رواية يا حبي الخالد اموت بغرامك -14
عبادي..غفل من عندها وهو مرتاح وماحب يغسى عليها رغم الغلط اللي سوته ..
رشيد..ابتدينا في العزايم تونا بسم الله مايخلون الواحد يتهنى مع حبيبته
امينه ..حبيبي كلها ساعه نوجب عمتي ونرجع
رشيد ..انا حالف ماافارقك ولا ثانيه كيف ساعه ماابي دقي اعتذري
امينه ..حبيبي علشان خاطري مايصير عمتي مسويه العزيمه لي ولحرمة اخوي صعبه نعتذر
رشيد..لا مو صعبه قولي حبيبي مايقدر يفارقني
امينه ..ههههههههههه لا مايصير
رشيد ..طيب قولي بنسافر مايمدينا
امينه ..طيارتنا المغرب وهم يدرون عنها تكفا حبيبي بس ساعه
رشيد ..ساعه وحده بس بعد ساعه وثانيه لو ماطلعتي بزعل
امينه ..وانامايهون علي زعلك حبيببي يلا قوم وديني للكوافير
رشيد ..انتي كذا وتخققين كيف بعد المكياج لا تروحين للكوافير اخاف يعطونك عين
امينه ..هههههه مااقدر على كذاا لا حبيبي بحصن نفسي
رشيد ..غيري رايك تكفين
امينه ..لاا ,يلا قوم وديني
رشيد ..امري لله يلا قومي
خالد ..وهاذي كل السالفه
فواز ..كل هذا صار معكم طيب والسي دي وينه
خالد..للحين بالجهاز
فواز ..شغل الجهاز وانا افك لك الشفره
خالد..تعرف!؟
فواز ..افا عليك هاذي شغلتي ..
فهد ..هاه بشر كلمت بدر
تركي..ايه وانبسط كثير اليوم العصر نروح للرياض ونحجز للطيران
فهد ..ليه مانحجز من هنا
تركي..مافيه رحلات الا من الرياض الى جده ومنها للمغرب
فهد ..على الله خلنا اللحين نروح المجلس اكيد امتلى من الرجال
في المغرب ..
بالنادي..
سلوان ..كي داير {كيف حالك؟
تقى..مبشورة {مسرورة
أثير..هاي كيرلز
تقى وسلوان ..هايات
أثير..امم على بالي عصير حب الملوك مين تبغى معاي
تقى ..انا مو مشتهيه
سلوان ..بدر
تقى ..ناضرتها بغضب اشنو
سلوان ..كاهو بدر وياه يزيد جاين حدانا
أثير ..وشنو كاين {وشو حاصل
تقى ..ماادري عن هاذي المجنونه
أثير..هههههههه كل يوم لك قلب
سلوان ..ناضريه فيه مو يخبل
أثير..مين فيهم الثنين مزاين بزاف
سلوان ..اكيد بدر
أثير..هههههههه ويزيد خلاص راحت عليه
سلوان ..لا بس يزيد تعودنا عليه هذا غير
أثير..بدر احس اني شايفته من قبل بس ماادري ويين
سلوان ..يمكن بالسعوديه
اثير..امم يمكن
تقى..انا استئذن
البنات ..وين
تقى..ضرني راسي.{عورني راسي
البنات ..بالسلامتك
..
عند بدرويزيد..
بدر..للحين المشرفه ماردة عليك
يزيد..لا للحين شكلها موحاسه انها غلطت ماعلينا ,متى بيوصلون عيال عمك
بدر..باذن الله بكر بتنبسط معهم كثير خاصتا تركي تتشابهون بطبايع كثيره
يزيد..لا وشو نتشابه انت تقول انه من بنت الى بنت وانا احم احم عاقل ومو راعي هاذي الحركات
رن جوال يزيد ..ضحك وقام يكلم البنت
وشوي مرو مجموعة بنات ووقف عندهم ..رانيا ..يزييييييييييييد
يزيد ..غفل من مكالمته وناضر بدر بضحكه ..هلا رانيا
رانيا ..انت مو تقول انك مسافر
يزيد..توني وصلت اليوم حبيبي
رانيا ..اها والمفروض اني اصدقك
بدر..وهو كاتم الضحكه انا استئذن وخلى الأثنين يتناجرون على راحتهم ..
بدر..تقى استني شوي ليه تسرعين كذاا هدي الخطوه قطعتي قلبي
تقى ..ماقلت لك اللحق بي وشو تبغى
بدر..انا سويت لك حاجه زعلتك
تقى ..لا
بدر..اجل وشفيكي علي
تقى..ليه جاي بمكان فيه اختلاط هذا الشي مو ممنوع بالسعوديه
بدر..فهم انها غيرانه "ايوا ممنوع بس انا مع اخوك يزيد
تقى ..وانا ماابغاك تمشي مع يزيد
بدر..اذا مامشيت معه مقدر ازوركم بالبيت واشوفك لزمن اساير اخوك واجامله علشان اقدر اشوفك
تقى..طيب بس وربي لو اشوفك مخاطب وحده من البنات مراح اسامحك
بدر..مدام معاي القمر مالي ومال النجوم
تقى..انبسطت من كلامه وهديت اعصابها وقررو يتمشون ويتعرفون على بعض اكثر ..
بالمزرعه ..
فواز..اووف كل هاذي ارقام حسابات ومعاملات سريه
خالد .. هذا السي دي يوديهم ورا الشمس
فواز ..بتقدمه للشرطه
خالد..اكيد بس بشروط
فواز..شروط!!؟
خالد..ايه شروط بس خليني افكر واعلمك ,فواز اهلي اللحين متشاغبين علينا ابغاك العصر تروح تطمنهم اننا بأمان
فواز..ازهلها وانااخوك بس لمين اروح بالضبط
خالد ..لعمي بو عبدالله..
ام خليل ..غفلت من الخط والدنياتدورفيها والبنات حوليهاويحاولون معهاتصحى
نسرين ..يمه يمه.اصحي لاتتركينا
هناء..يمه مين اللي كلمك وايش قال لك
ام خليل ..خليل متصاوب ومنوم في المستشفى
هناء..اي مستشفى
ام خليل ..يقولون في المغرب وليدي متصوب في الغربه من يومين ومااحد دري عنه وحس به ودوني لوليدي ودوني لخليل
غدى العرايس..
العمه تهلي وترحب بضيوفها
وتبارك للعرايس وبعد ماخلصت
مريم ..يمه امينه وين حمولة رشيد
امينه اللتفت على ساره ..اسئلي ساره هي اللي معهم بالبيت
ساره..امي انشا الله بتجي بس البنات ماضنتي يقولون فيه ضيوف بيجون لهم العصر ومايقدرون يجون
ام محمد ..بعيون باكيه وقلب مبسوط ومجروح بنفس الوقت قدمت الهدايا للعرايس وتمنت لو انها احضرت عرس بنتها جنى الله يرحمها
ام تركي..تبلغين في فهد واخوانه
ام محمد..في حياتك
لطيفه ..غراموه وين سارحه
غرام ..هاه هذا انا موجوده
ريوف..ناضرتها بضحكه للحين النت عطلان
غرام..ايه الله يخرب بيت الصيانه اللي ماتخلص
ريوف..طيب ليه ماشحنتي الكونكت
غرام ..عطيتها مبارك وقالي العصر بشحنها
نوف..ريوفه ضبطي لي الآي شدو
ريوف ..من عيوني وقامت تضبطها
أمينه ..واانا بعد
ريوف..من عيوني
لطيفه ..نوف اثار الزواج واضحه عليكي مبسوطه حيل
نوف..فوق السحاب وربي انصحك تجربينه
امينه ..وجع نوفوه مايصير تتكلمين عند البنات كذاا عندك شي قوليه لي انا متزوجه مثلك
غرام ..ههههههههههههههههههه ياعيني ياعيني اقول ترانا ناصحات وواعيات يمكن اكثر منكن طيرو بس قال ايش لاتتكلمين عند البنات
امينه ..بسم الله علي كلتيني بقشوري شكل عبير معطيتك كورس قبل لاتغيب عنا
غرام ..لها وحشه الدوبا وينها تعيني عليكم ..
في بيت اهل رشيد ..
يلا يمه انا طالعه انتبهي للعيال واذا جا ابوهم قبل اجي انا انتبهي تبكين خليهم يمه يروحون عند ابوهم
وانتي بهيه خليك جنب اختك واتركي ذا الجوال اربع وعشرين ساعه ملصقه خشتس به زين يمه
بهيه ..زين يمه تطمني وجاها مسج وقامت تكتب رد عليه
ام سامي ..الله يستر منك زين يمه وهي لاهيه معه ..
عند الرجال..
بوعبدالله..ابوي مبارك ماابي احد يدري انو عبير وخالد كانو بالمزرعه اللي احترقت ولاابغاهم يدرون عن حرق المزرعه
مبارك..تطمن يعمي انا ماقلت لأحد
عبدالرحمن ..سارح في ريوف معقوله تقدر تكتم السر ولا بيزل لسانها ياربي ايش موقف ام محمد لمن تعرف بالسالفه وابوي واخواني هذا اليوم اللي ابد ماحسبة حسابه الله يسامحك ياابوي جبرتني اطلق ام ريان ومااعلم احد بزواجي وانسى المغرب واللي فيها ,هذا غير ريان اللي يلح علي يبغى يتعرف على اهله اللي في السعوديه بس هو منين عرف انو عندي اخوان !؟الله يعديها على خير شكل نهاية سري قربت ..
بوتركي..ابشركم ياجماعه تو صاحبي كلمني ويقول اقبلو العيال بالبعثه في كندى
بوعبدالله..الله يبشرك بالخير الثلاث مع بعض
بوتركي ايه الثلاث مع بعضالله يهين الشعب الكنجي باسره
الشباب ههههههههههههه
سلطان ..واخيرا المفروض هم يحمدون ربهم اني بزورهم وادرس عندهم
عزو ..انا مني واحد ماني نازل من الطياره الا لمن يفرشون السجاده الحمراء لهم الشرف بزيارتي الميمونه لبلدهم
أحمد ..انا وزير العمل بيعطيني وسام تخرج زعيم العاطلين عن العمل احم وبرجع اصير طالب محترم
تركي..طالب ايه بس محترم هاذي فيها لبس دامكم انتو الثلاثه مع بعض
مبارك..هههههههه لا هذول في وقت الجد يعجبونك ويرفعون رؤسنا للسماء
فهد..اتمنى تكون عندي نقطه من بحر التفاؤل اللي عندك
محمد ..ياليت وانا بعد تسلفني قطره واحده تكفي
مبارك ..الله عليكم اكبر وينك يابدر تجي تعاوني على عيال عمك
عبادي..وانااشتقت لخالد ..
بوعبدالله ..الا على طاري بدر ليه ماحضر زواج اخته
عبدالرحمن ..عنده اختبار
بو عبدالله ..انت شفته
بومحمد..ايه شفته وتطمنت عليه هم بأحسن حال وانا اللي جبت ريوف معي
بوعبدالله ..يعني ريوف هنا
بومحمد..ايواا وبكره برجعها للمغرب
مبارك ..فز مثل المغروص والكل لاحظ عليه ,,ليه ياعمي خليها هنا
بومحمد ..هي اللي تبي قالت بتحضر زواج اختها وثمن ترجع للمغرب
فهد وتركي..مع بعض حنا بنروح بكا للمغرب نرجعها معنا
بومحمد ..كأن الدنيا دارت به وشو وش يوديكم
فهد ..اجازة وبنغير جو وبدر يمدح المغرب بزاف
تركي..الله يرجك اصبر شوي من اللحين غلبت
بو محمد ..خايف انو نهايته فعلا قربت مايقدر يمنع العيال وهو كان متفق مع ريوف ترجع للمغرب وتبعد بدر عن يزيد ويغيرون المنطقه اللي هم فيها
بس شكل القدرضده ..
عبير..وشو واذا امسكوك تكفا خالد لاتروح ارسل فواز
خالد..لا انا بروح وبعدين انا محكوم علي يالموت يالسجن مهما هربت هاذي نهايتي وانتي الحياه قدامك حرام تضيعين جزء من عمرك بالهروب انا بقدم السي دي بشرط انهم يعفون عنك وتعيشين حره ..
عبير..لا ماابي انا ابغى اعيش معك
خالد..ناضرها بحب كان ودي بس انا احب الهنوف
عبير..اصدمتها كلمته وتمنت انها ماتهورة واعترفت له بحبها له
خالد..كان قاصد هاذ الشي مايبيها تتعلق فيه اكثر يبيها تكرهه وتنساه لأن حياته مو ملكه حبها ولازم يضحي علشان تعيش مبسوطه ولاتضيع عمرها معه ..
العصر..
سامي..اسفرت وانورت يالله تحيي من لفانا
وليد..الله يحيك ويبقيك
ركان دخل اول واحد واتجه مسرع لحضن ابوه ثم ادخلو البنات وهن بأحلا طله
وليد مسك بيدين عياله وودع سامي وهم طالعين البنات يلوحون ايديهم بالوداع وناضر وليد للمكان اللي يناضرون له وشاف بدريه والدموع ماليه عيونها ولمن انتبهت ان وليد شافها سكرت الستاره وقامت تبكي خلفها
رهف..باب كل يوم نبغاك تجيبنا هنا
وليد..اللي انبسط من جواا على تعلق البنات ببدريه والعكس هذا بيسهل عليه ويحفزه اكثر انه يتقدم لها ""طيب يباب وعد كل خميس اجيبكم لأنو صعبه كل يوم اوكي حبيبي
رهف..طيب ..
بالرياض عند مواقف مكتب الطيران ..
صار حادث بين سيارتين نزلو اصحاب السيارات
فهد ..ياربي اللحين بنضطر ننتضر المرور
هناء..مرور لا تكفا بدفع لك اللي تبي بس مرور لا
فهد..فتح عيونه ع الآخر نعم! بنت ؟
هناء.. حطت اللثمة بسرعه تكفا الله يخليك اخوي منوم بالمستشفى ببلاد برى وامي مصره نسافر له ومابه غيري يسوي الأجراءات تكفا عديها
فهد..وهو متعجب ..طيب خلاص ماني بحاجة فلوس اقدر اصلحها روحي بطريقك
هناء..اروح خلاص اروح
فهد ..ايه روحي وبسرعه بعد قبل تمر دوريه وتصير الصكه
هناء..الله يجزاك خير
فهد..لحظه اختي
هناء..بخوف نعم
فهد ..انتي خلصتي الأجراءات ولا اسويها لك
هناء..لا خلصت مشكور اخوي
فهد ..طيب انتبهي لنفسك
هناء..مع السلامه
واتجه كل واحد لسيارته ..
تركي..وش صار منتو منتضرين المرور
فهد ..لا مايحتاج
تركي..مايحتاج !!؟ طيب ليه تلحقه
فهد..نوصلها لبيتهم واتطمن عليها
تركي..نعم!!؟فيك شي
فهد..ههههه تصدق طلعت بنت
تركي..بنت من صجك وليه مااشرت لي انزل اتفاهم معها
فهد..ههههههه ليه مجنون انا اعلمك بتجلس تسبل بعيونك اللين بكراا
تركي..لا موفرها لبنات المغرب ,امم طيب هي حلوة
فهد ..ماادري
تركي..علينا ماتدري ساعه وانت تهرج معها
فهد ..وربي مادققت بعدين هي حطت اللثمه بسرعه
تركي..خسارة راحت علي بس يلا نعوضهااللحين بندل بيتهم
فهد..تركي حنا بنوصلها لبتها ونتطمن عليها اترك عنك الهبال البنت مسكينه ضروفها صعبه بدل ماتفكر تساعدها تفكر كيف تعاكسها
تركي..بسم الله علي جيت علي كلك طيب خلاص ياكلمه ردي مكانك ,,امم متى طيارتنا
فهد ..بكره 10 الصباح
تركي..جايك لك يالمغرب جاي لك
فهد ..ههههههههه منت بصاحي واللي يقهر انك تقول السفره علشاني اريح فيها اعصابي
تركي..سيدي حج وقضيان حاجه وشبلاك انت
فهد ..طيب يسي الحاج ..
عند هناء..
ياربي انا شايفه هالرجال وين ؟
وين ؟
وين؟
ايوه بالشاليهات ’معقوله يكون من قرايب أحمد ,الا اكيد ياربي وانا مااطيح الا مع هاذي العايله يارب سترك ..
خالد..انا بروح اسلم السي دي واسلم نفسي وانت يافواز روح عند عمي بو عبادي وطمنه علينا وبعد مااعطيك الأوكي ودي عبير عندهم
عبير.. خالد لا تروح خلي فواز يسلم السي دي لاتسلم نفسك
خالد..قراري مراح اتراجع عنه انتبهي لنفسك يبنت عمي
قريب الباب اجتمعو البنات علشان يودعون نوف وأمينه
غرام..الله الله بالهدايا
لطيفه .. كل وحده تحط ايدها بيد زوجها ومتفارقه مو تنخطفون هناك ونبتلش
ريوف..كل وحده تستئذن زوجها بكل خطوة تخطيها وتناضر نوف فاهمين ..
امينه ونوف ..رايحين للحرب مو لشهر العسل ههههههه
فواز..تنح بمكانه بيت كله بنات ومزاين بعد
ريوف..انتبهت له بنات فيه رجال بيغا يدخل وحنا مسوين حائط سد
غرام ..لا خلينا شوي ابيغا احفظ ملامحها
لطيفه .. يحلاته تتخيلون جاي يخطبني
ريوف..ههههههههههه لا والله رحنا فيها اقول بسرعه يلا خلونا ندخل والله لو العيال يطيحون علينا يسونا شورما
بعد ماادخلو البنات ..
دخل فواز بعد مادق الجرس واستقبله سلطان ودخله بالديوانيه عند بو عبدالله وخبره بالسالفه اللي ريحت باله وطمنته ..
خالد..استغرب تجاوب الضابط السريع لطلبه بأخلاء سبيل عبير مقابل السي دي واستغرب اكثر انو قاله دام السي دي معنا اللحين انت حر طليق وطبعا هذا كله صار لسبب راح نعرفه بالأجزاء الجايه
خالد مبسوط كثير وفكر انه روح يبشر عبير بنفسه ويوديها لبيت عمه بس اول شي يشوف الهنوف ويسئل عنها مثل مقدر يخلي سبيل بنت عمه بينقذ عشيقته من المجرمين واتجه للبيت اللي به العصابه واللي حافظ كل دهاليزه وممراته
الهنوف ..حسة بصوت وحسس يطلع من النافذه اشر لها ثامر انا وراء الباب شوفي مين عند النافذه بسرعه ولمن افتحتها ..خاااااااااااالد
خالد..تسمحين لي انط
الهنوف..اكيد حبيبي انت وينك وين رحت وايش صار معك
خالد ..بتعرفين كل حاجه بعدين اللحين يلا تعالي معي
الهنوف..وين
خالد ..بهربك من هنا
الهنوف..مراح اهرب معك الللين تعلمني مين اللي هربت معها بذيك المره وحرقت قلبي
خالد..هاذيك بنت عمي
الهنوف..طيب وينها اللحين
خالد..متخبين بمزرعه واحد اسمه فواز وباخذك للهناك المكان امان
الهنوف..امم طيب حبيبي بروح بسرعه باخذ كم شغله واجي معك
خالد..لاتتأخرين حبيبي
الهنوف..وانا اقدر ثواني بس
طلعت الهنوف ..سمعت كل شي
ثامر ..ايه يقلبي حاولي تلهينه وتاخرينه لحد مانروح نجيب البنت من المزرعه اللي قال عنها
الهنوف ..حاولو بسرعه
ثامر..اسئليه عن السي دي وسولفي معه وغوصيه ببحرك
الهنوف ..اوكي
ثامر..مشعل انت عليك خالد وانا باخذ وجدان والشغاله معي للمزرعه اللي ذكرها
رجعت الهنوف لخالد ولهته بالسوالف ولمن جا طاري السي دي
خالد..السي دي سلمته للشرطه اليوم بكره تلاقي كال العصابه بيد الشرطه
الهنوف..صرخت مفزوعه وشو انت جنيت
ودخل مشعل واللي معه وكتفو خالد
خالد..انتي معهم
الهنوف..ايه معهم ياغبي والله بتدفع ثمن تسليمك ارواحنا للشرطه غالي
مشعل ..كلم ثامر وبلغه انو خالد سلم السي دي للشرطه
ثامر ..تركته لك تصرف معه وبعدها خذ الهنوف واهربو نلتقي في الميناء
خالد..ياحقيره كله الابنت عمي لاتقربون منها والله امص من دمكم
الهنوف..ولك عين تتكلم بنت عمك اللحين في الباي باي ثامر راح لها وانت بنعلمك كيف تخون ربعك
خالد تعرض لأقسى واشد انواع التعذيب النفسي والجسدي طاح بيدين ناس ماترحم ..
عند عبير..
حست بصوت ..
خالد انت جيت واللتفتت وراها وشافت رجال قريب رش عليها مخدر وغابت عن الوعي
ثامر.. قتل وجدان والشغاله بالمزرعه علشان فواز اللي تستر على خالد وعبير يبتلي بمقتلهم واخذ عبير وسافر بطريقه غير مشروعه عن طريق البحر
انتضرو الأجزاء القادمه وماتحمله من مفاجئات واحداث.
تحياااتي..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الرابع والعشرين ..
ام عيدالله ..فزة من نومها مفزوعه
بوعبدالله.. بسم الله عليك ,وش صاير
ام عبدالله..حلمت في عبير اكيد بنتي مو بخير اكيد صاير فيها شي
بوعبدالله..تعوذي من ابليس عبير بخير تو صديق خالد امس مطمني عليهم
ام عبدالله..ليه ماقلت لي واذا هم بخير ليه الكوابيس هاذي
بوعبدالله..يمكن لأنك تفكرين فيها تعوذي من ابليس وكملي نومتك ..
في الطياره..
هناء..وشو هذا مكاني
المضيفه..لا انتي رقمك وراء
نسرين ..يمه اجل مين بيجلس جنبنا وانتي مين بتجلسين جنبه
هناء..تركيها عنك انا بجلس هنا واللي فيها فيها
المضيفه ..لو سمحتي انتي رقمك وراء لاتسوين ربكه الطياره مليانه
ام خليل.. يبنيتي ذكري الله ولاتسوين مشكله خلاص خليكي ورانا
مرو تركي وفهد من جنبهم وجلسو بالمقاعد اللي وراهم
قامت هناء وهي تبكي وتتحلطم كل هذا علشان مامعنا رجال يلعبون فينا على كيفهم
المضيفه ..جلسي هنا واشرت لها جنب فهد وتركي
هناء..انتي مجنونه اجلس جنب رجال
المضيفه ماردت عليها ,لو سمحتو ارقامكم
فهد وتركي عطوها الأرقام
المضيفه ..اشرت لفهد لوسمحت انت بهاذا المقعد
فهد ..وين هنا
تركي..وشو تتركني وتجلس قدام
فهد ..لا طبعا ممكن نتبادل الأرقام وانا البنت هاذي
المضيفه ..اذا برضاكم مو مشكله
هناء..انبسطت من موقف فهد وشكرته
فهد..ناضر بعيونها وعرف انها نفس البنت اللي تصادم معها "ولو اختي ماسوينا شي تفضلي وجلسي جنب اهلك
تركي..امم راحت علي انا انبسطت بتجلس جنبي انثى
فهد ..هههههههههه هذا كل همك مافيه مالك الا انا
ام خليل..الله يجزاه خير ويكثر من امثاله
وطارت الطياره بسلام
عند فواز..
داخل السجن ..يفكرلو تكلمت اخاف اضر خالد وزوجته ولو سكت بتثبت علي تهمة القتل انا لازم اشوف لي محامي يدافع عني واشوف لي احد ثقه اسئله عن احوال خالد وزوجته ياترى وش اللي صار لكم
مين اللي اقدر اثق فيه
مين
مين
زياد
زياد هو مافيه غيره هو صاحبي واكثر من اخوي وبنفس الوقت محامي يارب يكون موجود بالسعوديه بكلم الضابط واطلب منه يكون زياد المحامي اللي اطلب انه يدافع عني ..
خالد..
انقذوه رجال الشرطه اللي كانو متابعينه ولمن طول داخل البيت اطلبو الدعم وهاجمو البيت اقبضو على مشعل والهنوف وكل الموجودين وخالد نقلوة للمستشفى وهو في حاله يرثى لها
ريان ..
جاته معلومات عن غيبوبة خالد وهروب ثامر بعبير
قرر انه يتصرف ومايوقف مكتوف اليدين
اول شي خالد لازم اكلم زياد ابوه سفير السعوديه واكيد بيساعدني اني انقل خالد للمغرب ويكون تحت عيوني واتطمن عليه لحد مايمسكون ثامر ونلاقي عبير ..
عند عبير..
صحت فتحت عيونه وانصدمت لمن شافة المسدس مصوب ناحيتها وصرخت خاااااااااااااااااااااالد
ثامر..كان ينظف اسلحته ولمن سمع صوتها ترك اللي بيده واتجه لها
عبير..مفزوعه وترتعش من الخوف
ثامر..انتي بردانه
عبير..ابي خالد ابي خالد
ثامر..ههههههههههههه مين خالد هنا مافيه خالد فيه ثامر وبس
عبير.. خالد مراح يتركني بيجي يطلعني من هنا ويضربك اللين تموت
ثامر..هههههههههههههههههههههههه ضحكتيني مين اللي يضربني سمعيني مادري صاير سمعي ثغيل يمكن من تأثير هوى البحر
عبير..احنا بالبحر!؟
ثامر ..ايوا انتي بالبحر مع ثامر وخالد اللي جابك هنا وهو غرقان بالعسل مع الهنوف حبيبته
عبير..لا لا انت كذاب مو خالد اللي جابني هنا
ثامر..لمن تشوفيه اسئليه انتي مااحد يبغاك وبلوني فيك ولأني طيب وحنون شفقت علكي وجبتك معي فخليك محترمه ومطيعه
عبير..انت كذاب كذاب ابغى امي وين امي ابغلى ابوي
ثامر..انا امك وابوك وكل شي هنا مالك غيري وقام عنها واتجه لبرا
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك