رواية ليت مشاعرنا مثل أسامينا ماتتغير -21
زوجه حمد ومو هامها أي شروط بس تبي تصير له وهو لها0
جلست من النوم اتصلت على حمد :- صباح الخير حبيبي
حمد وهو مبسوط :- صباح النور ياقمر
شجون :- مشتاقة نفسي أشوفك
حمد وهو يضحك:- هههههه ماطلبتي شي انا قريب من بيتكم جهزي الفطور
شجون وهي تنط من سريرها :- دقايق والشغالة مجهزه الفطور
حمد :- لا ياعيوني أبي فطور من أيدك ماابي حرمتي ماتعرف تطبخ
شجون توهقت بعمرها :- حمد مااعرف اطبخ
حمد وهو يهز راسه :- شجون ابيكِ تدخلين المطبخ وسلقي بيضه وإلا هذا ماتعرفينه
شجون ومو عارفه شتسوي :- اسلق أسأل الشغالة
حمد وهو طفشان :- شجون تسلقين بيضه ماتعرفين
شجون ارتبكت ودها تصيح من الإحراج :- حمد والله مااعرف ماعمري دخلت المطبخ
حمد وهو يتأفف :- خلاص سوي لي طريق انا بدخل معاكِ المطبخ بنات آخر زمن
شجون مبسوطة وماهمها الكلام اللي قاله يكفي انه عندها بالبيت دخلت تركض للحمام غسلت وجهها وبدلت ملابسها ورتبت شعرها بسرعة وحطت الكحل الأسود وغلوس خفيف ونزلت تركض لتحت تفتح الباب 0
بس دق جوالها أفتحت له الباب دخل :- وين مطبخكم
شجون:- أول شي قول كيفك حبيبتي إن شاء الله طيبه
حمد قرص خدها :- مو كافي ماتعرفين تأكليني
شجون :- عادي شغالة ويصير كل شي زين
حمد بعناد :- لامابي شغالة في شقتي أبي اخذ راحتي مع زوجتي
شجون وهي مبسوطة من كلامه :- اجل خلاص نجيب أكل من بيت أهلي كل يوم وخلاص
حمد وهو يضحك :- لا يابنت الناس ماراح أكل الا من أيدك ويالله على المطبخ
شجون وهي تستعرض روحها :- كل هاللبس والزين يدخل المطبخ
حمد مسك أيدها بقوه :- وين المطبخ
دخلت المطبخ وياه وهي تتذمر ولا كلمها بس دخل المطبخ شمر عن ذراعه
وبدت الأوامر :- يالله قطعي بصل
شجون وقفت ومستغربه :- كيف
حمد وقف يدور البصل أخذه وفتح الأدراج وطلع سكين وحطهم على اللوح :- يالله اشتغلي
شجون وقفت مو عارفه شتسوي :- حمد تكفى مو الحين والله مااعرف
حمد مسك أيدها وجلس يعلم فيها والشغالة تتبسم على حركاتهم وشجون تتذمر بس حمد ولا يهمه احد
الشغالة :- انا في يسوي عجه خلاص
حمد طالع الشغالة :- أي عجه يبا انا أحب كل شي شعبي شكشوكه مو عجه
شجون وهي قرفانه من ريحه البصل في أيدها :- مو خلاص انا بحط جبن وزيتون ومربى وعسل وقشطه أجهزهم اوكي حمد
حمد مسك فيها :- كل هذي جاهزين مايحتاج تنحاشين علشانهم
تعالي ابعلمك الطبخ اليوم شكشوكه وبكره فول وبعده يمكن طعميه (( فلافل))
شجون وهي منقهره :- حمد حبيبي مابي اطبخ
حمد بحزم :- ماعندنا حريم ماتعرف تطبخ يالله تعالي
جلس يعلمها الطبخ وكل شي سوته معاه جهز الفطور وصعدت بدلت ملابسها ونزلت فطرت مع حمد وهي مستانسه ماتوقعت أنها في يوم من الأيام تعرف تطبخ0
وهي جالسه سعيدة مع حمد الا جرس الباب يدق فتحت الشغالة الا عصام داخل
شجون بسرعة أخذت شيله وحطتها على راسها 0
حمد مستغرب من اللي يشوفه ويأشر على شجون :- من هذا
عصام وهو يبتسم :- هلا بزوج الحبيبة
حمد وهو معصب :- أي حبيبه وبطيخه
عصام :- زوج الحبيبة شجون بنت عمي
حمد يخز في شجون اللي واقفه ومو عارفه تتكلم :- والحبيبة بنت عمك ماتتغطى من الحبيب
عصام وهو يضحك ويكلم شجون :- قلت لك إنسان رجعي وما يعرف شي
شجون وهي مقهورة :- عصام مااسمح لك تتكلم مع حمد كذا
حمد مسك بدله عصام :- اسمع إذا هي مو متربية و ماتتغطى من ولد عمها وتاخذ وتعطي معاه انا بربيها وانا متخلف يامتطور بوريك المتخلف وش راح يسوي
عصام وهو يضحك :- أنت يالحشره بتربيني
حمد :- انا حشره ياصايع
وبدو يتضاربون وحمد يرفس في عصام وشجون موعارفه شتسوي مو قادرة تسوي شي بس جلست في الأرض تبكي
عصام فلت روحه من حمد ووقف :- ماراح أخليك تتهنى ياحمد
طلع عصام وحمد وقف وهو مغتاظ التفت على شجون اللي جالسه في الأرض تبكي مسك أيدها بقوه :- سمعي يابنت الناس ولد عمك ولد خالك تتحجبين ماعندي هذا الشي تاخذين وتعطين وياهم مافي تبين طريقتي حياكِ ماتبين انا مستعد وورقه طلاقك توصلك
شجون وأيدها ترتجف :- لا ياحمد انا أبيك واللي تبيه أسويه لاتقول كذا احبك وماابي نفترق
حمد رمى أيدها بقوة :- إذا شفتك تكلمينه بذبحك واذبحه فاهمه 0
شجون وهي تبكي بحرقه :- حمد والله لو أبيه من زمان أخذته هو حالف انه يخليك تطلقني لأني رفضته
حمد كأنه ماسمعها :- انا بطلع ولي معاك شغل ثاني
طلع حمد وهو كل قهر الدنيا متجمعة فيه وشجون مومصدقه اللي صار بعد ماقربت من حمد عصام بيهدم حبها بطيشه وغروره0
/
\
/
\
مضاوي انتهزت فرصه أم فيصل إنها مو في البيت
راحت تسئل الشغالة :- وين مفتاح شقه فيصل
شغالة :- عند مدام كبير
مضاوي وهي يائسة :- ياربي وش العمل بيذبحني أبوي
اتصلت عليه :- الو هلا يبا كيفك
بوفيصل :- كيفي مااصير بخير لين تسوين اللي أبيه
مضاوي :- انتظر لين تجي وسن مع ولدك
بوفيصل وهو معصب :- وليه انتظر
مضاوي وهي خايفه:- أم فيصل عندها المفتاح ومافي طريقه ادخل شقتهم
بوفيصل :- حاولي
مضاوي :- كيف حتى الشغالات مايقدرون يدخلون بس يجي فيصل اقدر ادخل شقته ولا احد يقدر يمنعني
بوفيصل وهو معصب :- بس يرجع فيصل يامضاوي وإلا ذابحكم أنتي وياه فاهمه
مضاوي وهي زعلانه :- فاهمه
سكرت الخط ومو عارفه وش راح تسوي
/
\
سمر وجنونها(( لازم أجس نبضك يافهد تبيني أو لا بس كيف ؟؟؟؟؟؟؟))
جلست تفكر وبعدين استأذنت أمها إنها محتاجه أوراق من صديقتها وبتطبعهم 0
طلعت مع السواق وعلى طول للمكتبة 0
بس دخلت :- لو سمحت ممكن تطبعها لي
فهد سمع الصوت مو مصدق(( هذا صوت سمر أكيد قمت احلم ))
رفع راسه :- نعم
سمر :- ممكن تصور لي هالاوراق
فهد ابتسم(( لا ماتحلم يافهد سمر جايه لعندك))هو يكلم نفسه وعينه عليها وسرحان فيها
سمر :- يالاخو ما تقدر تطبعها ولا شلون؟
فهد انتبه لنفسه :- بالعكس أحنا في الخدمة
عطى العامل الموجود انه يطبع الأوراق والتفت عليها :- انتِ سمر
سمر وقلبها يدق(( يعني عرفني )) :- ايوه خير
فهد وهو مومصدق :- ابد كيف حالك
سمر مبسوطة :- تمام وأنت
فهد :- انا مبسوط لأنك تمام
سمر بلقافه :- وليه مبسوط لأني تمام
فهد وهو مرتبك وخايف من رده فعل سمر :- لأني أحب الخير لك
سمر أسمعت كلامه وهي فرحانة
فهد :- سامحيني على ذاك اليوم مو قصدي أشوفك كنت انتظر حمد
سمر :- لا عادي مو مشكله
فهد حس بارتياح من رد سمر :- كان الفستان عليكِ جنان
سمر استغربت (( يعني شافني عدل )) وبهدوء:- متى بتخلص الأوراق
فهد بسرعه:- انا احبك ياسمر وأحب أخوك حمد وأبي ادخل البيوت من أبوابها لو جيت خطبتك بتوافقيين
سمر دقات قلبها صارت سريعة وبسرعه:- أنت تقدم والله يسهلها
العامل عطى فهد الأوراق وفهد ماوده خلص بسرعة يبي يكلمها
سمر :- كم لكم
فهد مد الأوراق لـ سمر :- حقها واصل إن شاء الله
سمر :- مايصير هذا حقك
فهد :- المحل وصاحب المحل ملك كلمه منك ياسمر
سمر ارتبكت أخذت الأوراق وركبت السيارة وتفكيرها كله لـ فهد
وفهد عينه عليها لين مشت وفرحان انه أخيرا عرف أن سمر تبيه ولازم يكلم حمد وان شاء الله تصير من نصيبه
\\
//
حمد طلع مقهور من اللي صار و صار يفتر في الشوارع وزعلان على نفسه وعلى شجون
شجون على طول تتصل بـ حمد وهو ولا معبرها زهقان منها ومن نفسه
جاه مسج وفتحه(( حمد والله احبك وعصام يبيك تتركني هو خطبني وانا رفضته وقال لي قدام أبوي وأمي انه ماراح يخليني اتهنى معاك وبرجع له والله ماعندي وياه شي أنت بس اللي أحبه والله العظيم مااكذب ))
حمد حن عليها واتصل :- نعم ياشجون
شجون وهي تصيح بحرقه :- حمد مابي أفقدك ليه تسوي كذا انا احبك تبي تذبحني
حمد يسمعها وهو مقهور :- شجون خلاص سمعيني
شجون مسكت نفسها وعيونها تدمع وتسمعه
حمد :- شجون مابي عصام يشوفك سافره تغطي منه 0
شجون وهي تصيح :- إن شاء الله
حمد :- بس ارتب أموري مع أبوي وأبوك وأخذك لبيتنا وعصام لو أشوفك تكلمينه والله أسوي جريمة وأنتي السبب فاهمه
شجون :- حمد والله مالي ذنب ماابيه لو أبيه ليه أخذتك انت
حمد وهو صارم معاها :- خلاص بكي مايجيب راسي المشهد اللي تسوينه وحسابك عسير معاي ياشجون ماحد بيربيكِ من جديد الا انا 0
سكر الخط وحضنت مخدتها وهي تصيح بقوه(( والله مظلومة والله ياحمد))
\
/
\
عصام بس طلع من بيت عمه وهو مبسوط اتصل على شلته وعزمهم على شاليه ينبسطون هناك
يطالع في وجهه في المرايا ويشوف مكان ضرب حمد(( والله ياحمد مسوي عضلات علي اوريك مين عصام لأخليك تطلقها وتتعقد من الحريم طول عمرك ))
اتصل عمه عليه :- ايوه عمي
بو شجون :- وينك الحين
عصام :- عمي انا رايح البحر مع الشباب خير وش تبي
بوشجون :- اسمع ياعصام اللي سويته اليوم راح أرد عليه ومااخليك تهدم حياه بنتي وانا أتفرج
عصام :- بنتك إذا تركها اللي هي ماخذته انا مستعد أتزوجها وأعيشها في قصر وأخليها ملكه 0
بوشجون :- بنتي مو محتاجه لقصرك والحمد لله انا موجود أغرقها بفلوسي ولا أعطيها واحد صايع كل يوم له قصه حب مع بنت
عصام وهو معصب :- عمي قلت لك هذا ماضي أنساه أبي أعيش مع اللي اخترتها ليه تحاربوني وهذا حمد مايستاهلها
بو شجون :- يستاهلها ياعصام حمد مايلاحق في بنات خلق الله ولا يضيعهم معاه ولا كل يوم مطلعينه من قضيه مخله مع بنات 0
عصام وهو يسوق وقف على جنب :- ياعم قلت لك ماضي وخلاص مستعد اخلص لها ولا تشوفني مع أي بنت بس عطني بنتك
بوشجون :- بنتي صارت بأسم رجال كفو ’ سامع ابتعد عنها وخلها تعيش حياتها صح مع إنسان انا مرتاح انه أخذها مو إنسان مريض مثلك0
بو شجون سكر الخط وعصام عصب ورمى جواله في الأرض وبدا يضرب فيه برجله وهو معصب ويصارخ(( شجون لي ياعم فاهم شجون لي ماراح أخليها لـ حمد شجون لي ))
اخذ جواله ورماه بعيد وركب سيارته وبدا يصارخ(( شجون لي ))
\
/
\
حمد رجع البيت وهو معصب وبيدخل الا سمر نازله من السيارة مسكهاوهو معصب :- من وين جايه
سمر تبلع في ريقها خافت :- أخذت أوراق من صديقتي وطبعتها علشان أذاكر
حمد معصب :- مره ثانيه بتطلعين قولي لي وانا أسويهم لك وطلعه من البيت بدون شي مهم مافي فاهمه
سمر بدلع :- يمه خايفه منك هي أنت انا مكلمه أمي ومالك دخل فيني
حمد رفع أيده وعطاها كف ورماها على الأرض :- لي دخل وطلعي وشوفي من يكسر راسك
سمر منصدمه وخايفه انه شافها مع فهد تكلم علشان كذا ضربها وهي تصيح :- حمد والله ماسويت شي ليه ضربتني
حمد جلس في الأرض جنب سمر حضنها وهي تبكي :- أسف ياسمر مو قصدي أضربك
قومها من على الأرض وجلسها على الكنب وهي تصيح ومروه وهينازله شافت سمر تصيح وركضت لعندها وتكلم حمد :- شفيها سمر ليه تبكي
حمد ماعرف شيقول :- ماادري عصبت عليها وضربتها
مروه حضنت سمر :- حرام عليك ياحمد ليه ضربتها هي سوت شي غلط
حمد جلس جنب سمر ويمسح على راسها :- ماسوت شي بس انا معصب وطولت لسانها علي وبدون شعور ضربتها 0
مروه تسكت سمر وحمد ماقدر عارف نفسه انه غلطان بضربها وحبراسها :- خلاص دلوعتي إذا تبين ضربيني ولا أشوف دموعك
سمر وهي تمسح دموعها :- هئ هئ مابي أضربك
حمد وهو يطالعها :- بس مارضى اطلع غرفتي وسمر زعلانه
سمر وهي تدلع :- ومن قال انك بتطلع غرفتك
حمد :- ليه بتشكين علي عند الحكومة تراه الوالد يطردني يرضيك
سمر :- هئ هئ لا مايرضيني خلاص كيف بذاكر ونفسيتي تعبانه طلعني المطعم وإذا جيت أذاكر
حمد لاشعور منه ضحك عليها وقرص خدهاوسمر:- حمد مكان ضربتك توجعني
حمد وهو يضحك :- فديت الزعلانه عمري ما حد استغلني غيرك 0
سمر باعتزاز :- اجل تضربني واعديها لك لازم أخسرك علشان تعرف منهي سمر
حمد وكعادته :- لكم 10 دقايق إذا ماركبتو السيارة ثنتينكم مافي مطعم0
سمر ومروه بسرعة رتبوا أمورهم وطلعوا مع حمد للمطعم
\
\
شجون جلست وهي مصدعه من كثر البكي بعد اللي صار لها أمس غسلت وجهها وغيرت ملابسها ونزلت 0
الشغالة بس شافت شجون نازله :- في ورد حق أنتي
شجون طالعت في الورد وفي قلبها(( يارب من حمد ))أخذت الكرت وفتحته وبعصبيه قطعت الكرت ورمت الورد على الأرض وهي تدوسه
(( حقير ياعصام ماابيك الله لايوفقك يارب))
وهي معصبه الا بيد تمسكها وتلمها وتمسح على راسها :- شجون خلاص
رفعت راسها وشافته ومسكت فيه وهي تبكي :- حمد مابي عصام اكرهه يبيني أموت احبك ياحمد
حمد وهو يهديها :- ادري حبيبتي قال لي عمي كل شي
شجون مقهورة :- يعني مو مصدقني كنت
حمد وهو يبتسم عليها :- كيف مو مصدق حبيبتي مصدقك بس ماقدرت امسك أعصابي وعصام يطالع فيك وأنتي مو متغطية 0
شجون ومنزله راسها :- غلطت أهلي ماقالو لنا تغطوا كل شي عادي أهم شي تتحجبون
حمد رفع راسها :- يالله حبيبتي ندخل المطبخ نسوي لنا فطور
شجون طالعت حمد ودها تصيح :- حمد بدل ماتراضيني جاي تدخلني المطبخ
حمد وهو يضحك :- هههههههههه والله تبون تخسروني وخلاص أمري لله نروح المطعم نفطر
شجون وهي زعلانه :- طيب خلاص مابي أروح
حمد وهو يبتسم على حركتها :- يعني الحين أنتي زعلانه ومجبور أراضيك
شجون تهز براسها يعني :- أي
حمد بعناد قرص خدها :- بس انا ماراح أراضيك
شجون أنقهرت ومسكت يده :- يالله يالبخيل أسوي لك بيض أو فول وأسكتك
حمد سحبها لعنده :- وين زعلتي خلاص اليوم أفطرك بالمطعم وشهر كل يوم تطبخين لي
شجون يئست وجلست متكتفه :- ابرك لي اطبخ على عزومتك اللي وراها شهر كرف
جلس جنبها :- شوفي إذا تحبيني راح تتعملين الطبخ وكل شي 0
شجون وهي تبتسم :- احبك وأموت فيك والله بتعلم لك الطبخ
حمد ابتسم لها :- لك 10 دقائق ماتجهزين بتدخلين المطبخ ولافي مطعم0
شجون عطت حمد بوسه بخده :- قبل العشر ماتنتهي انا في سيارتك
حمد مبسوط من شجون وفي داخله شر لـ عصام لو قرب لزوجته0
\
/
\
/
فيصل جلس غسل وجهه وطلع يشوف وسن الا شافها مرتبه له الفطور ومتصلحه له لابسه وحاطه الكحل وغلوس احمر خفيف وهو منبهر :- متى كل هذا سويتيه
وسن بدلع :- عادي وصيت جارتنا ترسل لي ولدها كتبت له قائمه وجابها لي مو أحسن من أكل المطاعم والجبن والمربى
جلس على الطاولة ويطالع في الفطور:- أكيد لأنه من أيد حبيبتي
وسن تخصرت :- اسمع بس لاتدلل كثير تراني مابظل طول عمري ادلع في بابا
فيصل وهو يضحك قرب منها :- طيب يابابا تعالي أكلي 0
مسك أيدها وجلسها على الكرسي وسحب كرسيه جنب كرسيها :- سمعي
بتقولين بابا فيصل ماراح ازعل تدرين ليه
وسن وهي تبتسم :- ليه
فيصل وهو يطالعها :- لأنها تطلع حنونة وشفافة من شفايفك وأحس يوم تقولينها إني بابا فيصل وزوج وسونه وأخوها وحبيبها 0
وسن استحت من كلامه :- فيصل أهم شي تعرف أني احبك وتعلقت فيك
فيصل :- وانا بعد وزواجي منك يالغاليه أحسن شي سويته بس ياريت الوالد الله يهداه يشوفك بعيوني
وسن وهي فرحانة من كلامه :- إن شاء الله فيصل اشتقت لأهلي
فيصل :- لو تبين نحجز ونرجع لهم
وسن :- ودي بس خايفه
فيصل :- ليه خايفه
وسن :- أخاف نرجع للزعل والصراخ وأخاف أبوك يسوي لنا شي
فيصل :- أي شي بيقول طلق بقول له أسف وبيزعل وبيرضى وبعدين الحين لنا أسبوع ونص نخلص باقي الأسبوع وارجع للدوام يعني خلينا نستمتع والباقي خليها على الله
وسن :- والنعم بالله يالله مد أيدك أكل
فيصل :- انتظر حبيبتي تأكلني
وسن بدلع :- بس هذا طيب اللي تامر فيه بنفذه لك بس تبيني أعطيك الأكل يا بابا فيصل 0
فيصل ضحك على كلام وسن وهو مبسوط عليها وعلى حركات الدلع اللي تسويه حسن انه إنسان ثاني وكل المشاكل اللي صارت لهم مابعدتهم لأنها مكتوبة له زوجه و حبيبه إلى الابد0
\
\
\
عصام معصب بعد ماجا من الشاليهات هو وربعه وبعد ماعطاه أبوه محاضره في احترام حرمات الناس وأولهم بنت عمه حس انه يبقى يذبح حمد ويفتك منه بس كيف ؟
جلس يفكر ويفكر وأول شي فكر فيه كيف يخلي شجون تكره حمد
رفع جواله الجديد واتصل على شجون :- الووو
شجون :- الو
عصام :- كيف حال الحبيبة
شجون معصبه :- لك عين تتصل فيني بعد اللي سويته
عصام وهو رايق :- أي بنت عمي وليكون ماتبين تكلميني خايفه منه
شجون :- انا مااخاف من احد وهو زوجي مو أي احد بس مابي اكلم واحد مثلك
عصام ولا كنه سمع منها شي :- حبيبتي أنتِ لي موله وماراح يستمر زواجكم هي فتره وتعدي وبتزوجك سامعه
شجون وهي منقهره :- عصام ابتعد عن حياتي مااحبك ليه تبي تجبرني عليك يااخي حس وحده تكرهك تقول لها أبي أتزوجك
عصام :- سمعي ماعرفتي عصام انا جبت راس اللي أحسن منك واقدر بعد أجيبك وأنتي راضيه 0
شجون خافت منه :- وش قصدك عصام
عصام :- العناد اللي فيكِ بروضه بالطيب أو بالغصب وإذا على حمد انسيه ولاتخليني أسوي فيه شي تندمين عليه طول عمرك سامعه ياحلوة
شجون دمعت عينها :- عصام ابتعد عن حمد ترى والله أذبحك سمعت بذبحك
عصام وهو معصب :- تذبحيني علشان واحد مايسوى طيب ياشجون بكره راح تعرفين عصام وش راح يسوي0
سكر الخط وهو متضايق ويسب ويشتم في حمد وشجون وكله شر لهم
\
/
\
/
ياترى ماذا سيحصل من أحداث بعد رجوع فيصل ووسن؟
عصام بينفذ تهديده وشجون وش موقفها من عصام؟؟؟
فهد وخطوبته من سمر وهل أبوهـ بيوافق عليها ؟؟
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
((الجزءالثاني والعشرون))
عصام معصب بعد ماجا من الشاليهات هو وربعه وبعد ماعطاه أبوه محاضره في احترام حرمات الناس وأولهم بنت عمه حس انه يبقى يذبح حمد ويفتك منه بس كيف ؟
جلس يفكر ويفكر وأول شي فكر فيه كيف يخلي شجون تكره حمد
رفع جواله الجديد واتصل على شجون :- الووو
شجون :- الو
عصام :- كيف حال الحبيبة
شجون معصبه :- لك عين تتصل فيني بعد اللي سويته
عصام وهو رايق :- أي بنت عمي وليكون ماتبين تكلميني خايفه منه
شجون :- انا مااخاف من احد وهو زوجي مو أي احد بس مابي اكلم واحد مثلك
عصام ولا كنه سمع منها شي :- حبيبتي أنتِ لي موله وماراح يستمر زواجكم هي فتره وتعدي وبتزوجك سامعه
شجون وهي منقهره :- عصام ابتعد عن حياتي مااحبك ليه تبي تجبرني عليك يااخي حس وحده تكرهك تقول لها أبي أتزوجك
عصام :- سمعي ماعرفتي عصام انا جبت راس اللي أحسن منك واقدر بعد أجيبك وأنتي راضيه 0
شجون خافت منه :- وش قصدك عصام
عصام :- العناد اللي فيكِ بروضه بالطيب أو بالغصب وإذا على حمد انسيه ولاتخليني أسوي فيه شي تندمين عليه طول عمرك سامعه ياحلوة
شجون دمعت عينها :- عصام ابتعد عن حمد ترى والله أذبحك سمعت بذبحك
عصام وهو معصب :- تذبحيني علشان واحد مايسوى طيب ياشجون بكره راح تعرفين عصام وش راح يسوي0
سكر الخط وهو متضايق ويسب ويشتم في حمد وشجون وكله شر لهم
\
/
\
ام فيصل فرحانه وتنظيف وتعديل في شقه فيصل دخلت مضاوي :- خاله تحتاجين مساعده
ام فيصل :- لايامضاوي الحمدلله قربنا نخلص
مضاوي :- الله يعطيكِ العافيه0
مضاوي ودها ام فيصل تغفل عن أي شي تقدر تاخذه ماعرفت وفي داخلها(( والله يافيصل ماودي اضرك بس ابوي الله يهداه بالرغم اني كنت ودي اسوي لزوجتك أي شي بس والله مالها ذنب ويارب يهدي ابوي ولايضرك لاانت ولا زوجتك انا ماراح اخذ شي وابوي يسوي اللي يبيه ))
مضاوي قامت تساعدهم ونست أي فكره انها تضر فيصل او وسن 0
ام فيصل :-تعبناكِ معانا يامضاوي
مضاوي :- ابد ياخاله اخدم اخوي بيعيوني
ام فيصل وهي مبسوطه انها غيرت اسلوب مضاوي :- وش رايك نطلع نشتري هدايا واشياء لنا لان فيصل قال بيوصل من المطار المغرب
مضاوي وهي مبسوطه :- اللي تشوفينه خاله0
ام فيصل :- يالله جهزي نفسك الحين طالعين0
مضاوي هزت راسها بفرح وطلعت من شقه فيصل علشان تجهز0
/
/
/
عصام وهو يشفط من سيجارته بغضب(( انا ياشجون ترمين الورد اللي ارسله لك ماعاش اللي يذلني ياشجون والله لاخليكِ تحبين ايدي علشان اتزوجك)))
اتصل على محل الورد :- الو ارسل اليوم سله ورد وفيها دبدوب وبطاقه اكتب فيها مع كل الحب عصام
سكر الخط ووقف ويكلم نفسه(( يالله الحين جا وقت ازورك في البيت ياشجون))
وطلع من مكتبه وكله حقد لشجون 0
/
\
/
\
شجون تعودت خلال اسبوع كل يوم حمد يجيها الصبح او الظهر يدخل يعلمها الطبخ وامها تضحك عليهم 0
بس اليوم حمد اتصل عليها انه مايعرف يجي لانه عنده ترتيبات مع ابوه ومايقدر يتركه لوحده 0
نزلت تحت مبسوطه ونفس الطريقه شافت الورد ودبدوب من عصام اخذته وعطته الشغاله :- ارميه زباله
والتفتت الا عصام واقف ومتكتف ويبتسم بسرعه بتطلع الا وقف بطريقها :- احلى حاجه ان عمي وزوجته على طول مشغوليين 0
شجون وهي معصبه :- حرام عليك ابتعد
عصام :- وطالعه قمر بدون حجاب ياشجون
شجون وهي تبكي :- حرام عليك المفروض تستأذن البيوت لها حرمه
عصام وهو يمسك ايدها بقوه :- أي حرمه انتي بنت عمي
شجون وهي تبي تفلت ايدها منه :- والله اللي تسويه حرام واذا بنت عمك حرام تشوفني كذا وماتخليني اتغطى منك واترك ايدي والله حرام0
عصام وهو يضحك :- والله التخلف اللي في حمد نقله لعقلك
شجون ماقدرت تفلت ايدها :- عصام انا بنت عمك استحي من اللي تسويه
عصام شاف دموعها وهو يبتسم :- تجننين وانتي ضعيفه 0
شجون وهي تتماسك :- اسمع ياعصام والله اذبح نفسي ولا اصير زوجتك حتى لو تركني حمد فاهم 0
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك