رواية الحظ لو عاثر بصنع أنا حظي -2
ياسر الوو
بندر هلا ياسر
ياسر وينك؟
بندر هذاانا جاي وبعدين تو الناس
ياسر لاموتوالناس تدري ابي اخلص بدري لان وراي دوام وابي انام
بندر يعني انا اللي ماوراي دوام؟يالله دقايق وانا عندك باي
ياسر طلع اللي يبي من الخزنه حقته وحطها بشنطه وطلع ولقى بندر عند الباب
ياسر هلا بولد العم كيفك؟
بندر يخير وعافيه يالله مشينا؟
ياسر اقولك وش رايك نروح البحر شوي
بندر ليش اجلت المشوار؟
ياسر لا بس فكرت اخليه بعد المغرب احسن عشان محد ينتبه ويعرفنا
بندر قصدك بعد ماتظلم الدنيا؟
ياسر ايه احسن والا
بندر ايه احسن والله يجزاك بالخيرعلى اللي تسويه
*******************************
هند الو هلا والله رغوده كيفك
رغد كويسه بس طفش
هند طيب تعالي عندي
رغد اممم بشوف واردلك خبر
هند خلاص انتظر منك الوو
رغد اوكي باي
حلا هنوده
هند خير
حلا اممم فيه بنت عندنا بالمنتدى عندها مشكله وطلبت مني اساعدها وانا ماني قادره
هند خير وش هي مشكلتها يمكن انا احلها لها
حلا هي تحب واحد وتموت عليه وهو مو معطيها وجه بالمرة
والمشكله انها تعرف انه فاشل وراعي بنات
هند حلاااااا ترى انا مو خبله وقسم بالله لو ماتنقلعين عن وجهي لاكسر راسك
حلا طيب ليه معصبه انا كنت ابي اساعد البنت هههههه
هند ادري انك تقصديني بهالكلام بس هذا شي مايخصك فاهمه
*********************************
سونا بابا ياسر
ياسر خير سونا
سونا ماما كبير يبغى انتا
ياسر طيب قوليلها بجي هالحين
ياسر راح عندي فله عمه ولقى ام راكلن جالسه بالصاله
ياسر خير ياخاله بغيتي شي
ام راكان انت بأي حق تهاوش ايناس وتمنعها من الطلعه؟
ياسر ياخاله ايناس بعدها صغيرة وغلط ترورح مع السايق بروحها
ام راكان مو شغلك وترى هذي اخر مرة اسمحلك تتعرض لها.المرة هذي
هاوشتها المرة الجايه مااستبعد انك تفكر تمد ايدك عليها
ياسر والله انا بحسبة اخوها الكبير ومو عيب لو علمتها الصح من الغلط
ام راكان بنتي مو في حاجه لك او لغيرك عشان يعلمها ,وبعدين
احمد ربك اني باقي متحمله وجودك ببيتي
ياسر انا جالس ببيت عمي ولاتخافين كلها كم شهر وفلتي تخلص وبترتاحين مني
ام راكان ياليت تستعجل شوي لان ماعاد عندي صبر
ياسر حس بالاهانه بس مابين ابشري طال عمرك والعذر والسموحه لو تدخلت في شؤؤن بنتك المصونه
ام راكان كأني اشم ريحه استهزاء؟
ياسر عن اذنك ياخاله
ام راكان (روحه بلا رده ياولد منيرة)
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
&&الجز الثالث&&
رغد تكفى زياد ساعه بس ماني متأخرة
زياد و الله موفاضي بس تدرين دامك قلتي تكفى راح اتكرم واوديك هههههه
بس الرجعه خلي مازن يرجعك
رغد مو مشكله اي واحد يرجعني اهم شي اروح هههه
نجلاء الله وش هالحلى الزين متى سويتيه؟
هند هههههه تقولين كذا وانتي باقي ماذقتيه اجل لو ذقتيه وش بتقولين؟
حلا بتقوول وع وع مو حلو هههههه
هند ليه على بالك الناس كلها زيك ماعندهم ذوق
حلا لااااا لماذا تقولين لي هكذا ؟ويحك انني مرهفه الاحساس وبكلامك هذا تجرحين مشاعري
نجلاء هههههه الله يغربلك ياحلا
هند انتي وييين والاحساس وين
حلا خلينا الاحساس لك ياست هند عن اذنكم
نجلاء تعالي وين رايحه؟
هند ماعليك منها ماعندها سالفه
نجلاء الا من بيجيك؟
هند رغد صديقتي
نجلاء ياحليلها والله احسها طيبوة مرة
هند فديتها هذي اعز صديقه عندي
زياد وصل رغد وراح
هند هلا وغلا بروحي وقلبي رغودة
رغد احم احم احرجتيني يابنت ههههه
نجلاء هلا بك رغد كيفك
رغد والله تمام انتي كيفك وكيف معاذ ؟
نجلاء بخير حبيبتي ماعينا
هند اقول تعالو نروح غرفتي اخاف هاني ينزل ترى هو مايدري ان عندي احد
نجلاء خلاص روحو وانا بجيب القهوة والحقكم
راحت هند ورغد فوق
هند اقول رغودة ادخلي غرفتي وانا بروح انادي حلا
تجي شكلها زعلت مني وماراح تجي لين اراضيها
رغد اوكي بس لاتطولين هههه
راحت هند لحلا
هند حلا وينك ترى رغد جات
حلا طيب وش اسوليها
هند لا شكلك زعلانه من جد
حلا وليه ازعل هو انا عندي احساس زي الناس؟
هند ههههههوبس هذا اللي مزعلك طيب خلاص اسفه وحقك على
حلا....
هند يالله عاد مايصير انا الكبيرة ةواترجاك
حلا هههههههه ومن قالك اني زعلانه بس ابي اشوفك وانتي تترجيني شكلك توحفه
هند مالت عليك ههههه اجل يالله خلينا نروح البنت بروحها
رغد جلست على السرير تنتظر هند وبعد لحظات انفتح باب الحمام وطلع منه هناني وهو يغني ولاف المنشفه عليه
رغد رفعت راسها وانصدمت من اللي تشوف وغطت بايدينها على وجهها وصرخت
هاني جلس لحظات متجمد مكانه من الصدمه وبعدها طلع يجري وصدم في هند وحلا
هند هاني !!!!!!!!!!!!!!
هاني والله ماادري عنها ولا من وين طلعتلي
هند منهي ؟لايكون ياويلي
هاني الله لايبارك فيكم .وراح على غرفته
هند دخلت الغرفه ولقت رغد تبكي
هند رغدر والله ماكنت ادري انه هنا وحتى هو مايدري اصلا مدري وش مدخله غرفتي
رغد اعطيني عباتي بروح البيت
حلا والله ماتروحين وانتي زعلانه انا بروح اشوف هاني وافهم منه الموضوع دقيقه وراجعه
راحت حلا عند هاني
هاني كيفها الحين اكيد زعلانه وتظن اني متعمد وبعدين من هي وليش ماقلتو ان عندكم احد
حلا شوي شوي عشان اعرف اتكلم
اولا انت ايش موديك حمام هند ماتقولي
ثاني شي هذي صديقه هند
ثالث شي توها جات وماامدانا نقولك
هاني الصخان اللي بحمامي اخترب وعندي مشوار مهم ولازم اطلع وابي اخذ دش
قلت اروح حمام هند لانه الاقرب ويوم طلعت الا البنت بوجهي
حلا وش هو المشوار المهم هاه
هاني والله انك سخيفه انا وين وانتي وين
حلا ههههه سوري بس تعرف اختك تحب تعرف كل شي
هاني طيب الحين البنت راحت وهي زعلانه وش بتقول لاهلها ياربي وش هالفشله
حلا من ناحيه زعلانه فهي زعلانه ومصره تروح وهي توها جايه
بس ماعليك انا بفهما السالفه يالله عن اذنك
راحت حلا عند البنات وفهمت رغد الموضوع وهدوها وجاتهم نجلاء بالقهوة
وقالولها السالفه وكملو سواليف
هاني لبس وطلع وقبل ينزل تحت مر على غرفه هند
هاني هند هند
هند هلا هاني خير
هاني بصوت عالي قولي لصديقتك انا اسف على اللي صار والله ماكان قصدي شي
اصلا ماكنت ادري انها باغرفه والعذر والسموحه منك يابنت الاجواد وحقك على يالله عن اذنكم
نجلاء هاه رغودة باقي زعلانه ؟؟
رغد هو مو زعل بس انا مرة تفشلت وانا مقابله له وهو .وحطت ايدها على وجهها
حلا يابنت الحلال احمدي ربك انه طلع وعليه منشفه ههههههه
هند حلا اطلعي برا لاكسر راسك
البنات هههههههههههههههه
*************
دلع الو هلا عفاف
عفاف هلا فيك كيفك
دلع تمام وانتي
عفاف بخير وش قاعده تسوين؟
دلع ولاشي بس العب رياضه
عفاف يابنتي وش تبين بهالعضلات
دلع مو شغلك
عفاف طيب تعالي عندي انتي وحلا
دلع والله انا عندي مباراة وابي اتفرج عليها بعد
شوي .وحلا مو فاضيه عندهم صديقه هند
عفاف طيب ليش مو جالسه معهم؟
دلع تعرفيني مااحب هالجلسات احسها كلها كلام
فاضي
عفاف امممم على راحتك اجل اخليك الحين
دلع الله معك
***********************************
ابو راكان اقول ياام راكان
ام راكان نعم وش بغيت
ابو راكان خذي هذا المصروف حق العيال وزعيه
زي كل مرة
ام راكان خلاص العصر اوزعه الحين مو فاضيه
ابو راكان على كيفك يالله انا بروح تبين شي؟
ام راكان لا سلامتك
................
راكان ايناس وين شوق؟
ايناس مدري عنها
راكان قومي ناديها وقولي لها تجي غرفتي
ايناس لاوالله اشتغل عندك انا
راكان انناس ترى لو مارحتي برضاك بتروحين
ورجلك فقو راسك فاهمه يالله اشوف
ايناس اف انا كم مره قلت لااحد يقولي انناس
راكان والله اذا ماسمعتي الكلام بقولك
انناااااااااااااااااس هههههههه
راح راكان غرفته وايناس راحت تدور على شوق
زلقتها تسقي الزرع بالحديقه
ايناس شووووق روحي لراكان يبيك بسرعه
شوق هو وين ؟
ايناس بغرفته
شوق طيب اخلص الي بيدي واروح له
شوق خلصت وراحت لراكان
شوق هلا راكان بغيتني؟
راكان ايه تعالي اجلسي
شوق لامرتاحه كذا
راكان طيب افتحي الدولاب وخذي الكيس الاحمر منه
شوق راحت للدولاب واخذت الكيس
شوق تفضل
راكان لا هذا لك انتي شوفيه وقولي رايك
شوق فتحت الكيس ولقت فيه فستان زهري
شوق مشكور راكان بس شكله مرة قصير
راكان لاماعليك بيطلع عليك حلو يالله روحي البسيه وتعالي ووريني
شوق لابعدين موالحين
راكان لا الحين يالله بسرعه
شوق ماتقدر ترفض طلب لراكان لانه الكبير
راحت غرفتها ولبست
شوق( يوه والله قصير وانا مااحب البس كذا بس شسوي براكان)
>>>الفستان كان يوصل للركبه
شوق رجعت لراكان وهي مستحيه
راكان ياهوووووه والله طالعه قمر يابنت خذي لفه اشوف
شوق لفت لفه وجلست عالكرسي
راكان ليش مستحيه ؟
شوق لا بس
راكان لابس ولاشي وخلك كول واي شي اجيبه لك البسيه اوكي
شوق اوكي طيب الحين تبي شي والا اروح
راكان لاخلاص روحي
شوق طلعت وكانت بتروح غرفتها بس الشغاله قالت لها ان حلا تحت وتبيها
شوق هلا وغلا بالحلا كله
حلا احم احم ادري والله مايحتاج تقولين ههههه
شوق فديتك والله تعالي غرفتي احسن
راحو البنات فوق
حلا الله وش هالفستان الحلو
شوق من جد بس مو كنه قصير واجد؟
حلا بالعكس والله حلو ومطلعك كيوت مرة يالخاينه ماقلتيلي متى شريتيه ؟
شوق لاهذا راكان جابه لي هديه
حلا راكان؟؟؟
شوق ايه راكان
حلا وعادي عنده تلبسين فوق الركبه؟؟؟
شوق راكان عادي عنده اي شي وهذا مو مريحني
حلا والله بندر لو لبست كذا يكسر راسي هههههه
شوق تصدقين حلا انا اخاف واحترم حسام اكثر من راكان
حلا كيف يعني؟
شوق امممم حسام مايحب اللبس الماصخ وحتى التلفزيون فيه بعض الاشياء مستحيل نطالع لها وهو موجود
اما راكان عادي تخيلي ذاك اليوم يقولي اقوم ارقص له زي اللي بقناة الاغاني
حلا اما عاد
شوق والله بس انا مارضيت وقلتله مااعرف
حلا هههههههه اما لو شاف راقصك كان انهبل هههههه
شوق اقول عن الفضايح
حلا والله من جد انتي رقصك جنااان
شوق اقول غيري الموضوع
حلا طيب نغير الموضوع امممممم ايه تذكرت ههههههههههه
شوق خير هههههه
حلا اما صار لرغد صديقه هند موقف وهي عندنا لاتحسد عليه
شوق وشو ؟؟؟؟
حلا قالت لشوق الموقف
شوق هههههههههههههههه ياحليلها اما موقف الله لايحطني مكانها
طيب وهاني وش سوى؟
حلا ابد بس خانقنا شوي وبعدين قال لهند تعتذر منها وانه مو قصده ومن هالكلام
شوق(فديته من يومه وهو وذوق)
حلا هيييييي وين رحتي؟
شوق هاه معك معك الا اقول حلا
حلا قولي بس لاتكثرين هههههه
شوق هاني باقي شكله زي اول والا تغير؟
حلا ههههههه لاتخافين باقين حلو فديته اخوي المزيون
شوق اقول ترى كلنا مزايين مو بس انتي واخوك ههههههه
حلا انتي ماراح تضيفيني شي؟وجع وش هالبخل
شوق ههههههه انتي لسانك دوم متبري منك ؟خلاص بروح اجيبلك شي تطفحينه
راحت شوق وجابت عصير وكيك وكملو سوالف وبعدين راحت حلا بيتهم
************************************
ام راكان بعد ماتعشوا وراح ابو راكان ينام
ام راكان اذا خلصتو عشاء تعالوا الصاله ابيكم
العيال تعشوا وراحوا لام راكان
ام راكان وقدامها 6ظروف
ام راكانهذا مصروفكم كل واحد ياخذ واحد
اول وحده خذت مصروفها ايناس
ايناس ماما ايش هذا بس خمسه الاف؟ انا قلتلك ابي اجيب هديه لسوسو وهذي يادوب تكفيني لوحدي
حسام اقول عن الدلع الزايد واحمدي ربك غيرك مو محصل ربع اللي عندك
ايناس انت مايخصك
حسام ترى بيجيك كف يعدل اسلوبك معي
ايناس ماما شوي ولدك
ام راكان حسام خل اختك بحالها وانتي انوسه لاتزعلين نفسك .اقول ياشوق
شوق نعم يمه
ام راكان هاتي مصروفك
شوق......
ام راكان اشفيك شوق ماتسمعين؟؟
شوق الا اسمع تفضلي
ام راكان اخذت ثلاث الاف وعطتها ايناس ورجعت لشوق الفين
شوق انقهرت من تصرف امها بس هي بطبعها كتومه لابغد حد
سحر يمه حرام كذا مايصير
ام راكان لاوالله انتي بتعلميني الحلال والحرام؟
حسام سحر معها حق هذا مصروف شوق ومو عدل تاخين منه وتعطين
هالدلوعه وهي عندها مصروف
.شوق خذي هذي بدال مصروفك
شوق لامشكور حسام
ام راكان حسام يعني تبي تكسر كلامي؟
حسام يمه انا
ام راكان وصمه انشالله انا امكم وادري باللي محتاج واللي مو محتاج
ويالله كل واحد على غرفته .عيال اخر زمن
الكل راح على غرفته وشوق حاولت تنام وماتفكر بتصرف امها بس ماقدرت
شوق(ليه يمه تسوين كذا؟ انا عمري ماخالفت لك كلمه وديم انا الوحيده اللي
ينفذ كلامك ورغباتك بدون معارضه.احيانا احس انك مو امي بس ارجع واستغفر ربي
هالحين وش اسوي بهاالالفين ؟
اعطيها لريوف بدال اللي استلفتها منها الشهر اللي راح والله ماكان
ودي اتسلف من احد بس
بسبب راكان
لانه طلبني نص مصروفي وانا ماقدرت اطلبك يمه وطلبت من ريوف.
والا اشتري اغراض لي والا ايش؟الله يسامحك يمه)
جلست شوق تقلب افكارها لين غلبها النوم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
&&الجزء الرابع&&
هاني هلا والله بعيال العم كيفكم
حسام بخير وعافيه والله وحشتنا سوالفك الحلوه
ياسر من زين سوالفه عشان توحشنا هههههههههههههه
بندر لاياسر هذا هنوي وانا ماارضى عليه ههههه
هاني هي انت وياه وش هنوي هذي انا اسمي المهندس هاني
حسام واحلى مهندس بالمملكه وترى ابيك تصمم لي فلتي اذا جيت ببني
هاني تسلم حسام والله انت اللي تقدر الناس مو زي هذولا
ياسر اوووة كن الولد زعل؟لاياخوك ترى نمزح وعشان ترضى ابيك
تصمم لي الاصطبلات حقتي هههههههههه
الكل هههههههههههههههههههههههههه
هاني مالت عليك يقالك بتراضيني هالحين هههههههه طيب
راح يجيك اليوم اللي تترجاني اصمم لك شي
حسام يناظر ساعته
بندر خير حسام شكلك مواعد هههههههههههههه
حسام استغفر الله العظيم الله يهديك بس
بندر ياخي نمزح معك وشفيك شبيت علينا؟
حسام رجاء لاتمزح مع في هالامور ولعلكم انا كنت اشوف الساعه
عشان اخاف اتأخر على شوق
ياسر ليش هي وين؟؟
هاني عندنا ماتشوفنا مطرودين من البيت عشان الست حلا عندها بنات
بندر خلها تستانس شوي تو الناس
حسام لاهي قالت اجيها 11ونص يالله عن اذنكم
هاني طيب ودها وارجع ترى اليوم خميس وراح نسهر للصبح
حسام لا انا مالي في السهر بروح احط راسي وانام
ياسر خلوة على راحته الله معك حسام وسلم على عمي
********************************
حلا وليش ماتعجبك ايناس ؟ ترى هي حبوبه وطيوبه ومو شايفه نفسها بالمرة هههههه
سهام الحين متأكده انك تقصدين ايناس؟
مااصدق لانك اكثر وحده تحشين فيها
افتخار ايوالله صادقه سهام اصلا هذي من يحبها والا يطيقها
شوق هي انتي وياها ترى هذي اختي وانا ماارضى عليها
عالية انتي وايد طيبه انا لو منج اصطرها لين تعض الارض
اجل تاخذ مصروفج وانتي تتمين جذيه بليا مصروف؟
شوق انا مااقدر اكسر كلام امي لو شو ماصار
حلا آآآآآه ليتها كانت اختي كان وريتها شغل الله هالانناس
شوق ههههههههه ودي تشوفين شكلها اذا قالوا لها اخواني كذا كان متي من الضحك
البنات هههههههههههههههه
دق جوال شوق وكان المتصل حسام
شوق هلا حسام .ايه جاهزة. طيب دقيقه واطلع لك
حلا خير على وين؟
شوق حسام جاء وبروح
حلا تو الناس
شوق معليح حلا والله كان ودي بس حسام مايحب السهر وماابي ااخرة اكثر من كذا
سهام عاد زورينا شواقه مو تنسين
شوق انشالله ياعمري ماراح انسى يالله باي
البنات الله معك
راحت شوق ولحقتها حلا
حلا شوق خذي هذي
شوق وش ذا
حلا مشي حالك بهالمبلغ والشهر الجاي رديه ترى انا بخيله يعني ماراح اقول تفداك هههههه
شوق لاياحلا والله انا ماقلتلك هالكلام عشان تعطيني
حلا ادري وربي بس عادي لاتكبرين الامور
شوق مستحيل اخذها واذا تحبيني لاتضغطين علي
حلا والله مااقصد شي بس حبيت اساعدك
شوق ادري ياقلبي بس ماعليك انا اعرف ادبر امروي اهم شي لااحد يدري اوكي
حلا اوكي
شوق يالله بمع السلامه
حلا في حفظ الله
**************************
يوم السبت في الدوام
بندر حركات والله ومتى ناوي تسافر
ياسر هالاسبوع ان الله راد
بندر ياخي راح افقدك تدري انت عندي مثل الهوى هههههه
ياسر اقول خل هالكلمتين اللي حافظهم وقولهم لام معاذ ترى اعرفك بياع كلام
بندر ابوك يالولد انا بياع كلام طيب بكم ههههههههههه
ياسر الله يرجك ياشيخ
بندر اخبار عمنا الحنون ورى مايسير علينا والا يسأل عنا
ياسر عمك يالحبيب شاغلته هالدنيا حتى عياله مايدري عنهم الله يهديه بس
بندر والله مو كاسر خاطري الا هالشوق
ياسر ليش وشفيها شوق ؟؟
بندر ياخي امس حلا قالت لي كلام ضيق خلي عليها
ياسر اخلص يالثور ترى احرقت اعصابي
بندر اسمع السالفه بس امانه لاتقول لاحد لان حلا لو درت بتزعل لان شوق ماتحب احد يعرف مشاكلها مع اهلاها
بندر قال السالفه لياسر اللي بدوره عصب وانقهر من من ام راكان
ياسر يعني مو كفايه انا طلعت لي قرون من وانا صغير وهالحين بتلف على شوق
بندر هدي ياخوي هي مع بنتها يصتفلو على قولة الشاميين
ياسر والله انك فاضي يالله مع السلامه
بندر وين تو الناس باقي ساعتين
ياسر والله ضاق خلقي ومو قادر اجلس
بندر الله معك يالغالي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك