رواية ليت مشاعرنا مثل أسامينا ماتتغير -16
وسن وهي تبتسم :- روح يا شيخ مايأثر فيني كلمه حبيبتي وقلبي وروحي 0
فيصل :- لا والله أتكلم بجد أنا أحب العسل والقمر اللي هي وسن أحب كل شي فيك
فيصل يتكلم وهو يقرب أكثر من وسن :- أحب شعرك أحب نظراتك أحب حتى ريحه عطرك
"وسن قلبها يدق بسرعة وحاسة بانجذاب لكلماته ودها تحضنه وتقوله وأنا بعد احبك "
يَدري { إنّ أسْبآب ضعْفِي " نَظرته " . .
يَدري { إنّي مآ أقأومْ . . " ضَحكتَه " . ~
يَدري { إنّ الْروُح،. مآ تِغلى عَليه !.!
{ لَو دَعآها } ،، جَت تلَبي ‘ دعْوتَه ‘ .
"وهي ضايعه في حبه بس مو ناسيه اللي صار لها كانت بتضعف قدامه بس حست بهذا الشي إلا بعدت عنه"
وسن :- فيصل خلاص أنا تعبت من الصبح جالسه0
فيصل حس بيأس :- وسن ما يصير كلما قربت منك بعدتي0
"وسن ما ردت عليه صعدت الدرج وهو مشى ورآها باستسلام0"
دخلت شقتها رمت عبأتها وشيلتها وبتدخل غرفتها إلا مسكها:- وسونه ليه تصديني وتعذبيني معاك خلينا نفتح صفحه جديدة ونمارس حياتنا عاديه مثل أي زوج وزوجته0
وسن وهي تكلمه بعناد :- لا يا فيصل مو بالسهولة اللي تتصورها0
فيصل بنفس عنادها وهو منفعل :- ليه موبالسهوله0
وسن :- أنا جيت لبيتك واخترت مكاني بعد في زاوية من زوايا شقتك والزاوية الثانية تنتظر اختيارك مو لي 0
فيصل :- أنتي اختياري 0
وسن :- لا أنا غلطه ومو لازم تنلزم فيها0
فيصل بعناد وعصبيه من كلامها ضرب في اللي الباب اللي واقفين عنده : سمعي يا وسن ترجعين عند اهلك ما في بتطلعين من حياتي لمقبرتك سمعتي 0
فتح باب غرفتها ومسك أيدها ورماها على السرير:- هذا مكانك ولا في طلعه ولا مدرسه ولا اهلك فاهمه
"طلع وسكر الباب با القوه حضنت دبدبوها وبدت تبكي"0
واقف ورى الباب ويسمع بكيها (( ما ودي يا وسن ازعلك بس أنتي تعصبيني )) وده يدخل ويسكتها ومحتار ايش يسوي (( لو أمي موجودة كان ناديتها يا ربي وش العمل ))
فتح الباب وشافها ماسكه دبدوبها زي الطفلة وتبكي جلس طرف السرير حط أيده على شعرها وبدء يحرك في شعرها :- حبيبتي وسونه خلاص بكي ما يطاوعني قلبي أنام وأنتي تبكيين0
"وسن سمعته وزاد صياحها "0
فيصل قرب وحضنها وهو يهديها :- خلاص يا عمري والله مو قصدي ازعلك بس أنتي تعصبيني 0
"فيصل حاس بشعور غير وهو حاضنها حاس أنها ملكه ومحتاجها مثل ما هي محتاجته"
وسن فلتت روحها من حضنه وهدت شوي :- أنا تعبانه يا فيصل 0
فيصل وهو يحرك في شعرها :- بسم الله عليكِ يا الغاليه يا الله نامي وارتاحي 0
وسن انسدحت وفيصل غطاها بالبطانية وتو فيصل بيطلع مسكت وسن أيده :- فيصل لا تخليني لوحدي 0
فيصل جلس على طرف السرير :- خلاص نامي أنا بظل جنبك
"جلس جنبها وهي ماسكه أيده لين نامت وفيصل مبسوط أنها ماسكه فيه وفرحان أنها نامت وهو جنبها"
نامي حبيبتي...وارميهمومكـ..
نامي حبيبتي..واتركي الآمكـ ...وانسي ظنونكـ..
ناميحبيبتي..واتركي لي الأسى...
نامي حبيبتي ...واتركيني..
اتركيني...الملمكـ...
احضنك..اشد بضمكـ..
امسحدموعكـ...
ارتمي بحظني...ونامي...واحلمي..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
((الجزء الثامن عشر))
------------
"بعد ما تطمن أبو منصور على أخوه طلع اهو و زوجته وسمر لبيت شجون وحمد ينتظرهم هناك"
"الحريم عند مجلس الحريم والرجال في مجلس الرجال"
"بو شجون حياهم وضيفهم وجلسوا سالفوا وتكلموا باالخطبه و بو شجون كان مرحب فيهم "
بو شجون :- والله الولد زين وعارفه كويس وعمري ما سمعت بشي سيء فيكم والحمد لله بس لازم اخذ موافقة ألام وبنتها أنا من جهتي موافق ما راح القى لبنتي رجال شهم مثله
أبو منصور :- والله ها الكلام يكفينا وفيك الخير أنا من قال لي ولدي واستبشرت خير بصراحة نسب يشرف0
أبو شجون يطالع حمد وهو مرتبك منه :- المعرس ما سمعت صوته ما يعرف يتكلم0
أبو منصور وهو يضحك:- لا تستعجل أكثر واحد يتكلم في البيت بس مستحي0
حمد وهو مرتبك :- والله يا عمي ما ادري وش القول أنا ما اعرف اصفصف كلام يهمني موافقة البنت ووووو سلامتكم 0
أبو شجون وهو يضحك :- الله يسلمك
أبو منصور :- والله فشلتنا ما تعرف تكلم إلا بدفاشه شايفنا ربعك
أبو شجون وهو يضحك :- خليه يأخذ راحته والله كلامه يجنن شباب ما فيها شي0
الكل:- هههههههههههههههههههه
------------
أم شجون :- حياكم الله البيت بيتكم تفضلوا
أم منصور :- الله يحيكِ يا الغالية إلا وين عروستنا0
أم شجون :- الحين نازله0
"جلسوا يتكلمون و يتونسون وأم شجون ما قصرت بدت تضيفهم و نزلت شجون وسلمت عليهم وجلست معاهم"
أم منصور :- عجبتها شجون تناسب مع سمر تحسها مثلها0
"أم منصور مع أم شجون يتكلمون على طلعات و جمعات الحريم "
"وسمر مع شجون يتكلمون عن ندى واللي صار "
إلا بعد ربع ساعة دق جوال أم منصور وكلمت :- يالله أم شجون نستأذنك راح نمشي
أم شجون :- ليه بدري
أم منصور :- بنرجع إن شاء الله ثانيه ومعانا الشيخ0
"شجون استحت من كلام أم منصور سلمت عليهم وطلعوا"
-------------
أم فيصل رجعت من المستشفى سئلت الشغالة :وين مدام وسن
الشغالة :- لسى ما نزلت 0
"أم فيصل صعدت شقت فيصل ونادت ما حد رد ضربت على غرفه فيصل ما جاوبها ولأنها تدري إن وسن تنام في الغرفة الثانية قالت بتدخل تصحيها عشان تذاكر
فتحت الباب وضحكت شافت فيصل جالس على طرف السرير وهو نايم ووسن نايمه وماسكه أيده"
ضحكت على فيصل حركته وكلمته بشويش :- في احد ينام وهو جالس ليه ما تمددت
فيصل وهو يلمس في جسمه شكله تعب :- ما ادري نمت وماحسيت0
أم فيصل :- يالله قوم غرفتك نام
فيصل :- لاما اعتقد بروح أجهز عندي الليله مناوبة في المستشفى بدل زميلي عنده ظروف مايقدر يداوم0
أم فيصل :- يالله قوم الله يوفقك0
طلعت أم فيصل طالع في وسن وهي نايمه وتبسم وعطاها بوسه على راسها وطلع من غرفتها0
----------
أبو فيصل وهو يصارخ على فهد :- ما راح تصير رجال تارك المكتبة على عمال وينك عنهم
فهد :- يبا طول اليوم في المكتبة وإذا تغديت تخليني أروح الشركة لين الساعة 4,30 أروح المكتبة لين الساعة 11 في الليل مالي حق ارتاح اشوي اطلع مع الشباب0
أبو فيصل :- لا مالك حق اشتغل وجمع الفلوس وإذا كبرت ارتاح0
فهد :- الدنيا مو كله فلوس حرام عليك0
أبو فيصل عصب وعطى فهد كف على خده :- أنا حرام علي يا كلب 0
فهد وهو ماسك خده :- يبا أنا إنسان احتاج للراحة
أبو فيصل :- انقلع من وجهي ترى والله اليوم ذابحك
"ريم كسر خاطرها فهد أبوها حط حرته في فهد"
ريم لحقت فهد وهو معصب :- ريم الله يخليكِ اتركيني لوحدي
ريم :- لا تتهور فهد مالي إلا أنت في البيت 0
فهد قرص خدها:- لا تخافين علي متعود0
"تركها ودخل غرفته وريم دخلت غرفتها زعلانه على اللي صار لـ فهد"
مضاوي :- مسكين فهد يبا حطيت حرة فيصل فيه
أبو فيصل :- وهذاك مطنشني ما ادري هذي بنت أبو ندى ألحست مخه ما يسأل ولايجي0
مضاوي :- اللي يسمعك يقول كلش تحبه والبعد مأذيك0
أبو فيصل :- يا غبية كل ما بعد عنا تقرب لهم وضاع انتقامي كله 0
مضاوي :- أنت الغلطان قلت لك يطلقها قلت لا يتزوج عليها لو مطلقها كان افتكينا منها للأبد0
أبو فيصل :- اللي قاهرني فهد وريم صايرين في جنبها0
مضاوي وهي تضحك :- هي عدوتي مو عدوتك
أبو فيصل :- كل واحد يقرب لـ أبو ندى يعتبر عدوي ولازم اخلي خسارتهم كبيره0
مضاوي :- أنا بس اخلص الاختبارات وبروح أغثها لاتستعجل0
أبو فيصل :- فديت الواثقة من نفسها ما في احد في البيت فاهمني غيرك يا ألحبوبه
-------------
"في اليوم الثاني فيصل قبل ما يطلع من المستشفى راح لغرفه خاله"
فيصل :- كيفك خال
أبو ندى :- الحمد لله تمام فيصل كلم الدكتور أبي اطلع من المستشفى صرت زين0
فيصل :- خلك مرتاح هنا وعناية طبية أحسن من البيت
أبو ندى :- لا في بيتي أريح
فيصل :- خلاص بكلم الدكتور المسئول
"طلع فيصل ورجع بعد 10 دقائق "
فيصل :- خلاص خال قال الدكتور تأخذ أخر جرعه علاج لك العصر وتمشي بعد وش تبي0
أبو ندى :- تعبتك معاي يافيصل
فيصل :- لا تعب ولاشي أنت خالي و أبو زوجتي وان شاء الله جد عيالي0
أبو ندى :- الله كريم يالله ورنا شطارتك0
فيصل ابتسم لخاله :- شوف خال أنا برجع البيت واجيك العصر أخذك للبيت 0
أبو ندى :- طيب الله يعطيك العافية
فيصل :- الله يعافيك0
00000000000000
"طلع فيصل من المستشفى وعلى طول للبيت وهو كله شوق لـوسن وخصوصا انه بيوصلها المدرسة"
||| دخل البيت ماشاف أمه عرف أنها طلعت دوامها صعد على طول لشقته شاف وسن فاتحه كتاب تذاكر منه وحاطه جنبها صينيه فيها ساندويتش وعصير وتوها بـ تأخذ سندوتش بتآكله إلا أخذالسندويش من أيدها وجلس جنبها||||| :- جوووووووعان و ما أكلت شي
ولأنها ما حست فيه اخترعت :- بسم الله الرحمن الرحيم ليه ما تكلمت
فيصل وهو يضحك :- خفتي صح0
وسن :- إيوه خفت المفروض تتكلم أي شي تحسسني بوجودك0
فيصل :- والله بكيفي البيت بيتي و أسوي اللي أبيه 0
وسن بـ تأخذ كتابها وبـ تمشي مسك أيدها :- وين رايحه
وسن بتحدي :- أترك أيدي مالك خص فيني0
فيصل :- وإذا ماتركتها وش راح تسوين؟
وسن وهي معصبه :- بصارخ بـ القوه
فيصل وهو يضحك عليها :- صارخي لين بكرة ما حد يسمعك0
وسن وهي مغتاضه تحاول تفلت أيدها ما في فأيده فيصل سحبها و جلسها جنبه:- وين رايحه ما تبي تجلسين معاي0
وسن بعناد :- لا ما أبي اجلس بكيفي 0
فيصل عصب وواضح من طريقه كلامه اللي تغيرت:- لامو كيفك0
وسن وهي معصبه :- ليه أنا عبده عندك خلي أبوك ومضاوي ينفعونك0
"فيصل مسك فكها بقوه لدرجه ما قدرت تتكلم وعيونها دمعت من الألم بس تحاول تبعده ومو قادرة "
فيصل :- لا كلام جديد يا بنت الخال طيب يا وسن أنتي عبده لي في البيت وما جبتك إلا تخدميني غصب عنك مو بكيفك وأبوي لو تجيبين طايره بشينه بذبحك فاهمه0
"تركها فيصل وقف معصب و سمعي الكلام اللي قلته البارحة ما غيرته مذاكرتك ما راح تنفعك ما رح تختبرين وطلعات مو بكيفك وتخدميني وأنتي ساكتة "
""مشى وتركها ورآه
وسن مسكت فكها تتألم بس لحقته لغرفته ""
فيصل وهو يصارخ :- طلعي بره واتركيني فاهمه
وسن بتحدي :- لا ما راح اطلع وما راح أخدمك واختبار بروح اختبر وسوي اللي تبيه تبي تذبحني اذبحني مليت منك ومن الدنيا 0
فيصل قرب منها وعطاها كف :- طلعي بره وخليني لوحدي يالله
وسن مسكت خدها موجوعة بس ما بكت مسكت دمعتها :- فيصل طلقني
فيصل وهو معصب :- ما طلبتي شي أطلقك بس لما أجيب الثانية وتجيب ولي العهد وتخدمينهم بعدها أطلقك فاهمه0
"عصبت وطلعت من الغرفة وسكرت الباب با القوه ودخلت غرفتها "
77777
اتصلت على أمها وعلى طول بدت تبكي وتشهق بقوه :- يمه تعالي أخذيني ما أبي أظل في بيتهم أبي ارجع عندكم أنام في غرفتي أبي ارجع 0
أم ندى :- بسم الله عليك يا الغالية خلاص لا تبكين هذا زوجك والبيت بيتك ولازم تصبرين الدنيا كذا بعدين الله يأجر الزوجة الصابرة الصالحة اللي تصبر حتى على سوء خلق زوجها ومعيشتها وأنتي يا بنتي الحمد لله زوجك إنسان متعلم 0
وسن وهي تبكي :- يمه أنا أحب فيصل بس مو قادرة أنسى اللي سواها لي 0
أم ندى :- حبيبتي لازم تنسين وريحي مخك هذا زوجك ولازم تحسسينه بحبك وحنانك وتحافظين عليه البنت موكل يوم لها زوج0
.... جلست أم ندى تهدي في وسن لين هدت من البكي وجلست تفهمها بس سكرت من أمها راحت الحمام غسلت وجهها ونشفته وطالعت وجهها باالمرايه شافت اثر الكف على خدها أخذت كريم أساس واحمر خدود وحطته واخفت الاحمرار وتصلحت وراحت لعند غرفه فيصل ضربت الباب ما شافت رد دخلت شافت فيصل جالس على السرير ومغطي وجهه بالبطانية ...............
وسن سحبت البطانية :- فيصل أنا أسفه مو قصدي ازعلك0
فيصل بعصبيه:- وسن اتركيني وطلعي لغرفتك
وسن جلست على طرف السرير:- ما راح أتركك لين تسامحني 0
فيصل رفع عينه وشافها وماقدر يحبها ومو عارف كيف يكسبها لمس خدها :- وجعتك الضربة ؟
وسن وهي منزله راسها :- لا عادي أنت زوجي 0
فيصل بحنيه:- تفكرين الألوان اللي حاطته خافيه الاحمرار
وسن وهي تتبسم :- ضرب الحبيب زبيب
فيصل غصب عنه أبتسم على كلامها :- والله بزره0
تو بـ يقرصها على خدها إلا رجعت لورى :- لا فيصل خدي يوجعني بعدين أنا مو بزره 0
فيصل :- يوجعك وحاطه الوان0
وسن :- ليه تبي الشغالة تشوف مكان ضربتك وعمتي ما أبيك تتخانق وياها بسببي 0
فيصل يكلمها بحنيه :- خايفه علي
وسن بغرور :- لا تفرح ما أخاف عليك0
فيصل بسرعة سحبها وحضنها :- والله بزره 0
"وسن بس حضنها دمعت عينها وما علقت على كلامه قام يلعب في شعرها"
وسن بعدت روحها من حضنه :- يالله نام وارتاح 0
فيصل بحنيه :- تحبيني وسن وتخافين علي
وسن وهي مستحيه:- أي احبك وأخاف عليك وو
فيصل :- أيه وبعد
وسن تغيرت ملامح وجهها :- أخاف يا فيصل تتغير وأصير من حبيبه لعدوه0
فيصل :- ليه للحين ما تعرفين غلاتك احبك وأسف على اللي صار من قبل انسي وما راح أجبرك بأي شي لحد ما تقتنعين بحبي0
::: وسن هزت راسها وطلعت وتركت فيصل يرتاح...
-------------
عبد الله مقدر الظروف اللي مارين فيها أهل أبو منصور بس لما تطمن إن أمورهم نوعا ما استقرت اتصل على أبو منصور:- الو كيفك عمي إن شاء الله بخير0
أبو منصور :- الحمد الله بخير وأنت تمام0
عبد الله :- الحمد لله تمام عمي أبو منصور أنا عارف بالظروف اللي أنتوا فيها بس الحين بما انه عمي أبو ندى تمام أبي أشوف كيف ردكم علي؟
أبو منصور : إن شاء الله كل خير استشرت إخوانها والعروس نفسها وأمها والحمد لله ردهم زين بس يطلع اخوي واخذ رأيه وبس يقول نملك بنتصل عليك
عبد لله وهو يتنفس الصعداء :- يعني العروس موافقه0
أبو منصور وهو يضحك :- أي موافقة مبروك يا ولدي
عبد الله :- الله يبارك فيك مع السلامة
أبو منصور :- الله يوفقكم مع السلامه0
"عبد الله مبسوط وعلى طول اتصل على أمه وبشرها وكلم بنت أخته هبه :- خلاص قولي لي مبروك"
هبه :- يعني وافقوا والله أنت حركااات
عبد الله :- هي أنتي إيش حركات شايفتني وحده من الربع 0
هبه:- هههههههههههه هذي من الفرحة
رنا شافتها تضحك وأخذت الجوال من يدها :- تتآمرون علي ليه تبشرها وأنا لا
عبد الله :- اووووو رنا معصبه
رنا:- إيوه معصبه لأنك ما قلت لي0
عبد الله :- ولا يهمك بس املك والله أسوي لكم اللي تبونه بس دعواتكم
رنا :- الله كريم اخذ هبه لا تفتح فمها علينا
هبه:- وجع نذالة أوريك بس ,هلا خالو
عبد الله :- يالله ضفي أنتي وياها عندي شغل0
هبه:- أشوف بدت النذالة
عبد الله :- هي أنتي صحيح أنا الغلطان اكلم بزران0
سكر التلفون هبه التفتت على رنا :- عصب يقول أحنا بزران
رنا :- قولي قال انتِ بزره لا تشركيني معاك 0
هبه وهي معصبه :- لا حبيبتي لا تتعبين نفسك خلاك معاي في التهزئه قومي بس خليك من خالك وخلينا ننزل لجدتي وأمي نجلس وياهم 0
رنا :- على قولتك يالله
"أم منصور بس سكرت الخط من أبو منصور قامت تضحك "
سمر تكلم أمها وهي تغمز لها :- حركااااات الوالدة مبسوطة خير ليكون أبو منصور عطاكِ كلام حلووو0
أم منصور :- عيب استحي ليكون أنا صديقتك تتكلمين معاي كذا
سمر :- يمه خلاص ما تمشي معاي حركاتك ادري يعجبك التعليق عليك أنتي والوالد ايش صاير..؟
أم منصور:- أبوكم عطى الدكتور عبد الله الموافقة وقال له الملكة إذا طلع عمكم بالسلامة مبروك يامروه0
مروه وهي مستحيه من أمها :- الله يبارك فيك يالغاليه0
سمر حضنت مروه :- مبروك يا أحلى عروس عقبالي يارب0
مروه قرصت سمر في خدها :- عيب ها الكلام
سمر وهي تدلع بكلامها :- هئ هئ حلال عليكم وحرام علي يارب الفرج
أم منصور:- اللي يسمعك يقول مضايقينك كل الدلع والزين لكم وموعاجبك0
سمر حضنت أمها :- إلا عاجبني واطمع بالأكثر بعد حرام0
"أم منصور ومروه ضحكوا على دلع سمر وحركاتها "
دخل منصور :- يا سلام أشوف الجماعة يضحكون
أم منصور :- أي خلنا نستانس
منصور جلس جنب أمه وحب أيدها :- يمه تكفين متى نملك
أم منصور:- بس يطلع عمك من المستشفى ابشر بالخير نملك بعد وش تبي 0
منصور :- آآآآآآآآه يا يمه أحس أبي استقر 0
سمر:- العب على غيرها قال يستقر قول أبي أشوف ندى
منصور خزها :- ملقوفة
مروه :- هههههههههههه والله بتحصلين كف يا سمر وأنا مالي خص فيكم بصير في بيت زوجي 0
سمر الزقت في أمها :- شفتي عيالك يمه
منصور يكلم مروه:- ما بعد تملكين استحي قال زوجي0
سمر وهي تمد ألسانها لمروه وتضحك :- الحمد الله انقلبت عليك الأيه وتهزئتي 0
مروه استحت نست منصور لأنها تضحك مع سمر :- أنا امزح مو قصدي شي
,,,,,,,قامت وعلى طول صعدت لفوق.,,
أم منصور :- ليه منصور أحرجتها البنت تضحك معاكم0
منصور :- يوو يمه مو قصدي أحرجها طلع مني الكلام كذا طيب 0
أم منصور :- توني مبشرتها ومباركين لها إن أبوك وافق على زواجها كسرت بخاطرها0
منصور :- خلاص يمه الحين اراضيها0
سمر :- منصور إذا فيها الترضية طلعه أنا أختك الصغيرة تكفى لاتنساني0
منصور :- ياربي متى افتك منها بعد هذي0
سمر :- طيب يا منصور قاعدة على قلبك أنت وندى هين اوريك0
منصور وهو يضحك :- ههههههههههه أنا اللي اوريك بس املك وأتزوج طلعات وسفرات وتمشيات وأنتي بس نقول لك اللي سوينا طلعه معانا ما في 0
سمر وهي تدلع ولازقه في أمها :- يمه سامعه يهدد ما نبيه ويانا في البيت عزليه عنا من الحين0
أم منصور :- منصور لا تجننها روح لمروه 0
منصور :- تأمرين أمر يا أم منصور بس لا تنسيني 0
أم منصور تضحك :- استخفوا اعيالي0
----------
منصور دق على باب غرفه مروه سمع مروه :- إيوه تفضل
"منصور دخل وهو يتبسم وشاف مروه عيونها مليانه دموع بس شافته مسحت دموعها بيدها"
منصور جلس جنبها :- لا مروه الغالية تبكي ليكون زعلتي من أخوك
مروه تهز في راسها :- لامازعلت0
منصور قرص خدها :- والله امزح معاك وبعدين أنا مبسوط لأنه حبيبتي الغالية مروه بتاخذ واحد من ربعي
وهو يضحك :صحيح هو طبيب بس والله لو أبوك مخليني أكمل كان صرنا بعد مو أصدقاء ونسايب كان صرنا بعد زملاء عمل 0
مروه تشهق وعيونها تدمع منصور حضنها:- مروه أختي الدلوعة خلاص والله امزح ما احبك ضعيفة خلاص0
مروه :- والله مو قصدي أتعدى حدود الأدب بس جات معاي في الكلام كذا
منصور :- والله ادري خلاص ما راح أرضى ألا إذا رتبتي لي مكالمة مع ندى0
مروه وقفت وتخصرت :- طيب منصور أنت اللي تزعلني وتبيني اراضيك0
منصور وهو يضحك :- ههههههههههه طيب والله امزح قولي وش اللي تبي الدلوعة وأنا حاضر 0
مروه :- منصور تكلم من جد0
منصور :- أي والله أمري يالغاليه0
مروه :- أمم طيب أبي أروح البحر
منصور:- بس كذا ما طلبتي شي بس تخلص أم لسان من اختبارها عشان ما تصير لنا قصه0
مروه برضى :- زين ما عندي مانع
---------------------
"أبو ندى فرحان انه بيطلع من سجن المستشفى وبـ يقدر يطلع للشغل زهق منالمستشفى بالرغم إن معارفه يزورونه وأصحابه التجار على طول عنده إلا فرحته برجعة البيت خلته يتحسن أكثر"
اتصل على فيصل :-
"وسن شافت جوال فيصل بره يدق وشافت الخال أبو ندى "
وعلى طول ردتوبلهفه:- الو وعليكم السلام هلا يبا كيف حالك أنت زين ما يوجعك شي ؟
أبو ندى :- أنا بخير الحمد لله 0
وسن :- أكيد ما فيك شي0
أبو ندى دمعت عينه :- أكيد ما فيني أنتي مبسوطة
وسن تغير صوتها :- الحمد لله يبا 0
أبو ندى :- صوتك فيه شي يا بنتي 0
"وسن فرحت ودمعت عينها أخيرا أبوها قالها يا بنتي مثل ما يقول لـ ندى":- والله يبا طول ما أنت موجود معانا وصوتك زين أنا زينه والله كلمه بنتي تسوى الدنيا وما فيها
أبو ندى دمعت عينه :- والله ادري إني قصرت معاك بس والله احبك يا بنتي وأخاف عليك 0
وسن وهي مبسوطة :- الله يطول بعمرك يبا أمر تبي شي من فيصل0
أبو ندى :- سلامتك يا بنتي أهم شي تطمنت على بنتي وسمعت صوتها0
وسن :- الله يخليك لنا يارب وتطلع بالسلامه0
أبو ندى :- الله يسلمك مع السلامة 0
وسن :- مع السلامة 0
"وسن خافت إن أبوها يبي شي مهم من فيصل أو فيه شي وعلى طول دخلت غرفه فيصل شافته نايم خافت تصحيه وهو تو جاي من الشغل تعبان توها بتطلع من الغرفة "بس فيصل حس فيها :- في شي وسن
وسن :- لا بس أبوي اتصل وأنا ما ودي أزعجك بس
فيصل ابتسم لها:- لابس ولاشي تعالي أقول لك شي
"وسن قربت من السرير وفيصل جرها على طول على جنبه وسن قلبها يدق بسرعة وعلى طول تبي تقوم مسكها أكثر وهو يغمز لها" :- وين رايحه أنا قلت لك من قبل دخول الحمام مش زي خروجه على قوله إخوانا المصريين
وسن وهي خايفه :- فيصل اعقل وش قصدك
فيصل حط أيده على كتفها :- ما راح أتركك جلسي جنبي
وسن ودقات قلبها سريعة تبي تفلت روحها منه :- فيصل أنت تعبان نام أحسن لك
فيصل وهو مبسوط من ارتباكها وحاس من سرعة تنفسها :- ما راح أنام أصلا أنا طالع وبأخذ أمي وبأخذك على بيت الخال أبو القمر اللي عندي0
وسن وهي مبسوطة :- صحيح حبيبي
فيصل مو مصدق اللي اسمعه طالعها :- قولي الكلام اللي قلتيه ثاني
وسن ارتبكت من كلامه :- أي كلام
فيصل :- قولي حبيبي 0
وسن استحت منه تبي تقوم مسك فيها أكثر :- يالله وسونه 0
وسن وهي منزله راسها :- حبيبي وعمري وحياتي 0
فيصل :- يا روح حبيبي وحياته وعمره احبك وأحب كلامك يا وجه الخير 0
وسن وهي مستحيه :- فيصل خلاص أتركني بقوم
فيصل مبسوط من كلامها :- قومي يا احلي ملاك جهزي عشان اخذ الخال من المستشفى0
وسن مو مصدقه كلامه :- يعني أبوي بيرجع البيت
فيصل وهو يضحك:- يالله أنتي سمعتي الكلام لازم أكرره
"وسن وهي مستحيه منه قربت وعطته بوسه على خده وطلعت على طول "
"فيصل مو مصدق كل هذا عشانها مبسوطة (( فديتها القمر )) قام من سريره عشان يتجهز"
"وسن مبسوطة وحاسة بحرارة في وجهها من اللي سوته لبست ونزلت لعمتها وقالت لها إن أبوها بيطلع وحضنوا بعض فرحانين"
وسن :- عمه اتصل على أمي ابشرها
إلا صوت فيصل :- لا يا عيوني نبيها مفاجأة لهم
وسن تحمست :- زين وبيت عمي أبو منصور 0
فيصل مسك جواله وحطه على السبيكر:- الو كيفك خال إن شاء الله زين
أبو منصور :- الحمد لله
فيصل :- أبيك تروح بيت عمي أبو ندى وجيب خالتي أم منصور والبنات ومنصور وحمد ضروري
أبو منصور :- فيه شي اخوي
فيصل :- لا ما في شي بس أنا قلت لخالي بنتجمع في بيتكم والليل نجيك زيارة وافق عشانه حس إن آم ندى متضايقة قال لي روحوا كلكم عندها 0
أبو منصور :- الحمد لله إن اخوي ما في شي وصحيح أحنا مقصرين مع زوجه اخوي على كذا الحين نروح نجلس معاهم لين تجي أنت مع وسن واختي0
فيصل وهو يبتسم لهم :- زين روح وإحنا بنلحقكم0
أم فيصل ووسن يضحكون وفيصل مبسوط :- يالله على السيارة
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك