رواية ليت مشاعرنا مثل أسامينا ماتتغير -22
عصام وهو يمسك ايدها بقوه :- أي حرمه انتي بنت عمي
شجون وهي تبي تفلت ايدها منه :- والله اللي تسويه حرام واذا بنت عمك حرام تشوفني كذا وماتخليني اتغطى منك واترك ايدي والله حرام0
عصام وهو يضحك :- والله التخلف اللي في حمد نقله لعقلك
شجون ماقدرت تفلت ايدها :- عصام انا بنت عمك استحي من اللي تسويه
عصام شاف دموعها وهو يبتسم :- تجننين وانتي ضعيفه 0
شجون وهي تتماسك :- اسمع ياعصام والله اذبح نفسي ولا اصير زوجتك حتى لو تركني حمد فاهم 0
عصام بس سمع كلامها سحب ايدها بالقوه ورماها على الارض وبتحدي كلمها :- وحمد مستحيل بيتزوجك ياشجون اذبحه ولا اخليكِ تاخذينه
شجون بس سمعت كلامه انه بيذبح حمد :- اسمع انا اللي بذبحك
وقفت ودخلت المطبخ واخذت سكين وطلعت له وبترفع السكين الا يد مسكتها واخذت السكين
التفتت شافت ابوها :- يبا يبي يذبح حمد ابي اذبحه وارتاح
ابو شجون :- بأي حق تدخل بيتي بدون اذن
عصام :- من متى نستأذن لما ادخل بيتك ولا هذا افكار الغبي حمد
ابوشجون مسك بدله عصام وهو معصب :- اسمع انا ماعندي الا بنت وحده ولو اشوفك تدخل بيتي وانا مو موجود والله ياعصام انا اللي اذبحك فاهم ويالله زيارتك انتهت0
عصام :- تطردني من بيتك علشان واحد مايسوى
بوشجون رفع ايده وعطاه كف:- حمد متربي مو مثلك حتى حرمه بيت عمك ماصنتها
عصام وهو معصب مسك خده و طلع من بيت عمه وهو يتوعد فيهم0
التفت على شجون وهي تبكي :- وانتي ليه مو متغطيه ماسمعتي زوجك وش قال تتغطي من عصام0
شجون وهي تبكي :- هو دخل بدون استئذان ومنعني اخذ الغطا 0
بوشجون حن على بنته ومسح دموعها وحضنها :- لاتخافين والله ماراح اتركك 0
شجون تمسكت في ابوها وهي تبكي بحرقه على اللي صار0
\
/
\
/
مضاوي وام فيصل جالسيين ينتظرون وصول فيصل ووسن بالسلامه وام فيصل مبسوطه برجعه ولدها لها وهم بالصاله دخلت وسن وفيصل بس شافتهم ام فيصل وعلى طول عينها دمعت
فيصل حضن امه وحب راسها وسلم على مضاوي
وسن حضنت عمتها ومضاوي وسلمت عليهم وجلست وهي مبسوطه :- والله عمه اشتقت لكم حيل
ام فيصل وهي تطالع فيصل :- ليه فيصل ماريحك ومشاكِ 0
فيصل وهو فاهم حركات امه :- وليه ابسطها رايحين المدينه صلينا بمسجد الرسول ( ص ) كل يوم وتمشينا بالاسواق بس ماعندنا لها شي0
وسن تتلزق بعمتها :- شفتي عمه اعترف بلسانه
ام فيصل :- لا يافيصل مالك حق الا وسن لازم تدللها
التفتت على وسن :- انتي غلطانه المفروض اتصلتي وقلتي ليه اصلا كم ولد عندي واحد وزوجته هي اغلى وحده ولا وبنت اخوي الغالي كان شفتي وش سويت فيه0
وسن وهي تتمسكن :- أي عمه صار وخلاص جينا وهو حارمني من كل شي0
ام فيصل صدقت وهي زعلانه اشرت على فيصل:- فيصل قوم معاي للحديقه0
وسن مدة السانها على فيصل وهو بيمشي ورى امه اشر بايده عليها يتوعدها وهي تضحك عليه0
وسن كسر خاطرها فيصل لحقت عمتها :- عمه لاتصارخين عليه تراني امزح 0
ام فيصل وهي تضحك :- أي ادري بس هم ابي اكلم فيصل والا هذا يزعلك0
وسن وهي مستحيه من عمتها :- بالعكس عمه حقك مااقدر امنعه 0
فيصل يطالع في وسن وهي مستحيه ويضحك عليها حست فيه وسن بس ماتبي تقول شي ورجعت عند مضاوي0
ام فيصل تكلم فيصل :- كيف احوالك يافيصل مع وسن
فيصل ابتسم لامه واخذ ايدها وحبها :- يمه احلى عروس جبتيها لي لو الف الدنيا كلها يايمه ماراح القى مثلها في الحنيه والحب تدرين انتي احلى ام في الدنيا 0
ام فيصل دمعت عينها من فرحها بكلام فيصل فيصل شاف دموع امهحضنها وجلسها مسح دموعها وحب راسها :- يمه دموع انا الحين جاي افرحك او ازعلك0
ام فيصل وهي تبتسم :- دموع الفرح ياولدي0
فيصل جلس مع امه يسولف لها وهي مبسوطه حاسه انها ملكت الدنيا بوجوده جنبها0
/
\
/
\
فهد مبسوط ان فيصل بيرجع وبيكلمه عن سمر وبيروح وياه يخطبها لانه عارف ان ابوه ماراح يكون معاه0
دخلت ريم :- فهد وش فيك تتبسم ليكون صرت مجنون
فهد وهو يبتسم :- جني يضربك ان شاء الله 0
ريم وهي معصبه :- ليه تدعي عليه 0
فهد:- الحين انا ابتسم ليش تدخلين فيني0
ريم :- شسوي زهقانه مضاوي من راحت عند فيصل وانا جالسه وحيده انت بالمكتبه والشركه وانا جالسه لوحدي بالبيت0
فهد يضحك :- ههههههههه اللي يسمعك يقول مضاوي تسولف وتضحك معانا0
ريم :- ولو بس اتخانق معاها اراددها أي شي احد معاي مو الجدران0
فهد :- تعالي جلسي معاي نتكلم0
ريم جلست جنبه :- هذا اللي قدرت بس تبيني للسوالف0
فهد ضحك عليها وقرص خدها :- زهقانه وماتبين تتكلمين صح
ريم وهي منزله راسها :- أي زهقانه0
فهد رفع راسها وشاف دمعه نازله من عينها حضنها :- ليه الدموع بس علشان مضاوي مو معانا0
ريم :- هئ هئ والله بموت من الطفش 0
فهد وهو يمسح على راسها :- حبيبتي ريم قومي لبسي عباتك نطلع نتمشى وناكل عشانا بالمطعم0
ريم رفعت راسها :- اخاف ابوي مايرضى0
فهد وهو يبتسم :- ولا يهمك اخذ الاذن علشانك لو علي انا ماكلمته
ريم :- للحين زعلان منه وماتكلمه
فهد وهو زعلان :- ابوي تمادى بغلطه واحنا عارفين وساكتين يظلم فينا عياله بس يضر الناس ويتسلط عليهم ماراح نسكت0
ريم :- لاتهتم مرد الله بيهديه ويرجع احسن من اول0
فهد وهو يبتسم :- سمعي اذا ماجهزتي بسرعه بتراجع وبتجلسين بالبيت
ريم وهي مبسوطه :- دقايق على ماتكلم ابوي وتاخذ الموافقه منه
فهد كلم ابوه وهو ماوده وقال له انه بيطلع مع ريم للمطعم ووافق
بوندى وهو يتأفف :- الحين اللزقه كل يوم راز وجهه عندنا
ام ندى وهي تضحك :- ههههههههههه شفيك عليهم مايكفي معند واخرت زواجهم 0
بوندى :- معند بسبتهم ليل ونهار ادخل الا اشوفه وفي الشغل بالجوال يسولف ماادري شيتكلمون عليه طول الوقت سوالفهم ماتخلص 0
ام ندى وتطالع بوندى بنص عين :- ليه كانك ماسويت مثلهم 0
بوندى ضحك على كلامها :- هههههههههه احنا غير راكزين حدنا تغمز وكلام اما هم جلسي معاهم يدها في يده حاط يده على كتفها لو انا بعد مو معاهم كان شفتيها بحضنه عيال هالايام ضايعين0
ام ندى وهي تبتسم :- تكفى عطهم نفس بس يتنفسون ولاتجلس بالوسط بينهم 0
بوندى وهو يهز في راسه :- بس على شانك تعالي وسن متى توصل ؟
ام ندى :- بكره بالكثير لاتحاتي بترجع وهي مبسوطه
بوندى وهو زعلان :- كيف مااحاتي طول مابوفيصل موجود ماراح يتضرر الا وسن وفيصل0
ام ندى :- انت بس دعواتك لهم كل يوم اتصل عليها وتقول لي انها مرتاحه ومبسوطه وفيصل يعاملها باحترام0
بوندى :- الله يوفقهم هذا اهم شي انه يسعدها ويفرحها 0
/
\
/
\
وسن تسولف مع مضاوي ومضاوي تعلمها انها اختبرت زين بس تستنى النتائج الا فيصل ماسك امه ويضحكون 0
وسن وهي مبسوطه :- اشوف انقلب من تأنيب الى ضحك وسوالف
ام فيصل :- مااقدر عليه بس اشوف وجهه ارضى عليه بسرعه0
فيصل رفع يده وهو يطالع وسن يبي يحرها :- فديتها القمر اللي ترضى علي0
مضاوي تتسبب بوسن :- شكلهم اتفقوا ضدك الله يعينك0
وسن ابتسمت :- أي عليهم بالعافيه اجل عمه نامي مع ولدك وانا مع مضاوي علشان تاخذون راحتكم0
ام فيصل تضحك :- هههههههههه الغيره اشتغلت انا امه عقلي0
وسن تقرب من عمتها وتحب راسها :- أي ادري عمه اجازه زوجيه0
فيصل مسك اذن وسن :- اجازه انا ادور ايام اجلسها معاكِ وتقولين اجازه زوجيه مافي فكه مني فاهمه 0
وسن بدلع :- فيصل وش فيك والله امزح تدري مااستغنى عنك انا 0
فيصل مبسوط :- أي ادري واثق من نفسي0
مضاوي تطالع ومستغربه :- خاله قلبوها غراميات طرديهم ترى عندكم بنت مو متزوجه عيب0
ضحكوا على كلامها وام فيصل :- يالله اخذ زوجتك واطلع شقتك ارتاح
والمغرب نصحيكم0
فيصل يبتسم :- أي والله ابي ارتاح من بعد الطرده والتنغز بالكلام من الاخت الله يعينا نخلي مشاعرنا فوق في الشقه واخناقنا نجيبها عندكم0
مضاوي استحت :- فيصل والله ماقلت شي تعلق علي0
فيصل يضحك :- هههههه لا ماقلتي شي بس انا التعب ذابحني
اشر على وسن وصعدوا شقتهم يرتاحون0
\\
//
حمد بس خلص شغله اتصل على شجون :- هلا شجون كيفك حبيبتي
شجون كانت تعبانه وباين على صوتها:- هلا حبيبي حمد
حمد حس من صوتها انها فيها شي :- حبيبتي زعلانه لاني اليوم ماجيتكم والله عندي شغل
شجون دمعت عينها وبان على صوتها الضيقه :- لاتحاتي حبيبي بس تعبانه شكلي بمرض يمكن برد 0
حمد :- خلاص اجيكم واخذك المستشفى0
شجون :- لا حمد خليت الشغاله تسوي لي عصير برتقال لاتتعب حالك
حمد :- خير ان شاء الله يالله مع السلامه
شجون :- الله يسلمك
بس سكر التلفون حمد الا وشجون انهارت بكي ومو متحمله اللي يسويها فيها عصام وماتبي تخسر حمد تحبه وخايفه من الجاي0
تتقلب في سريرها ودموعها مبلله المخده الا بضربه الباب مسحت دموعها :- ايوه تفضل
دخل حمد وفي يده بوكيه ورد ودبدوب كبير 0
تفاجأت وضحكت على حركته وهو شايل الدبدوب:- تقول انك مشغول وفي الشغل0
التفت عليها وهويبتسم :- وانت ِ تقولي مزكمه وبرد والعيون منتفخه من البكي ليه خايفه اتركك وبعدين قلت ابي افاجئك
شجون وهي تمسح دموعها :- لا بس اشتقت لك 0
حمد جلس بطرف السرير مسك ايدها وباسها :- فديتها اللي تشتاق لي
شجون استحت :- ليه كلفت على عمرك دبدوب كبير صغير وبس
حمد ضحك على كلامها :- الحين متعني جايب لك دبدوب حلو وتقولين اجيب صغير خلاص ولاتزعليين اخذه واعطي سمر احسن على الاقل بتقول لي شكرا0
شجون نطت من مكانها وتمسكت في الدبدوب :- لا ياشيخ هذا لي تعطيه اختك 0
حمد ضحك بقوه :- ههههههههههه أي خليكِ قويه وتمسكي بحقك الدبدوب لك واللي شراه بعد لاتخافين0
شجون بدلع :- أي بتمسك فيه وفيك وكل شي منك غالي0
حمد بفرح طالع فيها :- شجون حبيبتي وش صاير يخليكِ تبكين0
شجون دمعت عينها ومسكت يد حمد :- حمد لاتتركني لعصام ابيك لاتتخلى عني 0
حمد بتوتر:- ليه عصام سوى شي غير ذاك اليوم
شجون خافت :-0 لا بس مابيك تتخلى عني بسبته 0
حمد ارتاح :- لاتخافين وان شاء الله جالس ارتب لشي يرضيكِ يالغاليه0
حمد مسك ايد شجون الا بدخله ابو شجون :- ياسلام غراميات وفي غرفه النوم 0
حمد فز بسرعه وهو مرتبك واستحى من ابوشجون :- لا والله ياعمي بس شجون تعبانه خفت عليها جيت ابي اقنعها تروح الطبيب
شجون تطالع في ابوها :- دادي لاتعقدها0
ابوشجون يضحك على حمد :- ههههههههههههه يالله ياحمد شجون نفسيتها تعبانه اخذها روح معاها سوق مطعم اهم شي تغير جو0
شجون وعينها لأبوها وكلها امتنان وقفت واخذت ايد ابوها وحبتها وحضنته :- شكرا دادي 0
بوشجون خربط في شعرها :- يالله تجهزي زوجك ينتظرك
التفتت على حمد وهي تبتسم وتمسح دموع طايحه من عينها :- دقايق وانا جاهزه 0
حمد وهو يبتسم لها :- انا انتظرك تحت مع عمي 0
هزت راسها برضى وطلع حمد وابوها من غرفتها وهي مبسوطه ان الامور عدت على خير0
\
/
\
وسن تصحي في فيصل :- حبيبي يالله اصحى المغرب اذن وانت نايم 0
فيصل يتغطى بالبطانيه وهو يتأفف وسن سحبت منه البطانيه :- فيصل يالله ترى بروح مع السواق بيت اهلي وبكيفك 0
فيصل نط وهو يحك شعره :- يعني اهلك موجودين ماراح يطيرون انتظري شويه وانا اوصلك وانا قايل طلعه مع سواق مافي فاهمه 0
وسن متكتفه وزعلانه رفع راسه شافها متصلحه ومتجهزه للطلعه ابتسم بخبث :- تعالي جلسي جنبي نتفاهم لاتزعلين
جلست جنبه وهي تحرك في شعرها اللي حاطته على جنب :- وش نتفاهم انت قلت المغرب بنروح نفاجأهم0
فيصل وهو يبتسم :- أي ماانكرت بس انتي مستعجله وبعدين اشوف القمر متصلحه كل هذا لبيت اهلك
وسن وهي تدلع :- أي وش فيها عادي0
فيصل يطالع فيها من فوق لتحت :- وحده لابسه تنوره لفوق الركبه ضيقه وحازمه شريط في وسطها لبيت اهلها 0
وسن وقفت تستعرض له :- أي وش فيها انت قلت بيت اهلي 0
فيصل وهو يبتسم :- بدل ماتستعرضين لي روحي غيري اللي عليك مافي طلعه لبيت اهلك بهذي التنوره
وسن انقهرت منه :- فيصل شفيك كل شي ممنوع لاتصير كذا0
فيصل وهو يبتسم :- حبيبتي انا اغار عليكِ حتى من أهلك روحي لبسي لك بنطلون تنوره طويله ماعندي مانع ملابس مثل هذي البسيها بالبيت لي 0
وسن عصبت :- فيصل وش فيك كل مره بتسوي لي سالفه على ملابسي 0
فيصل تجاهلها قام من السرير وهي تطالعه وهي مغيوضه :- فيصل حبيبي يالله وش فيك 0
فيصل التفت عليها :- شكلك تبيني ازعل ولا في طلعه
وسن زعلت وطلعت من الغرفه وجلست في الصاله شغلت التلفزيون على اذاعه المجد القرأن وطولت عليه بالقوه وجلست0
فيصل غسل وبدل ملابسه وطلع وشافها جالسه جلس جنبها وحط ايده على كتفها شالت ايده والتفتت عليه :- نعم خير وش تبي ؟
فيصل تمدد ولاهامه شي :- ابد حبيبتي ابي سلامتك0
وسن باين عليها الزعل :- فيصل مشتاقه لأهلي0
فيصل ولامهتم اخذ الرموت وقصر على الصوت :- انا ماعندي مانع بدلي ملابسك وانا جاهز0
وسن قربت منه بدلع :- فيصل حبيبي وحياتي انت تكفى لاتعاند0
فيصل التفت عليها بحنيه :- حياتي حسي فيني ماامانع انك تلبسين احلى لبس بس مو مثل كذا تطلعين فيه قدام الناس
وسن بسرعه :- اهلي مو أي ناس
فيصل وهو يحرك في شعرها :- حياتي انا عارف هذا الشي بس احب اني اتميز عن غيري حقي اولا ؟
وسن استحت منه وبحيا :- الا لك الحق والحين بلبس بنطلون جينز ممكن؟
فيصل ابتسم وحضنها بحب :- حبيبتي انتِ يالله جهزي وانا انتظرك تحت0
وسن قامت وهي مبسوطه 0
\
/
\
/
ام ندى جالسه بالصاله تهدي في بوندى :- يارجال انت السبب قلت لك نزوجهم وخلاص انت وعنادك لازم شهرين 0
بوندى:- قاهرني مايفك لو اجلس بالنص بينهم عادي كاني مو موجود0
ام ندى :- ههههههههه ياحليلك وانت معصب
بوندى :- تكفين الحين مبسوطه اني معصب0
ام ندى :- أي مافيها شي بدل ماتعصب حس فيني واجلس قول لي كلام حلو0
بوندى ابتسم لها ومسك ايدها وعطاها بوسه في ايدها الا صوت احد يصفر ويشجع التفتو الا وسن واقفه :- اشوف الحلوين جالسيين يتغازلون فرصه ماحد يعكر جوهم 0
ام ندى باستغراب :- وسن عيب هالكلام
بوندى وقف وعلى طول مسك اذنها :- متى وصلتو وليه دخلتي بدون اذن 0
وسن مسكت ايد ابوها الثانيه :- آه يبا جايه افاجأكم وصدتكم بالجرم المشهود ومايحتاج استأذن البيت بيتي0
حبت يده وهو على طول حضنها :- حمدالله على السلامه0
ام ندى حضنت وسن ودموع من عينها :- هلا يمه حمدالله على السلامه كيفك زينه انبسطتي0
بوندى :- اشوي اشوي عليها الحين تجاوب على اسئلتك 0
وسن :- يمه انا مبسوطه اني وصلت اشتقت لكم بالحيل0
الا بصوت فيصل :- اقدر ادخل والا ماتبوني0
بوندى :- افا نسيناك والله تعال مافي احد يتغطى منك0
فيصل حب راس عمه وعمته وهو مبسوط :- والله وسن جننتني عليكم كل يوم خلنا نرجع ابي اشوف اهلي اشتقت لهم0
بوندى :- اجلس وارتاح أكيد مابسطتها ومشيتها
وسن :- أي يبا قول له 0
فيصل وهو يطالع في وسن :- افاااااااا انا مامشيتك وضايقتك0
بوندى يضحك :- لوانك مرتبها عدل كان نستنا بس يالله انتو عيال هالايام ماتعرفون كيف تنسون حريمكم اهلهم0
وسن تضحك على فيصل ومتشمته:- أي علمه يبا كيف يغازل زوجته مثل ماصدتكم الحين وانت تغازل امي0
بوندى طالع في وسن :- شالكلام هذا عيب صج ماتنعطون وجهه
فيصل طالعها بشماته :- قوم بس يخال نجلس لوحدنا ونخليهم لوحدهم 0
بوندى وهو مغيوظ:- اه يافيصل عندنا اللزقه ولد خالك كل يوم راز وجهه عندنا0
وسن وهي مبسوطه :- يعني ندى مع منصور لوحدهم
ام ندى :- أي من العصر وابوكِ يبي يتسبب فيهم0
وسن :- هههههههه والله ندى موسهله0
بوندى :- اللي قاهرني كل ماقلت بدخل امك امنعتني 0
فيصل يتسبب في بوندى :- أي شنسوي حرام علينا حلال على غيرنا0
بوندى :- اشوف انقلبت معاهم لاتخلوني ادخل عليهم الحين واقول له ماعندنا بنت لك0
فيصل وهو يبتسم :- لاحرام خال تخرب على منصور مايستاهل 0
وسن وهي تضحك على ابوها شكله عصب :- لايبا اجلس مشتاقه لك خلهم ينبسطون والتفت على اللي جنبك ودرسه من دروسك السنعه0
فيصل وهو يضحك :- مين يدرسني انا الحين اخذ خالي وادرسه بس المشكله اخاف من شي واحد
ام ندى وهي تضحك:- وشو هذا الشي
فيصل وهو يضحك :- اخاف يقول يبي يتزوج بنت صغيره ويجدد شبابه0
ام ندى خافت :- لاالله يستر عليك انت وبنتي خلو زوجي لي وتيسرو بيتكم ارتاحو0
بوندى وهو يضحك:- الله بتطردينهم علشان خايفه اني بتزوج ’لاتحاتين مابي ابدل القمر بنجوم0
ام ندى استحت وفيصل ووسن يضحكون على كلامهم انتبه بوندى لهم :- وش فيكم تتبسمون وتضحكون قم فيصل المجلس وانتي اتصلي على اختك خلي الحلو يجلس معانا ماشبع منها من العصر مابقى الاينام0
وسن تضحك على كلام ابوها وفيصل قام مع خاله وهو ميت ضحك على كلام خاله وتسببه في منصور0
ام ندى كلمت بنتها ومنصور طلع للمجلس وندى استلمت وسن وقضوها ضحك ووناسه لين طلعو من بيت بوندى الى شقتهم0
\
/
\
/
بوفيصل جالس يفكر وخصوصا يوم فيصل اتصل عليه وقال له عن وصوله من المدينه وانه يمكن يجيهم زياره 0
مسك ريم :- سمعي جا اخوكِ من السفر
ريم انبسطت :- صحيح يبا0
بوفيصل وهو متضايق :- اكيد فرحانه مو انتي معاهم من البدايه0
ريم وهي خايفه :- هم ماضروني بشي علشان اكرههم0
بوفيصل :- طيب سمعي اتصلي على اخوكِ تحمديله بالسلامه وخلي زوجته تجي معاه0
ريم مبسوطه :- أي صار يعني مافيها شي تجي وسن معاه0
بوفيصل :- لا مافيها شي بالعكس هي زوجه ولدي ومانقدر الحين نمنعها عنا0
ريم انبسطت :- خلاص الحين ادق عليه واكلمه وان شاء الله خير0
طلعت من عنده وهو مبسوط وفي داخله(( هين ياوسن لما خليت فيصل يكرهك وانا اتشمت عليكِ وعلى ابوك مااصير بوفهد))
\
/
\
/
فهد مستانس لانه فيصل قرب يرجع ويبي يكلمه علشان زواجه من سمر وهو سرحان الاسمع صوت حمد :- هاابو الشباب مو معانا0
فهد :- هلا حمد كيفك
حمد :- فهد وش فيك ليه دايما فكرك مشغول ومو على بعضك
فهد وهو يبتسم :- ابد والله مشاكل ولايهمك 0
حمد وهو يجلس على الكرسي :- الاخت تدور الهم خلصت الاختبار تقول تبي كتب تتسلى 0
فهد بس سمع الاخت ابتسم وقلبه يدق بسرعه :- أي بالعكس الكتب اكبر تسليه0
حمد وهو يتأفف :- وش فيك فهد في نت كل شي موجود فيه0
فهد وهو يهز راسه :- الكتاب احسن صديق من النت ومشاكله0
حمد :- فهد ابي اكلم حبيبتي توني راجع من المطعم وصلت البيت الا استلمتني الاخت هناك تدور في الكتب لاتقصر معاها ها0
حمد طلع من المكتبه يكلم شجون وفهد استقل الفرصه يبقى يكلم سمر
وسمر وهي حايسه بالكتب وتتأفف الا سمعت صوت فهد :- منوره المكتبه ياسمر
سمر قلبها يدق بسرعه وخايفه حمد يشوفها وهي تتلفت قال فهد:- حمد طلع يكلم زوجته0
سمر وهي مرتبكه :- انا جيت ادور لي قصص اتسلى فيهم0
فهد وهو مبسوط لهدوئها وربكتها :- أي في قصص اللي تبينها بس اهم شي لاتتأثرين منها0
سمر ارفعت عينها وشافته يطالع فيها استحت :- طيب يالاخو جهز لي مجموعة حلوه على ذوقك
فهد :- افاااااااااااا الحين انا يالاخو طيب قولي يالحبيب
سمر بشقاوتها :- والله ومن متى؟
فهد اغتاظ :- سمر تكفين لاتسوين كذا انا احبك وموطالب شي بكره يجي فيصل بالسلامه وانا على طول ببيتكم جاينكم خطاب0
سمر ارتبكت : - طيب يالحبيب عجل قبل يجي حمد جهز لي الكتب0
فهد سمع يالحبيب وانبسط :- فديتك ياسمر ماطلبتي شي0
سمر سمعت كلامه وعلى طول ابتعدت عنه كانه مو موجود لانها شافت حمد قريب من فهد
فهد استغرب لما شاف ايد حمد على كتفه :- ها اختارت الاخت شي0
فهد وهو يتنفس بقوه :- كل ماطلعت لها كتاب تقول مو اهو اللي تبيه0
حمد التفت على سمر:- والنهايه ياسمر
سمر وهي تتأفف :- خلاص خلي صديقك يختار ويجهزهم انتظرك بالسياره0
حمد وهو يضحك عليها :- أي احسن مانبي نتعطل 0
سمر وهي مقهوره :- حميد لاتخليني اتشاكل معاك قدام صديقك-
حمد وهو ياشر :- ركبي السياره ابرك لك0
سمر وهي تتأفف طلعت وفهد اخذ الكتب وكتب رقمه في واحد من الكتب وعطاهم حمد وهو مبسوط0
\
/
\
/
وسن جلست بدري ورتبت الفطور لـ فيصل وهي مبسوطه انها بتفطره من ايدها بدون تدخل أي شغاله من شغالتهم في البيت0
دخلت غرفتها وتحرك في شعر فيصل بكل حنيه :- حبيبي فيصل اصحى0
فيصل ولا مهتم :- مابي اصحى ابي انام تعبان0
وسن وهي تتسبب فيه :- فيصل اليوم تأخرت الساعه ثمان0
فيصل سمع ثمان فز من سريره :- وليه ماصحيتيني الحين بسمع كلام يغث من رئيسنا بيقول تزوجت واختربت شيفكني من لسانه وتعليقاته 0
وسن وهي تضحك عليه :- هههههههههههههههههههه يالمسكين باالطيب ماتجلس لازم اتناذل علشان تصحى0
فيصل مااستوعب كلامها :- شقصدك مافهمت يعني مصحيتني متاخر نذاله0
وسن وهي تدلع وتطالع في اظفرها:- لا مو متاخر طالع ساعتك0
فيصل وهو مغيوظ رفع جواله وشاف الساعه 6 :- وسن يعني مخرعتني ومسويه مقالب من صبح الله خير0
وسن وهي تبتسم :- أي اصحي فيك وماتسمع لي قلت اقول الساعه 8 واكيد بتجلس بسرعه0
فيصل وهو يطالعها ويهز في راسه :- طيب يصير خير ياوسن0
اخذ المخده واشتغل فيها ضرب وهي تضحك :- لاحبيبي والله موقصدي
وقف وهويضحك على ضحكها :- طيب مردوده يا البزره0
وسن وهي زعلانه :- طيب هذي جزاتي اللي جالسه من الصبح ومصلحه لك فطور محترم 0
فيصل جلس جنبها :- وينه الفطور0
وسن بدلع:- غسل واطلع من غرفتك واتشوفه0
فيصل وابتسمته واضحه :- طيب الحين بجهز وبطلع0
وسن طلعت من الغرفه مغتاظه وتكلم روحها(( شفيه حتى شكرا الله يخليكِ لي ماقالها يالله اردها لك يافيصل ))
طلع فيصل وشافها جالسه على كرسيها وسرحانه حرك شعرها بأيده وحبها على راسها :- صباح الخير ياقمر
وسن بدلع :- صباح النور تو الناس 0
فيصل سحب كرسيه لجنبها وجلس :- زعلانه مني0
وسن وهي تدلع :- توك مهزئ فيني0
فيصل وهو يبتسم :- انا هزئتك ماعاش اللي يهزئك 0
مسك ايدها بحنيه وباسها :- تسلم ايدك حبيبتي والله تعبتي نفسك0
وسن ماكلمته وهو بعناد جلس متكتف :- ماراح اكل الا لين تأكليني بأيدك 0
وسن طالعت فيه وابتسمت :- لان اول يوم لك بالدوام ماراح اكسر بخاطرك 0
فيصل وهو يضحك :- فديتها حبيبتي القمر انا اموت فيكِ0
وسن فطرت مع فيصل وطلع يداوم0
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك