رواية ليت مشاعرنا مثل أسامينا ماتتغير -23
فيصل سحب كرسيه لجنبها وجلس :- زعلانه مني0
وسن وهي تدلع :- توك مهزئ فيني0
فيصل وهو يبتسم :- انا هزئتك ماعاش اللي يهزئك 0
مسك ايدها بحنيه وباسها :- تسلم ايدك حبيبتي والله تعبتي نفسك0
وسن ماكلمته وهو بعناد جلس متكتف :- ماراح اكل الا لين تأكليني بأيدك 0
وسن طالعت فيه وابتسمت :- لان اول يوم لك بالدوام ماراح اكسر بخاطرك 0
فيصل وهو يضحك :- فديتها حبيبتي القمر انا اموت فيكِ0
وسن فطرت مع فيصل وطلع يداوم0
\
//
\
/
عبدالله بس شاف فيصل وصل وعلى طول استلمه وفيصل يضحك على كلام عبدالله
فيصل :- اشوفك صرت متنان كل هذا بس خطوبه اذا تزوجت وش بتصير
عبدالله يضحك :- هههههههههه والله ماشاء الله بنت خالك اخلاق ومرتاح على الاخر0
فيصل :- الله يوفقكم اهم شي تسعدها وتسعدك 0
عبدالله بحماس :- والله من هذي الناحيه الحمدلله مبسوط للأخر واهلي مبسوطين منها وماشفت شي يغثني0
فيصل :- الله يوفقكم يارب 0
عبدالله :- آمين يارب الا قول لي شفت دكتور حامد جالس يعد متى تجي0
فيصل وهو يهز راسه :- اى والله جالس احاتي ماحد مخرب اجازتي الاهو معرس بس اسبوعين ويعد لي 0
عبدالله وهو يضحك:- هههههههههه الله يعينك استحمله رئيسك هذا0
فيصل :- أي والله الله يعيني عليه0
وهو يتكلم مع عبدالله الا دكتور حامد شافه :- حمدالله على السلامه ياعريس
فيصل التفت عليه :- الله يسلمك كيفك دكتور
دكتور حامد :- الحمدالله اهم شي تعال للمكتب اخذ جدولك 0
ومشى وفيصل مغتاظ منه وعبدالله يضحك عليه
فيصل :- الناس تسلم تقول ان شاء الله مرتاح والمفروض اول يوم يقول لي وقع وبكره استلم لا هذا من شافني تعال اخذ جدولك استغفر الله حالتنا حاله
عبدالله وهو يضحك :- الله يعينك والله ويعيني على غثته اذا جيت اخذ اجازه الزواج
فيصل وهو يهز براسه :- يالله بروح اشوف حضرته وش مرتب لي
عبدالله :- اوكي بروح استلم الشغل علشان اخلص بدري واكلم القمر0
فيصل يبتسم على عبدالله وهو ماشي عنه(( والله الرجال رايح فيها ))
راح لمكتب الدكتور حامد واخذ ورقه شفته وطلع من عنده مغيوض
اتصل على وسن :- الو نمتي حبيبتي
وسن :- لا ماجاني النوم جلست على النت 0
فيصل :- اها زين لاني برجع لك العصر وباخذك معاي نسلم على ابوي اوكي0
وسن وهي تبتسم :- اوكي وبعد مشتاقه لريم
فيصل :- حلو على الموعد قلبي
وسن :- كيفك ان شاء الله ماأذاك الرئيس 0
فيصل وهو يضحك :- الا غثني من شافني وعطاني شغل هالشهر كله اخر الليل بس اليوم الصبح تقولين مغيوض اني تزوجت مايقول توه عريس انوع له واخليه كم ليله جنب زوجته 0
وسن وهي تضحك :- هههههههههه من جد مغيوض عليه0
فيصل :- افاااااااااا تضحكين طيب ياوسن تبين تفتكين مني ها0
وسن وتبي تغيظه بزياده :- أي اعتبرها اجازه زوجيه0
فيصل بعتب وتحدي :- لا والله اجازه بطلعها من عيونك بس هين ياوسن0
وسن وهي تضحك :- طيب بنشوف مين اللي يطلع عيون الثاني0
فيصل :- لاتتحدين ترى والله تدرين فيني اعند منك 0
وسن تغيضه :- يمه خوفتني روح بس شوف مرضاك وتعال ارتاح من بكره عندك شغل في الليل0
فيصل اغتاظ :- طيب ياوسن شكلي بقلب نهارك ليل 0
وسن وهي تبتسم وتخفي ضحكتها:- أي عادي ماعندي شي انام الليل مرتاحه وانت راح تجي تعبان تاكل وبتنام اطلع اروح مرات بيت عمي ومرات بيت اهلي واروح مع عمتي المشغل أي شي اسوي لي حركات وااقص شعري واصبغه من هالايام الموضه 0
فيصل وهو معصب :- قلت لك بقلب نهارك ليل وطلعات مافي وبشوف من اللي كلمته بتمشي0
وسن اسمعت تهديده عرفت انه معصب :- حبيبي لاتزعل والله اضحك معاك قلبي انت وحياتي 0
فيصل ابتسم :- أي تسنعي ماتجون الا بالعين الحمرا0
وسن بدلع :- بالعكس نجي بالطيب والحب 0
فيصل وهو يضحك:- هههههههه خلاص ابشرك بكثر منها وبشوف0
وسن وهي تضحك :- بنشوف يالله روح لمرضاك لايطب عليك رئيسك ويهزئك0
تو بيرد عليها الا يد دكتور حامد على كتفه :- دكتور فيصل الشغل اهم خلي مكالماتك لين تخلص شغلك
فيصل بلع ريقه وباين عليه انه مغتاظ :- ان شاء الله الحين جاي دكتور0
كلم وسن اللي تنتظره على الجوال :- انتي ساحره بس طريتيه الا هو واقف قبالي0
وسن تضحك عليه :- ههههههههههههههه اجل روح قبل بالفعل يهزئك
فيصل :- أي والله صادقه يالله قلبي زي ماقلت لك اتجهزي العصر ادق لك طلعي اوكي0
وسن :- اوكي حبيبي يالله باي0
فيصل سكر وراح لمرضاه وهو مغتاظ من دكتور حامد اللي استلمه من اول يوم0
\
/
\
ام فيصل جالسه مع مضاوي تسولف ونزلت وسن معاهم ضحك وسوالف
مضاوي راحت تجيب البوم صور توريهم الا ام فيصل مسكت وسن :-
حبيبتي وسونه تلحلحو ابي اشوف احفادي
وسن استحت من عمتها وابتسمت بحيا0
ام فيصل :- سمعي ياوسن اهم شي تسعدي ولدي وتقومي بواجبه وصدقيني راح يحطك على راسه0
وسن رفعت راسها :- عمه اسئلك وماتتضايقين
ام فيصل :- لا ماراح اتضايق وش فيكِ
وسن وهي مرتبكه :- عمه ليه ماتوفقتي مع ابوفيصل؟
ام فيصل انصدمت من سؤال وسن وماعرفت ترد واللي انقذها رجعت مضاوي بألبوم الصور0
مضاوي جلست توريهم صورهم وهم اصغار وصورهم مع فهد وابوها وهم مستمعين لها ووسن تطالع في عمتها اللي موقادره تحط عينها في عين وسن 0
ووسن زاد اصرارها لما شافت عمتها مرتبكه(( والله ياعمه وراكِ سر ولازم اعرفه ))
وهم يتكلمون وسن تكلم مضاوي :- اليوم فيصل قال بيوديني بيتكم نسلم على ابوكِ 0
مضاوي مستغربه :- صدق وسن وبتروحين0
وسن وهي عينها على عين عمتها :- أي مضاوي تبين تروحين معاي
مااشتقتي لـ ريم0
مضاوي :- الا اشتقت بس مابي اروح0
وسن وهي تبتسم :- ولايهمك مضاوي ماراح اضغط عليك وهم انتي ببيتك والا وش رايك عمه0
ام فيصل وهي مرتبكه :- اكيد البيت بيتها يالله بنات شكلي تعبت بروح اريح بغرفتي شوي0
مضاوي :- زين وانا بعد بروح اريح0
وسن وهي تبتسم :- اجل اروح شقتي مالي لزمه اجلس بروحي0
مضاوي وهي تضحك :- أي عندنا مالك لزمه بس عندي اخوي لا لك لزمه ونص0
وسن ومضاوي يضحكون وام فيصل طلعت غرفتها ومضاوي بعد
و وسن مدهوشه ليه عمتها تتهرب من سؤالها
وسن صعدت وهي متردده ضربت باب غرفته عمتها ودخلت
ام فيصل رفعت راسها شافت وسن :- خير وسن في شي
وسن وهي متردده :- عمه زعلتي من سؤالي
ام فيصل :- لا مازعلت بس انسي تسأليني عن ابوفيصل0
وسن :- ليه عمه السبب وليش عمه ترفضين تتكلمين بالموضوع في بنات اعرفهم اهلهم منفصلين وهم يعرفون ابوهم من هم صغار ومانقطعت علاقتهم بعيالهم وليش ابوه يكرهك ويكره ابوي ابي اعرف السبب ممكن؟
ام فيصل :- لا ياوسن موممكن فيصل ماسئل انتي تسئلين ليه؟
وسن :- عمه فيصل طيب ومايبي يزعلك ومتأكده نفسه يعرف0
ام فيصل بعصبيه :- يعني انتي الشريره اللي تبي تعرف0
وسن وهي يائسه :- لاياعمه موالشريره ابي احمي نفسي من ابوفيصل مابي افقد فيصل ويتركني بسبه ابوه وعندي احساس انه في سر بينقذنا من ابوفيصل بس0
ام فيصل وبهدوء:- وسن هالموضوع انسيه واذا في شي بينقذك من شرابوفيصل هو ربك اطلبي منه ليل ونهار يبعد شره عنكم بس يابنتي0
وسن هزت راسها لعمتها وفي داخلها مومقتنعه واصرار اكثر من اول تعرف السبب0
وسن :- طيب عمه سامحيني لاني ضايقتك0
ام فيصل :- لاقلبي مومشكله 0
وسن :- طيب عمه عن اذنك بروح اريح0
ام فيصل وفي نظرتها حزن وانكسار:- اذنك معاك ياوسن0
وسن طلعت ومشت خطوات وفي داخلها احساس انه في عمتها شي ورجعت وبتضرب الباب الاسمعت عمتها تتكلم :- اخوي ابيك تفهم وسن ماتفكر تسئل عن السبب اللي خلاني انفصل عن ابوفيصل اسئلتها كثرت ومابي فيصل ينجرح فاهم 0
وسكتت ووسن تراجعت وفي داخلها سؤال ليه فيصل بينجرح ايش هذا السر اللي بيجرح زوجها وخايفه منه عمتها ؟؟؟
\
/
\
/
سمر وهي تقرأ في الكتب شافت رقم فهد ومحتاره((هو حط رقمه ليش يبي يختبرني اكلمه اولا اوهو اصلا يبيني اكلمه ))
محتاره وموعارفه وش تسوي تتصل فيه او لا
وهي جالسه تفكر دق تلفون بيتهم رفعت :- الوو
فهد :- الو موجود حمد
سمر :- لا موموجود من نقول له0
فهد وهو مبسوط :- فهد
سمر بس سمعت فهد قلبها قام يدق بسرعه :- فهد
فهد :- أي ياسمر ماعرفتيني
سمر :- وش عرفك اني سمر
فهد :- اعرفك ياسمر مستحيل مااعرف صوتك اطلعك من وسط مليون0
سمر وهي محتاره :- ليه حطيت رقمك
فهد بنبره حزن :- زعلتي مني قصدي خير
سمر وهي تكابر :- فهد انا موجوده اذا تبي تدخل البيوت من ابوابها اما تبيني اكلمك لا مستحيل يافهد0
فهد :- اكيد ابي من ابوابها ووعد اخذيه اني جايك قريب وبدخل من ابوابكم وبطلبك من ابوكِ للزواج0
سمر :- طيب يافهد مع السلامه0
فهد :- لحظه ابيكِ تفهمين شي واحد موقصدي شي يسيء لك انا اسف اذا عطيتك انطباع غلط عني 0
سمر :- اوكي ماصار شي مع السلامه0
فهد :- مع السلامه0
سكرت وقلبها يوجعها على فهد(( كأني قاسيه معاه يمكن قصده خير ياربي شسوي احبه بس ماادري هو من نصيبي اولا ))
\
/
\
/
فيصل بس خلص واتصل بوسن وكانت جاهزه له طلعت معاه وهي محتاره لدرجه فيصل حس انها مرتبكه :- ليه القمر ساكته مو عوايدك
وسن :- ها وش قلت
فيصل :- لا خارج التغطيه وش فيكِ صاير شي
وسن :- لا ابد سلامتك بس تعبانه مانمت من طلعت انت الصبح0
فيصل وهو يبتسم :- اكيد مابتنامين تعودتي علي اجل وش بتسوين اذا صار اخر الليل لوحدك 0
وسن بحماس :- ياعمري واثق من نفسه 0
فيصل :- احم احم اجل كيف انا البنات يلاحقون فيني كيف اللي عطيتها حبي ماتقدر تتخلى عني ابد0
وسن تضحك :- ههههههههه والله طيب يابو البنات اوريك 0
فيصل وهو يضحك :- الغيره اشتغلت صح0
وسن بعصبيه :- اسمع يافيصل والله اقطعك ولا اخلي بنت تاخذك مني 0
فيصل يضحك :- ههههههههههههه اموت بالغيرانييين 0
وسن :- لاغيره ولاشي بس شي املكه مااتخلى عنه بسهوله0
فيصل :- آها يعني بس لاني اعتبر ملكك بس مافي حبيبي ولاقلبي طيب 0
وسن بدلع :- ليه تبي اكذب عليك0
فيصل وهو معصب وقف السياره فجأه :- وسن تتكلمين جد0
وسن بس شافته وقف فجأه تذكرت حركته لها قبل الزواج :- هالعاده توقف فجأه ماتبطلها0
فيصل وهو زعلان :- وسن انتي تحبيني ولابس تعتبريني زوج وخلاص
وسن تبي تحرق اعصابه :- اسمع بقولك الحقيقه ولاتزعل خلاص
فيصل اعصابه فلتت :- وسن تكلمي بسرعه
وسن بدلع :- انا ما .......... بصراحه احبك واموت فيك وانت بعد ملكي ولابتنازل عنك لأحد حتى لوكانت عمتي نفسها فمابالك ببنت جايه تبي تخطفك0
فيصل تنفس بقوه :- يالنذله حرقتي اعصابي 0
وسن وهي تضحك :- اجل انت تدلع بنات وما بنات 0
فيصل تحرك بالسياره :- طيب ياوسن توبه ماراح اقول لك عن البنات اللي يبوني وانا مااعطيهم وجه
وسن صدقت كلامه :- صحيح فيصل في بنات يلاحقونك
فيصل سمع صوتها الخايف وكسرت خاطره :- لاتخافين قلبي امزح معاك ولابنت تقدر تغير حبي لك انتِ اغلى جوهره امي دلتني عليها ومستحيل افرط فيها اموت فيكِ ياقلبي 0
وسن رد فيها الروح وبدون شعور ضحكت :- ههههههه فيصل اموت فيك وصلو لبيت ابوه ونزلوا من السياره ودخل فيصل البيت وسلم على ابوه وحب راسه ووسن بعد سلمت عليه وحبت راسه وهو ماعطاها وجهه وريم سلمت على اخوها وعلى وسن واخذت وسن معاها وهي بتطلع وسن مع ريم سمعت كلام ابوه له :- فيصل سمعت كلامي في البدايه وقلبوا راسك وخليتك الحين ابيك تذلهم فاهم وهذي زوجتك المغروره ابيك تكسر خشمها
فيصل مومستوعب كلام ابوه اللي يصارخ بقوه وبعصبيه :- شتقول يبا
وسن ماطلعت ورجعت تكلم بوفيصل /:- ليش تكره السعاده لولدك تنتقم من مين عمتي والاابوي والاولدك و والا انا فهمنا ليش تكرهنا؟
فيصل :- وسن سكتي الله يخليكِ خلي اليوم يعدي على خير0
بوفيصل :- لا خلها تتكلم ست الحسن والدلال الغلط منك انت اللي ماخذ وحده مومتربيه , ولا ابوها بوندى0
وسن بعصبيه :- بوندى اشرف واحد يسوي الخير ولايعادي احد ورباني احسن تربيه وش فيه بوندى لانه وقف جنب اخته تكرهه
فيصل محتار وش يسوي بين زوجته وبين ابوه
بوفيصل :- طلعي من حياه ولدي سمعتي وروحي لأبوك وازوجه وحده تسواه مو انتي0
وسن مغتاضه :- طيب ولدك عندك وخله يتركني مااصير بنت بوندى اذا ماخليته يعرف من تكون0
فيصل بالنص:- يبا وسن وش فيكم جلسوا نتفاهم
ريم واقفه وتصيح منقهره من اللي يسويه ابوها في فيصل ووسن
وسن :- ابوك ماخلى مجال للتفاهم يبيك تتركني وتذلني وبس0
بوفيصل :- وش تفكرين اتنازل عن ولدي لكم0
فيصل :- يبا الله يهداك مايصير كذا0
وسن وهي زعلانه :- ابي اعرف شي واحد ليه تركت ابنك سنين وتوك تتذكره ليه تنازلت قبل ماتشوفه ولاتعرفه والحين تبي تاخذه لما كبر وصار رجال0
بوفيصل ارتبك وبدا أيده ترجف وهو رافعها :- مالك خص فينا فاهمه طلعي بره عن بيتنا برى
وسن بس شافت خوفه :- تأكدت انه في سر خايف منه بوفيصل ولازم تعرفه0
فيصل انصدم من كل اللي شافه ومومصدق وسن طلعت من جنبه وهو واقف ونظرات العتب على ابوه :- يبا ليش تسوي فيني كذا وسن زوجتي
وجايه لعندك ببيتك وتستقبلنا بطرده والله فرحانه بجيتها لعندك وانت تسوي لنا كذا0
بوفيصل وهومنهار ومعصب :- طردت الشيطان اللي بينا ماطردتك وما أبي منها شي فاهم0
فيصل وهو زعلان :- يبا انت على عيني وراسي بس انت طردت زوجتي موشيطان زوجتي يبا زوجتي 0
طلع من عند ابوه وهو زعلان ووسن واقفه عند السياره وهي تشهق وتصيح بقوه والانكسار باين عليها
\
/
\
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
((الجزءالأخير))
فيصل طالع وسن وكاسره خاطره (( أدري يا وسن انك مكسورة من اللي سواه أبوي بس وش ذنبي وكيف أغير كل شي ما أدري ))
وسن تصيح و أيدها ترتجف مسك فيصل أيدها :- وسن خلاص والله ما ادري انه بـ يفشلنا والله0
وسن سحبت أيدها من أيده :- عادي يا فيصل تعودت ممكن توصلني البيت0
فيصل هز برأسه وفتح باب السيارة لها ركبت وهي تصيح وفيصل الهم مضيق صدره 0
فيصل يبي يسكتها :- إذا ماسكتي بـتصل على وحده من البنات اللي مرقميني وما عطيتهم وجه0
وسن سمعت كلامه وزادت بالصياح :- خلاص يـا الله ما تبيني عشان أبوك ودني بيت أهلي 0
فيصل :- لا والله امزح معاكِ خلاص صياح والله مو قصدي يصير كل هذا0
وسن وهي تمسح دموعها بالمنديل :- أصلا ولا همني واثقة انك تحبني بس خايفة من ضغط أبوك عليك تنفذ اللي يبيه0
فيصل ابتسم :- أيوه شاطره طيب يا أم ثقة صدقيني إذا ما راح تسكتين بسمع كلام أبوي شلي يجبرني اجلس مع وحده نكدية 0
وسن بسرعة :- فيصل ما يصير تهددني0
فيصل وهو يبتسم لها :- هههههه والله أنا اقدر اهدد مين اللي قال يبي يروح بيت اهله0
وسن سكتت:- طيب لا تقلبها سالفة خلنا نروح البيت ونتفاهم هناك 0
فيصل :- أكيد بنروح البيت نرتاح من الدوام للنكد0
وسن بزعل :- الحين أنا نكد
فيصل ولا رد عليها يبي يغيظها وسن أنقهرت وهم ما عادت عليه السؤال وصل البيت وقبل لا يدخلالبيت مسك أيدها :- سمعي إذا أنتِ نكد اعتبر نفسي محظوظ بالنكد اللي بشوفه بسبتك فاهمه0
وسن بدلع :- فيصل أنت تحبني وإلا هذي خطه عشان احبك وبعدين تتركني0
فيصل تنهد بقوه :- ما أقول إلا الله يعيني على بلواي 0
وسن بزعل وعصبيه :- الحين أنا بلوى ومن اشوي نكديه أوريك كيف البلاوي بتطلع والنكد اللي بعيشك وياه0
فيصل بس سمعها وجاته نوبة ضحك :- هههههههههههه أموت ع الزعلانييين
وسن وهي زعلانه :- ابعد عن الطريق بس يتسبب ويقول أموت بالزعلانيين (( تقلد فيصل ))
فيصل يبتسم ومسك أيدها :- والله أموت فيكِ يا البزره مجننتني وبتجبين تاريخي0
وسن وهي تدلع :- أحسن مو بس كذا راح أنسيك اهلك والأيام جايه تشهد
فيصل وهو مبسوط على جنونها فيه :- طيب مدام ممكن تتفضلين نكمل في البيت
وسن وكلها كبرياء :- ممكن ليش لا البيت بيتي0
فيصل وهو يضحك عليها فتح لها الباب إلا انتبه لسيارة خاله أبو ندى وسيارة خاله أبو منصور وعرف أنهم موجودين وراح على طول لمجلس الرجال
وسن بس دخلت إلا البنات يصارخون و ألتمو حولها وهي حضنتهم وفرحانة مروه وسمر وندى وبنات أخت الدكتور عبد الله مجتمعين وزوجه عمها وأمها ومضاوي وعمتها جالسين واشتغلوا ضحك وسوالف والبنات يتحرشون بوسن وهي تضحك مره وتستحي مره وتعشوا ببيت أم فيصل 0
وسن مسكتها أمها على جنب :- وسن لاتزعليين عمتك
وسن :- يمه عمتي شكت لك 0
أم ندى :- لا يا يمه بس ابتعدي عن الأسئلة اللي تخصها هي و أبو فيصل مالك خص فيهم0
وسن وهي زعلانه :- يمه أبو فيصل يبي يهدم حياتي وفي داخلي شي يقول إن عمتي مخبيه سر تكسر شوكته أبي اعرفه أبي يبتعد عني وعن زوجي 0
أم ندى :- حبيبتي كل إنسان له أسراره الاقرب أنتي أكيد بينك وبين فيصل أسرار ما تبين حتى أمه تعرفه وعمتك كذا أسرارها مع طليقها خاص فيها أنتي ابتعدي وخلاص فاهمه
وسن هزت رأسها وفي داخلها (( طيب يا عمه إذا اليوم سر بكره بيكون فضيحه ))
جلسوا يتونسون وسوالف وضحك وتعشوا ومشى أبو منصور بعد العشاء وعبد الله بعد وبنات أخته وندى طلعت مع منصور و أمها للبيت و ضل أبو ندى جلس معاهم و نادى وسن وجلس يتكلم معاها
أبو ندى :- وسن حبيبتي السوالف الكبيرة لا تدخلين فيها
وسن وهي منزله رأسها:- قصدك عمتي و أبو فيصل
أبو ندى بحزم :- وسن بعض الأشياء الواحد إذا عرفها بـ يخسر ناس غاليين
وعشان كذا بعدي عن هذا الدرب يا وسن
وسن :- يبا أبو فيصل بدى الحرب معاي و أنا لازم انتصر عليه والنصر بيد عمتي ليه تبخل علي ماودها السعادة لي مع ولدها0
أبو ندى وهو باين عليه العصبية :- يا بنت الدرب هذا هو اللي بيفرق بينك وبين فيصل مو حربه سامعه بعدي بدون كلام فاهمه
وسن وحزن في عيونها :- اللي تأمر فيه بيصير يبا
أبو ندى حب رأس بنته :- تسلمين يا العاقله هذا عشمي في بنتي وربك بيسهلها 0
هزت رأسها وفي داخلها إصرار إنها بتعرف السر اللي الكل خايف منه0
طلع أبو ندى بعد ما سلم على أخته 0
وسن :- عمه ليه قلتي لـــ أبوي و أمي
أم فيصل :- وسن ما أبي نسولف بهذا الشيء الحين ممكن ؟
هزت رأسها برضى إلا فيصل ومضاوي جايين قريب منهم وفيصل وهو مبتسم :- ها الأيام الجماعة دايما منشغليين ويسولفون مع بعض و أحنا لنا الله
وسن بمرح حضنت عمتها :- في شي هذي عمتي
أم فيصل وهي تبتسم :- شكله يغار بس ما ادري على مين فينا
مضاوي وهي تطالع فيصل :- ههههههههه فيصل أنت تغار على مين؟
فيصل توهق وهو يحك شعره :- ليه ها الإحراج
وسن و أم فيصل ومضاوي يطالعونه وهم يتبسمون طالعهم :- وش تنتظرون كل واحد ينام أحسن له
أم فيصل :- فيصل حبيبي على أمك ها الحركات
فيصل وهو يضحك :- ههههههههههههه لا والله تبون الصدق أغار منكم هـ الثنتين أغار على أمي اللي اهتمامها على بنت أخوها ولا تسأل عني و أغار على وسن اللي هـ اليومين جالسه مع أمي و أنا مو مهتمة تسأل عني
وسن اندفعت :- أنا مو مهتمة حرام عليك أنت في الدوام و أتسلى مع عمتي ومضاوي
أم فيصل وهي تبتسم :- والله يا فيصل الحين أنت كبير وزوجتك تهتم فيك أنا بس انتظر ولي العهد يجي وكل حبي بينتقل له
فيصل وهو متغير ملامحه :- و أنا يمه وين رحت
أم فيصل وهي تبتسم :- أنت مكانتك موجودة وما أغلى من الولد إلا ولد الولد0
فيصل حب إيدها و رأسها :- الله لا يحرمني من حنانك
وسن ومضاوي يتبسمون على مشهد الحب فيصل طالع في وسن :- والنهاية بتضلين واقفة تتبسمين أبي أريح بكره بشتغل شفتات أخر الليل0
وسن وهي تبتسم :- طيب من قدك يا عم توك محصل حنان من العمة والحين بعطيك من حناني 0
فيصل طالعها :- خلصي من هـ الكلام الفاضي وتفضلي مدام معي أبي ارتاح0
وسن وهي تطالع فيه
فيصل:- أي فاضي لا تطالعين فيني
وسن التفتت على عمتها :- شهدتي على كلامه عمه خلاص بروح أنام عند مضاوي و أشوف من كلامه فاضي
فيصل وبابتسامه خلت وسن تذوب:- يعني أنام لوحدي وحبوبتي موجودة
وسن بدلع وبحيا :- خلاص فيصل سامحتك وتعال بدون كلام فاضي
فيصل مسك إيدها وغمز لامه و أخته ومضاوي تضحك على حركتهم0
بس صعدت وسن وفيصل مضاوي استأذنت أم فيصل إنها تروح تريح
بس صعدت إلا صوت جوالها يدق:- ألووووووو هلا أبوي
أبو فيصل :- والنهاية مضاوي متى بتجيبي الغرض
مضاوي وهي مرتبكة :- يبا ما راح أجيب لك شي حرام ما يستاهل فيصل الأذيه منا0
أبو فيصل وهو يصرخ بقوته في الجوال :- إذا جلستك معاهم خلتك تدافعين عن بنت أبو ندى من اليوم رجعي البيت وحسابك عسير يامضاوي
مضاوي وجسمها يرتجف ودموعها طاحت :- تكفى يبا لا تسوي فيهم شي ما لقيت إلا كل خير
أبو فيصل سكر الخط بوجهها وجلست على السرير وهي تبكي0
/
\
/
\
حمد جالس جنب أبوه وهو مرتبك :- يبا قررت ما راح أسوي عرس وشجون بجيبها ببيتي والقرار هذا بلقت أبوها فيه وما عارض بنسوي حفله صغيره وبس أهلي وأهلها 0
أبو منصور :- كيف هـ الكلام يا حمد البنت أمنية حياتها يوم تنزف بعرس يرفع الرأس و أنت تقول حفله صغيره0
حمد وهو منزل رأسه :- أي يبا بس أنا أخذت موافقة أبوها وما قال شي0
أبو منصور :- نفسي اعرف ليه مستعجل ما تنتظر مع أخوك 0
حمد :- لا ما راح انتظر يبا وخلاص الأسبوع الجاي بسوي الحفله0
أبو منصور :- وهي أجهزت ؟
حمد :- مو مشكله تجهز معاي بعد العرس وعمتي ما بتقصر بس أوصيها وراح تتكفل بكل شي 0
أبو منصور :- خلاص على بركه الله انتو متفقين ما عندي شي0
حمد حب رأس أبوه :- الله لا يحرمني من حنانك 0
أبو منصور :- العصر مرني أعطيك شيك عشان تصرف أمورك من أثاث ما يصير تدخل بنات الناس شقه بدون اثاث0
حمد ابتسم :- أنت أحلى أب بالعالم واليوم اخذ شجون مع البنات نختار الاثاث0
أبو منصور يهز برأسه وهو يضحك:- ما تجوز من سوالفك روح الله يرضى عليك مشي امورك0
حمد عطى أبوه بوسه في الهوا وطلع و أبو منصور يضحك على حركات حمد اللي ماتتغير0
/
\\
/
\
شجون ساكتة تسمع مناقشه أمها وأبوها على الحفلة بدون تعليق منها
التفتت أم شجون :- ساكتة تبين عرسك بس حفله صغيره والناس وش تقول
شجون تطالع في أبوها والتفتت على أمها:- أمي هذا أحسن من بلاوي عصام وش تبين يقولون ملكت وتطلقت قبل الزواج وبسبه شايفها مع ولد عمها الصايع
شجون وقفت مقابل أمها :- ما أبي غير الستر وكلام الناس ما يخلص
أبو شجون حضن بنته :- والله و كبرتي يا شجون وتفكرين صح الله يوفقك يا رب ويستر عليكِ
أم شجون دمعت عينها :- ما توقعت يجي اليوم وبيتي يخلى من حس حبوبتنا شجون0
أبو شجون وهو يضحك :- لا تقلبينها مناحة يا سيدة المجتمع المخملي تراها مو زينه في حقك0
أم شجون تضحك :- بليز لا تتفلسف علي قلب الأم ما يعرف سيدة مجتمع مخملي أو سيدة مجتمع عادي0
شجون تضحك على كلام أمها الدلع مع أبوها وتتمنى إنها تنسعد مع حمد زيهم 0
أم شجون تهز في شجون السرحانة :- لا تحاتين برتب لك كل شي ما يصير بنتنا تدخل بيت زوجها وملابسها ما جهزت 0
شجون ابتسمت بحيا على كلام أمها 0
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك