رواية كابرت بفراقك مع اني تألمت -6
جات الفسحه وتعالت اصوات البنات
وساد صوت الضجيج في المدرسه من بعد ماكانت هدوووووء
جلسو بمكانهم المعتاد
افنان : وجات الفسحه يلا كل وحده تقولي وش فيها اولكم الجوري
الجوري: لاوالله لاانتي اول شي
افنان : لاقلت انتي يلا عاد
الجوري : طيب طيب بس شرط مايطلع لأي مخلوق كان
وكل وحده تقول اللي بقلبها اوكي
لجين +ساره+افنان : اوكي
الجوري: للي مايعرف اني انا كنت احب ولد خالتي نواف من كنا صغار وتعروفون الظروف خلتني ابتعد عنه وهي ظروف اني كبرت وكذا الموهيم كبر حبه بقلبي والله العالم اني اموت فيه
وكل هذا وهو مو داري يوم الاربعاء سواقنا الكريم هههه
ماعبا السياره بنزين والكل تجمع على السياره منهم اللي قط كلمه وراح ومنهم اللي طلع من سيارته توجه لسواقنا
وطبعا سواقنا الملقوف ماخلى شي ماقاله والحمد لله اللي الله بعث لي فيصل وخافو منه وراحو خذني ووصلني وبعض الكلمات حسيته تزل لسانه معاي قلت يمكن يحبني بس بعدها قلت لاماتوقع وبعدها وصلت البيت وانا احس نفسي مكتومه فنزلت بسرعه من توتري نسيت شنطتي عنده وقلت لأمي قال بيجيبها ولاجابها الا الجمعه وووووو
افنان : ووووووو بعد الواو كملي
الجوري بحيا: قلت لايطلع
لجين : خلصينا قولي
الجوري: وانا كنت ابخر غرفة الطعام للرجال
فجأه دخل علي وربي وانا مادري انه بيجي
افنان : ياحسرتي عليك كملي
الجوري : ومن غبائي كنت اغني الطير للجسمي عرفتوها
ساره : طير يطيرك قولي آمين كملي مندمجين
الجوري: وانا اغني مالتفت وراي الاشفته لاصق فيني وفإيدي المبخر وقال لي هذي الاغنيه لي
وانا لولا هو كان احترقت لأني ناويه اترك المبخر من ايدي والحمد لله مسك ايدي ولاطاح
افنان : عمى بعينه كان ذبحته وانتي تقولين الحمد احترق اهون علي من ان رجال يلمسني
الجوري: بدى الحس الديني عند بعض الناس اقول انطمي
ساره : صج انطمي كملي
افنان : حاظر بنطم
الجوري : هههههه شوفوها تضحكني بتصرفاتها
افنان : بعد منطمه ولاسالمه منك
الجوري: الموهيم ومادري وش لون قلت له انا اللي ساجني حبك
وقربت منه وقرب مني وصار المشفر والمحظور
ساره : هاااااااااااااء جد والله
افنان : يوووووووووه طحتي من عيني ياقذره
لجين : الله يقرفك بجد لووووعه
الجوري وتجمعت الدموع بعيونها : طيب علموني وش اسوي
اموت انتحر وربي احبه ماحسيت بعمري
ساره وحن قلبها : قولي بسم الله ولاتصيحين ان شاءالله بنلقى حل
الجوري: المشكله اني حسيت ان احد شافني يوم التفت ماشفت احد
افنان: يمكن يتهيألك
الجوري: مادري والله مو قادره انام اذا كذا احتمال حتى ارسب الامتحانات مو عارفه اذاكر
لجين : شنو لالالالالالالا المذاكره كل يوم عند وحده
الجوري: طيب اللحين وصل لي الشنطه وفتحتها وشفت رقمه عندي
افنان : لعيييييين
ساره : طيب دقيتي عليه صح
الجوري تهز راسه بايه : واليوم رسل لي رساله بس ارتحت بمكالمته ريحني
لجين : طيب بيخطبك
الجوري: اكيد قال لي هو
ساره : اجل مبروووووك عادي هههههههه
الكل متفاجأ من افنتاحها وكأن سر الجوري عطها دافع تقول اللي بخاطرها
ساره : وش فيكم انا صار لي الاعظم
الكل ساكت ومنصدم
ساره وتجمعت الدموع بعيونها : لاتطالعوني كذا
جد صار لي الاعظم توني بعمر الزهور توه شبابي متفتح
اعتدو علي اولاد الله لايحللهم ولايبيحهم ويردها لهم باللي يعزونهم وقطوني نفس الكلبه
ومن يومها امي تنضني
وسالت دموعها : عادي ترى تعودت
انام مجروحه واصحى مجروحه لازم قبل لاانام دموعي تكون غاسله مخدتي تعودت
ماعمر هدا لي بال امي تقول انا سبب فضيحتهم وتتمنى موتي
الكل غرقت الدموع بعيونه من سر ساره اللي من طلعته حست بالراحه وان هم وزال من قلبها
افنان : الله كل هذا بقلبك
ساره : خلي اللي بالقلب بالقلب
افنان: احنا صديقاتك وش الفايده من وجود الصديقات اذا ماشاركوك همومك وحزنك
ساره: والله انكم مو مقصرين علي بشي
افنان: ياعمري عليك
لجين : على الاقل انتي عندك ام ولو كان وجودها يقثك
بس وجودها بالبيت له دور
عنك ابو وحنون عليك مو فاقدته وعمامك يبيعونك برخيص
عندك عايله خوان وخوات يجلسون معك ويعرفون همومك
اذا كنتي حزينه ولاسعيده تحسين بطعم لوجودك
الجوري: واحنا مو خواتك
لجين : وربي واكثر من خوات بس في اشياء ومواقف تتمنين وجود الاخت فيها تاخذين برايها تستشرينها بشي يخصك
افنان : واحنا استشرينا باللي تبين واحنا بنشوف اللي مصلحتك فيه
لجين : عندي عمام يتمنون موتي وموت جدتي علشان ايش
علشان فلوس وصخ دنيا يبغون ياخذون ورث ابوي
يبغون يعذبوني مع عيالهم كل واحد منهم يخطبني لولده اللي ماكمل دراسته واللي ماعنده الا الثانويه واللي فضايحه الكل يدري عنها والله متعذبه وجدتي ماتدوم لي اكيد بيجي يوم والله بياخذ امانته انا وش اسوي بذاك الوقت
ودمعة عيونها : لاجده تدافع عني ولاام مهتمه وناسيه ان عندها ام ولاابو يحضن منته ويمنع عنها اذى عمامها ولاصديقات
وغصت بهلكلمه : ولاصديقات يبقون لها بنتخرج ويمكن تنسون ان عندكم صديقه اسمها لجين
افنان + الجوري+ ساره : لااا لاتقولين كذا
ساره : مستحيل ننساك
افنان : او حتى نتركك
الجوري: بنظل صديقات الى الابد
افنان : وماراح تفرقنا المدرسه
ساره: وراح نكون حولك
الجوري: ونسمعك وتسمعينا
افنان : وانتو كل وحده تقول قصتها تبكينا معاها سمعو قصتي وبتضحكون من قلب
لجين : تكفين مشتهيه اضحك ههههه
الجوري: ههههه حتى انا
ساره : وش فينا صرنا مجانين نضحك ونبكي ههههه
افنان : عادي حلوه الهستره سمعو
ريم مطلعه روحي ومحمد اخاف يقلد اسلوبها ابو متعذب معانا
ام مهما الفلوس والمكانه اهل متبرين منا لان ابوي تزوج امي رغم عن اهله ويوم ضحى بأهله من شانه تركته وهو بأعز الحاجه لها صديقات احلى من العسل كل صديقه تسولف عن حياتها الا وحده ماتسولف الا عن اخوها وهو يهاوشها او متضايقه من كلامه
وماتدري بكلامه تولع نيران بداخلي من كلامها عنه حسيت ان عنده شخصيه غير عن الرجل الثانيين شفته ببيت صديقتي ومن يومها لاليلي ليل ولانهاري نهار افكر واسرح واحلم فيه وهو سيد احلامي حبيته ايييه حبيته لاتناظروني كذا ههههه تصدقون فنون حبت اللي بنظركم ماعندها احساس حبت وماحبت أي حد حبت فهد اخو الجوري ... قالتها وكلها حزن
اللي مايفكر حتى يطالع بوجهي لاني بنظره البنت الرجه اللي مافيها من النعومه شي البنت اللي مو مهتمه بحالها وغير كذا بنت فقــــــــــــر يعني بعيد علي
الجوري بين دموعها : والله منى عينه اللي بياخذك
افنان: ههههه اوما منى عينه لاتجاملين مين اللي بيتورط فيني
وإخواني
لجين : عمر الفقر ماكان عيب وان شاءالله يكون من صيبك
افنان : من قال ابيه مابيه خلاص
ساره مصدومه : مو على كيفك وان شاءالله تحبينه ويحبك وتتزوجون وناسه ههههه
افنان: بالحلم
شوي ورن الجرس
افنان تغير الموضوع : يلا رن الجرس
الجوري : اول مره من تصفر نقوم من مكانا
افنان : مالنا خلق هواش مع المعلمات
ساره حست بإحساس افنان : يلات قومو
لجين + الجوري+ افنان + ساره
قامو من مكانهم وكل وحده تحس نفسها اخف من قبل لانها طلعت كل اللي بقلبها وبصدمه من انها فهمت وعرفت اللي كان مخبا بكل وحده منهم وفرح لجلستهم مع بعض ولقربهم من بعض
وخوف من ان هالقعده تنفقد بعد شهر
مر اسبوع المراجعات بطيء على ابطالنا
اللي منشغل بالمذاكره واللي يفكر وين يسافر واللي الى الآن بالشركه ودافن روحه بالشغل يحاول ينسى وهو يتناسى لانه مستحيل ينسى الشخص اللي ملكه
يوم الخميس الساعه 10 الصباح
: يوووووه وش فيني مو مركز
طلعي من هنا .. ويأشر على راسه
خلاص خليني اشتغل
شوي تذكر شي وحس ان قلبه بيرتاح من هالشي وقرر انه يكمل شغله بسرعه ويروح للي تذكره وهو اصلا كيف نساه بس قبلها لازم ياخذ معاه شي
تحمس انه يكمل شغله على الساعه 1 لظهر خلص اشغاله كلها لانه احتمال الليل ماراح يكون موجود واول مره يحس الشغل ماتحبه رجع البيت خذ له غفوه ونام وبعدها تروش وتعطر وقال لأمه تشب له فحم وامه مو فاهمه عليه
: يما فهد ليه هالكشخه لايكون رايح تخطب
فهد : هههههههه اخطب والله ماجابتها امها اللي تخيليني اطلع عن شور اغلى انسانه بقلبي
ام فهد : عساني احضر عرسك واشوف عيالك
فهد : قريب ان شاءالله
ام فهد بصدمه : تتكلم صج يما ناوي تتزوج قولي ايه وهي جاهزه
فهد بإستغراب : مين تقصدين
ام فهد بفرحه : رنا بنت عمك بو فيصل
فهد اختفت ابتسامته ماكان حاطها بباله ان امه تفكر بـرنـــــآ
فهد : اذا جى وقته يصير خير يلا انا طالع
ام فهد بفرحه : بحفظ الرحمن
طلع فهد من البيت وهو مستغرب من تفكير امه : رنا ..؟؟
انا اعتبرها نفس الجوري عمري ماحطيتها زوجه اااه يايما ولدتي بعقلي مشكله مالها حل بين خاطرك وحبي اللي مانولد
لمتى هالقلب يتحمل وهو ساكت
.... تضايق بعد ماكان فرحان وتعوذ من ابليس وانطلق لمشواره اللي كان ناوي له وكاشخ له
ووجهه تغيرت ملامحه وعقله منشغل بين ناريين
راح يشتري شي للمكان اللي ناوي يروحه
ووصل البيت اللي ناوي له ع الساعه 6 ونص بعد المغرب
...................................
غرفته بارده من التكييف ومغطي كل جسمه بالبطانيه
والغرفه هدووووء الا من صوت جواله اللي يعلن اول ازعاج بالغرفه
حلس يتقلب بالفراش من صوت جواله اللي ازعجه
اخذه وجلس ظهره ورد بكل نوم
: الوووو وش تبغى ازعجتني
: نفذت اول خطوه
: وش سويت بشر تكفى سعود
سعود: مو بهسرعه بس تقول عرفتها وشافتها
وتعرفت عليها بالبدايه
: الحمد لله انها ضبطت اهم شي اول خطوه
سعود : تركي بقولك متى تعطيني الحبه من شان اعطيها
تركي: اصبر عليها اليوم راح توصل الحبه بس ياليت انا اعطيها بإيدي
سعود : لا ماتوقع تقدر الا اذا ادمنت
تركي : طيب انت تابع حالتها والتطورات وقولي طيب
سعود : طيب نتقابل اليوم بالشاليه طيب
تركي: اوكي يلا طس
سعود : وانت ههههههه
شكر من سعود وهو يحس بفرحه انه وصلل للي يبغاه
وبيتطمن قلبه اكيد لو شافها تترجاه
تركي : وش اسوي بالجوري اللحين انا
اكيد بتشك فيني يوووووه هذي نسيتها
بحاول القى لها صرفه
وبعدين شكت ولالا اهم ماعلي ان البنت تجيني
يوووووه وانا ليه افكر سعود قدها وبيصرفني
نفض الافكار السودا من راسه اخذ له شاور
ولبس وطلع وطبعا ماصلى ولاصلاه
.................................................. ......
انتهى البارت
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت السادس:-
وقف سيارته وهو مرتبك مو عارف وش يسوي
نزل من سيارته وبإيده اكياس
دور بعيونه على الجرس مالقى ابتسم بربكه
ونزل كيسه على الارض وطق الباب
وطلع له محمد
فهد : السلام عليكم يابطل
محمد فرحان وهو يشوف اللي بإيده : وعليكم السلام
فهد : وين اختك ر....
محمد : افنان افناااااااااااااان تعالي
افنان برجه ومن غير غطا: مين اللي على الباب اذا الاولاد يطقون وينحاشون ماعليك خلهم يولون
.. وهي تقرب جنب الباب وشافت فهد وانصدمت من وجوده
وارتبكت من الربكه مارجعت دخلت ظلت واقفه وترمش
وفهد مو افضل من حالها هو الثاني ارتبك منها ومن شكلها العفوي وطالعه تجنن بالبجامه اللي راسمه جسمها رسم وشعرها اللي منكوش واضح انه مو ممشط
وغير شكلها المصدوم ورموشها الكثيفه كل هذا انرسم بخيال فهد ومستحيل ينساه
ماحسو الا على محمد : افنان هذا فهد يبغاك
افنان برجه : ايه ادري
فهد مصدوم وعيونه لاشعوري توجهت له : تدرين عن ايش
افنان حست عمرها بدت تخبص : عن ايش ادري يووووه تفضل
وهي دخلت داخل ركض وقالت لمحمد يدخله المجلس
افنان : انا وش فيني على البقاره لايكون جاي يخطبني او يمكن مضيع بين بيتنا وبيت حبيبته لااااا اكيد انه جاي لي يوووووه وش هالثقه اقول اشوف محمد وش يقول
ومن الحظ ان ابوهم ماكان موجود بشغله
جهزت افنان ماتبقى من القهوه والشاي وجهزت العصير والماي وتحمد ربها ان ابوها امس معبي الثلاجه وقدرت ترقع
شوي الا اختها تربشها وتخرعها
: افناااانووووووووه
افنان بخرعه : يمااااا بسم الله الرحمن الرحيم خرعتيني ياحماره
اصغر عيالك افنانوه
: هههههههه عادي اصغر عيالي واخواني وكل شي
افنان : ريم تسنعي لابدله على راسك
ريم : طيب وش قاعده تسوين
افنان : عندنا ضيف
ريم وهي تتذكر الموعد : لاتقولين فهد
افنان بإستغراب : شلون عرفتي
ريم : ياغبيه هو قايل اسبوع الجاي بيجي لك ويختبرني
افنان وهي تتذكر : اهااااااا انا اقول ليه راز الفيس
ريم : تيس هو تيس بروح اقوله .. وركضت
افنان : تعالي والله لأذبحك ان صدتك قسم بالله لاأدفنك تعالي
سبقتها ريم ودخلت المجلس ومسكت عمرها افنان لاتدخل المجلس هي الثانيه وهي خلاص ودها تكسر البيت من اختها الفضيحه
ريم : هلا فهوووود
فهد بإستغراب : هلا فيك ريموووه
ريم بعصبيه : لو سمحت عمتك ريم
فهد بهمس : مادري من وين تجيب الكلام
ريم : ايش تقول
فهد : لااقول ذاكرتي تراني جايب كل هذا لك ولمحمد
ريم وهي منجنه على اللي بالكيس : ايه ذاكرت تخيل مانمت من يوم الخميس اللي فات بس اذاكر
فهد بيمشيها لها : لا لازم تنامين وليه جايه تركضين
قربت ريم منه وقالت: لحظه شوي
حمود اطلع برى كلام مايصلح لك
محمد : مو على كيفك انا الرجال
ريم : بتطلع ولااكفخ قدام فهوووود
فهد بإستغراب من هالبنت : عيب عليك خليه
ريم : لاتتدخل بين الاخوان
يلا قووووم اشوف وفصخت جزمتها ناويه ترميها عليه
لاكنه خاف وطلع ركض من المجلس بيروح يشتكي لأفنان
ريم : تدري اختي الغبيه الملسونه الحماره افنان وش تقول
فهد بعصبيه : عاد احترمي نفسك تراك مصختيها عيب تتكلمين على اختك كذا
ريم : لايكون تحبها تدافع عنها لو تسمع شتقول لي مساع
تقول انك تيس
فهد بصدمه وبربكه : ايييييييش انا تيس
افنان : كذابه يالغبيه قلت فيس مو تيس
فهد انصدم من دخول افنان بالعبايه عليه ومغطيه كلها
افنان: وبعدين ليه تقولين حق محمد : بكفخك هااااه تبغيني اعلمك الادب والتربيه
فهد : خلاص يوووووه ماعليك منها بزر
افنان : بهمس فشلتينا كذا قدام الرجال
وهي ماسكه صنيت القهوه والعصير لأن لامحمد ولا ريم يعرفون يشيلونها قربت من جنبه وحطتها على الارض
واللي ماانتبهت له ان نحرها بين من تحت النقاب يوم نزلت
وانتبه له فهد وجن جنونه
افنان ابتعدت بإرتباك : انا طالعه انا ومحمد اذا ناقصك أي شي قول لريم وتقولي يلا سلام
فهد : ياليتك تقعدين جنبنا ولاتروحين انا ابغاك انتي ماابغى لاريم ولامحمد ماسويت كل هذا الالك تكفين جلسي معي .. كان وده ينطقها بس لسانه انربط وسكت
ريم :يلا وش راح تختبرني
فهد صحى من خياله على صوت ريم : يلا انا جبت ورقه
وفيها ضرب وبعطيك دقايق على 10 مسائل ضرب
اذا حلتيهم لك جائزه
ريم : طيب يلا عطني
وبدى معاها وكل الهدف انها راح تعطل منها يفرحها هي ومحمد ومنها يشجعها ويعودها عليه لان اقرب طريق لقلب الطفل الالعاب والهدايا والحلوياااااات
انتهى معاها عليها بعض الأخطاء لاكنها روعه
وزع المسابقه مابين املاء ورياضايت وكلمات صعبه
وحروف وارقام بالانجليزي والحمد لله فازت
فهد : مشاءالله ممتازه
ريم : وناسه كل يوم سو لي اختبار
فهد : هههههههه لاصعبه كل يوم انا وراي شغل
ريم : طيب زورنا كل يوم
فهد : ههههه لا كل يوم بصير قثه .. اذا تفهمين
بس ان شاءالله بالإسبوع مره راح ازوركم
ريم راحت لعنده وحضنته : تدري من زمان ماحد جاب لي هديه
واول مره احس انها مو تبرع من احد لي
فهد حضنها وباس راسها : قومي نادي محمد بعطيه هديته
ومره ثانيه لاتقولين تبرع انتي نفس اختي في احد يتبرع لأخته
ريم : مشكور وراحت تركض تنادي محمد
ابتسم فهد على براءة تفكيرها على طولة لسانها الا انها تكون طفله وماتقول الا اللي تسمعه
دخلت ريم وجنبها محمد : تعال خذ هديتك
فهد : تعال اجلس هنا ... ويأشر على حضنه
شوف هذي الكيسه كلها لك لاتقول لا او استحي
محمد : مشكور بس افنان ماترضى تقول لاتاخذون صدقات من احد
فهد متعجب من هالافنان : ماعليك انا بقول لها يلا روح نادها
وخذ الكيسه محمد وريم خذت هداياها وباقي هديه
محمد : افنااااان افنان
افنان : نعم .. وبصدمه من وين لكم كل هذا
ريم : فزت بالمسابقه وعطاني جائزه انا ومحمد
محمد خاف من افنان وقال : هو يبغاك هناك
افنان : مين
محمد : فهد
افنان : وش يبغى طيب طيب لبست حجابها وراحت
من ورى الباب
افنان : آمر بغيت شي ناقصك شي سامحنا على القصور
فهد : مابدر منكم قصور افى والله قمتو بالواجب واكثر
افنان ماعرفت وش ترد وسكتت
فهد : احم اييييه انا طالعه وطلبتك لاتهاوشين العيال خليهم يفرحون وانا ماحبيت اجيبهم كذا اخاف تقولين مانقبل صدقات
خليتها تدرس ريم وجبتها وان شاءالله تفرحين فيها بالتخرج مشاءالله ذكيه وتحفظ بسرعه يلا انا طالع تامرون بشي
افنان: مايامر عليك ظالم
فهد : وعليك يلا فمان الله
وخل الكيس مكانه وطلع
يوم سمعت افنان صوت السياره دخلت المجلس
وهي مبتسمه : واااه وش فيني ماعرفت وش اقول
وهي بتشيل الصينيه الا انتبهت للكيس قالت يوم اكيد ناسيه
طبعا فضولها ماحب يترك الكيس من غير مايشوف شنو فيه وخاصه انه فخمه الكيسه
افنان : وش وراي خلينا نشوف وش فيها
فتحت الكيس وشافت كرت مكتوب فيه
ومسكت الكرت وفتحته وقرت المكتوب
.......
افنان هذي لك انا داري لو عطيتك ماراح تاخذينها وانا تركتها هنا
علشان تاخذينها واتمنى ماترديني وادري مو قد المقام
وسامحيني يوم اني ازعلك الاسبوع اللي فات وشدي حيلك بالاختبارات وبالتوفيق لك
فهــــــــــد
......
افنان حالها يتغير مع كل كلمه مكتوبه بالكرت
كبر حبه بقلبها وتغير بعينها وحبته وتعلن حبها للملاء
مو بس حب الا تعشقه الله يحفقظه ويخليه لاهله
وشدت على كلمة لأهله اكيد فكرني فيني كأخت
ونزلت دمعه من عيونها
وشلون بقاوم اشوفك مع غيري يومها اكيد اني بموت
مسحت دموعها وطلعت من المجلس ووصلت الصاله وشافت
ابوها توه داخل سلمت عليه وريم ومحمد فرحانين بالالعاب
بو محمد : من وين لكم كل هالالعاب
ريم : من فهد
افنان : يبا تعرف فهد ال....
بو محمد : والنعم والله انه رجال الى الان فضله هو واهله على راسي وش فيه
افنان : هو اللي شاري هذول
لانه يطلع اخو صديقتي وهو تحدى ريم و......... الخ
بو محمد : والله والنعم عسى ضيفتيه
افنان : يبا يعني تتوقعني بخلي ضيف من غير ضيافه
بو محمد : هذا العشم فيك وانا ابوك يلا خليهم يفروحون انا بروح اتوضأ لان المسج يقيم الصلاه
قام بو محمد وبعدها قامت افنان وراحت غرفتها
قفلت الباب وقرت الكلام مره ثانيه وهي دموعها تسيل
افنان : الله يهنيك
وفتحت العلبه المخمليه الحمرا اللي يبين ان اللي داخلها غالي
فتحت العلبه وانصدمت افنان من اللي بداخلها
.........................................
وهي تضحك على رسايل نواف اللي ماتخلص
وعلى حبه المجنون لها
: هههههه والله مجنون يقول لي ذاكري ويرسل لي كيف اذاكر والله ماعرف افتح الكتاب عقلي يامعك يامع المذاكره
نواف : ههههههههه لبى هالصوت والله اشتقت لك متى يارب يعدون هلاختبارات واجي اخطبك واقسم مافيني صبر
انصبغ لون وجه الجوري من كلامه : طيب انا بذاكر تامرني بشي
نواف : هههههه لاتخليني اجي جنب بيتكم اللحين وانجن واخطبك رسمي وليه التصريفات هاااه ههههه
الجوري:نواااااف
نواف : عيونه وقلبه وروحه آمري
الجوري: مايامر عليك ظالم يلا بذاكر
نواف : مع اني عارف انك ماراح تفتحينه بس علشاني اذا كنتي تحبيني ابغاك تذاكرين جد مو لعب اوكي وانا بسكر منك تامرين على شي
الجوري بحيا : سلامتك
نواف : الله يسلمك وانتي بعد يلا سلام
الجوري: سلام
سكر نواف من الجوري
الله لايحرمني منه مايدري بهالكلام بيخليني انسى ابو الاختبارات
وتطالع بالكتاب .. وانت قثه على القلب ماتخلي الواحد ياذخ راحته يوووووه تذكرت في مسأله ماني فاهمتها واكيد لجووون تعرفها بتصل عليها اشوف
.........................................
كانت جالسه بين اوراقها وكتبها ماكانت تذاكر لمادة السبت لا كانت تذاكر للمواد اللي راح تكون بوسط الاسبوع وصعبه عليها
رن جوالها وشافت اسم الجوري ابتسمت وردت
لجين : الووو
يتبع,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك