رواية يا حبي الخالد اموت بغرامك -13
شموع وورود جوريه منثورة بشكل متناسق ومكتوب اسم امينه ورشيد بكل مكان ورائحة الفواحه تزيد الجو رومانسيه وعذوبه
رشيد وامينه صلو ركعتين شكر لله وأبتدو اول ايام شهر العسل ..
بالجناح الثاني ..
عبدالله ..وش السالفه وشفيها هاذي معقوله علشان اللي سلمت علي وباستني ايه صح هاذي مين وايش قصتها
ياربي كذا نبتدي اول ليله الله يستر من التوالي ويقال اني مضحي بحب حياتي علشان مااجرح قلب بنت عمي كذا الأحوال تنغلب ضدي وقطع افكاره زقاريد ريوف اللي فز قلبه لها
وقف عبادي والدنيا مو سايعته ريوف رجعت وتخيل انها هي العروس مو نوف وارتسمت الفرحه والضحكه على ملامحه
ريوف..هاك استلم عروستك واياني وياك تزعل قمرنا تراها امانه عندك واكيد انت قدها
نوف من الحيا منزله راسها لمن شافت فرحت عبادي اخجلت ولامت نفسها كيف شكت فيه وهو اللي طار من الفرحه بشوفتها
عبادي..صحى من هيامه وتغيرت ملامح وجهه وتوه بينطق
ريوف ..اشرت له لالا وابتدى كلام العيون
تكفا عبادي لاتكسر قلب اختي
عبادي..وقلبي
ريوف ..بينسى
عبادي..محال ينساك
ريوف..غمضت عيونها ..الله يهنيكم وطلعت عنهم مسرعه قبل دموعها تفضحها وقلبها يحن
عبادي ..بلع غصته وتماسك ..مبروك ياعروسه
نوف..الله يبارك فيك
عبادي..بنضل واقفين اجلسي
وابتدو اول ليله من ليالي شهر الـ ـ ـ عسل
في المغرب ..
تقى ..نضراتك تحرجني
بدر..مقدر اغض الطرف سحر عيونك مانع عيوني من الرمش
تقى..بس انا تقى مو جنى
بدر..انتي كيف عرفتي عن جنى وريوف اختي
تقى..ريوف يومن كانت ببيتنا حكت لنا عن شبهي ببنت عمك
بدر..وبعد
تقى ..بس
بدر..اجل كيف عرفتي بحبي لجنى الله يرحمها
تقى..من عيونك ولهفتك اول ماشفتني ,ويكون بمعلومك انا مااقبل اكون البديل فاألزم حدودك
بدر..وليه البديل مو يمكن قلبي حبك
تقى ..ههههههههههه لا انت تحب جنى وابتعد عن طريقي احسن لك {تقولها من وراا قلبها اللي دق لبدر من اول ثانيه اللتقت فيه بس لازم ترضا بالواقع وماتعيش بالوهم وهي متأكده انه يحب جنى .
عند الأستراحه ..
مشعل..وينك كل هاذ تجيب فحم
فواز .. هاذ انا قريب بس فيه حريق بوحده من المزارع وشرطه واسعاف ولويه ثواني وانا عندكم
عبير..انا تعبت وين بنروح
خالد..ماادري بس المكان اكيد محاصر بنقضي الليله هنا وبكره يحلها ربك
عبير..هنا وين بالخلا
خالد..الخلا احسن من السجن
طيح قلوبهم صوته
وقف مكانك انت وياه ..
الضابط..وش عندك جاي هنا
مبارك..هاذ مزرعتنا اللي تحترق
الضابط ..هي فيها احد
مبارك.. الأهل كانو فيها بس اللحين هم بالزواج وطلبو مني اجيب الخدامه بس انا متفاجئ باللي اشوفه
الضابط..انتو لكم اعداء
مبارك..لا
الضابط باين انو الحريق بفعل فاعل ,وانت تقول الخدامه بالمزرعه الشرطه ماحصلو احد
مبارك..كيف ماحصلو احد وين راحت
الضابط ..تعتقد انو الخدامه ورى سالفة الحريق
مبارك..ماادري
بوعبدالله ..اصدمه خبر حريق المزرعه وكله خوف انو عبير وخالد كانو فيها يحاول يروح بسرعه لمركز الشرطه و يفهم السالفه
ام عبادي..على وين
ناصر..ابد سلامتك
ام عبادي..العيال فيهم شي مين اللي كان يكلمك
ناصر..عارف انها ذكيه ومايمشي عليها أي شي..هاذ الفندق يقولون اننا مادفعنا القسط كامل وبيطلعون المعاريس من اجنحتهم لو مادفعنا بسرعه
ام عبادي..وشو ,شلون يطلعونهم فوضى هي وليه انتو مادفعتو المبلغ كامل
ناصر..هاذ عبادي الله بهديه يقول انه بيدفع لهم الباقي الليله بس شكله غرق بالعسل ونسى السالفه ,,يلا لا تعطليني خليني اروح ادفع لهم قبل يخربون ليلة العيال
ام عبادي..طيب روح وطمني صدق انتو مايعتمد عليكم انت وعيالك
ناصر..وانا شدخلني ولدك اللي تصرف من نفسه ووهقنا وعلى العموم تطمني كلها فلوس ندفعها وتخلص السالفه فمان الله .
خالد..حنا نتمشا ممنوع !!؟
فواز ..ناضر زين وبفرح خااااالد
خالد..ناضر بتعجب مختلط بخوف ..نعم انت تعرفني
فواز..ايوا نسيتني انا فواز اللي معك بالثانويه اصدق نسيتني
خالد..بفرح فواااز
ضمو بعض وسلمو سلام حار على بعض
فواز..مين اللي معك ..
خالد..ولد عمي
فواز .على نياته ضم الولد سلم عليه بالخد
خالد..ولع
عبير..استحت وارتبكت
فواز ..وش عندكم هنا
خالد..ابد هربنا من جدي ناوي يكرفنا بالمزرعه ومثل منت شايف كاشخين و مافينا خلق شغل وتعب
فواز ..ههههههههههه للحين ماتغيرت لمن تزعل من اهلك تهرب وتتخبى ولايهمك تعالو عندنا هاذي مزرعتنا حياكم لعب ورق ووساعة صدر تنسيك جدك وهمه
خالد..لا شكل عندك احد ماودنا نزعجكم
فواز ..لا وشو تزعجونا حلفت عليك يلا ادخلو حياكم وبعدين العيال مو مطولين حدهم 2 وكلن يسري
عبير..دقت خالد ولمحت له يوافق تعبت من المشي والوقفه وينامون بالمزرعه ارحم من الخلى ..
عند العصابه ..
ثامر.. طيب وين السي دي
الخدامه ..انا يعطي ماما عبير علشان سوي غسيل حق ملابس
ثامر..عبير وين راحت
الخدامه ..روه زواج سو سوا بابا كالد
ثامر..طيب هي اخذة السي دي معها للزواج
الخدامه ..اي دونت نو
ثامر..حنا حرقنا المزرعه باللي فيها ولو كان السي دي فيها اكيد احترق بس لازم اتأكد يمكن السي دي عند البنت
وكلم الرجال..هاه حاصرتو الطرق
..ايه طال عمرك سيارة مبارك مابها غيره لمن امسكوه الشرطه وانا شفت رجالين يهربون من السياره لناحية المزارع وهاذ الرجال يتبعون اثرهم ..
مفاجئات عديده بأنتضار ابطالنا ..متابعه ممتعه اتمناها للجميع
اذا اعجبوكم الجزئين لاتبخلون بالتقيييم ..
تحياتي ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
الجزء الثاني والعشرون..
خالد يفكر ..اكيد السي دي فيه حاجه خطيره اللي خلت العصابه يوصلون للمكاننا ويعطونا هاذي الأشاره ..لو كانو الشرطة هم اللي اعثرو على مكاننا كان ماحرقو المزرعه ..لا زمن افتحه واشوف محتواه
فواز..ياللا شباب انا استئذن المكان مكانكم واي حاجه تحتاجونه انا بالشوفه
خالد..فواز ممكن تعطيني جهاز اللابتوب
فواز..مايغلى عليك وماامداه يكمل جملته وصوت جرس متتالي وطرق عنيف لباب المزرعه ..
ام خليل..صار لنا اسبوع اللحين واخوكم لاحس ولاخبر
هناء..مو اول مره انتي ماتعودتي على شغل اخوي
ام خليل..بس قلبي مشغول عليه هو قال يومين بس واللحين طاف اسبوع هاذ غير الحلوم الشينه والكوابيس
نسرين ..تعوذي من الشيطان هاذ كله لأنك تفكرين فيه
ام خليل..يارب تحفظ لي وليدي وتطمن قلبي عليه
هناء..امي اخذتي دوائك
ام خليل ..لا والله العلبه صار لها يومين من خلصت لمن يجي خليل اخليه يشتري
هناء..يومين يمه حرام عليكي مايصير كذاا ليه ماقلتي ونجيب لك هاذي صحتك
ام خليل..بكره روحي انتي واختك واشتروه وماامداها اكمل جملتها وطاحت على الأرض
حملوها نسرين وهناء على غرفتها وهناء على طول اللبسة ملابسها التنكريه وعلى الصيدليه علشان تشتري لـأمها الدواء
خالد وعبير فزو مثل المقروصين
فواز قراا الخوف بعيونهم "خالد انت للحين تشتغل بالشغل اياه
خالد..اشر له بالإيجاب
فواز ..اتبعوني بسرعه وصلو عند الحائط
عبير..انا مااعرف اخطر من السور
فواز ..ناضرها مصدوم ..بنت!!؟
خالد..هاذي زوجتي
فواز ..طيب وانفتح الحائط لمن فواز كبس على زر الريموت اللي معه
غرفه مكيفه وكبيره ماااره وجميع وسائل الراحه والترفيه متوفره فيها
دخلو عبير وخالد وهم متفاجئين من اللي يشوفونه
فواز سكر عليهم واتجهه للباب وقبل يوصله انفتح ..تقابلو الأثنين
فواز..خير
مشعل..حنا مباحث ومطلوب مننا نفتش كل المزراع فيه اثنين هاربين
فواز..ممكن بطاقتك
مشعل ضرب فواز على راسه ودخل رجاله وحاسو المزرعه وماحصلو شي وطلعو
مشعل ..اتجهه لفواز اللي طايح بالأرض اذا سمعت عن الهربانين او شفتهم هاذ كرتي ورماه عليه وطلع { وله عين والله
هناء طول ماهي بالطريق وهي خايفه ,خايفه ان امها يصير لها شي وخايفه ان احد يمسكها ويحقق معها ..
وليد يفكر ببدريه اللي طلعت مثل الحلم بحياته وموقفها النبيل مع عياله العيال تعلقو فيها والبنت مزيونه وانا ماانكر انها عاجيتني من شفتها بس ياترى اهلها بيوافقون يزوجني اياها وهي بتوافق ترتبط برجال ارمل وعنده ثلاث عيال البنت صغيره ومزيونه مااضنتي ترضا ياربي تيسر لي اموري ويطلع الصبح علي بسرعه
الفندق..
نوف ..مدتها لعبادي
عبادي..ايش هذا
نوف..نسيتها
عبادي..يناضر وهو متفاجئ ايش جابها عندك
نوف..ولو تضن اني افرط في حاجه انت اهديتني اياها
عبادي..تذكر يومن كانو صغار اخذ تيلله لونها اخضر وعطاها نوف
نوف..ايش هذا
عبادي ..هاذي بلون عيونك خليها معك وكل ماشفتيها تذكريني
نوف..مستحيل انساك انا احبك
عبادي..وانا اموت فيكي بس انتو بكره مسافرين للمغرب والعيال هناك كثار
نوف..ههههههههه وانت تضن اني بقدر اشوف غيرك انت هنا بوسط الحشا ساكن ..فاق على همس نوف
نوف..وين سرحت حبيبي
عبادي..حس بأشياء غريبه تحصل معه وعقله بجد يبغا له اعادة فورمات
نوف..حبيبي انت فيك شي !!؟
عبادي..يحاول يستجمع بقايا شتاته ,لا حبيبتي بس تعرفين من امس مانمت حوسة الزواج وترتيباته
نوف..صدقت وربي انا احس نفسي مرهقه ماره بحط راسي على الوساده وانااااااااام
عبادي..لا وشو تنامين ا حد ينام بليلة عرسه خلينا نسولف شوي
مع السوالف والذكريات عبادي ابتدت الصورة توضح عنده واكتشف حاجات بتغير مسار حياته 180درجه
خالد ..عبير عطيني السي دي
عبير..السي دي !؟ ليه
خالد..لمن افتحه اعلمك ليه
عبير..مدة له السي دي
خالد ..دخل السي دي بالجهاز بس مايقدر يشوف محتواه الا لمن يفك الشفره وكل محاولاته فشلت
عبير..امم
خالد ماتشوف انو صديقك تأخر
خالد..والله ماادري يمكن يكون مشى لبيتهم
عبير..لا مااضن اخاف احد سواا به شي خلينا نتأكد
خالد ..كيف نتأكد ..!؟ انتي شايفه مافيه مخرج والريموت معه ..
ريوف.. ياربي وين راح هذا ارسلي مسج يواعديني فيه هنا ,,تاخر يخوفي يكون صار معه شي لا لا ياربي لا هو اللي بيوصل خالد وعبير للمزرعه معقوله يكون صار معهم شي وقطع تفكيرها
غرام..ريوفه بحديقتنا يامرحبا نورتي الحته ياسوكره
ريوف..فتحة عيونها ع الآخر, نعم انتي وش مسهرك لهاذ الوقت
غرام ..تو خير حنا اجازة وجتها نغمة تنبيه
ريوف..وايش هاذ اللي معك
غرام ..امم لابي جتني رساله من المنتدى عن اذنك
ريوف..وين بتروحين
غرام ..الخيمه بس انتي غريبه جايه هنا
ريوف..انا اتمشى ولمن وصلت هنا قلت اريح شوي
غرام ..اها طيب اذا بتسهرين عطيني خبر اجي اسهر معك
ريوف..اوكي اذا خلصتي من منتداكي احتريك بقسمنا
غرام ..اوكي صار
ريوف..الأفكار الشينه ابتدت تلعب بتفكيرها خايفه يكون صار شي بمبارك وخالد وعبير ..
اما غرام ..
دخلت للخيمه وقريت الرساله الخاصه ..
واحشني زمانك..,الصورة الرمزيه حريه شخصيه مايحق لك تدخلين فيها
روح مغليني ..لا حول هذا ماقرى قوانين المنتدى يبغا لي انسخ القوانين وارسلها له انا لمن كنت رافضه الأشراف من اول خوفي انو تصير معي مواقف مثل هاذي وان بعض الأعضاء يشيلون علي ياربي يلا ارسله القوانين
نسخة القوانين واللصقتها برساله خاصه واكتبت تحتها انا اسفه اخوي بس هاذي قوانين المنتدى ممنوع وضع الصور الشخصيه للأعضاء
واحشني زمانك..وصلته الرساله وبصوت عالي هههههههههههههههههههه
بدر..بسم الله عليك وش فيك
يزيد..المشرفه اللي قد ارسلت لي انذار ورساله تضن هذا انا
بدر..اشوف وريني ههههههه ماالومها تلاقيها خقت عليه وتضنه انت قالت تجس النبض
يزيد..ناضره وحرك شفته على جنب يعني هذا احلى مني
بدر..لا انت تطفره بالجمال ويلا اغفل هذا واجلس معي طفشت بروحي
يزيد..طيب بس امم وش رايك بدر اقولها انو اللي بالصورة مو انا ولا اخليها على عماها
بدر..لا قولها الحقيقه احسن هذا رايي وانت بكيفك
يزيد ..طيب بقولها ..وارسل لها عفوا اختي هذي الصورة لـ شاعر وامير قطري مو انا اللي بالصورة
روح مغليني..وصلتها رساله خاصه ..ولمن قريتها ..
لاااااااا يفشيلتي ايش هذا وانا معطته انذار مع فيسي ياربي وش اسوي امم
اطلب من الأداره يشيلون الأنذار وارسله اعتذاار
بس ماامداه تسوي كل هذا لأن المودم فصل {مشاكل الأتصالات اللي ماتخلص
غرام ..ولعت من الغيظ ومو عارفه ايش تسوي امم
امم
بس لقيتها ريوف اكيد عندها كونكت وطيران على قسم عيال عمها فيصل الله يرحمه
بدر..يلا ماخلصت
يزيد..قليلة الذوق ضنيتها بترسل تعتذر بس شكلها طنشت خلاص بغفله اللحين واتفرغ لك .
عند بدريه وبهيه
بهيه .. هو مزيون؟
بدريه.. امم تقدرين تقولين مملوح وجذاب
بهيه ..امم يعني مزيون وغني وهاذ المهم
بدريه ..لا مو الغنا هو المهم لا تنسين انه كبير شوي
بهيه..لا مو كبير, كثير بنات اللحين تلاقيهم ب20 وياخذون رجال ب30
بدريه ..اقول لاتكبرينها براسي اصلا الرجال من الهوامير ومستحيل يلتفت علي انتي لو شايفه قصره مافكرتي حتى انك تشتغلين عنده خدامه مو تتزوجينه
بهيه..ههههههههههه الله لهاذي الدرجه اجل انتي اللي صكيت قصره بعين واحترق خخخخخخخ
بدريه ..رمت عليها الوساده انطمي يالدوبا انا الغلطانه اللي اتكلم واسولف وياج
بهيه ..اي غلطانه يلا طفي هالشموع صايره لنا رومانسيه على غفله وخلينا ننام ..
عند تركي وفهد ..
تركي ..ياما نصحتك وحذرتك بس انت عنيد
فهد ..ماكنت اضنها حقيرة لهاذي الدرجه غلطتي اني سمعت قلبي وتجاهلت عقلي
تركي..انساها يولد عمي وربي ماتستاهلك
فهد ..بحاول بحاول
تركي..وش رايك نسافر نغير جو
فهد ..وين الواحد له خاطر بالسفر
تركي..بالعكس صدقني السفر هو اللي بيساعدك تنسى جرحها
فهد..خلاص اللي تشوفه
تركي ..حلو نكلم بدر بكره ونروح للمغرب هو يدل كل شبر فيها واكيد بننبسط
فهد ..اوكي كلمه واتفق معه ..
عند ريوف..مبارك!!؟
مبارك...آسف يقلبي تأخرت عليكي بس وربي غصب عني
ريوف..انت وشو تسوي هنا,تكفا روح اخاف احد يجي ويشوفك هنا
مبارك..طيب بروح واشوفك بوقت ثاني
ريوف..مبارك
مبارك ..لبيه
ريوف..انت بخير
مبارك..ايه بخير كاني واقف قادمك مافيني شي
ريوف ..وخالد وعبير
مبارك..ماحب يبين لها شي اصلا مابيدهم شي يسونه لأنهم مايعرفون مكان خالد وعبير
ريوف..مبارك خالد فيه شي تكلم وقفت قلبي
مبارك..سلامة قلبك خالد بخير وصلتهم بنفسي وتطمنت عليهم
ريوف..اجل ليه مساع شردة
مبارك..ماشردة بس كأني سمعة صوت واللحين الصوت قرب اكثر
كان يقولها تصريفه بس صارت حقيقه غرام متجهه للقسم وتغني
ولمن صوتها وصل لمسامع ريوف ومبارك
ريوف .. ياربي هاذي غرام تعال ادخل بسرعه
مبارك..وين
ريوف ادخل بسرعه تخبى بالحمام ..يكرم القارئ
مبارك..طيب ,بس لاتخلينها تطول
ريوف..طيب
غرام ..صباح الخير
ريوف..صباح الخيرات
غرام ..امم شكلك فيك النوم صح
ريوف..اي والله حسيت بالنوم كبس علي تدرين جايه من سفر وبعدها الزواج تعبت
غرام ..طيب اخليكي بس ممكن تعيريني الكونكت
ريوف..موجوده بس مابها شحن
غرام ..لاااااااااا,كنت ابغاها ضروري
ريو فخذيها وبكره اشحنيها
غرام ..طيب روحي جيبيها وانا بدخل الحمام
انغلبة ملامح ريوف ..هاو وشو ,,لااا
غرام ..سلامات وش فيكي
ريوف..حمامنا عطلان مابه مويا
غرام ..ناضرتها باستغراب طيب خلاص بروح قسمنا بس انتي استعجلي لي بالكونكت..
في المغرب ..
ريان سارح بفكره
وليد ..اكشفوه واحرقو بيته وعياله
خليل ..اكشفوه وحاولو يخلصون عليه بس الأمن انقذوه وجابوه هنا للعلاج بعيد عن عيون العصابه
عيال اعمامي ايش صار لهم ,مين اسئل ومين اللي يقدر يطمني عليهم كيف اقد راحميهم الأمن من جهه والعصابه من جهه ثانيه ,انا لازم اتصرف والا قي طريقه تنقذهم من اللي هم فيه بس كيف وهم مختفين اه لو بس اعرف طريقكم يمكن خليل اذا صحى من غيبوبته يعلمني هو علاقته بخالد شبه قويه يالله ننتضره يصحى وعلى الله يفيدنا
صباح يوم جديد..
أمينه ..تنشف شعرها وتغني بهمس ماتبي تزعج رشيد
رشيد ..قبل يفتح عيونه يتحسس السرير وفتح عيونه بقوة لمن ماحصل احد جنبه واللتفت وشاف امينه تنشف شعرها
امينه..انتبهت له ..صباح الخير حبيبي
رشيد ..صباح النور ينور عيني ليه ماصحيتيني
امينه ..شفتك غرقان بالنوم وخليتك ترتاح
رشيد ..انتي راحتي يابعد عمري تعالي جنبي مااابيك تفارقيني ولا ثانيه
امينه ..بخجل عاد رشيد قوم تروش ورانا سفر
رشيد ..ام يعني طرده ان زعلت
امينه ..جلست جنبه يخسى الزعل واطبعت بوسه على خده يلا قوم خلينا نلحق على المطار
رشيد..اه يقلبي وين اقوم ووين اروح وغمز لها خلينا نسحب على السفر انا مبسوط كذاا
امينه ..بدلع وانا ابغا اسافر وقامت من جنبه
رشيد ..وين ليه قمتي
امينه ..بطلب لنا فطور على ماتخلص انت
رشيد ..طيب حبيبي ثواني مراح اتأخر عليكي ..
عبادي ..صحى من النوم انسان ثاني صحى وهو كله شوق ولهفه لحبيبة قلبه وحب طفولته نوف فتح عيونه وكله امل تكون نايمه علشان يقدر يتأمل ملامحها اللي اشتاق لها بجنون ..لكنه صحى وماحصلها جن جنونه لمن دور عليها بكل ركن بالجناح وماحصلها
خاف انه يكون يحلم لمن اكتشف انو نوف هي اللي يحبها هي اللي عاش معها احلى اللحظات وتجمعهم اسمى الذكريات خاف انه جرحها بدون قصد خاف انها عرفت انه كان ضايع ومشوش التفكير مابين حب الطفوله وحب المراهقه نوف وبين وحب وهمي كان معيش نفسه فيه وهو حب ريوف..هو مانطق ولا صرح بس كان خايف تكون عيونه فضحته عند نوف وتركته ..
..نوف وين راحت ..
..عبير وخالد وفواز ..ايش اللي بيصير معهم
..ريان ..بيقدر يساعد عيال عمه
..تركي وفهد وسفرتهم للمغرب
..وليد وبدريه وين بتوصلهم افكارهم
..خليل..متى بيصحى وكيف ردة فعل اهله
..كل هاذ واكثر في الأجزاء القادمه
تقبلو تحياتي ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء الثالث والعشرين..
العامل ..بابا فواز انت ليه نوم هنا
فواز..يحس بألم في راسه ولمن تذكر اللي صار معه فز من مكانه عرف انو خالد واللي معه وراهم سالفه كبيره لازم يعرف تفاصيل قصتهم علشان يقدر يتصرف ..
خالد.. قومي جيبي لنا حاجه ناكلها من الثلاجه
عبير..لا فشله استنا اللين يجي فواز
خالد..فواز حاف كذاا اخاف واحد من ربعك وانا ماادري
عبير..ايه واحد من ربعك انت وشتبيني اناديه خالد مثلا
خالد..الكلام ضايع معك والنقاش معك عقيم اصلا غاسل يدي منك من يوم رقصتي مع تركي بليا حيا وبكل قوات عين
عبير..والله انا راقصه مع ولد عمي وبس لوحنا بيدينا مو مثل اللي حاضن بنت غريبه وحالتهم خزي اللهم لك الحمد والشكر
خالد..ناضرها بعصبيه وعبير تبادله نفس النضرات
خالد ..يعني تركي هو حبيبك
عبير..يعني الهنوف هي حبيبتك
اللتفتو الأثنين على الحائط اللي انفتح ..
فواز ..صباح الخير
عبير وخالد اللي حدها غافله معهم ..صباح النور
فواز ..كيف نومتكم
خالد..وين الواحد يقدر ينام ,فواز ماقلت لي مين اللي كان جاي البارح
فواز ..رجال يقولون انهم امن ولمن طلبت الدليل ضربني واحد على راسي ودخلو حاسو المزرعه ولمن مالقي وشي سألوني عنكم وعطوني بطاقه فيها رقم جوال لمن اسمع عنكم شي او اشوفكم ابلغهم وانا اللحين ابغا اعرف السالفه كامله منك ..
ريوف..وين عبادي قريبه مانزل معك
نوف..نايم مابعد صحى
ريوف..وشو يعني انتي طلعتي من الفندق بدون ماتعلمينه
نوف..لا يقلبي عليه في سابع نومه وخفت انقص عليه كتبت له رساله اني بروح معك للمشغل علشان عمتي مريم عازمتنا على الغدى
ريوف..انتي من صجك نوف انتي اللحين متزوجه مايصير تطلعين بدون اذن زوجك
نوف..وانا وين بروح كلها المشغل وبروح مع اختي
ريوف..ولو الأصول انك تستأذنين كلميه جوال بسرعه
نوف..اخاف للحين نايم
ريوف..معليه يلا بسرعه كلميه
عبادي..رد ملهوف الو حبيبي وينك
نوف..صباح الخير حبيبي
عبادي..صباح النور قلبي وينك
نوف..عمتي مريم عازمتنا على الغدى وكلمت ريوف تجي تاخذني علشان اروح للكوافير
عبادي..وشو يعني انتي اللحين عند الكوافير وزوجك اخر من يعلم وبعدين حنا بنسافراليوم
نوف..حبيبي اسفه وربي انت كنت نايم وماحبيت انقص عليك وكتبت لك رساله وطيارتنا المغرب يمدينا حبيبي عندنا وقت طويل
عبادي..المره هاذي بعديها لك بس وربي لو تكررت مره ثانيه مايصير طيب فاهمه
نوف..فاهمه حبيبي
عبادي..اذا خلصتي من الكوافير دقي علي انا اللي بجي اخذك اوكي
نوف..اوكي
عبادي..غفل من عندها وهو مرتاح وماحب يغسى عليها رغم الغلط اللي سوته ..
رشيد..ابتدينا في العزايم تونا بسم الله مايخلون الواحد يتهنى مع حبيبته
امينه ..حبيبي كلها ساعه نوجب عمتي ونرجع
رشيد ..انا حالف ماافارقك ولا ثانيه كيف ساعه ماابي دقي اعتذري
امينه ..حبيبي علشان خاطري مايصير عمتي مسويه العزيمه لي ولحرمة اخوي صعبه نعتذر
رشيد..لا مو صعبه قولي حبيبي مايقدر يفارقني
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك