رواية كابرت بفراقك مع اني تألمت -5
هذا حالها من الظهر الى 7 الليل وهي مو عارفه وكيف تتصرف
:ساره حبيبتي ساره
ساره : هلا تفضلي صاحيه
: ساره وشفيه وجهك كذا
ساره : مافيني شي بس راسي مصدع
: امي قالت لك شي
ساره : لا بس احاتي الاختبارات
: طيب انا بروح اجيب لك شي تاكلينه قلت بجيب لك بس خفت نايمه
ساره : مرام دخليك ماابغى شي نفسي صاده وراسي يدور
مرام : والله مو على كيفك انتي لازم تاكلين لك شي من شان نفسيتك تكون مهيئه للإمتحان
ساره : والله مو مشتهيه لاتضغطين علي
مرام : يلا عاد بلا دلع انا رايحه احط لك وبأكلك بإيدي
ماابغى اسمع منك حرف
............................................
يما خالد ماتبغى تتزوج والله خاطري اشوف عيالك يملون علي البيت
خالد : والله يلا على ايديك وانا قايل لا
ام خالد : وش رايك بلجين بنت خالك
خالد : لجين واه يما صغيره توها ماتخرجت
ام خالد : هي بتتخرج باقي لها كم شهر ووتخرج
خالد : اللي تشوفينه بس اهم شي حلوه زينه يعني تعرفين ولدك ذويق
ام خالد : هههههه حسبي الله عليك خلاص يوم بخليك تجي وتشوفها
خالد : تتوقعين ترضى
ام خالد : لا من غير ماتدري
خالد : كيف
ام خالد : اسمع ..................
وقالت له الطريقه اللي يقدر يشوفه فيها
.................................
ريم ووجع وش تسوين
ريم : اذاكر ابغى اكسر راس فهود
افنان: والله ياليت اذا كسرتي راسه تقولين لي وبعدين انتي مصدقه انه جاد بكلامه يمكن يمزح معك
ريم : اذا كان صدق يمزح انا اوريك فيه
افنان : تكفين عااااد بلا حركات ماصخه ويلا نامي وراك مدرسه
ريم : لحظه بدرس باقي لي شوي واخلص
افنان : طيب متى بيجيك
ريم : مادري بس يمكن الخميس الجاي انتي دقي على الجوري شوفي متى بيجي
افنان : شايفه الجولات مقطعتني من وين التيليفون مسكرينه من سنة جدي
ريم : مالت علينا كل الناس عندهم تيليفونات حتى اللي بسني عندهم جولات وانتي ماعندك ههههه والله مسخره
افنان مستغربه من كلام اختها وماحست الا عاطيتها كف : انتي وبعدين على هالكلام لاتخليني اذبحك
ريم : ياليتني امووووت ولااعيش هالعيشه يعني انتي عاجبك حالنا كل البنات بالمدرسه يضحكون علي وعلى مريولي من اول مادخلت المدرسه وهو علي 3 سنوات وانا ماعندي الاهو
وبعض الايام اروح بملابس ثانيه ليه علشان اختي ماغسلت المريول او ماكوته وتبغيني اتحمل حتى صديقاتي يضحكون علي من وراي يقولون جزمتها مريولها قديمين
انكسر قلب افنان على حال اختها وقالت والدمعه خانقتها
: معليش ياقلبي بكرى بتخرج وبشتغل وبيصير عندنا فلوس كثيره وبنشتري بلاستيشين نفس اللي عند الجوري والعاب
واذا على المريول بشتري لك كثير اخليك كل يوم تلبسين مريول
ريم : انتي حلي زين بالاختبارات من شان تشتغلين
افنان : ااااااه يادوبا تشكين بقدراتي تتحدين
ريم : اتحداك ونشوف قد التحدي ولالا
افنان : انتي من وين لك هالكلام وربي صاير كلامك اكبر من سنك
ريم : طالعه عليك
افنان : ههههههه تعرفين شتاخذين مني ماخذتي العقل والسناعه
ريم تسوي تعابير بوجها : واضح
افنان عصبت منها : اقول طسي لاخليك تنامين من غير عشا
هربت ريم عن الفنان خوفاً منها لأنها اذا عصبت تصير حيوان مفترس
.......................
:جبت لك اسمها
:وش اسمها
:ساره واتوقع بثالث علمي يعني نفس فصل اختي
: هي ساره وحده يمكن اكثر من وحده بالفصل اسمها ساره
سعود وانا وش دراني لاتجنني اهم شي تركع تحتي
سعود : عمرك طلبتني ومانفذت اللي طلبته كم تركي عندي انا
تركي: ههههههههه انا لو بصلي بصلي شكر لله انه هداني لك هديه
سعود + تركي : هههههههههههههههه
...........................................
الجوري لاتنسين قولي لصديقتك اللي ماتتسمى اني ابغى
اتحدى اختها يوم الجمعه نفس هاليوم اسبوع الجاي
الجوري : طيب أي آوامر
فهد : لا بس هذا
الجوري : طيب اسفه بس ابغى انام وقول لماما مابغى عشى
فهد : لاصرت سواق ابو اللي جابك قعدي تأمري علي وانا طالع قبل لاتقولين سلام
عصبت الجوري من اخوها االمتبلد الاحاسيس الله يعيني عليه من اخو ويعين اللي بتاخذه < قالت كلمتها بصوت عالي وماحست انه بعده ماطلع من الغرفه
فهد : انا متبلد احاسيس يالمريضه اقول بلا حركات انك تعانين لانه مو لايق عليك وربي وبعدين احترمي اللي اكبر منك قال ايش متبلد احاسيس ... طلع وسكر الباب بكل قوته
واللي ماتدري عنه الجوري ان هالكلمه اثرت عليه
وجرحته
انا متبلد احاسيس ويعين اللي بتاخذني ليه كل ماحاولت احسن العلاقه معاها تسكرها بوجهي اظاهر انها تعودت علي
كذا وماراح تغير وجهة نظرها فيني
ااااااااه ياافنان وش سويتي فيني مااعرف انام ولااعرف اعيش نفس الخلق لو الغرور اللي منعني من اني اقدم موعدي مع ريم
ولاكان انا اللحين من بكرى عندكم
عقله يجاوبه انت وش جالس تقول هي فقيره مو من مستواك
قلبه يرد عليه الفقر مو عيب العيب الاخلاق
وجلس بصراع بينه وبين نفسه وراح غرفت وجلس على سريره يفكر
.......................................
الجوري بعدها بصدمتها من اللي شافته من وقت
حاط رقمه يبغاني اتصل فيه
يعني معقوله يفكر فيني ويحبني
لو صادق بحبه ليه عاطيني رقمه يمكن حاب يتأكد من حبه
يارب انت اعلم بحالي وش اسوي يارب
قلبها يجاوبها : دقي عليه وشوفي اذا كان قصده شي ثاني
هزئيه وقفلي منه اما اذا كان قصده يبغى القرب منك
وقصده شريف لاتكلمينه كثير وفهميه انه يدخل البيت من ابوابها مو من نوافذها
آمري لله وبتصل
..................................
انتهى البارت
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
البارت الخامس :-
من جدك يانواف
نواف : اقولك ماتحملت اني مااقرب منها
خالد: والله انجنيت لاانت رسمي انجنيت
نواف : لاتزيدني تكفى والله ماني عارف وش اسوي
خالد : غلطت غلطه كبيره ولازم تصلح خطأك
قطع عليهم صوت جوال نواف
الجوال العاديه لان الرقم غريب
نواف : ناس فاضيه
خالد : مين
نواف : مادري رقم غريب
خالد: رد شوف يمكن احد يبغاك ضروري
نواف :مالي خلق ارد
خالد : رد خلصني اذا وحده تغازلك حولها علي هههه
نواف : والله انت الفاضي شفت سكرو احسن
خالد : يمكن احد من اهلك صاير له شي
ماكمل خالد كلامه الا رجع نفس الرقم يدق على نواف
خالد : رد فكنا ماراح نركد اليوم
نواف : طيب طيب
نواف : الوووو
: ............
نواف : الو مين معي
:.......................
نواف: مزعجيني وبعد ماتردون
خالد يضحك على الصامت
نواف : بتردون ولا اسكر
:...لا
نواف استغرب من نبرة الصوت وتوقع انه يتهيأله
نواف: طيب وش بغيت
: نواف انا الجوري
نواف مع صوتها وقف قلبه عن النبض وجلس يلتقط انفاسه كأنه يركض ويركض يوم كامل واللحين جلس
نواف : عيون وقلب وروح نواف انتي تو مانور جوالي بإتصالك
الجوري:...................
نواف : تكلمي تكفين والله ماني مصدق انتي اللي تكلميني ولا احلم اذا حلم يارب طول عمري مااصحى منه
الجوري: نواف ااا ممم ..؟! ورجعت لصمتها
نواف : قبل لاتتكلمين انا اسف على اللي صار
وقام من جنب صديقه وراح لبعيد ...
تجمعت الدموع بعين الجوري وانفجرت بوجهه تكلمت وهي تبكي : انت ماتدري وش صار لي والله يانواف مارتاح لي بال قلبي وعقلي بحرب عجزت اهدي من بينهم قلبي يحبك وعقلي باغض تصرفك احبك واعشقك بجنون وربي ماكذبت عليك بحرف
بس اللي صار شي كبير مو قادره اتحمله
نواف:..............
الجوري: تكفى تكلم قول شي فرحت يوم شفت رقمك
وبنفس الوقت تضايقت لاني تذكرت اللي صار
مو قادره انام ولااركز بشي وحابسه نفسي بالغرفه
نواف: خلصتي كلامك
الجوري شوي هدت يوم طلعت كل اللي بقلبها
نواف : تدرين انك الهوى اللي اتنفسه اذا شهقت اشهق بإسمك
اصبح وامسي على خيالك واللي خلق هالقلب شاهد علي
احبك ايه احبك وماسويت هالشي الا لما فقدت عقلي بشوفتك
تبغين اصلح الخطأ من عيوني باللي ترضين فيه ولاتفكريني مابغى قربك احلم بذاك اليوم اللي يخليك بعي بنفس البيت
والسرير اقدر اسوي فيك اللي ابيه ماحد يتحكم فيني
الجوري:.......
نواف : الجوري اسف اسف اسف اذا اللي صار ضايقك
ليت هالضيقه اللي فيني تزووود ولا يضيق شي منك
ليتني مت ولاضايقتك بحياتي
قطعت كلامه الجوري: بسم الله عليك جعل يومي قبل يومك
نواف ابتسم من كلمتها : طيب اللحين كيف احوالك
الجوري براحه من كلامه : الحمد لله ارتحت بصراحه
نواف : دوم يابعد هلي وانتي من سمعت صوتك احس اني طاير
والضيقه اللي فيني زالت من قلبي
الجوري بحيا: ان شاءالله اخر الضيقات
نواف : ناويه قلبي يوقف
الجوري : لاوالله بسم الله عليك ليه نقول كذا
نواف : لاتقولين كلام حلو ترى والله اموت
الجوري : هههههه وانا صدقتك
نواف : تدوم لي الضحكه وراعيتها
الجوري: احم ......
نواف : يالبى اللي يستحون ويلموني فيك
ترى والله من اللحين اجي اخطبك
الجوري: لا وين بكمل دراستي
نواف : وانا وش يخليني انتظر الى تكملين دراستك
بعد الثانويه بخطبك
الجوري : نواف انا بروح اذاكر تامرني بشي
نواف : احلى تصريفه ماامر الابراحتك
الجوري بداخلها راحتي بسماع صوتك: تسلم يلا فمان الله
نواف: الجوري
الجوري بعفويه : عيونها
نواف بوله : ايش عيدي تكفين ماسمعت
الجوري : نواااااااف خلاص
نواف : ههههه تسلم لي عيونك يارب
الجوري: وش بغيت
نواف : انتبهي لحالك طيب
الجوري : تامر يلا سلام
نواف : سلام
الجوري حطت الجوال بصدرها وحضنته والله ماكنت عارفه ان مكالمته بتريحني متى يارب اتخرج ويجي يتزوجني متى
.................................
حبيبي صباح الخير
صباحك ورد وفل ولوز
ياعمري صباح النور
يلا اصحى غنت فيروز
الشمس طلعت يازين
وانت مغمض العينين
يلا قومي وراك مدرسه
نواف
.......................................
قرت المسج اللي تو جاها وصاحها من نومتها وتذكرت ان اليوم السبت ووراها وجع راس
جلست ودخلت الحمام تروشت وخلصت ولبست مريولها
وهي جالسه تتكحل
شافت امها داخله عليها وكلها صدمه
ام فهد : الجوري جالسه من بدري مااصدق
الجوري: هههههههههههههه وليه ماتصدقين ان شاءالله من يوم ورايح بظل كذا
ام فهد : دوم يارب هاروقان اجل بحط الفطور
الجوري: طيب انا بجلس هنا ارتب شنطتي لاني امس مارتبتها
ام فهد منصدمه من النشاط اللي صاير لبنتها: دوم هالعقل يارب
الجوري: لاصرنا داشرين ماعجبناكم ولاصرنا شطار ماعجبناكم ماينعرف لكم انتو امهات قبل
ام فهد : ههههه وش حلاتهم امهات قبل خلاص راضيه فيك كذا
الجوري : باست راس امها وحضنتها لانها تذكرت يمكن شهر او شهرين بالكثير راح تبتعد عنها : الله يخليك لي
ام فهد مستغربه حدها: الحمد لله والشكر يما مصخنه صاير لك شي والله مستغربه من تصرفاتك جد يما يألمك شي
الجوري: هههههههههههههه يما الفطور هههههه
ام فهد : هههههه ماخليتي فيني عقل يلا رايحه اجهزه
راحت ام فهد تجهز الفطور لعيالها
والجوري كملت ترتيب لشنطتها وهي مو عارفه سر هالنشاط
....................
افنان افنان افنـــــــــــــــــــــــآن
جلست افنان منصرعه من الصوت العالي اللي ازعجها
فتحت عيونها على كبرهم من الخوف
وشافت محمد وريم يصارخون افناااااان افناااااان ثنينهم بنفس الوقت
افنان : جعل افنان تفقدكم قولو آمين
ريم : لااحنا نفقدك قومي اخرتينا نسيتي مافيه سياره بنروح مشي انا وحمود معاك قومي خلصينا يلا
افنان : وش رايك تجيبين النعله وتطقيني فيها مو ازين
محمد : يلا افنان بنروح المدرسه والله المدرس بيذبحني
افنان : يلا جاهزه باخذ بس شاور
ريم : انتي شاورك سنه
افنان بتسكتين ولااذبحك
ريم : لااسفه يلا خلصينا ابغاك تسوين لي تسريحه اليوم
افنان: صايره انا الكوافير ريم
ريم : ههههه انتي كوافيره وشغاله وسباحه
وطباخه ههههههههه
افنان : هذا جزاي بكرى اذا تزوجت لاتجوني خل الجيران يطبخون لكم
محمد : افنان بتتزوجين..؟!
افنان: ايه تفكرني بدوم لك ايو بتزوج وبفتك منكم
ريم : مسكين اللي بياخذك
افنان : هههههاااااي قولي حظه تعرفت تطبخ وكل شي من صغرها
محمد : طيب تكفين قومي تروشي والله بتأخر
افنان : طيييييب طييييب لاتهذر ياااااه هذاني قمت
قامت افنان تتروش وريم تحاول تسرح شعرها ومحمد يلبس الملابس مقلوبه ويرجع يفصخها
طلعت افنان من الحمام وهي لافه جسمها
افنان : طلعو بلبس
ريم : عادي لبسي جنبنا
افنان : اااه ياقليلة الحيا وش البس جنبكم
محمد : انا بغمض ماراح اشوف
ريم: حتى انا والله بغمض
افنان : اكيييييد ولا اقول تعالو
سحبتهم على السرير ............
يلا نامو على السرير وانا بغطيكم بالبطانيه
لاكن ياويلكم اذا شفت احط حاول بس حاول يطالع
وخاصه انتي ريمووووه فهمتي
ريم : سمعت خلاص اذوني بتنصمخ مادري وش بشوف
افنان : انطمي لأذبحك ودفنك بمكانك يالحماره انا ماتدرين وش بتشوفين هااااااااه
محمد : ليه تشوفيني انا وريم واحنا مانشوفك
افنان : لاني انا كبيره وعيب
ولاتسأل اسئله نفس كذا مره ثانيه
وكل ماسولفتو كل ما تأخرنا عن المدرسه
سكتو خوفاً من التأخير عن المدرسه
بدلت خلصت وسرحت شعر ريم بعد جهد جهيد عجبتها التسريحه وحمد لبسته ع السريع وتوجهو لمدارسهم
................................................
دخلت المدرسه استوقفتها وحده
:ساره ساره
ساره : هلا آمري
: كيفك غريبه جايه من غير صديقاتك
ساره وهي مستغربه من شخصية البنت اللي تكلمها
: اللحين بيجون بس اسفه ماعر.......
: انا شذى بثاني ثانوي ادبي
ساره بمجامله ومالها تكون علاقات:تشرفت
شذى : وانا اكثر
ساره : اسفه بروح الفصل ادخل اغراضي
شذى: اوكيه بش خلينا نشوفك
ساره : على خير يلا باي
شذى : باي
وهي تصعد الدرج وعقلها مو معاها مع شذى اللي ماتدري من وين طلعت لها مارتاحت لها وقلبها قارصها
ساره : مالت عليها على هالصبح من له خلق يسولف
: مين اللي له خلق يسولف
ساره : افنان والله خرعتيني
افنان : ههههههههههه صباح الخير ياوجه الخير
ساره : صباح النور والنوير
افنان : هذي الوجيه اللي يتصبح بوجها مو ريموه وحمود
ساره : ههههههه جد يعني وجهي يتصبح فيه انا ماشوف امي الا اذا شافتني ينقلب مزاجها
افنان : امك ماعندها سالفه
ساره : اقول انطمي ولاتغلطين عليها ماارضى
افنان : يوووووه بتتهاوش اقول غيري السالفه
الا تعالي وش فيك واقفه مع ازفت مخلوقه بالكون
ساره بإستغراب : مين
افنان : الملعونه شذى
ساره : ليه وش فيها
افنان : كل شباب الشرقيه تعرفهم
ساره : وانتي تفكريني خلاص صارت صديقتي
افنان : لاقلت انتي على النيه يمكن تعطينها وجه
ساره : ههههه هالنيه هاللي ذابحتني
افنان : وش رايك نمشي بالمدرسه الحلوه ندور لنا بنت نضحك عليها
ساره : ههههه ماحد يوسع صدري غيرك يلا
وراحو يكملون الضحك على اشكال البنات من الصباح
............................
بدت الحصه الاولى اغلبها مراجعات
اللي عندها سؤال سألة واللي مو فاهمه شي طلبت تشرحه لها المعلمه مره ثانيه الا وحده منفصله عن العالم بأكمله
جالسه ومستغربه من التطور سبحان الله في ظرف يومين
تقربنا من بعض وتتذكر كيف كان حالها يوم الاربعاء الصبح
ويوم السبت الصبح كيف الانسجام بينهم كبر وبسرعه
من غير حواجر معقوله يوم الجمعه قربنا من بعض
معقوله شنطه جذبت بيني وبينه < الملعونه شنطتي اكيد حست اني احبه وراحت له تقول خذها وفكني هههههه
ابتسمت على افكارها الغريبه وانتبهت لإبتسامتها صديقة عمرها اللي تدري بقصتها وبحبها الطفولي واللي كبر معاها بس التطورات ماتدري عنها
: وش فيك توزعين ابتسامات من الصبح
: على افكاري الغبيه
: الجوري تصدقين ولك الحشيمه انتي من زمان غبيه
علت صوتها شوي : افنان ووجع تكلمي مثل الأوادم لأذبحك
افنان : ههههههههه جد وش فيك
الجوري : اذا طلعنا فسحه بقولك
افنان : الله يستر
الجوري وكأنها تذكرت شي تمسكه على افنان : افنان..!
افنان وهي رافعه حاجبها المرسوم : خييير نبرتك ماعجبتني
الجوري : لابس بسألك وش فيك عصبتي يوم الخميس الليل
افنان وكأن مويه بارده صابتها عليها: انا ماااعصصبت ولااااشيي
الجوري بنبرة العياره : علينااااااا
افنان وسلاحها الوحيد في هالوقت الضحك : وش فيك هههه انا عصبت متى اقول شكل تفكيرك الغبي رجع لك
الجوري : احلى تصريفه ترى اعرف حركاتك انا مو توني مصادقتك من فتره يعني دارستك
افنان : في الفسحه اقول وطلعت لسانها وسكتت تنتبه لكلام المعلمه اما الجوري رجعت سرحت وهي مو عارفه اللي تسويه صح او خطآ
...................................
في مكان ثاني ماليه الهوا البارد اللي يصدره المكيف بعكس مشاعر ساكن هالمكان اللي ممتليه عصبيه وبركان ثاير وانفجار لو يطلع منه يفجر الكون بأكمله جالس بغرفته يتصنع النوم ولأول مره ماله خلق شغل وجلست الصبح وحاس انه اذا راح الشركه بيتذكرها والسبب اخوها اذا شافه اكيد راح يذكر اخته وهو يكذب على نفسه بجلوسه بالبيت راح ينساها .. الكل استغرب علامه وغريبه وماعمره غاب يوم واحد عن الشركه بس اللي صار اكبر من طاقته
: ياليتني مت ولاشفتك معه يالجوري اااه ياقلبي المجروح
انا اخر ايامي انجرح من بنت ولا بعد مع مين مع نواف النذل
ااااااااه بس لو يرجع الزمن لورى بس يوم كان افضحها واخليها تشوفني بس وش اسوي بطيبة هالقلب ... ااااااخ غبي وربي غبي
قام من سريره وهو يسب نفسه انه ستر عليها وعليه
وتمنى لو انه قايل لفهد
بعدها حن قلبه وقال انا وش دخلني وليه حارق عمري
كيفها لاني اخوها ولا ابوها براحتها
مشك راسه وشده : ااااااه ياراسي وش اسوي بعقلي مو نايم من امس هذي حالتي صبرك يارب
وفكر انه لو ياخذ له دوش يمكن يريح
طول بالحمام ولأول مره يطول عادته مايحب يطول
بس هالمره غييييييييير
: كيف انساها وش اسوي اعترف لها
لا وين اعترف اخاف تغتر علي
طيب اقول لها اني شفتها مستحيل كيف بقولها
طيب وش السوات يالييت اللي يسمعوني يعطوني حل
وجى حل بباله وقرر يسويه ومن غير مايعطي مجال لعقله يغير فكرته لبس ملابسه ونزل شاف امه سلم عليها وطلع وهو براسه شي ولازم يسوييه
....................................
فهد : جد ماجى لييه غريبه
ابو فيصل : علمي علمك مادري وش فيه
من رجعنا من بيتكم مزاجه مقفل
فهد : حتى امس على الغدا معصب ولااحد يكلمه
ويناظر نواف بنظرات مو حلوه
ابو فيصل : مادري وش سالفته هالولد مع ان نواف والنعم منه
فهد: أي والله الكل يشهد بأخلاقه
ابو فيصل : طيب انت كلمه وافهم السالفه يمكن يستحي يقولي وانا عمك
فهد: تامر اللحين ادق عليه يلا عمي انا طالع بروح مكتبي تامر على شي
ابو فيصل: ابد سلامتك بس لاتنسى كلم فيصل طيب
فهد : انا اللحين ادق عليه يلا سلام .. طلع من مكتب عمه وهو ينتظر رد فيصل عليه بس طلع مايرد بعدها قفله
فهد : اااااه يالملعون انا تقفله بوجهي اوريك
ورجع لمكتبه وهو متوعد لفيصل
..............................................
جات الفسحه وتعالت اصوات البنات
وساد صوت الضجيج في المدرسه من بعد ماكانت هدوووووء
جلسو بمكانهم المعتاد
افنان : وجات الفسحه يلا كل وحده تقولي وش فيها اولكم الجوري
الجوري: لاوالله لاانتي اول شي
افنان : لاقلت انتي يلا عاد
الجوري : طيب طيب بس شرط مايطلع لأي مخلوق كان
وكل وحده تقول اللي بقلبها اوكي
لجين +ساره+افنان : اوكي
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك