانتي الي تركتيه مو اهو
حنين.بس اتوقعته لحد اللحين يحبني
فرح.هذي سبع سنوات كلشي يتغير فيها
بشقة عبدالعزيز
روبين.حبيبي عبدالعزيز بسرعه خلص من اتروش عشان نلحق على السوق
عبدالعزيز وهو تحت لماي.دقايق يا عمري
روبين وانتبهت ان موبايله يدق لانه حاطه على السايلنت.حبيبي موبايلكـ يدق
عبدالعزيز.ردي شوفي يمكن فيه شي مهم
روبين.الو مين معي
....انا الدكتور لمختص بمعالجته بقيت عبدالعزيز نتائج التحليل اطلعت
روبين.بالتواليت اذا في شي خبرني
....بلغيه انه من الصعب انه يجيب اطفال لانه عقيم
روبين.مستحيل (وطاح لموبايل من ايدي)
................................
كيف بيكون تقبل روبين بخصوص وضع عبدالعزيز
راح يحن فيصل لأيامه مع حنين ويرد لها ويتركـ رانيا
بيقتنع هاني من كلام رنا او لا ويستمر بملاحقة روابي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الحــــــــــــــــــــــــــــلقه الثــــــــــــانيـــــــــــــه عشـــــــــــر...
بشقة عبدالعزيز
واثناء صدمة روبين بالخبر طلع عبدالعزيز من التواليت وقف يطالع بمنظرها الي يبجي ويلس يكلمها
واهي مو معاه بعالم غير
عبدالعزيز يهز جتفها.روبين..روبين..مين كان على لخط وليه لموبايل مرمي على الارض
روبين ظلت ساكته واطالع بعبدالعزيز
عبدالعزيز جابله جلاص ماي ورشه على ويهه يمكن تحس بوجوده
روبين انتغزة.آآآآآآه عبدالعزيز الي سمعته صحيح
عبدالعزيز ارتاع من شكلها.وشو سمعتي
روبين وادموعها تنزل وتشهق.انكـ...انكـ...انكـ
عبدالعزيز.اني شو
روبين التفتت ماتبي تجي عينها بعينه واهي تصارحه.انكـ ماأجيب اعيال
من صدمة عبدالعزيز لجلاص طاح من ايده وانكسر بالارض
عبدالعزيز يتصنع .وانتي كيف عرفتي
روبين تيلس بالارض وتلم نفسها.دكتوركـ اهو الي اتصل وخبرني
عبدالعزيز يلس لمستواها بالارض ولمها لحضنه.....
بفلة بوعبدالرحيم
عبدالرحمن.اكيد اخوي من محاضره دينيه..لمحاضره دينيه..كل ماانتهت وحده وداج لوحده
اكيد مامشاج
روان.عبدالرحيم مافيه منه صاير مثل الدليل السياحي
عبدالرحمن.خوش دليل سياحي
عبدالرحيم.ليه طايح من عينكـ
عبدالرحمن وهو واقف بيمشي.اهم حاجه ماتطيح من عين مرتكـ
روبي.هالعرسان ماتنين اكيد اكل ومرعه وقلة صنعه
عبدالرحيم يحط ايده بويهه.الله واكبر عليج...الله واكبر عليج
روبي واهي تفر بالرموت وتحط على محطه اغاني.روان أغنايتج لمفضله
روان.طولي حبتين
عبدالرحيم.لا بالله هذا الي بيخربون عمرتي...ياتكتمين الصوت ياتغيرين لقناه
روان.عبدالرحيم شفيكـ
عبدالرحيم.ابد سلامتج...الا مالمحة روابي
روبي.هذي ياناطه بيت عمي...يامعلقه التليفون بأذنها
روابي تدخل عليهم واهي بأذنها لموبايل.خلاص حبيبي اتفق مع ابوي وحددو لموعد وان شاءالله
بكون ياهزه
ياسر وهو يرسل بوسه بالموبايل.احبج
روابي.وانا
عبدالرحيم.ان جات لفاتوره شايده ماراح اسددها وراح افصله
روابي.عادي مافيه الا ذى ياكثر لخطوط بالبيت استخدم واحد فيهم
روان.ماعليج منه وقت ماتبين بس اشري وانا اعطيج
روابي.ماتقصرين حبيبتي
بشقة عبدالعزيز
عبدالعزيز ياخذ جلاص لماي من ايد روبين.هديتي حبيبتي
روبين تهز راسها بمعنى اي
عبدالعزيز.انا بصارحج بكل شي مدام كلشي انفضح
روبين.تفضل
عبدالعزيز.كنت رايح لمستشفى لتبرع بدم لان زمرة دمي نادره وسحبت مني لممرضه دم وقفة
وطحت عليهم وبعد ماصحية اصر الدكتور انه يسويلي فحوصات بحكم الدكتور صاحبي انا بالاول
رفضة بس اهو كان اعند مني واطريت اني اقبل...وبعد يومين اطلعت نتائج الفحوصات ان
نسبة الانجاب عندي 5%...وقالي مانقدر نتأكد الا لمن تتزوج ونشوف لوضع...وبعد فتره
من زواجنا اتصل علي ليسوي معي فحوصات ورحت وسويتها
روبين.عبدالعزيز
عبدالعزيز يقاطعها.لا تقولين تبين اطلاق انا مااقدر على بعدج...لموت اهون علي من اتركج
(ويبجي مثل الياهل)
روبين تحضنه.عبدالعزيز انت عندي بدنيه اهم من الاطفال..اكفايه ان حسكـ اسمعه ولايفارقني
عبدالعزيز يتشلبكـ بروبين اكثر.يعني راح تعشين معاي بدون مايكون عندنا اطفال
روبين.اي..وهذي حكمة الله ولازم نرضى بالامر لواقع
عند فيصل
فيصل كان يالس يم لبحر ينتظر رانيا تجي لعنده لانهم متواعدين رفع راسه لسما وغمض اعيونه و
تذكر يوم اتركته حنين وودعته
فيصل.انتي شقاعده تقولين
حنين.مثل ماسمعت احنا مانصلح لبعض وانا ارتبطة بشخص ثاني
فيصل.اوكي خلينا نبعد فترى انا بغيب ثلاثة شهور خليها فترة نقاهى لنا
حنين.ماينفع
فيصل.الله يادنيا ماتقدرين تستحمليني وين لهفتج علي وشوقج لي
حنين.بيكفي يافيصل بيكفي
فيصل.مين هذا علميني بأسمه
وقطع عليه خلوته صوت بنت كان بالاول يحب يسمعه بس اللحين لا عنده رانيا وبس
حنين.اكيد تفكر فيني
فيصل بأبتسامه سخريه.اكيد لا
حنين.ماهى رحت وجيت انت لي...لو تاخذ عشر ماردكـ الا لي
فيصل يقوم من الصخره.انتي غلطانه نجوم السماء اقربلج
حنين توقف بنفس وقفته وتحط ايدها على خده.لانكـ تحبني..لو ماتحبني ماكان تجي للمكان الي
جمعنا مع بعض
فيصل يبعد ايدها عن خده.مستحيل اخذ فضلة احد (ومشيت عنها...)
حنين واهي ترمي احجاره بالبحر.يصير خير انا افرجيكـ منو حنين...منو هذا الي متصل علي
(وطلعت لموبايل من الشنطه وشفته طافي مافيه احد التفت لمصدر الصوت وشفته محطوط على
الصخره ومكتوب عليه *رمش العين..*هذي انتي انا افرجيج كيف تسرقين حبيبي..ونعمة
من نبرة صوتي..الو
رانيا.هلا حبيبي
حنين.انا مو حبيبج فيصل
رانيا.ايل مين معاي..وفيصل وينه
حنين.انا حنين حبيبته وفيصل كان معاي بس نسى موبايله عندي اذا تبين تعالي اخذيه انا عند لبحر
..بس الله يهديه فيصل اتركه يمي ومشى
رانيا خلاص انهارة وادموعها تنزل اسكتت ثواني وبعدها ردة..انا يم لبحر بيي اخذه منج
حنين.حياج انا استناج
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك