رواية ليت مشاعرنا مثل أسامينا ماتتغير -24
يقولون ملكت وتطلقت قبل الزواج وبسبه شايفها مع ولد عمها الصايع
شجون وقفت مقابل أمها :- ما أبي غير الستر وكلام الناس ما يخلص
أبو شجون حضن بنته :- والله و كبرتي يا شجون وتفكرين صح الله يوفقك يا رب ويستر عليكِ
أم شجون دمعت عينها :- ما توقعت يجي اليوم وبيتي يخلى من حس حبوبتنا شجون0
أبو شجون وهو يضحك :- لا تقلبينها مناحة يا سيدة المجتمع المخملي تراها مو زينه في حقك0
أم شجون تضحك :- بليز لا تتفلسف علي قلب الأم ما يعرف سيدة مجتمع مخملي أو سيدة مجتمع عادي0
شجون تضحك على كلام أمها الدلع مع أبوها وتتمنى إنها تنسعد مع حمد زيهم 0
أم شجون تهز في شجون السرحانة :- لا تحاتين برتب لك كل شي ما يصير بنتنا تدخل بيت زوجها وملابسها ما جهزت 0
شجون ابتسمت بحيا على كلام أمها 0
/\
/\
/\
فهد ينتظر بس فرصه يكلم فيصل عن سمر وجالس يتقلب في سريره ومو مشتهي يروح الشغل
إلا بفتحه الباب بقوه :- يا زفت قوم لشغلك بدل الكسل هذا
فهد جلس :- اليوم ما راح أداوم تعبان شوي
أبو فيصل وهو معصب :- تعبان على إيش على شغلك با المكتبه اللي ما اعتقد ممشيها مثل الناس ما ادري ليه طاوعتك وفتحتها لك0
فهد وهو ماسك أعصابه :- يبا الله يهداك ما كفرنا لو يوم ما داومت والمكتبه ماشيه والحمد لله
أبو فيصل وهو معصب :- إذا ما بتداوم اليوم يا ويلك فاهم يا الزفت
فهد تنفس بقوه من طريقه أبوه وسبه له:- طيب اللي تامر فيه يا أبو فيصل
أبو فيصل مسك بثوب فهد :- لا تجيب طاري الزفت هذا اللي حارق قلبي ومخلي بنت الزفت أبو ندى بذمته0
فهد حس بقهر من كلام أبوه:- يبا البنت ما غلطت بحقك ولا بحق زوجها ليه يطلقها
أبو فيصل :- اسكت ولا كلمه لا تخليني أحط حرتي فيك0
فهد سكت لأنه عارف أبوه إذا عصب ما يعرف احد حتى عياله طالع في أبوه وهو زعلان على الحالة اللي وصلت له من ورى انتقام ماله أساس ولا معروف سببه0
/
\
/
\
/
وسن تهز في فيصل بحماس :- اجلس حبيبي عندي أخبار تسرك
فيصل وهو يتأفف :- أوف خليني نايم وراي شغل الليله0
وسن :- فيصل لا تصير كذا دمك ثقيل 0
فيصل رفع رأسه ويطالع في وسن بانبهار لدرجه وسن استحت من نظراته :- يا سلام لو كل رجال يصبح على هـ الجمال كان العالم بخير
وسن استحت من كلامه :- فيصل لاتحرجني0
فيصل وهو يضحك :- خير يا قمر وش الخبر اللي يسر0
وسن بحماس وتفاعل :- حمد ولد عمتي يبي يتزوج
فيصل وهو يحك شعره :- قديمه
وسن وهي تهز رأسها :- لا مو قديمه عرسه الأسبوع الجاي وحفله صغيره بس أحنا وأهل زوجته0
فيصل وهو يضحك :- الحين الدوب مستعجل ما يقدر ينتظر مع اخوه0
وسن وهي تبتسم :- ههههههههههههه شجون طيرت مخه
فيصل :- في هذا صادقه 0
وسن وهي تطالع فيه :- بقول لك شي أبي اعرف البنات حلويين اللي تشوفهم في شغلك؟
فيصل ويبي يجنن وسن :- بصراحة كل وحده أحلى من الثانية
وسن تضايقت وما علقت على كلامه
فيصل مسك أيدها وجلسها جنبه :- الحلوة ليه زعلانه
وسن وهي متضايقة :- ولاشي فيصل أبي أكمل دراستي واشتغل معاك
فيصل جاته نوبة ضحك جنونية :- هههههههههههههههههههه
وسن زعلت وقامت من جنبه وطلعت على طول للصاله0
فيصل لحقها وجلس جنبها وشاف دموعها نازله مسح دمعتها وحضنها:- والله مو قصدي أزعلك ترى كنت امزح مافي ولا بنت بالعالم تعبي عيني غيرك والشغل شغل ما راح أتجاوزه بأي شكل من الأشكال هذي أمانه يا وسن أمانه نحافظ على شغلنا وعلى بلدنا من الانحراف لا تحاتيين وإذا على الدراسة بوقف معاكِ لين تكملين واختاري المهنة اللي تبينها 0
وسن :- هئ هئ احلف انك ما تكذب علي وانك ما راح تتركني
فيصل وهو يطالعها بحب :- والله ما اكذب وما راح أتركك مهما يكون يـ الله بس لا تقلبينها هم و أنا جوعان ممكن الفطور يجهز0
وسن وقفت وهي تمسح دموعها :- أي بس دقايق والفطور جاهز0
فيصل ابتسم وهو مبسوط من حبه الجنوني لوسن0
/
\
/
\
/
عصام رايح وجاي في مكتب عمه ينتظر السكرتير يدخله عند عمه
ضرب طاوله السكرتير :- لمتى بنتظر أبي ادخل الحين
السكرتير :- عمك عنده اجتماع ورافض أي احد يدخل عليه
عصام :- طيب ما راح اطلع بجلس انتظره إن شاء الله لين بكره0
السكرتير طالعه بحنق :- على راحتك أستاذ عصام 0
عصام جالس محروق وعلى أعصابه لين طلعوا رجال الأعمال اللي هو عارفهم واحد واحد وهم يطالعونه من فوق لتحت
السكرتير :- تفضل أستاذ عصام عمك ينتظرك
عصام دخل على عمه :- صحيح شجون بتتزوج الأسبوع
أبو شجون وهو معصب :- احترم عمك وسلم وبعدين اسأل
عصام وهو معصب :- يا عمي أي سلام وشجون بتعطيها المتخلف حمد
أبو شجون عصب وطلع من هدوءه :- عصام ابعد عن بنتي هي مو من نصيبك لو تبيها كان حافظت عليها خلاص افهم صارت بأسم زوجها
عصام جلس و أيده على رأسه :-ما أتصورها لغيري عمي افهمني
أبو شجون ورجع لهدوئه :- ساعات الواحد ما يحس بالشيء إلا إذا فقده وخلاص أنسى يا عصام البنات كثير و أحسن من شجون 0
عصام ومسح دمعه نازله من عينه :- ما فقدتها شجون بترجع لي فاهمين إذا مو اليوم بكره0
طلع بسرعة وهو معصب وهو يسب في حمد وشجون0
/
\
/
\
فيصل وحمد وفهد جالسين بالمجلس وفهد مرتبك كيف يتكلم معهم
فيصل :- فهد خلص ساعة جالسين ننتظر تتكلم
حمد وهو مبتسم :- يا شيخ تكلم تراني مبسوط ومروق لا تخليني اعصب0
فهد وهو مرتبك ومتوتر :- بالمختصر أبيكم تساعدوني أبي اخطب
فيصل وحمد طالعو بعض وجاتهم نوبة ضحك على فهد :- ههههههههههههه
فهد طالعهم وهو متوتر :- أنا قلت شي يضحك
فيصل :- جالسين معاك نبيك تتكلم ساعة وفي النهاية أبي اخطب يا أخي من البداية تكلمت وخلصتنا
إذا إحنا تستحي منا إذا شفت أهل المعرسة وجيت تكلم أبوها وش راح تسوي0
حمد :- ههههههههههه أول مره أشوف أبو الشباب متوتر 0
فهد وهو متوتر :- أبيكم تساندوني
حمد تغير ملامح وجهه :- يا شيخ صاير شي
فهد وهو يتنفس بقوه قبل يتكلم :- أبي اخطب أختك سمر و خايف ترفضوني
فيصل طالع في حمد وجاتهم ضحكه أقوى من اللي قبل:- ههههههههههههه هههههههههههههه
فهد توتر أكثر:- يا ناس أنا ما أمزح إذا ما راح تساندوني خلاص
فهد بيوقف ومسكه حمد :- فهد أنت بيض الله وجهك ما شفت منك سوء و أخلاقك ما شاء الله و إذا على أختي بكلمها وما أقدر اغصبها بيدها الموافقة أو الرفض والوالد الله يعين 0
فهد ابتسم :- خايف من رفض أبوك لي بسبه أبوي
حمد :- العم ما رفض الأخو اللي جنبنا بيرفض أبوي أخوه
فيصل :- والله عينك قويه يا أخي تتكلم علي و أنا جنبك
فهد:- ما تقدرون ترفضون ولدكم أما أنا اعتبر غريب عنكم
حمد وهو يبتسم :- أنت اخوي قبل تصير اخو فيصل والله مو غريب بس ربك يسهلها 0
فهد ارتاح انه شارك فيصل وحمد بخطواته الجايه0
/
\
/
وسن كل يوم تخز في عمتها وودها تفتح السالفة وخصوصا إن مضاوي لها كم يوم حابسه نفسها بحجه إنها تعبانه وتبي تنام
وسن وهي تأكل الفشار :- عمه شفيها مضاوي قاطعتنا
أم فيصل وهي تفرفر بالتلفزيون :- هـ اليومين بس ساكتة وما تبي تنزل إلا تأكل وتنام و مو راضيه تتكلم سألتها تقول بس تعب0
وسن وهي مترددة :- تهقين يا عمه احد مزعلها
أم فيصل وهي تطالع وسن :- لا ما اعتقد كانت زينه فجاءه تغيرت
وسن :- يمكن اشتاقت لأبوها
أم فيصل وهي متوترة :- احد مانعها عنه
وسن بخبث :- يمكن تبي تزوره و مستحية تفتح سالفتة
أم فيصل وهي معصبه:- ما حد منعها تقدر حتى ترجع له
وسن وهي تمسك يد عمتها :- عمه أبو فيصل ليه تركتيه0
أم فيصل وهي زعلانه:- ولا شي ما تفقنا انسي السالفة يا بنت اخوي
وسن سكتت وفي داخلها (( يا عمه وين تهربين كل يوم بأخذ منك شي لين اعرف السر))
\
/
\
سمر تسمع حمد وقلبها يدق بسرعة
حمد :- أنا فهد أحبه وما راح الاقي لدلوعتي أحسن من صاحبي واخوي
وأنتِ فكري بالموضوع لا تستعجلين
سمر وهي تتنفس بسرعة :- أي بس أنا مالي رأي الرأي رأي أبوي
حمد مسك أيد سمر وجلسها جنبه :- صح أبوي رأيه يهمك بس بعد يهمني أطمئن على أختي أولا وصديقي الغالي ثانيا
سمر وهي مرتبكة :- حمد أنت شايف إن فهد كفو
حمد وهو يبتسم :- شهادتي فيه مجروحة اخو دنيا ما حد وقف جنبي مثله
سمر ابتسمت بحيا:- خلاص يا حمد أنت تعرف مصلحتي وين
واللي تشوفه راح أسويه بس بعد موافقة الوالد
حمد وهو يبتسم لــــ سمر:- خلاص بقوله البنت موافقة بس بعد موافقة الوالد ها وش رأيك
سمر نزلت رأسها مستحية وما ردت وحمد حضنها وحب رأسها :- مبروك يا قمر والله وجا اليوم اللي بزوجك
/
\
/
مضاوي على نفس المنوال تـأكل وتدخل غرفتها ولا تكلم احد
وسن دخلت عند مضاوي :- مضاوي ليه مقاطعتنا
مضاوي :- لا بالعكس ما شفت منكم إلا كل خير بس أحب اختلي بنفسي و أراجع حساباتي
وسن جلست جنب مضاوي:- مضاوي فيصل ما يداوم العصر وش رأيك نطلع نتونس ونتسوق لعرس حمد ولد عمي
مضاوي ماسكه دمعه بتطيح من عينها :- وسن سامحيني
وسن وهي تبتسم :- هذا إذا كنت زعلانه منك يامضاوي ما بينا شي يستدعي الزعل والاعتذار
مضاوي ابتسمت وسن مسكت إيدها :- يـا الله يـ الدلوعة الكل يحاتيكِ
قومي نطلع نتونس وربك يسهلها 0
إلا بفيصل واقف ويبتسم لهم ويطالع فيهم
وسن :- خير يا شيخ شايف فلم
فيصل :- ههههههههههههه لا والله رومانسي
مضاوي استحت :- فيصل أعقل
فيصل وهو يبتسم :- ههههههه والله صادق اشوي ودموعي بتطيح
وسن تضحك :- ههههههه زين مسكت أدموعك كان ضحكت عليك
فيصل قرص خدها :- أهون عليكِ
وسن بدلع :- وربي ما تهون علي
مضاوي :- يا ناس ياهو كم مره قلت راعو مشاعر العزابية
التفتوا عليها يضحكون
وسن وهي تبتسم :- اليوم نبيك بخدمه
فيصل :- بس خدمه أنا طوع أمر الصبايا الحلوين
وسن مسكت أيد مضاوي :- اليوم بسوي حركات يـ الله جهزي
مضاوي هزت رأسها برضى وبابتسامه
/
\
/
\
شجون مبسوطة يومين وتكون ببيت حمد القلب اللي احتوى حبها
وفي عز انبساطها إلا تسمع صوت عكر عليها وخلى كل خليه في جسمها تنتفض منه :- مبسوطة يا شجون ؟
على طول شجون بس شافتة ركضت تبي تصعد الدرج إلا مسك إيدها :- وين يا بنت العم ؟
شجون ودموعها نزلت :- عصام لا تخرب حياتي اترك إيدي
عصام والشر يتطاير من عينه :- أنتي لي من كنا صغار ليه تأخذين حمد ليه؟
شجون وهي تصرخ :- ما احبك أكرهك أنت واحد ضايع ماشي بدرب كله حرام ما أبيك فاهم
عصام عصب وضغط على إيدها بقوه :- ما سمعت وش قلتي أنا ضايع
شجون وهي تتوجع من أيدها :- حرام عليك ابعد عن دربي اتركني أعيش بحياة أنا اخترتها وراضيه عنها افهم أني ما راح أكون لك
عصام وهو يسمعها وقلبه يتقطع من كلامها ترك أيدها :- طيب يا بنت العم حمد ما راح يكون لك وبيطلقك وما حد بيأخذك غيري
شجون بس فلت أيدها صعدت تركض الدرج وهي تصرخ وتقول له :- غير حمد ما راح اخذ فاهم أموت أهون لي ولا أخذك 0
عصام جلس على الدرج وهو يمسك في رأسه ويكلم نفسه :- أي غلطت مع بنات بس كنت متيقن انك موجودة لي و بأخذك يا شجون ما رح اخلي حمد يتهنى بس صبري علي
طلع من بيت عمه وفي رأسه فكره وحده حمد ما يتهنى بشجون
/
\
/
وسن ومضاوي من مجمع لمجمع أحسن الفساتين لمضاوي ولها
وهم مبسوطيين وفيصل تعب وهو محمل أكياسهم :- إن شاء الله طول اليوم احمل أكياس لكم
وسن بدلع :- أكيد ما فيها شي
مضاوي :- حرام وسن والله رحمته شكله تعب
وسن تضحك :- خلاص بس حبيبي ندخل المشغل
فيصل بحزم :- وسن تقصين شعرك لا
وسن وهي تبتسم :- لا ما راح أقص شعري عارفه انه عاجبك بغير ستايل مضاوي
مضاوي بسرعة ردت :- أنا
وسن :- أي من عرفتك وهذا شعرك بدخل هناك وبخليهم يغيرون الحركة
فيصل :- خلاص أهم شي زوجتي ما تحرك شعرها
مضاوي :- أف من الصبح وهو مـ أذينا ندري إنها زوجتك
فيصل خز مضاوي :- قولي لا اله إلا الله على زوجتي أخاف تعطينها عين
مضاوي :-لا اله إلا الله لا تخاف عيني عليها باردة
وسن تضحك على هبال فيصل وأخته
/
\
/
حمد اتصل على فيصل يحضر هو وفهد عشان يفتحون سالفة زواج فهد من سمر
فيصل بعد ما تأكد إن مضاوي ووسن بيتأخرون طلع ومر فهد وعلى بيت خاله اللي استقبلهم حمد أول ما وصلوا
فهد مرتبك ومعرق من خوفه انه ينرفض
أبو منصور ومنصور دخلوا المجلس وسلموا عليهم وبدو بالسوالف والضحك إلا فهد اللي كان مو معاهم
منصور :- فهد عسى ما شر وينك ما تتكلم فيك شي
فهد ارتبك أكثر وأنظاره رايحة لجهة حمد وفيصل
فيصل تكلم نيابة عن فهد :- فهد يبي يخطب ومستحي
منصور وهو يبتسم :- اشر على البنت ونعاونك و نخطبها لك
فهد وبكلمات متقطعة من الأرتباك:- أبي اخطب كريمتكم سمر
أبو منصور اللي كان يبتسم اختفت ابتسامته :- سمر
فهد بجديه :- أي سمر يا عمي وبحطها في عيني طبعا هذا بعد موافقتكم
أبو منصور وبصرامة :- فهد ما عندنا بنات للزواج
الكل تفاجأ إلا فهد كان متوقع الأسوأ
حمد يكلم أبوه :- يبا فهد ما فيه شي ينعاب
فيصل بحماس يكلم خاله :- يا خال أنا اضمنه لك
منصور مستغرب من رده فعل أبوه اللي أول مره يشوفه معصب لهذي الدرجة
أبو منصور :- اسمع يا فهد أنا أعرفك من قبل اعرف أن أبوك هو نفسه اللي ما خذ أختي من قبل و أبو ولدنا فيصل لكن اسمح لي ما أفضل لبنتي تعيش عند واحد أبوه من قبل طلعناه من حياتنا بلا رجعه
فيصل باستغراب :- ليه يا خال هذا أنا أخذت وسن وما أنرفضت
أبو منصور :- أنت ولد اختنا وتربيتنا لكن هو لا والعرق دساس
حمد وهو معصب :- بس يبا فهد ما فيه شي يعيبه يسكنها لوحدها لو تبي نسكنهم عندنا بالبيت
أبو منصور ينهي الجلسة :- أنا بطلع لغرفتي أنام تعبان عن أذنكم
تركهم وألف سؤال يدور ما السبب اللي يخلي أبو منصور لأول مره يعصب ويرفض بقوه
وفيصل وهو معصب أكثر من فهد اللي متوقع هذا الرفض ويسأل نفسه (( ليه خالي يرفض بسبب أبوي وشو سوى أبوي لهم اللي خلاهم يكرهونه بهذا القوه أكيد شي كبير أكيد))
فهد طلع بسرعة من بيت أبو منصور بدون يكلم احد وفي عيونه دمعه إن الأمل اللي بيجمعه بـــــــــ سمر انقطع للأبد
حمد كل حماسه اختفى وما قدر يمسك فهد ويعتذر له أو يعطيه أمل انه بيحاول في أبوه لان شكل أبوه رفضه نهائي ومفاجاءه لـــ حمد انه يشوف أبوه عكس الشخصية اللي تعودوها معاه بالصراحة وانه كـ أخوهم الكبير مو أبوهم
منصور وكل هالأحداث اللي صارت قدامه مو قادر يستوعب شي وقف مذهول بين رد فعل أبوه وبين فهد اللي يحبه ويعرفه انه و حمد أحباب يمكن أكثر منه واللي دائما يشاركهم أفراحهم وأحزانهم وهو ما قدر يعينه على زواجه أو يتكلم بشي يغير رفض أبوه
طبعا كل هذا ولا شي قدام صدمه إنسانه كانت كعادتها المرحة والمتطفلة اللي تعودت عليها وقفت تتسمع لههم وهذا اللي تبيه لأنها تنتظر قدوم فهد لبيتهم لخطبتها وخصوصا إن حمد عطاها معلومة مسبقة إن فهد جاي الحين يخطبك
وقفت ورى الباب مذهولة من اللي سمعته ومن رد أبوها الغير متوقع اللي ما حست إلا بفتحه الباب وبسرعة وبخفتها ركضت على جنب وما حس أبوها المعصب اللي أول مره تشوفه معصب كذا
طلعت لغرفتها وسكرت الباب وحضنت مخدتها ودموع وبكاء صامت بدون احد يحس فيها أو يعرف بمدى حبها لـــــــــ فهد
أبو منصور دخل معصب و نادى أم منصور تصعد معاه اللي مشت وراه بدون أي تعليق
/
\
/
\
فيصل طلع وهو مصدوم وعلى طول اخذ وسن ومضاوي وصلهم البيت
وسن :- ادخل ارتاح قبل الدوام
فيصل :- عندي شغل مهم أسويه وبروح أداوم على طول لاتهتميين0
وسن نزلت وقلبها مقبوض ودخلت وأم فيصل بس شافت مضاوي انبهرتفيها :- ما شاء الله طلعتي قمر وين هـ الجمال مخبيته
وسن وهي تبتسم :- شفتي يا عمه
مضاوي مستحيه :- والله خجلتوني
ضحكوا عليها لكن وسن مازالت حاسة بكارثة راح تحل عليهم0
فيصل بس وصلهم على طول لبيت خاله أبو ندى دخل المجلس ودخل أبو ندى :- هلا بولدي فيصل
فيصل حب رأس خاله:- عمي أبيك بشغله ضرورية ويـا ليت ما تكسفني فيها
أبو ندى و صوته كله خوف :- فيصل عسى ما شر فيك شي أختي فيها شي أو وسن فيصل تكلم
فيصل وهو مكسور :- ليه أمي تركت أبوي وليه ما تحبون سيرته
أبي اعرف كل شي وش سوى وخلاكم تكرهونه أكيد شي كبير صح خال
أبو ندى وهو محتار :- اسمع ما في شي لا تخاف كل ما في الأمر ما توفقت وياه
فيصل :- خالي ما اعتقد في شي ولازم اعرفه منك أو من أمي أو من خالي أبو منصور أنا مو صغير تكذبون علي بكذبه و أصدقها 0
أبو ندى : مين اللي حاط هـ الفكرة في رأسك ما صار نصيب وخلاص
أبو ندى مسك كتف فيصل :- وسن هي اللي مأثره عليك
فيصل وهو معصب وباين عليه التعب جلس وحط أيده على رأسه :- لا مو وسن اخوي فهد راح يخطب سمر ورفضه خالي أبو منصور وقال اسمح لي ما أفضل لبنتي تعيش عند واحد أبوه من قبل طلعناه من حياتنا بلا رجعه وقال العرق دساس وش سوى أبوي أبي اعرف
أبو ندى وكاسر خاطره فيصل:- اذكر الله يا ولدي ما في شي بس خالك اندفع بكلامه ولو في أبوك شي ما عطيتك بنتي0
فيصل بسرعة :- لأنك مربيني تقول كذا بس مصيري اعرف
طلع بدون ما يلتفت لخاله اللي تعب وهو يناديه يرجع 0
/
\
/
\
مضاوي صعدت غرفتها ترتاح وأم فيصل بعد صعدت لغرفتها ووسن قررت تتكلم مع عمتها صعدت الدرج وتو بتضرب باب غرفه عمتها إلا سمعت صراخها خافت تدخل أو ترجع وتو بترجع إلا سمعت عمتها :- لا يا أخوي إلا فيصل ما أبي يعرف شي تكفى
سمعت هذا الكلام والفضول خلاها توقف وتسمع باقي الكلام
أم فيصل :- اخوي ادري بولدي لو يعرف شي بيموت ما يقدر على هـ الكلام ما أبيه ينصدم بـ أبوه وش تبيني أموته أقول له (................)
وسن تسمع الكلام وهي مدهوشة ومنصدمة سندت ظهرها على الجدار ودموع نزلت من عينها على الكلام اللي سمعته
وسن حست بلفه في رأسها ومشت وهي ماسكه الجدار لين غرفه مضاوي وبس فتحت الباب إلا وسن طاحت ومغمى عليها 0
/
\
/
فيصل اتصل بالمستشفى
واعتذر انه ما راح يداوم وطلع يفتر بسيارته وكله انكسار وما لقى إلا يواجه أبوه هذا أحسن حل
وقف عند بيت أبوه وهو متردد
دق الجرس وفتحت له ريم :- هلا اخوي
فيصل ويبتسم بالغصب :- أبوي موجود
ريم تهز برأسها :- أي موجود ادخل فيصل فيك شي؟
فيصل :- لا ما فيني شي
دخل فيصل و أبوه جالس يقرأ بـ الأوراق رفع رأسه :- أخيرا تذكرت أبوك
فيصل :- يبا ليه خوالي يكرهونك و أنت تكرههم؟
أبو فيصل وهو يضحك بـ القوه :- هههههههههههه جاي ومتعب نفسك عشان تسألني سؤال بايخ
فيصل وهو معصب :- أبي اعرف في سر ولا واحد يبي يتكلم أمي تسكت و أنت تضحك أبي اعرف
أبو فيصل :- طلقتها لأني ما أبيها بس
فيصل :- ليه ما تبيها مقصرة معاك
أبو فيصل بحقد :- ايه مقصرة وتعز أهلها على زوجها زوجه ناشز ليه احتفظ فيها
أبو فيصل وهو يقرب فمه من أذن فيصل :- أمك ما تستحق تكون زوجه وزوجتك ما تستحق تعيش و أنت ما تستحق رضاي
فيصل وهو مصدوم من كلام أبوه :- ليه تقول لي هـ الكلام أنا احبك بس ما اقدر أطلق إنسانه ما ضرتني
أبو فيصل وهو معصب :- أي بس أبوها حرمك من أبوك وحرمني منك قول لي تستحق تعيش معاك و أبوها لعب بعقل أمك وحرمني منك 0
فيصل :- وهي وش ذنبها0
أبو فيصل :- ذنبها أن أبوها اكبر مخادع خدع أخته عشان يحتفظ بفلوسها مع فلوسه ويحرمها من زوجها 0
فيصل ساكت ومو عارف كيف يرد إلا بدخله فهد :- قلت له باللي صار عشان يبرد قلبه0
أبو فيصل يطالع فيهم :- إيش اللي صار
فهد :- رحت اخطب بنت أبو منصور وقال لي ما عندنا بنات للزواج 0
أبو فيصل والشر يطلع من عينه مسك بثوب فهد :- رايح تخطب من وراي
فهد :- أي رحت ويا ليت ظليت بحلمي بدل ما أنصدم برفضه والسبب أنت
أبو فيصل حس نفسه محاصر وفتح أزرار ثوبه :- اسمع أحنا ما نشرف ببناتهم وبدل بنته ألف بنات تبيك
فهد جلس بجنب فيصل :- ما أبي أتزوج غيرها
أبو فيصل ويهز بأيدينه :- يا سلام أولادي يبون يعصوني واحد متمسك ببنت عدوي والثاني يبي يقضي علي يحب بنت اخو عدوي 0
قطع كلامه رنه جوال فيصل اللي بس رد طلع يركض من عند أبوه اللي زاد صراخه وسبه0
/
\
/
مضاوي ما شافت إلا وسن طايحة قدامها ما عرفت كيف تتصرف تحرك فيها وما تتحرك ركضت لغرفه أم فيصل وفتحته بسرعة و أم فيصل كانت تكلم جوال
أم فيصل :- شفيكِ مضاوي
مضاوي:- والله يا خاله وسن طايحة عندي ومو عارفه أسوي لها شي
أم فيصل ركضت مع مضاوي وشافت وسن طايحة ووجها اصفر
حركتها وما تتحرك تذكرت الجوال راحت تركض لغرفتها وكان أبو ندى ينتظرها :- اخوي الحق وسن طايحه وفيصل مو بالبيت ما أعرف كيف أتصرف
مضاوي رفعت رأس وسن إلا شافت دم مكان الطيحه شهقت بقوه وبدت تصارخ:- يا خاله لحقي علي وسن بتموت
أم فيصل بس سمعت وسن بتموت تركت الجوال من يدها وجلست بجنب مضاوي مو عارفه إيش العمل0
أبو ندى يكلم أخته وما في رد طلع يركض من البيت وأم ندى تناديه ولا معبرها
ركب سيارته وعلى طول لبيت أخته دخل يركض وعلى طول صعد لفوق في اتجاه الصياح ما همه احد دخل وحمل وسن وأم فيصل لبست عباتها وراه ومضاوي لبست بسرعة أخذت جلال الصلاة وغطت وسن وعلى طول للمستشفى0
/
\
فيصل وصل للمستشفى بسرعة دخل غرفه وسن وأمه ومضاوي وخاله جالسيين جنبها ولا كلمهم مسك أيدها :- وسن أنتي تعبانه وش حاسة فيه وليه ضماد ملفوف على راسك؟؟؟
وسن ابتسمت بحيا على تصرفات فيصل
أم فيصل :- على الأقل سلم على خالك استح
مضاوي تتسبب:- قلت لك يا خاله ما يراعي شعور احد متجمد
فيصل يطالع فيهم :- يمه والله ما أنتبهت و أم لسان حسابها بعدين
مضاوي تبتسم :- ههههههههه ما اعتقد
فيصل يهز برأسه :- نشوف
سلم على خاله وحب رأسه اللي يطالعهم مبتسم على حركاتهم
أبو ندى :- ما تنلام زوجتك وأم عيالك تعبانه عذرناك
فيصل جلس جنب وسن:- والله يا خال زوجتي أي أم عيالي قول لها تتشطر وتعبي بيتي عيال وتجيب العيد لأمي
أبو ندى :- ليه مو ناويين
فيصل ولا فاهم لسر ابتساماتهم :- والله يا خال ودي بس بنتك تقول تبي تكمل دراسة
ضحكوا عليه التفت على وسن اللي من الحيا ما رفعت رأسها من ضحكهم
فيصل مستغرب :- وش السالفة قايل نكته
مضاوي بلقافة :- لا بس بصير عمه
فيصل مو مستوعب :- وش دخلك تصرين عمه وابتساماتكم بالسالفة
أم فيصل وهي تضحك:- ههههههه ما خبري يا دكتور انك غبي دايما شاطر ومصحصح وفي هذي السالفة تنحت علينا0
فيصل عصب :- يمه أي سالفة مخي مسكر و زوجتي مربوط رأسها وانتو تتكلمون كلام ألغاز
تو بيكمل كلامه إلا التفت على وسن :-أنتي حامل يا البزره
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك