رواية الحظ لو عاثر بصنع أنا حظي -31
رواسي انس انا بنت شوارع؟ انا جريت وراك لين خليتك تتزوجني ؟انا هنا حالي حال الشغاله؟ جاوبني؟
انس ومن قال هالكلام الفاضي؟
رواسي اسئل خالتي الله يسامحها بس,وراحت تجري على غرفتها
انس يمه ليه كذا؟,,وراح ورى زوجته
ام راكان((شف الحيوانه كيف خلت الولد يصدقها ,,بس والله لاوريك يارواسي الزفت))
انس حياتي قلبي روقي ومايصير خاطرك الا طيب
رواسي بس انا ماسويت لها شيء ليش تكرهني؟
انس امي عصبيه بس قلبها طيب
رواسي((هه طيبه الا حيه رقطا, بس وربي لاطلع عيونها
وزي مانكدت على شوق وياسر لانكد عليها انا اللي سمعته مو شويه ))
انس خلاص ياعمري انا بخليها تغير معاملتها معك امي تحبني وراح تسوي اي شيء ابيه
رواسي حياتي انا كل شي يهون عشان خاطرك
انس يالبى قلبك بس
>>>>>صدق ان كيدهن عظييييم
************************************
بندر ياخي خلنا نسافر ونغير جويمكن نفسيتك تتعدل
ياسر لا مالي خاطر بالسفر
بندر بس كذا ماينفع ,ياخي انت صرت ممل ,كل وقتك
يابالدوام يابالبيت ومقفل جوالك
ياسر آآآه يابندر الله لايخليك تحس باللي احس فيه,وقسم انا
شايل هم ماتشيله جبال,,هم زوجه ظلمتها وطردتها وهي بريئه
وهم ولد من لحمي ودمي ماادري وين هو ولا كيف عايش
بندر الله يكون بالعون ياخوي
************************************
دلع ولودي اشرايك نروح ابها نغير جو؟
وليد والله ودي بس مارضو يعطوني اجازة
دلع اففف والله طفشت ابي اسافر
وليد وعد اذا عطوني اجازة مو بس اوديك ابها لا اوديك صلاله
دلع جد
وليد اكيد جد ياقلبي
دلع يابعد عمري والله ,طيب دقايق اسوى لك عصير واجي ونكمل كلامنا
راحت دلع المطبخ وسوت لوليد عصير برتقال وقطعت كم تفاحه وحطتهم بالخلاط تبي تسوي لها عصير تفاح بس الخلاط مااشتغل
دلع ولييييييييد تعال صلح الخلاط مدري وشفيه
وليد خليه بعدين المباراة ابتدت
دلع مالت بس خلاص انا بسويه
وليد منسجم مع المباراة وقطع انسجامه صرخه قويه من المطبخ
قام يجري واول مادخل شاف دلع مرميه عالارض والخلاط باللي فيه طايح جنبها
وليد قرب منها دلع دلع ردي علي دلع ,ياربي وش صاراكيد الكهرب مسكها ,دلع حبيبتي ردي علي الله يخليك ,دلع
بس دلع ماردت عليه
وليد وهو يبكي دلع لاتخليني دلع قومي الله يخليك قومي
ادري تمزحين دلععع
قام شالها وطلع يجري يبي يوديها المستشفى
وهو عند الباب سمع صوت ضحكه مكتومه
دلع صادوة اشرايك فيني انفع امثل بالتلفزيون ههههههههههههههههه
وليد طالع فيها انتي عايشه والا انا احلم
دلع هههههههههههههه لا فاطمه اقول نزلني ههههههههه
وليد نزلها وراح جلس عالكنبه
دلع جات جنبه ههههههه ماكنت ادري انك بتبكي على لو مت
وليد لف جهتها
و
و
و
طرااااااااااخ على خدها
دلع وهي ماسكه خدها تضربني ياوليد طيب لييييه ؟
انا كنت امزح معاك
وليد قرب منها ومسكها من كتوفها
وليد تمزحين؟؟ ارعبتيني وتمزحين ؟
موتيني خوف عليك وتمزحين؟ حسيت بروحي طلعت
عشانك وتمزحين ليييه ليييييييه كذا ليه
دلع ضمته والله ماكان قصدي انت دوم تمزح وحبيت اردها لك
وليد ضمها باقوى ماعنده مجنوووونه والله مجنونه
عارفه لو صار لك شي انا راح اموت وراك طوالي
دلع بعيد الشر عنك
وليد دلوعه امانه لاعاد تسوينها مرة ثانيه والله حسيت اني بفقدك من جد
دلع من عيوني ياقلبي
شوق وسميه اليوم عند العنود
سميه لاتقولين انتي اللي مسويه هالكيكه اذبحك والله
العنود هههههه ايه ان
شوق افااا وليش الذبح عاد ؟بدال تسلم ايدك يعني ههههه
سميه لا لاننا اتفقنا انا وهي اننا نتعلم سوى او نجلس
سوى,والحين هي مسويه لوحدها وانا اعتبر هذي خيانه
العنود ههههههههههههه ترى كلها كيكه
سميه ادري .,بس متى وكيف تعلمتي ياحمارة وماعلمتيني
العنود ولاتزعلي هذا انا كتبتها لك على هالورقه
عشان تسوين نفسها
شوق ههههههه الله يرجكم كل ذا عشان كيكه؟
اجل لو ذقتوا الحلويات والمعجنات اللي اسويها
وش بتقولون؟
سميه يالبى قلبك ندري انك محترفه وانك بعد راح تعلميننا
شوق صح بس كم تدفعين هههههههههه
بعد السوالف والضحك والحش
شوق نام ولدها والعنود قالت لها تحطه بغرفتها
راحت شوق ونيمت حسام عالسرير ولما بغت تطلع
لفت نظرها دفتر وردي عالمكتب حق العنود
اخذت الدفتر وفتحت عالصفحه اللي بوسطها القلم
وقرت كم كلمه وابتسمت ورجعت الدفتر
مكانه وراحت الصاله
************************************
ماجده زيوود بشويش عالبنت بتذبحها
زياد كيفي بنتي وانا حر والا غيرانه
ههههههه
ماجدة مالت بس قال غيرانه قال
زياد ياحبيبتي لاتستحين وقسم انك غيرانه ههههههههه
ماجدة طيب خلاص غيرانه عندك شي؟
زياد ايه عندي
ماجدة وش عندك ياعبقري؟
زياد تعالي الغرفه واعلمك وش عندي
ماجدة لا اخاف مرام تشوفنا وتزعل مو هي حبيبتك هههههههه
زياد لا ماعليك بحط فوقها مخده ههههههههههه
ماجدة ههههه ياويلي ناوي تذبح البنت انت ؟
زياد لا مابي اذبحها هي بذبح غيرها بس مو ذبح ذبح
ماجدة اجل ؟
زياد بذبحها وبغرقها بشي ثاني وهي تعرفه زيين
ماجدة اممم واذا قالت هالوحده انها موافقه عالذبح
زياد ههههههههههه صدق المثل اللي يقول
**يتمنعن وهن راغبات هع هع **مو توك تقولين
مو غيرانه خخخخخ
ماجده اخذت المخدة وحذفته فيها
************************************
شوق (ياربي اسكت والا اتهور واسويها؟؟لا لا انا لازم
اكلمه واقوله,, بس من وين اجيب رقمه ؟امم مالي الا سميه )
شوق سوسو
سميه هاه
شوق ممكن جوالك شوي جوالي طافي وابي اكلم
وحده ضروري
سميه شوفيه بالشنطه
شوق اخذت الجوال ونقلت الرقم ورجعت الجوال مكانه
************************************
**الساعه 11ونص الليل**
هيثم كان منسدح عالسرير وبيده كتاب يقرى فيه
الا جواله يدق
هيثم اللووو
شوق السلام عليكم
هيثم وعليكم السلام مين معي؟
شوق مو لازم تعرف
هيثم اجل وشو له متصله دام ماتبين نتعرف؟
شوق انت فاهمني غلط
هيثم ههههه طريقه جديده للمعاكسه
شوق شكلي فعلا غلطت يوم دقيت بس كنت ابي اقولك
شي مهم بي خلاص مو لازم عن اذنك
هيثم هييييييه تعالي,, والله امزح ,تفضلي وش عندك
شوق.....
هيثم تقولين شي مهم ؟يالله انا اسمعك
شوق اسمع انا فاعله خير وابي اوصلك معلومه تخصك
هيثم اولا انتي عارفه من تكلمين؟
شوق ايوة عارفه انت مو الدكتور هيثم الـــ....
هيثم الا هو
شوق طيب اسمعني بدون مقاطعه
هيثم تفضلي
شوق فيه وحده انا عرفت انها تحبك الا تعشقك ومن زمان
وتتمنى انك تحس فيها
هيثم........
شوق البنت مرة محترمه وكاتمه هالحب بقلبها
على امل انك تكتشفه بنفسك,وترى البنت قريبه منك حييييل
وتعرفها زين
هيثم انا اعرفها؟
شوق ايوة تعرفها وهي تعرف عنك كل شيء,انا قريت
مذكراتها وعرفت كل شي بقلبها تجاهك وانا حابه
انورك عشان ماتخسرها ,وتخسر قلب يحبك كل هالحب
هيثم ممكن اعرف من هي طيب؟ومن انتي وليش قلتي لي؟
شوق من هي اسمها العنود ,وتصير صديقه اختك سميه ؟,وانا قلت لك فاعله خير
وليش ,لاني ابي اساعدها لانها عزيزة علي حييل
وترى قسم بالله انها ماتدري اني عرفت شي او قلت لك
اتمنى ماتضيعها من يدك سلام.وقفلت الخط
هيثم(العنود تحبني انا؟ومن زمان؟بس عمري ماحسيت بهالشي
وكيف راح احس وانا عمري ماانتبهت لوجودها,,آآآه ياشوق ليش تقطعين
املي فيك بهالمكالمه,تحسبين اني ماعرفتك؟ وانا اللي مطلع لك الرقم بنفسي
كلامك هذا يأكد لي انك ماتفكرين فيني نهائيا
***************************************
شوق(ياربي اللي سويته صح او غلط؟بس نفسي يحس فيها المسكينه
ميته عليه وهو مايدري,,طيب انا ليش خايفه ؟اصلا ماراح
يدري من انا وحتى لو دق ماراح ارد عليه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
**بيت ام راكان**
ام راكان هالبنت لاعبه براس اخوكم لعب
سحر يمه خليهم بحالهم,انتي عارفه انس يموت عليها,وشفتي اخر مرة وش قال
ام راكان مستحيل اخليه يسكن برا البيت ويفرح هالحيوانه
ايناس بس لو ضليتي تتدخلين بحياتهم راح يطلع صدقيني
وانتي عارفه انس كيف عنيد
راكان السلام عليكم
الكل وعليكم السلام
راكان حب راس امه وجلس اخباركم
سحر بخير بشوفتك
ايناس وربي ماني مصدقه ان اخوي وحبيبي
راكان زواجه بعد اسبوع
راكان عقبالكم
سحر بحياتك يالغالي
راكان ناقصكم شي؟
سحر لا كل شي جاهز
ايناس احنا جاهزين بس شوف العروس اذا ناقصها شي
راكان توني مكلمها وتقول كل شي جاهز
ام راكان الله يتمم على خير ولو اني كان ودي
بوحده من بنات خالتك
راكان يمه خلصنا من هالموضوع,,ارجوك لاعاد تفتحينه
ام راكان قامت وطلعت غرفتها
سحر ماعليك لاتزعل نفسك
راكان ياخوفي تقول هالكلام للبنت وتفتح لي ابواب انا في غنى عنها
ايناس لا طمن بالك انا بكلمها وماراح
تجيب لك هالسيرة ابنوب ههههه
راكان اوكي نشوف
سحر هههههههه
راكان وش يضحكك؟
سحر من زمان ماقلت كلمه اوكي
راكان ههههههههههه الله يرجك
***************************************
هند بابا
صقر عيون بابا
هند دق على خالتوسميه وخلها تجي
صقر ومن سميه هذي؟
هند هذي صديقتي الجديده مرة احبها
صقر ووين تعرفتي عليها؟
هند هيه صديقه ماما حلا’’ يالله دق
صقر كيف ادق؟
هند دق بالتلفون
صقر ههههههه احلفي
هند والله
صقر يابابا عيب ادق عالحرمه ,بس خلاص اذا جات
عند ماما حلا اوديك هناك وسولفي لين تشبعين
هند اممم انا مرة احبها لانها طيبه وحطتني بحضنها
اممم وقالت اني اجنن
صقر هههههه يالبى قلبك انتي تهبلين وتجننين بس خليني اناااام
هند طيب نام ولما تصحى وديني عند ماما حلا
ابي العب مع بسولي
صقر طيب مو انتي تقولين ماتحبين باسل ليش اوديك عنده
هند لا خلاص انا صرت احبه
صقر غريبه؟ انتي قلتي انه سرق ماما حلا منك ههههه
هند اممم لا ماما حلا قالت له انها تحبني واني زي زيها ولازم نحب بعض
وهو سمع الكلام وقالها طيب راح العب معها وماصار يبكي
لما ماما حلا تلعب معايه
صقر ههههههه اجل سمع الكلام ياحليله شطور والله
هند لاعاد تضحك على بسولي
صقر ههههههه طيب عمتي يالله روحي بنااااام
هند طلعت وقفلت الباب
صقر هههههه ياحليلك ياهند اجل باسل سمع كلام خاله
*****************************************
بعد يومين زواج راكان ,والكل جاهز وفرحان له لان ربي هداه وتعدل حاله
سحر هلا حمودي
احمد هلا فيك قلبي اسمعي انا شويات وبجي عندكم البيت عشان اخطبك
سحر من جد؟
احمد ايه جد انا كلمت ام راكان واخذت منها موعد وهذا انا قربت من البيت
سحر طيب حياك
ام راكان(وش يبي هالزفت ؟هذا له فترة مختفى الحين ليش رجع؟)
بعد 10دقايق وصل احمد ودخلته الشغاله المكتب
جات ام راكان هلا احمد خير؟
احمد الخير بوجهك
ام راكان فيه شي ضروري لجيتك؟
احمد ضروري ومهم بعد
ام راكان تكلم اسمعك
احمد والله مدري من وين ابدأ’’بس الصراحه انا حيبت البنت
من جد وتعلقت فيها وابي اتزوجها
ام راكان اي بنت ?وعن اي موضوع تتكلم؟
>>>سحر نزلت من فوق وجات
عند الباب تسمع احمد وامها
احمد بنت زوجك اللي خليتيني العب عليها,واطلعها معي
واخليها تحبني,,بصراحه اللعب قلب جد وانا حبيت
البنت,ولازم اتزوجها
ام راكان بس البنت تزوجت من زمان والحين
تطلقت وازيدك من الشعر بيت الحين هي مختفيه
ولااحد يدري هي وين
احمد هههههه ياشيخه العبيها على غيري, انا توني
مكلمها من 10دقايق
ام راكان وانا وش مصلحتي اكذب عليك؟اذا مو
مصدق روح اسئل ياسر
احمد اقول عن الكذب, البنت كانت مخطوبه
وانا بنفسي اللي خليتها تفسخ الخطوبه,وبعدين
وش دخل ياسر؟
ام راكان ياسر زوجها شوق
احمد ووش دخل شوق بالموضوع؟
ام راكان انت شارب شي قبل تجي؟شوق
ياغبى اللي جاي وتي تتزوجها
احمد انا وش لي بشوق انا اتكلم عن سحر
ام راكان وش دخل سحر بالسالفه؟
احمد كيف وش دخلها؟وهي المعنيه بالموضوع
وانتي بنفسك اللي عطاني رقمها وخلاني اعلقها فيني
ام راكان انت شتقوووول!!!!!!!
احمد اقولك وبدون طوله حكي ابي اتزوج سحر
اللي احبها وتحبني
ام راكان يعني قصدك ان اللي كنت تطلع معها
ومصورها هي سحر؟؟؟؟؟؟؟
احمد ايه سحر ليه نسيتي انه انتي اللي قالي؟
ام راكانطاحت عالكنبه وماقدرت تتكلم من الصدمه
بهاللحظه دخلت سحر وعيونها غرقانه دموع
سحر احمد انت وش تقوول ؟مين لعب على مين؟
وامي وش دخلها بالموضوع؟
راكان كان بغرفته ونزل يشرب مويه وسمع تبكي واتجه للمكتب
احمد سحر انا احبك ,صح بالبدايه خالتك طلبت مني
العب عليك واطلع وياك واصورك وبعدها افضحك
بس انا حبيتك وماقدرت افضحك ,بس الحين
والله انا اموت فيك ولااقدر استغنى عنك
سحر خالتي مين؟
احمد هذي ويأشر على ام راكان
سحر هذي امي مو خااالتي
احمد!!!!!!!!!!!!!
سحر قربت من امها يمه اللي يقوله احمد جد؟؟
معقول انتي تخلين رجال غريب يلعب بي ويطلعني معه؟
ام راكان انا اانا ككنت اققصصد ششووق
سحر لييه يمه لييه ؟مستحيل تكونين ام اوعندك قلب
مستحيييل
راكان دخل وعلى طول مسك احمد انت من وايش تسوي هنا؟
احمد انا احمد وجاي اخطب سحر
سحر انا اكررهك انااا اكرهكم كلكم ,,وناظرت لامها
سحر استحاله تكونين امي استحااله
راكان مسك سحر وعطاها كف
راكان انتي وش تقولين ؟
سحر اسئل امك هي وهالحقير اللي كانت متفقه معه
راكان دفها ورجع مسك احمد من ثوبه
راكان الحين ابي اعرف السالفه,لاذبحك بهالمكتب
احمد بقول بس فكني
راكان ماراح افكك لين تتكلم
احمد طيب بس خلني اتنفس
راكان عطاه بوكس بتتكلم والا اشلوون؟؟
احمد هالحرمه اللي وراك عطتني رقم بنت وقالت لي
العب عليها واطلع وياها وطلبت اصورها
وانشر صورها عشان ولد عمها يتركها بس انا
حبيتها بجد والحين جيت اخطبها
راكان تقصد شووق؟
احمد والله مدري شوق او سحر المهم اني
اقصد البنت اللي وراك هي اللي طلعت وياها
راكان ياحقيير ياكلب وتقولها بوجهي
ام راكان تحاول تقوم بس ماقدرت
راكان ثارت اعصابه ومسك احمد وجلس
يخنقه ويخنقه الييييين فارق الحياة
سحر مصدومه من كل الجهات صدمه بامها والحين انصدمت وهي تشوف حبيبها مييت
سحر قربت من احمد حمود احمد قوووم ,خلاص حبيبي
بنتزوج بس قوم,انا احبك والله احبك ,وحتى راكان يحبك
بس انت قوووم,احمد احمد,آآآآه يمه ليييه تسوين فينا كذا لييييييييه
راكان وهو جالس عالارض جنب احمد شاف امه تأشر بيدها له ,وقام عندها
راكان يمه ليش سويتي فينا كذا لييه ؟ليه دمرتينا
واحنا عيالك والله حرام حراااام
ام راكان انا انا
راكان انتي ايش انتي اييش ,الله يسامحك بس
ام راكان ماقدرت ترد لانها لفظت انفاسها الاخيرة
راكان يمه يمه ؟ردي علي يمه يماااااااااه
سحر انهارت اعصابها وماتحملت اللي صار وبلحظه
وقف عقلها عن التفكير وراحت جهه الشباك
فتحته ورمت نفسها منه
>>>>>انا اسف على عالمشهد بس لازم لكل شي
نهايه وهذا اللي طلع معي ادري فيه ناس ماراح
يعجبهم بس اختلاف الراي لايفسد للود قضيه.....
انس كان جاي من برى هو ورواسي وسمع صوت
راكان يبكي بالمكتب,,,
انس فتح الباب ودخل وانصدم وهو يشوف امه
مرميه عالارض,ورجال غريب ميت وراكان جنبه
راكان آآآآه يارب انا السبب ,ادري هذا عقاب منك
يارب بس والله تبت والله تبت
انس راكان وش صار ؟امي وشفيها ؟وهذا من؟
راكان امك ماتت ماتت وهذا الرجال انا ذبحته وبيديني هذي ,بس يستاهل ولو باقي مامات بذبحه
انس منصدم والدموع غلبته ونزلت
انس يمه يمه ردي علي يمه انا اسف لو زعلتك بيوم
راكان امك هي السبب بكل شي دمرتنا واحد ورى الثاني
انس انت شتقول يامجنون؟
راكان ايناس ضاعت بسبب اهمالها ودلعها لها
وانا ماخربني الا دلعها دوم كانت تقول سوي اللي تبي مااحد له عندك شي,
وسحر آآآآه ياسحر امك ضيعت شرفها وخلت هالحقير
يلعب فيها على كيفه بس المقصدوه كانت شوق ,بس
ربي اراد انه ينتقم من امي في بنتها
انس وسحر وينها؟
راكان يبكي بحرقه سحر انتحرت انتحرت
انس جلس عالارض من الصدمه
انس انا لله وانا اليه راجعون,,والحين وش السواة؟؟
راكان انا لازم اسلم نفسي
انس انت انهبلت؟هذي فيها قصاص
راكان انا قتلت نفس ولازم اخذ عقابي
انس بس انت
راكان لا بس ولا شي ..ومسح وجهه بشماغه
ولو ان هالحقير يستاهل بس القانون قانون
المفروض امسك اعصابي بس الشيطان كان حاضر
وهذا مقدر ومكتوب ,بس ابي اطلبك طلب
انس انت تامر ياخوي
ؤاكان انتبه لايناس الحين مالها غيرك والله مدري
وش بيصير لها لما تعرف الخبر,,
انس زين انها مو موجوده
راكان بس مصيرها بتعرف
>>>>راكان دق عالشرطه وقالهم السالفه
والشرطه جات وشالت جثه احمد وسحر وام راكان
واخذوا راكان عالسجن
************************************
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك