رواية كابرت بفراقك مع اني تألمت -13
هااااااه وش قالو
ام نواف : توني داقه انتظر 3 ايام وبدق عليها
نواف : يعني متى اخذ الخبر
ام نواف : وش فيك مستعجل
نواف : مو مستعجل بس خايف ترفضني
ام نواف : ليه ترفضك وش ناقصك
نواف : مادري يمكن تقول اعذار البنات هاالايام ابغى اكمل دراستي مو قادره اتزوج مالي خلق افتح بيت ومسئووليه او دلع
ام نواف : لا الجوري اعقل من كذا وان شاءالله راح ترد لنا خبر يفرحنا ويفرحك
نواف : امين ذكرتيني بشوف وش اخبار صديقي قال بيخطب اليوم
ام نواف : متفقين مشاءالله
نواف : لاوالله هو يقول خاطره فيها بس متردد وانا شجعته
ام نواف: الله يوفقه
نواف : امين ............
يوووووه ادق عليه مايرد
ام نواف : دق مره ثانيه
نواف : ...... مايرد دقيت
ام نواف : اللهم اجعله خييييير يمكن ماسمعه
نواف : انا رايح له البيت لاني محرصه يدق علي اذا صار أي شي
يلا انا طااااااالع
ام نواف : بحفظ الله
طلع نواف وركب سيارته وهو حاس بإحساس انه صاير شي
وجلس يدق عليه طول ماهو بالسياره
ويحاول انه يرد عليه لاكن بعدها قفل الجوال خالد
وهذا اللي اكد شكوك نواف
وصل البيت ودق بس مقفل
نزل رن الجرس فتحت له ام خالد وقال لها : السلام عليكم
ام خالد : وعليكم السلام هلا يما
نواف : هلا فيك خالتي وين خالد
ام خالد : والله وانا امك مادري وش صار له
من العصر ماطلع من غرفته الا يصلي ويرجع
نواف : طيب ماتدرين وش فيه
ام خالد ماحبت تقول يمكن مايدري صديقه بالسالفه : روح شوفه وسأله علمي علمك
نواف طيب انا بدخل المجلس قوليله يجيني وان مارضى قوليلي وانا بروح بروح له في غرفته
ام خالد : تـــــآمر تفضل حياك
دخل نواف المجلس وانتظر خالد بعد ربع ساعه جاه وكان شكله مبهذل وغير عيونه المحمره وشكله كان معصب وعقله مارتاح
نواف : عسى ماشر وش فيك
خالد : وش رايك انت
نواف : لاتقول
خالد : ماابيها
نواف : ليييييييييه
خالد : بس عافها الخاطر
نواف : ليه وكيف
خالد : تحب
نواف : خالد لاتنرفزني تكلم عدل
خالد : تبغاني اقولك ان حبيبها اليوم جانا للبيت وقال عنها وانه يحبها ويموت فيها وهي بعد
تبغاني اقولك ان حبيبها خطبها وهي تبغاه وعافتني تبغاني اقولك اني ناقص ولابنت تبغاني تبغاني اقول اني تعقدت من شي اسمه زوا وشي اسمه استقرار وزوجه
تبغاني اقولك اني انكسرت من الداخل واللي انكسر فيني عمره مايتصلح خلاص عفت الزواج من اساسه
نواف منصدم من صديق عمره ليه صار كذا وحط نفسه مكانه وفهمه : والله فاهمك وداري تجرح كرامتك وقويه بحقك بس لاتسوي بنسك كذا اللي مايبيك لاتبيه
خال يأشر على قلبه : عاشت هنا يانواف هنا
نواف : حضن خالد وقال له اللي عيشها هنا يخلي غيرها تعيش بدل عنها لاتسمح لها تسلب عقلك منك اطلب من الله يعوضك باللي احسن منها اطلب من الله انك تنساها عيش حياتك وتمنى له التوفيق ولك التوفيق والله يصبرك ويهنيك ويرزق باللي احسن منها
لاتقول صحيح ولاتمزح
فهد : والله اني اعشقها ماتتخيل كيف صرت بسببها
من حبي لها صرت اسوي نفس تصرفاتها على فكره تراها هي اللي مغيره مزاجي
فيصل : والله وطحت فيها يابو فيصل
فهد : مين بو فيصل
فيصل : انت
فهد : من قال
فيصل : لاوالله احنا متفقين ولدي فهد وولدك فيصل
فهد : لاوالله خلاص بنغير هالاتفاق
فيصل : وليه ان شاءالله
فهد : انا اللي تامر فيه ام العيال بسويه
فيصل : بدينا بتخليك خروف من اللحين
فهد : تخسي
فيصل : لاواضح انك تحبها هههههههه
فهد : اقصد انا اخسي
فيصل : لا بالله انك انجنيت ماجابتها امها اللي اقول لنفسي اخسي علشانها
فهد : كلنا نخسي هههههههههههه
فيصل : والله انك مجنون طيب وش بتسوي بتقدم لها
فهد : يبى لها قلب ودي اتقدم لها وارتاح بس بنتظر شوي تتصلح الامور ونشوف
فيصل : الله يقدم اللي فيه الخير بس نصيحه اعترف لهاقبل لاتطير من يدك
فهد : ومن قال مااعترفت اعترفت وخلصت
فيصل : ااااااه يالحمار وسويتها
فهد : هههههههه ماقدرت اتحمل
فيصل: بالله عليك قولي وش لون اعترفت
فهد : لقاء خاص
فيصل : لاتقول
فهد : مايصلح للي مايحبون
فيصل ومن قال مااحب اعشق بس راحت : تكفى قول
فهد : امور خاصه
فيصل : افى صارت امور خاصه اللحين
فهد : امور عائليه او حبيه ماتصلح لك
فيصل : اوريك ياخروف زوجتك
فهد : احسن منك ياماعزها ههههه
فيصل : طيب هي كم عمرها
فهد : كبر اختي الجوري وصديقتها
فيصل من ذكرى الجوري توتر وبان عليه
فهد : وش فيك انقلب وجهك لايكون تحب انت ومخبي
فيصل: لا وين انا جامد مالي يالهلاشياء
فهد : ههههههه اوما جامد ترى امزح معم مساع
فيصل : ادري طيب متى حفل تخرجهم هم خلصو اختبارات صح
فهد : ايييييه خلصو والله مادري متى الحفل حقهم
فيصل وكأنه حب يودع حبه بهديه : وش رايك نسوي لهم مفاجأه
فهد: ياليت بس شلون
فيصل : حفله في بيتكم في نفس يوم التخرج
فهد : لاااا اكيد الجوري مخططه عليها
فيصل : قول لها من اللحين ان الحفله عليك
فهد : اممم مادري مادري
فيصل بحماس: خلنا نسويها مفاجأه علينا الحفله
والبوفيه ونخليها تعزم كل صديقاتها
فهد: طيب لحظه وش فيك متحمس انا اللي احب ولاانت وش دخلك
فيصل : افى وانا اللي بساعدك خلاص انسى الموضوع
فهد : لا لا دخلت الفكره ببالي
فيصل : والله جد خلنا نفرحهم
فهد : تدري فيني ماحب صدعت الراس انت نسق كل شي وانا علي المبلغ
فيصل : المبلغ بالنص بيني وبينك
فهد : اللحين انت علمني البنت وحبيبتي والمتخرجه اختي انت ليه حاشر نفسك
فيصل : بساااااعد
فهد : اوما مساعده ماتقصر اذا كان قصدك كذا
فيصل: ليه تتوقع وش قصدي
فهد : تبغى البنات يمدحون ذوقك وانا اللي اطلع ماعندي ذوق
فيصل : اوماااااا هذا تفكيرك
فهد : ادري عنك
فيصل : شوف قول لها وردي خبر طيب
فهد : اوكي
فيصل قوم يلا خلنا نروح نتعشى ميت جووووووع
فهد : تعال البيت تعشى معي
فيصل وهو خاطره لو يلمح وجه الجوري : طيب يلا قمنا
قامو وطلع من المقهى وكلن ركب سيارته
وراح فهد البيت وفيصل دق على امه ان ماتحسبه بالعشا
وتوجه لسوبر ماركت يشتري له ولفهد مشروبات للعشى
...............................
يمااااااا يماااااااااا
ام فهد : امر هلا
تركي : بتزوج
ام فهد : ايييييييييش
تركي : بتزوجيني ولا شلون
ام فهد : وحده وحده علي وش تقول
تركي : انا احب وحده وبتزوجها واذا مازوجتيني والله لاطلع من البيت ولااقعد لك فيه دقيقه
ام فهد : تتكلم جد ولاتمزح شتقول انت
تركي : يما انا احب صديقة الجوري لجين وهي ولد عمتها بيخطبها بس انا ابغاها تكفوووون لاتخذلوني وخطبوها
ام فهد بصدمه : دخيلك كون نفسك بعدها فكر بالزواج
تركي : يعني شلوووون
ام فهد : كون نفسك بعدها فكر بالزواج
تركي : طيب خطبيها لي
ام فهد : شلون اخطبها لك وانت ماتشتغل وش اقول لاهلها
تركي : ماعندها اهل انا تفاهمت معاهم ورضو فيني
ام فهد : ماغيرها لجين غريبه اهلها سمعتهم تهز بلد
شلون رضو فيك
تركي : وش شايفتني ناقص تراني ولدك
دخل بهلوقت ابو فهد : وش فيك صوتك واصل للشارع
تركي سكت خايف من ردت فعل ابوه
ابو فهد : السلاام عليكم
ام فهد + تركي : وعليكم السلام
ام فهد : تعال شوف ولدك انجن
ابو فهد : وصار ولدي طول عمره مجنون
ام فهد : لا هالمره اقوى يبغى يتزوج
ابو فهد : ايييييييييييش
تركي ارتبك زياده
ام فهد : يقول يحبها وخايف تطير من بين يدينه
او بفهد : صحيح اللي جالس اسمعه ياتركي
تركي : اييييييه يبىآآآ وصدقني بعقل وبشتغل
بس تكفون خطبوها لي
ام فهد : كون نفسك بعدها يصير خير
تركي : يما انا قايل لك السالفه علشان كذا ابغاها
ابو فهد : طيب من أي عايله هي
تركي حس بالامل بعد ماكان خايف من ابوه : من ال... ابوها مات وتصير صديقة الجوري
ابو فهد : اييييييه الله يرحمه ونعم الرجال والله
تركي : وعمامها قذرين وابغى افكها منهم
ابو فهد : لايكون تبغى تاخذها علشان تعطف عليها
تركي : لاوالله مافكرت فهالأمر ولا طرى لي الا يوم طريت لي ابوها اللحين لان عمامها غير
ابو فهد : طيب واخوك مو معقول الصغير يتزوج والكبير لا
تركي : يعني لازم تطلعون لي عذر
دخل فهد بهلوقت وسمع اخر كلام من ابوه
فهد : السلام عليكم
تركي+ابو فهد + ام فهد : وعليكم السلام
فهد : ياتركي اذا بتتزوج تزوج الله يوفقك انا اذا لقيت بنت الحلال ان شاءالله بتزوج
ابو فهد : بس وانا ابوك مايصير
فهد : لايصير عادي انا راضي ماعليكم من الناس
ام فهد : طيب البنت وموجوده ليه تأجل
فهد فهم على امه وتضايق : يما انا اذا مستعد للزواج بتزوج
ام فهد : مو معقوله يتزوج الصغير والكبير قاعد
فهد : براحتي خلوني براحتي زوجوه وفكونا منه يمكن يعقل
ام فهد : الا على طاري العقل ترى الجوري انخطبت
بو فهد : شكلنا بنجلس بالبيت لحالنا يام فهد
مين خاطبها ومن ولده
فهد : من ولده يما
تركي : وش اسمه
ام فهد : بسم الله الرحمن الرحيم وش فيكم
نواف ولد اختي
الكل انصدم
بو فهد : بس ياام فهد احنا قايلين الجوري لفيصل وفيصل للجوري
فهد : لا فيصل مايبغى يتزوج لو يبغاها كان لمح
تركي : ماعلي الموهيم انا متى بتخطبون لي
ام فهد : انت عطنا رقم اهلها ندق عليهم والجوري يابو فهد واضح انها تبيه وهو يبيها وفيصل لويبها كان قال واحنا مانغصب الناس على بناتنا
ابو فهد : وهي وافقة
ام فهد : قالت اللي تشوفونه
ابو فهد : خلاص كلمي اختك وحددي معاها الموعد وفيصل لو يبغاها قال وانا مانغصب بناتنا ولا عيالنا
ام فهد: على بركة الله
تركي : انا طالع تامروني بشي
ابو فهد :العقل وانا ابوك اترك عنك رجعت الفجر وداوم على الصلاه الناس مايبغون واحد(ن) مايصلي
تركي : ان شاءالله يلا سلام
ابو فهد وام فهد : بحفظ الله ورعايته
فهد : طيب يما ماراح تعشينا ترى فيصل جى البيت بيتعشى
ام فهد : والله يتبارك العشا دقايق واجهزه لكم
تبغى عشى معاهم يابو فهد
ابو فهد : لالالا تعشيت الحمد لله عزمني واحد من الرجال على سلامة ولده وصل من السفر
ام فهد : عليك بالعافيه
فهد : احان بالمجلس جيبوه هناك
طلع فهد من عند امه وابوه دخل مجلس الرجال
وتفاجأ بوجود فيصل
فهد : بسم الله الرحمن الرحيم متى جيييييت
فيصل : تراني الا واحد من البيت عادي
فهد : ههههههه صادق
فيصل : وش فيك تأخرت علي
فهد : ماشي بس الاهل فاتحين موضوع الزواج
فيصل نغزه قلبه : ليه مين بيتزوج لاتقول انت
فهد : لا انا يبغى لي وقت الجوري خطبها ولد خالتي نواف
وتركي يبغى يتزوج
فيصل صدمه + طعنه + قهر + حراره بقلبه ونااااار ماتطفيها ثلوج الدنيااااا : حس بدوره في راسه الجوري انخطبت مبرووووك
فهد قام يشغل التليفزيون : ايه ووافقت الله يهنيهم
فيصل سمع كلام فهد وهو متأكد ان اخر امل متعلق انقطع بعد سماعه لكلام فهد
فهد : فيصل يافيصل
فيصل : هلا
فهد : اكلمك ليه ماترد
فيصل: مادري راسي صدع
فهد : تبغى بندول
فيصل : لا انا طالع بروح اريح تبغى شي
فهد : شلوووون والعشا
فيصل وهو طالع : استسمح لي من خالتي وقول لها ان شاءالله يتعشى في عرس الجوري < قالها وهو مطعون وصوته كله ضيقه
ورآح وترك فهد مستغرب من تغير مزاجه
............................
خلاص مافيه امل خلاص بتاذخه وبتحبه وبيحبها
تقدر تمسك يده وتدلعه وتدلله يقدر يشوفها من غير حواجز ومن غير غطا يغطي مابينهم يقدر يمسكها بالحلال ويجيسها بالحلال
يسهر معاها يسافر معاها يدلعها ويحملها اسمه
راح تجيب عيال منه وراح يكبرون مع بعض
طيب واناااااااا مافكرت فيني مافكرت وش بيصير فيني
مافكرت شلون بعيش من غيرها مافكرت كيف بقضي حياتي من دونها مافكرت وين اروح انا من بعدها شلون بتحمل فكرت انها لغيري مو لي هذا ثمن اللي يسكت ومايعبر عن اللي بقلبه
هذا ثمن اللي مايصارح نفسه ويصارح اللي يحبها توني اندم بعد ايش بعد مافاااااات الاوان وانتهى كل شي
الجوري لنواف وفيصل الضحيه
غرقت عيونه بالدموع : لا ليه ابكي وليه نزل دمعه على وحده نجسه لعبة بمشاعري وبقلبي لو انها شريفه ماسوت سواتها
ماجابتها امها اللي تنزل دمعتي انا ابكي على بنت لارحات ولاجات بزر شكلها وتصرفاتها بزر
وجلس بسيارته يكابر وحتى يوم وصل لبيتهم مانزل جلس بسيارته وافكار تجيبه وافكار توديه وهو ضايع من بينهم
.............................
مر الجمعه عادي نفس الايام اللي تمر الا من شي جمعتهم بيوم الجمعه نواف جى بيت خالته الكل بارك له وعرفو انها وافقت اما فيصل ماحب يجي وجلس في بيتهم دق جواله
الوووووو
فهد : ليه ماجيت
فيصل : مالي خلق
فهد : شلون مالك خلق
فيصل : فهد قلت لك مالي خلق
فهد : طيب وش فيك معصب
فيصل : اوووووهوووو علينا وش تبي داق
فهد : هذا جزاني داق اسأل عليك
فيصل : اسف والله متخبط ومادري وش فيني
فهد : لاتقول على الحفله هههههه
فيصل وهو يتذكر : يووووووه نسيت
فهد : وانا قلت لها امس قالت تفكوني من همها
فيصل وهو ناوي يهديها هالهديه لها: خلاص علي كلها
فهد : وانا
فيصل : ابد عليك الهدايا الا الجوري هديتها علي
فهد : طيب ليه الجوري بالضبط
فيصل ارتبك ومايبغى فهد يحس باللي في قلبه : لانها هي الوحيده اللي اعرفها اما صديقتها حبيبتك مو حبيبتي
فهد : طيب وش بتسوي تعرف تجهز
فيصل : لاتشغل بالك اعرف
فهد : طيب والهديه وش راح تشتري
فيصل : وش دخلك لاتقلد اشتر هديه ثانيه
فهد : مو عن بس ماعرف اذواق البنات
فيصل : لايكون شايفني كل يوم مع وحده
نفسك وانا شدراني
فهد : وش السوات اخاف اشتري لهم كبك ولا قلم ماركه
هههههههههه هدايا رجال
فيصل : هههههههههه تخيل والله تسويها
انا بشتري عطر وانت اشتر لها : ساعه وش رايك
فهد : اممممممم طيب حلو خلاص بس اذا بتروح تشتري قولي بس اخوانها وش اشتري لهم
فيصل :المتخرجه هي ولاخوانها
فهد : هي بس لازم اشتري لهم
فيصل : العاب
فهد : خلاص اذا رحنا نتفاهم
فيصل : اوكي خلني اريح وراي مشاوير
فهد : هههههه تبغى الفكه هاااااه طيب خذ راحتك يلا سلام
فيصل : سلام
.................................
مر الجمعه وجى يوم التخرج الموعود
في المدرسه في قاعة الحفلات
كل وحده احلى من الثانيه اللي مستشوره شعرها واللي قاصته قصه جديده واللي حاطه مكياج خفيف كحل وماسكرا وروج واللي هامتها نتيجتها وتفكر فيها
بنات يلا المسيره
وشغلو لهم اغنيه للتخرج ودخلو عليها وكل ام تناظر في بنتها وتصيح وتتمنى كل ام تشوف بنتها عروس
وصفو على المسرح
المديره القت كلمتها وبعدها المرشده الطلابيه وبعدها بدو بتسليم النتايج واول وحده افنان استلمت نتيجتها ومعاها شهادة تقدير وشكر وهي كلها حماس تشوف وش النتيجه سلمت على المديره وطلعت وجلست تنتظر البنات يجون لها لانهم متفقين يفتحون النتايج مع بعض وطلعو كلهم الا لجين تأخرت بعدها جات لهم وراحو مكانهم المعتاد برى بسرعه قبل لايفقدونهم اللي بالحفل
الجوري : يلا نفتح
ساره : 1
افنان : 2
لجين : 3
وفتحت كل وحده نتيجتها وكل وحده جلست تصارخ من الفرحه
لجين نسبتها 99%
وافنان 94%
وساره 96%
والجوري 94%
وتختلف عن افنان بالنسبه اللي ورى الفاصله
كل وحده قالت نسبتها وجلسو يصارخون من الفرح وجلست كل وحده ضامه الثانيه وتبكي ويودعون المكان بعدها كلهم حضنو بعضهم وجلسو يبكون من غير صوووووت
افنان : بنات اخر مره نجلس بهالمكان
الجوري : اخر مره نتجمع فيه
لجين : واخر مره نلتم كذا
ساره : واخر مره يحضنا هالمكان
افنان : بنات وعدوني مانتفارق
الجوري : اوعدك والله مااتركك
ساره : وانا اوعدك
لجين : وانا اوعدك
وجلسو يبكون وبعدها مسحت كل وحده دمعت الثانيه
وتواسي الثانيه ودخلو داخل لقاعة الحفل وشافو ان المعلمات توهم مخلصين من تعداد البنات المتخرجين وتكريمهم وكانت الاولى لجين على الدفعه كلها
وزادت فرحت البنات لها لانها عن جد تستاهل
بعد الحفل كل ام قدمة هديه لكل بنتها الا ام فهد قدمات هدايا لبناتها الاربع كلهم يستاهلون
وطبعا مرام هي اللي جات بدل عن امها لان ام سلمان ماودها تحضر لانها بصراحه تكره بنتها وتخاف تتفشل منها جنب الامهات
راحت مرام مع ابوها وشرو هديه لساره ومرام هي اللي قدمتها
وجلسو يضمون بعض ويبكون
والجوري راحت تبوس راس امها ويدها وتبكي
وافنان ولجين واقفين يطالعون بالبنات اللي كل وحده تضم امها وتصيح جلسو يصيحون على ان ماعندهم ام تمسح على شعرهم شوي الا سمعو افنان ولجين وحده تناديهم
وكانت ام الجوري وراحو لها وحضنتهم من قلب
وجلسو يصيحون في حضنها وهي تمسح على شعورهم وتدمع عيونهم وتمنت لهم كل التوفيق
واهدتهم هداياهم اللي كل وحده عقد ذهب ناعم مكتوب عليه اسمها الكل انبهر من الهديه الجوري نفسها ماكانت مصدقه
وشوي الا امل توصل وتحضنها وتهديها هديه وهي عباره عن تذكار مكتوب فيه كلام مت تأليفها
والمفاجأه الثانيه بوكيه ورد وتذكار محمد ماسك الورد وريم ماسكه التذكار وكان اللي جايبهم الحفل فهد خذهم من البنت وجابهم المدرسه ولجين جات لها جدتها وعندها هديتين هديه منها لبنتهااللي ماجابها بطنها وهديه من تركي لها وهي عباره عن خاتم يجنن والجده هديتها ساعه تجنن
وساره وصلتها هديه جابتها لها المستخدمه وقالت لها شخص جابها ولا قال مين فتحتها كانت عباره عن بروش يجنن وشكله من النوع الغالي ومصمم على شكل اسمها وفيه من الكرستال والالماس فتحت الكرت وشافت مكتوب فيه مبروك التخرج وعقبال الجامعه يارب المجهوووووول
استغربت من مين وحاولت تعرف بس ماقدرت
بعد الحفل حلفت ام الجوري انهم يجون عندهم وطبعا على المغرب انتهى الحفل وصلو بيت ابو فهد
دخلو وتفاجـــأو من شكل البيت من الداخل شكله فضيع ومزين ومكشخ بزينه مبالغ فيها والدي جي يشتغل وغير الحلى
والكيكه اللي مكتوب عليها مبروك التخرج
وغير بوكي الورد اللي لكل وحده واحد
والتنظيم للحفل وامتلى بعده الحفل بكل اهلهم وخالاتهم وعماتهم حتى جدة لجين واخت ساره جاو معاهم
وكملو رقص ووناسه ولعب وكل وحده خذت هديتها
الجوري استلمت هديتين هديه من نواف وهديه من فيصل
فتحت الاولى وهي هدية نواف وهي عباره عن خاتم يجنن
وكاتب ( هذا هديتي واتمنى تحتفظين فيه ويكون بإيدك طول العمر ) ومبروك التخرج
فرحت ودمعت عيونها وفتحت الهديه الثانيه وهي مستغربه
وشافت عطر وهذا العطرعطرها المميز وكان فيه كرت مكتوب عليه ( عطرك باقي في انفاسي اتمنى لك التوفيق ومبرك الخطوبه والتخرج ) فيصل
انصدمت من الهديه وايش كان قصده
من هذا العطر بالذات تحيرت بعدها وعاها من حيرتها لجين وهي تضمها وتقول لها مشكوره ياحلى صديقه كل هذا مسويته لنا وساكته ضحكة الجوري على خبال صديقاتها وحبت تكمل التمثيل وقالت : علشان تعرفون غلاتكم
ساره : ندري ان احنا غاليين
افنان : غصب عنك غاليين
الجوري : ماااااالت اصلا مو انا اللي مسويته ههههههه
ساره+ لجين + افنان مصدومييين : اجل مييييين
الجوري : هههههههه اخواني فهد وتركي
ساره : ااااااه يالدوبا
افنان : واحنا طاحيني مدح فيك
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك