رواية ليت مشاعرنا مثل أسامينا ماتتغير -19

رواية ليت مشاعرنا مثل أسامينا ماتتغير - غرام

رواية ليت مشاعرنا مثل أسامينا ماتتغير -19

سمر تتأفف (( أنا قمر ومافي احد مثلي صحيح وسونه أحلى مني بشوي بس والله دمي خفيف لو بس الله يزوجني وافتك من شله الهم اللي عندي ماادري خايفه فهد يحبني والا تصرفاته ذيك الأيام بس كذا محتاره وشكلي حبيته يارب إذا فهد يحبني سهل أمورنا وزوجني وياه علشان أوري البنات مين سمر القمر)()

عروستنا بعد ماخلصت وهي محتاره وخايفه ومبهورة من جمالها(( الله ياوسن والله انك موهينه ياليت يافيصل تشوفني أكيد بتموت فيني بس يافيصل لاتعذبني معاك احبك وادري انك تحبني بس لو تصير شخصيه وتترك ألاعيب أبوك والله تكبر في عيني وأصير خاتم في صبعك يارب عدي الليلة على خير وخلي فيصل لي وأبعده عن كل شر يارب

آه يافيصل احبك احبك احبك احبك وان شاء الله الزمن ما يضيعك ويضيعني))

شجون وهي مع أمها بتدخل الصالة تتلفت (( وينك ياحمد مشتاقة أشوفك ليش أنت ثقيل راهق علشاني مرره واتصل وقول أبي أشوفك والله أبيع العالم واجيك لو تقول نتزوج الليلة ماارفض بس تحرك أموت فيك ياشيخ))

كل مشاعر البنات ماتجي شي قدام مشاعر أبو منصور اللي من شاف فرحه أخوه وهو مبسوط (( يارب عقبال ماافرح في عيالي كلهم وأشوف عيالهم ))

بوندى كأنها الطيحه اللي طاحها قوته وصار اقوي من قبل يمشي بين المعازيم كأنه مزوج ولد مو بنت مبسوط (( والله فرحان فيك يافيصل كأنك ولدي وليه كأنك أنت ولدي أنا اللي ربيتك لين صرت طبيب وعطيتك وسن وياليت تعطيها كل الحب اللي حرمتها منه بتفكيري السلبي والله أذا توفقت وسن وياك يافيصل بأخصص مبلغ من أرباح شركتي لكفالة الأيتام ويارب تفرحني بعد في بكري ندى مع ولد اخوي وأضل أحمدك ليل ونهار يارب))

أم فيصل طايره من الفرح وحيدها اللي الله عطاها بتزوجه (( والله الفرح بينشر جناحه على بيتي وأخيرا الله هدى فيصل لزوجته يارب سهل أموره وعطه درزن عيال أعوض أيامي اللي عشتها بألم وهم لين كبر وصار رجال))

أم ندى تسلم على فلانه وتجلس مع فلانه ومو عارفه تجلس فرحانة ولسانها يردد بالستر لبناتها (( يارب يسعدك ياوسن ويبعد عيال الحرام عن دربك أنتي وزوجك وأشوف عيالك ينططون في بيتي ويارب لاتقصر معاهم مودعتك بنتي اللي ماشافت يوم عدل من جبتها واسعدها مع نصيبها وفرحني فيها وفي أختها واستر عليهم يارب))

أم منصور تطالع في أم فيصل وأم ندى(( يحليلهم كم أسبوع وأصير زيهم وارقص في عرس أولادي وان شاء الله بعد بناتي أزوجهم وارتاح يارب يسهلها عليهم ويسهلها على عيالي يارب؟))

ريم دخلت مع مضاوي العرس وريم مبسوطة ومبهورة من الصالة والناس اللي متزينيين وكل وحده كاشخه كأن المعاريس من أهلهم وناظرت في روحها أول مره تلبس فستان يجنن(( الله يوفقك يافيصل جبرت بخاطري وصايره حالي حال البنات الكشخه وبعدين أنا مو اقل منهم بس الحظ مكسر مدام أبوي معانا ماراح نتهنى كأن الفلوس راح تضل له ياربي وسع على فيصل مثل مافرحني وتسعده هو مع زوجته يارب))

وبرغم كل هالمشاعر المتوزعه من فرح وخوف يوجد مشاعر الكره والحقد

مضاوي(( ياسلام كل هالعز والحركات تصير لـ وسن ليه جمال ومال آف بتجنن لازم اقهرها بس لو بوفيصل يتحرك ويفرقهم يبرد قلبي بس يالله خليني اطمش وأشوف كيف يصير عرس بنات العز اللي أبوي حارمنه من الفلوس ولازم أوري كل البنات اللي عزمتهم وسن إني أخت فيصل علشان اقهرهم ))

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا احلل مسح اسمي من على الرواية ..

تجميعي : ♫ معزوفة حنين ♫..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

((الجزءالعشرون))

---------

حمد جالس على أعصابه وقرر يكلم شجون وعلى طول اتصل عليها شجون بس شافت الرقم مااقدرت تمسك نفسها من الفرحة وعلى طول ردت :- هلا حبيبي

حمد :- شجون أنتي جيتي العرس

شجون :- أكيد ليه في شي

حمد وهو مبسوط :- انا بطلب منك طلب ادري هو صعب بس بصراحة أبي أشوفك

شجون وهي فرحانة :- أنت تامر حبيبي قول لي وين تبي تشوفني

حمد :- تعالي جهة البوابة الثانية في درج يصعد لفوق تعالي هناك

شجون :- طيب انا جايه

حمد مسك فهد:- تعال أبيك تجي معاي

فهد :- وين الله يهداك تبي تشوف خطيبتك انا وش دخلني0

حمد :- فهد شجون بتصعد فوق عند الدرج أنت ظل تحت إذا شفت الوالد أو أي احد تصرف اتصل صرفه أي شي

فهد :- حمد بتورطني معاك

حمد :- يالله هي خاربه خاربه0

حمد صعد يشوف شجون وفهد واقف ومرتبك تحت عند الدرج بالرغم أن حمد طمنه لأنها بعيد عن الحريم0

الاوهو واقف لمح بنت ركضت لداخل لما شافته استحى وارتبك مايدري شيسوي

888888888888

8888

حمد صعد ومرتبك أول مره بيشوفها وجالس يكلم نفسه(( مو حرام اللي تسويه لأنها خلاص بتصير زوجتك بس ماادري أحس اللي بسويه غلط مايصير يعني استني هي بتطير ))

وهو يكلم نفسه إلا شاف شجون واقفة كان متوقع يشوفها بكشختها لكن اللي شاف بنت واقفه بعباتها ومتلثمة فرح(ايوه ياشجون عرفتي كيف تكسبيني كذا أبيك قويه وتخافين الغلط)0

حمد :- السلام عليكم

شجون :- وعليكم السلام

حمد :- انا مبسوط إني أشوف شجون وهي خايفه على روحها

شجون :- حمد تدري أن اللي سويته كله علشانك ولو تقول لي تغطي تغطيت0

حمد :- خلاص ماضل ألا كم يوم ونملك وأملي عيني منك0

شجون وهي مبسوطة :- حمد تدري ليه حبيتك وتعلقت فيك

حمد :- ليه

شجون :- لأنك رجال بكل معنى الكلمة وتخاف على بنات الناس 0

حمد وهو مبهور بكلامها :- شجون خلاص موقادر انتظر لازم نقرب الملكة

شجون :- وانا بعد ماعندي مانع

حمد بحنيه :- يالله بنزل ونزلي بعدي مانبي احد يحس وأشوفك يوم الملكه مع السلامه0

شجون وهي مستحيه وعاجبها حمد(( فديتك يازين الرجال)):- اوكي مع السلامه

نزل وشاف فهد مرتبك :- هي أنت يالله تعال

فهد وعينه على الجهة الثانية :- يالله معاك0

فهد رجع وهو مبسوط سمعت صوتك ياسمر ولمحت القمر فهد سرحان لما كان واقف ولمح البنت اللي ركضت ماعرفها وكان خايف ومرتبك إلا سمع صوت :- يالاخو ممنوع الوقفة هنا 0

فهد وهو مرتبك :- انتظر حمد ينزل وماشي0

فهد عرفها ذي سمر :- مبروك ياسمر عقبالك

سمر :- الله يبارك فيك وأنت بعد بس لايطول خويك نبي نزف العروس

فهد :- إن شاء الله اهو الحين نازل0

حمد شاف فهد سرحان :- هي أنت وين رايح

فهد :- لا ولا شي متى يزفون المعرس

حمد :- لين الحكومة تعطي الاوامر0

0000

00000000000000000

0000

سمر دخلت وهي مبسوطة من شافت فهد وهي عارفته وكل حركاتها علشان تلفت انتباهه

ندى :- العمة طولت ماصارت نبي نزف العروس ونفرح

مروه :- اللي قاهرني أنها ماتبي نشوفها أبي اعرف كيف طلعت

سمر :- اووو خلاص مابقى شي وتنزل ونشوفها

وسن طفشت دخلت عمتها :- يالله بسم الله ماشاء الله ياحلو زوجه ولدي

وسن استحت وماردت

عمتها حضنتها :- مبروك ياقمر

وسن :- الله يبارك فيكِ عمه

يالله حبيبتي ننزل تحت علشان نزفك

وسن هزت راسها برضى ونزلت مع عمتها وكان تحت أربع فلبينيات لابسين ملابس الأميرات وقدامهم عربه على شكل محاره0

أم فيصل :- يالله وسن ركبي ألصدفه علشان ندخلك

وسن وهي خايفه :- وان شاء الله بيحملوني لداخل

أم فيصل : هههههههه وسن ايوه يالله بدون دلع ترى اخلي فيصل يدخل ويحملك لداخل قدام الحريم

وسن صدقت عمتها :-لا خلاص بركب بس الفستان كبير وثقيل

أم فيصل :- عادي ولايهمك

ركبت وسن ألصدفه وحملوا ألصدفه لين صعدوها لنص الجسر دخلوا قبلها وصيفات لابسين ابيض

وكان عددهم أربع 2 على يمينها و2 على يسارها نزلت من ألصدفه على صوت الموسيقى وصوت مياه البحر والعصافير وصفو البنات حولها وكل وحده شايله صندوق فيه ورد وحلاوة ويمشون قدامها وينثرون الورد على المعازيم وهي تمشي مبهورة وكانت ملفته للنظر جميله وتمشي كأنها أميره كانت القاعة ملونة بلونين الازرق والابيض وكانت الجدران اللي بداية القاعة مرسوم عليها رسوم بحريه وأصداف وكان الحبال نازله من الجدار اللي خلف الكوشه مثبت فيه لولو ومحار وكان الممر مغطى بشبك ازرق ومعلق عليها خرز ومحار إلى نهاية الكوشه وكان شكلها تجنن وفيها الكراسي على شكل محارتين مفتوح وفي ألوان زرقاء واضاءات زرقاء على مدار الكوشه كانت تمشي والمصوره تصورها لين وصلت للكوشة

والبخار طلع من جوانب الكوشه والليزر اشتغل من كل جهات القاعة ووسن مبسوطة قربت منها بنت وأخذت وسن من الصندوق قرأن وحبته ورجعته ثانيه وقربت البنت الثانية كان في الصندوق مسكه من الكريستال فيها ورود أخذتها

ووقفت وطلعوا البنات كانت الأنظار عليها والبنات مو مصدقين طالعه أميره قربت منها أمها وحضنتها وباركت لها وندى وسمر ومروه وشجون سلموا عليها واشتغلوا بالرقص والمصوره تصور ووسن فرحانة وأم فيصل كلمت البنات يتغطون ودخلوا وسن غرفه بجنب الكوشه لان الرجال بيدخلون مع فيصل

دخل فيصل مع منصور وفهد وحمد وعبدالله وبومنصور وبوندى واشتغلت الزفات والطرب وحمد بدى يرقص مع فهد وعبدالله يضحك عليهم والمصوره تصورهم وجمعتهم وصورتهم صوره جماعي وطلعوا الشباب بس ظل فيصل وبومنصور وبوندى دخل بوندى غرفه العروس وشاف بنته وماقدر يمسك نفسه دمعت عينه وحب راسها :- مبروك ياوسن

وسن حبت راسه وأيده :- الله يبارك فيك يبا

مسك أيدها ودخل بومنصور وبارك لها ومسك أيد وسن الثانية وزفوها لفيصل

فيصل أول ماشافها ماصدق عيونه (( ماشاء الله عليك ِ ياوسن آية من الجمال )) بس قربها بوندى من فيصل وحط أيد وسن في أيد فيصل إلا يرفع فيصل أيدها ويبوسها وأصوات زغاريد من كل مكان والبنات يصارخون والمصوره متحمسة على التشجيع وصورتهم مع بومنصور وبوندى وأم فيصل وطلع بومنصور وبوندى وبدت المصوره تقول سوو هالحركه والحركة هذي وهم مطيعين لها وفيصل مبسوط كل حركه تقرب وسن له يستانس أكثر وعينه مانزلت عن وسن وسن مستحيه وموقادره تطالع فيه بس شاف المصوره بعدت عنهم إلا انتهز الفرصة يكلمها :- مبروك ياقمر

وسن أنفاسها سريعة وقلبها يدق كل ماقربت من فيصل :- الله يبارك فيك

فيصل بنذالة نادى أمه :- يمه أبيها ترقص لي

وسن رفعت راسها مستغربه :- عمه مااقدر الفستان كبير مااعرف ارقص فيه

أم فيصل :- يالله وسن لاتكسرين خاطر فيصل قومي

وسن وهي تطالع في فيصل بس هو يضحك ولا هامه :- فيصل لامااعرف

عمتها قومتها ترقص وهي مستحيه أنها بترقص قدام فيصل وقام التشجيع والبنات اللي تصفر والزغاريد على رقصها وهو مبسوط يطالع فيها التفتت إلا شافته يخز فيها وقفت ورجعت مكانها وفيصل ماشال عينه

التفتت عليه وهي خايفه :- وش فيك تطالع

فيصل وهو مبسوط :- أطالع زوجتي وهذا من حقي 0

مسك أيدها وكانت ترتجف :- ليه خايفه

وسن ومو عارفه تكلمه من رجفتها :- فيصل لاتطالع فيني كذا

فيصل رفع راسها والتقت عينها في عينه :- احبك ياقمر

وسن ابتسمت أول مره تشوف فيصل مبهور فيها لدرجه ضاعت في كلامه

وسن وفيصل وفي قمة رومانسيتهم جات مضاوي قربت منهم وكلمت فيصل :- مبروك فيصل مااقدر مااجيك تضل اخوي الكبير

فيصل وقف وحضنها :- مابي مبروك على الطاير أبي مبروك من قلب عقبالك يارب وأقوم بعرسك0

مضاوي أول مره تحس بدفى الاخوه من فيصل تمسكت فيه حست بحنانه قربها من وسن وأشر على المصوره تصورهم وصورتهم0

وقربت ريم من وسن وحضنتها وباركت لها وحضنت أخوها وباركت له ووقفها معاهم وصوروا جماعي لين شبع وكان طاير من الفرح حتى وسن حست بفرحه ومازعلت من مضاوي بالعكس مسكت أيدها وفي كل الصور ماتركتها 0

مضاوي أول مابعدت عن الكوشه دمعت عينها حست بحب فيصل لها وإنها ظالمه في اللي تسويه لو سمعت كلام أبوها 0

وسن وفيصل قصوا الكيك وشربوا العصير والمصوره ماتركتهم لين أم فيصل طردت فيصل علشان البنات يستانسون وبالموت قدر يفك ويطلع0

بس طلع فيصل اشتغلوا استهبال ورقص ووسن مبسوطة ورقصت معاهم لين نادوا الضيوف يتعشون دخلو وسن لغرفه العروس وأول مادخلت شافت فيصل ينتظرها

وطاوله جاهزة للعشاء مرتبه مخصوص للمعاريس0

جلست وسن وفيصل جنبها وتعشوا وبس الضيوف خلصوا العشا دخلت وسن وفيصل بزفة خاصة لهم جلسوا ربع ساعة وزفوهم ثانيه علشان يطلعون

أم فيصل وصت فيصل على وسن علشان راح يمشون لوحدهم وهي بترجع مع أخوها لأنهم لسى يبون يفرحون ويرقصون 0

فيصل أول ماصار مع وسن لوحدهم بالسيارة مسك أيدها :- انا فرحان ياقمر

وسن بنذالة :- وانا خايفه منك

فيصل :- افاااا ليه انا أخوف

وسن وهي تضحك :- ساعاااااات

فيصل وهو متبسم :- خلاص خلي كلام العتب والزعل ماابي اسمع إلا كلام كله حب 0وسن استحت من كلامه وما علقت بشي ماتبي تخرب فرحتها بزعل 0

أول ماوصلو ا البيت كان مافيه احد لا شغالات ولاشي وسن تمشي ومتضايقة من فستانها مو عارفه تتحرك وفيصل بنذالة مايبي يساعدها يشوفها وهي تجر الفستان

فيصل بسرعة اخذ البشت وحطه في يده وبسرعة حمل وسن وهي تصارخ خايفه تطيح وهو ولا عطاها وجهه حملها لين شقتهم وهي لما ماشافت فيه أمل ينزلها تمسكت فيه خايفه تطيح 0

بس وصلو للشقة نزلها وفتح الشقة شافت الأرض مفروشة ورد وريحه البخور والعطور الفرنسية ماليه الشقة حست بالفرحة مسك أيدها ودخلها الشقة ولما وصلو لغرفتهم دقات قلبها تزايدت وهو بكل هدوء مسكها وفتح باب غرفتهم استغربت كل شي تغير فيه والأثاث غير

همس فيصل بأذنها :- مايصير ادخل عروستي غرفه مو جديدة 0

ابتسمت له وحست أنها ذايبه فيه وتمشي وهو يتحكم فيها وراضيه 00

دخلت مملكتها اللي راح يجمعها مع حبها بدون تدخل احد بس وسن وفيصل 00

@@@@@@@@@

في الصبح جلست أم فيصل وكلها نشاط استعداد و ترتيبات استقبال الضيوف في بيتها وأوامر وورود وكل شي منسق ومرتب وفرحتها غامره بيتها وحاسه أن الدنيا مو سايعتها من الفرحه0

دخل بوندى :- أوه الغالية صاحية بدري

أم فيصل :- أكيد ماعندي إلا واحد فديته لازم ادلل فيه0

بوندى :- بس اهو تدللينه

أم فيصل وهي مبتسمة :- مو بس هو حتى حبيبتي وسن0

بوندى :- مبروك يالغاليه0

أم فيصل :- الله يبارك فيك اخوي اجلس تتكلم وأنت واقف

بوندى :- إيش اجلس مثل ماانتي عندك معازيم انا بعد بس قلت لازم أصبح على حبيبتي0

أم فيصل وعيونها دمعت قربت من أخوها وحبت راسه :- بدونك مااسوى شي 0

بوندى :- انا من غير دلوعتي مااسوى شي

أم فيصل تضحك:- هههههههه حلوه زوجت ولدي وبعدك تقول لي دلوعتي

بوندى :- لو تطيح كل ضروسك وأشوفك منحنيه وانا عايش هم بتضلين دلوعة اخوها0

أم فيصل وهي ميته ضحك :- ههههههههههههه بعد عمر طويل يالغالي تبلغ في عيال عيالك إن شاء الله0

بوندى :- ماصحوا المعاريس

أم فيصل :- أقول خلهم مبسوطيين متى ماصحوا صحوا

بوندى :- انتبهي لبنتي وخليها في عيونكم

أم فيصل :- لاتوصي حريص بنتك هي عيني اللي راح أشوف منها

بوندى :- تسلمين يالغاليه بطلع الحين وبعد شوي أم ندى وندى عندك يالله مع السلامه

أم فيصل :- مع السلامه يالغالي

وسن صحت من النوم ماشافت فيصل توها بتقوم الاشافت ورده وفيها ظرف فتحته

مبروك ياعروس

مشوار الطريق أبي عروستي تجهز

دقايق وانا واصل لعندك

ابتسمت وراحت تجهز له 0

فيصل نزل شاف أمه حايسه وهي مو حاسه فيه حب راسها :- صباح الخير ياوجه الخير

أم فيصل :- صباح النور يالغالي

فيصل:- يمه انا بطلع عندي شغل وراجع واليوم لاتقولون لعروستي تنزل معاكم تشوف معازيم ولا شي

أم فيصل :- أولا احد يترك عروسته ويطلع

وثانيا:- الواجب واجب وش رايك الناس تبارك والعروس موموجوده

فيصل وهو يبتسم :- وهذا اللي راح يصير

أم فيصل باستغراب :- كيف؟

فيصل وهو يجلس أمه ويجلس جنبها :- سمعي يالغاليه انحرمت من زوجتي كثير والأسباب أنتي عارفتها واليوم بطلع معاها بسافر أي شي بالمختصر أي مكان بعيد عن الناس اخلص أجازتي وسوي حفله جمعي حريمكم وخلوهم يشوفونها اوكي يالغاليه

أم فيصل وهي تبتسم :- طيب فهمت قول أبي أنحاش معاها وخلصني

فيصل وهو يضحك على كلام أمه :- أي أبي أعيش واستقر مو من حقي

أم فيصل :- ألا من حقك واستانس بعد ماعندي مانع سوي اللي تبيه مازوجتك ألا علشان ترتاح وارتاح انا بعد0

فيصل :- افااااااااااا لهذي الدرجة انا حمل ثقيل على الوالدة الغالية

أم فيصل وهي تمسح على راسه :- راح تضل حمل علي لين أموت

فيصل مسك أيد أمه وحبها :- بعد عمر طويل أن شاء الله وبعدين ماتبين تفرحين في احفادك0

أم فيصل مبسوطة :- ألا وهذا اللي أبيه أشوف عيالك وأربيهم معاكم0

فيصل :- دعواتك يالغاليه

أم فيصل تضحك عليه لأنه قام وطلع بسرعة وفي داخلها (( الله يوفقك يارب ))

$$$$$$$$$$$

حمد مانام طول الليل وهو يفكر في شجون ومستانس أنها فهمت أسلوبه 0

نزل تحت وشافهم متجهزين :- الله الكل مستنفر وانا لي الله لاملكه ولا زواج 0

بومنصور خز فيه :- يعني موقادر تنتظر

حمد جلس جنب أبوه :- يبا تكفى الحين أحسن لي أتزوج أو انحرف

بومنصور عارف حركات حمد اللي يبيه يتمسكن لين يأخذه وهو يضحك على حمد:- بصراحة ابرك لي تنحرف على تستخف

حمد راح لعند أمه :- يمه ترى والله بنحرف وكيفكم

أم منصور وهي تجنن حمد :- توك حاس تكلم أمك خلي أبوك ينفعك

مروه وسمر يضحكون على حركاتهم

حمد خزهم :- أبي اعرف مافي شي يضحك يالمهابيل

سمر :- ألا في واحد خبل اسمه حميد

حمد عصب ومو عارف يرد عليها لان أبوه وأمه جالسيين بس اشر عليها يتوعدها

بومنصور :- اختصر وش تبي توصل من الفلم اللي سويته

حمد وهو زعلان :- لا سلامتك يالغالي ماابي شي

بومنصور كسر خاطره حمد أول مره يشوفه مستسلم :- الله يسلمك اتصل على الناس وقول لهم نهاية الأسبوع الملكه 0

حمد انبسط وحب راس أبوه :- فديتك يااغلى أبو أي هذا بومنصور الحلووو اللي ينشد فيه الظهر

بومنصور :- خلص كلامك كله حافظه مايتغير روح لبيت عمك ساعده

حمد وهو يضحك :- إن شاء الله يالغالي

طالع في سمر المتكتفه واللي تنقهر أذا شافت أبوها يدلع حمد ومد ألسانه لها وهو طالع

سمر بدلع :-أي لنا الله الدلع لحميد العجل أما أخر العنقود لها الله 0

مروه :- اشتغلت الأخت مين يقدر يسكتها

أم منصور تجنن سمر:- مااعتقد أن عندي أخر عنقود توني شباب واقدر أجيب عنقود اكسر راس العنقود اللي قبله

سمر وهي فاتحه عينها :- يمه الحين بتزوجين أعيالك وتبين تطخينه بــ بزر

بومنصور خز سمر :- عيب هذي أمك تكلمينها كذا

سمر وهي مغتاضه :- اسمعها تبي تجيب لي احد يعني ماراح افتك قلت نزوج اللي بالبيت وادلع على راحتي تقول تجيب دادا

بومنصور وهو يبتسم مسك أذان سمر :- أم لسانيين لما نرجع من بيت عمتك لي شغل معاكِ

أم منصور وهي تضحك :- تخاف على روحها الانانيه بنكسر الراس اليوم أو بكره

سمر وهي تتمسكن على أمها :- يمه لاتزعلين ادري ماراح تجيبين بتعرسين العيال بتشوفين الأحفاد وإلا بتربين بزر

أم منصور :- يمه منك خلصي عطلتينا ماراح نجيب ولو نبي نجيب كان من زمان بسبتك مانبي تعبتينا من اللسان الطويل

مروه :- سمر عقلي ويالله نطلع وألا جلسي بالبيت

سمر بدلع :- ههههههههههههه ادري من غيري مافي احد يمشي

حمد دخل يصارخ :- الوالد يقول دقيقه اللي مايركب السيارة يجلس بالبيت0

كلهم لبسوا عبايتهم وشيلتهم وبسرعة ركبوا السياره0

&&&&&&&&&&&

بوفيصل يكلم فهد ويصارخ:- يعني برد قلبك لما رحت عرس فيصل

فهد :- قلت لك بروح عرسه هذا اخوي مااقدر احرمه من وجودنا بعد السنين هذي

بوفيصل :- وتكسر كلامي

فهد :- أنت اللي يهمك سعادتنا وفيصل سعيد باللي اختارها وعداوتك كلها من طرف واحد و أنت لازم تضحي علشان سعادتنا

بوفيصل مسك ثوب فهد وكل شياطين الدنيا تتنطط قدامه :- ماضل إلا أنت تقول لي ضحي والله لو بيدي كان شربت من دمهم وانا اضحك فهمت

رماه على الأرض :- اسمع يافهد لو أسمعك تتكلم عنهم بخير صدقني أذبحك ولا اهتم فيك سمعت

فهد زعل على أبوه اللي حقده عمى عيونه وقف فهد وعدل ثوبه :- الله يهداك ياابوي والله فيصل يحبك لاتخسره وإذا أنت معاند كذا انا أول واحد بوقف ضدك وفيصل ولاااهله بتقدر تسوي لهم شي 0

بوفيصل رفع أيده بيعطي فهد كف إلا مضاوي واقفه بينهم:- يبا الله يهداك لاتضرب فهد

بوفيصل نزل أيده :- ماسمعتي شيقول بيكون معاهم ضد أبوه

مضاوي وهي معصبه :- طول عمرنا بعيدين عنهم وأنت اللي قربتنا منهم كان خليتنا بعاد وخلاص 0

بوفيصل وهو ماسك مضاوي بالقوة :- مااقدر أبي اطفي النار اللي بقلبي 0

مضاوي :- أحنا وش ذنبنا وفيصل وش ذنبه 0

بوفيصل وهو مصدوم :- ليه حتى أنتي في صفهم ضد أبوك

مضاوي وهي تترجى مايزعل منها :- لا انا أعرفك مااعرفهم واحبك بس كل شي نسويه ينقلب ضدنا خلنا نفتك منهم ونعيش حياتنا معاك من عرفت عنهم وأنت معصب

بوفيصل وأسلوبه الحازم :- جهزي شنطتك بتروحين عند فيصل

مضاوي وهي خايفه :- لا ماابي أروح

ريم واقفه ورى الباب مقطعه عمرها من البكي(( ليش يبا تسوي فيهم كذا))

ابوفيصل :- بتروحين ومن اليوم

انا بطلع أتنفس هوا غير هواكم المعفن ومااجي المغرب إلا أنتي جاهزة

مضاوي جلست وعارفه بالضبط وش ناوي أبوها على فيصل وزوجته

%%%%%%%%

أم ندى بس وصلت بيت أم فيصل وعرفت أن فيصل طالع صعدت لشقه بنتها مع ندى وأم فيصل وأم منصور وسمر ومروه

أول مادخلو البنات وشافوا وسن متكشخه بدت الزغاريد والتصفير والتبريكات الحارة 0

كانت لابسه تنوره قصيرة لفوق الركبة لونها احمر وبدي بدون أكمام ونص ظهرها باين وصندل احمر رفيع فيه شرايط رابطتها على رجلها وإكسسوارات كرستاليه بالأحمر وتاركه شعرها طايح لنص ظهرها والميك آب أسموك الأحمر وريحه عطرها معبي المكان كانت فاتنة 0

وأول ماخلصو التبريك البنات اشتغلوا في وسن اسئله وهي بس تبتسم لهم وما تعطيهم وجه

سمر :- ياعيني على الهدوء ليكون فيصل قص لسانك

وسن تغيض سمر :- لا بس عروس ولازم أصير راكدة

ندى وهي تضحك :- خلصي ترى الثقل مو لايق عليكِ

وسن بنذالة :- مافي أجوبه استحوا هذا الناقص اكلم بنات ماتزوجوا

سمر :- لا النذالة مشتغلة قوموا نخرب في شقتها علشان تتأدب

مروه :- بالنسبة لي بشغل المسجل وبطول على الصوت ونترقص

أم فيصل :- خذوا راحتكم وسن تجننكم

وسن بدلع :- عمه خليهم ماينعطون وجه

مروه شغلت المسجل وعلت على الصوت وبدو بالرقص والأمهات يضحكون على هبالهم

ألا بدقه الباب وفيصل ينادي أمه

البنات بسرعة سكروا المسجل ولبسوا عبايتهم وشيلتهم وهم طالعين باركوا لفيصل وأم ندى وأم فيصل بعد باركوا لـ فيصل

فيصل :- وين ماشيين كان اخذتو راحتكم

أم فيصل :- نطلع بكرامتنا بدل ماتطردنا0

فيصل :- افااااااااااا والله مااسويها لاتخلوني احلف عليكم تجلسون

أم ندى :- لايافيصل خذ راحتك مع عروسك بالرغم أنها ماضيفتنا بس يالله

فيصل :- افااااااااااا ليه وسن ماضيفتكم خلاص انا بقوم بالواجب

أم ندى :- خيركم سابق أهم شي الله يوفقك مع بنتنا ويسهل اموركم0

طلعوا كلهم ودخل وبس شاف وسن ابتسم لها :- يعني تفشلينا وما تضيفينهم

وسن بدلع قربت منه :- انا عروس وبعدين أمون عليهم ماصار لهم دقيقتين جالسيين بس

طول ما وسن تتكلم وهو عينه عليها وسن بس انتبهت له استحت منه ونزلت راسها

فيصل ابتسم ومسك أيدها وجلسها جنبه :- الحين القمر مستحي مني

وسن وهي مرتبكة :- فيصل أعقل ولا تطالعني كذا

فيصل رفع راسها ويلعب في شعرها اللي طايح على ظهرها وحس بربكتها وبنذاله قرب أكثر ولزق فيها وسن تبي تبعد عنه حط أيده على كتفها :- وين رايحه الحين صرنا اقرب من أول ولا راح اسمح لك تبتعدين عني تو ماحسيت بالاستقرار

وسن وهي تبتسم له :- زين فلتني أبي انزل تحت

فيصل :- لا يماما مافي نزله تحت ماراح تتحركين من جنبي طول ماانا جالس

وسن بكل رقه وانوثه :- اللي تشوفه

فيصل وعينه عليها :- ياربي بتجننيني يالبزره

وسن وهي زعلانه :- هئ هئ انا مو بزره ليه تكلمني كذا

فيصل :- مهما قلتي مااحسك إلا بزره قدامي وأموت في ألبزره

وسن فلتت روحها ووقفت :- ماني بزره خلاص

فيصل وهو يضحك :- شفتي حركتك اللي سويتيها دليل انك بزره وألا في وحده كبيره جنب زوجها تتركه وتقوم

وسن وهي تدلع :- أي في انا وبتركك علشان تعرف كيف تغازل زوجتك بدل ماتقول لها بزره

فيصل بإعجاب من ذكائها وردها السريع وثقتها بنفسها وقف وعطاها بوسه في خدها:- امووووووووت في الواثقة

وسن استحت منه :- فيصل احبك

فيصل :- وانا أموت في حبك يالله تعالي ناكل لنا شي والله جوعان

وسن :- قول وش تبي وأسويه لك

فيصل :- لاانتِ عروس انا اللي أسوي كل شي والقمر ترتاح0

وسن ابتسمت برضى (( والله احبك يافيصل يارب تدوم سعادتنا )

يتبع ,,,

👇👇👇