رواية ليت مشاعرنا مثل أسامينا ماتتغير -20
فيصل بإعجاب من ذكائها وردها السريع وثقتها بنفسها وقف وعطاها بوسه في خدها:- امووووووووت في الواثقة
وسن استحت منه :- فيصل احبك
فيصل :- وانا أموت في حبك يالله تعالي ناكل لنا شي والله جوعان
وسن :- قول وش تبي وأسويه لك
فيصل :- لاانتِ عروس انا اللي أسوي كل شي والقمر ترتاح0
وسن ابتسمت برضى (( والله احبك يافيصل يارب تدوم سعادتنا )
طبعا الكل مبسوط وكان الرجال عند بيت بوندى والنسوان كلهم عند بيت أم فيصل
ولما أذن المغرب الكل طلع علشان المعاريس يرتاحون
فيصل تو صاعد مع زوجته إلا سمع أمه تناديه نزل هو ووسن وكان أول ماشافوه مضاوي بشنطتها واقفه ومتكتفه0
فيصل :- هلا مضاوي
مضاوي وهي تبكي :- تشاكلت مع ريم وقلت ماارجع لهم بالسهولة مالقيت إلا اخوي فيصل0
فيصل :- حصل خير أنت نامي وبكره نصالحك مع ريم
مضاوي بعناد :- لامااتصالح وياها وإذا ماتبيني ببيتك خلاص أروح عند أي وحده من البنات
فيصل مسك فيها :- أي بيت وحده من البنات ماعندنا بنات تنام في بيت ناس مانعرفهم
مضاوي :- ادري انك توك عريس وماابي أخرب عليكم
وسن وهي عارفه خطط مضاوي :- ولايهمك يامضاوي العمة ماراح تقصر معاك والغرف هنا كثيرة
أم فيصل فهمت وسن :- صح البيت بيتك 0
فيصل طالع في وسن وكان معصب :- وسن هذي أختي المكان اللي تبيه تجلس فيه
مضاوي بنذالة :- إذا عندك غرفه في شقتك اجلس فيها لأني ماابي أضايق خاله أم فيصل
وسن فتحت عينها بقهر (( تتكلم بذرابه بتموتني )):- أي عادي البيت بيتك
فيصل بيتكلم ألا أمه قاطعته :- لا حبيبتي الحين انا لوحدي مافي احد أتسلى وياه ووسن توها عروس ماراح تفضى لك لاهي ولافيصل يعني عادي ماراح تزعجيني
وبسرعة أم فيصل نادت الشغالة تاخذ شنطه مضاوي وأشرت لفيصل روح ارتاح مع عروستك وانا بقوم الواجب0
ندى ناظرت عمتها بامتنان وفيصل حب راس أمه وطلعوا لشقته وأول مادخل فيصل دخل الغرفه ولاعطى وسن وجهه وسن لحقته :- زعلان حبيبي
فيصل :- انتِ تحبيني وسن
وسن بحنيه :- وأموت فيك
فيصل بجديه :- إذا لازم تحبين أهلي
وسن :- ومن قال مااحبهم
فيصل :- وش فيها لو مضاوي تجلس معانا
وسن :- مافيها شي بالعكس عادي بس انا فكرت بشي ثاني أنت غافل عنه
فيصل :- كيف مافهمت
وسن وهي تقرب من فيصل وعينها بعينه :- أحنا معاريس ونبي نستانس ونجلس مع بعض وهي مايصير نخليها جالسه لوحدها صح
فيصل وهو يطالع في عينها :- وسن أموت واعرف هالجمال جاي منين
وسن بثقة :- طبعا طالعه على أبوي وأمي
فيصل :- لاما اعتقد انتِ طالعه علي انا وألا ماكان أخذتك
وسن وهي مستحيه :- فيصل خلاص كلامك قديم
فيصل وهو يخزها مسك أيدها :- طيب تعالي معاي وأقولك الكلام الجديد
وسن مشت مع فيصل وهو مبسوط أنها تمشي معاه بدون أي اعتراض
%%%%%%%%
حمد اتصل على بوشجون أن الملكه نهاية الأسبوع وفرحته مو سايعته وطبعا لازم يكلم الحبيبة شجون ويبشرها بالخبر الحلو
حمد :- الو كيفك ياقلبي
شجون أول مره تسمع حمد يقول لها الكلام:- دام حبيبي بخير انا بخير
حمد وهو يتنهد :- انا حبيبك
شجون وتكلم حمد بحماس:- أي حبيبي وحياتي وتاج راسي
حمد وهو يضحك:- كل هذا لي ياحظي بحبي
شجون :- والله ياحمد امووووووووت في حبك ودي اعبر لك بس ماادري
حمد :- إيش ماتدرين؟
شجون:- حمد أخاف منك وأخاف كلامي تعتبره جراءه مني
حمد وهو يضحك :- طيب اعرف انك جريئة مافي شي جديد
شجون بعصبيه :- حمد ليه تقول كذا
حمد وهو عارف أنها معصبه :- شجون زعلتي
شجون:- ليه تقول عني جريئة والله ياحمد ماسويت هذي ألا من شوقي وكان صادقتك أو أي شي بس والله الأيام الجايه راح تعرفك على شجون صح
حمد :- شجون ادري أني ساعات قاسي بس لازم تعرفي مهما البنت حبت ولد لاتقول له لان الرجال يحب البنت الثقيلة 0
شجون :- طيب اعتبرها جهالة ماتغتفر
حمد :- الا تغتفر والدليل أني أبي أتزوجك
شجون :- ومادامك بتتزوجني ليه تقثني
حمد وهو يضحك :- هذا طبعي وتعلمي عليه تراني مااعرف كلام حب والشخص اللي أحبه اذبحه
شجون سمعت كلامه وجاتها نوبة ضحك
حمد وبصراخ :- وجع كل هذي ضحك
شجون سكتت وهي ماسكه روحها :- انا راضيه تزوجني واذبحني ماعندي شي
حمد :- والله ماشفت وحده عينها قويه مثلك
شجون بدلع :- ولا راح تشوف انا شجون مافي احد مثلي
حمد وهو مبسوط من غرورها :- مغرورة وراح اكسر غرورك
شجون :- وأنت ثقيل وراح أغير طباعك
حمد :- لاتعاندين
شجون :- لاتعاند
حمد :- أوف
شجون :- أوف أنت
حمد :- ليكون بتعيشيني على هالحال ترى أطلقك
شجون :- تزوجني أول وبعدين سوي اللي تبي
حمد ضحك عليها :- والله انا صادق البنات مجانيين
شجون :- أي بس انا مجنونه فيك
حمد :- طيب يالمجنونه نهاية الأسبوع بملك عليك وابشري بكسر الراس
شجون وهي فرحانة :- الله يبشرك بالخير
حمد وهو مستغرب :- انجنيتِ أقول ابشري بكسر الراس تقولين الله يبشرك بالخير ليكون مأخذ لي مجنونه وانا مو حاس
شجون بتتكلم الا هو قاطعها :- يالله مع السلامه الموعد بس تجين عندي وأربيك يالمجنونه
وسكر الخط بدون ماترد
حمد مستغرب منها ولكن مبسوط فيها ويحبها على جنونها
ماضل دقايق الا صوت مسج فتح الجوال شاف من شجون فتحه :
حبيبي انا ماراح ازعل من حركتك تمون يالغالي
كل شي يجي منك حلو ياحلوووووو
حمد بدى يتحمد ويتشكر عليها(( والله مهبوله وتبي تطير شويه العقل اللي في راسي الله يستر منها يارب))
أم فيصل عاملة مضاوي بكل خير أخذتها لغرفتها وأعطت الشغالة الأوامر ترتب ملابسها وجابت لها العشا وقالت لها :- تعشي ونامي ارتاحي ادري السبت اختبار وهذا الأسبوع للمذاكرة أي شي تبينه انا مستعدة
مضاوي مستغربه كل هالحنيه الموجودة في أم فيصل ليه أبوها ضيعها ويبي يهدم حياتها وحياه أخوها
مضاوي :- شكرا ياخاله تعبتك معاي
أم فيصل :- الشكر لله ولاتعب ولاشي منوره بيت أخوك
أم فيصل طلعت ودخلت غرفتها ورفعت أيدها للسما (( يارب إذا مضاوي ناويه تخرب حياه ولدي أبعدها عن طريقه وإذا نيتها زينه وفقها ووفق ولدي وزوجته وابعد عنهم عيال الحرام يارب))
مضاوي بس طلعت أم فيصل ازعلت على نفسها كيف ترد لأخوها ضربه وتهدم حياته وهو ماقصر معاها (( معقولة فيصل اللي سواه واستقباله لي بالرغم انه تو البارحة زواجه وألا أمه كيف عاملتني حتى المذاكرة مستعدة تذاكر لي والله طيبه ووسن بالرغم من معاملتي السيئة ماتذمرت قالت البيت بيتك . آه راسي يوجعني انا اللي بسويه صح ولا خطأ وكيف اغدر في ناس فتحت لي قلبها قبل بيتها محتاره ))
مضاوي ضلت تكلم نفسها لين نامت 0
مروه تتكلم مع سمر ومبسوطين على عرس وسن وألا يدق جوال مروه
مروه :- هلا عبودي
عبدالله :- ياسلام عبودي
مروه :- ايوه زوجتك واسميك باللي الاسم اللي يعجبني
عبدالله :- طيب من حقك لما تجين بيتي أما في بيت اهلك دكتور عبدالله
مروه :- بالله رسمي تبيني أكلمك
عبدالله :- ايوه مافيها شي
مروه وهي زعلانه :- طيب يادكتور عبدالله أذا جيت بيتك كلمني وطول ماانا في بيت أهلي لاتكلمني اوكي خلاص
عبدالله وهو يضحك عليها :- حبيبتي والله امزح ليه زعلتي
مروه :- أي حبيبتك وتكلمني بالطريقة هذي
عبدالله :- لا زعلانه خلاص انا جاي لكم وألا أقول فتحي الباب انا عند الباب
مروه وهي مستغربه :- أنت عند الباب ليه ماقلت انا لابسه بجامه النوم مو مستعدة
عبدالله :- ماعندي شي أبي أشوفك بملابس النوم
مروه :- عبدالله برسل الشغالة تفتح لين أتجهز
عبدالله :- لا تتجهزين أبي أشوفك على طبيعتك
مروه :- ههههههه خلص يالله باااااااااااااي
نزلت سمر وخلت الشغالة تدخله المجلس وترتبت مروه ونزلت وجلست معاه لين الفجر سوالف وضحك وغزل 0
!!!!!!!!!!!!!!!!!!!!
حظ ندى مع منصور مو اقل من مروه بس دخلت بيتهم الا هو منتظرها في الصالة استغربت
ندى:- منصور مو معقولة عندنا
منصور رفع باقة ورد وعلبه هديه وعطاها :- الورد للورد والهدية بس علشان يعرفون الغالي للغاليين0
ندى استحت لان أمها وأبوها واقفين وماردت على منصور
منصور شاف عمه وعلى طول حب راسه :- كيفك عمي
بوندى :- أشوفك ماخذ راحتك نسيت الشرط
منصور :- عمي الله يطول بعمرك يعني انا وين بالصالة وبعدين مو ممكن بس سماح ليله نرتب أمورنا ونتفاهم على الترتيبات
أم ندى :- خلاص انا اشفع له وخلهم يأخذون راحتهم بالصالة
منصور حب راس عمته :- الله يطول بعمرك عمه
بوندى :- علشان أم ندى بعديها لك يامنصور بس المره الجايه انا جالس على قلبك
منصور اشر برأسه وبس بوندى طلع فوق الا تنفس بقوه :- والله عمي هذا ينحسب له مليون حساب قوي
ندى :- قول ماشاء الله على أبوي
منصور وهو يبتسم :- ماشاء الله على عمي وبنته حبيبتي قمرهم كلهم0
ندى وهي تدلع :- أي صدقتك ؟
منصور :- افا طيب راح اثبت لك
ندى وهي تضحك :- ليه انجنيت ماابي إثبات الحين يطلع عليك أبوي من بين الكنب
منصور لاإراديا التفت وضحك على نفسه وندى بعد على حركته
مسكها وجلسها جنبه وجلسوا يتونسون مع بعض
&&&&&&&&&
فيصل :- وسن ليه هالتعب الشغالات يرتبون
وسن وهي تمشي لعند فيصل :- قلت لك شغالة ماتدخل شقتي الا وانا وياها لوحدها مستحيل مااثق فيهم
فيصل وهو يهمس :- تخافين منهم
وسن بنفس نبره همسه :- أخاف على زوجي منهم
فيصل وهو مبسوط من كلامها:- تحبيني
وسن :- وأموت فيك 0
فيصل قرب منها وعطاها بوسه على راسها وحضنها :- والله وانا أموت فيك يالبزره
وسن كانت مندمجة معاه بس سمعت بزره دفته لورا وطاح على الكنب :- انا مو بزره
فيصل :- طيب امزح حبيبتي ليه عصبتي0
وسن :- علشان تعرف كيف ألبزره طيحتك على الكنب 0
فيصل :- آها عناد يعني لأني قلت لك بزره
وسن وهي تبتسم :- أي عناد عندك شي ؟
فيصل وهو يطالعها بخبث :- يعني أنتي مبسوطة باللي سويتيه
وسن بعناد :- ايوه
وقف بسرعة ومسك أيدها وهي تضحك مو عارفه تهرب منه وطيحها على الكنب وبالمخدة يضربها ويقول لها :- علشان يالبزره تحترمين أبوك فيصل
وسن وهي تضحك :- أسفه بابا فيصل مااسويها مره ثانيه
وقف بس سمع كلمه أسفه بابا وحضنها :- والله بتجننيني ياقلبي
وسن :- أحسن أبيك تجنن علشان أتربع على عرش قلبك وماحد يقدر يفرقنا
فيصل :- ماحد يقدر يالله حبيبتي خلينا ننزل 0
وسن :- ناسي أختك مضاوي
فيصل :- لا مانسيت الوالدة ماراح تقصر معاها وبعدين بس أسبوعين المدينة نريح أنفسنا ونزور مسجد رسول الله صلى الله عليه واله وسلم وتكون فاتحه خير لنا من بعد كل اللي صار من قبل 0
وسن وهي مبسوطة :- إن شاء الله يارب
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
((الجزءالحادي والعشرون))
---------
مضاوي جلست وهي مصدعه ومحتارة أول مره تحس إن فيصل حبوب وحنون عليها بالرغم أن فهد حبوب بس دايما مع ريم وما يتكلم أو يضحك معاها الا نادرا0
غسلت وجهها وبدلت ملابسها ونزلت شافت أم فيصل جالسه :- صباح الخير خاله
أم فيصل :- هلا والله صباح النور تعالي معاي نفطر
مضاوي ابتسمت وجلست معاها :- يا حظك يا فيصل أمك حبوبه
فطرت مع أم فيصل وهم يتونسون ويضحكون
مضاوي :- شكرا ياخاله تعبتك معاي
أم فيصل بحنان:- لا تعب ولاشي بالعكس تسليني الله جابك
فيصل ووسن بيطلعون المدينة اليوم والبيت بيفضى والله عوضني فيكِ
مضاوي ابتسمت وهي تطالع في الملاك اللي قدامها ماتصدق كأنها في حلم
نزل فيصل ووسن وأول ماشافهم جالسين على الفطور ويسولفون مع بعض تبسم :- ياسلام الوالدة مبسوطة وإحنا لنا الله
أم فيصل :- أي أدور لي احد يعطيني وجه مو مثل بعض الناس
وسن :- أكيد عمه ماتقصديني صح
أم فيصل :- أكيد أنتي حبوبتي اقصد الناس اللي رتبوا ولا حتى عطوني خبر0
فيصل :- افااااااا الوالدة زعلانه خلاص الحين احجز تذكرتين أنتي ومضاوي
أم فيصل :- لا حسابك بعدين مضاوي اختبارات وبجلس معاها أذاكر لها
مضاوي وهي مبسوطة من كلام أم فيصل :- أي أنت روح وستانس مع عروستك وانا بجلس معاها
وسن مو مصدقه الكلام اللي تسمعه من مضاوي :- صدق مضاوي فرحانة لنا
مضاوي :- أكيد ياوسن فيصل اخوي وأتمنى سعادته
وسن بفرح أحضنت مضاوي :- شكرا يا مضاوي والله كلامك فرحني
أم فيصل :- يالله امشوا في أمان الله
سلم فيصل على أمه وأخته ووسن سلمت على عمتها ومضاوي وطلعوا لبيت أبو ندى سلموا عليهم وطلعوا على طول للمطار و رحله إلى مدينه رسول الله صلى الله عليه وآله وسلم0
/
/
/
مضاوي ارتاحت مع أم فيصل تذاكر لها الدروس اللي موفاهمتها وتجلس معاها لين تخلص مذاكره وفي الصباح توصلها المدرسة مع السواق وتاخذها نهاية اليوم
ومضاوي حاولت تتجاهل مكالمات أبوها لها علشان ماتنفذ خططه على أخوها بس تكلم ريم وفهد تسئل عنهم وتتهرب من أبوها أما بالمذاكرة أو توعده لين يجي فيصل
ندى ضايعه في غرام منصور وفرحانة انه نصيبها اللي اختارته ومنصور في حرب مع بوندى اللي مايتغير كل ما زارهم منصور ببيتهم يجلس معاهم 0
مروه وعبدالله سهر بالتلفون أو الجوال وطلعات للمطعم وتمشيات مع بنات أخته وسمر معاهم بس همهم يكونون مع بعض
سمر وتفكيرها في فهد قاتلها لأنها مو عارفه هو يحبها وألا المسأله عاديه وهي مكبرتها كل يوم تتمنى يجي بيتهم ويخطبها ومو عارفه متى يكون ذاك اليوم
وسن في ارض طيبه وفرحتها أنها بعيده عن المشاكل ورجعه فيصل لها وهو غامرها بحبه خلاها إنسانه حره وناضجة وفيصل يحاول دايما يحسسها أنها دلوعته الصغيرة وانه ماراح يستغنى عنها مهما كان0
/
\
/
\
أسبوع وطيور الفرح تغرد في سماء وسن وفيصل
فيصل :- صباح الخير ياوجه الخير
وسن وهي نعسانة :- صباح النور فيصل بدري أبي أنام
فيصل :- بدون كسل ماظل الا أسبوع ونرجع وبعدين أداوم وماراح تشوفيني إلى بالموت
وسن جلست :- وليه بالموت بتداوم وبترجع لي
فيصل :- أنتي ما تدرين والله أجازتي أخذتها بالموت ومعطيني معلومة قال لي (( وهو يقلد المدير)) :- اعرف يافيصل لما تداوم راح أخليك تداوم شفتات علشان أعوض فتره النقص لأني بضغط على الأطباء علشان تستانس بعرسك
وسن تسمعه وهي تضحك عليه قربت من فيصل وهو يتكلم :-0 وانا بعد بعوضك
فيصل وهو مبسوط من كلام وسن :- تدرين راح ألزمك بكلامك
وسن بدلع :- ماقلت لك هالكلام علشان أتراجع عنه
فيصل وهو مبسوط :- طيب انا الحين جوعان
وسن وهي بتقوم :- دقايق والفطور جاهز
فيصل مسك أيدها :- انا جوعان حب يالغاليه
وسن نزلت راسها مستحيه منه فيصل جلسها جنبه وبدا يحرك شعرها:- حبيبتي ليه تستحي مني 0
وسن وهي تدلع رفعت راسها :- لأني أفكر بحسن نية وأنت تفكر في شي ثاني
فيصل حضنها بلهفه :- بكيفي أفكر, أهم شي أكون مبسوط مع حبيبتي البزره0
وسن ماقالت شي على كلامه بس تمسكت فيه كأنها خايفه يطير منها ومبسوطة من كل كلامه وحركاته اللي يدلعها فيه
\
/
\
/
|| ودآآمــت أفراحــكم عامــره ||
حمد بس طلع الشيخ من شجون وسمع صوت الزغاريد ارتاح قلبه وحس بالسعادة
جلسوا هو وأبوه ومنصور ودكتور عبدالله مع أبو شجون ضحك وسوالف لين اتصلوا الحريم أن حمد يدخل
طلع بوشجون مع حمد ودخلوا الصالة وكانت شجون واقفه ومو مصدقه أخيرا صارت زوجه حمد
بوشجون مسك أيد بنته وحطها في أيد حمد :- حمد تراها وحيدتي الغالية أبيك تحميها وتحافظ عليها
حمد مسك أيد شجون بقوه كأنه خايف تضيع منه :- لاتخاف أحطها في قلبي وروحي
بوشجون حب راس بنته :- مبروك يالغاليه
شجون تطالع في أبوها بامتنان :- الله يبارك فيك
طلع بوشجون والزغاريد لشجون من أم منصور وأم فيصل وأم ندى
وأم شجون تطالع في بنتها مبسوطة
ندى وقفت وكلمت شجون :- بتضلين واقفه معاه عندنا يالله خذيه لصالة الحريم
شجون وهي مستحيه :- كيف؟
حمد سمعهم :- يالله نروح لوحدنا
مسك أيدها ومشى معاها لمجلس الحريم جلس وجلسها جنبه اخذ أيدهاوباسها :- أموت في القمر
شجون وهي مستحيه :- مشكور
حمد: وأنا حلو؟
شجون: أكيد طالع حلو بالشماغ
حمد وهو يعدل شماغه :- أصلا ماجاب راسك الا شماغي
شجون :- ههههههههههه
حمد وهو يبتسم على ضحكها :- فديت هالضحكه بس سمعي شروطي الغثة
شجون وبدلع :- هذا مو وقته حمد
حمد :- الا وقته وبكيفي
شجون بعناد:- موبكيفك
حمد وهو مبسوط لان شكلها تغير:- لاتعاندين ياشجون
شجون تأشر بأيدها :- بعاندك ياحمد
حمد :- تعرفيني مااحب زوجتي تتكلم كثير إذا انا أتكلم فاهمه
شجون وهي تهز برجلها :- أي فاهمه خلص بس
حمد وهو يتعدل :- طلعه من البيت مع السواق مافي وأيدك اللي انكسرت بكسرها ثاني لوتطلعين بدون إذني فاهمه
شجون وتوترها زاد :- أي فاهمه
حمد وهو يحرك في شعرها ومبسوط :- اللثمة اللي تحطينها ماابيها انا ماعندي حرمه تتلثم وباين نص وجهها فاهمه
شجون وهي تطالع فيه وودها توطي في بطنه :- أي فاهمه
حمد قرب منها وحط أيده على كتفها :- وكحل وميك آب مابي تحطين إذا جيتي تطلعين فاهمه
شجون وقربت تبكي من كلامه :- يعني لو بطلع حفله أو ازور أتصلح عندهم
حمد وهو مبسوط :- ومن قال انك بكيفك تروحين حفله وزيارات بايخه
شجون التفتت عليه وهي مكسورة :- حمد ليه تسوي كذا
حمد ابتسم لها :- اللي قبل تسوينه مو شرط تكملينه عندي أنتي ملكي انا وبس، تطلعين وياي وتتصلحين لي بس
شجون وهي تطالع فيه :- خلاص انا لك وسوي اللي تبي مايهمني أتصلح ولا أتسوق يهمني حبيبي أخذته وبس0
حمد انبسط من كلامها ويبي يغيضها أكثر :- يعني من كلامك انك فاهمه اللي أبي صح
شجون وهي مستسلمة له :- أي صح فاهمه اللي تبيه وابشر مالك الا طيبه الخاطر آمر حبيبي بعد
حمد عطاها بوسه على خدها وهي مو متوقعه انه يسوي كذا استحت منه
حمد حضنها بقوه :- أموت باللي يستحون
جلس معاها يتكلم مرات يغيضها ومرات يعطيها حنان وهي مبسوطة أنها له وعاجبها شخصيه حمد الحنون القاسي
\
/
\
مضاوي جالسه ومبسوطة عند أم فيصل وذاكرت دروسها زين معاها وقدمت اختباراتها وهي مبسوطة وأول مره تحس بالهدوء والراحه0
صعدت غرفتها وتبي ترتاح الا بدقه جوالها شافت الرقم وفتحته وهي متضايقة :- الو
بوفيصل معصب:- أشوفك مآخذه راحتك لاتتصلين ولا تقولين عندي أهل يهتمون
مضاوي :- لا والله بس تعرف اختبارات
بوفيصل وهو يضحك بقوه :- من متى مضاوي تهتم باختبار قولي أنتي حدك البيت مو شهادة
مضاوي ودمعه طاحت من عينها من كلام أبوها :- أي بحاول يمكن أصير أحسن من حد البيت0
بوفيصل وبكلام أمر :- هذي فرصتنا دخلي شقه فيصل وجيبي أي شي من أغراض وسن أبي هذا الشي وبسرعة
مضاوي :- بس مااعرف ادخل الحين كل شي مقفل0
بوفيصل :- أتصرفي بأي طريقه كسري الباب كلمي الشغالات يفتحونه أي شي فاهمه
مضاوي :- اوكي فاهمه بحاول أن شاء الله
بوفيصل :- أي هذي مضاوي الغالية اللي تسمع كلامي يالله مع السلامه
مضاوي :- مع السلامه
بس سكرت الخط من أبوها قامت تبكي بحرقه ماتبي تضر فيصل بعد اللي سواه لها ولا تحرق قلب أم فيصل وهي اللي اعتبرتها زي بنتها تذاكر لها وتهتم فيها0
\
/
\
/
فيصل ووسن عالم من الحب والسعادة مزح وضحك وتمشيات وكل السعادة اللي هم فيها وخوف من أن المشاكل ترجع لما يرجعون لبيتهم0
وسن بدلع تستعرض :- ها فيصل قول لي وش رايك
فيصل وهو يطالعها :- أمم تعالي
قربت منه وهو يطالع فيها مسكها وجلسها جنبه :- اللي لابسته مايصير حلو الا إذا جلستي جنبي
وسن تتغلى :- يالله مشغولة بطلع الشقة اللي جنبنا عازمتنا الحرمة على جلسه حريم تقول مايصير ماتتعرف على احد0
فيصل :- ناس مانعرفها تروحي لها لامايصير0
وسن :- اسمع حبيبي الحرمة جات وجلست معاي وتونسنا وزوجها ملتزم وحبوبه ومافيها شي أرد الزياره0
فيصل :- وان شاء الله لابسه قصير ونص ظهرك باين وشعرك مصلحته علشان تزورين
وسن وهي تحرك في شعرها :- أي وش فيها
فيصل وهو مقهور منها :- المفروض تتلبسين لي مو للزيارات الزيارات لبسي تنوره طويلة ومو لابسه قميص ونص ظهرك طالع وتنوره قصيرة
وسن تبي تقهره :- كل المتزوجين يلبسون كذا عادي بس أنت مكبر السالفة 0
فيصل وحس انه بينفجر على برودها :- وسن حبيبتي مافي طلعه اليوم خلاص
وسن أنقهرت :- ليه مافي
فيصل قرب منها وحرك شعرها الطويل :- لأني من حقي انا أطالع القمر وأخاف على حبيبتي من الحسد
وسن وهي مبسوطة لأنه يدلعها :- وبس
فيصل :- لا مو بس دلوعتي القمر تتلبس وتتعطر أحسن العطر وأخليها لا مايصير
اخذ مخدة وبدا يضرب فيها وهي تضحك عليه :- خلاص فيصل توبة ماابي اطلع
بس وقف من سمعها تقول له توبة هي أخذت المخدة وبدت تضرب فيه بس مااقدرت عليه مسك أيدها وسحبها لحضنه وهي مستسلمة لحنانه 0
/
\
/
\
شجون مبسوطة وكل يوم تكلم حمد وحمد ماينام الا يسمع صوتها , حس انه طفل قدام دلعها وهو محسسها بالأمان كل يوم يدور له سالفه شروط يجننها فيه بس هي فرحانة أنها زوجه حمد ومو هامها أي شروط بس تبي تصير له وهو لها0
جلست من النوم اتصلت على حمد :- صباح الخير حبيبي
حمد وهو مبسوط :- صباح النور ياقمر
شجون :- مشتاقة نفسي أشوفك
حمد وهو يضحك:- هههههه ماطلبتي شي انا قريب من بيتكم جهزي الفطور
شجون وهي تنط من سريرها :- دقايق والشغالة مجهزه الفطور
حمد :- لا ياعيوني أبي فطور من أيدك ماابي حرمتي ماتعرف تطبخ
شجون توهقت بعمرها :- حمد مااعرف اطبخ
حمد وهو يهز راسه :- شجون ابيكِ تدخلين المطبخ وسلقي بيضه وإلا هذا ماتعرفينه
شجون ومو عارفه شتسوي :- اسلق أسأل الشغالة
حمد وهو طفشان :- شجون تسلقين بيضه ماتعرفين
شجون ارتبكت ودها تصيح من الإحراج :- حمد والله مااعرف ماعمري دخلت المطبخ
حمد وهو يتأفف :- خلاص سوي لي طريق انا بدخل معاكِ المطبخ بنات آخر زمن
شجون مبسوطة وماهمها الكلام اللي قاله يكفي انه عندها بالبيت دخلت تركض للحمام غسلت وجهها وبدلت ملابسها ورتبت شعرها بسرعة وحطت الكحل الأسود وغلوس خفيف ونزلت تركض لتحت تفتح الباب 0
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك