رواية كابرت بفراقك مع اني تألمت -8
طق طق طق
ام سلمان : يمكن مافيه حد البيت
الجاره :اللي اعرفه مالهم حد بالدنيا وين بيرحون
ام سلمان : ساره سوير
ساره :نعم يما
ام سلمان: طقي الباب اقوى يمكن ترد
ساره : كسرت الباب مايفتحون
الجاره: كملي يما طقي الباب الى مايفتحون اذا مافتحو بنرجع
وكملو طق ولااحد يرد عليهم
...................................
في هالوقت كانت افنان وريم ومحمد ضامين نفسهم بالزاويه ويصيحون وافنان ترجف
ريم : افنان هذا حرامي
افنان : ماعليك ماراح نفتح الباب لأي حد
محمد : يمكن ياكلنا
افنان : لا ماياكل بس ماراح نفتح اللحين بيروح
وزادت طقات الباب وهنا توترت اكثر
افنان: انا بروح اشوف مين
ريم : اخاف ياكلك او يسرقك
افنان : يمكن ارتاح من هالدينا وهالهم اللي على قلبي
مشت افنان وخذت حجابها
ووصلت عند الباب ودموع بعيونها تذكرت ابوها يوم كان مايرضى هي تفتح الباب حتى لو كان نايم
هالذكرى هزت افنان من شعرها الى ظفر رجلها
ولاشعوري فتحت الباب وشافت قدامها ثلاث حريم
وتقدمت وحده لها وضمتها وهمست لها عظم الله اجرك
افنان هنا جن جنونها وهي موبوعيها قالت : على مين عظم الله اجري
زاد بكى ساره : لاتسوين بنفسك كذا
افنان بعدتها عنها بقوه : لاتقولين عظم الله اجرك لان ماعندنا احد ميت
ام سلمان : وابوك وانا امك هو مات من امس
افنان بصراخ : ابوي ماماااااات ابوي عايش بس بعد شوي بيجي ابوي عاااااااايش مامات ليه تقولون كذا والله حرام عليكم
ونزلت دموعها ابوي مامات عاااااايش
وصلت بهلوقت سيارة فهد ولاحظو الصراخ واللي كانو على الباب
الجوري : افناااااااااااان
نزلت الجوري من قبل لاتوقف السياره
ولحقتها لجييين
افنان : لاتكلموني ولا ابغى اشوفكم تركوني
انا انولدت من غير ام تحضني بقدر اكمل حياتي من غير ابو يسندني طلعو من حياتي ماابغاااااااكم
الجوري ركضت لأفنان وحضنتها بأقوى ماعندها
الجوري بصوت مخنوق : هدي ياقلبي انتي ومايصير الا اللي تبغين
افنان هدت : الجوري ماابغى احد ليه تزدوني جرح واوجاااااع
كفايه والله تعبت ولاني قادره اتحمل
لجين : سمي بالله وتعوذي من ابليس يالغاليه كلنا عندك
انسحبو ام سلمان وجارتها من هالموقف وكلن دمعته بعينه
الا من شخص كان يراقب وتمنى في هالحظه شي
انه يمسح دموعها ويضمها لصدره ويدفنها فيه ويقول لها هنا سكني وهنا فرحي وهنا ابكي وهنا تدلعي
كانت راح تنزل دمعه من عيونه بس مسكها على اخر لحظه
قد ايش صعب تعشق انسان في قلبك وهو يكون محتاجك ولاتقدر تحضنه او تخفف عليه
صعب انه يبكي قدامك ويصارخ ويتوجع وانت ماتقدر تمسح دموعه وتخفف عليه
هذا كان شعور فهد وماحس بوقفته الا لما سمع صوت باب البيت يتسكر
ركب سيارته وتوجه لصلاة الجمعه بس نسى شي
نسى قلبه عندها يداريها ويحتويها
.............................
تخيلو وصاني على نفسي وعلى اخواني
قال لي ربيهم احسن تربيه
قالي مااخليهم يحتاجون لأحد قالي ابغى الكل يثني عليهم
وصاني بدراستي واني اشتغل واوفر كل اللي يحتاجونه
والله ياابوي حملتني فوق طاقتي
الجوري: ادعي له بالرحمه ماينفع له الا الدعاء
لجين : وتأكدي مات وهو راضي عليك
ساره : وتشهد وان شاءالله يدخل الجنه بلا حساب ولاعقاب
الجوري : اكلتي شي
افنان : مالي نفس
الجوري تضمها لها : عمري انتي والله اليوم كله انا عندك وبنام معك
ساره : حتى انا بنام عندك انا امي خلقه تبغى الفكه مني
لجين : انا قلت لجدتي بطول واللحين بدق وبقول لها بنام عندك
افنان : لااااااا روحو بيوتكم لاتسببون مشاكل لأنفسكم
ساره : ياحلاة المشاكل اللي من وراك عسل على قلبي
الجوري : ترى اللحين بدق على فهد يجيب لنا غدى
افنان مع طاري فهد سرحت وصاحها من سرحانها صوت لجين
لجين : وراح تاكلين
ساره : حرام عليك شوفي اخوانك مو ماكليين شي واذا بكيتي يبكون معك
افنان حضنتهم لها : الله لايحرمني منكم ولامن وجودكم حواليي
الجوري : ولامنك بس هاااااه لازم تاكلين
لجين : انا بقوم اسوي لك عصير ليمون يروق اعصابك
ساره : وانا راح اسوي لك شي خفيف تاكلينه على مايجي الغدا
افنان : والله كثير مالي نفس
لجين : ولااسمع لك كلمه
ساره : يلا لجوووون
الجوري : بلا دلع ويلا غرفتك تروشي وصلي واقري قران وان شاءالله تهدأ نفسك وانا راح اروش حمودي وريوم
افنان : بتعبكم معي اس....
الجوري : عيب عليك يابنت انتي تتعبينا انا داريه اللحين بتقولين شفقه ويشتغل عندك الحس العاطفي مالك هذا احنا خوات ومابينا هالاشياء
افنان :مشك....
الجوري : ولااسمع لك كلمه يلا قومي لسى جالسه
يلااااااا
افنان ارسمت على شفايفها ابتسامه وباست خد الجوري : الله لايحرمني منك
الجوري انحرجت : هههههه ولو هههههههه
دخلت افنان الغرفه وشافت الخاتم على التسريحه
: يوووووه الحمد لله اني شفته بخبيه قبل لاينتبهون له وتصير سالفه
تروشت ولبست شي خفيف
طلعت من الحمام شافت العصير والتوست
ابتسمت هذول صديقات عمرها أي صديقات الا خوات دربها
روحها وحياتها بوجودهم هي ماتدري من دونهم وش راحخ تسوي اكلت نص التوست وشربت العصير حست انه جد روق اعصابها صلت ودعت لأبوها وهي بصلاتها بكت وبكت من قلب وهي تدعي له قرت قران وطلبت لأبوها الرحمه بعدها
ماحست بعمرها الا وهي نايمه
...................................
خالد:بشر يادكتور كيف وضعه
الحمد لله اللحين احسن وراح يجلس عندنا كم يوم من نكشف عليه بس في شي مو متأكدين منه
خالد : قول يادكتور وش فيه سعود
الدكتور : يمكن اخوك مدمن مخدرات
خالد مصدوم : اييييييش ماقدر يتحمل وجلس على الارض
الدكتور : المخدارت هي سبب الحادث لان اخوك واللي واضح معانا انه كان متعاطي وساق السياره وتعرف المخدارت تذهب العقل وصار اللي صااااار
خالد : انا لله وانا اليه راجعون دخيلك لااحد يدري بالسالفه
الدكتور : اكيييد بس بعد نكشف عليه راح نرسله لمستشفى الامل يعالجونه
خالد : مستشفى الامل .....!!
الدكتور : لان اخوك وصل لمرحلة الابر
خالد : حسبي الله على عيال الحرام
الدكتور : ادعي له بالهدايه والشفاء العاجل
خالد : الله يشفيه طيب ممكن ادخل اشوفه
الدكتور : اكيد تفضل بس لاتتعبه بالكلام
خالد : ان شاءالله مشكور دكتور
الدكتور : ولو لاشكر على واجب
دخل خالد على اخوه اللي كان تعبان من الحادث بس الحمد لله ماصار له شي
خالد : الحمد لله على سلامتك
سعود بصعوبه : اللـ ه يسلـ مك
قام خالد وعطاه مويه
خالد : بل ريقك
خالد : ان شاءالله احسن اللحين
سعود : اللي معي ماتت
خالد نزل راسه : ريح نفسك الله يرحمها
سعود : انا السبب انا السبب
خالد : تعوذ من ابليس وانا اخوك
سعود : لمتى انا سبب في ضياع البنات
اغتصبت بنت من يوم عمري 17 واللحين ذبحت بنت
خالد مصدوم : ايييييييييييييييش
سعود ودموعه نزلت : اييييه اخت سلمان كان متهاوش معانا وكنا
نشرب زقاير وكان يقول للمدير عنا انا وتركي ويوم عرفنا انه هو اغتصبنا اخته وهي طالعه من المدرسه
خالد مصدوم : الله اكبر عليكم كل هذا سوتوه
سعود : انا مدمن ياخالد مدمن
خالد بحسره : ادري قال لي الدكتور
سعود انصدم : وبنفضح
خالد : انت تستاهل الذبح وش ذنبها البنت تغتصبها
سعود : طيييييش الله يلعن بليس
خالد : اللحين انت راح يكشفون عليك وبعدها بنقلونك مستشفى الامل يعالجونك
سعود : لااااا مستشفى الامل لاااااااا
خالد : مو على كيفك واسمع انا بقول لأمي انك مسافر فهمت
سعود : دخيييييلك تكفى الا مستشفى الامل
خالد : انا طالع وراح اكون على اتصال مع الدكتور
سعود : خالد خالد خااااااااالد
طلع خالد وسكر الباب وهو مصعب من اخوه بس مايقدر يسوي شي لانه وصيه من المرحوم ابوه
تعوذ من ابليس وراح يقول لأمه ان اخوه مسافر يمكن يطول على مايرجع طلع وهو شايل هم اخوه وهو عارف اللي
صاير له من دلع امه له
طلع من صلاة الجمعه وهو بسيارته رن جواله
الجوري : السلام عليكم
فهد : وعليكم السلام
الجوري : تقبل الله
فهد: منا ومنك
الجوري: فهد بطلبك
فهد : امري خييييير
الجوري : ممكن تجيب لنا غدا
فهد : اوكي تامرين بس أي مطعم
الجوري : أي شي لان افنان ماكلت شي من امس
فهد قلبه يدق من طاريها ويرتبك
فهد : اهاا طيب اذا وصلت بدق عليك
الجوري : اوكي واسفه اذا تعبتك
فهد : يلا سلام
الجوري: سلام
سكرت الجوري منه
ساره : مين كنتي تكلمين فهد اخوك
الجوري : اييه واااااه جامد ابد مافيه كيفك شي
ساره : ههههههه هو كذا من زمان
الجوري: بس اليوم المفروض يكون ظرف خاص
لجين : قصرو صوتكم افنان نايمه
ساره بصوت خفيف مكمله ضحك : هههههههههه
الجوري : لاتعصبيني بجد بنرفز اسلوبه
لجين : وش فيكم
ساره : تخيلي كلمت فهد ورد عليها برد بايخ
قال بيجيب غدا بس تقول جف بأسلوبه شوفي شكلها وهي معصبه والله يضحك هههههههه
لجين : يعني انتي جديده هالحركه عليك
الجوري: هالمره مو جاف لازعلان يعني تحسين هو اللي ميت له احد
ساره : يووووه يعني اول مره هالنبره
الجوري : اييه اقولك زعلااااااان
لجين : الله يعين الا تعالي ريم ومحمد من وين لهم كل هالالعاب
الجوري : مادري لحظه اسأل ريم
الجوري : ريم ريييييييم ياريييييم
ريم : نعم
الجوري : الللله لعبتك حلوه من وين لك
ريم : من فهد
الجوري+ ساره + لجين : اييييييش
ريم ضحكت على اشكالهم : هههههه ايه زوجك اللي وصلنا بيتنا معك تذكرين يوم يقولي بسوي لك مسابقه فزت وجاب لي هدايا
الجوري تذكرت : اهااا وانا راح ضني بعيد طيب وبعدين تعالي مين قالك انه زوجي هذا اخوي
ريم : حظك عندك اخو يجيب هدايا
الجوري : الا من قرادة حظي لانه اخوي خلاص روحي لعبي
تعالو فهد عمره مااهتم للبزارين
لجين : يمكن على قولتها تحدي
ساره : والله اخوك كريم بعد ههههههه
الجوري : لجين سكتيها بس تضحك اليوم لادفنها
لجين : سكتي انتي بعد فضحتينا
: وش فيكم ازعجتونا بس تضحكون
ساره بحيا : اسفه جلست اضحك على الحبيب المتيم
افنان : وش حبيبه
لجين: الحبيب العاشق اللي شكله اليوم زعلان على بعض الناس
الجوري:انا اشوف قافله معه الاخ طلع من شانها
افنان : ميييييين تقصدون
الجوري : اخوي
لجين : عريس الغفله
ساره : فهد
افنان ارتبكت : ومن قال اصلا اني احبه
الجوري : لاوالله نسينا
افنان تصرف : طيب طيب وين اخواني
لجين : اللله اول كل تسبينهم وتضربينهم اللحين وين اخواني علييناااااااااا
ساره : ههههههههه تطورات
افنان تجاهلتهم ومشت تشوف اخوانها وانصدمت من اشكالهم
محمد صاير مرتب شكله ومسويين شعره سبايكي بالجل
وريم : شعرها فيه جل كيرلي ويجنن
افنان : ايش الحلاوه هذي
ريم ومحمد : ههههههههه
ريم : هذي الجوري لبستنا وسوت شعرنا
محمد : انا حلو صاير نفس الاعبيين الاجانب
افنان : هههه لاعبين بعد ههههه
طيب تغديتو
ريم : سمعت ان الجوري دقت على اخوها فهد
افنان ارتجفت من ذكراه : ااهااا
بالصاله مكان ماالبنات موجودين
الجوري كانت ترسل رسايل لنواف تقوله انه بتنام بيت صديقتها اللي ابوها متوفي وكل من البنات خبر اهله والكل رضو لانها وحيييده رن جوال الجوري وقالت له على اللي يبغونه البنات
ووصلت لافنان : افنان وش تبين
افنان بإرتباك :عادي أي شي
فهد :قولي لها بلا دلع وخليها تقولك وش تبي
الجوري: افنان يقولك فهد بلادلع وقولي وش تبين
افنان بعصبيه : قولي له ماابغى شي
الجوري : سمعت
فهد : طيب يلا سلام
الجوري : مو جايب لها شي ماعليك جيب لها أي شي
فهد : طيب يلا دقايق وانا على الباب
سكر فهد من الجوري وهو يتوعد بأفنان
.........................
انتهى البارت
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت الثامن:-
كان نايم ولاهو داري عن اللي صار هو صحيح فقد صديقه
بس مايدري وش سبب غيابه امس عن السهره مكمل نومه وماصحاه الا صوت جواله يعلن عن اتصال طنش بالبدايـــه بعدها
رن جواله بإصرار قام وهو معصب على الازعاج
ورد بصوت كله عصبيه وطفش
:الووووووو
رد عليه صوت مو غريب بس التعب واضح بصوته علشان كذا ماعرفه
: تركي
تركي: ايه نعم انا تركي مين معي
: معك صديق عمرك
تركي : سعوووووووود ..؟!
سعود: اييه انا سعود
تركي: وينك امس ماشنفاك فاتتك السهره
والله الجو خيال ......
تعال تعال وش فيه صوتك متغير
سعود : صار لي حادث
تركي انصدم من اللي سمعه : اييييييييش
سعود : والبنت اللي راح توصلنا للي تبغاها ماتت
تركي انصدم اكثر بهلخبر: تكفى لاتكمل وش هالاخبار
من جدك يااااااااااااااااه بين يوم وليله تغير كل شي
وبعدين ماتت ماماتت ماعليك منها عندها اهل
انا اللي هامني اللحين انت سالم
سعوووود : انا اللحين بمستشفى الأمل
مستشفى الأمل
مستشفى الأمل
هالكلمه رنت براس تركي واثرت بعقله : أأاانت ششتقوووووووول الامل مره وحده
سعود بصوت تعبان والرجفه بانت بصوته : اييييييه مستشفى الامل بعد الحادث حبو بتطمنون علي وسوو لي تحليل واكتشفو المخدارت بدمي
تركي بصدمه : طيب ليه رضيت لهم .. ووقف على طوله وجلس يصارخ
تركي: انت غبي لابالله غبي شلون تروح لهم وتوافق
انك تتعالج اقول لاتكذب اكيد تمزح تعال لي ابغاك
سعود وهو يصييييح من الالم اللي يحس فيه : والله مااكذب عليك انا اللحين نقلوني من المستشفى اللي كنت فيها الى الامل واحس بجسمي يتكسر احس بمووووت مو قادر اتحمل
تركي : طيب بخطط لك تطلع منها بهربك منها بس لاتجلس تكفى
سعود : لاياتركي خلاص هذي اخر مكالمه اكلمك فيها
قبل العلاج يمكن
تركي انجن وبصراخ قال : انت غبي ماتفهم اقولك لاتتعالج تعال معي مين لي بعدك
سعود : تعال تعالج معي والله الناس الموجوده هنا سمحه ووجيها تبشر بالخير
تركي : انا اتعالج مستحيييييييل
سعود : يلا انتبه لعمرك وعلى فكره قالو لي تعرف احد قلت لا
ابغاك انت تجي من عمرك ماابغى حد يغصبك
الله يهديك فمان الله
تركي : لحظه لحظه يعني خلاص مافيه سعووود كم مدة العلاج
سعود : على حسب مدى تقبلي للعلاج يالسنه يـ9 شهور از 6 شهور
تركي : اللللللللللله كل هالمده تكفى مالي غيرك
سعود : انا بتعالج وبتغير بس ادعو لي ان الله يعيني
واذا سألوك اخوياي قول سافر طيب سلام
تركي : سععععوووووود سعووووووود اكلمك الووووو
ماسمع صوت سعود يرد عليه من عصبيته ورجفته
رمى الجوال اللي بإيده على الجدار
: غبببببببببي شلون يتورط ويورطني معاه
هذا سعود وراح والبنت وراحت
من قال ان البنت راحت لالالالالالالا
مو على كيفهم سعود راح براحته اما البنت مستحيل اضيعها
مستحيييييييييييييل صدع راسه وبدى يرجف
راح لدولاب ملابسه وطلع له من الصندوق حبه تريح دماغه
خذها وهو بضنه بتهديه ومايدري انها تزيد الطين بلللله
.............................
هلا اييييه طيب قلنا طيب باي
لجين : وش فيك
الجوري: وصل الغدا
افنان : يلا انا رايحه ارتب غرفتي
ساره : والغدا
لجين : ترى حاسبينك
الجوري: اقول تعالي معي
وخذتها معاها ومانتظرتها ترد عليها
وعند الباب فتحت الجوري الباب
فهد : مسكي هذا لك ولصدقاتك
الجوري : مشكور
فهد لحظه لاتسكرين الباب طيب
الجوري مستغربه: لييييييه
فهد : من غير ليييييه لحظه
افنان : يلا خلاص عطيني اساعدك
الجوري لحظه يقول بيجيب
.......الللله ايش هذا
افنان من صدمت الجوري حبت تشوف ايش اللي كانت تطالعه
شافت رجال فيه كل معنى الجوله كان شكله مبهذل ومصفط الأكمام وباين عليه الحوسه وينزل اغراض كثير من سيارته
وجبهته تنزل عرق تدل على انه تعب وطول يومه تحت الشمس
سكر باب السياره وتوجه للباب افنان انتبهت انه قرب بعدت عن الباب وفهد كان مشغول بالأغراض مانتبه للي ضاعت بملامحه
قرب للجوري وافنان بعدت عن الجوري
فهد : يوووووه وش هالحر شوفي هذا كله لأفنان
عطيها اياااه وان دريت انك فتحتيه بتشوفين شي عمرك ماشفتيه
الجوري بصدمه : طيب ليه ايش هذا
فهد اغراض للبيت تدرين مساكين ماعندهم احد يساعدهم
كلمة مساكين جرحت افنان من الوريد الى الوريد
افنان : خذ اغراضك ورجعهم مكان ماخذتهم
ماحنا محتاجين صدقات من حد واذا على الاغراض مشكور مانبغى شي منك وكانت راح ترجع تدخل البيت
وفقها صوته : عظم الله اجرك
افنان غرقت دموعها من صوته اللي يزلزلها : اجرنا واجرك
خذ الاغراض والله يسهل دروبك
دخلت تركض لداخل البيت ماتبغاهم يشوفون دموعها
بعد ماسمعو صوت الباب وهو يتسكر
فهد : ليه ماقلتيلي انها هنا
الجوري : انا وش دراني عنك انك ماتعرف تتكلم
فهد عصب زياده : تكلمي عدل لأعدلك
الجوري خافت وحبت تبرر: انا جبتها من شان تساعدني لانها كانت راح تدخل غرفتها واذا جلست لحالها بتتذكر ابوها وانا ماصدقت تحسنت حالتها وابتسمت
فهد حس بالذنب: قولي لها اني اسف
الجوري: اعرفها عنيييييده وراسها يابس وتنجرح لو حست ان الناس تعاملها على انها يتيمه
فهد رجع لعصبيته : خذي لي درب
الجوري بصدمه : اييييييش
فهد : تفهمين اسباني خذي لي درب
الجوري بخوف : طيب طيب
راحت الجوري تركض لداخل البيت : لجين وساره دخلو عند افنان فهد بيدخل
لجين وساره بانت الصدمه على وجيههم
لجين : اييييييش وش فيه اخوك انجن
ساره : انا توني شايفه افنان تمشي مستعجله على غرفتها ناديتها ماردت علي
الجوري : وش دراني اناا .. ماكملت كلمتها الا صوت فهد يجيها
فهد : احم احم دخلت بجلس عليكم بموت من الحر
هم من سمعو صوته دخلو ركض على غرفة افنان
وفهد دخل الاغراض اللي بيده المطبخ بعد ماعلمته الجوري مكان المطبخ ويييين وهو طالع من المطبخ شافته ريم وجات تركض لحضنه : عمري انتي كيفك وحشتيني
ريم : واضح ماشفناك من زمان
فهد : اااااه يالملعونه امس شايفتني
ريم : هههههه والله ماحسيت بسرعه
فهد : وش هالذرابه ماكمل كلمته الا لمح محمد جاي له يركض
نزل ريم من حضنه ودفن محمد هو الثاني بحضنه وكل هذا والجوري تشوف هالموقف وقد ايش محمد ريم تعلقو فيه
وحست ان فهد يحب افنان بس مو متأكده من مشاعر اخوها بالضبط لانه كل وقت له مزاج وتصرفاته تعكس مزاجه
ريم : تعال لنا كل يوم اللحين ماعندنا ابو ولااخو انت صير ابونا واخونا
فهد وكأن هالحلم يتمناه : بهمس ياليت ماسمعته الا ريم
ريم : خلاص بزوجك اختي افنان وتعيش معنا على طول
فهد بدى صوته يرجف ويعرق من جديد : ههههه بهمس شوفي بعطيك شي بالكيسه عطيه افنان اختك طيب ولاتفتحينه اذا فتحتيه ماراح اجيكم ولااجيب لك العاب
ريم بحماس : طيب
مسك فهد ايد ريم من يد وايد محمد من يده الثانيه وخذاهم على سيارته وطلع الكيس اللي قال لهم عنه بعد ماعطوهم تحذيرات وكيف يعطونها من غير مايشوفونه صديقاتها
دخلهم البيت وسكر الباب وراه وركب سيارته وهو يتمنى ان اللي في باله يصير
......................................
افنان ووجع اكلمك
افنان : نعم خيييييير امري
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك