رواية كابرت بفراقك مع اني تألمت -38
ريم تهاوش على محمد
ريم: انتي غبي والله هذا مو حلو حط لنا لعبه ثانيه
محمد: ماابي ابي هذي اذا انتي ماتبين طلعي لاتلعبين انا ابي العب
ريم: لاوالله انت اذا مو عاجبتك لعبتي اطلع ليه تلعب معي
محمد: البلاستيشن للاولاد مو للبنات
ريم: والله من متى هالكلام ترى فيه العاب بنات
شوي ويدخل عليهم فهد : البلاستيشون للبنات والاولاد
ريم تنط من مكانها وتروح له تضمه وتبوسه : فهووووود حبيبي
فهد : ههههههههههه بعد فهود هاه
ريم: خلاص خالي فهد
محمد يترك اللي بإيده ويروح لفهد
فهد : هلا والله بالبطل هلا
وينزل ريم ويحمل محمد ويبوسه ع خده
فهد: شفيك ضعفان ماتاكل
ريم بلقافه: لا بس مريض وماياكل
فهد خاف على محمد: ايش يالمك محمد
محمد: لا انا اللحين زين رحت المشتسفى مع عز
ريم: ايه خذانا للمستشفى عز وناسه المستشفى اللي رحنا لها فيها العاب وحركات
فهد استغرب ليه افنان ماقالت له او عطته خبر وهو يجيهم ليه دايم تروح للغريب ليه تصير لهم طروف هو اخر من يعلم فيها
شوي وتدخل عليهم افنان
افنان وهي مو متوقعه فهد يكون معاهم : انتو هنا( وبدا ينخفض صوتها من صدمتها بوجود فهد ) وانا ادور عليكم
شافت فهد وغطت وجهها وتوها بتطلع وقفها كلام فهد
فهد: الى متى ناوي تبعدين المسافه بيني وبينك ليه انا اخر من يعلم في الدنيا باللي يصير لكم
ليه تروحين للغريب وانا موجود انا موقايل لك أي شي تحتاجينه قولي لي انا بس ليه تروحين للغريب وتطلبينه وانا موجود
افنان عرفت قصده يقصد محمد واكيد ريم الملقوفه قالت له سكتت ماقدرت ترد عليه
وفهد سكوتها اثبت له ان توقعه صادق
فهد : اذا انتي تحبينه وتبينه الله يوفقك معاه
(ونزل محمد من ايده وقال):العب حبيبي وانتي ريم لعبي معاه لاتتهاوشون واي لعبه يبي يلعبها خليه لانه هو مريض مانبيه يدخل المستشفى مره ثانيه وياخذكم (شد على اسنانه) عــــــز للمستشفى طيب انا رايح باي
مشى فهد من جنب ريم ومحمد ووصل عند افنان عطاها نظره وطلع من الغرفه
افنان انكسر قلبها ليه كذا انا وش فيني ماعرفت ابرر له ياربي والله مو قصدي فهد اذا زعل مايرضى الا بالموت يعني تموتين ويفكر يرضى او لا
جلست شوي معاهم ورجعت للجوري وشافتها مستلقيه على سريرها ونظرها بالسما
افنان: ان شاءالله ارتحتي
الجوري: الحمد لله
افنان: لاتفكرين اللي كاتبه الله بيصير
الجوري: الله لايكتب اني انجمع فيه
افنان: يمكن يكون خير
الجوري: الزواج منه مو خير
افنان: استغفر ربك
الجوري: استغفر الله يارب
افنان: قبل لاتردين استخيري
الجوري كانت بترد على افنان
افنان: ولاكلمه اسمع نواف ادري ذكراه بالقلب بس هو وصاك تتزوجين بعده ليه مصره تبقين كذا من غير زوج
الجوري ودموعها بدت تنزل: والله ماني متخيله نفسي لغيره والله
افنان: عارفه صعب عليك تطلعين من تجربته
الجوري تكمل بكا وكلام وقامت من مكانها متوجهه لغرفة الملابس حقتها: شوفي هذا فستاني للملكه تدرين اني ماغسلته كفايه انه اخر شي المسه نواف
وتروح وترجع وبإيدها هدايا نواف من يومها صغيره الى ماكبرت
الجوري: يافنان انا كل يوم امووووت واضعف اكثر من اليوم اللي قبله تدرون عيد ميلاده الاسبوع اللي راح مافيكم احد تذكرني مافيكم احد قال اليوم عيد ميلاد نواف مافيكم احد قال كيف حال الجوري تدرين لو الله مو معي وان عقلي مو براسي شفتي هالنافذه انا راميه نفسي منها وميته ماابي عمري بلاه مااابيه افنان تكفين لاتحبين والله مافيه حب يكمل والله
افنان تقوم وتضم الجوري اللي قطعت قلبها
افنان: بس خلاص طلبي له الرحمه تكفين طلبي له الرحمه
الجوري بصوت مبحوح وباكي: الله يرحمه الله يرحمه ويرحمني معه
..................................
كان بغرفته متوتر ليه تروح له وانا موجود يمكن تحبه لالالالالالالالا لو تحبه كان تزوجته
شلون تتزوجه لايكون هي الرجال وتجي تخيلا براسه وافكار وجلس يلعب بعقله ابليس مو قادر يلقى حل كان ناوي يروح لها ويخليها تنطقها غصب ورا راسها تبيه او لا بس خاف يكون جوابها : انا احب عز ماابيك بعدها بينجن ويمكن يموت
ياربي انا ايش جلسني هنا وانا ايش جابني بالاساس للبيت
اووووووف ليتني مابدلت ازين ليه رن جواله الايفون بنغمته المعتاده
وشاف الرقم عز ورد عليه ببرود
فهد: هلا
عز: هلا والله فيك وينك مشتاقين لك
فهد: موجود متشتاق لغالي
عز حس ان فهد ماله خلق: كيفك
فهد : ألحمد لله
عز: تعال مرنا الديوانيه متجمعين كلنا
فهد: لاوالله معزوم ببيت عمي
عز : اهاااااا اوك كنت ودي اشوفك ان شاءالله مره ثانيه
فهد: يصير خير
عز حس بالندم انه اتصل عليه: فهد شي مضايقك مني
فهد وكأن عز جابها ع الجرح ووده لو يقول له افنان ملكي ولاتقرب صوبها بس مسك لسانه بأخر لحظه: افى بس لو بيضايقك شي مني ماراح اقولك اكيد اني بقولك
عز: ريحتني الله يريحك يلا اجل اخليك
فهد: حياك فمان الله
عز : فمان الكريم
قفل عز من فهد عز حاس ان فيه شي فهد عليه وفهد مو عارفه كيف قدر يكلم عز كذا مهما كان هذا صديق له المفروض مايكلمه بالطريقه هذي
لبس ثوبه وبسرعه طلع كان ناوي يروح للجوري وتذكر ان افنان عندها وقال اشوفها وقت ثاني
طلع من البيت ماخذ مفاتيحه ورايح لبيت بو فيصل عمه
..............................
شنووووووووووو
بو سلمان: لاتتسرعين يابنتي يمكن هذا من الله يبي يستر عليك فيه
ساره: ماابيه ولاتجيبون لي طاريه
بو سلمان: اذكري ربك وصلي على النبي واستخيري وردي لي خبر
ساره بصراخ ودموع وهي تتذكر اليوم اللي ماينسي: يباااا ماابيه والله ماابيه
دخلت مرام عليهم بعد ماسمعت صراخ ساره
بو سلمان : الله يهديك يابنتي الله يهديك
دخلت مرام وضمت ساره تهدي منها
ساره: ماابيه يامرام قولي لهم ماابيه ولاابي اسمع اسمه
مرام ضمت اختها وحابه تهديها : مايصير ان شاءالله الا اللي تبينه بس انتي هدي ليه كل هالبكا ذكري ربك وان شاءالله مايصير الا اللي تبينه
كملت ساره تبكي بأحضان مرام وتتمنى ترتاح وتنسى كل الذكريات الايام السودا اللي مرت فيهـــــــــآ
.........................................
انتهى البارت
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
بعد اسبوع
الجوري مصره على رفضها لفيصل بس بالاخير ماقدرت تفشل ابوها وترد بكلمته ووافقت
والملكه الاسبوع اللي بعده وهي متوتره ورافضه وجود فيصل بحياتها
........................
افنان بيوم كانت جالسه مع اخوانها دخلو عليها الجوري وامها استغربت دخلتهم وفتحو معاها موضوع الخطبه استحت وخجلت وبالاخير وافقت وملكتها مع الجوري بنفس اليوم
.......................
فهد لقى صعوبه كبيره بإنه يقنع امه تخطبها لها وانه مايبي غير افنان واذا ماحصلت افنان مستحيل يفكر بغيرها وبيجلس طول عمره عزابي لان ام فهد كانت تبيه يتزوج رنا بس بعدها حققت رغبة ولدها وان افنان والنعم منها وطلبت ان الله يوفقهم ويرزق رنا اللي يستاهلها
..........................
لجين عايشه حياتها مع تركي اللي انغرم فيها زياده وسمعت بخبر الجوري وافنان وفرحت للأفنان بس الجوري عرفت انها مغصوبه وتمنت ان الله يهديها
ماقدرت تعرف اخبار الجوري وتقرب منها لانها صاير ماتطلع من البيت بسبب اللوعه اللي تجيها
................
تركي مو قادر يبعد عن لجين لحظه يعشقها وحبها بقلبه يوم عن يوم يكبر ويضيق خاطره لما يتعاطى ويتغير عليها ومايحس بنفسه الا اذا لجين قالت له عن تصرفاته يندم ويزيد ضيقه بين ناريين نار المخدرات ونار حبه لها وبالاخير اختــــــآر .....
...........................
فيصل فرح كثير ان الجوري وافقت عليه وسمع انها ماتبيه وموافقه مغصوبه حس بطعنه في رجولته ان هي تكون مغصوبه عليه وماتبيه معقوله الى اللحين قلبها مع نواف وهو صار له قريب 8 شهور على وفاته ...؟!
.....................................
عز وحالة عز بمعرفته بخبر ارتباطها بس بمين مايدري وعرف انها بتتزوج يوم جات وقدمت استغالتها وطلبته يسامحها لو بدر منها تقصير لو بكيفه عز منعها بس مايقدر وقدر لها شغلها وتعبها وهو طلبه منها تسامحه اذا بيوم غلط عليها او غضب افنان شكت بنبرته لها يوم يترجاها تجلس عنده وكأنها تحس بشي بقلبها نبض يوم شافته يترجاها لاكن تجري الرياح بما لاتشتهي السفن
...........................
ساره وحالتها اللي بس بكي ودموع قالت لمرام على سعود وعن الماضي اللي جمعها فيه
مرام بكت على بكى اختها وقالت لها توافق لانه الرجال باين بيصلح خطأه وان شاءالله تتفاهمون وهي تدرس الوضع بين الرفض والموافقه ولانها بتدرس معه في الخارج بياخذها وبيكملون دراستهم برى
...............................
دّرٍسسوِّكْـِ الهجرٌ وِاِهتويتٍ القُطـِآَعّْـهِ,
هوًيِتْ لَّعْب الّمِّشًّـاٍعٌّرٍ وٌاِنًاَ !
...|الضِّحٍيٌهّْ|. ,,
البارت التاسع والعشرون
يوم الفرح والسعاده لأفنان وفهد
يوم الحزن والضيق للجوري وفيصل
.....................
كانت افنان بكامل اناقتها وجاذبيتها وصفاءها واقفه ع المسرح واخوانها ريم ومحمد بكامل اناقتهم حواليها كل ماتشوفهم كيف فرحانين لزواجها من فهد تهل الدمعه من عينها وبسرعه تتداركها لانها ماتحب احد يشوف دموعها وكابرت
الجوري واقفه بجنب افنان وام فهد كل المعوذات قرتهم عليهم خايفه عليهم من العين
الجوري قلبها ينبض طبول وشرطت على امها ان فيصل مايشوفها الا بزواج وفيصل وافق وهو وده يرفض لانه ميت على شوفتها
عروس ولاهي بعروس تبي بس يرحون الناس وتصعد فوق لغرفتها وتكمل صياح وبكي
ماتبيه وهم مايفهمونها بس خلاص اللحين ماتقدر تقول شي لان فيصل صار زوجها
.......................
سمعتي اللي سمعته اليوم يانوره اليوم
نوره : ادري سمعت الله لا يهنيهم اللي قتلت اخوي وبنت الفقر
رنا : والله مااخليها تتهنا فيه والله
نوره وقلبها ماليه الحقد والشر: أي والله لاتسكتين شوفيني سكت على زواجها من اخوي وهذي هي قتله وعاشت حياتها بزوج ثاني واخوي اللي ضاع شبابه
رنا: انا اوريك فيها والله مايهدا لي بال الا اذا فرقتهم
نوره : وانا بساعدك لاتخافين معااااااك
رنا قفلت من نوره وهي تتوعد في افنان وتناظرها بنظرات حقد وكره: والله ياافنان ان ماخليتك تبكين دم مااطلع انا رنا
...........................
الساعه 1 الفجر في بيت بو فهد
بمجلس الحريم داخل عند فهد وافنان
متسكر عليهم الباب لحالهم
فهد بكامل كشخته وجاذبيته وافنان عيونها بالارض وترجف اول مره تحس انها خايفه من فهد وخجلانه منه لهدرجه يمكن لانه صار زوجها..؟!
فهد مخدر فيها اول مره يشوفها بكامل اناقتها كذا ويطول بنظره لها كانت اية بالجمال افنان ماتحب المكياج الكثير من عادتها صاير ناعمه بفستانها الازرق المشكوك بذهبي ماسك ع الصدر وبارزه ومن غير اكمام وضيق ومن تحت يجي واسع وبرفعه خفيفه بشعرها موضعه مدى طول اللي زاد بعد ماقصته
وهذا الشي اربك فهد وخلاه مو عارف ايش يقول
فهد: مبروك علينا
افنان بهمس: الله يبارك فيك
قرب فهد لها وافنا نحست فيه وبعديت شوي
فهد مسك ايدها البارده بإيده الحانيه : واخيرن تحقق مناي وصرتي ملكي
افنان :...............!!
فهد: لو بيكفي اللحين انتي زوجتي ياربي ليه هالعاده ملكه وزواج خلاص زواج وبس
افنان جاتها طوالة اللسان فجأه : لاوالله مو على كيفك ورجعت خجلت مره ثانيه
فهد ابتسم ايه هذي افنان اللي اعرفها: لاتخليني احلف واشيلك فوق لغرفتي تراني ماسك نفسي الى اللحين معك
افنان خافت لايسويها وهي تعرفه متهور معاها بجنون سكتت ولاتكلمت
فهد قرب ايده لها ورفع ذقنها يتأملها وضاعت اعلومها م عيونها الى انفها الى فمها ووقف دقيق يتأمل فيه وقرب افنان حست برغبته تجاهها ماحبت ترده وقربت هي له حست بأنفاسه الحاره تداعب انفاسها وتصدم بشفايفها وفهد مخدر بين ريحتها اللي دوخته
انفتح عليهم الباب فجأه وكانو محمد وريم وشافو اختهم بالوضع هذا وضحكو
افنان وفهد التفتو
افنان ماتت خجل وغاصت بملابسها وتمنت الارض تنشق وتبلعها ولايشوفونها اخوانها بالموقف هذا
وفهد ضحك وفتح ذراعه لهم ينتظرهم يجون له
محمد وريم جلسو يضحكون يوم شافو منظرهم وهم ياحولن يتباوسون ويوم شافو فهد فتح ذراعه جلسو يركضون وجلس يبوس فيها ويعضهم ويلعب معاهم
ريم : انت اللحين زوج افنان صح
فهد التفت لافنان اللي عيونها بالارض: ايه زوجها يعني كل يوم عندكم
محمد: وتنام معانا
فهد مركز النظر على افنان ويشوف ردة فعلها من كلامه معاهم: لا مو معاكم مع زوجتي
افنان حست الاكسجين وقف بالمجلس وتبي هوا ووضح على وجهها الاحمرار وفهد لاحظ هالشي وحب يزيد الجرعه شوي يموت عليها وهي خجلانه
فهد : واقولكم من اللحين انتو بغرفه وانا وهي بغرفه لاتقولون لي نبي افنان تنام معانا انسو خلاص افنان لي انتو شبعو منها اللحين لاني انا ماراح اشبع منها سمعتو
باسهم ونزلهم من حضنه وراح لاافنان وباس جابهتها والتفت لمحمد وريم وهم فاتحين عيونهم يطالعون ويضحكون
فهد بحماس : يوووووه عصفور عصور على النافذه شوفوه
التفتو محمد وريم وقرب فهد بسرعه طبع بوسه سريعه على خدها انا طالع وتاركك على راحتك بس المره الجايه اعذريني على اللي بسويه وراح
محمد وريم : وينه فهد مااشوفه العصفور التفتو ماشافوه وجلسو يضحكون كأنهم فاهمين عليه
وافنان شوي ويغمى عليها من الخجل
...........................
اليوم الثاني تحدد موعد الزواج وكان بعد شهرين الكل انشغل بتجهيزاته لهزواج وافنان والجوري فصلو فساتين نفس بعض لان هذا وعدهم لبعض اذا تزوجو بنفس اليوم الفساتين نفس بعض وتحقق حلهم وتزوجو بنفس اليوم
...............
محاولات رنا في افشال زواج فهد وافنان فشلت كلها ونفذت خطه ثانيه وهالمره بتتعب فيها علىشان تفشل هالزواج وتمنع اتمامه
رنا: لاتخاف حبيبي مستحيل احب غيرك بس ابيه بشغله
عزام:طيب سجلي عندك الرقم
سجلت رنا الرقم وقفلت من عزام ودقت على صاحب الرقم تتفق معاه واذا نفذ طلبها بتعطيه مبلغ محترم وكل ماضبطت الخطه بتزيد المبلغ له
................
عند افنان اطق الباب عليها استحت ودقات قلبها زادت طبول لان فهد هو اللي ارسل لها رساله تستقبله لانه بيزورهم
راحت افنان بعد ماتعطرت وكشخت فتحت الباب لان ريم ومحمد يتابعون توم وجيري
افنان وفتحت الباب من غير ماتسأل
دخل عليها الولد وكان متلثم لانه شاف فهد وراه ووقف السياره منصدم اللي دخل لها
افنان خافت وجات بتسكر الباب الا سمعته يقول كلام هي متادري ليه يقوله
وماتعرفه واول مره تشوفه
: ليه اكلمك ماتردين عليه ولاخلاص اللحين صرتي ملك فهد وماتبيني انا احبك حرام عليك تعذبني ولااني ولد فقر ماتبيني ورحتي خذتي ولد العز والدلال
افنان واقفه مصدومه من الكلام اللي جاها ليه هو يقول كذا
: انا احبك وادري انك تحبيني علشان كذا هربي منه وتعالي نعيش مع بعض اوك
توها بترد عليه الا شافت الباب ينفتح بقوه وفتحت عيونها وهي تشوف فهد كيف يطق الولد ويطرده برى يزحف على رجوله
: افنان لي مو لك تفهم
فهد كان بيكمل عليه بس افنان صرخت تعلن عن وجودها بالمكان اللي فهد تمنى انه يكون حلم ومو هي اللي يكلمها
جاو محمد وريم على صراخ افنان تترجا فهد يتركه
فهد: وخايفه على حبيب القلب يتأذى قلتي لي ان قلبك معلق فيه وانا تركتك له من غير مااعذبك ويتعذب معك
افنان مو قادره يطلع الكلام منها ودموعها تنزل
فهد: هههههه دموعك هذي بدري تمشي علي تبيني اطلق علشان تفرحين معه هاه
قرب لها فهد وشد شعرها قدام اخوانها وريم ومحمد يطقونه برجله يتركها وافنان تبكي من غير صوت من صدمتها
فهد : والله لااخليك معلقه لانتي معي ولامعه .... حرام عليك خليتي اخوانك يفكرونك طارهه وانتي خالي من الطهاره ترك شعرها والتفت لها
فهد: ياليتني مت ولا انصدمت صدمة عمري فيك سكر الباب بقوه وطلع
جلست هي على الارض تبكي وخوانها محمد وريم يبكون معاها ويسألونها ليه فهد ظربها
.................................
فهد مايبي يشوف افنان ولايبي يسمع طاريها وقال لابوه انه بيسافر لرياض يكمل اشغاله يمكن يبتعد عنها وينساها وراح عند فيصل اللي ذابحه الشوق والبعد وقرر يكسن بالرياض وبتكون معه الجوري يعيش معاها هناك
.................................
يبا انا موافقه
ابوها انصدم فيها جايته الساعه 12 بالليل تعلن موافقتها بعد اقناع مرام لها
بو سلمان: من جدك يابنتي ترى زواج هذا مو لعبه اذا مغصوبه لاتوافقين رفضي ماابي الا سعادتك
ساره بإبتسامه كلها تعب وحزن: لايبا موافقه ياليتك تعطي الجماعه كلمه وتقول لهم اني موافقه
بو سلمان: اكيد يابنتي ترى....
قاطعته : يبا والله اني موافقه وقربت منه وباست راسها وراحت عنه لان دموعها قربت تطيح
بو سلمان حس ان ساره بقلبها شي لاكن دام هذا قرارها الله يهنيها ويسعدها
.....................
اليوم الثاني الساعه 9 بالليل
:جد يما وافقت
ام خالد: هههههههههههه وش فيك ايه وافقت
الجده : يستاهل سعود والله انها شيخة البنات هالساره
سعود مو مصدق بعد ماكان فاقد الامل انتها توافق
سعود : يما خطبيها لي اللحين روحي اللحين خطبيها
ام خالد: ان شاءالله بس هذا اللي تبيه اللحين اركض بعد ... عنبوك استح شنوا للحين شوف الساعه 9 مجنونه ان شاءالله من بكرى نخطبها
سعود بفرحه يبوس راس امه : الله يخليك لي ولايحرمني منك
ام خالد : والله ماينعرف لك يالعيار هههههههههه
سعود : اهم شي قولي لهم اني بسافر بعد اسبوعين يعني خليها تجهز نفسها باخذها معاي
ام خالد : ان شاءالله افرح فيك انت وخالد يارب
الجده: امين يارب
..........................
بعد اسبوع انتشر خطبة ساره لسعود وساره مالها خلق ملكه لانها ماهي متحمسه لزواجها منه عكس سعود اللي متحمس وينتظر اليوم بفارغ الصبر
مرام: يلا قومي والله مو حلوه بحق عروس حابسه نفسك بالبيت لاشريتي لك شي
ساره: مالي خلق خليني بحالي
مرام: والله ابوي حاس بالبذنب يقول انا اللي غاصبها
ساره: لاوالله
مرام: طيب قومي يلا بسرعه لبسي وخليني نروح نشتري لك شي تلبسينه لزوجك
ساره: طيب قمنا
مرام: لاتنسين انك بتجلسن عندهم يومين وبعدها بتسافرين يعني يبي لك شي لصباحيه قدام اهله مو له على الاقل لأمه اللي ماقصرت معنا وشاريتك
ساره حست بالذنب وهي تتذكر فرحت جدة سعود كيف حظنتها يوم تدخل عليهم وتبوس فيها وجلستها جنبها وتقول لها انا موصيه سعود عليك
..................
بالرياض
انجنيت انت
فهد: باخذها بس ارقع للموضوع وان شاءالله شهر وانا مطلقها وبقول لهم ماتفاهمنا
فيصل: لاتحكم ع الامور من برى يمكن مظلومه
فهد: اقولك داخل عليها ويقول لها انا احبك تقولي مظلومه
فيصل: افهم الموضوع منها قبل لاتحكم
فهد بضيق وعيونه معلقه بالسما: خلاص عافها الخاطر
فيصل: الله يهديك
فهد قام من مكانه رايح يصلي له ركعتين يذكر ربه فيهم
فيصل استغل وجود جوال فهد الاي فون وجلس يدور فيه على رقم الجوري
فيصل يارب مو مغير اسمها ودور عليه وبصعوبه لقاه لانه من العجله يمشي بسرعه ولاينتبه له
فيصل نقل رقمها عنده لانها غيرته وهو كان عنده القديم وعلى فمه ابتسامه
فيصل: وريني يالجوري كيف بتنامين اليوم
................
هذا حالها حتى الابتسامه ماتطلع منها الا مجامله حتى ولو ماابيه على الاقل يهتم شي لايكون هو بعد مغصوب علي
اااااااه ياقلبي والله اني احير انا اللحين طالبه من فهد يقوله مايسمع صوتي ولايشوفني الا بزواج واللحين اقول وينه مايكلمني اووووووووف صج بنات وكل يوم ع حال
شوي الا رن جوالها استغربت مين اللي داق عليها هالوقت ولامن رقم غريب خافت يكون احد من اهلها صاير له شي وردت بسرعه
الجوري: الووووووو
فيصل اه يالصوت وراعيته : ............
الجوري: الوووووووووو
فيصل بعصوبه: الووووو
الجوري والصوت مو غريب عليها: نعم
فيصل اوف حتى مجامله ماتعرف تجامل الله يعين: هلا كيفك
الجوري بصدمه : فييييييصل
فيصل : تكفين لاتسكرينه بوجهي بس بسمع صوتك
الجوري جاتها ضحكه وكسر خاطرها كيف كان يتمنى يشوفها بالملكه وهي رفضت وحتى صوتها منعته يسمعه : ..........
فيصل ارتاح لسكوتها: كيفك
الجوري بحيا وبربكه: الحمد لله تمام
فيصل: انا اللحمد لله بخير بس
الجوري اللي كانت منسدحه على سريرها وتلعب بشعرها ويوم قال فيصل بس جلست خايفه لايكون في فهد اخوها شي: بس ايش تكلم
فيصل وقلبه ينبض لها بس وبحبها: مشتاق لك
الجوري انصبغ وجهها وهي تتذكر شكلها يوم يضمها له وبقوه كأنها الماسه خايفه علىيها من الخدش: .............
فيصل : اه بس لو زواجنا بكره مادري ليه صار بعد شهرين
الجوري: اللحين باقي شهر
فيصل: شهر عندي سنه
الجوري سكتت خايفه لاتقول شي وينقلب عليها لانها هي اللي قالت شهر وحست انها هي المطيوره مو هو
فيصل: الووووو نمتي
الجوري: هههههههههههه ليه انام
فيصل اه ياضحكتها بس: اذا بتنامين لاتقفلين
الجوري استغربت : ليه
فيصل: ابي اسمع انفاسك
الجوري غاصت بملابسها
وكملو سوالف عن دراستها وانه بيسكن معاها بالرياض واذا قال لها كلمة غزل سكتت وفيصل يزيد شوقه لها
.........................
طول يومها بكي ونياح خايفه من انقلاب فهد عليها وريم ومحمد خايفين على اختهم اللي صارت ماتفارق الدموع
محمد : افنان ليه تبكين
ريم: خلي فهد يولي احنا مانحبه
محمد : انا اذا شفته برمي عليه حصى من جنب الباب
ريم : وانا بضربه لك واخليه يبكي نفس مابكاك
افنان حضنت خوانها اللي حستهم سند حتى وهم صغار
.........................
قبل يوم من زواج ساره اجتمعو كلهم عند الجوري يودعون ساره اللي راح يفقدونها بعد يومين لانها بتسافر مع زوجها تدرس برى
لجين من كلت شي راحت الحمام ترجعه
افنان: يمكن حامل واخوك مايدري
ساره: حياتي لجوووون توها صغيره ع الامومه
الجوري: اوما حامل واخوي ماحس
افنان: انا من يوم فتره شفت وجهها اصفر
ساره: لحظه بروح اشوفها
راحت ساره وشافت لجين معرقه وحالتها حاله
ساره: لجين شفيك
لجين: مادري صار لي اكثر من اسبوع كبدي بس لاعيه وراسي يدور
ساره: يمكن حامل يالغبيه
لجين بفرحه خالطها شوي ضيق لانها مو ضامنه مستقبلها مع تركي المتقلب: مادري مارحت كشفت
ساره : بكرى روحي واخذي زوجك معك
لجين : مادري بشوف
الجوري: وانتي شلون ماتروحين غبيه
لجين اللي جلست ع الكتبه تريح: والله فكرتها لوعه وبس
افنان: تحبين تروحين اللحين
لجين: لا خليني اروح مع تركي علشان اذا حامل ابي اشوف فرحته
الجوري: والله وصرنا ننباع برخص التراب ياحماره واحنا عارضين لك خدماتنا
لجين: حماره انتي والله اني اعشقكم تدرون
افنان : ايه ايه كذبي علينا
لجين: هههههههههههه انتي يراس المشاكل سكتي
ساره: اووووووف افنان راس المشاكل افى بس افى
افنان تمثل الزعلانه: خلاص انا راس المشاكل بروح بيتنا اخاف من المشاكل اللي فيني ينهدم بيتكم او ينكسر الكنب اللي انتي جالسه عليه او تنفجر الساعه او يحترق التكييف
الجوري ماقدرت تمسك نفسها: ههههههههههههههههههههههههههههه
وكل هذا وافنان لابسته قناع تحاول مايبين عليها الضيق والحمد لله قدرت
الكل : هههههههههههههههههههههههه
الجوري: والله انك هسترتي
ساره: من زمان مهستره هي
لجين: فديت هسترتها عسل
افنان وهي لاول مره تحس ان بيت الجوري ماله طعم لانها فاقده ريحت فهد فيه
وحست بغصه بحلقها وحاب تطلعها
الجوري : افنان شفيك
افنان: بروح لغرفتك باخذ لي كم عطر من عطوراتك وبشتري لي نفسهم خاصه جفنشي الجديد عاجبني
الجوري بشك لانها حاسه ان بين فهد وافنان شي لانها تدري قد ايش فهد يحب افنان ومتعلق فيها مستحيل يروح للرياض كل هالفتره ولايجي يشوفها: اوك وبسرعه تعالي مسويه مفاجأه انا لاتفوتك
افنان بأبتسامه : اوك
وراحت ركض لغرفة فهد مو لغرفة الجوري
الجوري: بس تجي افنان وكل وحده تحكي لي عن كيف ملكتها
انا لاتسألوني لاني ماشفته ولاشافني
ساره : ولاكلمك
الجوري: ولاكلمني
لجين بنظره خبيثه: علينااااااااااا
الجوري: بس مره هههههههههههه
ساره: معليش نبي نعرف
الجوري: اذا جات افنان
...............................
ماسكه مخدته وضمتها وتشم ريحتها وكان فهد اللي بحضنها مو مخده
افنان ودموعها مغرقه المخده: والله مظلومه والله مااعرفه
ولاعمري شفته
وجلست تمشي بالغرفه والمخده بإيده وتفتح دولابه وتشوف ملابسه
وتشمهم وتروح لعطره وتعطر ايدها وتتذكره ويعتصر قلبها وهي
ماسكه المخده فجأه طاحت من ايدها من الصدمه
....................
كنت مشتاق لامي وابوي وحاب اشوفهم وقررت ازورهم وبكرى
ارجع للرياض
وصلت البيت وشفت الهياص فيه والاغاني عرفت ان الجوري
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك