رواية كابرت بفراقك مع اني تألمت -37
فتحت السجاده وبدت تصلي وساره شافت الاضافه اللي تو واصلتها متصله
والنك Moteb
ساره انصدمت وتوها بتحذفه
الا يكلمها
Moteb:سلام عليكم
ساره ماقدرت تتكلم
Moteb: اسف ع الاضافه بس حبيت افهم ايش قصدك من الرساله
ساره ماتكلمت لانها ماتدري ايش الموضوع
Moteb : انا المدير العام بالمنتدى وانتي شوشتي ع الاعضا بكل وقت تنزلين موضوع مكرر
وتسالين ليه ينحذف وتسوين ازعاج بالمنتدى
ساره ماقدرت تتكلم وخلصت مرام صلاه والتفت لها ساره تكلمها
ساره : مرام لحقي
مرام : هاه شصاير
ساره : واحد اسمه متعب ضايفك يقولك عن المنتدى
مرام : متعـــــــــــــب.؟! ماعمري شفت بالمنتدى واحد اسمه متعب
ساره: مادري اقول بلا حركات
مرام: اللحين تعالي مين الكبيره ومين الصغيره
سكتت ساره احترام لاختها اللي بدت تعصب من تصرفات ساره
مرام: ادري عنك خسستيني اني مراهقه وقليلة ادب ومو مربيه شوفي ياقلبي مو يعني سويتي لي ايميل وتعرفين بالنت يعني خلاص اتطاول على اختي واصدق نفسي واقعد اهاوشها واقولها عن هذا وذاك وهذا متعب انا اشوف ايش سالفته واتفاهم معه
سكتت ساره وقامت من ع الجهاز وجلست مرام مكانها وبدت تتكلم وشوي تبتسم
هي من زمان متقصده تحط مواضيع مكرره علشان المدير يعصب
وجا الوقت اللي ضافها فيه وراح تاخذ حقها منه وسبب رده لها يوم تسجل بالمنتدى
مرام: اهلين السموحه كنت اصلي شقلت تبي شي
Moteb: اللحين انا صار لي ساعه اكلمك ماوصلك شي من اللي كتبته لك
مرام : ايه وصل خلاص علشان حظرت سموك ماراح ندخل المنتدى بعد أي اوامر
Moteb: ماقلت شي انا بس حبيتا قولك اني انا المسئول عن أي شي يصير بالمنتدى
مرام: درينا ان راسك كبير في المنتدى وقلنا لك ان شاءالله ماراح تشوفون رقعت وجهي
Moteb: اذا كلمتك بإدب كلميني بأدب
مرام : بعد مابقى الا انت تعلمني كيف اتكلم واتأدب كبير بمنتداك مو عندي
جات ساره تشوف شصار مع مرام وشافت ان مرام تأشر لها
وجات تشوف ايش مكتوب ماتت ضحك
ساره: ههههههههههههههههههههههههههههههه لا عاد تكفين ذبحيه
مرام: ادري عنه رافع خشمه
ساره: بس على الاقل تلطفي معاه مو بالوجه
مرام: تركيه عنك بس
ساره: ردي ردي عليه خلينا نشوف ايش نهايته
مرام ترد على متعب اللي عصب من كلامها
: طيب حصل خير ومره ثانيه لاتقعد تضيف في بنات خلق الله وتسولف معاهم يعني انك بخصوص المنتدى وانت ترقم بالبنات وتتكلم معاه وتسوي علاقات
Moteb: نعم نعم لو سمحتي انا ساكت محترمك ولاتخليني اغلط
ساره: هههههههههههههههه
مرام: اوك انا حاذفتك ياليتك تحذفني بعد لاني مالي خلقك سلام
وحذفته مرام قبل لاتشوف رده
واعتلت اصواتهم ضحك
.........................................
على المغرب درت الجوري ان اخوها المسعد نايم بالبيت وتارك زوجتها هناك لحالها
عصبت وراحت له معصبه
الجوري: اللحين انت ايش قلت الادب هذي فشلتنا بالبنت
تركي وصوته مليان نوم : طلعي وسكري الباب لاوالله اعلمك كيف بنت الناس وتاخذين ذنبها بطلاقها
الجوري : لاتقعد تهدد قلت لك قوم وكلمني ايش هالتصرفات هذي
توكم ماخذتو اسبوع وانت متازعل معاها
تركي يقوم من نومه ويشد الجوري من شعرها وبكل قوته يرميها برى الغرفه
اذا فيك خير ياحماره دخلي غرفتي وشوفي ايش يجيك
الجوري نزلت دموعها لانه شد شعرها بكل قوته
قفل الباب تركي وهي قامت راحت لغرفتها ودقت على لجين
الجوري بعد ماهدت من نفسها وبصوت طبيعي
الجوري: سلام عليكم
لجين مستحيه خايفه تسألها عن اخوها: وعليكم السلام ياهلا وغلا
الجوري: كيفك ان شاءالله مرتاحه بالنومه
لجين اتربكت :الحمد لله
الجوري: يالجين لاتستحين مني اعتبريني اختك اللي ماجابتها امك انا مهما يصير ماارضى عليك انتي اغلى صديقاتي وانتي تعرفيني ان كلكم غاليين علي
انا ادري ان شي صاير بينك وبين تركي ولاابي اسئلك عنه لان كل بداية زواج يصير صعب التفاهم فيها بس حابه اقولك لاتسكتين واي شي في تركي عيب قوليه لي وانا اوريك فيه هو الحمار نايم عندنا وامي وابوي دروا انكم متزاعلين
لجين بصوت مغروق دموع: انا الغطانه وانا اللحين جايه بيتكم له لاتخافين ومو انا يالجوري اللي تشتكي من زوجها هذا زوجي وانا راضيه فيه
الجوري كبرت بعينها لجين لو ان زوجه غيرها كانت اشتكت منه واطلبت الطلاق
الجوري: يابعد قلبي والله ونعم ماخترنا ليته يستاهلك تعالي له ونقصي عليه نومته
لجين: الى هاللحين نايم
الجوري: لبكرى ماعمره شبع نوم
لجين: تكفين لايكون تعبان
الجوري: العالم يتعب كله الا هو مايتعب
لجين: ذكري ربك عليه لايصير فيه شي
الجوري: لااله الا الله لاتخافين يالزوجه الحنينه هههههه
لجين: يلا ان شاءالله دقايق وانا عندكم
الجوري: بتنورين حياك
لجين: الله يحيك تسلمين يلا سلام
الجوري: لقاؤنا بعد ربع ساعه
لجين: حافظه الطريق بعد هههههه
الجوري: ههه افى عليك خخخخخ
لجين: هه باي
الجوري: باي
تحمل حبيبي تحمل شوي ونروح المستشفى
محمد بصوت يأن وحراته مولعه: يألمني افنان
افنان نزلت دموعها وريم معاها تبكي: دقيت على التاكسي والى اللحين ماجى
لو عندنا سند كان رحنا معه
وكملت بكي وهي حاضنه محمد شوي الا يرن جوالها
وكـأنه نازل من السما وببكي : اهلين عز
عز خاف من صوتها: وش فيك افنان
افنان: تكفى اخوي مرتفعه حراتها اخذه للمستشفى تكفى
عز اول مره يشوف افنان تترجى احد بالطريقه هذي: يلا دقايق وانا عندك
راحت افنان بسرعه تلبس عبايتها ودقيقه ووصل عز طلعت له شال عز محمد اللي من الحراره ساكت ومغمض عيونه وريم وافنان يبكون
افنان: عز تكفى بروح معك
عز وهو لابس برمودا جينز وتيشيرت Polo
عز: اوكي يلا بسرعه تعالي
ركبت افنان ورى جنب محمد وريم جنب عز قدام
وحرك بسرعه متوجه للمستشفى
دخلت افنان وعزحامل محمد بإيده وطبعا عز خذاه لمستشفى فخم وهذا المشتفى لهم و فيه ولد عمه يشتغل دكتور اطفال هناك
ووصى عليه وافنان تبكي فوق راس الدكتور
يزيد : ان شاءالله مافيه الا الخير ارتفاع في درجه الحراره يحتاج يتنوم يوم ويطلع
افنان مكمله بكي وتركهم الدكتور يزيد وعز وطلعو برى
يزيد: اللحين مين هذي اللي جايبها معك
عز: وحده تشتغل عندي بالدوام
يزيد انصدم : ههههههه تمزح انت
عز: والله كنت ابي اسأل عن شغله سمعتها تبكي وقالت لي ان اخوها تعبان وجبته لهنا وبس
يزيد:مسوي لي فيها سوبر مان هاه
عز: صج انك دكتور اطفال الموهم انتبه لهم تراهم غاليين علي ولاتحاتي كل حسابهم علي
يزيد: عيب بس عيب تراه الا المستشفى للجميع اعتبرهم في امانتي واليوم انا بالمستشفى ماراح ارجع البيت لعيونك
عز: تسلم ماتقصر
يزيد: وين بتروح البيت اللحين
عز: لا بس بروح اوقف السياره عدل واجيك اسولف معك اطير النوم من عيونك
يزيد: والله انا اللي بطيره من عيونك
عز: هههههههه كأنك حاس فيني
يزيد: روح انت وانا بداوم هنا الى بكرى
عز: لا مااقدر اتركهم
يزيد: تطمن ماني عاضهم
عز: ههههههه لا بس انا بكرى ماني رايح الدوام ليه اروح انام ومادري ايش اقول دقايق واجيك
راح عز تارك يزيد في حيرته من تصرف عز اللي واضح انه متعلق بالعيله اللي هناك ومو قادر يتركهم لو احد ثاني غيره كان ماهتم وتركهم اللي عليه سواه يايدق على اهلهم يجون ياخذونهم او يترك المستشفى تتصرف فيهم ولا جايبهم عندنا ويدري ان مستشفانا خاص ولازمه مبلغ كبير علشان ينصرف له العلاج لاتكون ياعز حاب البنت اللي داخل الله يعينك لاني حسيتك ماحبيت خطيبتك وقلبك متعلق بهذي
.................................
ماطلع الى اللحين
الجوري: ولا بكرى هذا مايشبع نوم
لجين : طيب تكفين بدخل له سوي لي طريق اخاف فهد هنا
الجوري: فهد مو هنا ارتااحي روحي له وكسري الباب فوق راسه الحمار قطع شعري
لجين: هههههه تستاهلين لاتقربين منه وهو معصب مره ثانيه لايخليك من غير شعر
الجوري: والله يخسي اقول لابوي ويخليه من غير يد
لجين : اقول ماارضاها على زوجي مكانك بس
الجوري تحذف المخده على لجين : اه ياناكرت العيش والملح اه ياناكرت العشره والصداقه تبدين زوجك على صديقتك صج انك حماره قومي من قدامي لاارفسك اطير عقلك اكثر من ماهو طاير
لجين: هههههههههههههه طيب طيب انا تاكره لك الغرفه ورايحه ( وعلت صوتها) لزوووجي حبيبي
الجوري: حبتك بعوضه قولي امين يامقرفه قومي من جنبي لااوريك
ركضت لجين من الغرفه بسرعه وطلعت برى الغرفه متوجه لغرفة تركي
قبل لاتقتح الباب طلعت العطر من شنطتها وتعطرت وزادت الكحل والماسكرا والقلوس الفوشي اللي عكس على بياضها وعطاها لون فضايعي
وكانت لابسه فستان قصير فيه تشجيرات صيفي على شكل ورود توب ومن غير اكمام صاير عليها رايق وفاكه شعرها وعدلته بعد ماخربته لها الجوري
طق الباب وقلبه يدق قبل الباب مايندق ماسمعت اجابه منه وجلست تدق الباب اكثر من مره مارد خافت وترددت وقالت يمكن مايبي يفتح لها الباب وانكسر خاطره وقفت اكثر من 10 دقايق ولا انفتح الباب مع انها بين فتره والثانيه تطق الباب علشان اذا كان نايم يصحى من نومته
حست ان مافي امل يفتح الباب وتوها محركه رجلها بتمشي سمعت صوت الباب ينفتح وبعصبيه خافت اكثر ورجعت دقات قلبها تعلى لدرجه ان عرق برقبتها ينبض
تركي كان لاف الفوطه على جسمه توه متروش
شافها كان مسحور فيها ووده لو هو يحسبها من ايدها ويدخلها لغرفته لاكنه تذكر اللحين هو زعلان منها المفروض مايتكلم ولايسوي شي تركي بينه وبين نفسه ( امسك نفسك ياغبي لاتنزل لها لاتسحرك بجمالها وتخليك ترضى من غير ماتراضيك )
تركي بعد الصراع اللي بينه وبين نفسه وبالاخير قدر يمسك نفسه وببرود: اهلين
لجين ماقدرت تتكلم وخصوصا بعد البرود اللي شافته منه ويوم شافت ان جالس بس بالفوطه على خصره والغرفه ثلج وشعره لسى المويه تنزل منه ماقدرت تتحمل شكله كذا دخلت وهو انجبر يبعد عن الباب لانها دخلت وبعد شوي عن الباب بيشوف ايش راح تسوي دخلت وتوجهت للتكيف وطفته وواضح ان شكلها تنرفز
تركي: ليه طفيتيه
لجين: مزاج
تركي: بأمر مين
لجين: بأمري
تركي سكر الباب وراح لها وكله برود وشغل التكييف
لجين عصبت اكثر: تركي طفه
تركي: غرفتي وانا اقرر اطفي هاو لا
لجين: بتمرض بعدها
تركي: واموت بمكاني كيفي
لجين ماتحملت تسمع طاري موته وقربت منه بسرعه وضمته : يومي قبل يومك
تركي: ماقدر يبادلها الضمه او يبعدها تركها على راحتها وابدعت وجهها عن صدره وشاف وجهها مليان دموع
تركي: لهدرجه انا مهم عندك
لجين حبت ترجع شوي من كرامتها بخوفها عليه ودموعها اللي وضحت بداية حبها له وعطته ظهرها : مو مهم بس ماابي يقولون من ثاني يوم زوجها مرض وهي ماتهتم فيه
تركي حس انها تكابر وماتحمل كلامها ويبغى يكسر كلامها وجات بباله حركه يطفي نيران قلبه فيها قرب لها ومسكها من كتفها وخلاها تقابله وبحركه سريعه باسها في شفتها جلس فيها ماسكها من رقبتها ومتعمق ببوسته لها ومقربها منه كثييييييير ولجين مستسلمه له كيف ماتقدر تستلم له وهو اللي ماخذ عقلها وقلبها وروحها وقريب بياخذ عمرها
..................
الساعه 4 الفجر يزيد وعز كل وقت يروحون يشوفون حالت محمد اللي كل مالها وتتحسن
ويزيد يدقق بحركات البنت اللي كانت مع عز ويشوف انها و من النوع اللي يلعب بعقول الرجال او راعية سوابق البنت محترمه مو واضح عليها خطافة رقاله على قولة المصيريين
هذا كان الكلام اللي يدور ببال يزيد ويلتفت على عز ويشوف انه عيونه معلقه فيها ويكثر خوفه على ولد عمه اللي انجبر بزواجه من بنت مايعرف عنها الا اسمها
يزيد يصحي عز من غفلته
يزيد: ايش اخبار خطيبتك ومتى الملكه ترى الكل يسأل وانت كل مالك وتأجل
عز توتر من طاري ملكته لانه ناوي يلغيها من الاساس لان قلبه متعلق في اللي جالسه قباله ولو هي اللي يقصدها يزيد كان ملكته وزواجه اليوم وفي هاللحظه
افنان انصدمت ماتوقعت ان عز يحب وخاطب وقري ملكته ابد ماجبى ببالها انه يكون قلبه مرتبط ببنت ثانيه صدت عنهم بالجدار ونزلت دمعتها استغرب وانصدمت كثيييييير افنان من دمعتها وليه نزلت وعلى ايش ماتوقعت ولو 1% ان بعض مشاعرها تكون مع عز
تركتهم ودخلت الحمام جلست فيه منصدمه من مشاعرها وغيرتها لالالالالالا مو غيره يمكن صدمه هي جد مو عارفه ايش اللي نزل دمعتها وقلب حالها
........................
الحمد لله محمد طلع من المستشفى
تركي ولجين رجعو لبعض وليلتها نامت لجين عنده وعطت خبر لجدتها بس ماحد من اهل تركي الا الجوري يوم شافت ان عبايتها عندها بالغرفه عرفت انها كانت عنده وفرحت لهم وتمنت انهم يدومون لعبض
فهد منغرس بأشغاله وينتظر اليوم اللي يفتح فيه اهله انه يبي يتزوج
فيصل نفس حالته وشكله عنده كلام كثير وبيقوله
عز مو متقبل فكرت ان بنت عمه تكون له ولاهو طايقها واهله مصريين انه ياخذها وهذي وصية ابوه
افنان مصدومه طول الفتره من مشاعرها اللي طلعت فجأه تحب فهد او معجبه بـعز..؟!
الجوري عايشه ايام هاديه جدا خاليه من الاحداث نت نوم اكل ومشتاقه لصديقاتها كثييير اللي انقطعو فجأه عنها الا من لجين اللي تجيها بين الفتره والثانيه
ساره عقلها مو معاها ومزاجها متقلب فتره تشوفونها رايقه وفجأه معصبه مره تبكي ومره تضحك ولاهي قادره تلقى لمشكلتها
مرام: تعلقت كثير ياللي اسمه متعب وحبت تتعرف عليه اكثر وندمت انها من الاساس حذفته وحاولت ترجعه بس خافت انه يفهمها بشي ثاني وقربت كثير من مها وحست ومها صارت تقول لها كل اللي بقلبها ودايم يتواصلون يامسن يايكلمون بعض بالجوالات
سعود ناوي على نيه وان شاءالله يصير اللي بباله بس ايش هو الله اعلم
......................
بعد اسبوع في بيت بو فيصل اخر اسبوع قبل الدوامات والكل راح يروح في طريقه ويرجعون لأجواء الدراسه والهم والمذاكره
بالمجلس بعد الغدا الكل يتقهوى وصوت ضحكات الرجال ومزح الاعمام وجمعت الشباب من هنا وصوت ضحكات البنات والسواليف الحريم من هنا
الكل كان ماعدا افنان .. واخوانها
وساره... واختها اللي هم خارج الاهل
.....................
فيصل جالس جنب فهد ويحمسه يتكلم
فيصل يهمس لفهد: فهد تكلم علامك
فهد: مادري شفيني مو طالع الكلام مني
فيصل: سم بالله واذكر ربك وتكلم
قدر يتمالك نفسه ويخفف من توتره ويصفصف كلام
توه بيتكلم الا فيصل يقاطعه
فيصل: يبا يااعمامي انا وفهد عندنا موضوع انتو دايم تطرونه لنا وتبونه يكون اليوم قبل بكرى واتمنى تسمعونا وماتعارضون على قرارنا
بو فهد: تكلم وانا عمك ولك اللي تبيه خذها كلمه مني
فيصل: تسلم ياعمي يعلم الله ان مكانتكم اعمامي بمكانت ابوي الليه يحفظه
بو فيصل: الله يسلم ياولدي قول اللي عندك وكلنا نسمعك
فهد: انا حاب اتزوج وفيصل...
فيصل: وانا بكمل نص ديني واطلب القرب من بنتك الجوري
فهد انصدم ماتوقع ان فيصل كان يفكر بأخته تكون زوجه له ولو 1%
بو فهد: هذي الساعه المباركه
بو فيصل: وانت يافهد مين اللي حاطها في بالك
فهد: الاهل يعرفونها وهي يتيمه اهلها متوفيين
بو فيصل انصدم توقع انه تكون بنته لانه طول حياته يتمنى رجال نفس فهد يتزوج بنته ويأمن عليها عنده لاكن تمنى ان الله يوفقه ويهنيه مع اللي يتمناها وبنته الله يرزقها بالزوج اللي يقدرها
بو فهد: من اللحين اعتبر يافيصل الجوري لك
فيصل تشقق من الوناسه: تسلم ياعمي بس انا ابي اسمع رايها منك
بو فهد: مابعد رايي راي يافيصل
بو فيصل: والله مايتم الزواج الا اذا سمعت ردها بإذني مو احنا اللي تغصب بناتنا
بو فهد: يسلم راسك يابو فيصل من طيبك
فهد حس ان هم وإنزاح من على صدره
.......................
عند الحريم الخبر انتشر ان فيصل طلب الجوري من ابوها والجوري انصدمت ودقت على السايق وطلعت معه راجعه لبيتهم مصدومه ومقطعه نفسها بكي محتاجه لشخص واحد فقط
(أفنـــــــــآن ويييييينك) هذا كان كلام الجوري وهي تبكي تبيها
اتصلت على افنان وقالت لها تطلع السايق برى ينتظرها تجيها ومحتاجه له كثير
افنان ماقدرت ترد طلب للجوري وخاص هان صوتها متغير
ربع ساعه ووصلت افنان البيت وكان وقتها المغرب قرب يجي
والعزيمه غدا لاكن بمناسبة هالخبر مددوها لعشااا فرحه بعيالهم
افنان دخلت البيت واخوانها معاها وعلى طول راحو يلعبون وهي راحت لغرفة الجوري تشوف ايش اللي مكدر خاطرها ومضايقها
......................................
من جهه ثانيه رن الجرس راح يفتحه شاب عمره 21-22
وتفاجأ باللي شافه واحد مشبه عليه وواحد غريب اللي مشبه عليه تأكد انه هو مو مشبه عليه
سلمان : اااااااه يالحقير ايش اللي جاب الى هنا هااااااااه
خالد : اذكر ربك وناد لي الوالد ابيه بموضوع
سلمان: ابوي مايقابل هالاشكال ولاعاد اشوفك تطق الباب بيتنا مره ثانيه لااكسر اصابيع
وسكر الباب ودخل
سعود تحطم : خلاص نمشي ياخالد
خالد مسك يد سعود يوقفه : خلك انت احنا جينا نقول كلمتنا ونمشي وكمل طق الباب ويرن الجرس
فتح له سلمان مره ثانيه وشافهم لسى واقفين ومسك سعود من ثوبه
سلمان: انت ناوي تموت بأرضك هاااااااااه
شوي الا يطلع بو سلمان ويشوف الجماعه اللي عند بابه
بو سلمان: ياسلمان انا ماعلمتك كذا تسوي مع ضيوفنا
ترك سلمان سعود احترام لكلمة ابوه
بوسلمان : امرو ايش بيغيتو
خالد: نبيك بموضوع يابو سلمان
بو سلمان : تفضلو حياكم .....درب ...درب
دخلو سلمان وسعود وخالد وبوسلمان للمجلس الرجال
وبدو يتكلمون
خالد: واحن انتظر ردكم
سلمان: ردنا رفاضيين ويلا فارق انت واخوك
بو سلمان: اجلس ياسلمان
خالد: يلا اللي عندنا قلناه وخل والاهل يردون على اهلنا وياليت تعطونا خبركم بفتره لان نبغاها تروح معه برى تسافر
سعود طول القعده ساكت متوقع رفضها ومتأكد بس قال يجرب ويشوف على الاقل يقدر يصلح غلطه
بو سلمان مو عارف ايش يسويى يبغى يقول له ان البنت بس مو قادر وبنفس الوقت مايبي يخدع الناس يقولو لهم ان البنت طاهره
وكانت على طرف لسانه هالكلمه لاكن قطع الصمت صوت خالد ينهي الكلام والجلسه
خالد: احنا نستأذن وان شاءالله الله يكتب اللي فيه الخير
سلمان : مافيه خير لابوجهه ولابوجهك
بو سلمان: حياك الله والله يقدم اللي فيه الخير
...................
ساره كانت جالسه بغرفتها سرحانه لحالها وشوي الا الباب ينفتح عليها بكل قوتها صحاها من سرحانها
شافت سلمان يقرب لها وشاد ع شعرها: شوفي ياسارة القراده انن وافقتي بتشوفين شي مايسرك تفهمين انا حذرتك اللحين ابوي بيدخل يسألك
ساره دموعها غرقت وجهها مو عارفه ايش يقصد سلمان دخلت مرام عليهم الغرفه وشافت كيف هو جالس يهددها ويشدها من شعرها
مرام بصراخ: سالماااااااااااان ووجع اترك ساره
ساره كانن تنزف جروح من اخوها اللي جرحها كثير بالفتره اللي قبل وجاي يكمل عليها بشي ويطلب منها ترفضه بس هو ايش ماتدري الى اللحين
سلمان بعد ماترك ساره: شوفي انتي معاها ان سألكم ابوي قولو رافضين ماحنا موافقين
مرام: عن ايش انت جالس تتكلم
سلمان: واحد من اللي اعرهم قبل خاطب ساره وابيها ترفضه
ساره انصدمت وجمدت بمكانها: خاطبني انــــــــآ.....!!!!
سلمان: ايه خاطبك انتي والله ياساره النحس لو توافقين لااخليك انتي معه تذوقون الويل تفهمييين
مرام: عن ايش انت تتكلم مين اللي خاطب ساره
سلمان:انتي يالعانس وخري عن طريقي بيجي ابوي وبيكلمها انا حذرتك ياسوير ان وافقتي تدرين ايش بيجيك وبتاخذين اثمه قبل اثمك فااااااااااااااااهمـــــــــــــه
ساره تأن ومرام تلملم بقايا جروحها اللي نزفها بكلمة عانس
وراحت تساعد اختها وتهديها لانها هي الاولى بأنها تداريها وهي لاحقه على نفسه عندها وقت طويل تبري جروحها ومع الزمن راح تبرى
.........................
بحضن افنان وغرقانه بدموعها
ماابيه ياافنان ماابيه مااحبه مااتخيله زوج لي انتو تدرون انا احب نواف مستحيل افكر مجرد تفكير اني لواحد غيره ويوم ماااااات (وغصه بالكلمه هذي) حرمت زوج علي بعده مااقدر ياافنان اتزوجه وبنفس الوقت ابوي عطاه كلمه وعمي حلف يسمع الرد مني وتدرين اني مستحيل ارفضه قدام عمي والله بيطيح وجه ابوي
بمووووووووت يارب اموت وافتك من هالهم
افنان حاضنتها بكل قوتها وساكته تاركتها تقول كل اللي بقلبها الشخص اذا قال كل اللي في قلبه يتقبل بعده أي راي حتى لو كان صريح بس اهم شي تعبر عن اللي بداخلها
بعد ربع ساعه من البكا والكلام
افنان: قومي صلي المغرب وتعالي ابيك اوك
الجوري بتعب قامت دخلت الحمام<تكرمون وافنان نزلت تحت تاكره الجوري على راحتها تدعي ربها باللي تتمناه وتبيه
نزلت افنان تحت تدور على ريم ومحمد راحت تسأل عنهم عند الخدامات وهي تمشي بعبايتها علشان اذا احد دخل من اخوان الجوري تكون مستوره سمعت اصوات بغرفة الالعاب وكانو وفتحت الباب بتدخل
..............................
ريم تهاوش على محمد
ريم: انتي غبي والله هذا مو حلو حط لنا لعبه ثانيه
محمد: ماابي ابي هذي اذا انتي ماتبين طلعي لاتلعبين انا ابي العب
ريم: لاوالله انت اذا مو عاجبتك لعبتي اطلع ليه تلعب معي
محمد: البلاستيشن للاولاد مو للبنات
ريم: والله من متى هالكلام ترى فيه العاب بنات
شوي ويدخل عليهم فهد : البلاستيشون للبنات والاولاد
ريم تنط من مكانها وتروح له تضمه وتبوسه : فهووووود حبيبي
فهد : ههههههههههه بعد فهود هاه
ريم: خلاص خالي فهد
محمد يترك اللي بإيده ويروح لفهد
فهد : هلا والله بالبطل هلا
وينزل ريم ويحمل محمد ويبوسه ع خده
فهد: شفيك ضعفان ماتاكل
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك