رواية ليت مشاعرنا مثل أسامينا ماتتغير -17
أبو منصور :- فيه شي اخوي
فيصل :- لا ما في شي بس أنا قلت لخالي بنتجمع في بيتكم والليل نجيك زيارة وافق عشانه حس إن آم ندى متضايقة قال لي روحوا كلكم عندها 0
أبو منصور :- الحمد لله إن اخوي ما في شي وصحيح أحنا مقصرين مع زوجه اخوي على كذا الحين نروح نجلس معاهم لين تجي أنت مع وسن واختي0
فيصل وهو يبتسم لهم :- زين روح وإحنا بنلحقكم0
أم فيصل ووسن يضحكون وفيصل مبسوط :- يالله على السيارة 0
-----------------------
"أم ندى وندى جالسين إلا بدقه جرس بيتهم والشغالة فتحت الباب "
دخلت أم منصور والبنات أم ندى خافت :- صار شي لزوجي0
أم منصور :- لا ما صار إلا الخير بس جايين زيارة
أم ندى وهي تتنفس الصعداء :- الحمد لله بالعكس حياكم البيت بيتكم
الرجال على مجلس الرجال
"وهم جلسوا في الصالة يتونسون إلا بصوت مفتاح البيت يفتح الكل التفت وهم يشوفون أبو ندى داخل مع فيصل ووسن وأم فيصل "
"ندى وأم ندى ومروه وسمر على طول على أبو ندى يسلمون عليه وأم ندى وندى حاضنينه يبكون"
"وسن مسكت أمها وحضنتها ومعاهم تصيح "
أم فيصل وهي تمسح دموعها :- خلاص خليتونا كلنا نبكي خلو اخوي يرتاح
أبو ندى يطالع أخته :- أنا مرتاح معاهم 0
"فيصل جلسه في الصالة وأبو منصور سمعوا الفوضى وجا مع عياله شاف أخوه وفرح حب رأسه ومنصور زاد فرحه حس انه قريب ملكته من ندى "
"سلم حمد على عمه ومنصور وطلعوا للمجلس مع فيصل "
فيصل يكلم حمد :- ليه ما تسلم السلام لله0
حمد يكلم فيصل وهو مغتاظ:- سلمت بس أنت ما سمعت
فيصل تبسم لـحمد :- حمد ليكون زعلان مني
حمد وهو يشوف ابتسامه فيصل :- لا مو زعلان بس عليك حركات تقهر0
منصور :- هي انتو ترى أحنا إخوان والدنيا ما تسوى نزعل من بعض علشانها0
حمد وهو يطالع أخوه:- خلينا من كلامك الفاضي يا أبو كتب ومتى نملك0
فيصل :- هههههههههههههه هو بيملك أنت خطبت
حمد وهو زعلان :- أي وبفارق العزوبية
فيصل وهو يضحك :- الزواج أحسن لنفسيتك
منصور يطالع فيصل :- يعني أنت مبسوط
فيصل طالع في منصور وهو يتنهد (( والله لو يدري بمأساتي كان عمره ما يفكر يتزوج ))
حمد :- أبو الشباب أحنا هنا وينك
فيصل انتبه لهم :- لا ما في شي إذا تزوجتوا أتكلم معاكم ما بقى إلا أتكلم مع عزابيه هههههههههههه
منصور وهو يضحك :- طيب النذالة ها الأيام راكبتك أوريك 0
حمد بتهديد:- أنت الكلام اللي قلته من اشوي كرره
فيصل وهو مبسوط :- ما بقى إلا اكلم عزابيه
حمد لف أيده على رقبه فيصل وفيصل يفك روحه منه وهو يضحك :- خلاص امزح والله
"جلسوا يضحكون على روحهم من زمان ما ضحكوا من قلب "
"ريم جالسه تذاكر و مبسوطة أنها تكلم وسن بحريه ما تقدر الذيبه مضاوي تمنعها تكلم زوجه أخوها"
مضاوي وهي تتأفف:- ما ظل إلا الأسبوع الجاي وبعدها الامتحان ياربي ما أحب أذاكر
ريم :- ذاكري بدل ما تتأففين وألا ناويه تبلطين في الثانوية
مضاوي وهي معصبه :- مالك خص فيني أبلط بمزاجي
ريم :- أقول انتبهي لنفسك الوحدة تذاكر وتتخرج ويا الله يأخذها واحد وإذا ما كملت قالو ما نبي وحده مو متعلمة
مضاوي :- فكينا من ها الكلام اللي يسمعك العرسان طوابير على باب بيتنا0
ريم وهي تضحك :- على قولتك
ريم :- ما ادري زوجه اخوي بتمتحن السنة وإلا لا مسكينة أبوها تعبان وأكيد ما ذاكرت
مضاوي :- اااف تبين تسدين نفسي ما طريتي إلا هذي
ريم عصبت :- عيب ها الكلام هذي تصير زوجه أخوك
مضاوي وهي تأشر بأيدها :- إلا و الأخ تقول اخوها0
ريم ::- إيوه اخوي رضيتي وإلا بسلامتك
مضاوي بعناد :- الله يسلمك
دخل أبوهم :- وش فيكم هذا حالكم كأنكم مو خوات
مضاوي :- آذتنا على الأخو اللي طلع لنا فجأة
أبو فيصل :- هههههههههههههههههه خليها تحب أخوها هذا أخوها سواء من أبوها وأمها أو من ابوها0
مضاوي :- أشوف الغالي راضي عن ولده
أبو فيصل :- أكيد أرضى مو طيح الجبل وصار رمل 0
مضاوي :- بس هذا اللي همك 0
ريم ما عجبها كلامهم :- عن إذنكم بروح أذاكر في غرفتي0
مضاوي بس شافت ريم مشت جلست قدام أبوها :- الحين أنت تفكر خلصت من أبو ندى ونسيت انك ماطلت شي من فلوسهم
أبو فيصل :- ومن قال إني ما راح أطول شي فيصل عشان يبيني اترك سالفة زوجته يزورني ويغرقني من الفلوس يفكر انه بيسكتني عن زوجته بنت عدوي0
مضاوي وهي تتمسخر :-يعني وش بتسوي له
أبو فيصل :- بخليه يكرها
مضاوي وهي مبسوطة :- كيف
أبو فيصل :- هذي مهمتك يا حلوه
"أبو ندى طلع مع أخوه المجلس وبيتهم مليان تجار وأصدقائهم ومعارفهم يتحمدون بالسلامة"
أبو ندى مسك فيصل :- فيصل خلي وسن الليله عندنا
فيصل وهو مستغرب :- كيف يا خال هذي زوجتي وما اقدر أروح بدونها
أبو ندى :- اسمع خلها عندنا وبعد يومين بزفها لك عروس
فيصل مو مصدق كلام خاله :- بس يا خال
أبو منصور تدخل :- اسمع كلام خالك
"فيصل استحى وما عارض"
أبو ندى كلم اللي جالسين :- بعد يومين بسوي زواج بنتي على ولد أختي تفضلوا كلكم على الزواج والعشاء في(00000)
الكل يبارك لهم بس حمد وهو يضحك :- يعني للحين ما عرست
فيصل :- اسكت كيف ما عرست بس عمك عليه حركاااااات0
منصور :- وش تبي عرس مرتين بدل تتزوج ثنتين بنعطيك نفس العروس وش تبي0
فيصل وهو معصب :- يعني أنا ضحكه لكم سكتوا فضحتوني
"منصور وحمد يضحكون على حركاااات هاالعايله كل يوم يطلع لهم شي جديد
فيصل اتصل على أمه وقال لها قرارات خاله الجديدة"
"أم فيصل سكرت وقالت لهم اللي صار وسن استحت منهم "
سمر :- اووووووووو حركات انزفي للعريس يا عروس
مروه :- الله يعينا على التجهيز
أم فيصل :- ولا يهمكم اتصل على مكتبنا في جده ويرسلون لنا أحسن الفساتين
"وسن استحت من كلامهم وهم يضحكون ويخططون"
دخل أبو ندى وهو مبسوط طالع بنته :- قلت لك بس اطلع بسوي لك احلي عرس وأزفك لولدي فيصل0
"وسن منزله راسها دمعت عينها ما تبي تبين دموعها لهم بس ما قدرت قرب أبوها منها ورفع راسها" :- خلاص يا بنتي أيام الظلم ودعيها والله ما راح أسامح نفسي إذا خليتك زعلانه0
"وسن مسكت يده وحبته أخذها في حضنه وحب رأسها "
أم فيصل وهي تمسح دمعه طاحت منها :- الله لا يحرمنا من حنانك يارب
أم منصور وهي تضحك :- يالله مبروك بس أهم شي نفرح ونفرحهم وش قلت أبو ندى بكره نملك على ندى بعد ومروه عشان يصير يومين فرحه
أبو ندى :- و ذيك الساعة المباركة لما أزوج بناتي0
"ندى استحت مع مروه على كلامهم"
أبو ندى وهو حاضن بنته :- لا تخافين يا وسن أنا موجود ولا في احد يضرك إن شاء الله0
"وسن وهي مبسوطة وحاسة إنها بتموت من الفرح إنها تشوف أبوها يسوي لها نفس اللي يسويه لـ ندى"
فيصل استأذن ودخل يأخذ أمه وطالع في وسن وهي مبسوطة فرح لها (( تستأهلين يا الغالية ))
أم فيصل :- فيصل شفيك تطالع فيها يومين وهي عندك0
فيصل وهو يطالع في وسن :- البيت من غيرها مايسوى0
أم فيصل :- يالله نمشي خلي كلام الغزل بعد يومين0
"سلم عليهم وطلع "
أبو منصور دخل :- يالله نخلي اخوي يرتاح0
أم منصور :- اتفقنا بكره نملك وكلم دكتور عبد الله يجي هنا عشان تكون فرحتنا كاملة
حمد استأذن و دخل :- وأنا متى ؟
أبو منصور :- شفيك كأنه احد لاحقك بعد زواج فيصل يصير خير0
حمد :- بعد فيصل كأنه ما تزوج وخلص
أبو منصور :- هي أنت استحي على نفسك0
"حمد سكت وهو زعلان "
"طلعو بيت أبو منصور وهم مبسوطين على الإحداث الحلوة اللي جاتهم من بعد زوبعة أبو فيصل ودخوله لحياتهم مره ثانيه"
-------------------
فيصل وهو في السيارة :- ما ادري ليه الخال إصر إنها تضل عندهم
"أم فيصل تضحك على فيصل وما ترد "
فيصل وهو معصب:- أنا قلبي محترق وأنتي يا يمه ما همك شي تضحكين علي
أم فيصل :- هههههههههه دامك تحبها ومتعلق فيها ليه تبي تخطب مروه
فيصل :- يمه حرام عليك كلمه والثانية تذكريني0
أم فيصل :- تستاهل اللي صار لك أنت تحبها وتكابر؟
فيصل :- يمه تدرين إني أحبها وأموت فيها وما أحس البيت حلو بدونها
أم فيصل :- يا حليلك يا فيصل خلاص كلها يوم وتصير معاك على طول بس هذي المرة ما نبي كل واحد في غرفه0
فيصل طالع أمه :- ليكون بتسوينها قصه0
أم فيصل :- لا قصه ولا شيء أبي أشوف احفادي0
"فيصل ابتسم على كلام أمه ومبسوط منها بس وصلوا البيت على طول صعد لشقته
أول ما دخل دخل غرفه وسن وجلس على سريرها حضن دباديبها يدور ريحتها في كل مكان في غرفتها تنهد "
(( في غيابك ~ أشتهي ريحه ثيـابـك((
اخذ جواله وكتب لها رسالة وأرسله لها :-
تخيلتك و أنا جالس بين الناس وحدانيتذكرتك وقمت اضحك بس العينزعلانهراحت تشتكي وتقول متى بتشوف غاليهاوفجأة وإذا بالناس بدتتسأل ولهانة :
مال عينك تصب الدمع عسى ما شر.
تبسمت وقلت (لا) جفونالعين تعبانه ..
------
"بس طلعوا الكل أبو ندى جالس مع بناته مبسوط "
أم ندى :- يعني بكره ملكه ندى وبعده زواج وسن والبيت بيفضى علينا
أبو ندى :- هههههههههه لا تزعلين أي وقت تقدرين تشوفينهم وبعد زواج ندى نطلع أنا وياك من العرس على المطار نسافر نسوي لنا شهر عسل 0
"ندى ووسن يضحكون على كلام أبوهم وأمهم"
أبو ندى مسك أيد بنته :- قلت لك ما راح أخليك بدون عرس
وسن باست أيد أبوها: الله يطول بعمرك
ندى وهي تمزح :- أي أشوف الحنان كله على وسن وأنا لي الله
أم ندى :- هههههههههههه الغيرة اشتغلت
أبو ندى :- هههههههههه تعالي ما يكفي رضيت أزوجك
وسن :- ليه ما تبي تزوجها
أبو ندى :- إلا بس كنت أحاتي ما في احد يسلينا قلنا نخلي وحده ضمان
ندى :- ههههههههههههههه خلاص ما عندي شي الزواج لين وسن تحمل وتولد وتجي عندكم وشرايكم0
أم ندى :- هههههههههههههه تبين منصور يقتلنا مستعجل على الزواج0
ندى استحت مسكت أيد وسن :- يالله تعالي نصعد فوق اشتقت لسوالفنا وخلينا نخلي بعض الناس أكيد مشتاقين لبعض0
وسن :- أي صحيح يالله
طلعت وسن مع ندى لفوق وسن على طول دخلت غرفتها :- الله اشتقت لغرفتي
ندى :- بس غرفتك
وسن حضنت ندى :- ولأختي الغاليه0
ندى :- أي صدقت خلينا نجلس وقولي العلامة اللي في خدك وش سببها
وسن ارتبكت تذكرت خدها :- هذي قرصه فيصل
ندى بجد:- قرصته وإلا ضربته
وسن وهي تضحك:- لا تخافين كنا نمزح 0
ندى :- طيب بعديها لك بس لا تسكتين عليه 0
وسن :- لا تخافين هو يحبني بس أنا اللي أضايقه ومو ناسيه عمايله
ندى :- الحياة صعبه ولازم ننسى وألا كان نموت ناقصين عمر0
وسن بحده:- لا تحاتين فيصل حبوب وأنا ما راح اتركه إلا إذا خليته يندم على كل اللي سواه واخلي يعرف حقيقة أبوه النذل
ندى وهي تضحك :- عيب هذا أبو زوجك
وسن :- الأب يحب الخير لأبنه مو يخرب حياته هذا ظالم واللي قاهرني انه في شي سر في الموضوع
ندى :- كيف سر
وسن :- العمة ما تكلم فيصل ولا بشي بسيط عن أبوه وأبوي بعد وأمي تقول في يوم من الأيام راح يعرف حقيقة أبوه ويرجع لك وهو نادم0
ندى :- أي كلام عادي أمي قالته عشان تطمنك0
وسن :- لا العمة تهرب من فيصل لو جاب سالفة أبوه الموضوع فيه سر وأنا بكشفه0
ندى : - وسن عقلي لا تخسرين فيصل باللي تسوينه انسي وعيشي حياتك
"وسن سرحت بكلام أختها بس جاها المسج قرته ولا ردت"
(( طيب يا فيصل بصير أنا الشريرة عشان اقدر أعيش في عالم اهلك))
ندى :- وسونه القمر سرحت بالرسالة أكيد من فيصل
وسن وهي تتبسم :- خليك من فيصل وفكري بملكتك بكره وأكيد منصور يبي يشوفك بعدها
ندى قلبها دق وحست بحرارة بس فكره يشوفها منصور انقلب خدها حمر وسن شافتها كذا ضحكت عليها
وسن:- والله قام وجهنا يتلون على طاري منصور هههههههه
ندى :- هههههههههه
"إلا بدقه الرسايل ثانيه فتحت وسن جوالها شافت "
(( المغرم))
كيف أعبِّر عن شعوري
. . . . . . . . . . و أملكك ؟!
خايف أتكلَّم / يداهمني .. السكوت!
لو يقولوا ..
يا أموتأو أتركك .؟!
والله إنِّي من غلاتك .. راحأموت !!
شافت رسالته كسر خاطرها (( طيب يا فيصل بس هذي المرة راح احن عليك وبعدها بصير شريرة)) وسن أرسلت له رسالة ما تقدر تكون إنسانه شريرة لأنها هذا طبعها ولأنها تحب فيصل وما تحب طاري الموت ولو برساله0
ليتنا مثل الهدب والرمش يا عمري نكون
لو تفارقنا ثواني نبتـديلحظـه عنـاق
ليتنا مثـل الطفولة با البرائـه ما نخـون
ما ندل إلا طريق الصدقما نعـرف نفـاق
ليتنا مثل الأمومة قلبـي وقلبـك حنـون
لانت ترضى في فراقي ولاأنا بعدك يطاق
ليت حبك لي جنوني مثل ما حبك جنـون
وليت شوقك لي مثل مانا علىحر اشتياق
دقائق إلا فيصل متصل عليها وسن ردت :- الو
فيصل :- كيفك حبيبتي
وسن :- الحمد لله تمام
فيصل :- بس أنا مو تمام يا وسن تعبان
وسن خافت :- يوجعك شي اتصل على عمتي تجيب لك طبيب
فيصل فرح لما شاف لهفتها عليه وخوفها :- محتاج لحبيبتي هي الدواء
أناوسن تنفست الصعداء :- يعني يا فيصل تخوفني عليك صح
فيصل :- لا والله حبيبتي البيت من غيرك مو حلو فاضي
وسن بدلع :- اللي يسمعك يقول ميت علي
فيصل :- أي والله احبك و أموت فيك حاس بضيقه بدونك
وسن بنذالة :- زين أحسن
فيصل :- آفاااااااا ليه بدل ما تقولين مشتاقة لك
وسن وهي تبتسم :- ما راح أقول لك شي راح ابرد على قلبك
فيصل :- يعني يرضيك أتعذب
وسن كسر خاطرها بس تبي تعانده وبس:- عاااااااادي
فيصل وهو يتنهد :- تعرفين أنا وين الحين
وسن :- يعني وين
فيصل :- على سرير حبيبتي أدور ريحه الحبايب وحاضن دبدوبها اللي تحبه 0
وسن وهي مبسوطة من كلامه :- ومستانس من ريحة الحبايب.؟
فيصل :- وسونه خلاص يعني يرضيك استجدي الحب منك
وسن رق قلبها :- لا ما يرضيني
فيصل عدل جلسته وهو مبسوط :- يعني مو زعلانه مني وتحبيني
وسن :- لا مو زعلانه بس لا تزعلني منك
فيصل:- ليه أنا اقدر ازعلك بس ما قلتي تحبيني
وسن استحت منه :- فيصل خلاص احبك
فيصل :- يا قلبي أنا اللي احبك موووووووت يا الغالية بردتي قلبي تعرفين أنا بنام على سريرك يمكن احلم فيك وأنتي جنبي لين تشرفين مملكتي
"وسن تضحك على هبال فيصل مو قادر يجمع كلمة من الفرحة "
---------------
شجون متحجبه وجالسه ومو عاجبها الكلام اللي دار كله ""
أبو شجون :- يا ولد اخوي هي ما تبيك و هذاني جبتها قدامك اسألها
عصام (( ابن عم شجون مغرور و شايف نفسه حيل و شجون تتحجب منه ما تتغطى )) :- أنا يا عم أولى من حمد وبعدين وش تبي من هذا العربجي حتى أخوه منصور أحسن منه يشتغل في الشركة مع أبوه مو مثله جلسات شبابيه وشكله مو شي 0
شجون عصبت :- تكلم عن نفسك لو سمحت لا تتكلم عن حمد
عصام :- أبي اعرف أنتي كيف توافقين على هذي الإشكال الغلط هذي حده وحده مثله
شجون :- بالعكس رجال ويخاف على خواته مو مثلك لو تشوفني امشي بدون غطى ما تهتم وبتقول التطور
عصام :- يعني هذا رجال بنظرك هذا دفش يمكن ما يعرف يقول كلمه حب لأحد 0
شجون بتحدي :- عاجبني
أبو شجون :- يالله يا بني مو نصيبك عندنا
أم شجون وهي مروقه:- عصام أنت زين بس هذي بنتنا الوحيدة وما نقدر نرفض لها طلب0
شجون تبتسم لعصام بعد رد أمها :- يالله عن إذنكم بروح لغرفتي0
صعدت وهي مبسوطة وعصام معصب عليها (( أوريك يا شجون أنتي مع العربجي اللي بتاخذينه))
((الجزءالتاسع عشر))
---------
وسن صحت على صوت جوالها :- الووو
فيصل :- صباح الخير ياعمري
وسن :- صباح النور ليه هالازعاج من الصبح
فيصل وهو يضحك :- مااقدر أداوم من غير مااصبح على القمر
وسن بدلع :- أي تصبح في بيتنا ونتهزء في بيتكم0
فيصل :- وسن خلاص انسي بعد يومين عرسنا0
وسن تبي تغثه:- عزمت خواتك على العرس
فيصل سكت مارد عليها يفكر برده فعل أبوه
وسن :- فيصل ليه سكت
فيصل :- لا ولاشي بس تأخرت يالله بااااي
وسن :- باااااااي0
قامت من سريرها غسلت وجهها وبدلت ملابسها وطلعت وكان البيت في حاله استنفار علشان ملكه ندى 0
---------------
فيصل :- قلت لك يبا وسن مالها ذنب
بوفيصل وهو معصب :- ذنبها أنها بنته أنا مااحبه ولااحب أي احد من طرفه ولو ودي قتلتهم كلهم بس هذي غلطتي ماخليتك تطلقها وتروح الله لايحفظها
فيصل أنقهر من كلام أبوه:- هي الحين زوجتي وعرسنا بيصير وتمنيتك تكون معاي
بوفيصل :- واضح تبيني أحط أيدي بيد عدوي لا يافيصل
فيصل :- خلاص خواتي لازم يحضرون
مضاوي :- لاتحلم مستحيل أصلا هذي مااحبها تبيني احضر عرسها
ريم :- أنا جايتك مع فهد العرس
بوفيصل خز ريم لدرجه أنها خافت من نظراته
فيصل تبسم لها :- خذي ياريم هذا الظرف فيه فلوس اشتري أغلى فستان وإكسسوار وفيه كرت صالون تجميل إذا بتتصلحين فيه اتصلي ولا تعطيهم فلوس قولي لهم أنا أخت فيصل ولا راح يقصرون معاك
التفت على مضاوي :- وهذا الظرف فيه نفس اللي عند ريم سواء بتحضرين عرسي أو لا وأتمنى تغيرين رأيك وتجيين مع ريم0
التفت على أبوه :- كنت احلم انك تكون معاي في العرس ولو علشان خاطري مره تضحي وتقول هذا ولدي انحرمت منه سنيين وجا الوقت اللي أعوضه واضحي له علشان سعادته بس مابيدي حيله أنت أبوي وماراح ازعل
حب رأس أبوه وطلع 0
بوفيصل معصب وبس طلع فيصل اخذ كل التحف اللي جنبه وكسرها
ريم خافت وعلى طول دخلت غرفتها أما مضاوي ضاق صدرها لما شافته كذا جلست تهدي فيه لين هدأ
فهد دخل وشاف التحف مكسره وشكل أبوه اللي معصب دخل على طول لغرفه ريم يعرف القصة وقالت له ريم كل اللي صار
888888888888888
في بيت بوندى بس طلع الشيخ من عند ندى إلا بدت الزغاريد وكل البنات على ندى
وسن :- مبروك حبيبتي 0
ندى:- الله يبارك فيك
سمر :- عقبالي يارب
ضحكو على كلامها وأم منصور فرحانة :- استعدي يامروه يقول الشيخ بعد بيدخل الحين يملك
مروه استحت وطلعوا البنات وضلت مروه وأمها 0
ندى ومروه لابسين نفس الطقم ساري اخضر ومليان كريستالات لامعه فيه وكانوا وكل وحده فيهم حاطه لها ظل سموك اخضر يناسب الفستان وتسريحه هندية كانوا يجننون
دخل الشيخ وبس طلع نفس ألطريقه زغاريد الفرح كانت ماليه البيت
والتبريكات لمروه ولـ ندى
سمر :- يالله بنات نستهبل قبل ماكل وحده يدخل عريسها
وسن :- أي يالله نشغل المسجل
شغلو المسجل وبدو بالرقص وأم فيصل وأم ندى وأم منصور يضحكون على بناتهم ويشجعونهم
مرة يقومون ندى ومروة ومرة وسن تنطط مع سمر واللي يشوفهم يقول خوات مو بنات عم0
تعبوا من الرقص وجلسوا وهم ميتين ضحك على روحهم
أم فيصل تكلم وسن :- نططي ورقصي قبل ماتنزفين بكره على فيصل
وسن استحت :- عمه خلينا نتسلى0
أم فيصل :- فديت الخجلانه
أم منصور :- بس أنتي تدلعين زوجه ولدك حتى أنا امووووووووت في ندى
أم فيصل :- ههههههههههه اشتغلنا بالغيرة ثنتينهم أحبهم بنات اخوي بس زاد وسن بتصير أم أحفادي
أم ندى :- الله يخليكم لهم ويخليهم لكم
الكل :- ههههههههههه هههه
دخلت أم عبدالله مع بنتها ورنا وهبه
وبدت التبريكات على مروه وأهلهم وجلسوا يتونسووووووون لين اتصل حمد على أمه:- يمه جهزوا عروساتنا كل وحده في مكان بندخل رجالهم
أم منصور :- زين المكان جاهز وحده في مجلس الحريم والثانية بنحطها في المجلس الثاني اللي بالحديقة وإحنا في الصالة
حمد :- طيب مروه وين
أم منصور :- اختارت مجلس الحريم أما زوجه ولدي تبي تستفرد بولدي من الحين واختارت مجلس الحديقة
حمد :- هههههههه هههههههه والله بدينا نغار
الحريم سمعوها وبدو يضحكون :- هههههههههههههههههه
----------------
ندى جالسه في مجلس حلوووو عند الحديقة كان ديكوره بسيط وراقي في نفس الوقت وعلى الجنب نافورة تجنن من ربكتها ندى جالسه تحرك المويه اللي باالنافوره بس سمعت صوت الباب الانزلت راسها مستحيه وقلبها يدق بسرعة وحاسة أيدينها ترتجف دخل أبوها مع منصور أبوها مسك أيدها وحطها في أيد منصور
بوندى:- هذي بنتي يامنصور مااوصيك فيها
منصور :- لاتخاف عمي بنتك في عيوني
بوندى حس بأيد بنته المرتجفة ويبي يلطف الجو ويضحكهم :- أي فيهم عيونك أو اللي فوق عيونك (( كان يقصد نظاره منصور))
منصور :- هههههههه أكيد عيوني
بوندى بحزم:- نفس الكلام اللي قلته لـ وسن بقولها لك جلسات بخلوه مافي لازم أكون جالس معاكم بس ألليله برضى عنكم وبخليكم براحتكم علشان تتعودون على بعض0
منصور طالع في عمه :- عمي أنا قلت بتزوج بعد شهر كلامك راح يخليني أقول لهم بكره بتزوج مع فيصل
بوندى وهو يضحك على منصور كسر خاطره :- ههههههههههه لاتخاف فيصل تركت له الحبل على الغارب أما أنت بفتح عيوني عليك
طلع وهو يضحك على منصور
منصور يطالع في عمه مصدوم التفت على ندى :- العم بيشتغل علي
ندى ابتسمت على كلام منصور
منصور بس شاف ابتسامتها :- امووووووووت في الابتسامة أنا ويني عن هالقمر
ندى ارتبكت وأنفاسها صارت حارة
منصور :- لا تستحين مني كلها شهر وتصيرين في بيتنا0
مسك أيدها وحس برجفتها :- ليه كذا تعالي نجلس
جلسوا ومو عارف إيش يقول طول الوقت منزله راسها :- سمعي حبيبتي لاتستحين ورفعي راسك
رفع راسها بأيده وبدا يتغزل فيها وهي ضايعه بكلمات الحب لأنها صادره من الشخص اللي اختارته وحبته 0
----------------
مروه مرتبكة مو بس لأنها بتشوف عبدالله لأنه دخل حمد وأبوها وعمها معاه وحاسة بالإحراج
حست بمغص في بطنها من شده مارتبكت حمد قرص خدها :- مبروك ياقمر والله مستحيه وخدك صاير حمر
طالعت حمد وهمست له :- خايفه
حمد ضحك :- ماراح يأكلك بالرغم من حقه يأكل هالعسل
بومنصور وهو يطالع في بنته مبسوط :- مبروك يابنتي
بوندى :- ألف مبروك والله شكلنا بنزوجهم كلهم 0
بومنصور :- ههههههههههه أهم شي الله يسعدهم 0
بوندى :- يالله خلصنا سلم بنتك لزوجها بتخليه واقف
بومنصور نزلت دمعه من عينه :- والله ذيك الساعة لما أشوف حبيبتي مروه سعيدة عند زوجها
بوندى :- والله أني ماسك دمعتي من يوم ماطلعت من عند ندى وأنت شكلك بتقلبها علينا مناحة
حمد ضحك عليهم :- ههههههههههههه خلصونا الرجال مستعجل
بوندى مسك أيد أخوه:- سلمها لزوجها وأمرك لله
مروه كسر خاطرها عمها وأبوها وفي نفس الوقت جاتها الضحكة على حالهم
حمد يهمس لمروه :- شكلها بتنقلب فلم
مروه :- والله ترى بضحك وكيفكم
حمد :- هههههه شكلهم يضحك
بومنصور مسك أيد مروه وحطها في أيد عبدالله :- عبدالله بنتي هذي أمانه عندك صونها وحافظ عليها
وكلم بنته :- شوفي هذا زوجك والبنت مو كل يوم لها زوج سمعي كلامه وصونيه
مروه :- أن شاء الله يبا
عبدالله :- لاتخاف ياعمي بنتك في عيوني0
حمد طلع مع أبوه وعمه
عبدالله عيونه مانزلت من مروه :- يقولون قمر بس اللي أشوفه القمر يخجل من جمالك0
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك