رواية ليت مشاعرنا مثل أسامينا ماتتغير -15
فيصل مسك ايد خاله:- توها توصيني عليك بنتك ملاك يا خال لو وحده ثانيه كان من زمان ما تبيني ولاتبيك0
أبو ندى:- ههههه
فيصل:- ليه تضحك خال
أبو ندى:- كلامك صحيح أنا ظلمتها كثير وأنت عذبتها يعني صحيح طالع على خالك
فيصل:- ههههههه يا خال بس والله بنتك تنحب 0
أبو ندى:-يا فيصل حافظ عليها ولا تخسرها حب أبوك وزوره بس بنتي أبعدها عن المشاكل0
فيصل:-خير يا خال أهم شي أنت ارتاح ولاتحاتي0
---------------
"ندى صحت من النوم ومبسوطة حاسة أنها فراشه تبي تطير تبي ترقص تبي تستهبل طلعت من غرفتها بعد ما غسلت نزلت لتحت شافت أمها جالسه وماسكه القرآن تقرأ "
حبت راس أمها:- كيف ست الحبايب
أم ندى:- الحمد لله (( اتصل فيصل وقال إن أبوك الحمد لله بخير ))
ندى:- الحمد لله الله يقومه بالسلامه0
أم ندى:- آمين يا رب العالمين
ندى جلست جنب أمها:- يمه لما يطلع أبوي بيرجع وسن عندنا
أم ندى:- ما اعتقد هذا زوجها وما يقدر أبوك يرجعها
ندى:- مسكينة وسن مكتوب لها تتعب 0
أم ندى :- وهذا اللي متعبني خايفه عليها ومو قادرة أساعدها
ندى :- طلبي لها التوفيق يا يمه دعاء الأم مستجاب
أم ندى :- يا رب وفق بنتي وسن وابعد عنها عيال الحرام وحنن قلب زوجها عليها يا رب
ندى :- يا رب
أم ندى التفتت على ندى وهي تضحك:- يا رب وفق بعد بنتي ندى واكتب لها الخير مع ولدعمها ورجع لبناتي أبوهم وهو بصحة وعافيه يا رب
"ندى نزلت رأسها مستحيه من أمها "0
أم ندى :- لا تستحين أنا ادري انك تحبينه
ندى وهي مستغربه ومرتبكة:- تدرين إيه اللي تدري؟
أم ندى:- ادري بحبك لمنصور أنا أم وأحس ببناتي وادري انك تميلين لمنصور
ندى متفاجئه:- صحيح يمه
أم ندى:- أي صحيح أصلا واضح عليك لما احد يتكلم عنه ترتبكين شوقك له فاضح
ندى استحت من أمها:- أنا جوعانة يمه
أم ندى تعرف ندى لما تستحي من شي تهرب منه بطريقتها:- ضحكت عليها وقرصت خدها:- يا بنتي أنا أمك لا تستحين خلاص منصور بيصير زوجك0
ندى ابتسمت وحضنت أمها :- يمه تعتقدين منصور ما يسوي مثل فيصل
أم ندى :- لا ما راح يسوي حتى فيصل زين بس صفحه في حياته ويوم من الأيام راح تنطوي
ندى :- ليه واثقة كذا
أم ندى وهي تمسح على شعر بنتها :- واثقة يا بنتي وفيصل بـ يرجع أحسن من اول0
ندى ما علقت على أمها وأم ندى تخفي سر وواثقة من كلامها 0
يـــــــا تـــــــرى ما السر اللي عند أم ندى؟
دخلت وسن المدرسة وهناك شافت ريم
وسن :- هلا ريم كيفك
ريم :- والله تمام لو ادري انك بتجيين كان ما كلفت نفسي اتصل من الصبح
وسن :- أحسن خسرتك
ريم :- ههههههههههه
توهم يتكلمون إلا جاتهم مضاوي
مضاوي بسخرية : هلا الشلة متجمعة
ريم :- مضاوي مالك خص فيني الحين هي زوجه اخوي
مضاوي :- هههههههههه والله مصدقه حالها أي زوجه أخوك هذي إذا خليناها على ذمته
وسن وهي معصبه:- وش قصدك يا مضاوي فيصل ما راح يتركني 0
مضاوي :- والله يا وسن راح أعلمك كيف تتكلمين معاي
ريم وقفت في النص بينهم:- مضاوي والله اللي تسوينه عيب في المدرسة قدام البنات ما في أي احترام لأي حد
مضاوي مسكت أيد أختها:- سمعي أنتي مالك دخل هذا بيني وبينها0
وسن :- مضاوي بعدي عن طريقي أخوك ما عرفتيه إلا من كم يوم أنا تربيت معاه يعني بالمختصر أنتي الخسرانه0
مضاوي والشر يتطاير من عيونها:- راح نشوف يا وسن من اللي بيجي يترجى الثاني 0
وسن:- اللي تقدرين عليه سويه أنا متوكلة على ربي وما راح يقصر معاي 0
وهم يتخانقون إلا بجيه المدرسه:- مضاوي رجعتي للمشاكل يا الله أنتي معاها تعالوا لغرفه المراقبة
"وسن ومضاوي مشوا لغرفه المراقبة "0
المراقبة :- ليه صراخكم طالع في الساحة قدام البنات
مضاوي :- كيفنا
المراقبة :- مضاوي أنتي ما راح تتأدبين إلا لين تنفصلين من المدرسة
"مضاوي تطالع في المراقبة وهي تهز في روحها" 0
المراقبة التفتت على وسن :- وأنتي بعد وش قصتك وياها
وسن وعيونها بتدمع أول مره تدخل في غرفه المراقبة:- والله مالي دخل هي جات تهزئني قدام البنات
المراقبة:- سمعي أنتي وياها مشاكل في المدرسة ما أبيها وآلا كل وحده تجيب وليه أمرها
مضاوي:- أنا وليه أمرها
وسن وهي متخصره:- لا يا عيوني في الأحلام 0
المراقبة وهي معصبه عليهم :-والنهاية معاكم ما عندنا شغل إلا انتوا
وسن :- أستاذه أنا متزوجة اخو مضاوي ومسويه نفسها وليه امرنا وهذا بعد أخوها من أبوها وهو ولد عمتي0
مضاوي :- غصب عنك بصير وليه أمرك وبربيك يا الكلبه
المراقبة وبعصبيه:- وسن طلعي فصلك وأنتي يا مضاوي على الأسلوب والألفاظ ما راح اتركك0
مضاوي وهي مو مهتمة:- سوي اللي تسوينه عادي0
المراقبة نادت المديرة
المديرة:- والنهاية يامضاوي صايره ولد مو بنت تضربين البنات وتتلفظين عليهم وما تحترمين المعلمات متى يا مضاوي تعرفين انك كبيرة كل البنات اللي في سنك في الجامعة أو الكليه0
مضاوي أول مره تدمع عينها:- أي أستاذه يا ليتني اخلص من هنا وأروح الكلية وارتاح من معايرة البنات
المديرة بطيبة قلب:- شوفي يامضاوي ذاكري وعقلي ونساعدك بس إذا عاندتي ما في مدرسه تساعد بنت مشاغبه وكسلانه فاهمه
مضاوي:- ايوه فاهمه
المديرة:- خلاص أنا ها المرة بسوي لك تعهد والمرة الجايه بفصلك وأتمنى خلال هذي المدة تتحسن معاملتك عشان نساعدك و بعدين إذا تبين أي مساعده في الدروس أنا مستعدة أساعدك يا الله وقعي على التعهد 0
مضاوي :- إن شاء الله استاذه0
00مضاوي وقعت على التعهد وهي طالع الفصل معصبه وتسب في وسن وتتوعد فيها00
--------------
" حمد مبسوط ومروق وينتظر بس أبوه يبشره أنهم يزورون بيت أهل شجون
وما قدر يصبراتصل على أبوه":- كيفك أبوي
أبو منصور:- الحمد لله غريبة متصل
حمد:- ليه كذا تقول والله أنا دايما اسأل عنك
أبو منصور:- أنا أبوك وأعرفك ما تتصل إلا عندك سالفة قول وخلصنا عندي شغل كثير و بدون عمك أنا ضايع
حمد:- الله يطول بعمرك يبا أنت والعم وان شاء الله يطلع بالسلامة وترتاح
أبو منصور:- خلص وقول لا تعطلني
حمد:- متى نروح بيت أهل شجون
أبو منصور:- هههههههه موقادر تستحمل الحين أخوك صابر وهو من زمان وأنت مو قادر
حمد:- ما عليه يبا قبل ما البنت تضيع مني ويأخذها أي واحد0
أبو منصور وهو يضحك على ولده:- خلاص اليوم اتصل باأبوها ونروح نزورهم بس ما في ملكه لين يطلع اخوي0
حمد :- مشكور أبوي الله يطول بعمرك0
"أبو منصور اتصل على أبو شجون واتفق معاه أنهم جايين يزورونهم بالليل0"
"شجون جلست من النوم ونزلت تحت وأمها جالسه قدام التلفزيون وتقرأ مجلات"
شجون:- هاي ماما
أم شجون:- هاي بيبي 0
شجون:- ليه ما صحتيني
أم شجون:- قلت لازم أخليك ترتاحين وصحيح عندي لك خبر حلو
شجون:- خير ماما
أم شجون:- في ناس جايين الليلة يشوفونك
شجون وهي مستحيه :- صحيح ماما
أم شجون:- ايوه يقربون لصديقتك ندى0
شجون وهي مبسوطة:- صحيح مامي حضنت أمها وطلعت لفوق على طول0
"أم شجون ضحكت على بنتها"0
"شجون فرحانة وحاسة مبسوطة لدرجه نست الم أيدها المكسورة"
"شجون مترددة ودها تتصل على حمد بس مترددة ناظرت الجوال و استغربت شافت في رسالة جاتها وهي تحت وما تدري عنها"
أحبك وأعشقك وأهواك يا حبيبه قلبي فديتك
اليوم جايين لك خطاب ورينا شطارتك قدام الوالدة
ولا تدلعين يمها واجد عشان ما تعلق على أسلوبك
"شجون قرت الرسالة و هي تضحك رن جوالها"
شجون:- هلا حمد
حمد:- سمعي لا تصيرين دفشه قدام الوالدة خليك طبيعية
ولا تكلمينها كأنها أختك 0
شجون:- وش فيك شايفني كلش ما افهم
حمد يكمل:- ايوه ما تفهمين وآلا في وحده تبي تخطب رجال وتفهم
شجون تحطمت:- يوووووو حمد لا تقول كذا
حمد وهو يضحك:- طيب يا شجون بس تجين عندي راح أربيك كويس
شجون :- لا والله شايفني مو متربية
حمد :- إلا متربية على الدلع وبربيك على طريقتي
شجون وهي تدلع:- إذا جيت عندك يصير خير
حمد :- يا سلام تكلمين وأنت واثقة من نفسك طيب يا شجون يصير خير –
شجون ضحكت على كلامه:- يا الله بااااااااااي
حمد :- بااااااااااي ياعمري0
"فيصل بس خلص شغله و تطمن على خاله طلع يأخذ وسن من المدرسة وقف جنب المدرسة ينتظرها الا "
مضاوي فتحت الباب اللي قدام :- هلا فيصل توصلنا معاك "
فيصل :- اوكي يا الله ركبي
"مضاوي ركبت قدام فيصل تضايق من حركتها وسن تمشي مع ريم "
ريم :- شوفي الملقوفة ركبت محلك
وسن :- عادي ما عليك منها تعالي معاي
"ريم ركبت مع وسن ورى"
ريم :- كيفك فيصل إن شاء الله بخير
فيصل :- الحمد لله تمام
وسن تبي تحر مضاوي :- كيفك حبيبي فيصل
فيصل حاس إن كلام وسن تبي تقهر مضاوي :- والله زين يا عيوني أنتي كيفك اليوم في المدرسة
وسن :- أنا اليوم جدا مبسوطة ومستأنسه ما في احد قدي زوجي يجيبني ويأخذني من المدرسه0
مضاوي تبي تقهر وسن:- فيصل تغدى عندنا اليوم
فيصل :- لا ما اقدر بوصلكم وبرجع للمستشفى0
مضاوي وهي متضايقة :- طيب على راحتك 0
وصلوا للبيت ونزلت مضاوي وريم وفيصل نزل معاهمواشر على وسن :- بسلم على الوالد وراجع
وسن :- بس بسرعة أخاف في السيارة لوحدي
فيصل :- اوكي سكري عليك لين أجي وافتحي
"فيصل دخل وسلم على أبوه وحب رأسه "
أبو فيصل :- وينك من زمان ما طليت علينا
فيصل :- مشاغل
أبو فيصل:- مرتاح مع عروستك
فيصل:- الحمد لله
أبو فيصل :- يا الله تحرك وجيب ولي العهد
فيصل :- إن شاء الله يبا0
أبو فيصل مسك فيصل :- اسمع ورها العين الحمرا وخلك رجال مو كل شي تسمعه منها طنشها خلها تحترق أهي وأبوها
فيصل ضحك :- كأنك عايش معاي مجننتني و مطنشها لا تخاف علي 0
مضاوي وهي مغيوضه :- أشوفك مطنشها 0
فيصل بطيبته:- ليه الحلوة زعلانه إن شاء تتزوجين وتشوفين كيف يدلعك0
مضاوي برغم جبروتها إلا أنها أثرت فيها كلامه دمعت عينها وبدون ما يحسون مسحته :- يالله بروح اريح0
--
فيصل استأذن أبوه وطلع بسرعة وسن فتحت له الباب ودخل :- يا الله حبيبتي تعالي قدام جنبي
وسن بدلع :- خليت قدام لك ولمضاوي
فيصل طلع من سيارته وفتح الباب اللي جهتها :- تفضلي مدام
"وسن وهي تدلع طلعت وقفت جنب الباب اللي قدام جاها فيصل فتح لها باب السياره ودخلت وسكر الباب"
فيصل (( فديت الدلع وأبوي يقول طنشها ما يدري أنها هي اللي مطنشتني )) :- وش رأيك نروح للمطعم0
وسن :- لا طبعا ما اقدر أعطلك عن مهنتك الأنسانيه 0
فيصل :- لا وسونه ما راح تعطليني أنا بس كلام قلته لمضاوي عشان أصير جنبك0
وسن :- وعمتي كيف تتغدى لوحدها
فيصل وهو يتبسم :- لا تخافين الوالدة ضبطتها وقلت لها تتغدى لوحدها 0
وسن :- مسكينة والله فشله أخليها لوحدي
فيصل :- هههههههههه لا فشله ولاشي 0
"أول ما وصلوا المطعم نزل فيصل ووسن من السيارة ودخلوا المطعم طلبوا غداهم"
فيصل :- تذكرين هذا المطعم
وسن وتسوي حركه استهبال على فيصل :- لا ما اذكره أول مره ادخل فيه
فيصل اغتاظ:- يعني ما تذكرين يوم طلعتي من المستشفى وفطرتك هنا
وسن :- آه هذا المطعم تصدق كنت تعبانه وما انتبهت فيه
فيصل صدق كلامها وما علق بس رفع عينه وشافها تتبسم:- ليه كل هاالأبتسامه
وسن :- ليه صدقت إني مو ذاكره يوم ما جبتني هنا وكنت خايفه
فيصل ردت فيه الروح :- ليه كذا يا وسن والله صدقت
فيصل مسك أيدها وباسها:- وسن والله احبك لا تزعلين مني واستحملي أهلي ولا تشكين بحبي لك
"وسن كانت تطالع في عيونه العسلية وحاسة بكل كلمه قالها لها قلبها يدق بسرعة
وبسرعة سحبت أيدها حست بقشعريرة "
فيصل :- ليه يا وسن خايفه مني0
وسن بارتباك :- يا الله بس نتغدى أبي أروح البيت حاسة أني تعبانه والأسبوع الجاي اختبارات 0
فيصل :- اليوم رحت للخال سأل عنك
وسن فرحت :- فيصل صحيح سئل عني
فيصل :- ايوه ووصاني عليك بعد0
وسن وهي تضرب الطاولة بانفعال وبدلع :- اليوم أبي أزوره توديني له0
فيصل وهو يضحك عليها :- تو تقولين تبين تروحين البيت وتعبانه واختبارات 0
وسن ارتبكت :- أي كنت بروح خلاص أنا مو تعبانه0
فيصل يبي يجننها :- لا ما اعتقد راح اقدر أخليك تروحيين0
وسن وهي معصبه :- ليه فيصل
ومثل حركات الأطفال وسن تكلم فيصل :- يا الله فيصل الله يخليك0
فيصل كأنه مو مهتم :- طيب بس بشرط
وسن :- أي شي أسويه وش شرطك0
فيصل :- أبي بوسه 0
وسن استحت كلمته وهي منزله رأسها:- فيصل حرام عليك 0
"فيصل قرب جهه كرسيها وحط أيده على كتفها وحس بارتباكها كانت تنتفض وتتنفس بسرعة كأنها طفله صغيره رفع رأسها و عطاها قبله على خدها "
وسن خافت وبعدت عنه :- فيصل تأخر الغدا 0
فيصل شاف وجهها احمر من الخجل طالعها:- فديت الخجلانه
وسن ارتبكت أكثر وفيصل قرب منها أكثر التفتت عليه وهي خايفه:- فيصل وش فيك؟
فيصل :- ما راح أتنازل عن حقي أبي بوسه وآلا ما فيه روحه للمستشفى0
وسن فكرت (( وش فيها هذا زوجي صحيح استحي منه بس عادي بقوي قلبي ما فيها شي)) التفتت عليه وهو جنبها وزي الطفلة: خذ هذي بوسه ولا أخاف ولاشي عادي أنت زوجي 0
فيصل ضحك عليها:- بالرغم اني مو هذي اللي حلمت فيها بس أرضتني وبس نتغدى اوديك للخال 0
"وسن ابتسمت برضى "
"تغدوا وعلى طول للمستشفى دخلت وسن و أبوها نايم حبه رأسه وجلست جنبه"
حس فيها تبسم لها:- كيفك وسن
وسن:- الحمد لله أهم شي أنت زين
أبو ندى:- الحمد لله
دخل فيصل:- ها خال برد قلبك بنتك عندك ما فيها شي حتى اسئلها0
أبو ندى :- ما أذاك فيصل تراني أقوم وأتضارب وياه
وسن وهي تضحك:- لا ما صار شي خلك مرتاح0
فيصل :- أنت اطلع با السلامة وسوي اللي تبي 0
أبو ندى وعيونه مدمعه :- كنت أبي أعوض بنتي واسوي لها أحسن عرس بس أنت استعجلت يافيصل0
وسن دمعت عينها يوم شافت أبوها يتكلم :- خلاص ولا يهمك عادي أهم شي تطلع لنا بالسلامه0
فيصل :- خال عوض لما تطلع سوي حفله وزفها لي ثانيه
وسن التفتت على فيصل طالعته وهي مندهشة (( لك عين يا فيصل بعد تبي تسوي حفله انزف لك وأنت ما خذني بدون عرس ))
فيصل اشر عليها وهي سرحانة :- وش قلتي وسن
وسن :- يطلع أبوي با السلامة ويصير خير0
أبو ندى :- والله يا ليت اقدر أسعدك يابنتي0
فيصل وهو يطالع في وسن :- عندي بشارة حلوه
وسن :- خير
فيصل :- الخال راح نطلعه من غرفه العناية ونوديه لغرفه ثانيه و اتوصيت في الخال غرفه خاصة بعد وش تبين0
وسن التفتت على أبوها :- الحمد لله على سلامتك عقبال ما تطلع من المستشفى0
"وسن اتصلت على أمها وقالت لها با البشارة ووصتها تتصل على عمها عشان ما يتفاجئون لما يزورونه العصر0"
|||فيصل بشر أمه ونقل خاله للغرفة الخاصة وتطمنوا عليه وطلع مع وسن من المستشفى|||
منصور زهقان دخل عليه أبوه :- وش فيك منصور
منصور :- أبي أملك يبا زهقت0
أبو منصور :- ليه زهقت خالك ما بعد يطلع من المستشفى بس يطلع وابشر 0
منصور :- ما يصير يبا اكلمها0
أبو منصور :- منصور وش فيك اعقل مو قادر تنتظر ملك وكلمها0
"منصور تنهد يحس نفسه مشتاق ومو معارف كيف يكلمها"
أبو منصور :- روح الكلية اخذ أختك اتصلت تقول السواق مع أمك في السوق0
منصور :- إن شاء الله يبا0
منصور اتصل على مروه :- مروه جات ندى اليوم
مروه :- أول شي قول السلام عليكم
منصور وهو يتأفف :- السلام عليكم
مروه وهي تضحك:- وعليكم السلام ورحمه الله وبركاته
منصور:- شفتي ندى اليوم
مروه:- لا ما راح تقدم الاختبار وبتعيد الفصل 0
منصور:- وليه ما راح تقدم0
مروه:- أنت تدري بالظروف اللي صارت ما ذاكرت 0
منصور:- طيب أنا الحين جاي لك بس أدق طلعي0
مروه:- طيب
"منصور بس وصل دق على مروه وطلعت بس ركبت السيارة"
منصور :- مروه حبيبتي اتصلي على ندى
مروه التفتت عليه:- منصور اعقل مو قادر تثقل توك مكلمها شكلك تعودت على الخرابيط0
منصور عصب:- وأنا كل ما قلت لأحد قتال أثقل خلاص ما بي منك شي
مروه تضحك عليه:- كسرت خاطري بدت المراهقة على كبر
منصور :- اووووووف أنا مو ناقصك انكتمي أحسن لك
مروه :- طيب يا منصور كنت بتصل عليها الحين هونت0
منصور :- وش فيك زعوله كنت امزح يا الله دلوعتي مروه0
مروه وهي تهز جوالها بأيدها :- أي اعرف من تكلم
"منصور عصب وبأيده ضربه على رأسها "
مروه :- اااااااااه وجع 0
منصور :- خلصينا واتصلي
مروه :- طيب لا تهزء شكلك تبيني أهون
منصور عصب من شكله مروه خافت من شكله ودقت على طول لـ ندى:- هلا ندوش كيف حالك
ندى :- الحمد لله تمام0
مروه :- شوفي أنا بشتغل إزعاج فيك كل يوم اتصال لين تشرفين في بيتنا0
ندى وهي تضحك:- طيب يا مروه خذي راحتك0
مروه:- وينك الحين
ندى :- في غرفتي طفشانه ما في اختبار ولاشي كانت وسن تسلينا 0
مروه :- طيب وش رأيك أمرك نروح المطعم نتسلى والعصر نروح ازور عمي
ندى وهي حاسة أنها خطه من مروه :- أي بس أنتي ما عندك اختبار
مروه :- إلا أذاكر في الليل احد يعاف الونا سه
ندى :- طيب استأذن الوالدة
مروه :- لا تتأخرين أنا في الطريق
"ندى كلمت أمها ووافقت قالت لها أنا بروح للمستشفى إذا خلصتي تعالي هناك"
ندى اتصلت على مروه :- يا الله أنا انتظرك
مروه :- يا الله طلعي أنا عند الباب0
ندى :- طيب 0
مروه وهي تطالع منصور اللي فرحان :- ها استأهل هديه على ها الأفكار
منصور :- تستاهلين هديه ذهب وأنتي اللي تختارينها
مروه :- نمر على سمر
منصور :- هههههههههههه في الأحلام
مروه :- كيفك الله يعينك على لسانها0
ندى ركبت السيارة :- السلام عليكم
منصور ومروه:- وعليكم السلام
منصور :- كيفك ندى
ندى وقلبها يدق بسرعة:- الحمد لله تمام
مروه وهي تهمس لـمنصور :- صح كيف تأكل البنت وأنت معانا
منصور :- عادي هي بتصير زوجتي تفتح وتأكل
مروه :- في الأحلام شكلك بتآكل بروحك
منصور :- لالالالالالالا مستحيل
التفت على ندى :- ندى بتغدى وياكم
ندى وهي مستحيه :- على كيفك
مروه التفتت على ندى :- يعني بتفتحين وجهك قدامه
ندى :- لا بظل متغطية
مروه ابتسمت لمنصور كأنها تشمت :- توني بقول عنك جريئة بس عجبتيني0
ندى :- ما علقت على كلام مروه لأن مروه الكلام اللي في قلبها على لسانها مو متصنعه0
"منصور يطالع مروه وهو مغتاظ على كلامها بس وصلوا المطعم مروه وندى دخلوا مع منصور وطلبوا الأكل "
منصور :- بس العم يطلع من المستشفى بملك وبعد شهر الزواج0
ندى وهي مستحيه:- بالسرعة ما يمدي اجهز0
مروه :- صحيح وإحنا بعد ما يمدينا نجهز لعرسك0
منصور :- حاولوا العطلة جايه و بعدين بتتسهل بس العم يطلع بالسلامة
مروه تستهبل :- بروح دوره المياه تجيين ندى معاي
"منصور خز مروه "
ندى ضحكت عليهم :- لا ما بي أروح
مروه وهي تقرص ندى في أيدها وتكلمها بهمس :- يا الجريئة تصرفيني طيب لما خليت سمر تشنع عليكم
منصور وهو مغتاظ :- إذا ما تدليين اوصلك0
مروه :- خلاص ما يحتاج ما راح أضيع خذوا راحتكم بس ما راح أطول
منصور بعد ما طلعت مروه ابتسم لـندى :- حبيبتي أبي أشوفك زين نظره شرعيه قبل الملكة مو من حقي
ندى :- لا مو من حقك النظرة الشرعية شفتها من قبل 0
منصور :- طيب يابنت عمي بخليك تترجين أطالعك وما راح أرضى
ندى :- طيب وأنا أخليك تترجى نقرب الزواج وأقول لك ما جهزت
"طالعوا بعض وبدو يضحكون على كلامهم "
ندى :- بروح لمروه لا تشنع علي عند سمر
منصور :- لا جلسي أبي اسولف وأقول كل اللي بقلبي
ندى :- لالالا بعد الملكة يصير خير
إلا مروه جات لهم :- ااحم احم نحن هنا ما خلصنا غراميات
ندى :- إلا من زمان
مروه تهمس لندى :- ها وش صار
ندى قرصت مروه في فخذها وهمست لها :- ما صار شي
منصور :- أكيد تحشون فيني
"وصل الغدا تغدوا و راحوا للمستشفى"
-------------
"بس وصلوا وسن للبيت مع فيصل إلا عمتها لابسه عبأتها و شيلتها"
فيصل :- ها وين يمه
أم فيصل وهي تطالع وسن :- شسوي بروح لخوي مدام في ناس ما عبروني وجاوا خذوني وياهم
وسن تمسك يد عمتها :- لا عمه لاتزعلين ولدك عنيد قلت له قال مضبط الوالدة
أم فيصل تطالع في فيصل :- مضبطني ها أوريك
فيصل حب راس امه :- لا يمه لا تصدقينها أنا مالي احد غير رضاك يالغاليه0
أم فيصل :- أي الحس عقلي بكم حبه على الرأس والكلام المعسول0
فيصل :- افاااااااا الوالدة من صجها زعلانه
وسن وهي متخصره :- قلت لك أنا اعرف عمتي ما تستغنى عن جلستي بس أنت عاندت
فيصل وهو يغمز لها :- أنا
وسن :- ايوه أنت
" فيصل يأشر يهدد فيها وأم فيصل بينهم في الوسط"
أم فيصل :- خلاص عشان ها القمر اللي ببيتي ما راح ازعل بس شغلي بعدين معاك0
"وعدلت شيلتها وطلعت "
وعلى طول فيصل مسك إذن وسن :- الحين أنا اللي معاند ها..؟
وسن :- هئ هئ هئ آه يوجع فيصل خلاص والله كنت اضحك
فيصل بسرعة تركها :- صحيح وجعك إذنك
وسن تدلع :- ايوه وجعتني
فيصل قرب منها وحط رأسها على صدره :- يا عمري أنا أسف مو قصدي اوجعك0
وسن ارتبكت من حركته بعدته عنها :- فيصل يا الله بروح انام0
فيصل مسك أيدها :- وسونه حبيبتي وأنا بعد أخذيني وياك أبي انام0
وسن بعناد :- ليه أنت بزر أنومك 0
فيصل :- ايوه بزر قدام حبيبتي 0
وسن وهي تبتسم :- روح يا شيخ مايأثر فيني كلمه حبيبتي وقلبي وروحي 0
فيصل :- لا والله أتكلم بجد أنا أحب العسل والقمر اللي هي وسن أحب كل شي فيك
فيصل يتكلم وهو يقرب أكثر من وسن :- أحب شعرك أحب نظراتك أحب حتى ريحه عطرك
"وسن قلبها يدق بسرعة وحاسة بانجذاب لكلماته ودها تحضنه وتقوله وأنا بعد احبك "
يَدري { إنّ أسْبآب ضعْفِي " نَظرته " . .
يَدري { إنّي مآ أقأومْ . . " ضَحكتَه " . ~
يَدري { إنّ الْروُح،. مآ تِغلى عَليه !.!
{ لَو دَعآها } ،، جَت تلَبي ‘ دعْوتَه ‘ .
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك