رواية والله احبك لو على رقبتي سيف -12
صوب عبدالله و حمده وبعدهم جدام البيت
عبدالله: قلت لج ماشي سيره
حمده: حبيبي ابا اخذ لي جمن نعول واكسسوارات وعطوره
عبدالله: انا بخذ لج
حمده: =( لا حبيبي انت كل تنقي عنقاش و دفش
عبدالله: الحين انا دفش يالدفشه
حمده: ههههههه حبيبي ما قلت انت دفش بس انا بسير وبخذ اللي يعيبني
عبدالله: بتسيرين وانتي تعبانه
حمده: والله مب تعبانه حبيبي انا مب اول وحده تحمل
عبدالله: وثرج انتي اي وحده انتي قلب عبدالله انتي غيييييييير
حمده: ههههههههه
عبدالله: فديت هالضحكه يالله عيل سرينا سرعه عن اغيير رايي
حمده: لا لا لا كله ولا تغير رايك الحين بركب السياره
وكلن راح ياخذ له اغراض العيد وسلطان سار بعد خذ للبيت سله حلاوى و حلوى وهيك شغلات
بو سلطان: هاا ولدي
سلطان: هلا ابويه
بو سلطان: سلطان بغيتك بكلمه ..
سلطان: امر يالغالي
بو سلطان: ما يامر عليك عدو ولا ظالم ..
نش سلطان وباس ابوه ع راسه
بو سلطان: ولدي انت الحين كبرت والكل عرس ومحد بقى غيرك
سكت سلطان ولا رد ع ابوه
بو سلطان: الحمدلله انت تعالجت و الحين صحتك احسن عن قبل
سلطان: الحمدلله
بو سلطان: يا ولدي في حد في بالك تباها عسب نخطبها لك
سلطان: والله لحد الحين محد في بالي فـ خل الوالده تروح تنقي لي حرمه جي مربربه ههههههههه
بو سلطان: هههههههههههه دام جي السالفه خلاص عيل انا بخطب لك بنت عمك
سلطان: من فيهن !!!
بو سلطان: هنادي ^^
سلطان: خلاص عيل عقب العيد بنروح صوبهم
بو سلطان: ان شاء الله
الثلاثاء
اول ايام عيد الفطر
الكل عيد في بيته والشباب سارو المسيد يصلوون و ساعه 3 قبل ما يأذن العصر الكل سار صوب بو عبدالله يعيدون عندهم
البيت زحمه من السيايير ومن اللي فيه من صغار و كبار
ساعه 4 تقريبا آذن آذان العصر وكلهم صلوو الا مروى كانت تعابل السلات اللي في الميالس ومن خلصن الحريم من الصلاه ردن في الميلس المخصص للحريم والشباب بعدهم ما ردو من الميلس
ومن خلصت مروى من ترتيب السلات وغيره لان اليهال خربوهن راحت فوق تصلي وهي تمشي في الممر تذكرت سيف يوم دعمته وهو كان طالع من الحمـآم ابتسمت والتفتت صوب غرفته ولقتها مسكره وسارت غرفه هنادي عسب تصلي ومن خلصت عدلت عمرها وحطت ميك آب وعدلت شعرها وحطت الشيله وكان لابسه مكسي فضي وداخل فيه لون احمر و اسود وازرق
طلعت مروى من الغرفه وهي تمشي في الممر وتعدل شيلتها ومن رفعت راسها وقفت محلها واطالع اللي جدامهاا
مروى بصوت واطي شوي: سيف !!!!!!!!!!!!
وهزت راسها وقالت : لا لا اكيد يتراوالي
ورفعت راسها وشافته واقف جدامها
مروى بصوت اعلى: سيييييييف !!!!!!!!!!
سيف: ههههههه ليش مب مصدقه اني سيف ^^
مروى: انت متى ضويت وكيف ما خبرتناا
سيف: الحين انا ما خبرتكم الكل يدري اليوم الصبح ضاوي ومن صليت الظهر رقدت وتوني ناش
مروى وهي حاطه ايدها ع خصرتها: لا والله الكل يدري وانا اخر من يعلم
سيف: ههههههههه ليش يعني يهمج !!
مروى: لا ما يهمني بس مب حلوه الكل يدري الا انا ><
سيف: هههههه ان شاء الله برنسس مروى المره اليايه انتي اول وحده بتعرفين
مروى: هذا لو كان شي مره ثانيه
سيف: ليش يعني !!
مروى: اقولك فكني من صدعتك
سيف: افااا والله بدال ما تحمديين لي بالسلامه تقولين جي
مروى: ياخي تقهر
سيف: مب اكثر عنج ههههههه
مروى: ههههههه
سكت سيف ومروى بعد سكتت
مروى: الحمدلله ع السلامه
سيف: هههههه تو الناس ^^ الله يسلمج :]
مروى: متى ضويت
سيف: والله تقريبا ساعه 9 ويلست شوي ويا الاهل وسلمت ع الربع لين ما اذن الظهر سرت وياهم المسيد وصليت بعدها ترخصت منهم ، ما قدرت اتم وياهم زود حسيت بـ تعب فضيييع وانا روحي مب راقد في الطياره ..
مروى: زين تسوي..
ابتسم لها سيف وتم يتلفت ومروى اطالعه وفاجه عيونها
مروى: شو فيك !!
سيف: ولا شي الا .... وسكت
مروى: كمل الا شو
سيف: ممكن ..!
مروى: !!!!!!!
سيف: ممكن كلمه !!
سيف: دام فضلج
ومروى ساكته تتريا يرمس وهو بالاول سكت
سيف قبل ما يرمس تحنحن: احم احم... لو الغلا ياخذ ويعطى على الكيف
ابتسمت مروى وكملت عنه: ترى الغلا منى لك أول هديه
كمل عنها سيف: كلامي معك صادق ولا أظن به زيف ... مقصد شرف مالي مقاصد رديه
سكتت مروى وسيف يترياها تكمل
مروى: والله أحبك لو على رقبتي سيف ... أوفي ولو دنياي ماهي وفيه
سكت سيف وهو شاق الحلج ^^
سيف: عيدي ما سمعت
مروى: بن عروه
سيف: ههههههههههههههههههههه مسرع توج بتموتين عليه من المستحى
مروى: >< جب
سيف: هههههه ^^
والتفت عنها يبا يسير
مروى:
لو الغلا ياخذ ويعطى على الكيف
ترى الغلا منى لك أول هديه
كلامي معك صادق ولا أظن به زيف
مقصد شرف مالي مقاصد رديه
والله أحبك لو على رقبتي سيف
أوفي ولو دنياي ماهي وفيه
تم سيف ساكت وهو عاطنها الظهر ابتسم وسار غرفته وخذ ملابسه وسار الحمام وانتو بكرامه وخذ له شاور ومن طلع راح لـ ابوه
سيف: الوالد
بو عبدالله: عونك ولدي
سيف: عانك الله .. بغيتك بكلمه راس
عبدالله: راس ولا رييل هههههههه
سيف: ههههههههه سخيف
عبدالله: من قبيله ثقيف خخخخخخ
سيف: انت العرس ما صلبك ويا راسك
بو عبدالله: طاع انتو الاثنين تقول يهال
سيف: هذا عبود مب انا
عبدالله: استح ع ويهك ريال بلحيتي تقول لي عبود
سيف: هههههههه اقولك لم لغبك عني ابا الوالد في كلمه راس الحينه
عبدالله: زين زين >> و غمز له ^ *
سيف: ابويه
بو عبدالله: ها ولدي
سيف: ابا حرمه اداريني و اداريهاا
بو عبدالله: وهذي الساعه المباركه والبنت لحد الحين تترياك
سيف: لا ابويه انا ابا .....
قاطعه بو عبدالله: انت ما راح تاخذ حد غير مروى بنت عمك وانا رمست عمك خالد وهو واقف ولـآ جان حد في بالك غيرها قول
سيف: لا لا محد في بالي خلاص بنت عمي .. بنت عمي =]
واتصل بو عبدالله لـ اخو بو مروى وخبره ان سيف يبا مروى و بو مروى ارتاح لان من قبل يبا سيف لـ مروى .. سيف انسان ما يتعوض محترم و رزين و مروى ما بتلقى انسان احسن من سيف
عبدالله: اوووه اوووه والله كبرنا ^ *
سيف: هههههههه انت يالس تصيوخ
عبدالله: كنت ابا اعرف اذا فيه تطورات
سيف: وشو شفت !!
عبدالله: مممم والله و تطورتو وجان بتاخذ عيوز النار هههههههههههه
سيف: ههههههههههههه هااه هااه كله ولا حرمتي
عبدالله: طااع ويا راسك بعدها ما صارت حرمتك وانت >> وهو يقلد سيف >> كله ولا حرمتي
سيف: ههههههههه
بعد جمن شهر
نروح صوب حمدهـ
يابت حمدوه ولد كيوووووت طالع عليهاا وسموه محمد :]
وعبدالله مسوي حشره
عبدالله: ياخي بيضيع الولد
ام عبدالله: اشعندك تلاعي في الدختر
عبدالله: ولدي ولدي
ام عبدالله: بلاه ولدك!!
عبدالله: يشبهه امه =(
حمده: ههههههههههههه
ام عبدالله: جيييه امه لازم بيشبهاا
انسير الغرفه اللي عدال غرفه حمده
حمدآن: فودييييييييييييييييييييييييتهاا اللي طالعه عليه
غاليه: اونه اونه طالعه عليك الا طالعه عليه
حمدآن: امايه بذمتج تشبهه منووو !!
ام حمدآن: تشبه بو حمدآن
سيف: هههههههههههههههههههههه عرفت دواكم هههههههههه
بو حمدآن: الا ولدي شو بتسميهاا !!
حمدآن: بسميهـآ شيخه ^^
،،
حمده وغاليه ربن في نفس اليوم لكن في اوقات مختلفه وام عبدالله رايحه من غرفه لـ غرفه مره عند حرمه ولدها و مره عند بنتها
بعد شهور حددو العرس و مروى مرتبكه بتاخذ سيف اللي دوم هي وياه ضرابه من يوم كانو صغار ... وشوي تلعوزت في الزهاب لان مروى مب كل شي يعيبهااا وبعد صراع خذت الفستان من دبي كانت تبا تاخذ الفستان من السعوديه
تاريخ 4 \ 9 \ 2011
اليوم اللي بيجمع بين سيف ومروى :]
هنادي خطيبه سلطان كانت لابسه فستــآن لونه زيتوني
غاليه حرمه حمــدآن لابسه مكسي آحمـــر
الريم حرمه سالم بمـآ انها عندها 2 فـ كانت لابسه ثوب و كندوره باللون الازرق الغامج ولابسه برقعه قصته صغيره >> احم احم فديتها ^^
حمدهـ حرمه عبدالله كـآنت لابسه مغربي لونه فوشي
//
طبعا بتقولون اشمعنى الريم اللي لابسه برقع وهيك
من عاداتنا البنت اللي تكون عندها 2 او 3 وفوق >> اقصد عيالها لازم في المناسبات مثل الاعراس او تزور حد تلبس برقع والحين هي ام ما ينفع تلبس فستان فـ تلبس مغربي or مكسي or ثوب وكندوره ^^
\\
المهم
ردينا لـ مروى
طبعا محد دخل عليها الا الريم وكانت يالسه وياها عسب تونسها شوي وعلى ساعه 9 دخلوها ع الكوشه ونشن ربيعاتها الريم و غاليه و حمده يعدلن فستانها من تحت عسب تقدر تمشي لان فستانه من فوق لـ تحت كله كرستال وثجيل ومن فوق سلاسل
يلست شوي ع الكوشه واتبشن البنات وعقب نشن الحريم يسلمن عليها بعد ربع ساعه اعلنو ان المعرس و اخوانه بيحدرون ونشت مروى ولبسوها عباه بيضاء وغطووهاا شوي الا يحد ربو مروى و عمها بو عبدالله و عبدالله و سيف
سارو الشواب يسلمون ع مروى
بو مروى وهو يحبها ع راسها: مبروك بنتي
مروى: الله يبارك في حياتك
بو مروى: والله كبرتي يا بنتي وصرتي عروس
ما قدرت مروى تتحمل وبغت اتصيح وانتبهت لها غاليه وسارت صوبها و امها ماسكتنها من ايدها بعد ما سلمو عليها
تقرب سيف منها وباسها ع راسها
سيف: مبروك عيوز النار ^^
رفعت مروى عيونها صوبه ولا ردت عليه
سيف: ههههههه
غاليه: ايييه حتى في عرسكم بتضاربون
مروى: ما تسمعينه شو يقول
ام مروى: بس بس خسكم الله .. فضحتونا
بعد جمن دقيقه طلع سيف وشل حرمته وياهـ و زفوهـآ بالرنج الابيض لـ عبدالله وسيف اللي كـآن يسوق وهي عداله وبتموت من الزيغ ><"
وصلو البيت وكانت الساعه تقريبا تقريبا 3
تمت مروى يالسه ع الكنبه في غرفته و هو كان ياخذ شاور ومن طلع وقفت مروى شافها سيف وضحك
سيف: حلو عليج الفستان عيوز النار
مروى: حرمتك عيوز النار
سيف: ههههههههههههههههه بالله عليج من حرمتي غيرج
شوي وتنتبه مروى ><
سيف: ههههه انزين بتخبرج
مروى: شووو !!
سيف: السلسله >> وطلعها من الدرج اللي كانت فيها حرف S
مروى: بلاهـآ !!
سيف: منو S !!
مروى: :$ اونك ما تدري يعني !!
سيف: هههههه لا والله مادري !!
مروى: اوك تدري يوم كنا بعدنا في الابتدائي !!
سيف: انزين !!
مروى: تذكر يوم كانو الاولاد يزخوني من شعري وكنت اصيح وكنــآ رايحين هذيج الفتره المبزره !!
سيف: هييه اذكر يوم فجيتي النطح وبغمتي هههههه
مروى: ههههههههه ويا راسك المهم من بعدها انت يييييت وضربتهم وسرت .... وسكتت
سيف: وسرت ابوسج ع راسج عسب تسكتين
مروى: ههههه هييه بعدها من طلعنا من المبزره سرنا السوق امايه كانت تبا تاخذ لها اغراض وكان هناك محل اكسسوارات و المرحوم سهيل اختار لي هالسلسله ..
سيف: الله يرحمه ويغمد روحه الجنه
مروى: امين ويرحم اليميع
ابتسم سيف لـ مروى بكل حنان وحب انه يطلعها من هالجو خاصه انه ذكرت اخوها المرحوم سهيل
سيف وهو يزاعج: مروى نشي نشي
مروى بخوف: ايييه شوووو
سيف: صرصووور
مروى: ويييييييين ويييييييييييين
وما حست بعمرها الا وهي متعلقه ع رقبه سيف وسيف ميت من الضحك عليها
وتمو هم الاثنين يتغايضون لين ما اذن الفير ومروى بعدهـآ ما فصخت الفستان
سيف: بروح المسيد عند الشباب وبقول لـ هنـآدي اتي تساعدج تفصخين الفستان
مروى: زين تسوي
وسار سيف المسيد ورد البيت تقريبا ع ساعه 5
ومن وصل لقاء مروى يالسه تعدل شعرهاا وقف عند الباب وتم يطالعها وشل ورده من الباقه اللي فوق الطاوله ومدهاا لهـآ
مروى: ماباهاا
سيف: زولي
مروى: لا والله
سيف: هييه والله
مروى: جب ><
سيف: اييه لا تقولين جب ريلج اناا
مروى: :$
سيف: ويل حالي ^^ تعالي تعالي هنييه بقولج شي
مروى: همم
ويلست عداله
مروى: شووو
سيف: ماشي الا من تخلصين بندي الليت
مروى: ويا راسك عبالي بتقول شي
سيف: ههههههه تراني قلت
مروى: ><
ابتسم لها سيف وانسدح ع طرف وبندت الليت وانسدحت ع الطرف الثاني وكل واحد معطي الثاني ظهره انلجب سيف ع اليانب الثاني وكان يطالعها وهي معطيتنه ظهرهااا ومسكها من شعرهاا
مروى: ايييييييييييييييه
سيف: ههههههههههههههههه
مروى: سبال فج شعري
سيف: جب كيفي ريلج انااااا
مروى: اكرهك
سيف: وانا احبج
سكتت مروى اول مره سيف يقولها بـ طريقه مباشره
صدت صوبه ولقته يطالعهااا
مروى: صدق
سيف: هييه صدق
سكتت مروى وسيف يباها تقول شي
مروى: والله احبك
ابتسم سيف وكمل: لو ع رقبتي السيف
||
ملخص ما قبل النهايه
ساره
هالبنت بعدها ع عاداتها الوصخه لكن اخوها حمد ما مخلنها وكل ما بغت تسوي شي كان هو واقف مثل الحاجز ويمنعها تسوي شي من وراه
سلطـآن و هنـآدي
طبعا بعدهم ما عرسو لان سلطان راح يكمل دراسته برا مده 5 سنوات ومن يرد راح يتزوج وهنادي تكمل دراستها في الجامعه
عبدالله و حمدهـ
عبدالله دوم مشتط ع حرمته لان حمده بااارده وكله تضحك احر ما عنده ابرد ما عندها بس فوق هذاا حبه لها يزيد خاصه من يابت له ( محمد )
حمدآن وغاليه
هالاثنين يوم يتزاعلون ويوم يتراضون و يوم يتضاربون و يوم يكونون عسسل خاصه ان غاليه وايد تعاند حمدآن لكن فوق هذا حبهم كان اكبر من اي خلاف .. ومن يتزاعلون عقوو بنتهم ( شيخه ) عند ام حمدآن المسكينه وهم مسوين حرب من بينهم لكن عقب يرد كل شي لـ وضعه واحسن..
سالم و الريم
كل ما تمر سنه حبه لـ زوجته تزيد و تزيد مع ان ساره فرقت من بينهم اكثر من مره لكن الريم قلبها يقودها لـ سالم و سالم قلبه يقوده لـ الريم وحبهم كبر من يابت له الولد الثاني ( خليفه ) اللي دوم ( سلطان ) يضاربه ويغار منه @.@"
سيف و مروى
هالاثنين مثل ما هم يوميا مغايض لكن مروى ما تصبر عن سيف ولا هو يصبر عنهآ وحاليا تحاول ويا ريلها انها تكمل دراستها برا البلاد وهو حاط على هالفكره خط احمر >> يعني في الاحلام خخخخ
The End
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تجميع / ♫ معزوفة حنين ♫ ..
اللهم لك الحمد حتى ترضى وإذا رضيت وبعد الرضى ,,, اضف تعليقك