رواية كابرت بفراقك مع اني تألمت -7
كانت جالسه بين اوراقها وكتبها ماكانت تذاكر لمادة السبت لا كانت تذاكر للمواد اللي راح تكون بوسط الاسبوع وصعبه عليها
رن جوالها وشافت اسم الجوري ابتسمت وردت
لجين : الووو
الجوري: هلا والله
لجين : هلا بك
الجوري: كيفك وكيف الزفت معك
لجين : ههههه اوما زفت والله الحمد لله
الجوري: لجون حبيبتي عمري انتي ممكن اطلبك
لجين : بدينا بالتمييلح اوكي طلبي
الجوري: عندي مسأله بالكيمياء والله مو عارفه لها
تساعديني معليش
لجين : انتي غبيه ماتستوعبين بسرعه
خافت الجوري من لهجة لجين : بعد وش اسوي من سنع المعلمه هااااه بتشرحين ولالا لاتذلينا
لجين : ههههههه امزح معك خلاص تعالي انتظرك طيب
الجوري: ياعمري انتي والله تهبلين ووو..........
الجوري: لازم هالحركه كل مااكلمها تسكر بوجهي
على قولتها كله مجاملات ههههه انا اجامل حسبي الله على عدوينك
....... قامت الجوري تجهز لبست بنطلون جينز وتي شيرت بالاصفر بكحله سودا تعطرت خذت اغراضها اللي تحتاجها هناك من كتب واوراق واقلام اخذت عبايتها ونزلت تقول لأمها
وامها أي شي فيه مصلتحها ماراح تعارض
وركبت وراحت للجين
.................
ايه والله جالسه اذاكر ليه تبغين شي
شذى: ايه عندي لك سالفه معليش اجي بيتكم اقولها لك
ساره وهي مستحيه تردها وتخاف امها تفشلها : حياك بأي وقت
شذى بفرحه: اوكي دقايق واكون عندك تراني ماراح اطول يعني لاتسوين شي دقايق واطلع
ساره والسالفه شاغلتها : طيب انتي تعالي لانك بجد شغلتيني
شذى: ههههههه لا ان شاءالله دقايق واكون عندك
يلا باي
ساره بقرف من هالانسانه : باي
وش تبغى فيني هذي اقول لأفنان عنها لااا اخاف تتهاوش معاها خليني اشوف وش عندها وبعدها بقول لأفنان
......................
مصدومه من اللي تشوف
خااااتم الماس....!!
ومو أي خاتم روعه ويجنن طيب كيف عرف مقاسي
اكيد شافه يوووووه طيب ليه عطاني خاتم بذات
ياربي سترك والله مو فاهمه شي
... هذا حال افنان من فتحت الهديه اللي من فهد
شوي الا ينفتح الباب بسرعه :افنان افنان بابا نايم على الارض بجنب الحمام
افنان بصدمه : ايييييييييش وش فيه شنو تقولين
ريم : بسرعه قومي صحيه هو قال بيروح يصلي توضأ وابتسم لي ونام
افنان رمت الهديه بسريرها وبسرعه ركضت تشوف ابوها
وصلت لعنده والحمد لله كان فيه روح
بو محمد : يابنتي انا احس نفسي مو قادر اتحرك
ورحي احسها بتفارقني
افنان بدموع : لايبا انت سندنا وسند هالبيت
بو محمد مسح على وجه بنته: خلاص يايبا اذا جى ملك الموت ماحدن يرده كل اللي ابغاه منك اخوانك يابنتي حطي بالك عليهم
ربيهم احسن تربيه ابغاهم يقولون والنعم منهم
افنان ماقدرت تتحمل وطاحت بحضن ابوها : يباااااا تكفى لاتروح
بو محمد : شدي حيلك بالدراسه وجيبي الشهاده واشتغلي ووفري لخوانك كل شي يحتاجونه لاتخلينهم يحتاجون لأحد وانا ابوك
افنان : تاااااامر انت لحظه بدق على الاسعاف يبا تماسك
ريم ومحمد يصيحون ومو عارفين وش يسوون
بومحمد : تعــعـ ااالو جنب ابوكم
ريم ومحمد يجلسون جنب ابوهم
بو محمد : عيالي خلكم شطار ولاتطولون لسانكم وانتي ياريم لاتطولين لسانك ترى الناس ماتحب اللي يطولون لسانهم وقليلين ادب ابغاك تكونين ممتازه وتعلمين محمد الصح من الخطأ
هو الباقي لكم طيب
ريم : وانت يابابا وين بتروح
محمد : بيرح حق الله صح بابا
بو محمد بصعوبه : صص حح ياووولددددي
اشهد ان لاإله الاالله واشهد ان مححححمد رسسسسسسسول الله
تعلق عيونه بالسما وودع الحياه
ريم ومحمد يطالعون ابوهم
افنان تركض لجهة ابوها
افنان : يبااااااااااااااااااااااا تكفى لاتروح الاسعاف جاي والله يبا ماعرف وش اسوي من دونك
ريم : بابا بيروح عند الله
محمد : هو قال لنا
افنان : يباااااااااا ارجوك لاتروح لاتحملني فوق طاقتي
تكفى والله اموت من بعدك تعبت والله تعبت اتحمل مسئولايات مو قدها الله يخليك لاتتركنا نضيييع من دونك
لاكن ماتسمع من ابوها رد يشفي غليلها
طاحت بحضنه هي و اخوانها يبكون على اخر سند لهم
بعد ربع ساعه وصل الاسعاف طبعا الجيران ماقصرو
عيالهم ساعدو الاسعاف في الدخول للبيت وبناتهم
جلسو يواسون افنان اللي صراخها شايل البيت ودموعها ماوقفت
وهي تسمع صدى صوت ابوها
بو محمد : شدي حيلك بالدراسه وجيبي الشهاده واشتغلي ووفري لخوانك كل شي يحتاجونه لاتخلينهم يحتاجون لأحد وانا ابوك
افنان : اااااااااااه ياابوي والله ماعرف وش اسوي بغيبتك
وقفت شوي وطالعت باللكل اللي عندها
ليه تطالعوني ابوي مامات قال بيروح يصلي مامات
كان فرحنا بألعاب ريم ومحمد ماماااااات قال بيصلي وبيرجع
ليه تسووون عزا برى برىآآآآآآآآآآآآآآآآآآ
انتي يلا قومي برى ليه جالسه جنبي كلكم برى مابغى اشوف احد برىآآآآآآآآآآآآآآآآآآآآآآآآآآآآآآآ
طلع الكل من عندها على طول طاحت على سريرها تبكي ااااااااه ياابوي ياسندي رحت ومارتحت انا سبب عذابك
انا اللي ماريحتك ليتني اشتغلت وتركت الدراسه
ليتني طعتك بالايام اللي فاتت ولازعلتك
سامحني يبا سامحني
هلا والله بالجوري تو مانور البيت
الجوري: منور فيك هاه عندكم احد
لجين : لابس عمتي وجدتي
الجوري : يووووه كان قلتيلي كشخت لبسي مبهذل
لجين لاتفصخين عبايتك خليها سلمي وصعدي معي فوق
الجوري: طيب
دخلو لجين والجوري على العمه والجده
سلمت عليهم الجوري وصعدت فوق
مع لجين
في الغرفه لجين :حياك جلسي ترى البيت بيتك مو غريبه تراك
الجوري بثقه : ادري ههههههههه لاتخافين باخذ راحتي وزود
شوي الا جوال الجوري يعلن عن صوت مسج
لجين : بدينا هنا للدراسه فقط
الجوري : طيب هههههه بس حاب يتطمن وصلت ولالا
لجين : بعد ههههههه عشنا وشفنا اوكي يلا قوليلي وش تحبين تشربين
الجوري: عصير برتقال بالببسي ههههههه
بعد ايش اشرب كالعاده عصير فراوله
لجين : هههه قلت يمكن غيرتي طيب ثواني وانا اجيك
نزلت لجين تحت والجوري جلست تشوف غرفت لجين وتتعبث بأغراضها
...........................
يما خالد تعال شوف لجين
خالد : طيب اذا وصلت البيت بقولك
ام خالد : اوكي عطني رنه طيب
خالد : ان شاءالله
ام خالد : يلا نتبه لعمرك فمان الله
خالد : ان شاءالله فمان الكريم
وش فيك مين تكلم
خالد : امي بتخليني اشوف بنت خالي
: يوووووه امك بعد مطاوعتك ليه تشوفها اخطبها وبس
خالد : هههههه يانواف حاب اتأكد
نواف: براحتك بس حبيت اعطيك رايي
خالد : هههههه وش فيك عصبت خلاص لاتزعل يلا اانا رايح تامرني بشي
نواف : هههههه سلامتك بس حبيت اقولك لاتطول بشوفه
خالد : هههه طيب طيب يلا اشوفك على خير سلام
مايدري ليه حس بنغزه بقلبه من روحة خالد
وتمنى لو انه يمنعه من شوفت البنت
نواف : وش فيني على راحته هو واهله
وانا وش مجلسني هنا خلني اقوم اصرف لي
شغل سيارته ومشى
.....................................
ليه بس دقايق وراجعه
: قلت لا يعني لا فتحي كتبك وذاكري
يماااااا ابغى اروح ضروري
: شذى وبعدين قلت لايعني لا
شذى: وانا وش اللي يخليني اسمع كلامك
انا رايحه غصب عليك
ام شذى : تعالي اكلمك شـــــــذىآ
طلعت شذى ولاهتمت لأمها
ام شذى : روحي جعل الله لايردك من بنت شقيتيني وتعبتيني
تروحين وترجعين في سيارات اول مره اشوفها الله لايردك قولي آمين
طلعت شذى مع سعود
شذى:هااااااااي
سعود : تأخرتي
شذى:الملعونه مو راضيه اطلع
سعود عرف انها تقصد امها لانها دايم تسميها كذا
: هههههههه ملعونه مره وحده
شذى : تولي عن وجهي
سعود : يلا مشينا ولاتنسين اللي قلت لك طيب
شذى من عيوني تامر
وهم بالطريق ماقدر يسيطر سعود على عقله اللي تلف من كثر المخدارت وحس بدوخه ولانه توه متعاطي ابره
شذى : سعود وش فيك كنا بنصدم
سعود : لا بس راسي اللحين احسن
وهو كان يسولف مع شذى مانتبه لـ الشاحنه اللي مرت بوجهه
وهو صدم فيها وتقلبت السياره والتمت الناس على السياره
ووصلت الاسعاف والكل تجمع بيحاول ينقذ حياة الموجودين فيها
.........................
يوه تأخرت هذي انا الغبيه اللي عطيتها مجال
مرام : وش فيك تحاتين
ساره : والله جالسه انتظر بنت بتمرني
مرام : مين .؟!!
ساره : شذى مادري وش تبي
مرام : متى تعرفتي عليها ولهدرجه تمون عليك
تجي تزورك
ساره : مادري عنها استحيت اردها قالت تبغاني بشي ضروري وماجات
مرام : ان شاءالله ماتجي هههههه مادري ليه قلبي ناغزني منها
ام سلمان : وش جايبه معك مصيبه ثانيه
مرام : يما ايش تقولين انتي
ام سلمان : إسأليها هي اللي مايجي منها الا المصايب
ساره طلعت من الصاله وراحت غرفتها وهي الدمعه بعيونها
مرام : يماااا ليه تقسين عليها والله انها تكسر الخاطر
ام سلمان : تركيها عنك تسوي حركات تبغانا نسامحها لاكن مو مسامحتها مادام راسي يشم الهوى ولاني راضيه عليها فشلتنا ووطت روسنا وهدمت مستقبلك شوفي حالتك من غير زوج ولااحد طق بابك
مرام تحسست من الموضوع : اللي مايبغاني منشان اختي انا ماابغييييييه وسكري هالموضوع
تركت مرام امها وراحت لعند اختها تواسيها وتخفف عنها
وهي مو عارفه كيف تخفف عن اللي بصدرها
..............................
هلا يما وصلت
ام خالد : شوف بخليها تنزل بالمجلس بقول لها تجيب شي وانتن من النافذه شوفها طيب اذا قلت لك شوفها شوفها طيب
خالد : ههههههه طيب ماتحسين ان احنا مجرمين
ام خالد : عن الملاقه ويلا برن لك رنه رح لها طيب بش شوفها لاتدخل
خالد :طيب طيب
سكرت ام خالد من خالد
ودقت على جوال لجين
رن جوال لجين بجنب الجوري ويوم شافت ان المتصل عمتي
ردت بعفويه
الجوري : هلا
ام خالد : لجين حبيبتي روحي المجلس شوفي نظارتي هناك مضيعتها مادري وين
الجوري حبت تساعدها : طيب ثواني واشوفها تامرين
ام خالد مالاحظت الصوت : ياعمري عليك يلا انتظرك
نزلت الجوري تحت وشافت الخدامه قالت لها وين المجلس قالت لها هنا وكملت مشي وشغلت الانوار
الا ام خالد في هالوقت كانت رنت لولدها يوم سمعت صوت باب المجلس ينفتح
خالد كان على النافذه يشوف
وانبهر بعفوية وجمال اللي قدامه
كانت بعينه مو بس روعه الملاك بعينه
ومن انبهاره مو قادر يتحرك جلس يوشفها وهي تمشي بالمجلس وكأنها تدور علي شي
وبعدها لقتيه وطفت الانوار وطلعت
هو ماكان حاس بحاله الا يوم عم الظلام وماصار يشوف شي
طلع من البيت وهو مستانس
دق على امه وقال من اللحين خطبيها لي ولاتطلعين الا ماخذه الموافقه طيب
ام خالد : ههههههه انجنيت ياولدي اترك البنت تكمل دراستها وتخلص الثانويه ويصير خير
خالد : وش يصبرني انا الى بعد الاختبارات
ام خالد : علامك ياولدي لهدرجه عجبتك
خالد : فوق ماتتصورين والله
ام خالد : الله يسخرها لك يارب
يلا اخليك ياولدي ومرني بعد ساعه طيب
خالد: تامرين يلا سلام
سكر من هنا الا رن جوال خالد برقم غريب من هنا
خالد بإستغراب : الو
: السلام عليكم
خالد : وعليكم السلام مين معي
: معك الدكتور وليد من مستشفى .....
خالد : عسى ماشر اخوي
وليد : اخوك سعود سوى حادث وكان بالحادث معه بنت
البنت ماتت اما اخوك الحمد لله انقذناااه
خالد : ايييييييييييييش اخوي اللحين انا جايكم مع السلامه
....................................
انتهى البارت
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء السابع:-
جلست من نومتها مفزوعه وتتعوذ من ابليس
وتتمنى اللي صار لها حلم مو حقيقه
لاكن دخلت ريم ومحمد عليها يبكون
عرفت انه واقع وتمنت الموت ولا تنحط بالظرف الصعب
ريم: افنان خايفه
محمد : وبابا مو هنا يمكن يجينا حرامي
افنان : ياقلبي انتو تعالو نامو معي وان شاءالله الحرامي اذا جى بضربه وبنخوفه اوكي بس بعد الى 10 واذا سمعت صوت بخليه اللي يتكلم ينام باصاله لحاله
ريم : اوكي
محمد : انا بنام بس ضميني
افنان غرقت عيونها وانا مين يضمني هاااه مين جاوبوني
: تعالي ياروح اختك وانتِ بعد تعالي .. وضمتهم
من يوم ورايح احنا مع بعض ومافيه هواش ومانرضى لأي حد يتصدق علينا او يتبرع اوكي
وصيرو شطار ونحقق اللي طلبه من ابوي < وغصت بكلمتها
وان شاءالله راح نقدر
وعلشان ماتصيح قدامهم كملت
يلا بعد 1 ..2...3...4..5..6..7..8..9...10
نامو خوانها ونامت هي بعد ماحست بثقل على اكتافها
ودعت لأبوها بالرحمه : الله يرحمه ويدخله الجنه من اوسع ابوابها
.................................
صباح اليوم الثاني
على الساعه 10
يما وين بتروحين
ام سلمان : بروح اعزي على وحده مسكينه مات ابوها وهو اللي باقي لهم
مرام : طيب وين امها
ام سلمان : حسبي الله عليها تزوجت من زمان غير الابو وتركت العيال عليه وراحت وهو ضحى بأهله علشانها
مرام : ياعمري عليها طيب المراه كبيره ولاصغيره
ام سلمان: والله اللي عرفته من جارتنا انها بعمر اللي ماتتسمى سوير
مرام: يما حرام عليك تقولين عنها كذا
ام سلمان: فكينا من طاريها
ساره: يمااااا تكفين قوليلي البنت من عايلة ال....
ام سلمان: وش عليك عساها من عايلة ابليس لاتتدخلين
ساره : تكفييييين طلبتك قولي أي ولا لا
مرام حست بساره: يما تكفين من هذي العايله ولا
لاء تكفين
ام سلمان: وش فيكم مادري وش دراني دقت علي وقالت لي واحد ميت وعنده بنات وماعندهم احد
ساره جلست تصيح
مرام: يما تكفين كلمي جارتنا
ام سلمان: ليه كل هذا تكلمو خوفتوني
مرام مسكت يد امها : هذا التيليفون تكفييين دقي عليها
ام سلمان : الله يعيني اشوف ادق عليها
ام سلمان :السلام عليكم هلا والله
: ايه جاهزه بس حبيت اقولك
:من عايلة ايش الميت
:اها الله يرحمه يلا انا طالعه لك دقايق يلا سلام
مرام + ساره : قولي يما وش قالت
ام سلمان ونزلت عيونها بالارض
نفس العايله اللي قلتيها
صرخت صرخه ساره : لاآآآآآآآآآآآآآآآآآآآآآآآآآآ
ياربي كيف حالها وجلست تصيح من بقى لها بالدنيا
الكل تركها الله يرحمك ياعمي
ام سلمان : وش السالفه فهموني
مرام : اللي مات يصير ابو صديقة ساره
ساره :يما تكفين مالها ترى غيرنا خليني اروح تكفين
ام سلمان ماقدرت تتكلم:يلا جهزي بسرعه دقيقه وانتي على الباب
ساره: ان شاءالله
لبست عابيتها وارسلت رساله للجين والجوري ان ابو افنان عطاكم عمره والمفروض نكون حولينها وانها هي راحت وتنتظرهم هناكـ طلعت من البيت وشافت امها وجارتهم
سلمت عليهم وتوجهو لبيت افنان اللي مافيه احد حولها
...............................
رن جوالها يعلن عن مسج كان ظنها انه نواف
لاكنها استغربت يوم شافت المرسل سااااره
وانصدمت من اللي بالرساله ونزلت دمعتها لاشعوري
افناااااان ابوها ماااااااات من بقى لها ياعمري عليها
شوي الا رن جوالها وكان هالمره نغمت اتصال مو رساله
واللي متصل لجين
الجوري وصوتها مبحوح من الصياح: الووو
لجين ماتقل عنها حال: وصلتك الرساله
الجوري وتكمل البكي : اييييييه الله يعينها مسكينه
لجين : المفروض مانتركها لحالها
الجوري: جهزي عمرك انا بمرك نروح لها
لجين بصعوبه : والله الابو عزوه
الجوري: قولي الله يرحمه وادعي له بالمغفره
لجين : الله يرحمه ويرحم جميع اموات المسلمين
الجوري: آمين يلا جهزي عمرك اوكي لازم مانتركها
لجين : طيب بس رني لي رنه وانا اطلع لك اوكي
الجوري : اوكي يلا سلام
لجين : سلام
رمت الجوري الجوال بعيد عنها وجلست تبكي بصوت مسموع
...................................
مادري وش ردة فعلها يوم شافت الخاتم
ياليت تفهم قصدي مع اني مااتوقع
يااااااارب يسر ولاتعسر
ودخل الحمام يتروش ويتجهز لصلاة الجمعه
طلع من الحمام على الساعه 10 ونص
لبس ثوبه وشماغه تعطر واخذ ساعته ومفاتيحه وجواله
وطلع من غرفته وهو مار من جنب غرفة الجوري سمعها تقول
: قولي الله يرحمه وادعي له بالمغفره
استغرب مين اللي ميت وكان راح يفتح الباب الا سمع صوتها يعلى في البكا استغرب وهذا الشي دفعه ان يدخل ويعرف السالفه
فهد : الجوري وش فيك تبكين
الجوري شافت اخوها وزادت في الصياح : ابو صديقتي مات
فهد كأنه رتاح شوي : استغفري ربك كلنا بنموت
الجوري: مابقى لها حد مسكينه هي بتتحمل هم اخوانها
فهد ونغزه قلبه : طيب من بنته هي علشان نقوم بالواجب
الجوري : بنت ال.......... اللي وصلناها بيتهم المره اللي فاتت
فهد انصطدم وعوره قلبه على حالها اللي مابعد كبرت وجاتها الهموم والمشاكل على قلبها
: انا لله وإنا إليه راجعون الله يرحمه ويغفر له
الجوري رجعت تصييييييح : والله هي ماتتحمل تكابر
فهد : استغفر ربك وقومي انا بوديك وبروح اصلي وبعد الصلاه باخذك
الجوري : لااااا انا راح اظل معاها اليوم كله
فهد براحتك بس يلا قومي علشان اوصلك والحق على الصلاه
الجوري : طيب دقايق واكون جاهزه
فهد : طيب انتظرك
طلع فهد من عندها وسكر الباب وراه
: الله يرحمه كيف حالك اللحين ياافنان ااااااه ياقلبي عليك
الله يصبرها يارب
..................................
رن جوالها برنه وعرفت انها تحت
نزلت ع السريع وقالت لجدتها ان ابو صديقتها متوفي ورايحه تعزي
وقالت لها يمكن تطول هناك
الجده : الله الله فيها يما
هذي يتيمة الاب صبروها مو تصيحون وياها
لجين: ان شاءالله يما يلا انا طالعه
باست راسها وطلعت
الجده : بحفظ الله يابنتي
شافت سيارة فهد ركبت وسلمت
لجين : السلام عليكم
فهد + الجوري : وعليكم السلام
فهد : عظم الله اجرك
لجين : اجرنا واجرك
فهد بنفسه : المفروض تعزوني انا بأفنان اللي الله اعلم كيف حالها
فهد : شوفو انا اللحين بوصلكم واذا بترجعون دقو علي وانا اجي اذكم طيب
الجوري بصوت مبحوح : طيب
فهد : وشوفيها اذا محتاجيين شي او ناقصهم شي قولي لي وانا اجيبه لهم اوكي
الجوري : اوكي انت نزلنا وبعد الصلاه جيب لهم ماي وعصير
يمكن يجيهم حد لان مساكين ماعندهم حد يشتري لهم
فهد : ان شاءالله يلا كلها دقايق ونوصل
................................
طق طق طق
ام سلمان : يمكن مافيه حد البيت
الجاره :اللي اعرفه مالهم حد بالدنيا وين بيرحون
ام سلمان : ساره سوير
ساره :نعم يما
ام سلمان: طقي الباب اقوى يمكن ترد
ساره : كسرت الباب مايفتحون
الجاره: كملي يما طقي الباب الى مايفتحون اذا مافتحو بنرجع
وكملو طق ولااحد يرد عليهم
...................................
في هالوقت كانت افنان وريم ومحمد ضامين نفسهم بالزاويه ويصيحون وافنان ترجف
ريم : افنان هذا حرامي
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك