رواية الحظ لو عاثر بصنع أنا حظي -33
ياسر معليش اخوي انا اسف عاللي صار
والله مدري وش اقولك
هيثم حصل خير ,خلينا بموضوعنا
ياسر جلس(معقول شوق تزوجت هالرجال؟
لا يارب والله الموت عندي اهون)
هيثم وين سرحت؟
ياسر هاه؟لا ابد
دارت بينهم لحظات صمت,,وبعدها
ياسر شوف يادكتور هيثم بدون لف ودوران
انا زوج شوق,ولي فترة ادور عليها
وربي ساق هالجوال عشان اعرف مكانها
هيثم.............
ياسر(لو كان متزوجها ماكان سكت لما قلت
اني زوجها,,الحمد لك يارب)
هيثم بس هي قالت لنا ان زوجها ميت,,ومالها اهل
هالكلمه طعنة ياسر في الصميم
ياسر انت زوجها؟؟
هيثم مو توك تقول انك زوجها؟؟
ياسر انا طلقتها وبعد فتره
رجعتها لعصمتي وهي ماتدري لانها كانت مختفيه
هيثم لا مو زوجها ,,وترى انا مو فاهم شي
ياسر انا بفهمك الموضوع بس ابيك تساعدني
اوصل لها ولولدي
هيثم وش عرفك ان عندها ولد؟
ياسر الولد اللي كان معك بالسوق
انا متأكد انه ولدي,لانه نسخه من امه
هيثم طيب بساعدك بس قولي السالفه
لاني تحمست
ياسر اسمع ياطويل العمر.................شوق بغرفتها وهموم الدنيا فوق راسها
شوق(وش ودى جوال سميه لياسر؟
اكيد الحين عرف مكاني,,اففف وش رجعك ياياسر
لحياتي وانا ماصدقت بديت انساك,,,هه انساه؟؟
تكذبين على مين ياشوق ؟وانتي قلبك دق
وكان بيطلع من مكانه اول ماسمعتي صوته؟)
قطع افكارها صوت دقه عالباب,,راحت تشوف مين
شوق مين؟
سميه انا سميه افتحي
شوق فتحت الباب ودخلت سميه ,,ولما جات
شوق تقفل الباب انصدمت باللي دخل ورى
سميه ,وتجمد الدم بعروقها
شوق ياسر!!!!!!!!!واغمى عليها
نجود يمه قلت لك مابيه
ام صقر الرجال مليان وراح يخليك تلعبين بالفلوس لعب
نجود ومتزوج وعنده 6عيال وكبر ابوي
ام صقر مايهم .الفلوس تغطي على اي شيء
نجود الفلوس الفلوس,انتي كل همك الفلوس؟؟
ملعون ابو الفلوس اللي تخلي الناس
تبيع نفسها وتنهش ببعضها
زواج ماني متزوجه وهذا اخر كلام عندي,,وراحت غرفتها
ام صقر ولا اهتمت لانها واثقه ان نجود بالاخر
بتسمع كلامها زي كل مرة,,واخذت المبخره
وراحت غرفتها تبخرت وحطت المبخره بالدولاب
ونامت,,وكان الوقت العصر
*********************************
ياسر شووق شووق تسمعيني شووووق
هيثم لاتخاف اغمائه بسيطه من الصدمه
وبتصحى بعد شوي
ياسر يعني هي بخير؟؟
هيثم ايه بخير لاتخاف,,يالله احنا نستأذن
ياسر مشكور اخوي والله عاجز عن الشكر
هيثم ماسويت شي يستاهل,,,يالله ياسميه مشينا
سميه لا بجلس اتطمن عليها
هيثم اقول قدامي ,,وتطمني عليها بالجوال
بعد ماراحوا ياسر شال حسام وضمه لصدرة
((آآآه ياقلب ابوك خفت اموت وانا ماشفتك,فديت
هالوجه ياناس,,,
حسام مسك دقن ابوة . لان ياسر رباها وصارت تمسك ..
ياسر ههههه عجبك الدقن ؟. لاتفكر اني
شايب انا شباب هههههه
.. شوقُ : اطلع برا بيتي
هالجمله مسحت الضحكة من وجه ياسر
ولف لشوق ولقاها جالسه عالسرير , حط
حسام بسريره . جاء وجلس جنب شوق
ياسر متى صحيتي ؟, والله خفت عليك ـ
شوق مانيب حاجتك ولا بحاجة خوفك .
وقلت لك اطلع برا بيتي وحياتي ,
ياسر : شوق اسمعي , انا ,
شوق : انت ايششششَ ؟
لك عين تجي بعد كل اللي صار
ياسر ـ شوق اللي صار كان كبير علي وعليك .
وعارف اني تسرعت بس التمثيليه اللي صارت
كانت مقنعه وماكان فيه مجال لأي احد ,
انه يفكر بغير اللي فكرت فيه ، وابشرك
عرفت اللي كان وراها ،
شوق : ادري ومايهمني اي تبرير تقوله ،
لانو ماصار يعني لي شئ ,
ياسر ......
شوقُ : مفكر اني راح ارجعلك ؟ لا ياحبيبي
هذاك اول اما الحين لو تحب النجوم ماراح ارجعلك
ياسر شوق انا تعذبت بغيابك لدرجه
ماتتصورينها ، ..
شوق : هههههههه
تعذبت ، احلف ياشيخ . اجل انا وش اقول
ياحضره المتعذب .. انا اللي رميتني مثل رميت
الكلاب , واتهمتني بأبشع التهم , بالكونْ
وش اقول؟؟؟؟
انا اللي الكل قام يناظرني على اني خاينه ,
وعديمه شرف وش اقول ؟؟؟؟
.. وبدت دموعها تنزلّ
شوق انا اللي هربت من نظراتكم لي وتخبيت
بمزرعه كأني مسويه جريمه وش اقول .؟؟؟. ؟
انا اللي تمرمط لين لقيت مصدر رزق اكل منه ؟
وش اقول .؟؟.؟ انا اللي عشت مثل الغريبه
اللي مالها احد واهلها عايشين
وش اقول .؟؟ ؟
انا اللي ولدي انولد وماله احد يسأل عنه
وش اقول ..؟؟ ؟
بالله فهمني وش اقول .
ياسر منزل راسه ويده بشعره ..!
شوق : انت اصلاً مالك حق تلمس حسام لانو
مو ولدك فاهم ؟
ياسر , رفع راسه . . انتي انجنيتي .
شوق . لا باقي عندي شويه عقل ليه مو هذي
الحقيقه ؟؟انت تقول اني خنتك واكيد اللي عنده
شويه عقل ، بيفهم ان حسام نتيجه هالخيانه ؟
ياسر . . شوق انا مقدر حالتك ولاني راد عليك الحين ..
شوق : لان اصلاً ماعندك رد ولو سمحت اطلع
برا وانسى انك لقيتني او حتى شفت حسام ,,
ياسر : استغفر الله العظيم .. شوق خلينا
نتفاهم احسن .
شوق مابيننا تفاهم :
ياسر .. بس انا احبك وماقدر اعيش بدونك ..
شوق هههههه .. تحبني؟ بأمآرة ايشَ ,
انك صدقتني وخنتك مرتينْ , ؟؟
انا اسفه انا بايعه هالحب ومايلزمني .
ياسر . . مو على كيفك والحين الوضع
تغير وصاربيننا ولد ..
شوق , الولد ولدي انا ... وانت مالكَ دخل فيه
. ياسر الولد ولدنا غصبن عنك .. وراح ترجعين
معي والحين .. وكافي الي فات من العمر وخلينا
نربي ولدنا ،
شوق ، جيت متأخر يأ استاذ .
يآسرٍ ، وش قصدك ؟
شوق انا زواجي الاسبوع الجاي انا وهيثم
ياسر . . ههههه والله اعتقد ان المجع بين زوجين
جريمه ، ويعاقب عليها القانون .
شوق وش قصدك ؟
ياسرٍ ، قصدي اني رجعتك لعصمتي ، يعني انتي
الحين زوجتي وحكاية زواجك من هيثم العبيها
على غيريٌ ،
شوق : حتى لو رجعتني! ، انا بطلب طلاقي منك
لانو ما اتشرف اعيش مع واحد زيكْ ، كلمه توديه
وكلمهَ تجيبه ، وخل خالتك تزوجك من جود ،
يمكن هي تصون بيتك وشرفك . : هذ1 اذا فيه
شرف ،
ياسر بدون مايحس عطاها كف ..
ياسرٍ : لهنا وكفايه .. شكلك نسيتني من
هو ياسر
شوق مسحت خدها ، لا والله مانسيت
ولو نسيت العلامات اللي بجسمي منك تخليني
اتذكرٍ ، تبي تشوف هالذكريات الحلوة كيف ؟
ياسر قرب منها ، يبي يضمها ، بس تفآجئ ،
بيدها الصغيره تنطبع على خده ، رفع راسه ولف
وجهه للجهه التانيه ، -
ياسرٍ : بعد كف ثاني ..!
شوق بدون شعور عطته كف ثاني ،
ياسر قرب منها تبين تزيدين زيدي.
شوق ماحست الا وهي راميه نفسها بحضن ياسر
وهو لاف ايدينه حولها وضامها حيل لدرجه
انها حست انها دخلت جوات صدرة
ياسر ابكي وطلعي كل اللي كاتمته بهالقلب
شوق ميته من البكاء
سلشر والله لو ادري ان راحتك بموتي مااتأخر دقيقه
وحده عشان اريحك
شوق انت تعبي وراحتي,,انت عذابي وانت حياتي
حاولت انساك وامحيك من راسي بس ماقدرت
على كثر اللي سويته فيني بس ماقدرت اكرهك
وحبك زاد غصب عني لما جبت حسام
بس انت ماتستاااااهل ماتستاهل
ياسر سامحيني شوق ,,انا ماصدقت لقيتك
ارجوك سامحيني ,وخلينا نرجع لبعض ونربي ولدنا
وان شاء الله يكون اخر خلاف بيننا
شوق...............
ياسر بعدها شوي عن صدره,,ومسك وجهها بين ايديه
ياسر يالله قد ايش وحشتني هالعيون
شوق نزلت عيونها
ياسر تكفين طالعي فيني
شوق ياسر
ياسر ياعيون وقلب ياسر
شوق ابي اطلب منك طلب
ياسر امري وعيوني لك
شوق خليني هنا لحد مااتقبل وجودك بحياتي
ياسر تحلمييييين اخليك هناانا ماصدقت اجتمع فيك
شوق.......
ياسر وعشان اريحك خلاص اجلسي هنا وانا بجلس معك اقل شي لين تخلصين امورك كلها
شوق اي امور؟
ياسر يعني شغلك بالمشغل ماعاد له داعي
وهالشقه تنهين عقدها وبعدها نرجع لبيتنا
شوق لا تكفى ياسر انا حبيت شغلي بالمشغل
ياسر والله لو ايش ماترجعين لهالشغله ابد
اول كنتي محتاجه بس الحين مااظن بحاجه لها
انا ياشوق لو الود ودي احطك بقفص من ذهب
واقفل عليك
شوق............
ياسر اممم حسام نايم صح؟؟
شوق التفتت وشافت حسام نايم
شوق ايه نايم ليه؟؟
ياسر فديته ولدي اللي يقدر الوضع
شوق اي وضع؟؟
ياسر شالها الوضع اني مشتااااااق لك
ياقلب ياسر
>>>>>>
طبعا انا مادخلت وخربت زي عوايدي
الحلوةلاني اممم بصراحه بصرااحه خايف
ياسر يذبحني ههه الرجال ماصدق لقى شوق
القلب فأكيد اكيد لو فكرت اخرب مو بعيده
تلاقون خبر وفاتي منور الجرايد ام صقر كح كح نجووود نجووود,الحقي عليييي كح كح
وتحاول تقوم بس الدخان خنقها واغمى عليها
والغرفه كل مالها والنار تزيد فيها بسبب المبخرة اللي بالدولاب
نجود كانت منشغله بروايه تقراها عالنت ولا
سمعت امها بس شمت ريحه دخان وقالت
اكيد من براا لان شباكها مفتوح
بس حست بريحه الدخان كل مالها تزيد قامت
قفلت النت وفتحت الباب ، وانصدمت بالدخان
مالي المرر , والنار تطلع من غرفت امها
..
نجود : كح كح يماااااه يماااااه !!
وحآولت تقرب من باب الغرفه بس الدخان يمنعها
، راحت دقت على اخوها والدفاع المدنيّ ،
اليوم الثاني
صقرٍ ، كيفها الحين يادكتوٍرٍ
د : فآضلْ , والله حالتها صعبه فوق ماتتصوره
صقر ، دمعت عينه ،
د : فاضل ادعولها هي محتاجه للدعاء
**********************
الكل عرف برجوع شوق لياسر
وكانو فرحانين لرجعتها وياسر كان بيسوي حفله
بهالمناسبه بس عشان حالة ام صقر واللي صار
اجلوها ،
شوق : ياسر ،
ياسر هلا . ياقلب ياسر
شوق ابي توديني المستشفى ،
ياسرٍ ، بخوف .. ! ليه وش فيك ؟
شوق لا تخاف مافيه شئ بس ابي ازور ام صقر
ياسر .......
شوق : وش فيك ساكت ، ؟
ياسر ليه تبين تزورينها ، ؟
شوق لانها محتاجه للزياره ولان زياره المريض واجبه
،
ياسرٍ . يعني مو شماته ؟
شوق ، عمري بحياتي ماخطر ببالي اتشمت بأحد ،
انا ما انكر اني كنت زعلانه ولي حق ازعل ،
بس هي الحين بين يد الله
ياسرٍ تدرين امس صقر قالي انها طالبه
تشوفك ، بس ماقدرت اقولك توقعت ترفضين ..
شوق طيب قوم قبل ينتهي وقت الزياره
ياسر لا باقي في وقت ، اسمعي ابيك تحكين لي
من اول ماطلعتي من المستشفى الين لقيتك ،
ابي كل شئ بالتفصيل ،
شوق يووووه هذي سالفه طويله والوقت بيروح
واحنا نتكلم ، فيها
ياسر عادي اوديك بكره بس يالله تكلميّ
***************************،،
اليوم الثاني .. شوق راحت لأام صقر ودخلت عندهأ
، وشافتها غير ام صقر اللي تعرفها ... قربت منها
ونجود كانت عندها
،
نجودْ بصدمه .. . شوق !!
مو مصدقه اخيرا شفتك .. ؟ تكفين سامحيني
شوق ، الله يسامح الجميع ،
نجود شوفي ربي وش سوا بأمي ، وانا مدري
متى يجي دوري ،
ام صقر حست بشوق ، واشرت لها تقربٌ ،،
قربت شوق منها ، الحمد لله عالسلامه
ماتشوفين شر
ام صقرٍ شوق سامحيني يابنتي ,
انا ظلمتك وفرقت بينك وبين زوجك ،
شوق الله يسامح الجميع ،
ام صقرٍ ، ادري انها مو من قلبك
،وادري اني استاهل .اللي جرالي. بس انا كنت ابي
ياسر لوحده من بناتي ومن قبل ياخذك
بس كل مرة افشل ,لانه يحبك
بس الشيطان مارضي يتركني بحالي وجلس
يوسوس لي لين فرقت بينكم حلليني يابنتي
شوق عمري ماشلت بقلبي على احد
ام صقر بس انا استاهل ,كفايه ان ولد ياسر
انولد بعيد عن عين ابوة
شوق دمعت عيونها الله يسامحك ياخاله
دنيا واخرة
...دخلت عليهم ماجده
ماجده سلام عليكم
نجود وشوق وعليكم السلام
ماجده كيفك شوق؟
شوق بخير وانتي اخبارك؟وسلامه الوالده
ماتشوف شر
ماجدة الحمد لله بخير..الشر مايجيك ياقلبي
شوق يالله عن اذنكم انا تأخرت
ماجدة تو الناس خلك شوي
شوق لا الحين حسام طفش رواسي
ماجده خليها تتسلى عليه شوي
شوق مو اخاف تطفش وتصفقه ههههه
ماجدة لا ماتوصل للتصفيق هي تومت عالصغار الله يرزقها
شوق امين ,,يالله اشوفكم على خير
ماجدة الله معك وبوسي لي حسام
طلعت شوق وحصلت ياسر ينتظرها بالسيارة
ياسر هاه كيفها؟
شوق الله يلطف فيها ولا يبلانا
ياسر امين
شوق على وين؟بيتنا من الجهه الثانيه
ياسر ادري
شوق اجل وين رايحين؟
ياسر البحر
شوق البحر!!!! لا لا البنت الحين محتاسه بحسام
ياسر ماعليك توني مكلم انس ويقو ل توة نايم
ياسر اخذ شوق وراحوا عالبحر وجلسو
حول الساعتين ورجعوا
***********************
بعد اسبوعين
1_ياسر سوى حفله كبيرة عشان رجعه شوق
وغير لها اثاث الفله كله
2_عاليه وافقت على الزواج من مازن وحددوا
الزواج بعد اقل من اسبوعين
*********************************
اليوم الجمعه عند دلع
حلا دلع وجع من متى ماغيرتي هالكنب
احس لو له لسان كان قال غيروووني
البنات هههههههههه
دلع حيوانه ,الكنبه توها جديده وبعدين
ولودي يحب هالكنب يعني مافيه امل نغيرة
حلا الله يذكر ايام اول بالخير,,وقامت تقلد صوت دلع
حلا والله مااخذه لو اخر رجال بالدنيا ,,تهي تهي
انا اكرهه اكرهه مابيه
البنات هههههههههههه
رغد حلاوي خلاص والله البنت وجهها صار الوان
بس تصدقون اشتقت لدلع العربجيه هههههه
دلع لاتكفين اخاف وليد يسمعك ومايجيه نوم الليله ههههههه
البنات هههههههه
ماجده تدرون والله الجلسه توها تحلى
لما رجعت شوق فديتها
شوق يالبى قلبك
رواسي بس تصدقين طلعتي احلى واطيب
من الصورة اللي كنت راسمه لك بخيالي
سميه سبحان الله ربي جمعني فيكم
عشان تتلاقون عن طريقي
هند خاله سميه
سميه ياروح وقلب سميه امري؟
هند بابا يقول انك مرة حلووة
سميه!!!!!!!!!!!!!
ماجده منحرجه هنوده بابا اكيد يقصدني صح
معليش سميه هذي طفله وماتفهم لاتاخذين على كلامها
هند لا انا افهم وبابا مايقصدك انتي هوه قالي
من هذي وانا قلت له خاله سميه ,قال ماشاء الله مرة حلوة
ولون شعرها يجنن>>>>>لون شعر سميه كان غريب
لانها دامجه اكثر من لون وكان محليها زياده :64:
سميه صار وجهها الوان الطيف :44:وقالت بتروح الحمام تعدل مكياجها
حلا هنوده عيب حبيبتي وش هالكلام؟ترى
بعدين خاله سميه تزعل منك
هند بس بابا مازعلها .,وقالي انه
بيوديني عندها البيت ,,اممم يعني هيه ماتحب
اللي يقول حلوة؟
ماجده هنوده روحي العبي بالمراجيح
طلعت هند وهي مو داريه وش سوت في سميه
شوق ههههه شكل ابو هند وقع ومحدش سما عليه
البنات هههههههههههههههه
دلع بس اسكتو البنت جات
سميه رجعت وكان باين عليها الاحراج
ماجده سمسم لاتاخذين على كلام هند
سميه لا عادي
حلا ههههه يعني عجبك انه قال عنك حلوة:56:
البنات ههههههههههه
سميه وجع مو كذا قصدي:5:
الكل ههههههههههه
ماجده اسمعو بقولكم سالفه حصلت بيني وبين
زياد قبل كم يوم
حلا الله يعينك يازياد على مابلاك ,انتي ماتتوبين؟
ماجده يختي كل مااتذكر ان كان له علاقات يركبني
ميه عفريت
رغد حرام عليك اخوي يموت فيك ومن يوم عرفك وهو مبطل كل سوالفه
ماجده اسمعوا السالفه بس
شوق اتحفينا
ماجدة اسمعوا ياطويلات العمر زيود حبيبي
كان نايم في امان الله ومحسوبتكم جات
وفي يدها كاسه ماااي واكبها علية وهو نايم
وهو قام مفزوع:99: خير وش فية انا اجيكم
واصارخ علية واسألوا عن رساله غرامية لقيتها
في جيبة من وحده اسمها عبيير
وصارت ليلة قشرا الرجال يحلف انو مايدري
عن الرساله وانا ابكي واصارخ
واقول ياخاين ودني عند اهلي
حلا طيب بعدين وش صار
سمية اخس علية وش هالجرأة جايب الرساله معه للبيت
ماجده اسمعوني للاخر
العنود كملي تحمست
ماجده قلت الحين تدق عليها بنت الكلب واكلمها
وهو يحلف انو مايعرف من هي ولاكيف جات الرساله في جيبة
وانا اجمع اغراضي وابكي وهو يعتذر ويقول تكفين اللي تبينة بسوية بس لاتروحين
شوق وش انتهيتوا علية
ماجده والله راضاني ووداني احلى مطعم وتعشينا ورجعنا
حلا زين انها انتهت المشكلة على خير
ماجده بس في شي ماقلتة لكم
شوق وش هو
ماجده :1: انا اللي كنت كاتبة الرساله هههههههههههه
رغد الله يلعن ابليسك وليش تسوين في اخوي كذا
ماجده مدري بس اشتقت لمناقرتنا من بعد ماولدت وانا هاااااااااااجده
شوق الله يهديك بس
حلا اقول تجهزتوا لزواج عالية والا باقي
ماجده انا باقي فستاني ماخلص
الا هي وينها ماجت
دلع تقول روان مسخنة شوي
وبعد العشاء كل وحدة راحت لبيتها
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
هيثم دق للعنود تجي المستشفى ضروري
العنود كان لامها تحليل للسكر وخافت
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك