رواية الحظ لو عاثر بصنع أنا حظي -3
بندر قال السالفه لياسر اللي بدوره عصب وانقهر من من ام راكان
ياسر يعني مو كفايه انا طلعت لي قرون من وانا صغير وهالحين بتلف على شوق
بندر هدي ياخوي هي مع بنتها يصتفلو على قولة الشاميين
ياسر والله انك فاضي يالله مع السلامه
بندر وين تو الناس باقي ساعتين
ياسر والله ضاق خلقي ومو قادر اجلس
بندر الله معك يالغالي
*******************************
بعد يومين
بيت ابو راكان العصر
شوق راكان ابي اروح المكتبه ناقصني شويه اغراض
راكان والله مو فاضي ياشوق مواعد الشباب وشكلي تاخرت عليهم بعد مع السلامه
ابو راكان روحي مع السايق
شوق سحر نايمه واخاف اروح بروحي معه
ام راكان ترى هو سايق مو وحش عشان تخافين
شوق.....
في هالحظه جاء ياسر وطبعا البنات مايتغطون عنه لانهم رابيين مع بعض سحر بس تتحجب والباقين عادي
ياسر السلام عليكم
الكل وعليكم السلام
شوق(اف وش جاب هالعله)
ابو راكان حياك ياولدي كيفك وينك ماعاد تنشاف
ياسر والله لاهي مع هالعمل ومابي اضايقكم بوجودي وترى ابشرك فلتي ماباقي لها شي وتخلص
ابو راكان عيب هاالكلام ياياسر هذا بيتك قبل مايكون بيتي وترى انا
عادك واحد من عيالي
ياسر يسلم راسك يالغالي و..وقام وحب راس عمه
شوق(مسوي اخلاق انت ووجهك)
ياسر وين العيال؟
ابو راكان والله حسام نايم وراكان توه طالع حتى اخته بغت المكتبه وماوداها
الله يصلح هالولد مدري متى بيخلي هالشله اللي لافي عليها
ياسر الله يهدي الجميع .من اللي بغت المكتبه؟
ابو راكان شوق تقول ناقصها شويه اغراض
ياسر طيب انا بوديها مو مشكله يالله ياشوق
شوق لا لا خلاص مابي شي
ام راكان لعب عيال اهو مو توك صاجتنا الا تبين تروحين
شوق خلاص السايق يوديني
ام راكان يمه منك تو تقولين اخاف اروح معه بروحي والا دلع بنات بس
شوق....
ابو راكان خلاص شوق روحي مع ياسر
شوق يبه خلاص مابي
ابوراكان شوق عن الدلع ويالله روحي
ياسربضحكه انا انتظرك في السيارة
شوق(اف من وين طلع لي هذا)
ياسر ينتظر في سيارتة
شوق جات وركبت ورى
ياسر يعني حالي حال السايق عشان تركبين ورى؟
شوق كذا مرتاحه
ياسر مو مشكله اهم شي راحتك .الا اي مكتبه تبين؟
شوق اي مكتبه مو مهم
ياسر تدرين اني انبسط انك مارحتي مع السايق.لاني ضد روحه البنت مع السايق وحدها
شوق انا مارحت معه عشان انا ماابي مو عشان احد ثاني
ياسر مفهوم يابنت العم من هو اللي تقصدين بس اهم شي انك مارحتي
الا على فكرة ترى انا عندي اجازة وبسافر بكره للجبيل وبجلس شهر هناك
شوق طيب وش تبيني اسويلك تبي اروح المطار اودعك مثلا؟
ياسر لا مشكورة ادري تبين الفكه من وجهي ومدري ليش بس انا كان
قصدي اذا تبين شي اجيبه لك من هناك
شوق مشكور مابي منك شي
ياسر(هالبنت بتجنني احس ودها تقوم وتقتلني من زود الكره)
فتح الدرج وطلع منه ظرف ومده لشوق تفضلي
شوق خير وش ذا؟
ياسر هذا مبلغ بسيط اعتبريه هديه مني يمكن محتاجه شي والا شي
وترى انا زيي زي راكان وحسام يعني مابيننا فرق
شوق رمت الظرف عليه انا مو محتاجه عشان تعطيني صدقه
وبعدين مستحيل تكون زي راكان وحسام مستحيل وانت عارف ليه يااااا . والا بلاش
ياسر يابنت الناس من قال صدقه الحمد لله الخير واجد وانتي تعرفين
ان مالي احد غيركم وغير خالتي عايشه. وما فيها شي لو اعطيتك او اعطيت اخوانك
وبعدين انا وش فيني مو مالي عينك ؟ وراكان وحسام وش فيهم زود عني هاه؟
شوق خل خيرك لك حنا الحمد لله ابونا مو مخلي علينا قاصر
ياسر ربي يخليه لكم ويطول بعمره. بس كلامي الثاني مارديتي عليه ليش؟
شوق يعني مصمم ارد؟
ياسر ياليت والله
شوق اسمع ياياسر انت لو توصل للسماء مامليت عيني وانت عارف ليه
ياسر افا يابنت العم ليش كذا؟انا مدري ليش انتي الوحيده اللي مقدر
اوقفك عند حدك والا اقص من لسانك شوي
شوق عارف ليش؟ لانك متأكد اني على حق وانت على غلط .اصلا كلك على بعضك غلط
ياسر اللهم جيبك ياطوله الباال انتي وبعدين معك ؟
شوق......
ياسر آآآآآآآه يارب صبرني . يالله يالله انزلي وصلنا
نزلت شوق ونزل وراها ياسر
شوق خير على وين؟
ياسر بدخل معك
شوق مو لازم تدخل انا مو صغيرة واعرف اشتري لوحدي
ياسر هههههههههههههههه
شوق خير قلت نكته عشان تضحك؟
ياسر اسفين يالكبيرة ههههههه بس انا مقدر اخليك وحدك قدامي يالله
شوق شافت انه مافيه فايده من العناد فراحت معه
********************************
هاني هنود بغيت اسألك عن شي بس لاتفهمني غلط
هند تفضل ياخوي اسأل
هاني امممم البنت اللي لقيت في غرفتك ذيك اليوم من هي؟
هند وليش تسأل؟
هاني مدري بس احيانا تجي على بالي
هند هذي الله يسلمك رغد اعز صديقه عندي وبنفس عمري
هاني تصدقين اسمها حلو رغد رغد رغد
هند ههههههههه تدري انها تبي تغيرة
هاني لا عاجبني لاتغيرة
هند !!!!!!!!!!
هاني قصدي حلو ليش تغيرة؟ هي اكيد مخطوبه صح ؟
هند بخبث ايه مخطوبه وتموت على خطيبها
هاني بحزن واضح مخطوبه؟ طيب خلاص شكلي طولت عليك وتبين تنامين
هند لا عادي
هاني تصبحين على خير
هند وانت من اهله
راح هاني على غرفته وهو متضايق شوي
هاني الحين يوم فكرت فيها ودخلت براسي تطلع مخطوبه. اف شكل حظي مو ذاك الزود
هند (ههههههه ياحليلك ياهاني اجل معجب برغد والله لو تدري رغودة كان طارت من الفرحه هههههه
بس خلني احرق دمه شوي وامشي الكذبه كم يوم )
هند دلع ممكن اعرف هذا وشو؟
دلع هاه مدري .وبعدين من سمحلك تنبشين بأغراضي؟
هند الحين جاوبي والا بقول لبندر
دلع لا تكفين هنوده انا بقولك امممم هذا لصديقتي نسته عندي وهي ماتدري
هند دلع والله لو طلعتي تكذبين علي وهالدخان لك لاقول لبندر وانتي عارفه وش بيسوي
دلع اناااااا لاااا مستحيل الله يهديك ماباقي الا هي
هند وصديقتك هذي مابيك تمشين معها بعد اليوم مفهوم
دلع(تبطين عظم ) ايه طيب على امرك بس هاتي
هند وشتبين فيه
دلع ابد برميه . وخذته ورمته بالزباله اللي عندها بالغرفه
هند ايه كذا ابيك يادلع انتي بنت وهالاشياء للعيال مو لنا اوكي
دلع اكيد اوكي
راحت هند غرفتها
ودلع اخذت الدخان من الزباله ورجعته في الدرج
دلع هالمرة عدت على خير بس هالحين بقفل عليك بالمفتاح عشان محد يشوفك ههههه
*****************************
رجعت شوق البيت بعد ماشرت اللي تبيه من المكتبه
شوق خلاص هات الاغراض
ياسر خليني ادخلها داخل ثقيله عليك
شوق لا مو ثقبله هات
ياسر مد الاغراض لها وبدون قصد منهم تلمست ايدينهم
شوق سحبت ايدها بسرعه كنها مقروصه وطاحت الاغراض
ياسر والله مو قصدي شي
شوق ادري خلاص رووح رووح
ياسر والاغراض؟
شوق خلهم انا بشيلهم بس رووووووووووح
ياسر راح وشوق جمعت اغراضها ودخلت دااخل
ياسر راح غرفته وانسدح عالسرير
(آآآآآه ياشوق هالحين بس عشان ايدي لمست ايدك بالغلط صار فيك كذا
اجل لو تدرين باللي بقلبي وش بتسويين؟؟؟)
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
&&الجزء الخامس&&
بعد اسبوعين
رغد تكفى وليد والله محتاجه هالملخص ضروري .ومافيني البس واروح لهند لاني لو
رحت بتمسك فيني الا اجلس
وليد طيب بوسي ايدي بالاول
رغد احلف بس
وليد وراسي بعد
رغد ولييييد لاتذلني عشان هالملخص
وليد افاااا ماعاش من يذلك وانا اخوك الحين اروح واجيبه
بعد ماراح وليد رغد دقت لهند وقالت لها ان وليد بيمر وياخذ الملخص
هاني كان هو وحلا بالحديقه وسمع صوت احد ينادي من برااا
فتح الباب وشاف وليد
هاني هلا اخوي
وليد هلا فيك
هاني امر اخوي بغيت شي
وليد والله انا جاي اخذ كتاب لاختي من هنا
هاني كيف تاخذ كتاب لاختك؟مو فاهم
وليد (وش هالبلشه) اختي صديقتها تسكن هنا وارسلتني اخذ لها كتاب من عندها
هاني اهااااا يعني اختك صديقة وحده من خواتي
وليد الحمد لله اخيرا فهمت
هاني وش تقصد يعني انا ماافهم؟
وليد هههههه لاانا كنت امزح معك لاتزعل
هاني ههههههه حتى انا امزح طيب دقيقه وراجعلك
راح هاني لحلا وسالها وقالت مدري يمكن صديقه هند ودق على هند وقالت الحين انزل واجيبه
هاني تفضل اخوي واسفين طولنا عليك معليش
وليد لاعادي مو مشكله
هاني ماتعرفنا عليك
وليد انا وليد العبدالله
هاني والنعم وانا هاني على
وليد ماعليك زود وتشرفت بمعرفتك هاني وهذا كرتي
هاني انا اللي تشرفت
وليد يالله اشوفك على خير
هاني الله معك
طلع هاني لهند
هاني هالحين دام البنت دقت عليك وقالت لك .ليه ماجلستي تحت والا اعطيتيه الشغاله تنتظرة؟
زين كذا الولد خاس عند الباب
هند عادي ماصار شي
هاني كيف ماصار شي
هند رغد دايم تقول وليد صبور ومو عصبي زي زياد يعني ماراح يزعل انه طول عند الباب
هاني ماشالله وعارفه اسامي العايله كلهم
هند طيب وش فيها هذا هي تعرف اساميكم كلكم
هاني منهي ذي اللي تعرف اسامينا؟
هند اف ماسمعتني يوم اقول رغد؟
هاني رغد؟؟ اللي
هند هههههه ايه اللي
هاني وهذا اخوها؟
هند ايه اخوها هاه باقي عندك اسأله ثانيه؟
هاني لا ماعندي يالله سلام
هند على وين؟
هاني بروح مواعد الشباب تبين شي؟
هند لا سلامتك
******************************
بيت ابو راكان
حسام والله وحشني ياسر
سحر وحشنا كلنا بس مسكين خله يغير جو طول السنه في ذا الشغل ماصدق انه اعطوه هالاجازه
حسام ايوالله كاسر خاطري لايروح ولايجي اول مرة اشوف واحد يموت على شغله زيه
بس شهر كثير كان راح 10ايام كفايه
سحر انت عارف انه مابقى له من ريحه امه الا خالته عايشه خله يستانس هناك
حسام عساهم يلقون له عروس بس
سحر ليش هو قالك انه يبيهم يدورون له عروس؟
حسام لا بس انا اقول ودي يلقون له عروس
ايناس وعععع ومن تبي تاخذ هذا
سحر وليه وش فيه ياسر؟
ايناس هذا واحد معقد ومتخلف ويحب يمشي كلامة ولو بالقوة
حسام اقول انناس ماودك تسكتين ؟والاتبين اسكتك بذا الكاس على راسك
ناسيه ان ياسر ولد عمك وعيب تقولين عليه كذا
ايناس اف اف منكم كلكم
حسام اف منك انتي
شوق الحين ماعندكم موضوع غير ياسر ؟
حسام خير شواقه حتى انتي مو عاجبك ياسر؟؟؟
شوق....
سحر اموت واعرف ليش تكرهينه ؟ تدرين انك الوحيده اللي يعاملها بلطف فينا وبعد مو عاجبك
شوق انا بروح غرفتي اذاكر احسن عن اذنكم
حسام شوق شوق تعالي
سحر خلاص خلها على راحتها
*************************************
**في الجبيل**
صقر ياخي والله ماودي يخلص هالشهر. تكفى ياسر انقل عملك هنا
ياسر هههههههه لا مااقدر انا زي السمك اذا طلعت من جده اخاف اموت
صقر هههههه الا شكلك تحب وحده هناك وماتقدر على فراقها
ياسر اقول متى يجي العشاء
صقر ايه صرف صرف بس مصيرك تقولي
ام صقر لا ياسر انا اللي بزوجه على ذوقي
ياسر(الله يغربلك ياصقر الحين وش بيفكني من خالتي)
ياسر لا انا ماجل سالفة الزواج هالحين
ام صقر ليش يمه خلنا نفرح فيك
ياسر انشالله بس مو الحين
صقر قلتك تحب ماصدقتني هههههههه
ام صقر يايمه يقول المثل اخطب لبنتك ولاتخطب لولدك
انا بصراحه ابيك تاخذ بنتي ماجده عشان ماراح اتطمن عليها الامعك
ياسر ياخاله انا
صقر يمه انا فيه واحد كلمني عن ماجده وياسر ماراح يقطع نصيب البنت (وغمز لياسر) صح ياسر
ياسر والله ودي بقربكم بس دامها شبه مخطوبه الله يوفقها
ام صقر لاياولدي مو مخطوبه وانت اولى
صقر يمه خلاص انتهينا.وياليت تحطون العشاء الرجال مات من الجوع هههههه
ام صقربقهر خلاص بنحطه الحين
بعد خروج ام صقر
ياسر وش فيه ليش غمزتلي
صقر ادري انك ماتبي تكسر بخاطر امي وادري بعد انك تحبلك وحده في جده عشان كذا كذبت عليها
ياسر يعني محد كلمك عن ماجده؟؟
صقر لا مااحد كلمني ولاتقول لامي ذا الكلام
ياسر مشكور ياصقر فكيتني من زعل خالتي .وترى مو كره لماجده لاوالله وانت عارف معزتكم عندي بس
صقر لابس ولاقطو ههههه والزواج مو مجامله وانا اخوك الزواج يجي عن حب وعن اقتناع
ياسر طيب وانت مافيه مني مناك هههه
صقر لامالقيت اللي تقنعني انا ابي وحده رومسيه وشاعريه وهالنوع اشك انهم انقرضوا ههههههه
ياسر ههههههه انت وين والرومنسيه وين عربجيه وتخب عليك خخخخ
صقر ابوك يالولد الا انا كلي رومصيه حتى شوف ناظر بوجهي ينقط رومنسيه هههههه
ياسر ايه اشوف اجل عب لي هالكاس رومنسيه ههههههه
****************************
ماجده نجود خلصي هالسلطه تخارنا عليهم
نجود اف وهذا لمتى بيقعد عندنا؟
ماجده بنت عيب عليك وش هالكلام
نجود وانا صادقه مو كفيايه جاء حتى ماجاب لنا شي معه يمه منه شكله بخييل
ماجده لا مو بخيل انا سمعته وهو يعطي امي 10000الاف
وقال هذي لك وللبنات بدل هدياكم انا مااعرف ذوق البنات
نجود احلفي وليش امي مااعطتنا شي ولاجابت لنا سيرة؟
ماجده يعني ماتعرفين امك ؟
نجود بس انا ماراح اسكت وبخليها تعطيني نصيبي مو على كيفها تاخذها لها بروحها
ماجده الحين خلصينا بسرعه وخل نحط العشاء
بعد ماتعشو العيال ياسر نام وصقر دخل عند امه وخواته
ام صقر ليش جاي ومخلي ياسر لحاله
صقر تعبان وبينام
ام صقر الا وش الكلام اللي قلته قبل شوي؟
صقر اي كلام؟
ام صقر ان صديقك خطب ماجدة .تردي اني ماصدقت اكلمه في الموضوع تجي وتقول كذا
ماجدة شو السالفه فهموني
صقر ابد طال عمرك بس امك قالت ليلسر انها تبيه ياخذك
ماجدة ايييش ؟
ام صقر اشفيك يمه بسمالله عليك
ماجدة يعني عرضتيني عليه يمه ليه لهالدرجه انا رخيصه عندك؟
ام صقر يايمه مافيها شي .وانتي تدرين ان الولد ماله احد غيرنا وغير عمه وتدرين ان عنده خير واجد
واحنا اولى من عمه .قصدي انتي اولى
ماجدة بس انا مو موافقه
ام صقر ياليت ان الموضوع امرة بايدك كان خليتك توافقين غصب عليك بس اخوك هالخبل خرب علي
صقر يمه انا ماارضاها انك تعرضين اختي بهالطريقه وبعدين الولد مايبيها من الاساس
ماجده نزلت دمعتها عاجبك يمه تعرضيني عليه وهو اللي يرفض
ام صقر هو مارفض بالعكس يقول ماني لاقي احسن منها بس دامها مخطوبه خلاص الله يوفقها
صقر يمه الولد قالي انه يحب وحده في جده وناوي يخطبها هالفترة بس استحى منك
ام صقر ماعليك منه انا بقنعه
ماجده وانا مالي رأي ؟ قلتلك لو وزني ذهب ماخذته .خاصه بعد ما عرضتني عليه فاهمه.. وراحت غرفتها
صقر يمه هالموضوع ابيك تقفلينه ولاتفتحينه مرة ثانيه ترى خواتي مو بايرات
عشان تحرجين عليهم ونصيبهم بيجيهم لحدهم
********************************
شوق مااقدر راكان والله استحى
راكان اقول عن الدلع ويالله اشوف وهذا المسجل وشغلناه
راكان حط اغنيه مصريه
شوق راكان والله
راكان هشششش يالله ارقصي
شوق وهي ميته خجل واحراج طيب بس شوي
راكان مو على كيفك اذا قلت وقفي توقفين مفهوم
شوق غصب عليها بدت ترقص وهي ودها الارض تنشق وتبلعها
راكان يناظر لشوق وهو مو مصدق ان اللي قدامه شوق الصغيرة البريئه
كان يشوف رقصها ويحس انها راقصه محترفه .وشوق ماخفيت عليها نظرات راكان وهالشي خوفها منه بالحيل
شوق بس خلاص رجلي عورتني
راكان مسرح ومو معها
شوق راكان راكان
راكان هاه يابعد عمر راكان
شوق اقول رجلي عورتني بس ماني براقصه
راكان من جد طيب تعالي وريني من فين تعورك
شوق لامو لازم انا بروح غرفتي
راكان اقول تعالي هنا .واشر لها جنبه على السرير .جات شوق وجلست جنبه
راكان اشوف رجلك . وقام يلمس رجلها ,وشوق حست بأحساس غريب من لمسات راكان
شوق خلاص خف الالم
راكان قرب منها وباسها طيب وشفيك مستعجله نامي عالسرير وخليني اهمز رجلك زين
شوق بعدت عنه لا خلاص خف . قصدي ماصارت تعورني
راكان تصدقين اني اول مره اشوف انك كبرتي وصرتي حلوة وجذابه زي اليوم
شوق راكان بعد عني ابي اروح غرفتي
راكان طيب نامي هنا زي ايام زمان
شوق لا ماابي انام هنا اخاف ازعجك
راكان الا بتكون احلى نومه عندي
شوق جات بتقوم . بس راكان مسك ايدها
شوق راكان فك ايدي بروح
راكان لا مو رايحه وبعدين ليش خايفه كذا؟
شوق مو خايفه بس
راكان سحبها بسرعه وجلسها بحجرة
راكان تذكرين ؟كنتي دايم تجلسين هنا وانتي صغيرة. بس الحين بيكون للجلسه طعم ثاني
شوق فكت نفسها منه بقوة وهربت لغرفتها وهي ترتجف
دخلت الغرفه وقفلت عليها بالمفتاح وهذي اول مرة
راكان لحقها ودق الباب
راكان شوق شوق افتحي بقولك شي شوق
شوق.....
راكان شوق الله يخليك افتحي
شوق ....
راكان طيب انا اوريك .
شوق ضامه رجولها لصدرها وتبكي
(ليه كذا راكان ليه .يارب كنت شاكه بتصرفاته بس الحين تأكد ت.من يوم عمري 9سنوات وهو احيانا يسوي اشياء
معي بس كنت صغيرة وماميزت ايش يقصد .بس له ثلات سنين ماقام يسوي شي ليش هالحين رجع لحركاته ذي)
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بعد يومين
ام راكان انت وين كنت ؟لك يومين مو مبين
راكان كنت عند ربعي
ام راكان ليش ماعندك بيت عشان تبات عندهم؟؟
راكان خلاص يمه ترى مو رايق الحين
سحر ومن متى كنت رايق؟
راكان اللهم طولك ياروح .اقول شوق وينها مااشوفها
ام راكان عند حلا الحين اقول للسايق يجيبها
سحر يمه تعرفينها تخاف تركب معه لوحدها
راكان انا بروح اجيبها
ام راكان من متى وانت تودي وتجيب ؟
راكان مارد عليها وراح
******************************
حلا والله بندر فاقد ياسر مرة تصدقين احس لو زوجته غابت عنه ماراح يفقدها كذا ههههه
شوق مدري وش لاقي فيه عشان يحبه كذا؟
حلا انتي ليه تكرهين الولد كذا ؟ تدرين ان البنات حاسدينك عليه لانهم سمعو انه يفضلك على كل بنات العايله
شوق ليتهم حاسديني على شي يستاهل
حلا صدق ماعندك ذوق الحين ياسر مايستاهل؟
دق جوال شوق
راكان يتصل بكـــ
شوق تغير لونها
حلا شوق وشفيك ومن اللي متصل ؟
شوق هاه هذا راكان
حلا وليش ماتردين؟
شوق الو
راكان هلا شوق انا عند الباب يالله اطلعي
شوق هاه لا حسام بيجيلي
راكان اقول تعالي بسرعه مو فاضي لدلعك . وقفل الخط
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك