رواية كابرت بفراقك مع اني تألمت -39
ماسكه مخدته وضمتها وتشم ريحتها وكان فهد اللي بحضنها مو مخده
افنان ودموعها مغرقه المخده: والله مظلومه والله مااعرفه
ولاعمري شفته
وجلست تمشي بالغرفه والمخده بإيده وتفتح دولابه وتشوف ملابسه
وتشمهم وتروح لعطره وتعطر ايدها وتتذكره ويعتصر قلبها وهي
ماسكه المخده فجأه طاحت من ايدها من الصدمه
....................
كنت مشتاق لامي وابوي وحاب اشوفهم وقررت ازورهم وبكرى
ارجع للرياض
وصلت البيت وشفت الهياص فيه والاغاني عرفت ان الجوري
الغبيه مجمعه صديقاتها وانعصر قلبي بس تذكرت ان افنان ممكن
تكون معاهم وحبيت اتأكد رحت لغرفة الالعاب وشفت ريم ومحمد
يلعبون بلاستشيون التفتو لي بس ماكأنهم شافوني وكلمو لعب
استغربت منهم وقلت : السلام عليكم
ريم ومحمد ماردو عليه
فهد قرب لهم وهنزل لمستواهم : ليه ماتردون علي
ريم بعصبيه: انت اللي تبكي اختي وتخليها بس تبكي وتقول والله انا
مظلومه مادري ايش
محمد : ايه وتقول بعد ويلتفت لريم شتقول بعد وهي تبكي
ريم : يالغبي تقول انا احب فهد والله احبه
محمد : ايه تقول انا احبه ليه يضربني
ريم: شوف يافهود الا افنان ترى هي مسكينه تكذب علينا تسوي
روحها نايمه وهي تبكي
ومن ضربتها وهي تصييح اذا ماتبيها ليه تضربها احنا نحبها
ومانرضى عليها
محمد بكلمه خلت فهد يتندم على ضربه لها: مو لان ماعندنا ابو او
اخو كبير تضربها انا بضربك على راسك بالحصى لو تضربها مره ثانيه
وقامو طالعين من الغرفه تاركينه لحاله منصدم من اللي سمعه
معقوله يكون ظالم افنان بس شلون يظلمها وهو بعيونه شايف مو
كلام منقول له ماحس بنفسه الا رجوله ماخذته لغرفته
مسك مقبض الباب وفتحه وانصدم باللي شافه
هذي افنان مو معقوله
كانت ماسكه مخدته ضامته وتبكي وبس شافته طاحت المخده من
يدها ووقفت عيونها عن انها ترمش
كانت ضعفانه ووجها اصفر وعيونها حمرا وشفايفها ترجف
قربت لعندها ابي احميها ابي ارجعها لاافنان اللي كانت ماابيها كذا
ضعيف هابيها افنان القويه ماابي اشوف دموعها ماابيها تضعف
وتبين دموعها لاي احد ابيها نفس ماكانت قبل
ومن غير شعور حضنتها ودفنت وجهها بصدري
افنان نسيت نفسي وبس دخل انشلت حركات جسمي وماقدرت
اسوي شي وكان مويه بارده انصبت فوق راسي كنت ناوي اقوم
بس قر بفهد مني بسرعه وضمته لي خلتني ابكي وبصوت علي
واقول كلام مو واضح لان فهد مافهمه من نبرة صوته عرفت انه
مايدري ايش اقول وماحب يسمعني ايش جالسه اقول
فهد: اشششششش خلاص عندي الموت ولااشوف دموعك
افنان: وال له ياافه ـد اني مظلووووومه وربي
فهد : مصدقك خلاص
افنان: تد ري اني مسس تحيل اخووووونك
فهد يضمها بقود ويدفن وجهه برقبتها: خلاص افنان ماابي اسمع
شي خلاص
سكتت افنان عن الكلام بس شهقاتها المظلومه انفجرت فيه وجلست
تبكي وهو يهون عليها
بعد فتره سكتت افنان ورفعت راسها عن صدره وفهد جلس يمسح دموعها اللي متعلقه بخدودها اللي قلب لونهم احمر
فهد: والدموع هذي ماابي اشوفهم مره ثانيه اوك
افنان وعيونها بالارض وايد فهد على خدها تمسحه ومنها يمسح الزعل والضيق من قلب افنان
فهد: وبالله عليك هذا وجه عروس اسمعيني ياترجعيني لي افنان قبل بجسمها ووجها المنور مو كذا ضعفانه وذبلانه
افنان ابتسمت بين دموعها ورفعت عيونها له تناظر فيه
فهد ابتسم لها: اييه كذا ابيك وقرب لها وباسها على خدها بقوه وصارت علامه على خدها
فهد بخبث: ويلا ترى صديقاتك تحت ولاتخلين احد يدري انك بكيتي وجهك واضح انك باكيه
وجلس يمسح على شعرها بحنان الابو والام والاخو اللي فاقدتهم افنان
فهد : واذا بتروحين قوليلي انا اخذك للبيت فاهمه
افنان تسمع كلامه وودها مايتركها ابد تحس بقربه بالقوه وببعده عنها الضعف
وهزت راسها بإيه وحط فهد ايده على كتفها ومشى معاها لباب غرفته وباسها على جبهتها وكان ناوي يتهور وحاط عينه على الشفه وافنان يوم شافته مقرب لشفتها طلعت من الغرفه
فهد : معليش باقي شهر ترى
افنان نزلت تحت وهي نازلهم افنان القديمه غير التصنع اللي كانت فيه
ودخلت عليهم والكل لاحظ عليها تغير شكلها حسو بروح ورجعت لها
وبدو كل وحده تسولف عن ملكتها واللي عن زوجها واللي عن تجهيزاتها بكل صراحه وكل وحده تنصح الثانيه بإيش وانهوها بكيكه صورتهم وهم صغار وقطعوها لان اخر مره يتجمعون فيها كلهم من غير ازواج يتحكمون فيهم وطبعا الدموع هي اللي اكثر شي نزف في الجمعه والاحضان تبادلت
وكلن رجعه لبيته وافنان خذاها فهد للبيت بعد مادور الكل انه جى وطبعن ريم محمد اول من درى وسكتو وبالسياره ماكلمو فهد الا يوم شافوه ماسك يد افنان بالسياره ويضغط عليها
ريم: انتو تصالحتو
فهد: احنا مازعلنا علشان نتصالح
محمد بفرحه: وناااااااااااسه
وريم: تقرب من فهد وتبوسه : احبك فهود
فهد اللي مات ضحك: خليني اسوق لاتخليني اصدم ايد حبيبتي وبوسه منك تخليني ادوخ
افنان سحبت ايدها من الحيا وهو مات ضحك عليها
عند لجين
الساعه 3 الفجر
لجين: تركي
تركي اللي جالس نايم جنبها وراسها على صدره العريان
تركي : عيونه
لجين: تسلم لي عيونك ممكن تاخذني للمتسشفى بكرى
تركي خاف لايفقد لجين بمجرد انها تروح للمستشفى وهالشي خلاه يجلس
: ليه مستشفى تشكين من شي فيك شي
لجين بحيا: لا شاكه بشي وحابه اكشف
تركي بتوتر: شاكه بأيش
لجين بخوف من ردة فعل تركي: اممممم اني حامل
تركي انصدم مايدري يفرح او يحزن يحس وقته او مو وقته مو قادر يعرف مشاعره
وجامل لجين وابتسم ولجين حست انه متوتر اكثر منها
تركي رجع نام وحط راسها على صدره ويمسح عليها ويبوسها : ان شاءالله خير
وظلو ساكتين
..............................
بعد اسبوع انتشر حمل لجين
وزواج ساره اللي اهلها كلهم بكو واكثر وحده مرام
وكانت حفله صغيره صديقات ساره واهلها القراب وسعود واهله القراب
في الجناح لسعود اللي جهزته له امه في البيت
دخلت وكانت ترجف ومو طايقه قربه
سعود اللي الدنيا مو سايعته من الفرحه جلست ساره قباله وعيونها بالارض
قرب منها ومسك ايدها وهي ابعدت يدها عنه
سعود حاط احتمالات حتى للضرب متوقع ينضرب بليلة زواجه
سعود : مبروك علينا
ساره: ................
سعود : حاب يتركها على راحتها وهو منبهر فيها لو بكيفه مايتركها
سعود: انا طالع بدلي واخذي راحتك
ساره : ............
طلع سعود وجلس ينظرها لان العشا اللي وصت عليه امه وصلهم وساره الى اللحين ماطلعت
راح سعود يشوف ليه تأخرت
سعود : ساره العشا وصل
ساره اللي فتحت الباب بعد ماتروشت ولبست لها قميص حرير فوقه روب تحت الركبه اسود
وشوية عطر وتاركه شعرها ع راحته
ومع عطرها داخ سعود ولا قدر يتحرك مشت ساره متوجهه لطاولة الاكل وهو واقف يناظر فيها كيف تمشي
وبعدها حس انها تنتظره يجلس وقرب منها وجلس
سعود : يلا بسم الله وبدو ياكلون
ساره ماكانت تاكل بس تلعب بالملعقه وسعود حس بالهشي وماحب يغصبها
قامت ساره من الطاوله
سعود : مابعد كلتي شي
ساره واول مره تكلم معه: الحمد لله شبعت وتركته ومشت
سعود اللي انسدت نفسه من ساره قامت ترك الاكل ونادا ع الخدامات ياخذونه
دخل غرفة النوم وشافها نايمه على السرير ماحب يضيقها دخل الحمام وخذ له دوش واخذ له مخده وبطانيه ثانيه وطلع يناب بالصاله
ساره بعد ماتسكر الباب: يكون احسن بعد وظلت طول الليل تفكر في حالها اللي مستحيل بيدوم كذا ياهي بتمل ياهو
............................
انتهى البارت
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت الثلاثــــــــــون
لا حشـى ما ني بـمـيّـت !
الاحــيّ !
حــي لكن ..
ماأحـسبأيشـي !
يعنيميّـت !
......واللهماادري
تكـفـى لا تسـألعـلي !
...................
الساعه 10 الصباح
حس بألم في رقبته ماقدر ينام زين صحى من نومه ومزاجه متعكر بس تذكر ان اللحين هو معااها بنفس المكان مايفصل عنهم الا باب واحد صفى مزاجه وهو متوجه للغرفه يبغى يشوفها صاحيه او لا فتح باب الغرفه بشويش لقاها بعدها نايمه وحب يلقي عليها نظره تجبر خاطره مشتاق لها يبي يسرح بملامحها من غير ماتحس فيه او تبعد نفسها عنه قرب منها وهو كله ضما يبيغى يرتوي فيها شعرها المبعثر حولينها وبياضها المعاكس لسواد شعرها وعيونها الوسيعه ورموشها الكثيفه وخشمها الدقيق وشفايفها الصغيره اه ع شفايفها قرب منها وبدى يمرر اصابعه بشعرها متوجه لخدودها الى انفها ووقف عند الشفه ماقدر يمنع رغبته بانه يرتوي منها وقرب راسه لها وتلامست شفته بشفتها فتح فمه بيكمل يمصها حست فيه وشهقت سعود كان مستسلم ومغمض عيونه يبي قربها لما سمع شهقتها وحس انها بعدت عنه فتحهم وليته مافتحهم وجلس مغمض ولايشوف دموعها ايه دموعها كانت تبكي بحرقه وبنهيار تام
سعود قرب منها اكثر ورفع ايده يمسح دموعها
ساره وهي تناظر فيه : انت سبب اختلافي عن البنات
سعود بينه وبين نفسه وهو يرجف من كلمتها خلاص ياساره خلاص لاتذكريني بالماضي تكفين
ساره تكمل: عقدتني من كل شي اهلي كرهوني بسببك اهلي مايبوني كان بيقتلوني بسببك ليه وش ذبي انا اعيش 5 سنوات معذبه والناس كلها تناظرني بحتقار وكلن يهرب مني مايبيني خايفين اخرب بناتهم ليه
سعود تكفين لاتحطين على جرحي ملح: ياساره بس خلاص ماقدر يشوفها تبكي بحرقه وضمها لقلبه ودفنها بصدره اللي كانت ازارير بجامته مفتوحه وباين صدره كان يبي يدفنها بقلبه ولايطلعها ابد
جلست ساره تبكي على صدره وتفرغ كل اللي فيها من قهر السنوات اللي عاشته
بعد ماهدت رفعت راسها منه شافته يناظر فيها وقبل لاتبعده عنها قرب منها وباسه بقوه ع خدها
سعود: صباح الخير ع احلى عروسه بالدنيا
ساره ابتسمت بخجل كيف قدرت تحضنه وتبكي على صدره وشافت اثار دموعها ع بلوزة بجامته : صباح النور
سعود مسك ايدها وضغط عليها: يلا قومي ترى بعد يومين مسافرين امريك
ساره هزت راسها بإيه سعود حس انها منحرجه منه تقوم والقمي مرتفع لفخذها وحب يكسر الاحراج عليها
سعود : انا داخل اخذ لي شاور وبتروش بالحمام الثاني انتي خذي راحتك
خذ فوطته وطلع
اما ساره فرجعت انسدحت على السرير وهي تطالع بالسقف
ساره : والله حنون ماحسيت بنفسي الا ابكي بحضنه غبيه انا مو الا لحظه وش كان بيسوي يوم يقرب مني وانصبغ وجهها احمر وغطت نفسها بالبطانيه من الاحراج بعدها قمات نفضت هالافكار من بالها بسرعه خلني اتروش قبل لايجي ويشوفني هنا ماتحركت
..............................
جلست من النوم وهي تحس بثقل في راسها التفت شافت قلبها وعمرها نايم جنبها
ماحبت تصحيه قامت وخذت لها شاور سريع وطلعت تجفف شعرها وشافته صاحي
لجين: صح النوم حبيبي
تركي اللي متعكر مزاجه : ليه ماصحتيني
لجين : شفتك غرقان نوم تركتك
تركي: بس تأخرت ع الشركه اللحين ابوي بيفتح لي محظر
لجين بضيق: تبي كان عينت المنبه
تركي بعصبيه : اانا معتمد عليك تدرين ان وراي دوام
لجين: طيب ليه تعصب خلاص حصل خير
تركي: اوووووووووف احر ماعندي ابرد ماعندك
لجين جلست تناظر فيه وقلبها ضايق تعودت على اسلوبه يمشيها على حسب مزاجه
مره رآيق والف لا من بعد حمالها وهو مزاجه دايم متعكر وبس يعصب عليها مايدري انها تمثل عدم الامبلاه قدامه وهي تبكي دم من وراه طاحت دمعه على خدها تعلن عن جرح جديد بقلبها وش بقى ياتركي بمكان بقلبي ماجرحته
لبست تنوره قصيره الى الركبه سكني اسود وبلوزه فوشيا توب وطالع نص صدرها وفيها من النص شريط اسود ينربط على شكل فيونكا وجزمه فوشيا كعب وفيها من الجنب فيونكا سودا وحطت لها شويت بودره وكحل وقلوس فوشي ناعم على شفتها وتعطرت واخذت الكريم وبدت تمسح على رقبتها وايدها لبست ساعتها اللي من الجوري بمناسبة حملها شوي الا سمعت باب الحمام ينفتح طلع تركي وهو لاف الفوطه على خصره وجسه عريان وشعره لسى المويه باقيه فيه لجين بعصبيه : تركي انا كم مره قلت لك نشف شعرك بالفوطه بعدها اطلع كذا بيضرك التكيفف وراحت بسرعه تطفيه
تركي وهو يقاوم سحرها وبياض صدرها اللي اشعل حريف بصدره ومثل عكس هذا كله: اذا صرت دكتورتي الخاصه ومسئوله عني تكلمي وانا كم مره قايل لك تطفيينه اخذي اذني بالاول بعدين اطفيه
لجين وهي مو قادره تعبت خلاص ماهي متحمله جفاف اسلوبه معاها كفايه منك الم وتعب ياليتني ماحملت ياليتني ماتركتك على راحتك وخليتني احمل منك وانت مو قد انك تكون ابو لطفل مني حرام يتعذب الطفل بينا حرام تكلمت وشفايفها ترجف: ان شاءالله ع امرك اسفه وراحت للتكيف وشغلته وهي عاطيه تركي ظهرها ترجف
تركي يعرف لجين ويعرف ايش اللي بقلبها واكيد هي تكابر واللحين تلقاها دموعها على خدها قرب منها وحط ايده على بطنها وسند ذقنه على كتفها
تركي: لجين انا محتاجك انتي وولدي
لجين ابعدته عنها بقساوه : ابعد عني ياتركي مو انا اللي كل مااحتجت لها جيتها مو انا اللي اذا اشتهيتها جيتها تلبي رغبتك الجنسيه وبس وبدت تنزل دموعها بغزاره انا انسان مو بس للشهوه انا احب واكره واتأثر تراني نفس البنات الثانيين مو لان لام لي ولاابو قلت العب بعواطفها انا احبك ياتركي والله العظيم احبك مو ذنبي حبيتك ايش اسوي قولي وقبل لاتكمل
كلامها قاطعها تركي بضمتها لها بقوه يهديها بضمته بس لسانه ساكت وعاجز عن النطق ولجين تشكي له منه وتضربه بخفه على صدره
............................
هاه تجهزتي ترى شوي ونروح لها
افنان وهي تحط لها قلوس وتكلم الجوري بالفون
:ايه خلصنا صار لك سنه تقولين عند الباب ولااسمع لك حس
الجوري: يلا يلا جيتك
افنان : شوفي ريموه الحماره تقول اخر مره بتقوم تشوف وتنتظر عند الباب وبتعد الى 5 اذا ماشافتك بتدخل
الجوري: هههههههههههه خلاص والله العظيم جيت
افنان: طيب طيب يلا طلعت لك
افنان وهي تعلي صوتها تنادي ريم اللي مندمجه على شون ذا شيب الخروف اللي mbc3
: ريمي حبيتي قومي شوفي الجوري جات
ريم وي نافخه ريشها: ريمي حق الحاجه هاه والله اخر مره وبعدها خلي حمود يقوم
افنان تضحك بشويش لاتسمعها وتعاند: ان شاءالله بعدها انا بقوم بكبري
ريم تمشي وهي تحلطم: لانكم بصراحه ومن غير زعل خربتو كشختي اللحين كحلتي سالت
افنان ماتت ضحك على اختها اللي تمشي وتتحلطم على الكحله اللي من الالعاب شاريها لها فهد وهي من يومها من بيرحون مكان حطت لها منهم وتكشخت ازيد من افنان وحست من اسلوبها بالكلام كانها هي بالضبط نفس تصرفاتي الحماره وفهمت ان مهما كبرت ريم بتظل تاخذ من تصرفاتها
جاتها ريم وخدودها حمر من الحر: جات جات
افنان: يلا ركبو خذي حمودي معك
ريم : طيب
خذت عبايتها ولبست وطلعو من البيت متوجهين عند العروس
..............................
واقفه ع المرايه تحط لمساتها الاخيره كانت قمه بالجمال والاناقه
من شعرها اللي تاركته سايح الا من برما بشعرها من قدام وعيونها اللي زاد من حلاها بالكحل والماسكرا ونحرها اللي بالعقد الالماس هديه من ام سعود لها وفتسانها القصير الى الركبه روماني ازرق غامق مايل الى الكوحلي ولبستوحطت لها كله رومانيه نفس لون الفتسان وتعطرت تستقبل صديقاتها والضيوف اللي جايين يباركون لها توها بتطلع الا سعود داخل ناسي ساعته وانبهر باللي قدامه اتربك والربكه وضحت عليهم الثنين كان هو سعود كاشخ وريحت عطره اللي اعتلت على ريحة عطر ساره كان واقف سعود قبالها مباشره اول مره يكون قبالها لدرجه هذي وعيونهم متعلقه ببعض قرب منها وانفاسه تصدم فيها ومص رقبتها بقووووووووه ساره منسحره فيه ماقدرت تبعده وين اللي كانت مخططه له ماابيه وماراح اخليه يقرب مني وين كلامها مستحيل يلمسني ماقدرت معنى هالكلام بمجرد اندفان وجه سعود برقبتها ماقدرت تتحرك الى لما سعود رفع راسه عن رقبتها ولصق راسه براسها وعيونهم متعلقه ببعض سعود يهمس: احببببببببك ياساره
ساره ماقدرت تمنع توترها وانسحبت بسرعه منه طالعه من الغرفه وجلس سعود واقف بمكانه فاهي وفاتح فمه ع ىالاخر
سعود: وش فيني انجنيت ماقدرت امسك نفسي سحرتني اوووووف اكيد بتبكي اللحين خلني الحق عليها لاتنزل لهم بدموعها بحركه سريعه طلع من الغرفه متوجه للدرج ماشاف ساره
وينها جلس يناظر ماشافها ولاسمع صوتها يوه يمكن تبكي انا الغبي انا اللي تهورت هي بالزور خلتني احضنها بعد ابوسها غبي طلو عمرك غبي ياسعود ومتهور راح يدور عليها مالقاها
...................
كانت جالسه بغرفه ماتدري كيف دخلتها الموهيم تبي تهدي من روعتها مستحيل تنزل لهم والبوسه لسى باقي برقبتها واثارها واضحه كانت في الغرفه اللي جالسه فيها واقفه ع المرايا وتناظر مكان البوسه وتحس ان بوسة سعود لها مو لها بس اثر على رقبتها على جسمها كله وخاص هان يحة عطره انتشرت فيها وحابه عطر تغير فيه ريحته سمعت صوت الباب ينفتح لغرفتهم قالت اكيد نزل وراحت بسرعه لغرفتهم ودخلت جلست تحط البودره بس شكل سعود من قلب عاطيها المصه وعلشان كذا ماراحت وظلت طول فتره تحاول تخبيها ولو كان بشعرها سعود بعد ماتعب وهو يسأل عنها حتى امه قالت له مانزلت راح الغرفه وهو يقول اكيد تبكي بس مادري وينها ومسك مغبض الباب وكله متحطم لانها زعلت عليه وهو راح يراضيها بس ماشافها فتح باب الجناح وسمع صوت بغرفة النوم مشى لها متعجب ولقاها تحاول تخفي البوسه اللي برقبتها ومافيه على وجهها اثار بكي سعود وهو يقرب منها ويحاول يدريها وبدا يعتذر سعود بربكه : اسف اني أني اممممممم ساره اسف
ساره وهي منحرجه التفت عليه وناظرته : ليه تتأسف
سعود مستغرب منها ومو عارف لها وتغيرها المفاجأ وتره وخوفه مره تخاف قربي ومره تقولي ليه تتأسف قاطعته من سرحانه وهي توقف متجهه لخارج الجناح
ساره : انا نازله تامر بشي
سعود منصدم ومو قادر يرد وحست ساره بصدمته توترة معه وخافت لايكون المفروض ماتسوي كذا وسوته رد عليها سعود يكسر الصمت : ابد سلامتك
طلعت ساره نازله تحت وتاركته يفكر سرحان فيها بعدها بربع ساعه نزل من غير ماياخذ الساعه < ساره ماخلت فيه عقل ^_^
................................
وصلو وعدلو شكلهم بالمرايه اللي قبل مايدخلون البيت وكان شكلهم كل وحده انيق ومرتب وبعدهم بنص ساعه وصلت لهم لجين وهي بقمة توترها وقهرها وودها تبكي بصدر احد وتشكي له تبي تفرغ كل اللي بداخلها مضغوطه حييييييل وياليت احد يشيل الحمل اللي على اكتافها وزادها حملها اللي تمنت انها ماحملت علشان ماتتعلق بتركي اللي مو اكيد بيدوم لها دخلت وشافت ساره بين افنان والجوري ابتسمت وقربت لهم جلست بينهم وبدو سوالف
الجوري بلعانه: اقول سوير تركي شعرك من هنا خليني اشوف كأني شفت شي قوي
افنان بخباثه : صج وين وين ورينا
ساره ارتبكت واسكتت
الجوري خذة شعرها وحطته بالجهه الثانيه وشافت البوسه حمرا وواضح ان اللي بايسها مشتهيها وبقوووووووه بعد
لجين بإبتسامه: ساره حبيبتي هذي البوسه متى
ساره ارتبكت زياده وشوي وبتبكي: شلون قصدك من متى
الجوري بشهقه: هاااااااااااااااااااء يعني شلون متى
افنان: لاتقوووووووولين
لجين : ههههههههههههه اهم شي هي فهمت وقامت عنهم
بس راحو لها ركض يفهمون منها وساره جالسه بمكانها وتناديهم
ساره: فنووووون وجوجو تعالو وانا اقول لكم
رجعو افنان والجوري ولجين معاهم تحمست وقالت لهم كل اللي صار
.........................
رنا بضيق : ماسمعت خبر طلاق او مشروع طلاق حتى
نوره : صبري يمكن اللحين هم متهاوشين وبيظل يشك فيها بعدين يطلقها ويفضى لك الجو
رنا : مشكلته هو ماسحني من باله وانا متعذبه علشانه
نوره : ان شاءالله اخرته لك ولاراح تلمسه بنت غيرك
رنا: امين يارب لان لو تزوج بنت الفقر بموت بمكاني
نوره : طيب روحي وشوفي الاوضاع يكلمها او لا
رنا: والله ودي بس ان رحت بيشكون لاني مااطيق اروح مكان معاهم واللحين انا بروح مع عزام نتمشى
نوره: انجنيتي انتي الى اللحين ماتبتي خلاص خلي قلب لفهد وتركي عزام
رنا: هذا لاوقات الفراغ
نوره: بكرى اذا تجرأ عليك وخذ اللي يبيه قولي وقت فراغ
رنا: يخسي يقرب مني او يلمسني
نوره: انا نصحتك وانتي براحتك
رنا بنرفزه: اوك انا طالعه له يلا باي
سكرت من نوره مانتظرت منها رد صحيح هي قريبه لها لاكن بعض الحركات اللي في نوره ماتعجبها وودها لو ماتتكلم قدامها رنا: شكلي بتركك يانوره تفكيرك متخلف خلصت بسرعه وزادت كحل عيونها ورجوها الصارخ تعطرت بااقوى العطورات وعبايتها المليانه الوان وكانت لابسه تحت العبايه بنطلون جينز سكيني وبدي ابيض فيه بالنص قلب احمر ونص صدرها باين ابتسمت : والله لااخليك تنسى اسمك وتنفذ كل مخططاتي
طلعت معه بايعه نفسها واهلها وسمعتها
........................
الساعه 1 الفجر
الكل طلعو مابقى الا ساره وصديقاتها ومرام
لجين: يلا انا تركي برى ينتظرني تامرين بشي
ساره : ابد سلامتك بس لاتنسون بكرى عندي من الظهر طيب
لجين:عارفه حبيبتي انا بكرى بجيك اولهم
الجوري : اقول انا اللي بجيها قبلك
افنان: انا مااقدر اتلكم لاني بجي مع الجوري بس لاتخلينا نتحداك يالجون ونجي قبلك
لجين بابتسامة خبث: انا لو بكيفي نمت هنا وبكذا اكون جايبه قبلك
الجوري تكلم افنان بهمس: يوه اجل لاتتحدينها خلاص انطمي
لجين: شتقولون
ساره اللي سمعتهم : ههههههههههههه مانتو قدها فديت لجون انا وبدت تضمها وتبوسها بخدها
لجين من ضمة ساره لها حست بالغصه
ساره وهي حاضنه لجين : وش رايك تنامين جد عندي
لجين: لاانتي توك عروس عيب اجي وانام وزوجك بيفضحنا
ساره : ههههههههههه بس يوم مايضر
لجين: وانا ايش يسكت اللي عندي<مع ان لو تقول لتركي اكيد بيرضى يبي الفكه
الجوري: ماعليك منه اخوي انا اتوسط لك عنده
افنان: اوخص يالواسطه
لجين قبل لاترفع الجوري جوالها بتدق على تركي تقول له ان لجين بتنام عند ساره : لالالالالالا انا بعد مااقدر استغنى عنه
الجوري ترددت: ايه قولي يعني ماادق
افنان: اه يالحماره قولي انتي اللي ماتستغنين عنه
ساره وهي تنقذ لجين: هي قايله لي بكرى عندها موعد عند الدكتوره تبي تعطيها كم ادويه تنفعها
الجوري + افنان: ااهااااااااا
ساره : الموهيم لجين تكفين اللي قلتك مبكر تعالي مو نفس اليوم
لجين: ان شاءالله وهي تبوس خد ساره ومبروك ياعروس
ساره بحيا: الله يبارك فيك
وبدو بعدها البنات ينسحبون ووصلت الجوري افنان مع السايق
...........................
الساعه 2 الفجر دخلت رنا البيت وهي طايره من الوناسه
ام فيصل: انتي وينك من وقت وانا انتظرك
رنا : ليه ايش تبيني فيني مو انتي ناسيه اذا عندك بنت او لا
ام فيصل: انا سألتك جاوبي وينك فيه
رنا: عند نوره صديقتي بنت خال الجوري
ام فيصل براحه : وليه متأخر عندهم الى هالوقت عيب يابنتي بكرى شيقولون عنك
رنا: صديقه ساهره مع صديقتها ايش العيب فيه وهي متوجهه لعند الدرج يلا انا رايحه انام صعدت لغرفتها تاركه امها اللي تكلمها وطلبت ام فيصل ان ربها يهدي بنتها يتحسر قلبها لما تشوف البنات اللي بعمرها والجوري وصديقاتها دايم سنعين ومع امهاتهم وبنتها لا
انتظرت ام فيصل الى اذان الفجر صلت ونامت
................
جالسه مافيها نوم ومستحيه تطلع تخاف يكون سعود نايم وهي من بعد الموقف اللي صار بينهم مو قادره تحط عينها بعينه قربت من باب الغرفه تتسمع اذا كان سعود نايم او لا ماسمعت صوت الا التيلفزيون فتحت الباب بشويش وهي تتسحب قربت قربت شافته مغمض عيونه ابتسمت شكله يجنن وهو نايم جذبها شكله وهو نايم وملامحه الهاديه وضحت قدام عينها قربت منه وجلست قباله وقربته وجهها منه وبجراءه بدت تمرر اصابعه انحيله في شعره وعيونه نازله لشفته وقربت له كانت راح تتهور بس ابعدت باخر لحظه لاكنها بشي يشدها من رقبتها لشفة سعود وقربت منه واحتكت شفته بشفتها وبدى ريقه يمتزج مع ريقها وهو حاط ايده على رقبتها ويقربها له وهي غرقانه مع ومستسلمه له ابعدت عنه وشافته فاتح عيونه يناظر فيها عدل جلسته وهي لسى عيونها بالارض وترجف مسك سعود يديها ورفعها لشفته وباسها : تكفين لاتحرميني منك رفعت عيونها ساره تناظر فيه قرب منها وباس خدها ونزل على رقبتها ومصها بشوق ولهفه لها ولريحتها وبين ماهو يبوس فيها وبيصول لشفتها ماشبعته شفتها قرب بيبوسها مره ثانيه ابعدة ساره وراحت ركض لغرفتها عصب سعود ورمى المخده اللي جنبه : غبي متهور غبييييييييييي
دخلت ساره وقفلت الباب على نفسها وتلهث كانها تركض وتركض من فتره وتوها تجلس
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك