رواية كابرت بفراقك مع اني تألمت -12
فهد حس بحنان يجذبه لها وشكلها الطفولي وهي تبكي قربها لحضنه وحضنها : انتي ساكنه هنا واللي يكون بذمتك بذمتي والكفيله فيه انا كفيل فيه ولا اسمعها منك مره ثانيه
وبعدين انا اللي اقرر انك تصلحين لي او لا
واشوف وجهك ... وبعدها عنه شوي
ومسح على شعرها ومسح دموعها
ماابغى اشوف دموعك مره ثانيه
افنان ناظرت فيه واستوعبت اللي صار
ورجعت لها حالة الاحراج
وبسرعه طلعت من الغرفه وكلها خوف انه يرجع ويشدها مره
ثانيه لاكن يوم حست انها طلعت برى غرفته وجناحه ارتاحت بس حست ان شعرها مفكوك وان مافيه الماسكه اللي بشعرها
وتضايقت وخصوصا انها طولت فكرت ترجع تاخذها
بس بعدها قالت لاوين ان دخلت ماطلعت
والله زين مني مسكت نفسي ياااااااه ياحنان صدره ودفاه
وانا البزر صدقت نفسي على طول جلست ابكي
ههههههههه والله انجنييييت
بعدها تذكرت انه قال لها احبك ويجلست تبتسم
اااااه ياقلبي مادري كيف تحملت كلماته
ونااااسه اليوم فهد وعطله ومافيش دراسه يااااه
طلع في هالوقت فهد من غرفته مستعجل يبغى يروح المسجد يصلي وشاف افنان جالسه تتبسم وسرحانه ابتسم على خبالها
وراح لها ومسكها من كتفها ولفها عليها وقال لها : احبك
وتركها وراح عنها وخلاها بدوامه من بين حبه ومن بين خوفها من هالحب اللي ماله آمـــــآن
انتبهت لنفسها وخافت يرجع ويكمل عليها نفضت افكارها ورجعت غرفة الجوري وطبعا ماعدو لها تأخرها وجلسو يضحكون على شكلها اللي كان باين انها تصيح لان عيونها محمره شوي
وبررت لهم انها كانت محتره وبطنها يوجعها فجأه
صلو الظهر لجين وساره رجعو اما ريم ومحمد
كلعاده مارضو يروحون لانهم مشتاقين للبلاستيشن
وقالت الجوري :خليك الى صلاة العصر واخلي السواق ياخذك لبيتكم اذا متضايقه من جلستك عندي مع اني اتمنى جلستك معي سهري عندي وبعدها روحي ماراح اضغط عليك
افنان : لالالالالالا مجنونه انتي
ماقدر اجلس اكثر من كذا
اذن العصر صلت وجهزت اغراضها هي واخوانها وودعت اختها وصديقت عمرها الجوري وراحت
.......................
ع الساعه 11 الليل يدق عليها ماترد
وبعدها قفلته بوجهه صب وجن جنونه شلون يقول لها تعالي ولاتجي معه وهو واعدها بيصير لها شي عمره ماراح تشوفه
قرر ومن دون تفكير ينفذ خطته الجنونيه من غير مايفكر بعواقبها
.......................................
اليوم الثاني العصر
تجهز وتبخر وامه تبخره مستانسه فيه
وامه ناويه تروح تخطب له البنت اللي تتمناها لولدها
باس راس امه
خالد : الله لايحرمني منك
ام خالد : ومنك يما انا اللحين بروح البس عبايتي
انتظرني شوي
راحت ام خالد تلبس عابيتها ونزلت بسرعه وركبت سيارة خالد
على الغدا الكل يتغدا وبعد الغدا قالت ام خالد : اليوم ياخواني انا بخطب لجين لولدي خالد على سنة الله ورسوله وش قلتو
الجده اللي كان عندها علم بالموضوع وكانت تتمنى ان خالد ياخذ لجين لانه حنون ومربي احسن تربي ويشتغل ومكون له ورث وحلال احسن من عيال خالها الثانييين
ام خالد : وحابه اخذ شوركم يااخواني قبل شورت البنت
واطلب منكم الاذن
الجده : موافقين ماعليك البنت اذا قالت موافقه خلاص
مايصير خاطرها الا طيب
ام خالد : طيب انا رايحه اكلمها
.......................
لجين كانت تقرى رسايل تركي اللي فيها تهدد وتعصيب منها
وانها امس كذبت عليه ولاراحت له
طق حد باب غرفتها
لجين : مييييييين .؟!
ام خالد : انا عمتك فتحي لي
لجين راحت بسرعه وفتحت الباب
: هلا والله بعمتي نورت غرفتي
ام خالد : يابعد قلبي اونت بتنورين بيتي لاجيتي فيه
لجين باستغرب : مافهمت
ام خالد : من غير لف ودوران البنت يايمه اذا كثرو خطابها ورفضتهم مايجيها حد وتجلس على قلب اهلها فأحسن له تتزوج وتفك نفسها
لجين : اذا واحد من عيال عمي خاطبني وفري على نفسك طريق وانا مو راضيه
ام خالد : واللي تقول لك انها خاطبتك لولدها
لجين متفاجأه : من ولده
ام خالد : انا خطبتك لولدي خالد على سنة الله ورسوله
لجين مصدومه + مرعوبه + رااااااحه ايه راحه لانه اعدل واسنع واحد فيهم هو فاهم وعارف واخلاق
وقالت تبغى تتخلص من تركي وعيال عمها
لجين : انا موافقه ياعمتي
.............................
انتهى البارت
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
البارت الحادي عشــــــر:-
.........................................
ركب سيارته بعد ماحاط في باله انه راح ينفذ كل خططه
وصل البيت اللي قاصده وشاف ان في سيارات كثير على الباب
عرف انه اهلها موجودين
وقرر يدخل ويسوي اللي براسه
طلع من سيارته وكان شكله كاشخ
واتحدى أي شخص يميز اذا هو مدمن او لا
وكان مجهز كل شي يحتاجه وخوصا لما عرف ان ماعندها ابو
او بالاصح ماعندها سند بالدنيا ابو متوفي وعمام همه الورث
وهو راح يسوي أي شي من شان يكسر كلمتها وغرورها
رن الجرس وطلع له واحد من من العيال
تركي : ابوك هنا
الطفل : ايه مين انت
تركي : قوله واحد يبغاك
الطفل : تعال المجلس موجود بابا
دخل تركي وهو على فمه ابتسامه دخل المجلس ورع نظارته عن وجهه وكان اللي يشوفه ينافس خالد بالجمال والكشخه والكل مستغرب مين اللي دخل عليهم سلم تركي وردو عليه السلام
تركي : الاكيد انكم ماتعرفوني
خالد : سامحنا بس والله ماعرفناك
تركي : بس انا اعرفكم واعرف لجين بعد
خالد كهربا وعصبيه جرت بدمه مجرد انه ذكر اسمها
وهذا غير نظرات الفجأه اللي انرسمت على وجيه
الموجودين تركي : انا مابغى اسبب مشاكل بس ابغى الكبار يجون معي ابغاهم بكلمة راس ... وخصص العمام بالتحديد يبغى يستدرجهم بالسالفه
خالد : لا وين الكل كبير هنا اخلص علينا قول وش تبي
تركي : متأكد تبغاني اقول هنا طيب
انا اسمي تركي ال .......
بنتكم تحبني وانا احبها وهي على علاقه فيني من فتره
وهي اللي قالت لي اتقدم لها واخطبها وهي موافقه ونتنظر انكم تسألونها
خالد عصب : انقلع برررررا ياللي ماتستحي
تركي يجلس ببرود : لا لا لا مانبغى نغلط على بعض ترانا بنكون نسايب
خالد : ماتسمع قلنا لك برى
تركي : طيب ليه معصب انا اللي اعرفه ماعندها اخو لايكون طلع لها اخو بعد هالسنيييين
خالد قرب منه ومسكه من رقبته : قلت لك اطلع برى تفهم ولا لا
تركي : نزل ايدك مو انت اللي تمشي كلمتك علي
ولف وجهه للأعمام وقال : انتو تبغون تزوجونها احد عيالكم للورث
اللي تبغون تملكونه واللي مسجله ابوها بإسمها
انتو خلوني املك عليها ونص الحلال يصير لكم
وش قلتو بس .....!!؟؟
الاعمام : احنا مانبيع بنتنا
العم الصغير يقول للكبير: وش فيك خلنا نفتك منها هي واحد من عيالكم ماراح تاخذ خلنا نفتك ونبيعها نسيت الديون اللي علينا
بنص الورث نعيش بنعيييم
تركي : طيب براحتكم بس تأكدو اني ماراح اسكت وراح افضحها وافضحكم
خالد برجفه ولهجة متحطم : وش دليلك انها تحبك وتحبها
تركي : هههههههههههه
تبغى دليل لحظه وطلع جواله وخلاه يشوف الرسايل اللي كان يرسلها لها انه تجيه الشقه وغير الرقم اللي قاله انه رقمها
خالد : يمكن مو رقمها
تركي : حاب تتأكد
خالد بخوف انه يكون الرقم صحيح رقمها بس الفضول بيقتله: ايييييه وريني
تركي دق على رقم لجين وخالد ينتر يسمع صوت غير صوتها
...............................
بعد ماطلعت العمه من عندها وتركتها لحاله
والعمه كانت ناويه تبشر خالد بس قالت لها الجده ان عندهم رجال غريب ويبغاهم بسالفه بعدها جلست مع حريم خوانها وسكتت وهي تنتظر يروح هالرجال وتقول لولدها وتبشره
لجين وهي خايفه وبنفس الوقت فرحانه انها بتتحرر من تركي واعمامها وراح تكون غريبه من عمتها اللي تنحط على الجرح يبرى وغير كل هذا ان خالد موافق على كل شروطها وانها تكمل دراستها برى او على الاقل يرضى لها تدخل طب
رن جوالها وشافت رقم تركي وحبت توقفه عند حده
وتقهره بضحكتها انها خلاص اسندت نفسها على رجال والنعم
وانها خلاص ماعادت تخاف منه او تهتم فيه
تركي : الوووو
لجين : ههههههه اهليين
خالد صدمه + خذول+ رجفه + جرح
تركي : لجين مو
لجين : هههه ليه انت داق على رقم ثاني
تركي : طيب باي
وسكر منها مع اختفاء صوتها من المكان
نزلت يد خالد من رقبة تركي
وتركي على فمه ابتسامة انتصار
تركي : شفتو وسمعتو
اللحين انا طالع وابغى ردها يكون عندي خلال 3 ايام بالكثير
وبعد ال3 ايام بنشرها وبفضحها وسكر كل الابواب بوجيهكم
وعلموني بتسترون عليها بعدها واذا على المهر
عندكم من 70 الف الى 200,000 الف ولو ان بنتكم طاهره كان زدناها بس ماتستاهل وعلى فكره بتكون عاله عليكم كلكم وفيحه وعار زوجوني وانا بعد كم يوم بطلقها وانتوااخذو حقكم منها ابغى الرد بسرعه ووصلو سلامي لها وانا والوالد راح نجي نخطبها وهو متوجه للباب : وبلا وحشيه لاني والله لو شفت جسمها فيه ضربه وحده اقسم بالله ماراح يصير لكم طيب
وحس براسه بدى يألمه لانه ماخذ الحبوب اللي تهديه
اخذو رقمي من عندها سلــــــآم
طلع وخلى الكل متعجب من الللي يسمعه معقوله لجيين تطلع بهالحقاره واكثر واحد كان متأثر خالد كيف كان حاله قبل ساعه وكيف كان حاله بعد هالساعه كان مبسوط وحاس ان الدنيا بتحلى في عينه وفجأه يطلع له اللي يقال له تركي وياخذها منه
انفجر خالد : يمااااااا يمااااااااااااااااااااااااا
ام خالد انصرعت هي مع حريم خوانها : وش فيكم تصارخ
خالد : يما وين غرفت لجين
ام خالد : وش لك فيها
خالد : قلت لك وين غرفة لجييييين
ام خالد : مايجوز وانا امك تروح لها غرفتها اناكلمتها وقالت انها ......
خالد : يماااااااااااااا وين غرفتها وتوجه للدرج
ام خالد : فوق على يد اليسار
لجيييييييين يالجييييييين الزفت وكان صوته كأنه اسد منهااااار
وصدا صوته بدى يسري لأذن لجين اللي كانت فرحانه وكانت تتخيل نفسها عروس وراح تقول لصديقاتها انها بتتزوج وهم اللي كانو متوقعينها انها ماراح تتزوج < على طلبها هي انها راح تجلس مع جدتها فجأه ايقضها من احلامها صوت الصراخ والازعاج اللي تحت ووصل لها اسمها من بين هالصراخ خافت وماطلعت من غرفتها بعدها بثانيه سمعت باب غرفتها يطق بشكل جنوني ووحشي خافت وتوها بتفتح وسمعت صوت حد ينطق اسمها
خالد : لجييييييييين تعالي بكلمك
خافت يوم عرفت انه خالد واستحت : امر ياولد عمتي
خالد : مايليق عليك ترى دور البنت البريئه تحبييييييينه
لجين بصدمه : ايييييش مين
خالد : تركي تحبييييييييينه
لجين بصدمه ماقدرت ترد ولا قدرت تتكلم : ............!!
خالد : مستحيه ههههههه طيب تعرفينه
لجين : اييييييه بس والله
خالد : ملكتك عليه يوم الخميس الجاي
الله يوفقك وانسي اني تقدمت لك لاني كنت غبي
الله يوفقك
تركها وراح وهي جلسة مابين صدمتها ودموعها
وين احلامها ووين فرحتها اللي مساع كلها راحت كلها تبخرت
كلها تلاشت وييييين السعاده اللي كانت تتمناها
كلها طارت ااااااه يازمن القدار تعبت اداريك واخرتها غدرت فيني
جلست ورى الباب تبكي وتمسح دموعها ومو عارفه شلون تركي وخالد يعرفون بعض وشلون خالد عرف بالموضوع اللي ماله اساس من الصحه واكيد ان عمامها راح يغصبونها ااااااه ياقلبي
ويافرحتي اللي ماتمت حاولت تسند عمرها على الباب وقدرت ومشت بتعب الى ماوصلت لسريرها ورمت نفسها عليها وجلست تصيح بنهيار وبين مستقبلها اللي توه يبني القاعده
وجالسه تصمم له انهدم ومين اللي هدمه تــــــــــركي الحقييييير
...............................
نزل خالد من عندها وقال حق امه: يلا يما مشينا
ام خالد: فهمني وش صاير
خالد : يماااا انا برى
وطلع وتركها ام خالد ماهان عليها حال ولدها وماحبت تخسره
وطلبست عبايتها وطلعت
بالسياره خالد كان متوتر ويسوق السياره بسرعه جنونيه
ام خالد تكمل كلامها : حالك متغير وش فيك فهمني
خالد وهو يرمي غترته بعيد عنه بالسيت اللي ورى
:قلت لك مافيني شي
ام خالد : شلون مافيك شي وانت رايح لها فوق تناديها
فهمني وش صار
خالد : يما انا لجين ماابيها خلااااص
ام خالد :لييييييه يوم فاتحتها بالموضوع تقول مابيها لعبه لك هي
خالد : يمااااا لجين ماتحبني تحب واحد ثاني يما ولدك ماحد يحبه يما ولدك مافيه بنت تبيه اللي اقرب لي من بنات الدنيا ماتبغاني
يما لجين اللي حطيتها بحلمي وتخيلتها زوجتي قالت تبغى واحد ثاني غيري خلاص يما سكري الموضوع ماابغى اسمع شي يخصها والله لو سمعتك تكلميني عنها او تبررين لها لاترك لك الدنيا واطلع من البيت دوريلي على وحده غيرها انا هذي ماابيها
ام خالد سكتت ماتدري وش تقول اللحين هي بنفسها سمعت موافقة لجين على ولدها واللحين تقول كلام ثاني هذي تلعب ولااشي عرفت ام خالد ان لجين ماتستاهل ولدها وتندمت انها دخلت لجين براسه ومايدرون ان خالد شاف الجوري ومو لجين
واللي يحلم فيها هي نفسهاحبيبت صدييييقه نوااااااف
.............................
على طاري نواف اللي كان ناوي يرسل لها رساله ويبرد نار الشوق اللي بقلبه ويخلي الحواجز تنزاح بس بعدها فكر قال :لا بعد الملكه احسن الملكه يوم الاربعاء الجاي وبشوفها وبأعتذر منها اني ضايقتها وبتكون حلال علي انا حلال عليها
متى يجي هاليوم متى الا لحظه اللحين انا اتمنى قربها ولا قلت لأمي تخطبها < شفتو الغباء هههههههههه
خلني اقوم اقول لأمي حسن لي
طلع من غرفته ونزل لتحت وباس راس امه وقال لها : شخبارك ياغلى ناسي
ام نواف : انا بخير دامك بخير
نواف : تسلمين يما ماودك تشوفين عيالي
ام نواف : هذا مناي مافي ام ماتبغى تشوف عيال ولدها
نواف : طيب خطبتي لي وانا قلت لا
ام نواف: كل ظني انك ماتفكر بالزواج وبيني وبينك خفت اغصبم على وحده قلت انت قول اللي بخاطرك فيها وانا اخطبهالك
نواف : يما خطبيبي الجوري بنت خالتي
ام نواف بفرحه : زييييين مااخترت والله والنعم
جمال ودلال وحلاه وثقل ومشاءالله عليها تخرجت
نواف : يعني اتكل على الله
ام نواف : اتكل على الله وانا ان شاءالله المغرب راح اتصل على اختي اخطبهالك
نواف بفرحه : يابعد قلبي يايما وباس راسها احبك والله احبك
ام نواف : بسم الله عليك وش فيك انجنيت
نواف : ههههههه لا بس ولاشي هههه
ام نواف : ينخاف منكم ياهلجيل
نواف : ههههه ليه تخافين منا
ام نواف : تحبها صح
نواف ارتبك : لا بس ارتاح لها
ام نواف : لاتمثل ترى واضح عليك انك ميت عليها
نواف : والله اني مجنون فيها واعشقها ولو تكون لغيري بموووت
ام نواف : بسم الله عليك من الموت جعل يومي قبل يومك
نواف باس راس امه وقال : الله يديمك لنا يالغاليه
ام نواف بدت تبكي : والله وبشوف عيالك ومرت حوالي
نواف : وبتملين منهم وبتقولين لي شيل عيالك عني ازعجوني
ههههههههههه
ام نواف : والله عسل على قلبي كفايه انهم عيالك
نواف : بنشووووف ياخوفي تطرديني من البيت وتقولين
اطلع برى انت وعيالك يوه يما انتي بتكونين عجوز يعني صيحيح بتطردينا ههههههههههههه
ام نواف تضربه بخفيف على كتفه : بلا لعانه مااسويها وين اقوى على فرقاك من اللحين اقولك تسكن عندي انت وهي
غرفتك راح نكبرها ونوسعها لك علشان تاخذون راحتكم فيها
نواف: يابعد قلبي يايما الله لايحرمنا منك
ام نواف : ياجعل عيني ماتبيك
نواف : اقول لاتبكين وتنسين الملكه هههههه
ام نواف : حسبي الله على شياطينك هههههه
نواف : هههههههه يلا بروح ابدل واطلع وارجع العشاء اسمع الخبر اللي ان شاءالله يفرح
ام نواف : خلاص ابشر تامر ان شاءالله اذا فيها خير لك تكون من نصيبك وتريح قلبك يارب
نواف : امين ورقى فوق يبدل ملابسه ونزل
نواف : توصيني على شي
ام نواف : ابد سلامتك انتبه لنفسك
نواف : تامرين يلا سلام
ام نواف : بحفظ الرحمن
......................................
الووووووو
فيصل : هلا والله بولد العم اللي مااسمع صوته الا بالصدف
فهد : ههههههه تكفى انت اللي صوتك صام اذني من كثر مااسمعه
فيصل : ههههههه كيف الحال
فهد : ابد مانسأل الا عنك ماراح تنزل الشرقيه
فيصل : انا اللحين في بيتنا موجود لاتخاف نزلت من اليوم الفجر
فهد : اااااااه يالملعون تجي ولاتقول لي
فيصل : هههههههه هذاني قلت لك لايكون بتفرش الارض ورد
فهد : قول بفرش الارض مسامير ههههه
فيصل : كل هذا حقد افى
فهد : واكثر اكرهك ماحب ماابيك ابعد عن طريقي هههههه
فيصل متفاجأ من فهد اللي تغير وكثثثير: بالله وش صاير لك
احسك متغيرعن قبل تذكر اول اذا مزحت معك تعصب وتقول
سخافه ومن هالقبيل اللحين صاير انت السخيف
فهد : والله طحت ومابه حد سمى علي
فيصل : عسى ماصار لك شي ههههههه
فهد: وش فيك يووووه انت بعد جامد ماتحس بالواحد
ماتعرف الحب ولاتعرف العشق
فيصل انجرح من كلمته بس ماحب ياخذ عليها : تتكلم من جد مااصدق
فهد : وش رايك نتقابل واقولك
فيصل : حياك تجي عندي
فهد : لا وين ياليت بمقهى او أي مكان غير بيتكم
فيصل : طيب ابشر نروح مقهى الـ........... اللي دايم نروح له
فهد : طيب اشوفك هناك مسافة الطريق وانا عندك
فيصل : اوكي اشوف على خير
فهد : يلا سلام
فيصل : سلام
..................................
جالسه تكلم اختها اللي صار لها فتره مانزلت الشرقيه
اوريييييك لاتتصلين ولاشي ماصدقتي تزوجتي
امل : هههههه ليه تقولين كذا بس والله زوجي ماعنده اووف
الجوري : علينا هالكلام قولي ابغى الفكه منكم اصلا انتي مو اخت ولاتعرفين معنى الاخوه وحضرت جنابك بتجين الشرقيه لحفل تخرجي ولا لا
امل : مادري
الجوري : تقولي مادري وش هالبرود واقسم بالله بذبحك
امل : هههههههه ان شاءالله بجي لاتحاتين
الجوري : قولي لبعلك هذا خليه يجيبك عندنا اشتقت لك ولعيالك اللي مانشوفهم الا بالمناسبات
امل : ترى مارضى على زوجي ان شاءالله بنجيك
الجوري: ابغاك تجين حفل تخرجي بالمدرسه وبالبيت
مو حفل تخرجي بالمدرسه وبنفس اليوم ترجعين
جلسي سبوع عندي
امل : الللله انتي تراك متخرجه مو متزوجه مو لهدرجه اسبوع
الجوري استحت وتغيرت نبرة صوتها تذكرت كلام نواف قبل انه راح يخطبها اذا تخرجت وسكتت تسرح
امل: واااااه وينك لايكون خقيتي على الزواج ههههههههه
الله يستر منكم بنات هالوقت ماتستحون
الجوري : ليه مانسحتي ماتشوفيني ساكته
امل : هههههههه والله انك رجه طيب يناديني زوجي
بروح له سلميلي على امي ادق عليها بالبيت مشغول
الجوري: غريبه خلاص يوصل يلا روحي لبعلك اللطيف
امل : ههههههه وياحلاته يلا تامرين بشي
الجوري : الهديه لاتنسين طيب
امل : ههههه انا اقول ليه تبغاني احضر من شان الهديه الملعونه
الجوري: هههههه زين فهمتي بس بجد وحشتيني
امل : ياعمري انتي عقبال ازفك عروس
الجوري : ههههه طيب طيب روحي لبعلك لايذبحنا
امل : هههه احلى تصريفه يلا سلام
الجوري: سلام
سكرت الجوري من اختها ونزلت تحت تجلس مع امها
سمعت امها تكلم تيلفون وتقول : ابد لبسيها عبايتها واخذيها
: يابعد قلبي والله وين بنلاقي احسن من نواف
: ان شاءالله والله ماراح اغصبها بشوف رايها
: ان شاءالله تامرين ابد سلامتك وان شاءالله خير يارب
ان شاءالله تعالي لنا خلينا نشوفك
بحفظ الله
حياك مع السلامه
الجوري جلست جنب امها
ام فهد : زين انك جيتي
الجوري وكأنها فهمت : أمريني يما
ام فهد : انتي كبرتي وعقلتي وبسن زواج
والزواج مو لعبه يبغى له بنت تقدر تشيل مسئوولية
زوج وبيت وعيال وكل ام تتمنى تزف بنتها وتشوف عيالهم
الجوري بدت عرق وتنحرج : اكيد اكيد
ام فهد : وش اكيده ههههههه طيب نواف ولد خالتك خطبك
وامه تنتظر جوابنا موافقه
الجوري ببلاهه : اييييش
ام فهد : وراك بنتي .. تحط يدها على جبين الجوري
سخنتي ردي علي موافقه ولا لا
الجوري حست بنفسها : اللي تشوفينه يماا
وقامت من مكانه وركض فوق على حجرتها
ام فهد : الله يتمم عليك يارب
......................
هااااااه وش قالو
ام نواف : توني داقه انتظر 3 ايام وبدق عليها
نواف : يعني متى اخذ الخبر
ام نواف : وش فيك مستعجل
نواف : مو مستعجل بس خايف ترفضني
ام نواف : ليه ترفضك وش ناقصك
نواف : مادري يمكن تقول اعذار البنات هاالايام ابغى اكمل دراستي مو قادره اتزوج مالي خلق افتح بيت ومسئووليه او دلع
ام نواف : لا الجوري اعقل من كذا وان شاءالله راح ترد لنا خبر يفرحنا ويفرحك
نواف : امين ذكرتيني بشوف وش اخبار صديقي قال بيخطب اليوم
ام نواف : متفقين مشاءالله
نواف : لاوالله هو يقول خاطره فيها بس متردد وانا شجعته
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك