رواية ليت مشاعرنا مثل أسامينا ماتتغير -9
وسن كانت في المطبخ توصي الشغالة : سلطة ورق عنب كيك و يا ربي شنو بعد
أم ندى: خلاص ما خليتي شيء ما قلتيه لها تسويه
وسن: يمه يعني يقول عنا بخيلين
أم ندى: لا لا يقول
ندى: الله ريحه الأكل تجنن
وسن: ولأحد فيكم يحرك شيء لحد ما أقول لكم
ندى: الحمد لله رب العالمين خير الله واجد
وسن: ندو حبيبتي تعالي معاي اختاري لي شيء ألبسه
ندى مع وسن طلعوا لفوق عشان تجهز وسن لفيصل
000000000000000
فيصل رجع البيت وأستأذن أمه لأنه بـ يتعشى بيت أخوها
دقت وسن على عمتها
وسن: هلا عمه كيف حالك؟
أم فيصل: بخير يا الغالية
وسن: عمة تعالي مع فيصل على العشاء
أم فيصل: عذريني يا بنتي اليوم عندي ضيوف خيرها بغيرها
وسن: حسافه عمة مجهزة لك أكله تحبينها
أم فيصل: أهم شيء تجهزي لولدي ودلعيه تراني مدلعته وجا دورك
وسن بحياء : عمة لا تخافين فيصل بعيوني أوكي عمة مع السلامة
أم فيصل: زين بنتي مع السلامة
فيصل لبس ملابسه وطلع يزور حبيبته وسن
أم فيصل جالسة تقرأ في المجلة ودق باب البيت راحت الشغالة تفتح الباب
ورجعت لأم فيصل
الشغالة: مدام في واحد يقول يبي يكلم أنت
أم فيصل باستغراب: من هذا؟
الشغالة : ما أدري مدام
أم فيصل: جيبي عبايتي
لبست أم فيصل العباية والشيله وراحت لجهة الباب وشهقت .....................
00000000
عبد الله أول ما ركبوا بنات أخته السيارة بدأ بالأسئلة
عبد الله: هاه أنبستطوا؟
هبه:يجننون ها البنات مرحين جداً
رنا: أي والله سولفنا وضحكنا لين شبعنا
عبد الله: زين عليكم بالعافية
وبدوا يقولون له الكلام والحديث اللي دار بينهم
وعبد الله كان يستمع لهم بإنصات
رنا: مروه تجنن راكزه وحبوبه
عبد الله: هي الصغيرة ولا الكبيرة
رنا: الكبيرة في الكلية
عبد الله : أهاااااا
هبه: تصدق والله حبيتهم
عبد الله: ومن أكثر وحده حبيتي؟
هبه: امم مروه جميله وسمر أجمل والله محتارة كل وحده أحلى من الثانية
رنا: بصراحة أهم شيء تعرفنا عليهم وأخذت أنا رقم مروه عشان نكلمهم
خالي بصراحة لازم لازم نزورهم
عبد الله بابتسامه كلها فرح وانتصار: أكيد لازم تزورينهم
فيصل,, أول ما وصل استقبلته أم ندى سلم عليها و راحت تنادي وسن
فيصل جلس ينتظر وسن ,,
وسن,, وهي تنزل من الدرج لمحها فيصل كانت جداً فاتنة لابسه تنوره قصيرة للركبة وقميص كت أحمر وصندل ربط على الساق ومطيحة شعرها وحاطه ميك أب خفيف و غلوس أحمر لامع والكحل الأسود كان معطيها نعومه تجنن فيصل يناظرها وهي نازله أنبهر فيها,,
فيصل: "" يا ربي وش ها الجمال""
وسن: كيفك فيصل؟
فيصل: تمام أنتي كيفك تمام؟
"فيصل عطا وسن باقة ورد جوري أحمر لونه رهيب وسن أخذته منه وهي مبسوطة"
وسن: شكراً حبيبي
فيصل بخبث: بس شكراً
وسن: إيش يعني وش قصدك؟
فيصل: على الأقل هديه لي
وسن : أبشر إن شاء الله قريب
فيصل: لا الحين
وسن بدلع : في الأحلام
فيصل مسك أيد وسن: أهون عليك؟
وسن بحياء: لا ما تهون
فيصل: أستأهل بوسه ولا ما أستأهل؟
وسن نزلت رأسها : تستأهل بس مو الحين
فيصل: طيب متى؟
وسن: بعد العشاء
فيصل: طيب أستحمل حتى أصلاً ما قلتي لي تفضل
وسن: والله مو قصدي بالعكس تفضل
جلس فيصل و وسن حطت المخدة بينها وبينه
فيصل: لا يا وسن ما نبي مخدة
وسن: هذي أوامر
فيصل: لا دقيقه على الأقل جنبي
إلا دخل أبو ندى من الباب: السلام عليكم
فيصل ووسن: وعليكم السلام
فيصل وقف وحب رأس خاله
فيصل: شفت يا الخال بنتك حطت المخدة بينا
طالع بنته وهو مبسوط : هذا عشمي في بنتي
فيصل: لا يا خال أبيك عون صرت فرعون
وسن: قلت لك يا فيصل ما في أمل
أبو ندى: إذا جات في بيتك سو اللي تبي أما في بيتي المخدة في الوسط في غيابي
""وجلس مكان المخدة"" وأنا في الوسط إذا كنت موجود
فيصل أنقهر: لا يا خال هو صحيح حياك الله بس أبي حبيبتي بكلمة راس ما يصير أقولها وأنت بينا
أبو ندى: عادي قولها اعتبروني مو موجود
وسن: حياك الله يبا البيت بيتك
فيصل: خال يا حبيبي فيك الخير بس تكفى أبيها بكلمة رأس عن أذنك
أبو ندى: بس مو كل مره يا فيصل
فيصل : أوكي خالي
,,مسك وسن وسحبها معاه للحديقة
أبو ندى يضحك عليهم وهو مبسوط من وسن أنها ما خافت من كلامه ,
فيصل وهو يقلد وسن بسخرية: أي يبا حياك الله البيت بيتك
وسن: هههههههههههه هههههه زعلت فصولي
فيصل: قوليها ثانيه
وسن بدلع: فصولي
فيصل: يا قلب فصولي وروحي وحياتي اللي يسمع ها الكلام يزعل
أزعل من كل الناس وما أزعل منك
وسن جلست معاه وبعدين جات الشغالة وقالت ان العشاء جاهز
وسن مسكت أيد فيصل ودخلت معاه في مجلس الحريم كان العشاء جاهز
فيصل: كل هذا لنا
وسن: أكيد
فيصل: ما شاء الله عازمين الجيران ويانا
وسن:فيصل خلاص اجلس واكل قبل ما يجي أبوي ويجلس ويانا
فيصل: لا والله هذا أخر شيء أتمناه
وسن جلست مع فيصل وتعشوا وتكلموا لين شبعوا
أم فيصل أول ما شافت اللي عند الباب أنصدمت وشهقت
أم فيصل: أنت وش اللي تبي بايعني سنين أنا مع ولدك والحين جاي وش تبي؟
أبو فيصل: أول قولي لزوجك يدخل
أم فيصل: كنت زوجي أما الحين لا
أبو فيصل: لا تنسين نفسك أنا أبو ولدك ما تقدرين تنكريين هذا الشيء
أم فيصل: أبعد عن ولدي أنا اللي ربيته وتعبت عليه
أبو فيصل: لازم يعرف أني أبوه وموجود
أم فيصل: لا ما أبيه يعرف
أبو فيصل: أوف بـ نظل نتكلم يم الباب
أم فيصل: أعطيك رقمي ونتكلم ما أبي يجي فيصل ويشوفك
أبو فيصل يصارخ: هي أنتي حسي أنا أبوه مو رجال غريب عشان تقولي ها الكلام
أم فيصل: مالك في ولدي شيء
أبو فيصل: أنتي السبب اللي خليتيني مالي شيء فيه
أم فيصل:أفعالك هي السبب ومو لازم تفتح كتاب الماضي
أبو فيصل بعصبيه بعدها عن طريقه ودخل داخل البيت قام يمشي داخله وهو يصفق
أبو فيصل :ما شاء الله عايشه في عز أثاث فاخر وبيت كبير
أم فيصل: أختصر وش اللي تبيه مني بعد هذي السنين
أبو فيصل: ولدي أو
أم فيصل بسرعة: أو أيش
أبو فيصل نزل رأسه لمستوى أذنها:شيك فلوس يسكتني عن فيصل
أم فيصل: طول عمرك ما يسيرك إلا الفلوس أناني والفلوس تذبحك
أبو فيصل رمى عليها كرت فيه رقمه : أنا صريح وهذا رقمي يا فلوس يا ولدك مع السلامة
طلع وأم فيصل انهارت باالبكي رفعت جوالها وهي ترتجف اتصلت على صديقتها وقالت لها اليوم ما أقدر نتجمع عندي ظروف سكرت الخط ورجعت تبكي وش تتصرف مع أبو فيصل؟؟؟؟؟؟؟؟؟؟؟؟؟؟؟؟؟؟؟؟؟؟؟
بنظرة من عيونك...سطرت أجمل تعابيري..
وبهمس شفاهك...نظمت أحلى دواويني..
تضحكين..تنادين..فااسمع صدى حبك لي يناديني...
ليتني..طفل..فتضميني..
ليتني...حرف..بشفاهك تحكيني..
ليتني..وردة بيدك...بانفاسك ألعطره تشميني..
ليتني..نسمة ...تداعبك..
ليتني ..نفحة عطر...تلاطفك..
ليتني..بقيدك أسير...
ليتني...بقلبك أصير..
حبيبتي..
ملكتيني..
اسرتيني..
انتِ..حبي..
انتِ..نبضي..
انتِ..همسي..
انتِ..حرفي..
انتِ..قلبي..
انتِ..كلي...
فيصل جالس مع وسن وهو مبسوط في عالم من الحب والعشق و الهيام يضحكون ويتكلمون بحبهم
فيصل: يا الغالية الوقت سرقنا وعندي دوام بعد ساعتين
وسن: في الليل
فيصل قرص خدها : في كل وقت يمكن ينادوني تعودي
وسن : يعني بتطلع من عندنا على المستشفى
فيصل: لا بمر البيت أخذ ملابس العمل وأسلم على الوالدة وأحب رأسها أنها اختارتك لي وأمشي
وسن : هههههه
وسن بحيا: فيصل تحبني؟
فيصل بسرعة : قبل ما تقولين أي شيء أحبك وأموت فيك أنتي عمري وعشقي وكل شيء في حياتي
وسن: يا عمري يا فيصل وأنا أحبك وأموت فيك
فيصل: بطلع وما حصلت شيء غير الكلام
وسن: أستح ما في شيء غير الكلام إذا دخلت بيتك أعطيك بوسه من القلب
فيصل: آه هذا اللي مجنني يا الله بقوم ورأي دوام
فيصل مسك أيد وسن : مع السلامة يا عمري
وسن: مع السلامة
طلع ووسن عينها عليه لين طلع وهي طايره من الفرح
ندى: أوه الدنيا قايمه قاعدة والناس في العالم الوردي
وسن مسكت أختها : أنا طايره من الفرح أحبه أحبه
ندى: الله يدومها عليك يارب
وسن: يا رب يا رب
أم ندى: طولتوا كل هذا عشاء؟
وسن استحت من أمها : لا يمه جلسنا نتكلم
أم ندى: هههه لا تستحين هذا زوجك
وسن: يمه خلاص
ندى : هههههههههههه
0000000000000
فيصل مبسوط وهو في السيارة وكله حب لوسن
وصل للبيت دخل نادى أمه
الشغالة: مدام سليب
فيصل: أوكي
صعد فوق دق غرفة أمه ما ردت فتح الباب شاف أمه نايمه معطته ظهرها
دخل باس رأسها وغطاها زين وطلع
أم فيصل بس حست أنه طلع بدت تبكي على الساكت وفي داخلها قهر على أبو فيصل ما تبي يعرف انه هذا الشخص أبوه
حمد سمع صوت مسج جاي في جواله فتح المسج
سأشتاق فأنت الرجل
الذي أثار جنوني
وخوفي ورعبي وتمردي
وغروري وتناقضاتي
وبدل أسمي ألاف المرات
وأخضعني وروضني
ومنحني القلب عاشقه
وجمعني وبعثرني
وأسكني مدن الحلم
على سطح القمر
كإحدى النجمات
حمد أستغرب هذي بتجننه بعد شوي إلا اتصال منها
شجون: حمد لا تسكر
حمد : والنهاية معاك أنا مو راعي حركات بايخه
شجون وهي تبكي: أسمعني للنهاية
حمد : بسرعة مو فاضي لحركات البنات البايخه
شجون زاد البكي : حمد والله أنا مو راعية حركات زي ما تتصور بس والله أحبك
حمد: إذا أنتي مو راعية ليه تتصلي
شجون: والله العظيم لأني ما أبي الحركات الغط اتصلت عليك أقول لك أني أبيك ولا أنحرف ما أحب الطريق الصعب اختصرتها بس هذا كل شيء وهذي غلطتي أني تعلقت فيك
حمد"" حس أنها صادقه بس ما يحب البنات يبادرون الرجال""
شجون: شوف يا حمد أنا صادقه معك وما بي الحين شيء منك أنا أسفه على كل شيء بس لازم أبين لك الحقيقة مع السلامة
حمد "" كان وده يقول لها أي شيء بس سكت وسكر الخط""
ومشاعره متضاربة لهذي الدرجة تحبه.وتعتذر له .؟
وهل هي بالفعل صادقه معاه ولا حركات بنات من اللي يلعبون..؟
ومو عارف يحدد مشاعره..؟
0000000000000
مر يوم على أم فيصل وهي منزعجة جداً وتفكيرها منشل ومو عارفه شتسوي بالضبط
دخل فيصل: السلام عليكم
أم فيصل بابتسامه مصطنعه : وعليكم السلام هلا والله بولدي
فيصل حب رأس أمه وجلس: ليه القمر زعلان
أم فيصل: ما في شيء بس تعبانه
فيصل: أها خلاص أنا بصعد شقة الزوجية أنام
أم فيصل: لا تنام في غرفة النوم زي ما تفقنا في الغرفة الثانية لين تجي عروستك
فيصل: خلاص ولا يهمك
000
أم فيصل دقت على أخوها أبو ندى
أبو ندى: هلا والله يا الغالية
أم فيصل : تعال لي أخوي أبيك بكلمة وجيب معاك بنتك وسن
أبو ندى: إن شاء الله بس صاير شي؟
أم فيصل: لما تجي ياخوي
,أبو ندى حس ان أخته فيها شيء وشي كبير ولا ما كان قالت له تعال بسرعة
أبو ندى دق على زوجته ,
أبو ندى :قولي لوسن تطلع بـ تروح معاي بيت أختي أم فيصل
أم ندى: خير صاير شي؟
أبو ندى:ما أدري خليها تتجهز وبس أدق عليها تطلع
وصل أبو ندى ودق على بنته ونزلت وركبت السيارة
وسن: السلام عليكم
أبو ندى: وعليكم السلام
وسن: خير صاير شي؟
أبو ندى: لا ما صار شيء ما تبين تزورين بيت زوجك
وسن وهي مستحيه: براحتك يبا
وصلوا بيت أم فيصل ودخلت وسن وسلمت على عمتها
دخل أبو ندى وسلم على أخته
أم فيصل: وسن حبيبتي صعدي فوق شوفي شقتك خطيبك فوق
أبو ندى: كيف لوحدهم.؟
أم فيصل أشرت على أخوها برجاء وأبو ندى فهم أخته إنها ما تبي فيصل ينزل يمهم وتلهيه بـ وسن
أبو ندى: خلاص صعدي فوق
وسن مستغربه لهذي الدرجة أم فيصل لها تأثير على أبوها
أم فيصل: أخوي ما أبي فيصل يدري با أبوه خليه يفكر أبوه مفقود وخلاص
أبو ندى: هدي أعصابك يا الغالية كل شيء له حل
أم فيصل بتوتر وهي رايحه وجايه: ما نمت وأنا أفكر بس مجرد وجوده في حياة ولدي خطر
جلست جنب أخوها: مو بس خطر على ولدي وخطر على بنتك بعد لو عرف ان ولدي ما خذها
أبو ندى: ذكري الله كل شيء وله حل وهذا النذل مو راضي يتربى ما كفاه اللي جاه مني من قبل إلا ويهدد
أم فيصل : أعطيه فلوس وأخلص روحي وولدي منه
أبو ندى: هذا نذل ويحب الفلوس بالرغم أن الله معطيه إلا أنه طماع والجشع بـ يخليه يهددك ويأخذ فلوسك كل مره
أم فيصل بدت تبكي : يا ربي ليه كذا كافيه خيري وشري
أبو ندى: ذكري الله يا الغالية الله كريم عطيني الرقم ويصير خير
أم فيصل: يا رب رحمتك يا رب
أم فيصل عطت أخوها الرقم وهي خايفه من الجاي
000000000000
منصور جالس مع أمه وأبوه وكلمهم عن ندى
أبو منصور: زين ما اخترت ما شاء الله عليها مؤدبه جداً
أم منصور: أخيراً يا ولدي بتفرحني والله مين قدي
منصور بارتباك: بس خايف العم يعيد عملته في ندى
أم منصور تبتسم: يحليلك وليدي تخاف عليها
منصور استحى من كلام أمه وأستأذنهم وطلع
أبو منصور: إن شاء الله أتصل على أخوي ونحدد موعد معاه
أم منصور: الحمد لله انفكت العقدة وولدي هو بنفسه جاي يبي نخطب له
دخل حمد: أوه الوالدة فرحانة أن شاء الله دوم
أم منصور: يا الله بعد أنت فكر نخطب لك مثل أخوك
حمد: صحيح مبروك يا الوالدة
أم منصور: وأنت أختار خلنا نخطب لك بعد عشان تعرسون في ليلة وحده
حمد: لا يا يمه أنا مو وجهي وجه زواج خليها لراعي الكتب يقدر يكتب ويغازل أما أنا طلعات وشله وجلسة
أبو منصور: وهذا اللي مو عاجبني فيك وش فيها لو تداوم عدل في الشركة وتتسنع وتترك الشباب والطلعات
حمد باس أيد أبوه : مدام أنت معانا ما نحتاج إلا دعواتك
أبو منصور: تتهرب صح ترى ما تمشي علي حركاتك
حمد: هههههههههه أقول يبا في الليل أجلس معاك
فهودي ينتظرني في السيارة
أم منصور: الحمد لله حتى ما سأل مين هذي اللي بـ يأخذها أخوه
أبو منصور هز رأسه ولا عقب ولا كلمة على كلام زوجته وهو يضحك على حمد0
7777777777
سمر ومروه نازلين من السيارة جايين من السوق والسواق حامل أكياس البنات
سمر: شوفي أخوك حمد شكله بيمشي بسيارته
مروه: لا تعالي ندخل أحسن
سمر: لا بروح أهزئه من زمان ما طلع معانا
مروه : بكيفك بدخل أنا
مروه دخلت البيت وسمر راحت السيارة
سمر: حمود يعني من زمان ما طلعت معاك يا الله يا الله لو سمحت ودني المطعم
فهد كان جالس مكان حمد
رفعت سمر رأسها شافته مو أخوها استحت وطلعت على طول
فهد: " يا ربي يا ليت استغليت الفرصة وكلمتها بس ما يصير أخون صديقي"
سمر تركض لداخل وقلبها يدق بسرعة وحاسة أنفاسها حارة إلا تصطدم باأخوها
حمد: الحمد لله رب العالمين أمشي بركاد كأن أحد لاحقك
سمر: هي أنت وينك من زمان ما شفتك
حمد: أحسن مالي خلق بنات
سمر مازالت أنفاسها سريعة من الموقف ما علقت على رد أخوها ودخلت البيت
حمد مستغرب " والله ها البنت غريبة ما زعلت من كلامي يا الله كيفها "
فهد" خاف انه سمر قالت لأخوها لأنه شاف سمر تكلم حمد وهو متأكد إنها سمر لأنه يعرفها من بين كل البنات
دخل حمد: أسف فهودي تأخرت عليك
فهد : لاولا يهمك" فهد تنفس الصعداء الحمد لله ما قالت شي"
00000000
سمر دخلت وقلبها يدق بسرعة
مروه: هههههه وش فيك أكيد هزأك حمد
سمر: لا والله دخلت السيارة العب على حمد طلع مو حمد
مروه: لااااااا جد؟ شلون؟
سمر جلست وعلمت سمر بالأحداث اللي صارت ومروه تضحك على سمر وسمر جداً متضايقة من نفسها
وسن نست نفسها مع فيصل يضحكون ومنبسطين على الأخر
وسن: فيصل كأني أتأخرت أبوي تحت
فيصل: هو ما سأل عنك ليه حامله همه
وسن : فيصل الله يخليك خلينا ننزل ما فيني حيل لتهزئه
فيصل مسك أيد وسن : لا والله وأنا ما أتحمل حبيبتي تتهزء
مسكها ونزلوا لتحت وبمجرد نزلهم سكتوا أم فيصل وأبو ندى
سلم فيصل على خاله وجلس جنبه ووسن جلست جنب عمتها
أبو ندى: يا الله يا وسن خلينا نروح البيت
أم فيصل: لا لازم تتعشون عندنا
أبو ندى: لا أبي أروح البيت أرتاح أشوي
فيصل: خلاص خالي خلي وسن تتعشى عندنا وأنا أوصلها معاي وأنا رايح للدوام
أبو ندى: يعني نعشيك البارح وتعشيها أنت اليوم وبعدين ما شبعت منها لما تجي بيتك كيفك معاها
أم فيصل: خليها أخوي وفيصل يرجعها
وسن خافت من ردة فعل أبوها وخصوصاً لما فيصل ألح إنها تضل معاهم
أبو ندى ما يحب يكسر كلام أخته : خلاص يا وسن بس لا تتأخري تعشي ويجيبك فيصل
وسن: إن شاء الله
أبو ندى نادى وسن وكلمها على جنب ومشى
فيصل: خير وش فيه وش قال لك
وسن بنذالة جلست يم عمتها: كلام بيني وبين أبوي وش دخلك
فيصل: أفا لي هذا الكلام وتوني أترجى تضلين معاي
أم فيصل: ههههههههههه
وسن: أي بس ما وافق على طلبك وافق على طلب العمة العزيزة وأنت أخذت حقك جاء دور عمتي بـ جلس معاها
فيصل: مبسوطة من كلامها يمه
أم فيصل: شوف مالي دخل بينكم هذي زوجتك وأنت رأسك برأسها مالي دخل
فيصل: طيب يا يمه هذا قرارك زوجتي وكيفي فيها صح
أم فيصل وهي تضحك على كلامه: أي كيفك
وسن مسكت في عمتها : لا يا عمه أنتي سندي في هذا البيت تتخلين عني
فيصل مسك أيد وسن وسحبها لعنده وهي متمسكة في عمتها والعمة تضحك على تصرفهم
فيصل سحبها وياه: أتصلي على أخوك وقولي له الليلة عرس بنته وما هي جايته
وسن شهقت وصدقت كلامه:عمه يبي أبوي يذبحني عقليه
فيصل: ههههههههههههههههههههههههههههههههههه
أم فيصل: هههههه شفيك يا الجبانة بس نمزح
وسن استحت في البداية بس طالعت فيصل وهو يضحك عليها أخذت مخدة من على الكنبة وبدت تضرب فيصل
8888888888888
من فينا هالليله ينام و الشوق صاحي ما ينام
و كل منا يا حبيبي شايل بقلبه كلام
هذا و أحنا ما لتقينا و عاشت الشوق بأدينا
كيف بكرى يا حبيبي و أول الموعد سلام
و من فينا هالليلة ينام
بكرى يا عيوني بتجيني شايل بعينك حنيني
تسهر الليلة عشاني و أسهر الشوق اللي فيني
فهد جالس على سريره وقلبه مليان حب لـ سمر وده يضحك على حركتها اليوم بس ما وده يفشلها " يا ربي هذي البنت مزوحيه لازم أخلي ريم تتعرف عليها أما مضاوي لا هذي دفشه ومالها حركات نعومه"
فهد نادى ريم وقال لها القصة عن سمر وريم تضحك على مراهقة أخوها
ريم عرفت سمر : أنا أعرف وسن وأخليها تعرفني عليها أبشر
فهد: يا ليت يا عمري ما راح أنسى لك هذا الجميل طول عمري ولا تقولين أي شيء لأختك
ريم هزت رأسها برضى على كلام أخوها
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك