رواية ياضياعه بالهون ترا نصفي يبيه -31
صحااه من كتابه الملف صوت جواله والرقم الغريب .. قفل الملف وطلع وهو يقول للمرضه تإجل باقي الحالات لين يرجع
طلع بالممر وصوته : السلام عليكم
شجن اللي صوتها اكله الارق : وعليكم السلام
مشعل : شجن ؟
شجن تنحنحت : اهلين دكتور مشعل
مشعل حس بنفسه : اهلين ؟ اخبارك ؟
شجن : الحمدلله
مشعل وهو عاقد حواجبه : ايش فيك ؟ عسى ماشر
شجن : الشر مايجيك ..
مشعل : ؟
شجن : مدري من وين ابدا ..
مشعل واللي ضعفها ماحبه ابد : ابدي باللي تبينه ..
والحكي يطول ..
.
.
.
.
.
.
.
.
.
.
فيصل اللي جا للعياده يكمل عن مشعل .. استغرب من مشعل اللي عمره ماترك عيادته لاي سبب ..
بدا يكمل يشوف الحالات وهو متنرفز من الوضع اللي عايشه هو وفيصل ..
/
مشاعل اللي صحت من النوم تصلي الظهر .. صحت ديم ورند بطريقها ونزلت تحت .. لمحت شجن متمدده على كنب الصاله ونايمه
استغربت منها .. وجهها باهت بشكل مو طبيعي
قربت منها .. حطت ايدينها على قلب شجن وسمعت سرعه نبضات قلبها
مشاعل : شججن شججن ؟
شجن بنص عين : اممم ماما
مشاعل : قومي اوديك المستشفى
شجن وهي حاسه بدوخه : لا ماما مايحتاج
مشاعل عصبت وراحت تتصل على فيصل يجيب دكتور ويجيها
على وضعيتها .. تحس فيه احد يتحرك ويجي .. قاومت وفتحت عيونها وطاحت عيونها بعيون مشعل
استغربت ان مشعل فيه .. كانت تحسب انها تحلم لين فتحت عيونها بالكامل ولمحت فيصل وخالها محمد ورجعت قفلت عيونها
مشعل : شكلها ماتاكل زين .. ارهاق وتعب وسهر
مشاعل اللي واقفه جنب فيصل : الله يعين والحل
مشعل : حاليا بس المغذي وتنام .. بس تصحا لازم تاكل زين وتعوض جسمها ..
طلع من بيت شجن وهو مقهور .. حلف بداخله انه بيوري عبدالله الشغل .. مثل مااتعب شجن
فيصل اللي حاول يلمح ديم لكن ابد .. طلع وهو خايب الرجا .. مامدا وصل للباب الا يسمع صوت ديم .. خاف يتلفت تكون مو متغطيه ف كمل طريقه وطلع
ديم اللي عينها على ظهر فيصل وبنفسها : ماكلف نفسه يحط عينه بعيني بسسس
نزلت دموعها بقوه غصب عنها .. حضنت رند وهي تبكي بقوه
رند اللي حست ان ديم مقهوره من فيصل حضنتها بقوه وهي تبكي معها
مشاعل اللي فتحت عيونها عليهن : ميته اختكن على هالبكا
ديم : روعتنا يا ماما
مشاعل : لا اله الا الله .. قومن عنها اشوف خلوها مرتاحه .. اوريها بس تصحا
ديم اللي فجإه وقفت دموعها وابتسمت شماته : واخيرا ماما تهدد احد غيري
مشاعل خزت ديم : العقل يارب
ديم : يااارب
فيصل اللي وقف بالحوش مستغرب .. فجإه اختفى مشعل !! راح يركب سيارته وهو يتصل على مشعل اللي مايرد
شجن اللي كانت صاحيه وحاسه فيهم لكن الضعف اللي عايشته خلاها تمثل انها نايمه
خافت تصحى وش يفكها من امها .. وش بتعتذر فيه .. تنهدت بقوهه وهي تتذكر كلام مشعل اللي ريحها نسبيا ..
بعد ماهدا الجو فتحت عيونها شوي شوي ..
لمحت امها جالسه مقابلها وبيدها كتاب تقرا فيه .. رجعت قفلت عيونها
مشاعل وهي تعدل نظارتها : شفتك
شجن وهي ترجع تفتح عيونها وملامحها طفوليه : ماما
مشاعل : انا ماعندي بنات يخبون علي اشياء
شجن وهي خجلانه من امها وبعد ماتبي تزود هم امها هم : مافي شي
مشاعل : اعرفكن زين واعرف اللي بقلوبكن
شجن وهي تعدل نفسها وترفع ايدها مع المغذي : من بيفك ذا ؟
مشاعل : انتي
شجن وهي تتنهد : ماما جد مافي شي
مشاعل : ايش اللي قلبك ؟
شجن : ماما كانت ايام طويله .. اهلي الحقيقين .. مرض رند .. الجامعه والاختبارات .. سالفه فيصل ورند وديم .. ماما طول الايام ماكنت انام كويس
مشاعل واللي شبهه اقتنعت : انا قلت لخواتك من اليوم ورايح محد بيسهر
شجن وهي تفك المغذي : ايش بيفكني من ديم
مشاعل وهي تتنهد : اااه هالبنت بتهبل فيني بدري
ديم وهي جايه طايره : سمممعت اسمي من ناداني
شجن : محد ناداك
ديم : كنتن تحشن فيني ؟ يلا فدوتكن ذنوبي
مشاعل : خلص العشا ؟
ديم وملامحها اعتفست : وذي ليش ماتساعدنا
مشاعل : تعبانه ذي
ديم وهي تسوي نفسها دايخخه : وانا متكسره بعد .. ماما بليز
مشاعل وهي ترجع لكتابها : بكرا ايش بتسوين عند زوجك
ديم وهي تشد بلوزه البيجاما : خلليييه يجي بس وبعدين نتفاهم
مشاعل وهي تخز ديم : وبعدين معك انتي
ديم : اففففف بروح اكمل الحرب اللي انا مو قده ابببد
شجن : هههههههههههههه
ديم : من بكرا حضرتك تحضرين معنا
شجن وهي تاشر على عيونها : من عيوني
ديم : من زينهم وراحت معصبه
قامت شجن تغسل وتبدل وتشوف جوالها اللي شافت مسج فيه .. كانت مكتئبه ماتبي تفتحه لكن لانت ملامحها وهي تشوف المسج من مشعل .. ماردت عليه حذفته بكل هدوء وكملت شغلها .
فيصل وهو جالس بمجلس مشعل ويحاول يعدل مزاجه : الجوال يقول اعتقني
مشعل بنص عين : زين
فيصل : لك ثلاث ساعات تخز فيه
مشعل : امممما حاسبهم
فيصل : من جيت وانت عيونك معلقه فيه ؟ خير يارب وش عندك
مشعل ابتسم ودخل جواله بجيبه : سلامتك
فيصل شاك : اها شكلك رضيت على العروس
مشعل تبللد : يازينك وانت فيك اكتئاب
فيصل : اففففا بدل ماتمسك بيدي عشان مارجع اكتئب
مشعل : الا بدفك عشان ترجع وتكتئب
فيصل : كل ذا عشان ايش ؟
مشعل : لانك انسسسان تطفش
فيصل : هههههههههههههههههههههههههههههههههههه ااه بطني
مشعل مستغرب : مافيه شي يضحك
فيصل : انت كلك نكتتته
مشعل : ماعندك سالفه
فيصل : الا فيه سوالف .. خالد طلع ذيب شرواك
مشعل : اها وشوفك مبسوط
فيصل : لا والله سمعت صوتها وروقت
مشعل : بنت عمتك خبله وبتسامحك صدقني
فيصل : اخاف تذلني كل عمري
مشعل : هههههههههههههه تسويها
فيصل : جد ماشاءالله على الولد وشكلهم بيردون لهم
مشعل : امها موافقه ؟
فيصل : عمتي ! ليش ماتوافق الولد شاري
/
مشاعل وهي ماسكه رند : استخرتي ؟
رند : لا
مشاعل عصبت : ليش لا
رند : موافقه ماما خلاص
مشاعل : انا استخرت ومرتاحه وطولنا ماردينا ! متاكده انك موافقه
رند وهي تهز راسها : موافقه
مشاعل بعدم اقتناع : ماتبين تفكرين زياده .. او خلاص نرفض وخلصنا
رند : ماما ذا صديق تركي واكيد مثل تركي حبوب
مشاعل : محد اقنعني الا اخوك والله يستر .. بدق على ام خالد واردلها
رند بعدم اهتمام : اوكيهه
ديم اللي جالسه وتستنى رند تطلع من عند امها : هييه يالعروس
رند : من انننا ؟
ديم : اجل انا !! ايه انتي تعالي
رند : ايش فيه
ديم : خلاص وافقتي خلاص
رند تهز براسها : اي
ديم : استخرتي
رند وهي تجلس جنبها : لا
ديم عصبت : انتي ليش بقره ليش .. بكرا تجين عندنا مطلقه وتقولين ياليتني استخرت
رند طلعت عيونها : ايش الفال الاسود ذا
ديم : ماقول الا مالت بس
رند : ياربي
ديم : تعرفين وش يعني زواج .. ارتبااااااط يعني
رند بفهاوه : اعرف
ديم : وايش كمان تعرفين
رند : ايش بعد ؟
ديم وهي تاشر على راس رند : يعني بتاخذين راسك ذا وتروحين بيت الرجال والا تعرفين اي شي
رند : ايش دخل راسي
شجن من وراهن : لو سمحتي اتركي البنت تروح بيت زوجها وراسها نظيف
رند اللي استحت وصار وجهها احمر
ديم بصوت عالي : لا والله تبين يقول جايبين لي بنتهم بقره ماتفهم
شجن وججها صار علامه استفهام : وانتي ايش عرفك بسواليف المتزوجين
ديم وقفت تقابل شجن : مسويه ماتعرفين
شجن تتلفت لاتسمعهم امهم : قصري صوتك لا تسمع ماما
ديم : عششتوا بتقفل التلفزيون علينا مو كافي حرمتنا السهر
رند بكل هدوء : احسن عشان نصحا بدري
ديم وهي تخز رند : ياشيخه المفروض نزوجك شايب يقوم من الفجر
شجن : ههههههههههههههههههههههههههههههههههههههههههه من جد
ديم : هههههههههههه اعجبتك
شجن : بقوهه
رند جلست تناظرهن ولا ردت …
ديم : الا تعالي مو على اساس منصرعه وحالت متدهوره وش مطلعك هاه
شجن : حسستيني انك ولد !! ابد تحسنت وابتسمت
ديم : اي نعم انا ولد .. انا اخوكن التووم
رند وهي ترمش : نو وي مستحيل بليز ديوم لا تعيديها
شجن : هههههههههههههههههههههههه
رند : شجن يا مفهيه يا تضحك مش مضبوطه هالايام
ديم بنقد : اسسمع من يحكي عن الفهاوه
رند : ههههههههههههههههه
شجن عطتهن ظهرها وكملت خطواتها لتحت .. بيدها جوالها مبتسمه .. مادق عبدالله من قالت لمشعل ماتدري هي صدفه والا جد مشعل سوا شي !
/
ام خالد مبتسمه : مبروك يمه ردوا
خالد : موافققه !
ام خالد : وهي تطول بس !!
خالد وهي يحضن امه : الله يبارك فيك ..
ام خالد : عاد اتفقنا بكرا تعملون التحالليل وبعد ماتطلع نملك ..
خالد اللي ابتسم وهو يطلع جواله اللي يرن .. رد بصوت عالي : اهلاااااا بالنسيب
تركي : اووووه بشروك قبلي
خالد : تو الوالده تعلمني
تركي : ماراح القى احسن منك لاختي .. وياك اياك اياك تزعلها
خالد : ول ذا اوله كيف بعدين
تركي : كل خير بعدين
خالد : احم بكرا نحلل
تركي : ان شاءالله امرها الصباح ونروح نحلل
خالد : اوكيهه وينك الحين ؟
تركي : بالبيت مع الوالد .. حياك
خالد : مسافه الطريق ..
ابو تركي وبيده اوراق كثيره : بكرا ابيك م المحامي
تركي مستغرب : خير الوالد ؟
ابو تركي وعيونه على خالد : البيت
تركي : ايش فيه ؟
ابو تركي : سجلته ب اسم رند
تركي ابتسم : بس ..
ابو تركي بعصبيه : بدون بس .. بكرا اذا متت ماراح تورث ولا ريال ..
تركي عقد حواجبه معصب : من يقوله !! بتاخذ حقها كامل
ابو تركي تنهد : يا ابوك انت واخوك ادري ماتخلونها ابد .. بس يابوك ابي اموت مرتاح خايف عليها ، مو كافي وضعها الصحي
تركي تنهد : يبه خلك من هالامور الله يطول بعمرك
ابو تركي بضيقه خاطر : مابي ينقصها شي بعد ماموت .. مابي احد يقهرها بعد ماموت
تركي : يبه الله يهديك ..
ابو تركي : تراها امانه برقبتك لو صار لي شي
تركي : بدون يبه ذي اختي ماتركها
قام ابو تركي من مكتبه ضايق .. لو صارله شي من بيكمل علاجها برا .. من بيهتم فيها !!!!!
/
بعد اسبوعينَ …
ديم واقفه وتخز ب رند … : ايش شعورك ؟
رند ترجف : ابي ماما
ديم شمتانه : تراها ملككه يشوفك ويروح بيتهم
رند : جالسه تخففين عني كيذا
ديم وهي تشد رند عشان توقف : واااااو شكلك توحففه بينجن خالد عليك
رند استحت : اسكتي بس
شجن اللي دخلت : جوا امل وام خالد ..
ديم تركت رند : وااااو امول جت .. بعدن بس
شجن : يالربشششه اهجدي من بيخطبك
ديم ساحبه : مو لازم
شجن وهي تناظر رند : حبيبتي انتي تجننين وحضنتها بقوه
ام فيصل دخلت غرفه رند ولمحتها .. لابسه فستان احمر طويل بقصه صدر صغيره .. وظهرها لاخر فقره طالع .. شكلها خرافي لابعد حد ..
جمالها وهدوئها جذاب بشكل مو طبيعي .. بقلبها تمنتها كثير لفيصل .. لكن فيصل يبي العربجيه ديم ..
حضنتها ام فيصل بقوه لصدرها وجلست تدعيلها وتقرا عليها
.
.
.
مشاعل وهي تخز ديم : ممكن تروحين انتي واختك تقهوون العالم
ديم بنص عين : عالم ؟ اي عالم ماما مافيه الا اهل خالد
مشاعل عصبت من قلب عليها : اوكيهه روحي قهويهم
ديم وهي تدخل مبسوطه ب امل : واااه صرنا اهل
امل وهي تحضنها : عقبالنا
ديم بدون نفس : ايه بعد مانتخرج
امل مستغربه : وش العقل ذا
ديم سلمت على ام خالد وجلست معاهم سواليف وطقه حنك .. اول مادخلت مشاعل انفجعت بديم اللي تسولف وتاركه كل شي وراها .. سكتت عشان ماتتفشل بلسان ديم قدام الناس وبقلبها تتوعد على ديم !
ام خالد مبتسمه : وين رند ؟
مشاعل : تتجهز فوق .. وخزت ديم يعني نادي اختك
ديم رافعه حاجبها ماتبي تقوم
ديم وهي تهاوش : يالعروس يبون يعاينونك
شجن : هههههههههههه بضاعه هي
ديم : ابي اعرف ماما ليش خلتها عائليه بقوهه مالها داعي
رند : انا ابي عائليه
ديم : يلا بلا تفلسف الولد بيدخل انزلي
رند وهي تعفس ملامحها : كعععب ! بطيح يارب
ديم : ان شاءالله عشان اضحك
شجن : وجع ايش تضحكين .. يلا امشي بدون دلع
ديم وهي تخز رند : روجك الاحمر دخل مزاجي
شجن بنص عين : ممكن تفارقين
ديم ضحكت .. اخذت عبايتها ونزلت تحت …
نزلت رند بهدوء ودخلت عليهم .. نعومه بكل شي فيها .. بكل هدوء جلست وعيونها على الارض .. كانت رافضه اي شي .. حتى الزفه ماتبيها !
دخل خالد وطاحت عيونه عليها .. طاح قلبه اول ماشافها .. وقفت وصافحته بحيااء
ديم وهي تنغز شجن : ماباسها
شجن : ههههههههههههههههه اسسسكتي
ديم : مسسستحي ياخراششي
شجن : اششش لاتسمعك ماما
ديم : ياحظ اختي الخايب
شجن : هههههههههههههههههههههههههههه
ديم : شوفي كيف يطالعها على باله مانشوفه
شجن : يا بنت اهجدي وربي عيب
ديم تتمتم : عيب عيب لا مو عيب اسولف
طلعوا خالد ورند يجلسون لحالهم .. وديم تتحلطم تبي تروح تشوف بس محد عطاها وجهه
مشاعل طول الوقت تهاوش على ديم .. بس لا حيااهه لمن تنادي ..
شجن اللي جت تشوف جوالها ولقت مسج من عبدالله ! استغربت بعد هالغياب رجع لها فجإه .. عقدت حواجبها محتاره
وزادت عقدهه الحواجب وهي تقرا الكلام الغريب اللي كاتبه ..
مشاعل فرحتها كانت مغبونهه بشكل ..
تركي كانت فرحتته كبيره .. اخته وحبيبته ماخذه اعز العالم على قلبه ..
ابو تركي يحس الهم كبير .. خايف على رند كثير ..
فيصل اللي جالس ويتمتم بينه وبين مشعل اللي مو معطيه وجهه : شايف الحظ طاير من الفرحه مو حنا لما خطبنا
مشعل : اذكر الله
فيصل : مو خطبه كني رايح الموت
مشعل : لا تحسد الولد
فيصل : منحوس التقى ب منحوس
مشعل : لا اله الا الله
مد بوزه شبرين ولواااه والا اعجبه رد مشعل ابد !!!
ليَ عوده شَروايً حلمَ #
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
قلبها خططوهَ ويوقفً ..
مو مصددقه ابد انهم طلعوا وخلوهم لوحدهمَ .. عيونها تثبت بالارض وخايفه ومستحيه وترججفَ
بصوته الهادي : رنند
رند هنا تجممدت وطاح قلبها .. ماعرفت وش ترد او كيف ترد خافت قوههَ !
رجع يناديها بهدوئه وطوله باله : رند
مد ايده الحنطيه ورفع وجهه وطاحتَ عيونها الرماديه بعيونه السوددا .. رمشت عشرين رمشه ورا بعض من التوتر ..
ايده مثبت فيه وجهها بحيث انها تطالعه ..
كان يعرف انها جميله .. لكن ماعرف ابد ان جمالها اكثر من توقعه .. هاله براءه وطفوله محليتها اكثر ..
بدا يدقق بتقاطيعها الحبيبه .. عيونها الرماديه وخشمها الصغير .. وشفايفها ..
مد ايده الثانيه ومسك ايدينها الثنتين ..
خالد مبتسم : متوتره ؟
رند سكتت ولا عرفت ترد .. اصلا صوتها انعدم ..
خالد : واخييرا صرتي من نصيبي
رند رمششت اكثر .. ونزلت عيونها للارض
خالد : يووه لا لاتنزلينهم
رند استحت وحست وجهها صار احمر من كثر الفشيله ..
خالد : من ركبتي سيارتي بالخطا وانا احبك
رفعت عينها وهي مفهيه ومفجججوعه : لسسا تذكر ..
ماتعرف كيف نطقت كلماتها ..
خالد ابتسم : هو ذاك اليوم ينسي ؟؟ خطفتي قلبي وشردتي
رند وهي ترمش بزياده وتحاول تفلت ايديها ..
خالد : عورتك ؟
رند ابتسمت : يعني
فك ايده ولاحظ ان ايديها صار لونهم احمر .. كان متاكد انه مو شاد على ايدها قوهه ..
خالد بجديه : بقولك شي .. كان ودي اقوله لك بالشوفه الشرعيه لكن للاسف انتي رفضتي اني اشوفك
رند اللي استغربت جديته .. : ايش ؟
خالد وعيونه مركزه على عيونها : رند من زمان قبل كم سنه ..
رند وهي تجمع حوواجبها : ايش فيه ؟
خالد وهو يقفل عيونه : صار علي حادث قديم ..
رند : طيب ؟
خالد : انا عقيم
رند وعيونها شوي تطلع مفجوعه : ايييش !!!!
خالد : لك مطلق الحريه لو تبين تستمرين او تنفصلين .. انا ماراح اجبرلك على شي
رند وهي تقفل عيونها تجمع الدموع .. كان ودها تكون بجرائته وتقوله انا بعد مثلك بس سكتت وهمهمت : خير يارب
خالد وهو يقرب لها : مابي اضغطك بشي .. وبعلم اهلي قريب
رند وهي تبلع الغصصه : انا موافقه عليك
خالد ابتسم .. وقف وباس راسها بقوهه وطلع عنها .. شافها شوي وتبكي وماحب يحرجها ..
طلع وتركها مكسوره اكثر من اول .. فكرت وفكرت لين جاها صداع ، بالنهايه تحمدت ربها ان حتى هو عقيم .. يعني ماراح يزعجها بسالفه العيال ،
حست الموضوع خيره .. مسحت دموعها وطلعت تحاول تتكيف مع وضعها الجديد ..
طلع من البيت لشوارع .. قفل عيونه وهو يستغفر ربه على الكذبه .. عوره قلبه انه كسر قلبها بفرحه خطوبتها .. بس مايبي يجي الوقت اللي الكل بيضغطون عليها ..
يبي هو يشيل الهم .. هو رجال مايهمه .. هي غير .. كافي اللي ذاقته ..
خالد بتنهيده : يارب يسسرها ..
/
شججن بعد تردد كبير اتصلت على مشعل تقوله على عبدالله اللي رجع يتصل ..
مشعل بثقه : ردي عليه وحاولي تسحبين منه الكلام
شجن بعدم استيعاب خايفه امها تطب عليها : اسحب منه الحكي ليش ؟
مشعل وهو يقلد طريقتها بالكلام : عشان جواله مراقب وبيسجلون حكيهه .
شجن : اها طيب برد
مشعل بتوتر : مبروك خطوبه رند
شجن : الله يبارك فيك ..
مشعل بدون نفس : عقبالك
شجن وهي ترفع حاجبها : يسلمو
قفلت منه وجلست تنتظر عبدالله يتصل عشان تسحب منه الحكي
..
ديم : اسمعي ماما السنه الجديده مابي ادرس بإجل
مشاعل اللي تحوس ترتب البيت بعد ماراحو : ليش تخربين الاجازه بالتفكير بالدراسه
ديم اللي عارفه ان امها تتريق عليها : عشان اتطمن ان بعد الاجازه مافي دوام
مشاعل تتريق : من زين هالمعدل لما تبين حضرتك تإجلين
ديم ترقع لنفسه : هو انه مو زين باخذ بريك طويل عشان استعد
مشاعل وهي اللي تترك اللي بيدها وتخز ديم : والله جد ! تستعدين !
ديم اللي خافت : خلاص ماما ماتبين مو مشكله ادرس
مشاعل : روحي شوفي خالك بالمجلس والا راح
ديم مدت بوزها : طيب
دخلت المجلس وهي عافسه ملامحها مالقت خالها فيه .. ف رجعت من جديد
ديم : ماما مو فيه
مشاعل اللي راحت المطبخ تنظف
ديم : مااااااما
مشاعل : اسمع بدون صراخ
ديم وهي تلمح حوسه المطبخ : تبين اروح اناديه من بيتهم
مشاعل : فيه جوالات ايش يوديك يعني
ديم : الله عاد يا ماما الواحد مايمد رجلينه شوي
مشاعل : فكيني من حنتك بس روحي اي مكان .. اصلا انتي خير شر مو نافعه ف شي ..
ديم وهي طالعه تضحك : ياممماااما ويقولون لمين طالعه لساني طويل
مشاعل بصرخه : سمععععتك
ديم : يا خرااشي
طلعت من البيت وهي تمشي ببطئ تدور سياره فيصل لكن مالمحتها ابد .. كملت طريقها بخيبه رججا
فتحت باب الصاله ودخلت .. نادت بصوتها الحاد : خالي محمد .. خالتو ااامل
مشت للدرج بتطلع .. لكن جاها صوته : امي نايمه وابوي طالع
لفت وشعرها الكيرلي لف معها .. فستانها النيلي فوق ركبتها وماسك على جسسمها ..
عبايتها مفتوحه ماكلفت على نفسسها تقفلها .. وبقايا اثار روج احمر .. معطيها منظر اثيري
رفعت شعرها بيدها وهي تلمح فيصل ساند ظهره على الجدار المقابل لها ..
خزته بنص عين وهي رافعه حاجبها .. ماتكلمت ابد .. كملت خطواتها لبرا ..
فيصل بصوت ناعس : بدري !
ديم اللي مقهوره منه بس ماحبت ترد .. خافت تبكي وتتفشل ..
وقفت شوي . بعدها استوعبت ومدت رجلها تكمل طريقها
فيصل وهو يقرب خطوه : ديم الله يخليك اسمعيني
ديم بصوت حزين : مابينا شي عشان اسمع منك اي شي
فيصل : الا بيننا قلبي
ديم ب اشمئزاز : قلبك !! هه روح دوره وين حاذفه
فيصل : غصب عني ديم .. وان اخطبولي غيرك .. قلبي مايبي غيرك
ديم لفت له معصبه : يبيني !!! لو يبيني اقل شي قلتلي مو انفجع واخر من يعرف انا
فيصل بجد : اقولك عن موتي ؟ انا متت وتو حييت
ديم كملت طريقها لبرا والا ردت عليه .. طول الطريق وهي تبكي .. دخلت البيت تشهق طلعت لغرفتها وقفلت على نفسها الباب
ماحست بنفسها الا وهي نايمه من كثر البكي
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك