رواية والله احبك لو على رقبتي سيف -11
بعد العيد بـ 3 ايام حـآن موعد سفر سيف
غاليه وهي متعلقه فـ اخوهاا: تحمل بعمرك سواف
سيف: ان شاء الله حبيبي
سلم ع اهله وامه مسويه مناحه في البيت وشله عبدالله و وصله المطار وهناك لقى ربعه ومنهم حمدآن وكان امبين من شكله ضايج
سيف وهو يطالع حمدان ومبتسم له: تحمل بعمرك يالغالي
ما قدر يتحمل حمدآن وسار حضنه
اول مره بيفارق سيف من 13 سنه وهم مع بعض يدرسون مع بعض يسافرون مع بعض ويشتغلون مع بعض ويعيدون مع بعض و يرمضون مع بعض لكن هالسفره راح تفرقهن 3 سنوات جنها 30 سنه بالنسبه لـ حمدآن
سيف: آفاا يا حمدآن اصلب نفسك يا خوي ولا تخلي حد يشوفك جيه
ما رد عليه حمدآن وتم حاضن سيف
سيف: لا تبين لهم انك ضعيف يا حمدآن اصلب عودك يا خوي
حمدآن: ما اقدر يا سييييييف ما اقدر بتفارقني 3 سنوات
هنييه سيف ما قدر يتحمل صاح لكن الصيحه كانت مكتومه فـ صدره دموعه ما نزلن لكن قلبه يعاني =(
لين متى يا سيف تكتم على هالقلب
ياهم سالم ومسك حمدآن عن سيف وسار سيف يسلم على هزاع و عبدالله و ابوه و بو مروى و بو سلطان و سلطان وبعدها رد سلم ع سالم
عقب سار صوب الحريم وسلم ع امه اللي بغت اتموت من الصياح
سيف وهو يحبها ع راسها: يالغاليه ترا دموعج غاليه عليه لا تنزلينهن
وما قدرت ام عبدالله تهدي وجان تصيح زياده ومسكها سيف وباس ايدها وراسها و عقب سار صوب خواته و سلم عليهن وشاف مروى وابتسم لها
مروى: تروح وترد بالسلامه
سيف: الله يسلمج ^^ تحملي بعمرج
مروى: وانت بعد هالله هالله بعمرك
سيف: لا توصين
ابتسمت له مروى ولو انها كانت متغشيه لكن سيف لمح ابتسامتها
سيف: مروى
مروى: عونك
سيف: عانج الله
مروى: ..........
سيف: آنـآ.... وسكت
مروى: !!!!
سيف: ..........
مروى: انت شو يا سيف
سيف: آنا يمكن اطول في السفره فـ ما اوصيج ع الوالده و خواتي
مروى: افا عليك لا توصي حريص ^^
سيف في خاطره: ليش ما قدرت اصارحهاا لين متى يا سيف لين متى كاتم حبي لها
||
طارت طياره سيف من الامارات لـ المانيا
سيف راح يدرس في جامعه لايبزغ ( Leipzig ) في مدينه لايبزغ ( Leipzig ) شرق المانيا
وطبعا حجز في Leipzig Marriott Hotel
من وصل سيف المانيا اول شي راح سيده للفنده يرتاح طبعاً Leipzig Marriott Hotel وااايد راقي وفخم
و من وصل سيف للفندق خذ له شاور و رقد لين اليوم الثاني ع ساعه 1 الظهر في المانيا اتصل لـ امه يطمنها وكانت الساعه 10 الصبح بتوقيت الامارات :]
بعد ما طمن اهله طلع يتمشى وهو يتمشى دخل واحد من المحلات ويطالع وهيك يعني وشاف سواره وايد حلوه خذ وحده لـ هنادي و غاليه و مروى وبعدها راح الحديقه يتمشى وعقب تغدى في واحد من المطاعم وبعدها رد الفندق وهو راد الفندق في الرسبشن كان هناك مجموعه شباب واشكالهم خليجيين 2 سعودييين و 3 اماراتييين و سار سيف صوبهم ودقوو سوالم مع بعض وطبعا كلهم في نفس الجامعه >> زين لقى ربع يقضي وقت وياهم
تمر ايام و ايام وسيف من الجامعه للفندق ومن الفندق للمكتبه وكانت اكثر وقته في المكتبه ويقعد يدرس بالساعات لحد ساعه 1 الفير وفي هالوقت هو كان يتصل لـ امه واخوه وابوه ومرات يتصل لهم ساعه 11 اذا كان فاضي وهو اغلب وقته يكون مشغول في الدراسه
ساعه 8 الصبح نش سيف ع صوت المنبه
راح الحمام وانتو بكرامه وخذ شاور وطلع ولبس جاكيت اسود و بنطلون لحد الركب جينز ازرق وشعره طايح ع ويهه
نزل تحت صوب المطاعم
سيف: Good morning
Jon : Good morning , Yes sir
سيف: Please I want one coffee
Jon : Ok , Anything else
سيف: No Thanks
بعد ما شرب القهوه سار سيده ع المكتبه و يلس يعدل البحوثات وغيره لين ساعه 1 الظهر رد الشقه وصلى الظهر و بعدها سار تغدى ورد مره الشقه ورقد شوي ونش العصر وراح عند الشباب ويل سوياهم شوي يقضي وقته بدال اليلسه روحه في الشقه و رد البيت ساعه 11 تقريباً..
بعد مرور 6 اشهر
الريم: سلوووووووووووووووووووووووووووووووووووم
سالم: هممممم
الريم: الحقني الحقني بووولد
وفز سالم من رقاده من سمعها تقول بوولد
سالم: شوو لازم الحين يعني اباا ارقد
الريم: ساااااااااااااالم عن الاستهبال ><"
سالم: انزين شوفي الساعه
الريم وهي تزاعج: سااااااااااالم قلت لك عن الاستهبال قوووووووووم يلا
سالم: اوك اوك
ونش سالم وشل حرمته المستشفى وكانت الساعه 3 الفير ومسكين سالم روحه راد متأخر ومب راقد الا ساعتين
ومن وصلها المستشفى راح الاخ يدور له غرفه فاضيه ورقد وخلى حرمته روحها ويا الدكاتره @.@" >> ونعم الريل هههههههههههه
وع ساعه 7 اتصل لـ اهله و اهل الريم وخبرهم وانتشر خبر ولاده الريم ويابت ولد وسمووه خليفه :]
||
صوب حمدآن
حمدآن: مرحب الساع
سيف: هلا هلا والله بالراهي
حمدآن: هلا بك زوود .. شحالك
سيف: من الله بخير والحمدلله
حمدآن: مديييم ان شاء الله
سيف: ومن قال
حمدآن: امييين
سيف: ليش مب راقد ..!*
حمدآن: شو رقاده الحين ويا راسك بعده الوقت
سيف: هييه عيل عندنا ساعه 3 الفير
حمدآن: خيييبه وانت شو موعنك
سيف: والله عندي امتحان ويالس ادرس وجان تتصل انت
حمدآن: اهااا يعني خربت عليك خخخ
سيف: لا والله لا خربت ولا شي الا 24 ساعه مجابل الكتب ابا ارتاح شوي
حمدآن: زيين والله
سيف: هااا شو اليديد
حمدآن: هييه انا ملجت ع اختك
سيف: مبرووووك السااع
حمدآن: الله يبارك في حياتك الفال لك وترا اخوك بعد
سيف: ااه يالخوانييين اتريوني
حمدآن: بالله عليك 3 سنوات ما نقدر
سيف: هههههههه ما عليه هالسنه وخطفت باجي سنتين
حمدآن: مشين المكان بلاك يالغالي
سيف: كح كح
حمدآن: عن تصدق عمرك عاد هههههه
سيف: ههههه
حمدآن: يالله عيل ما بطول عليك وترا العرس بعد اسبوعين
سيف: زيين عيل انا ع اسبوع الياي برد البلاد وبحضر العرس بعدها برد
حمدآن: وجم يوم بتم في البلاد
سيف: تقريباً 4 ايام
حمدآن: وايد عليك
سيف: هههههه زين اني اقدر بعد اييكم
حمدآن: هييه والله نعمه ع الاقل نشوفك
سيف: يالله عيل انا اخليك الحين بسير ارقد تامرني بحايه..!*
حمدان: سلامتك
سيف: الله يسلمك
حمدآن: ربي يحفظك
سيف: ويحفظك
ومن سكر حمدان عن سيف تم سيف يذكر اهله كلهم وذكر مروى وابتسم ورقد ومن باجر نش وسار السوق وخذ هديه لـ حمدان و غاليه + عبدالله و حمده
بعد يومين بدن امتحاناته ومده امتحاناته 4 ايام والحمدلله بياض ويهه لحد الحين
، خطف اسبوع ورد سيف البلاد واستقبله حمدان في المطار ، وطبعا من رد البلاد مروى ما شافته ولا هو شافهـآ
في ليله العرس
حمده كانت في غرفه روحها و غاليه في غرفه روحهآآ { عرس جماعي }
المهم
مروى كانت لابسه فستان احمر من فوق شوي عريان مجرد سلاسل لكن كانت حاط شال طول الوقت وفاتحه شعرها وحاطه كرستال في شعرها وميك آب باللون الاحمر
هنادي كانت لابسه فستان بني وميك اب باللون البني وبعد هي فاتحه شعرهاا وحاطه كرستال شرات مروى
دخل حمدآن فـ غرفه عند غاليه عسب يصور وياها وقبل ما يدخل >> دخل سيف عسب يشوف اذا حد عندها ولا لاء
سيف: احم احم
غاليه: هههههه ادخل سيف محد هنيه الا انا وهنادي
سيف: ههههه زين والله
وسار سلم ع اخته وابتسم لهااا
سيف: ترا الحين بيحدر ريلج عسب تصورون
غاليه: هاااه شووو
سيف:هههههههه
غاليه: بتصور وياناا
سيف: لا والله حلوه هذي اصور وياكم حق شو ارز ويهي عندكم
وهم يسولفون حدرت مروى عليهم وهي مب لابسه العبااه
وشافها سيف وجان تشهق مروى ومن شافها سيف شل عباااه اخته وفرها ع ويهاااا وصد اليانب الثاني وهو مبتسم وشاق الحلج خخخخخ
ولبست مروى العباه والشيله
مروى: اووف انت شو يايبنك هنييه
سيف: ههههههه الناس يسلمون بالاول ويا راسج
مروى: هههههه نسينا لاه ارتبشنا بالعرس
سيف: انزين يالله ترا الحين حمدان بيدخل عسب بيصور ويا غاليه وعبدالله بعد بيحدر ع حرمته بيصور وياها سيرن خبرن اللي عندها
مروى + هنادي: اوك
طلع سيف عنهن وهو يذكر شكل مروى ويضحك ههههههههه
سيف: طالعه خبال ويا راسها مب هينه عيوز النار ههههه
وهز راسه عسى تختفي صوره مروى وهي حادره عليهم بالفستان
ساعه 9 ونص تقريبا عقب ما تعشوو المعازيم
دخلت حمده الصاله وهي مرتبكه من فوق لـ تحت وسارت مروى تشل فستانها من وراء لانه ثجيل وما قدرت حمده تتحرك منه وساعدتها الريم و وصلنها لين الكوشه ومن وصلت الكوشه راحت لها ام عبدالله و امها يسلمن عليها وسلمت عليها مروى وهنادي ومن سلمن عليها الحريم نادوو بالميكرفون ان ابو المعرس وابو العروس والمعرس بيحدرون يسلمون ع العروس وحد روياهم سيف
وسارن البنات يلبسن العبي
ودشو الشباب وكان جدام كان بو عبدالله و بو حمده يمشون و وراهم كان عبدالله و سيف
وسيف من وصل عبدالله عند حرمته سيده طلع والبنات متخبلات عليه
وسلم عليها بو عبدالله وابوها وسلم عليها عبدالله وكل ما يتقرب منها هي ترد ع وراء >> البنت زايغه خخخخ
وبعدها شل عبدالله حرمته و ردوو الغرفه اللي كانت فيها حمده قبل
ومن طلعو حمده و عبدالله دخلت غاليه و كانت مروى و هنادي يعدلن الفستان من تحت عسب تقدر تمشي ومن يلست ع الكوشه سلمن عليها الحريم ومن خلصن حدرو الرياييل >> بو عبدالله و بو حمدان و حمدان و سيف
بو عبدالله و بو حمدان جدام و حمدان وسيف كانوو وراء لين ما وصلوو ع الكوشه وسلمو الشواب ع غاليه سار سيف وسلم على اخته وشوي والا يحدر عبدالله عسب يسلم ع اخته وسلموو عليها واخر شي سلم عليها حمدآن
وساعه تقريبا 12
طلعو الشباب كل واحد بسيارته و عبدالله شال حرمته و حمدان شال حرمته و سالم و سيف مسويين حشره وراهم يصصيحون هرنات و اللي شال ع تايريين ومشغلين المسجل ع الاخير وصلوو اول شي حمدان وغاليه وبعدهاا وصلو عبدالله وحمده لين البيت وكلن سرا بيته
12 ونص
مروى: اماااااااااااااااااااااااااااااااااااااااه ><
ام مروى: وانا شو عرفني بج عبالي راده ويا عمج
مروى: انزين غيرت رايي
ام مروى: يالهرمه وشعنه ما قلتي لي والحين انتي روحج هناك
مروى: اهئ هييه امايه محد هنييه الا اناا
ام مروى: صبري شوي مسوده الويه بشوف جان حد من عيال عمج جريب منج
مروى: انزين سرعه =(
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ابعدت وذاك البعد مشقني
يا ويل ياالله من الهجران يا الغالي
غادي بدونك اير النوح واغني
شوقي مهيت قوامن وخافقي وحالي
اخذت قلبي وروحي يا الغضي مني
خليتني بين خلق الله جسم خالي
من حولي الناس كلن بات متهنى
محد غيري لهيب الشوق بي صاني
من كثر ودي ولو انته مبعدن عني
صوتك سمعته وشفتك جالس قبالي
من انتبه اكتشف انك مخلني
وحدي وهذا خيالك لي تراوالي
عوّد وخل السعاده بشوفك تثني
وخلي الليالي معاك تعود تصفالي
خل العطر مع خطاتي يفوح ويبني
ادخل خفوقي بتلقى عرشك العالي
ام مروى: صبري شوي مسوده الويه بشوف جان حد من عيال عمج جريب منج
مروى: انزين سرعه =(
سكرت ام مروى عن بنتها لان مروى قالت لـ امها انها بترد ويا عمها بو عبدالله بعدها غيرت رايها وقالت بترد ويا امها بس ما خبرت امها :S >> الغلط منج يا مروى :@
اتصلت ام مروى ع سيف وخبرته وسيف سار لها طلوووق ومسكه الرادار تقريبا 3 مرات ومروى كان خايفه لانها روحها والباكستانيين والمهنده رايحيين وراديين ويطالعونهااا وهي شوي وبتصيييح ،، شوي وتشوف سياره يايه لكزس شرات سياره سيف وهي عبالها سيف مشت جم خطوه صوب السياره بس انتبهت ان الرقم مب شرات رقم سياره سيف وبغت ترد من وين كانت واقفه وجان تلقى 2 من الباكستانيين واقفيين جدامها من وين كانت واقفه قبل وتمت زايغه من الروعه ..
بنت بـ جمالها و فوق هذا بكامل اناقتها روحها بين الباكستانيين @.@"
الله يعيينج يا مروى =(
تقربو منها الباكستانييين وهي من شافتهم يايين صوبها بغمت>> عاد مبل غب عليها خخخخخخ
المهم
وكان واحد واقف وراها .. ومروى واقفه وماسكه عباتها من فوق و تحت لانها مفتوحه
ثوـآآني
الا يوصل سيف و شاف الوضع اللي مروى فيه نزل مشتط الريال و شياطينه فوق راسه :@ ومن شافوه الباكستانيين خلوها في حالها و روحوو وسيف وهو يرمس مروى وعيونه عندهم .. ومروى من شافته ربعت صوبه .. من شافت سيف موجود حست بـ امان و راحه ..
سيف بعصبيه: انتي شو ميلسنج روحج
مروى: :"(
سكت سيف ولمح دمعتها من وراء شيلتها لآنها كانت متغشيه من بعيد ما يبين ويهه مروى بس لان سيف كان جريب منها فـ كانت شوي شفافه >> يعني يبين بس فيسها :]
ركبت مروى وراء وسيف كل شوي ويطالعها هذي ثاني مره يشوفها اتصيح عقب هدت مروى شوي وربشها سيف بـ آغنيه لا تروح لـ حربي العامري
ما حست مروى بعمرها الا وهي تغني ويا الحربي هالمقطع
اخذت قلبي وروحي يالغضي مني
وخليتني بين خلق الله جسم خالي
ابتسم سيف وتمو هم الاثنين ساكتين لين وصلت البيت
مروى: قرب سواف
سيف: جريب يالغاليه الا بسير ارتب قشاري
مروى: هههههههه شو من قشار
سيف: هههه تعرفين وراي سفره
مروى: ممم جم باقي لك
سيف: ممم والله هالسنه لا تحسبينها وخطفت سنه يعني باجي سنه وراد البلاد ان شاء الله
مروى: ان شاء الله ^^ .. ترد بالسلامه
سيف: الله يسلمج بنت العم .. يالله سيري ادخلي
مروى: ان شاء الله
وسارت عنه مروى ودخلت عنه وهو كان يرقبها من بعيد لين دخلت البيت ومن دخلت حرك سيارته وسار البيت وهو يفكر فـ مروى
سيف: آآه يا مروى ليتني اقدر اصارحج باللي في قلبي =(
سـآفر سيف عقب يومين والكل لاهي بحياته اللي ويا زوجها واللي ويا عيالها و مروى كانت تحس بـ ملل فضييع مع انها تيلس ويا هنادي بس غاليه وحمده والريم غير
مروى: مامااتي
ام مروى: عيونها
مروى: فدييييييت عيونهااا انااااه
ام مروى: قولي قولي شو تبين ؟
مروى: هههههه عارفتني هااه
ام مروى: تراج تربيتي ليش ما اعرفج ؟
مروى: ههههه انزين امايه
ام مروى: عونج
مروى: عانج الله .. اماه ابا اكمل دراستي
ام مروى: انزين محد ماسكنج كملي
مروى: لا لا امايه اقصد بكملها برااا
ام مروى وهي تكح: كح كح اشووووو برااا وين برا بعد
مروى: اووه امااه يعني بريطانيا ولا المانيا هيك دول
ام مروى: قصورج رايحه بـ طولج خاري البلاد يالله ماشي قري محلج جان تبين كملي هنييه ما تبين ارتزي محلج
مروى: >< اهئ
مرن شهووور و شهور و وصل شهر الخير شهر رمضان
المساء ساعه 10 الا ربع
مروى: واخييييييييييراً اجتمعنااااا
الريم: ههههههه من زمان ما شفتكن
غاليه: اوووه حتى انا التهيت بـ حمداني
حمده: هههه وانا التهيت شوي ويا عبود
الريم: وانا تعرفني عندي ولدين ومطلعين لي قرون
مروى: هههههههههههههههه عسب تناطحين مثلاً
حمده: هههههههههههههههه
غاليه: احم حمدوه اشوفج امتنيتي ^ *
حمده: :$ احييييم اونج ما تعرفين هههههههههههه
مروى: هاااه شو شو هناك
غاليه: كحح كحح بصيير عمه
مروى: والله مبرووووووووك حمدووووه يا البيييييه لو بنت سميها مروى بلييييييييييز
حمده: هههههه من عنوني
مروى: فوديت عنونج انااا والله اباا بنوته صغيره في العايله كلهم اولاد
الريم: ههههههه
مروى: وانتي الريم ماشي مني ولا مناك
الريم: حشى شو قالو لج قطوه خلي اللي عندي يكبرون اول شي عقب افكر ايييب غيرهم
مروى: ههههههههههههههه
وصدت صوب غاليه ^^
غاليه: هههههههههههههههههههه بلاج اطالعيني
مروى: هااه هااه
غاليه: ههههههه يالخايسه جب
مروى: هههههههههههههه اووه والله انكن عيزتن
الريم: الا باجي انتي ويا راسج
مروى: بعدني شعنونه
غاليه: هييه ترضعين بعدج
حمده: هههههه الا مروى صدق ما تبين تعرسين صار عمرج 23 وانتي كل يوم راده اللي يتقدمون لج
مروى: ممم ما افكر بالعرس حالياً
غاليه: ههههه الا تفكر بـ شسمه ^ *
مروى: بـ شووو !!!!!!!
غاليه: المانيا ... المانيا
حمده والريم : ههههههههههههههههههههههههه
مروى وهي اتشوتها بالمخده: جب يالدبه ><"
غاليه: هههههه اونه استحت البنت
حمده: ههههه اقول بسكن بسكن هذربه وحطن بنات الثانويه
الريم: هيييه حطنها والله من اشوف الاعلان اذكر ايام المدرسه
مروى: ليتها تعود ذيج الايام
غاليه: هيييه والله
ويلسن البنات ويطالعن مسلسل بنات الثانويه وبعدها شافن بو كريم برقبته سبع حريم وشافن اعاده شعبيه الكرتون ساعه 12
خطف شهر الرمضان عليهم مثل يوم واحد وما حسينا به
مروى: =( يالله جني البارحه اول يوم اصوم واليوم اخر يوم ><
ام مروى: هييه والله يا بنتي الشهر مر سرعه ما حسينا به
مروى: يالله عيل عقب بنروح السوق ناخذ الاغراض
ام مروى: خليهم يعلنون بالاول اذا باجر العيد ولا لاء
مروى: ان شاء الله
الله اكبر الله اكبر .{{ آذن آذآآن المغرب والكل تجمع فـ بيت بو سلطان }}.
الشباب كانو في الخيمه يفطرون والبنات في الصاله ومن خلصو الفطور تيمو الشباب في الخيمه وحطو لهم القهوه والبنات يلسن يشوفن شعبيه الكرتون في الصاله وبعدها اعلنو ان باجر اول ايام عيد الفطر وآذن آذآآن العشاء والكل نش يصلي العشاء ومن بعدها كل واحد راح مكان
مروى: اماه خلينا نسير محل الحلويات
ام مروى: حق شووو ؟
مروى: امايه باخذ 3 سلات بيتيفور و حلويات بحطهن في المبرز
ام مروى: ان شاء الله
وسارن صوب محل الحلويات وخذت مروى 3 سلات و بعدها سارت السوق وخذت لها جمن بوت و تنوره وقميص واكسسوارات و ميك آب بعدها راحن الصالون يتحنن..
ام مروى: خلصتي
مروى: هييه خلصت
ام مروى: يالله بنتي خلينا نطلع زحمه
مروى: ان شاء الله
صوب سالم و الريم
سالم كان شال خليفه وسلطان فاج النطع >> يصيييح
سالم: شو فييه
الريم: مادري ><
سالم: شو فيك سلطون
سلطان: ما احبببببببببببببك
سالم: افااا ليش
سلطان: ......... >>>> ويصييح
سالم: خلاص زعلت انااا
سلطان: لييييش كله تشل خلوف وانا لاه =(
سالم: هههههههههههههه فديته اللي يغار
الريم: مسود الويهه ما تباني يعني >< سير سير عند ابوك
وشلهم اثنيناتهم ومن رقد خليفه شلته الريم وحطته في العربانه مالت اليهال وسلطان متعلق في ابوه ويحبه ع رقبته وسارو محل الاطفال وخذو لهم جمن بدله وطلوو وسارو ياخذون الحلوى و الحلويات و الفواكهه للعيد
صوب حمدان وغاليه
حمدان: انا جم مره قلت لج لا تلبسين جعب ( كعب )
غاليه: اووه اسكت عني اسكت والله ظهري يعورني
حمدآن: احسن تستاهلين هذا يزاتج يوم ما تسمعين كلام ريلج
غاليه: حمدآن فكني من صدعتك اباا ايلس الله يخليك
حمدآن: ادخلي ادخلي السياره بسير اشري لج نعال سحاتيه وبرد لج
غاليه: اوك حبيبي عن تتأخر
حمدآن: ان شاء الله
ويلست غاليه في السياره وفصخت الجعب اللي لابستنه وتمت تهمز ع ريولهاا وحمدان دخل المحل وخذ لها نعال سحاتيه بس ما كان يعرف مقاسها واتصل لها وخبرته خخخخ
ومن خذ لها النعال رد صوبها ولبستهاا
حمدآن: هااه والحين
غاليه: و فديته ريلي يا ربي
حمدآن: افدااج زود حبيبي .. يالله حياتي سرينا عن الزحمه
غاليه: ان شاء الله
ونزلو و تشرو الاغراض ع السريع وردو البيت
صوب عبدالله و حمده وبعدهم جدام البيت
عبدالله: قلت لج ماشي سيره
حمده: حبيبي ابا اخذ لي جمن نعول واكسسوارات وعطوره
عبدالله: انا بخذ لج
حمده: =( لا حبيبي انت كل تنقي عنقاش و دفش
عبدالله: الحين انا دفش يالدفشه
حمده: ههههههه حبيبي ما قلت انت دفش بس انا بسير وبخذ اللي يعيبني
عبدالله: بتسيرين وانتي تعبانه
حمده: والله مب تعبانه حبيبي انا مب اول وحده تحمل
عبدالله: وثرج انتي اي وحده انتي قلب عبدالله انتي غيييييييير
حمده: ههههههههه
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك