رواية الحظ لو عاثر بصنع أنا حظي -32
راكان لا بس ولا شي ..ومسح وجهه بشماغه
ولو ان هالحقير يستاهل بس القانون قانون
المفروض امسك اعصابي بس الشيطان كان حاضر
وهذا مقدر ومكتوب ,بس ابي اطلبك طلب
انس انت تامر ياخوي
ؤاكان انتبه لايناس الحين مالها غيرك والله مدري
وش بيصير لها لما تعرف الخبر,,
انس زين انها مو موجوده
راكان بس مصيرها بتعرف
>>>>راكان دق عالشرطه وقالهم السالفه
والشرطه جات وشالت جثه احمد وسحر وام راكان
واخذوا راكان عالسجن
************************************
الكل انصدم بالخبر وخاصه اسماء خطيبه راكان اللي
كان موعد زواجهم اليوم الثاني ليوم دخول راكان للسجن
شوق عرفت اللي صار من سميه بس مابينت انها
تاثرت وهي من جواتها حزنت حزن كبيير
على سحر وراكان وحتى خالتها ام راكان حزنت لموتها
>>>طبعا احمد ماكان يعرف ان سحر بنت
ام راكان وعلى باله انها بنت زوجها
************************************
**بعد مرور اربع شهوور**
رواسي انووس وشفيك زعلان ياقلبي ؟
انس يناظر فيها ووده يتكلم بس الكلام مو هاين عليه
رواسي انس انت لو خبيت عالناس كلها
انا ماتقدر تخبي عني
انس رواسي الله يخليك خليني بروحي ترى واصله معي
رواسي ماراح اخليك لين تتكلم,انت عارف ان راحتك
عندي اهم من اي شيء,واني مابي
من هالدنيا غير اشوفك مبسوط
انس يصفق برااافوووا, بصراحه اهنيك انتي
احسن ممثله شفتها
رواسي............
انس ليش سكتي؟ والا الحقيقه جرحتك؟
رواسي انت عن ايش تتكلم ؟ماني فاهمه
انس رواسي كافي تمثيل والعبي عالمكشوف
احسن لك ولي
رواسي انا مو فاهمه؟
انس خسارة يارواسي والله كنت مستعد اعطيك
عمري كله وانا مبسوط وسعيد بس ماكنت مفكرك كذا
رواسي انت شتقول؟
انس اسئلي ابوك
رواسي انا اسئلك انت
انس رسالتك اللي طلبتي ابوك يوصلها لي وصلت
رواسي انس الله يخليك تكلم انا اعصابي تلفت
انس انتي مو طلبتي من ابوك انه يقولي انك تبين اكتب
ارض باسمك واشترى لك سيارة جديده خاصه فيك
واشترى فله واكتبها باسمك واحط بحسابك نص مليون
وبعد تبين لابوك ارض والا بتتركيني؟
رواسي اناااا!!!!!!!
انس لا انااا,والا قصدك عشان احبك بتلوين ذراعي
وتستغلين حبي لك,والله ماكنت متوقع انك بهالمستوى
من التفكير ,واحب اقولك اني مارح اسوى شي من
اللي طلبتي ,وانتي حرة تبين تجلسين حياك
الله ماتبين الله معك
رواسي والله ماقلت ولا كلمه من اللي قالها لك ابوي,وربي يشهد علي
انس يعني تطلعين ابوك كذاب وعادي عندك؟
رواسي لاني بجد ماقلته ماقلته ,ولو ابي شي منك ماني
محتاجه واسطه من احد كان و طلبته ولاهمني
بس دام رايك فيني كذا انااا
انس انتي ايش؟
رواسي انا مااقدر اعيش معك وانت نظرتك لي كذا
بس عموما عشان اثبت لك صحه كلامي انتظر شوي
رواسي دقت على ابوها وحطته سبيكر
ابو ضاحي هلاوالله ببنتي
رواسي هلا يبه كيفك
ابو ضاحي بخير دامك بخير
رواسي يبه انت وش قلت لانس؟
ابو ضاحي هههههههه قولي وش ماقلت هههه ياني
شلخت عليه شلخ,بس كله لمصلحتك وراح اخليك
تلعبين بالفلوس لعب
رواسي بس انا ماقلت لك
ابو ضاحي بدون ماتقولين انا ابوك وادرى بمصلحتك
,وترى الولد قالي ابشر من عيوني
رواسي يبه انا الحين مشغوله اكلمك بعدين
ابو ضاحي الله وياك
فقلت رواسي الخط وناظرت لانس
رواسي هاه اقتنعت؟انا لو ابي فلوسك مو محتاجه احد
يخطط لي ,,بس انا مابي غيرك ,بس هالكلام كان
قبل تتهمني
رد: ما بنكسر صابر لو فرصتي تمضي رواية للكاتب : مستر برهوم
انس وش قصدك؟
رواسي قصدي ان حياتي معاك لحد هنا ولازم تنتهى
انس قرب منها رواسي انا اسف بس والله ابوك يخلي الواحد يشك بنفسه وغصب خلاني اصدقه
رواسي دام صدقت مرة بتصدق 100مرة وانا
مو زي شوق راح اتحمل الظلم واسكت واسامح
انس اروجك سامحيني واوعدك لو حصل وشكيت فيك سوى اللي تبين
رواسي.......
انس باس راسها والله حاولت مااقولك السالفه
واخبي لاني احبك بس انتي اصريتي
رواسي وانا احبك وعمر الفلوس ماهمتني,بس ابوي
الله يهديه مدري لوين بيوصله طمعه
انس خلاص انسي الموضوع
رواسي هالمرة سماح بس والله لو
انس ههههه خلاص مافيها لو اوعدك
لحظات صمت دامت ثواني
رواسي يوووة كنت بتنسينا زيارة ايناس
انس ليش وش اليوم؟
رواسي الاثنين
انس والله كنت ناسي فعلا
رواسي والله كاسرة خاطري هالبنت ,كل يوم حالتها تسؤ
انس هي اللي مو راضيه تساعد نفسها
رواسي اللي شافته مو شوي امها واختها بيوم واحد صعبه
انس الله يشفيها,بس كانها المرة اللي فات احسن ؟
رواسي يعني شويه يارب هالمرة تكون احسن واحسن
انس يارب,طيب ياقلبي روحي تجهزي عشان نروح
>>>>اللي ماتعرفونه ان ايناس لما عرفت باللي صار
ماتحملت وجاها حاله نفسيه وانهيار عصبي
والحين هي بالصحه النفسيه
************************************
اليوم ماجده عازمه البنات عندها
ماجده تو مانور البيت
دلع ياسلام واحنا دوم نجي وماتقولين لنا نورتو البيت
الكل هههههههههههههههههه
سميه لا ياقلبي انا غير
حلا اقول طيري ولاتصدقين ان البيت نور فيك هذا نوري انا ولدي
ماجده وععع من زينك انتي وولدك ترى ماخذين مقلب في نفسكم
العنود ههههههههه الله يرجكم
هند خاله سميه,ليش ماتجين عندنا بالبيت احنا بيتنا
احلى من بيت عمه ماجده وماما حلا
سميه هههههه ياروح وقلب خاله انتي ,والله مااقدر ياقلبي
لانكم ماعندكم بنات بالبيت
هند وانااا؟
سميه ههههه فديتك انتي صغيرة انا قصدي حرمه كبيرة اجلس وياها
هند خلاص اخلي جدتي تجي عندنا بس تعالي
سميه........
حلا هنوده خلاص حبيبتي روحي العبي مع بسولي
ضاري كان بالشغل ومحتاس يبي اوراق من البيت ومايقدر
يطلع من الشغل قام دق على صقر وقاله يجيبها له
وصل صقر للبيت ودق على ماجده اللي كانت بالمطبخ
وقالت له يدخل المكتب ياخذ الاوراق لانها مو فاضيه
فعلا دخل صقر المكتب والمكتب كان بعيد عن صاله
الحريم يعني مااحد يشوفه,دخل المكتب وجلس يدور بالاوراق
هند خاله سميه
سميه نعم ياروحي
هند تعالي معايه
راحت سميه مع هند اللي اخذتها عالمسبح
سميه وش تبين هنوده ؟
هند امممم ابيك تخلين ماما حلا تخليني اشيل بسولي
سميه هههههه بس انتي صغيرة واخاف يطيح لانه دب خخخخ
هند لا انا قويه حتى شوي<<<توريها عضلاتها
سميه اخوص قويه طلعتي ,اممم طيب بكلمها بس ابي اطلبك طلب
هند وشو؟
سميه انا ابيك تجين عندي البيت وبقول لعمه ماجده تكلم ابوك اوكي
هند بس بابا ماراح يوافق
سميه ليييه؟
هند عشان هوه يحبني ومايقدر يجلس بالبيت لحاله
سميه اممم اجل خلاص مابقول لماجده شي,,اممم يالله نلعب بالمرجيحه
هند يالله هههههههههه
>>>هالكلام كله كان يسمعه شخص بس سميه وهند
ماحسو فيه لانه كان متخبي ماشاء الله عليكم ذكيات صح صقر
اللي كان يسمع لانه كان طالع وبطريقه سمع صوت هند بس
ماكان يدري ان معها احد لين تكلمت سميه
بعد ماخلصت العزومه سميه دقت على هيثم بس
قالها ان عنده عمليه وراح يتأخر
حلا عادي اجلسي معنا وشفيك مستعجله؟
سميه لا حلاوي الساعه الحين 12
حلا طيب خلاص اوديك انا وضاري
سميه تسوين خير والله
حلا وضاري وصلوا سميه بيتها ورجعوا
حلا هالبنت مرة حبوبه ياليت باقي عندي اخوعزابي وازوجها له
ضاري سمعت ان ماجده مقروشه صقر تبيه ياخذها
حلا ياليت والله اصلا هنوده متعلقه فيها بشكل غريب,الا انت
وش عرفك عن ماجده
ضاري ههههههههه هاه اشتغلت الغيرة
حلا
ضاري زياد قالي .والحين ياحلوة بروح اخذ لي دش وابي اطلع
والاقي هالمعفن اللي بحضنك نايم ,مو صاير لي حارس امن
ينام بالنهار ويسهر الليل يحرسك
حلا ههههههههه يالبى قلب الحارس ,لا ماعليك بينام
ضاري زين الله يبشرك بالجنه
<<<<راح ضاري تروش وطلع
وجلسوا يسولفون شوي الا والجوال يدق وكان ياسر
المتصل ,بس ضاري مارد وارسل له ياسر رساله انه يبيه
ضروري
ضاري يالليل ابو لمبه >>>>هالجمله ذكرتني ببنت خالتي
محد يهمني دايم تقولها خخخخخ
حلا وشفيك؟
ضاري انا افتك من هالمعفن ولدك يطلع لي ياسر
حلا ههههه هالمعفن اظن انه ولدك بعد
ضاري دق على ياسر
ضاري هلا ياسر خير امر,,لا مو محتاجها.,طيب طيب
خلاص تعال خذها ,سلام
حلا اشفيه؟
ضاري ياسر يقول يبي يروح المزرعه يبات هناك
وسيارته تعطلت,ويبي سيارتي
حلا اهااااا
ضاري انا بروح انتظرة برا بس ياويلك اجي وانتي نايمه
حلا هههههه لا بس لاتتاخر
جاء ياسر واخذ سيارة ضاري وراح وكانت ليله خميس
ويبي ينام بالمزرعه وبيرجع الجمعه العصر
*********************************
سميه اففف اقولك كان معي ,بس اكيد طاح بالسيارة
هيثم طيب دقي عليه وشوفي
سميه دقيت بس مقفل او مافيه شبكه
هيثم طيب دقي على صديقتك
سميه دقت على حلا وقالت انها ماتدري وان السياره
مو عندهم مع واحد من اصدقء زوجها
هيثم هاه عندها؟
سميه لا بس شكله ياطاح بالسيارة يابالشارع
هيثم طيب روقي كلها جوال وبكره اجيب لك بداله
*********************************
**يوم الجمعه العصر**
ياسر رجع من المزرعه بعد ماباع وحده من الخيول
وهو بالطريق سمع نغمه جوال ,,طالع لجواله بس ماكان هو
وقف السياره ورجع ورى ودور ولقى الجوال تحت المرتبه
ومبين انه جوال بناتي
ياسر(شكل هالجوال لحلا نسيته بالسياره)فجأه دق
الجوال بيده وكانت شوشو الغاليه يتصل
ياسر افف الحين هالجوال بيقلقني بكثرة الاتصالات
احسن شي اقفله ,واعطيه ضاري اول مااوصل
ضاري حط الجوال بجيبه وشغل السيارة ومشى,واول ماوصل
دق على ضاري وخلاة يوصله بيته ويرجع بالسياره
دخل ياسر البيت وراح غرفته يبي يتروش وينام له شوي
طلع اغراضه من جيبه ولقى الجوال
ياسر(يووووة نسيت جوال البنت ,بس مو مشكله بكرة اعطيه ضاري)
قام دخله بالدرج وراح الحمام
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
*بعد اسبوعين*
ضاري ياعاليه العمر يمشي لمتى بتضلين كذا؟
عاليه.................
ضاري الرجال شاريك وماتعب وهذي ثالث مرة يجي ويخطبك فيها
عاليه ضاري تكفى خلني براحتي,,انا مو متخيله احد يدخل حياتي غير حسام
ضاري بس هذا غلط ,وحراام انتي باقي بعز شبابك والحي ابقى من الميت
يعني بالله لو حسام عايش وانتي بعيد الشر ميته كان بيجلس بدون زواج عايش على ذكراك؟
عاليه....................
ضاري وافقي وفرحي امي اللي شايله همك
عاليه طيب عطني فرصه افكر وارد عليك
ضاري بفرحه الله يريحك خلاص لك يومين فكري براحتك
عاليه اي يومني؟انا ابي شهر
ضاري وين شهر ؟لا لا كثيرة
عاليه اجل خلاص بطلت
ضاري لا لا خلاص ,احنا ماصدقنا توافقين
عاليه........
*********************************
اليوم ياسر عازم الكل عالمزرعه حقته
لان فرسه الغاليه شوق فازت في احدى
السباقات وخذت المركز الاول
ووليد عزم هيثم لانه تعرف عليه من فترة
وقال لياسر انه عازم واحد من اصحابه
وياسر قاله الله يحييه
الكل وصل للمزرعه الا وليد تاخر عشان مر هيثم وجابه معه ,ولما قربوا من المزرعه ووقفوا هيثم(غريبه هذي المزرعه اللي كانت عايشه فيها شوق وش جايب وليد هنا)
ياسر كان ينزل اغراض من سيارته و هيثم شافه
هيثم( كأن هذا اللي قد تهاوشت معه في المول؟؟ )
هيثم اقول وليد
وليد سم
هيثم اللي قدامنا عن السيارة تعرفه؟
وليد هههههه هذا ياسر راعي المزرعه و العزومه
هيثم فتح جواله ووقت المنبه بعد دقيقتين
واول مادق المنبه
هيثم سوى نفسه يكلم
هيثم هلا والله ,,كييييف؟طيب طيب انا جاي ,لا مابتأخر
وليد خير وش فيه
هيثم انا لازم ارجع البيت ,اختي تعبانه وتبي المستشفى
وليد طيب ادخل سلم واجلس شوي وبعدها نروح
هيثم لا فشله بس ادخل اسلم واطلع , الجايات
اكثر وان شاء الله ازوركم بمناسبه ثانيه
وليد براحتك
وليد شغل السيارة ومشوا
*********************************
اليوم الثاني هيثم رجع للمزرعه,ونادى الحارس
هيثم كيفك اسلام
اسلام انا واجد زين
هيثم اقول اسلام تتذكر المدام اللي كانت ساكنه هنا
اسلام لا مافيه يتذكر
هيثم طلع500 والحين تتذكر؟؟
اسلام ايوة يتذكر
هيثم طيب تعرف هي مين؟ ومن اهلها؟
اسلام هذي مدام شوق ,انا يعرف زوج مال هيه وين ,
بس اهل مايعرف وين
هيثم بس زوجها متوفي
اسلام لا مافيه موت هوه امس هنا موجود وكل اهل مال
هو كانوا هنا
هيثم يعني هيه تعرف ان زوجها عايش؟
اسلام هوه كان زوج مال هيه بس الحين سوى طلاق
هيثم طيب زوجها من؟
اسلام زوج مال هيه اسمه ياسر وهو صاحب هذي المزرعه
بس بابا ياسر ماكان يعرف ان مدام شوق عايش هنا
بس الحين هوه فيه يعرف وكل يوم يدور عليها
هيثم طيب اسلام مابي احد يدري اني جيت وسئلت اوكي؟
اسلام اوكي
هيثم طلع وهو منصدم((ياسر زوج شوق ؟اجل ليش قالت
ان زوجها ميت؟اهااا يعني لما تهاوش معي كان مشبه
عالولد,بس ليش قال خاينه ؟معقول تكون؟لا لا اجل
وش السالفه ؟افففف راسي بينفجر))
*********************************
بعد كم يوم
ياسر كان جالس بغرفته ومعه شنطه كان مجمع
فيها صورة هو و شوق((آآآه ياترى انتي وين يالغاليه؟
الله يجازي اللي كان السبب,,حرموني من اغلى
مخلوقه على قلبي,وانحرمت من ولدي اللي طول عمري
احلم فيه,ولا ادري هم احياء والا اموات,ياااارب افرجها من عندك))
اخذ صورة كبيرة لشوق وفتح الدرج اللي جنب السرير
وحطها فيه,وقبل يسكر الدرج شاف الجوال
ياسر(يوووة نسيت جوال حلا,بس غريبه ضاري ماسئلني
عنه؟)دق ياسر على ضاري وسئله اذا حلا مضيعه جوالها
وضاري نسي موضوع جوال سميه وقاله لا حلا جوالها معها
ياسر(غريبه اجل هذا جوال من؟)
قام شغل الجوالوفتح قائمه الاسماء
وشاف اول اسم شوشو الغاليه,وبدون مايحس دق عالرقم
شوق كانت بالمطبخ تسوي الغداء وسمعت الجوال
وجات واخذت الجوال بترد بس المتصل قفل
شوق(غريبه هذا رقم سميه وجوالها ضايع يمكن لقته؟
خلني ادق واشوف)
ياسر (احسن شي اقفله واعطيه ضاري هو يدور على راعيته
بنفسه..يوم جاء بقفله دق الجوال وكانت شوشو الغاليه يتصل
ياسر فتح الخط وهو ساكت
شوق الووو,سميه؟مو على اساس الجوال ضاع؟ والا لقيتيه؟
ياسر منصدم
شوق الوو الوو ليه ماتردين؟
ياسر شوووق؟؟؟اكيد انا احلم؟؟
شوق.................
ياسر شوق ردي علي؟انا ياسر
اقسم بالله انك شوق, انا اميز صوتك من بين الف صوت
تكفين ردي على
بس الخط انقفل بوجهه
ياسر عاد الاتصال مرة ومرتين بس مافيه رد
ياسر(معقول شوق قريبه مني وماادري؟اكيد ضاري
يدري وينها او يعرف راعيه الجوال
انا بسوى محاوله اخيرة وبعدها بروح لضاري واعرف
منه السالفه
ياسر دور بالارقام على رقم رجال وماشاف
غير رقم واحد وباسم هيثم ودق عليه
هيثم بمكتبه(غريبه هذا رقم اختي سميه
هيثم الوو
ياسر السلام عليكم
هيثم وعليكم السلام انت من وين جبت هالرقم؟
ياسر انت تعرف راعيه هالجوال؟
هيثم ايه هذا جوال اختي وكان ضايع من فتره وين لقيته؟
ياسر لقيته وخلاص طيب وين اقابلك عشان
اعطيك الجوال؟
هيثم تعرف مستشفىxxx ؟
ياسر ايه اعرفها
هيثم تعال واسئل عن الدكتور هيثم
ياسر اوكي بس ممكن سؤال؟
هيثم تفضل
ياسر اختك تعرف وحده اسمها شوق
اذا تعرفها ياليت تعطيني عنوانها
هيثم لا مانعرفها؟وحتى لو نعرفها وش دخلك فيها؟
ياسر انقهر من غيرة هيثم على شوق
ياسر ابيها ضروري
هيثم قلت لك مااعرف من هي
ياسر بس انا كلمتها من هالجوال وعرفت صوتها
ولماعرفت صوتي قفلت في وجهي
تكفى قولي وينها
هيثم انت من وش تبي منها بالضبط؟
ياسر يعني تعرفها
هيثم ايوة اعرفها
ياسر الله يبشرك بـــالجنة
خلاص انا اجيك وافهمك السالفه,
بعد ربع ساعه ياسر كان عنده
واول ماشافه تذكر الموقف اللي بينهم في السوق
ياسر السلااااام عليكم
هيثم ( ياسر!!!) وعليكم السلام هلاوالله تفضل
ياسر كيفك اخوي؟
هيثم بخير وانت؟
ياسر الحمد لله ,,انت اللي ؟
هيثم ايه انا اللي بالسوق
ياسر معليش اخوي انا اسف عاللي صار
والله مدري وش اقولك
هيثم حصل خير ,خلينا بموضوعنا
ياسر جلس(معقول شوق تزوجت هالرجال؟
لا يارب والله الموت عندي اهون)
هيثم وين سرحت؟
ياسر هاه؟لا ابد
دارت بينهم لحظات صمت,,وبعدها
ياسر شوف يادكتور هيثم بدون لف ودوران
انا زوج شوق,ولي فترة ادور عليها
وربي ساق هالجوال عشان اعرف مكانها
هيثم.............
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك