رواية ليتك ترجع واروح معك -7
محمد: وش سالفة المتزوجين اليوم كل ساعة واحد انسحب
عبدالله: هههه أي صدق وش قصتكم تبون تلحقون على شيء قبل أذان الفجر
البنات استحوا
عبدالعزيز: يا ربي ع التفكير الوسخ نروح أحسن لنا من مجالسكم
عبدالله: تتبرأ من مجالستنا وإذا جلست مرة ثانية يا ويلك
محمد: الحين أحنا وسخين ياالـ.... بكون أحسن منك ولأني بقايلها
عبدالعزيز: مع السلامة لا تقولون كلام أكثر ويأخذون البنات عنكم فكرة سيئة
عبدالله: تصدق أني نسيت أنهم معنا
محمد: أي والله يلا سلام ولا تنسى تقول لنا شنو صار معك وشوي شوي على أختي
عبدالعزيز: بس باي
محمد: هههههه أقول عبدالله لا تنسى بكرا وغمز له
عبدالله: أكيد ماني بناسي
والبنات يطالعون في بعض
وسن: يلا بنات لا يزيدونها
مي: أي يلا بسرعة
وقاموا البنات
عبدالله: وين رايحين
منار: بنروح نجهز أغراضنا ونتوضأ على ما يأذن
محمد: إذا كذا سامحنكم يلا سلام
البنات كلهم: وعليكم السلام
وأذن الفجر وصلوا وناموا
ومع مرور الأيام والأسابيع والشهور ومرور سنتين
محمد تزوج مرام وعندهم ولد اسمه عبدالله
عبدالله تزوج صبا وعندهم بنت اسمها سما
منار تزوجت رائد وهي حامل
رنا تزوجت طارق وعندها بنت اسمها رهف
خالد تزوج عهد وهي حامل
ريما وفيصل عندهم ولد اسمه عبدالله وبنت اسمها فيء
عبدالعزيز ولمى عندهم توأم أولاد أسماءهم راكان وريان
وسن ومي وأسيل وبيان تخرجوا من المدرسة من الثانوي
صبا ومرام وريما تخرجوا من الجامعة
مي خطبها بدر
أسيل خطبها احمد
بيان خطبها علي
واليوم عرسهم والكل يتجهز من جهة
وسن: لو سمحتي بسرعة خلصي الساعة 5
الكوافيرة: طيب ما باقي شيء
مي: وسن جوعانة
وسن: قولي شنو مشتهية
مي: أي شيء
وسن: طيب
..........................
بيان: عهد الساعة 5 باقي كثير على العرس
عهد: أقول روحي جهزي أخوك بدر
بيان: حلفي بس
عهد: والله ههه
بيان: ماني ناقصة ملاغتك طلعي لا تشوفين شيء
عهد: طيب بطلع باي
بيان:بايات
........................
أسيل: يايمه جهزتي فستاني
أم أسيل: أي يا بنتي لا تخافين جهزت كل شيء
أسيل: طيب
.........................
وراحوا كلهم الصالة وجاءت الساعة 12 وبيدخلون
بدأت الموسيقى ودخلت أول وحدة مي وصلت للمسرح دخلت بعدها على طول أسيل وأول ما وصلت المسرح دخلت بيان
وكان الكل مستانس ويرقص
وطبعا في كل مرة وسن تهديهم أغنية وبدت الموسيقى
يا يمه حبيته يا يمه حبيته
قلبي تعلق فيه زفوني لبيته
زفوني فرحة علي بالحنا
حنو أيدي حلفتكم
يا هلي بشروني بكلمة
بشره وخيره أن ما أكون أنا له أو ما أبي غيره
لو كان هو جنتي أو ناري بدنيتي
ما احد على بعيشتي بقربه يا يمه
لو تحرموا عيني بلقى أنا صورته بدمي وشراييني
أنا عطيته وعد أبقى معه للأبد
لو جاني موتي بعد بالروح بضمه
يا يمه حبيته يا يمه حبيته
................................
وجاء اليوم الثاني
وقت وصول نواف
نواف ما تكلمنا عنه
خلص دراسته ورجع عشان يشتغل في شركة أبوه ويتزوج وسن
وكان الكل موجود في بيت بو خالد وجاء من المطار وسلموا عليه
وكانوا جالسين في صالة وحدة
نواف: اسمعوا ما أبي أي احتجاج العرس يوم الخميس صبرت سنتين خلاص يكفي وأنا سألت وسن وقالت أنها جهزت أغراضها كلها والقاعة حجزتها والفرقة والعشاء وكل شيء
بوخالد: ليه ما قلت لنا من قبل
نواف: يبه خلاص أنا خلصت كل شيء بس عليكم تحضرون وأنا الحين بروح ارتاح
بوخالد: على راحتك دامك أنت والعروس موافقين ماعندنا كلام
وباس رأس أبوه : شكرا يا أحلى أبو في الدنيا
أم خالد: يا الله ارتاح على ما يجهز العشاء
نواف: أن شاء الله
ومر الأسبوع بسرعة
وجاء يوم العرس وكان الكل مشغول في جهة
الشباب يجهزون الصالة
والرجال يشوفون العشاء والقهوة والشاي
والبنات كلهم في المشاغل
والحريم يجهزون أغراضهم في البيوت
وجاء وقت المغرب صلوا
أم محمد: ريما ولمى انتبهوا ع أختكم أنا بروح للقاعة أشوف التجهيزات
ريما: أن شاء الله يمه تطمني
لمى: يمه هاذي اختنا لا توصين عليها هي في عيوننا
وسن: وأنا بيصير فيني شيء كل السالفة بعرس
أم محمد: الحين تقولين كذا لكن بعدين
وسن: خلاص يمه ما راح يصير شيء
أم محمد: يلا سلام
الكل: وعليكم السلام
نواف : أقول صبا عاد مو تنسيني مع سما
صبا: أن شاء الله خلني أنومها واجيك
نواف: طيب لا تتأخرين لان المسيرة بعد صلاة العشاء على طول
صبا: طيب طيب
وقامت صبا تنوم بنتها
أم خالد : وش فيك مستعجل في العجلة الندامة
نواف: لا يمه لا تقولين كذا بس لأني مستانس فعشان كذا أبي كل شيء يصير بسرعة
أبو خالد: اهجد وأنا أبوك بتتزوج وبنشوف عيالك وأحفادك بعد
نواف: أن شاء الله يبه تأمروني بشيء بروح أتجهز
أبو خالد: لا ما يأمر عليك عدو بس أنا وأمك بنسبقكم للقاعة ونشوف التجهيزات
أم خالد: عاد اهجدوا في المسيرة مو تسرعون
نواف: طيب يلا سلام
الكل: وعليكم السلام
توجهوا الحريم والرجال للقاعة
أما البنات بعد ساعة بيلحقونهم والشباب بيروحون المسيرة ماعدا محمد عشان بيودي خواته للقاعة
مي: يلا منور ومرام خلصوا وخلصوا عيالكم بنروح للقاعة مبكر
منار: أنا ما باقي لي شيء
مرام: حتى أنا
منار: طيب قولي للسواق يودينا لان الشباب كلهم في المسيرة
مرام: لا محمد بيجي يأخذنا
مي: اهاا اوك يلا بروح أصلي والبس فستاني وانتم بعد
وراحت كل وحدة غرفتها تصلي وتلبس
............................
عهد: أقول بيان يلا خلصي خلينا نروح مع أمي وأبوي لان رجالنا بيرحون للمسيرة وبعدين ما في احد يودينا
بيان: طيب دقايق واخلص
عهد: يمه أحنا بنروح معكم انتظرونا
الأم: أن شاء الله بس لا تتأخرون أبوك بيصلي وبيجي
عهد: أن شاء الله
وتجهزوا وكانوا ينتظرون أبوهم
....................................
أم أسيل: يمه خلصتي أبوك بيجي من المسجد وبنروح
أسيل : أي يمه ولبست عبايتي بعد
ونفس الشيء كانت تنتظر أبوها
.................................
رنا: ها يمه أنا خلصت وأنتي
أم رنا: أي يمه خلصت بس باقي أبوك يجي
رنا: أنا بنتظر تحت سلام
أم رنا: وعليكم السلام
..................................
لمى: يلا وسن محمد ينتظر برا
وسن: يلا أنا جيت
ريما: ما نسيتوا شيء
لمى: لا الحمدالله
وركبوا السيارة وسلموا على محمد وركبت ريما قدام لأنها الكبيرة وخذوا في طريقهم صبا وبعدها مرام ومنار ومي
في المسيرة
السيارة الأولى
عبدالعزيز: ها يالمعرس شنو شعورك
نواف: مستانس وخايف بنفس الوقت أحس في شيء ماسك قلبي
عبدالعزيز: تصدق نفس الشعور
عبدالله: أقول هذا بدال ما تهديه بس تصدقون حتى أنا أحس في شيء بيصير
...................................
السيارة الثانية
طارق ورائد وفيصل
طارق : والله وكبرت يا نواف
رائد: أي صدقت تذكر يوم يجي مع عبدالعزيز الشركة ويلعب فيها
فيصل: أقول مو هو اللي كبر انتو اللي كبرتوا وعجزتوا
طارق: طالع الطريق أحسن لك
فيصل: يا حلو التصريفة
رائد: شوفوا شنو صار
والتفتوا كلهم
...................................
السيارة الثالثة
احمد وبدر وعلي
احمد: يلا أي أغنية تبون
بدر: اممممممم
علي: أقول بلا تفكير أي شيء حلو
بدر: شباب شوفوا
والتفتوا
...................................
والسيارة الرابعة كان خالد لحاله
والسيارات اللي بعدهم أصدقائهم وأقاربهم
..................................
عبدالعزيز: منو هذا من وين طلع
عبدالله: انتبه لا يجيك من الجنب هذا شكله ناوي على شر
نواف: ما قلت لكم بيصير شيء
عبدالعزيز: خلاص اهجد خلنا ننتبه للطريق
نواف: كيف اهجد وهذا يوم عرسي اليوم اللي راح نجتمع أنا ووسن فيه اهجد وأنا حلمي أني أتزوجها يوم جاء يوم الزواج أموت لا وقام يصيح اسمعوا إذا مت وصلوا لوسن أني أحبها وأنها تعيش حياتها لا تفكر فيني أنا ما قدرت أوفي لها هجرتها أنا ما استاهلها
عبدالعزيز: عن هالكلام أن شاء الله ربك بيعديها
عبدالله: ذكروا الله
الكل: لا اله ألا الله محمد رسول الله
والسيارة اللي كانت تلاحقهم جاتهم من الجنب وصقعتهم صقعة قوية وعلى أثرها انقلبوا خمس مرات وانحاش اللي صقعهم
فيصل: لا
ونزلوا كلهم يركضون اللي راح لهم واللي اتصل على الإسعاف
خالد: وينهم أنا ما أشوف ألا عبدالله
فيصل: خالد أهدى أن شاء الله ما فيهم شيء
وكل يحاول من جهة وجات المطافي وطلعوهم وركبوهم الإسعاف ولحقوهم للمستشفى
فيصل اتصل على محمد
فيصل : الو سلام
محمد: وعليكم السلام
فيصل: وينكم فيه
محمد: أحنا رايحين للقاعة
فيصل سكت
محمد: شنو صاير تكلم
فيصل: أنا بقول لك بس لا توضح للبنات نزلهم للبيت وتعال أحنا في المستشفى
محمد: طيب خلاص ربع ساعة وأنا عندكم
فيصل: طيب يلا مع السلامة
.....................................
وسن: شنو صاير نواف فيه شيء
محمد: لا ما فيه شيء بس
وسن: بس شنو
محمد: الكوشة ما ركبوها الحين جابوها فعشان كذا بوديكم لبيتنا على ما تخلص
ريما: طيب خلاص ودنا للبيت وبعد ساعة نروح للقاعة
محمد: اوك
ووصلوا للبيت ونزلوا كلهم
ووصل الخبر للرجال ابوطارق وابو رائد وابو بدر وابو احمد وابو علي وقالوا لحريمهم
أبو طارق: يلا روحي شيلي زينتك وخلينا نروح للقاعة نخبرهم
أم طارق: أن شاء الله الله يصبرهم
..............................
أم رائد وهي تصيح : الله يصبرك يا وسن
بو رائد: يلا أنا انتظرك في السيارة
أم رائد: أن شاء الله
.............................
أم بدر: اللهم اجعلهم آخر الأحزان
ألا في نزول بيان وعهد
بيان: شنو صاير يمه ليه تصيحين
بو بدر: نواف وعبدالعزيز وعبدا لله صار عليهم حادث
وصرخوا عهد: يبه أنت شنو تقول
بو بدر: اللي سمعتيه امسحوا زينتكم عشان نروح لهم في البيت
بيان وهي تصيح : أن شاء الله يبه
واسحبوا نفسهم وراحوا يغيرون ملابسهم ويسمحون المكياج
........................................
رنا: لا يمه أن شاء الله شيء بسيط
أم رنا: يا بنتي اذكري الله وروحي غيري عشان نروح لهم
رنا: لا اله ألا الله أن شاء الله بغير بسرعة
.................................
أم أسيل: يا بنتي خلاص اهدي خلينا نروح لهم
أسيل وهي تمسح دموعها: أن شاء الله يمه
.................................
وراحوا بو طارق وبورائد مع حريمهم للقاعة عشان يخبرونهم
بو طارق: بو خالد بو عبدالله تعالوا اجلسوا بقول لكم
بو عبدالله : أمر وش بغيتو
بو طارق و بو رائد يتلفتون
بو خالد: وش فيكم تكلموا
بورائد: بصراحة العيال صار لهم حادث
بو خالد: ها وش قلت
بو طارق: اللي سمعته
بو عبدالله: أي مستشفى هم الحين
بو رائد: يلا أنا بوديكم لهناك
بو خالد: يلا بسرعة
وركبوا السيارة وهم يدعون أن ما صار لهم شيء
بوطارق كان ينتظر الحريم عشان يوصلهم
دخلت أم طارق ووراها أم رائد ونادوا أم عبدالله وأم خالد وأم محمد
أم طارق: ما في عرس
أم خالد: شنو تقولين
أم خالد: ليه شنو صار
أم رائد: صلوا ع النبي وذكروا الله
الكل: اللهم صل وسلم عليه .. لا اله ألا الله
أم محمد: تكلمي وقفتي قلوبنا
أم طارق : العيال وهم في المسيرة صار لهم حادث
أم محمد: أي عيال
أم رائد وهي تصيح: نواف وعبدالعزيز وعبدا لله
أم محمد: وش صار عليهم
أم رائد: ما بعد توصل الأخبار بس هم في المستشفى
أم خالد وأم عبدالله طاحوا ع الأرض امسكوهم أم رائد وأم طارق ولبسوهم عبايتهم
أم محمد:لبست عبايتها وخبرت المسؤولين باانهم الغوا العرس
ووصلهم بو طارق للبيت ووصلوا معاهم عائلة أسيل ورنا وبيان وعهد
....................................
محمد: لو سمحت في حادث صار وينهم
الممرض: في العمليات
محمد: شكرا
ووصل وبالموت وصل لهم من الزحمة
محمد: خالد ها شنو قالوا
خالد: لما الحين في العمليات ما في احد طلع
محمد: أن شاء الله خير
خالد: أن شاء الله
ألا في وصول الرجال
بو خالد : شنو قالوا لكم
محمد: عمي أهدى لما الحين في العمليات ادعي لهم
وجلسوه ع الكرسي ونفس الشيء بو عبدالله جالس يصيح ما تحرك وكلهم ينتظرون الدكتور يطلع لهم
...............................
دخلوا الكل : سلام عليكم
الكل: وعليكم السلام
وسن: يمه شفيكم ليه جيتو كلكم ووجيهكم صفراء كأنكم في عزاء مو كأن اليوم عرس بنتك دلوعتك
أم محمد قامت تصيح
ريما: تكلموا شنو صاير
أم طارق : العيال صار عليهم حادث
وسن: أي عيال لا تقولون نواف
أم طارق مسكتها: اذكري الله
وسن: لا اله ألا الله
ريما: من صار عليه حادث
أم طارق: عبدالعزيز
صرخوا لمى وصبا : لا
و عبدالله
طاحوا مرام ومي ومنار وصبا
وووو
ريما: ومين
أم طارق: ونواف
وسن تطالع فيهم والباقي يصيحون
صبا: أخواني وزوجي في يوم واحد
لمى: آه يارب
مي: لا عبدالله ما صار له شيء
منار: أي أنتي تكذبين
أما مرام تصيح في هدوء
أم رائد: يا بنات الحين هم في العمليات ما ندري عنهم شيء
وسن راحت تركض لغرفتها ألحقوها بيان وأسيل
وسن: انتظروا برا لأحد يدخل
بيان: طيب
غيرت وسن فستانها ومسحت مكياجها وطلعت من الغرفة
أسيل: خلصتي
وسن: أي خلصت
ونزلوا تحت
وسن: أقول بس لا تصيحون أن شاء الله مو صاير عليهم شيء لما الحين في العمليات قوموا غيروا ملابسكم العرس تأجل الأسبوع الجاي
كل قام يطالع في وسن وقوموا يصيحون من داخلهم وغيروا ملابسهم وجلسوا ينتظرون اتصالات الرجال
.....................................
فيصل: ما صارت هاذي عملية
ألا الدكتور طالع وكلهم جاءوا يركضون قدامه
الدكتور: عبدالله الحمدالله ما صار له شيء بس كسر في الحوض ورجله وجبرناهم له وشهر بالكثير هو طالع من المستشفى وعبدالعزيز جاه نزيف داخلي وقدرنا نسيطر ع الوضع والحمدالله ما فيه شيء نفس عبدالله شهر وهو طالع
فرحوا كلهم
محمد: ونواف
الدكتور تغيرت معالم وجهه والكل يترقب شنو الدكتور بيقول
محمد: ونواف
الدكتور تغيرت معالم وجهه والكل يترقب شنو الدكتور بيقول
الدكتور: بما انه كان صاير عليه حادث من قبل وحصل له شلل نصفي وأكيد إذا صار عليه حادث ثاني انه انه
الكل: بسرعة
الدكتور: هو يطلب انه يشوف وسن
محمد: أن شاء الله الحين بجيبها
وراحوا محمد وفيصل
ودخلوا للبيت
ريما وهي تركض: الحمدالله ما صار عليهم شيء بس كسور بسيطة
ريما: الحمدالله
وخبرتهم كلهم وكل قام يضمها وهم يصيحون لان ما صار عليهم شيء
محمد: وسن تعالي
وسن: نعم يا اخوي
محمد: نواف يبغى يشوفك البسي عبايتك ولحقيني برا
وسن: أن شاء الله
وجابت عباتها ولبستها وقبل ما تطلع ضمتهم كلهم
وهي عند الباب كانوا الكل يطالعونها قالت : ودعتكم الله بعين اللي ما تغفى عينه
أمها عرفت من لغة كلامها قصدها ونادتها :وسن "احساس الام"
وسن: نعم يمه
أم محمد: وضمتها بقوة وكأنها ما تبي تفارقها وباستها وطلعت وركبت السيارة وسلمت على فيصل وكانت تناظر بيتهم وتترقبه والشوراع إلى أن وصلوا للمستشفى
سلمت على بوخالد وبو عبدالله وضمت محمد ودخلت لغرفة نواف وكانت الأجهزة مركبة عليه
وسن: نواف أنا رجعت لك
نواف: حتى أنا رجعت ما قدرت أروح بدون ما اسلم عليك
وسن: نواف لا تسلم علي أنا بروح معك
نواف: أنا عارف انك بتروحين معي فعشان كذا أنا ناديتك عشان نروح ونرجع مع بعض ولا احد يفرقنا
وسن: أن شاء الله ربي يجمعنا في جناته
نواف: آمين
نواف ووسن : اشهد أن لا اله ألا الله واشهد أن محمد رسول الله
وتوفى نواف وبعده وسن
وجاء الدكتور يشوفوهم شافهم مبتسمين ومتماسكين
قام يصيح الدكتور ما قدر يستحمل يشوفوهم كذا
وطلع الشرطي
محمد: شنو صار
الشرطي نزل رأسه: عظم الله أجركم
محمد بصراخ : نواف توفى طيب وين وسن
الشرطي: توفت معه
قاموا كلهم يصيحون ما في احد قدر يستحمل أنهم ماتوا مع بعض
وطلعوا كلهم من المستشفى وراحوا للبيت اللي فيه الحريم
دخل محمد : السلام
الكل: وعليكم السلام
ريما: وين وسن
محمد وهو يصيح :وسن ونواف الله يرحمهم
وصرخوا كلهم ما عدا أم محمد لأنها كانت فاهمة على بنتها قبل ما تطلع
مي جنبها أسيل ويصيحون وريما ضمت صبا وتصيح معها لمى مع عهد وبيان عند منار ومرام مع رنا وأم طارق وأم بدر عند أم خالد وأم رائد وأم احمد مع أم عبدالله وأم محمد وأم علي مع بعض
والرجال يصيحون
بدال الفرح والعرس جاء الحزن والعزاء
...............................
قلت غابوا قالوا الشمس والقمر ما يغيبون
من غيابهم صارت الدنيا عتمة وسواد
فكرت في هالحب كيف عاشوا وماتوا
في لحظة فرح صارت لحظة غياب وحزن
ليتك ترجع وليتك ترجع وليتك ترجع
صارت غير صارت غير ليتكم ترجعون
ليتكم ترجعون وتنور هاالدنيا وتمطر
وأهلها في فرح من رجعتكم يعيشون
وسن ونواف
كانوا أقوى حب
عاشوا وافترقوا واجتمعوا مرة ثانية وماتوا مع بعض
عاشوا أهلهم أحزان ربي اعلم وش كثرها
والحمدالله خلصت الرواية
هاذي أول رواية لي وان شاء الله تعجبكم
(ليتك ترجع وأروح معك)
انتظروا جديدي قريباا
ودي وتحياتي لكم:
صدى الصمت"ضيء"
تجميع روح زايـــد
اللهم لك الحمد حتى ترضى وإذا رضيت وبعد الرضى ,,, اضف تعليقك