رواية اشتقت لك لين صارت بي منك لمحات -19
رندا ميته من القهر على شكل سعود ورزته وطوله خلت الي بالمطآر يخقون عليه..رندا عصبت وطلعت حرتها بالبنات الي مايدرون ليش رندا عصبت وانقلبت وماطرى على بالهم انه كل هذا علشان سعود
..... نــــآدوا على الرحلــة .....
ريآنه ورندآ على السلم الي يصعدهم على الطيارة..رندا هنا معصبه الكل رآكب بالطيارة ورندا وريآنه تأخروا لانهم يسولفون ويمشون حبه حبه..
رندا:امشي قدامي يالدبه لا تمــطـطـين كنك تمشين على بيض
ريآنه:ياسلام اللحين من الي يمشي بدلع وعلى مهله انتي
رندا:اقول لا يكثر واصعدي قداآمي..[ هنا رندا دآست على عبايتها وكآنت بتطيح من على الدرج (السلم) الي يوصلها لباب الطيارة ]
رندا:ريااااااااااااااااااااااانه
..ريآنه غطت عيونها ماتبي تشوف رندا وهي طايحه..
سعود كآن ورآهم ولما شاف رندا بتطيح من على السلم صاير يركض وهو حط يده على شماغه ..رندا طاحت عليه وهو مسك ظهرهآ ..[ اشكآلهم تخقق]
ريآنه فآتحه فهمهآ على المشهد الي صاير قدآمها ..حتى ريآنه طويلة اللسان ماقالت و لاحرف..
سعود بهدوء: تعورتي؟
رندا عيونهآ مليانه دموع ..سعود يناظر لعيونهآ نفسه لو كآنت رندا له يقدر يضمهآ لصدره نفسه لو يمسح دموعهآ ..
سعود رفعهآ وعدلهآ ..رندا استحت
ريآنه نزلت من على الدرج وراحت لعند اخوها سعود ورندا..
ريآنه: احم احم نحن هنآ..
سعود مايناظر لريآنه عيونه مركزهـ على رندآ كأن مافيه احد حوله غير رندآ..
ريآنه: هيه انا اتكلم..سعود قسم بالله كنكـم في مشهد من مشآهد افلام تاركان وطقته
رندا مسكت ريآنه من طرحتهآ وسحبتهآ قدآمها..
ريآنه: هيه وجع توجعك رندا والله لو انا خروف العيد تبين تضحين فيني ..لاتسحبيني كذا
سعود ميت ضحك على حركة رندا وهبال ريآنه..
: : :
ضآري:تكفون ياعيال ابي اجلس معاها..
مشآري:اقول مآكنك مصختهآ..
سعود:هيه ترى اعطيناك وجه قلنا مسافرين يغير جو..وصلت بعد تجلس جنب اختنا
ضاري:يادب انت وياه اختكم زوجتي
فيصل:ههههههه اقول ضاري انت ضاربه فيوزآتك والله لو يشوفك عمي ابو مشعل الا يرميك من نافذه الطيارة
العيآل:ههههههههههههههههههه
{ انــا ماني قليلة شر وتراني افهم التلميح
ولا ارضى اعيش منذلة ولا حتى يلوموني
ابحيا رافعه راسي بوقت من يقوم يطيح
وبألوي ذراع قوم على الغلطه يحدوني ..!!
تركي: بنات هذي شنطة مين الي حاطتها بمقعدي؟
شوق: شكلها لريانه
العنود: ايه صح لريانه..
ديم بصوت قصير:ياخبله ايش سويتي؟
ريآنه: يوه هذي شنطتي احسب المقعد لي نزلت الشنطة وجتني المظيفه وقالت لي مقعدك ورى ونسيت الشنطة..
رندا: ريانه قومي خوذي شنطتك شوفي اخوي ماسكه يالبى قلبه
ريآنه قامت من مقعدهآ سحبت الشنطة من يدهـ من غير ماتقول ولا كلمه ...وضربت كتفه مسكة الشنطة..تركي رفع رآسه لهآ..صدت وتركته..
: : :
من بكــرى الصبح..مشآري يركض على الدرج ويطق باب غرفة ريانه
مشاري: ريانه ريانه ريانه
ريانه صحت من النوم مفزوعه وهي لابسه بيجامتها فتحت الباب
ريآنه: وشو صاير شي؟
مشآري:مبرروووووووك ياقمر
ريآنه: مبروك؟ على وشو؟
مشآري: جبتي 97%
ريآنه:احللللللف امانه..من جد تتكلم؟
مشآري:هههههههه والله العظيم
ام مشعل تمشي بسرعه على الدرج: وش فيك مشاري تصارخ من دخلت
ريآنه من شافت امها وهي تركض لعندها ضمتها وجلست تبكي
ام مشعل: مين الي زعل بنتي؟
مشآري: ريانه ليش تبكين؟ معقولة؟ يمه بنتك العبقريه جابت 97%
ام مشعل: لولولولوليييييييييييييش
العنود وسعود طلعوا من غرفهم
سعود:مين تزوج؟
العنود: وش السالفه يمه؟
ام مشعل من شافت ريانه تبكي نزلت دموعها..
مشآري: ريآنه جابت 97%
العنود:لا عااااااااااد ..مبرووووووك ريونتي
سعود:والله عندنا ناس دوافير بالبيت
ريآنه: على الاقل انا جبت 97 انت جايب 99 مين الدافور هاه؟
مشاري:هههههههههه غلبتك ام لسانين
سعود:هههههههههههه اذكري ربك
ريآنه:ههههههه ماشاء الله
مشاري: تدخلين طب؟
ريآنه: لا بسم الله علي
العنود:طيب ايش تبين تدخلين؟
ريآنه:مدري
سعود:طيب صيدله
ريآنه تذكرت تركي: وع مايدخله غير المعقدين
مشآري:الليله انا عازمكم على العشاء لعيون دلوعتنا
العنود:بكرى راح نسوي حفله
ام مشعل: تستاهل بنيتي والله ..يالله روحي بشري ابوك
سعود:اللحين شوفوا ايش كم يبي يعطيهآ؟
العنود:عاد ذي ريانه آخر العنقود
: : :
بعــد مرور آسبوع..!! الساعه 11 الضحى..وفي بيت ابو فيصل..
آم فيصل: صدق الله يبشرك بالخير يام طارق..اجل الليله ان شاء الله ابو فيصل وفيصل راح يجونكم للبيت ويطلبونها رسمي
ام طآرق: خلاص الله يتمم لهم على خير..وحنا نشتري رجال والله
ام فيصل:والله مشاعل بنت اجوديه والف من يتمنآها ويارب تكون من نصيبنآ..
ام طآرق:ماعليكم زود يام فيصل..اجل ننتظركم الليله ان شاء الله..
ام فيصل: ان شاء الله..
ابو فيصل:سويتي الي برآسك
ام فيصل:ايه واخيرا بشوف فيصل لابس البشت
ابوفيصل :الولد لحد اللحين ماعنده خبر؟
ام فيصل: ايه ماعليك فيصل يسمع كلمتي والبنت مافيها شي ..يحصل له والله ياخذها
ابوفيصل:انا ماراح اتصل على اخواني الا لمن تقولين لفيصل
ام فيصل:يالله انا بروح اصعد له لغرفته من حظي اليوم ماراح للدوام
ام فيصل صعدت وطقت الباب ودخلت..
فيصل:ياهلا بالغالية..
ام فيصل:هلا بك اكثر..
فيصل: الغالية ايش عندها..كأني اشوف في فمك كلام تبغين تقولينه؟
ام فيصل: يالبى قلب الي يفهمها على الطاير..
فيصل: خير يالغاليه
ام فيصل: انت الحين وش تتمنى بالدنيا
فيصل علآمة استفهام على وجه (؟): اكيد رضاء الله ورضاك انتي وابوي
ام فيصل:حلو..وانا اذا قلت لك انه انا وابوك نبي نفرح فيك ونشوفك معرس وش تقول؟
فيصل ابتسم لهآ وطرى على باله ديم :هذي الساعه المباركه يايمه واهم شي فرحتكم
ام فيصل مستغربه: يعني انت موافق انك تتزوج؟
فيصل:اكيد احد مايبي يكمل نصف دينه
ام فيصل: الله يريح بالك مثل ماريحتني انا وابوك ماخذين هم كيف نقنعك بموضوع الزواج..!!
فيصل:هههههههههه
ام فيصل: الليله ابوك وعمامك يبون يروحون يخطبون لك
فيصل:أيــــــــــــــــــــــــــــش؟
ام فيصل:وش فيك لايكون غيرت رآيك؟
فيصل: لا بس وش تخبطون ومن تخطبون؟
ام فيصل: انا من قبل مانسافر وكلمة اهل العروس واليوم ردوا لي انهم موافقين بس يستنون
فيصل الغالي يجيهم رسمي
فيصل:ومين خطبتي لي ؟يمه تكلمي بسرعه
ام فيصل:وش فيك؟ خطبت لك مشآعل
فيصل:ومن هي مشاعل هذي؟
ام فيصل:بنت ابو طارق ..اخت زوجة مشعل
فيصل: بس انا مابيها
ام فيصل:وش تقول انت؟ فيصل تبي تطيح وجهي قدام الناس
فيصل:ومن قالك يايمه تخطبينها لي؟
ام فيصل:اعرفك تسكتني بالكلام يصير خير وان شاء الله بتزوج قلت مالي الا اخطب لك رسمي واحطك تحت الامر الواقع
فيصل:بس انا مابيها...انا بختار عروستي بنفسي
ام فيصل: ومن وين تبي تختارها لاتنسى العادات والتقاليد حنا مجتمعنا مو متحرر..وبعدين انا اخترت لك زين البنات وانا ماراح اغشك
فيصل:يمه لوسمحتي لا تنكدين علي زوآج ماراح اتزوج وش قلتي؟
ام فيصل:والله ماكلمك ولا احط لساني بلسانك ..
فيصل:يمه مهو كذا الزواج ماهو بالغصب
ام فيصل:لو نبي ننتظرك عزالله متت ولا شفت ضناك
فيصل:يمه افهميني
ام فيصل: اذا تبي رضاي تروح الليله تخطب البنيه من اهلها..
فيصل: يمه انتي تعرفين قدرك بس
ام فيصل طلعت من الغرفه وسكرت الباب بوجه..
فيصل ضاقت به الدنيا ..حس نفسه مخنوق...مكبوت..امه حكمت عليه بالاعدام وهو حي..كل تفكيرة بديم..راح لمخبى (جيب) بنطلونه وطلع ورقة ديم..وجلس يطآلع لرسمتهآ.. وكآن مكتوب بآخر الورقة [تضيق بي الدنيا بكبرها من معابيس الوجيه ..وهذاك لامنه تبسم شفت للدنيا طرف ]
مسك الجوال واتصل بسعود..وقاله ع المصيبه الي طآح فيهآ..وكيف انه بين نآرين نار الحب ونآر امه..سعود حاول يهديه واقترح عليه اقتراح..فيصل مالقى حل غير اقتراح سعود وقرر ينفذه قبل لايطير كل شي منه..وخاف على امه يرتفع عليها السكر,...
نزل فيصل للصاله وشاف امه جالسه راح لعندها..ام فيصل قامت من الكنبه..فيصل مسكهآ وجلسهآ..
فيصل:يمه اجلسي بقولك كلمتين
ام فيصل:مابي اسمع كلامك الي يغث
فيصل: لا يايمه انا خلاص بسوي كل الي تبينه وراح اخطب الليله ان شاء الله
ام فيصل:صدق؟
فيصل:وكم ام انا عندي...هي وحده وابي رضآها..وخلاص الخطبه وبخطب والزوآج وبتزوج بس اهم شي انك ماتزعلين علي..
ام فيصل: ياوليدي من لي غيرك انت واخوانك ابي افرح فيكم قبل مالله ياخذ عمري ولا اشوف عيالكم
فيصل:الله يطول بعمرك وتشوفين عيالنا وعيال عيالنا..
رندآ: وش عندكم؟؟
ام فيصل:باركي لآخوك الليله يبي يخطب
رندا طايرة عيونهآ :وشو؟ مين يبي يخطب؟ومتى؟وليش ماقلتوا لي انا جدآر قصير بالبيت؟
فيصل مآسكـ الجريده ومطنش كل الي صاير..
ام فيصل: الليله يبي يخطب مشآعل بنت ابو طارق..وكلهآ الخطبه صارت مفاجآءه
رندا: مين قلتي لي؟ مشآآآآآآآآآآآآآآآآآآآآآآآعل؟
فيصل نزل الجريده..
رندا:ماطرت الا مشاعل ماياخذها فيصل ..يمه حرام عليك انتي تبين تعذبين ولدك؟
ام فيصل:وش فيها مشاعل زين وعقل وثقل
رندا:من جنبهآآ ..يمه تكفين شيلي الموضوع من بالك فيصل يستاهل احسن منها وانا بكرى بخطب له..بس مشاعل لا
ام فيصل: ماشاورتك..هذا ولدي وابي اختار له الي ابي واذا صار زوجي تركي
رندا:يمه ترى مشاعل اذا دخلت هالبيت بتفرقنا وبتسوي مشاكل وانتي الي راح تندمين
ام فيصل: وش هالحقد يابنتي ..ماتوقعتك كذا
رندا:انا مو حاقده بس انا اعرفها زين..خسارة فيصل عليها..
ام فيصل:جيتي متأخره احنا اعطيناهم كلمة والليله يبيون يروحون
....... فيصـــــــــل .......
ليش كل هالاصرار من رندا على مشاعل..؟ليش رافضه فكرة ارتباطي فيها؟
: : :
في بيت ابو عبدالعزيز الكل جالس على الغداء..والسوالف والضحك..
ابو عبدالعزيز:ايه قبل لاانسى ياعيال اليوم جهزوا اعماركم بنروح نخطب..
جود شرقت:كح كح..
فارس: احلى ابوي يبي يتزوج
ام عبدالعزيز: فال الله ولا فالك
ابو عبدالعزيز:ههههههههههه
ضاري:يبه مين تبي تخطب؟
ابو عبدالعزيز:الليله فيصل ولد عمكم يبي يخطب بنت ابو طارق..
ديم لما سمعت بالخبر طاحت الملعقه على الارض..حست انها بصاعقه دوآمه ..جود تطالع لديم بنظرة الرحمه..ديم عيونها (تغرغر) مليانه دموع..جود نفسها لو تضمها وتهديها..
فارس:اوخص يافيصل اجل هذي المفآجأه الي يقول عنها في بيروت
ام عبدالعزيز:أي مفاجأة؟
ضاري: أزعجنا وهو يقول عندي مفاجأة طلعت خطبته..ماشاء الله يستاهل
ديم قامت من الطاوله:الحمد لله..
ام عبدالعزيز:ماكلتي شي ياوليدي..
ديم:شبعت
ابو عبدالعزيز:صحنك ماعدا ماكلتي شي
ديم ولاول مرة سحبت عليهم وماردت على ابوها ..كانت تمشي بسرعه تبي غرفتها تبي تصيح تبي تصارخ تبي تطلع كل الي بقلبها..
جود:الحمد لله
ام عبدالعزيز:حتى انتي؟ وش فيكم ماكلتوا؟مع اني مسويه الاكلات الي تحبينها
جود: لا والله يالغاليه وهو احد ماتعجبه اكلات ام عزوز تسلم يدينك بس شبعت تعرفين افطرت متآخره..
ام عبدالعزيز:برآحتك..
جـــود:ديم افتحي الباب..حبيبتي كلنا مصدومين افتحي لي
ديم:جــود تكفين خليني بحالي يرحم والديك
جود:ماراح اخليك بذي الحاله
ديم تصآرخ:انقلـــــــــــــــــعي
جود:انا مقدرة الي انتي تمرين فيه ..بس افتحي لي
ديم طنشتهـــآ..جود ظلت واقفه على الباب ربع ساعه وهي تترجى ديم تفتح لها ..بالاخير يأست منهآ..
جود: انا بروح شكوي لله
ديم فتحت لجود..وارتمت عليهآ وجلست تبكي مثل الآطفال..
ديم:ايش ذنبي انا حبيت واحد ماحس فيني..عشمت نفسي بالتمني وبالاخير طار من يدي..جود انا ماهمني يتزوج الي يبي الا مشآعل حرام ذي السخيفه تآخذ فيـ....ـصـ...ل
جود ضمتهآ لصدرهآ وجلست تسمي عليهآ ..
: : :
فيصل:الوو.. خلاص فارس فهمتني؟
فارس:والله مدري وش تقول احس راسي ومخي افتر
فيصل:انت وضاري وعمي لاتتحركون احنا نبي نمركم ونروح سواء
فارس: ترى عندنا سيارات
فيصل:ههههههههه عارف
فارس: ايه حسبالي نسيت..المهم يعني مانروح الا لمن تجون عندنا ونجتمع في بيتنا علشان نمشي سواء
فيصل:عليك نور..واخيرا مابغيت تفهم
فارس: وش اسوي فيك..خلاص اجل ننتظركم ..
فيصل: فمان الله
بعد المغــرب ابو فيصل وتركي يتنظرون فيصل ينزل..
تركي: وينه فيه فيصل يبي يتدلع علينا مسوي نفسيه معرس
ام فيصل:وهـ ياعلي ماعدمه هو وزوله ..
ابو فيصل: رندا روحي ناديه
رندا:على ايش يتكشخ لايكون علشان يخطب هالسخيفه
ام فيصل: انطمي وقومي
رندا: اوووووف
نزل فيصل وهو متسكب وريحه العطر والبخور واصله لآخر البيت..
فيصل:يبه اتصلت على عمامي؟
ابو فيصل:ايه وقلت لهم انه نبي نمرهم بسياراتنا
فيصل:حلو
ام فيصل:لولولولولوليييييييييييييييش
رندا:عن اذنكم
فيصل: رندوش مالك الا اذا رجعت ان شاء الله راح تنبسطين وانتي الي تزغردينمـع امي
رندا: والله مدري وش تخربط بس مبروك
فيصل:هههههه الله يبارك فيك..
: : :
سعود: يبه يالله خلنا نروح
ابو مشعل: ياولدي وين انت مودينا؟
سعود: انت اركب انت ومشعل ومشاري وانا الي ابي اوصلكم
مشعل: والله مدري وش تخربط..بس ترى هم انسابنا يعني انا اعرف بيتهم وانا الي ابي اوديكم بسيارتي
سعود:لو سمحت يامشعل لاتخربط علي الوضع انا وفيصل متفقين على كذا
مشاري: على ايش؟
سعود:اركبوا معاي وانتم ساكتين ماعدا الوالد الله يطول بعمرهـ
ابو مشعل:هههههههههههههه يالله نصبر ونشوف
سعود:نبي نتجمع في بيت عمي ابوعبدالعزيز ومن هناك كلنا نروح مع بعض
مشعل:اهاااا طيب ولا يهمكم
: : :
ديــم على السرير والغرفه كآنت بارده حدهـآ ..مطفيه ألآنوآر ماقامت من على سريرها من سمعت الخبر..قامت فتحت الدرج تبغى تآخذ علبه كلينكس علشان تمسح دموعها الي بس ينزلون من عرفت بخطبة فيصل..بس لقت شوكلآته [الويفر من فيصل آيام ستار بكس]
اعذريني يالهدايا لو هملتك في الزوايا
ماني متحمل اشوفك واللي جابك مو معايا
اللي جابك وينه عني يا ترا زعلان مني
ما درى في غيابه كم شكيته للمرايا
اعذريني يالهدايا
راح وخلاني لحالي شفت ويش سوا بحالي
خبريني ويش اسوي لو عشق قلبه سوايا
قولي لو هو حب غيري وش يكون اسمه مصيري
غير اموت واترك الدنيا ورايا
اعذريني يالهدايا
: : :
فيصل: يبه اسمعني انا قلت لعمامي كلهم انه نبي نروح لبيت عمي عبدالعزيز
ابو فيصل: شلون يعني والناس الي مواعدينهم؟
تركي:فيصل وش فيك؟
فيصل: يبه انا مابي بنت ابو طارق..صحيح بنت حموله والله يستر عليها بس انا نفسي في بنت عمــــي
تركي:أي وحده؟
فيصل: ديـــــــــــــم
ابو فيصل:هذي والله الساعه المباركة حتى انا ياولدي والله ماكذب عليك ان قلبي مقبوض من سالفة خطبتك من بنت ابوطارق
فيصل:يعني انت مو زعلان علي؟
ابوفيصل:وليش ازعل عليك انت الي تبي تتزوج وحنا مانبي نظلم البنيه نزوجك اياها وانت مالك خاطر فيها بكذا راح تتعذب انت وياها والزواج اساسه الرضاء واذا انت مو راضي ماتوقع راح تستمر علاقتكم وانا والله مارضى نظلم بنات الناس
فيصل باس راس ابوهـ
ابوفيصل:انتبه للسيارات
تركي:لولولول ليش
فيصل+ابوفيصل:ههههههههههههههههههههه
في بيـــــــــــــت ابو عبدالعزيز....
ابوعبدالعزيز: وشو تبون تطلبون يد ديم؟
ابوفيصل:اذا ماعندكم مانع
ابومشعل: وبنت ابو طارق؟
ابوعادل:وش تقولون انتم؟هماكم انتم قلتوا لنا انه نبي نروح لأبو طارق؟
ابوفيصل:الولد يبي بنت عمه وانا مابي اظلم بنات الناس
ابو مشعل:زين الاختيار والله ديم بنت رجال ومن حظ فيصل لاصارت من نصيبه
مشعل:وخالي ابوطارق؟
ابوفيصل:والله مدري وش اقول مالي وجه اقابل الرجال
تركي:هذا شغلتك قم يالغالي اطلع واتصل عليه يالله يامشعل
مشعل:والله خالي طيب ومتفهم ولو ابي اقوله هالكلام ماراح يزعل
ابو فيصل:تكفى ياولدي قله فهمه
مشعل:ابشر ياعمي ماطلبت شي
فيصل بقمة سعاده نفسه لو يقوم من المجلس ويروح لديم ويسمعهآ ويكلمهآ..
ضاري:والله كأنه بفيلم
مشاري:هههههههههههههه
تركي:هيه حدكم الا اخوي
فارس:وانت كل كلمة واالثانيه اخوي اخوي..ندري انه اخوك قسم بالله
سعود:ههههههههه أي والله نشب بحلوقنا كنه بالروضه
تركي:ههههههههه
فيصل: هاه ياعمي شاورت ديم؟
ابوعبدالعزيز:ههههههههه شكلك مستعجل وانا ابوك
فيصل:هههههه خير البر عاجله
ابوعادل:والله تستاهل
ابوعبدالعزيز:بروح اشاور البنت وبرجع
ابومشعل:يابوعبدالعزيز مو لازم اليوم ترد لنا
ضاري:حنا نشري رجال والله..فيصل شيخ الرجاجيل وماراح نلقى احسن منه لديم واكيد هي موافقه
فيصل:انا ابي اسمع رآيها
ابوفيصل: ان شاء الله بتوآفق
ابوعبدالعزيز :عن اذنكم
: : :
جــود:احلف يبه من جد تتكلم؟
ابوعبدالعزيز:ولله كلنا منصدمين بس كل شي مكتوب
ام عبدالعزيز:والله فيصل ماينعاب وخوش ولد..وانا احبه من يوم كان صغير..
ابوعبدالعزيز:ماعلي منكم وين ديومتي؟
جود:آآآممممم يبه ديم تعبانه
ابوعبدالعزيز:ابي اصعد لها
بسم الله الرحمن الرحيم
][ الجزء 21 ][
{ أوف × يمـــهـ × صـآب هـ آلشــآرع سكوني
وآنكسرت . . !!
مـآذبل فيني غـرآآمـ ولآكبر فيني مـكآن
غير أنـي . .
بلحظة آلصمــت آنهزمت . .!!
ابوعبدالعزيز:يبه ديم افتحي الباب
ديم (قمزت) من السرير وراحت فتحت (اللمبات) ومسحت دموعهآ ورفعت شعرهآ وفتحت الباب..
ابوعبدالعزيز وقف يطالع عيونها الحمر وجهها المعفوس والي لونه صاير آصفر وذبلآن..ولماشافت ديم ابوهآ رمت نفسها عليه وضمته وجلست تبكي من غير شعور
ابوعبدالعزيز مسك رآسها ودخلها الغرفه وجلسها على السرير وسحب كرسي مكتبهآ وجلس قبآلها ..
ابوعبدالعزيز: ديم وش فيك يايبه ؟ تعبانه؟
ديم العبره تخنقهآ:لا يبه بس ...
ابوعبدالعزيز التفت للجهه الثانيه وشاف (كومة) مناديل
ابوعبدالعزيز:تبكــين؟ ليش مين الي زعلك؟
ديم:لا يبه بس فيه مشآكل بيني وبين صديقاتي
ابوعبدالعزيز:الحمدلله احسبك تعبانه..يبه لازم تصير مشاكل بين كل الاصدقاء بس الصديق الصدوق هو الي مايتخلى عن صديقه مهما صارت الظروف
ديم:يبه انا مابعتهآ انا ابـيهـآ والله ابيها
ابوعبدالعزيز:المهم يابنتي حاولي تتصلين عليها وكلميها ..
ديم:ان شاء الله
ابو عبدالعزيز:ماسألتيني ليش جاي ؟
ديم تذكرت خطبه فيصل: ورى مارحت وخطبت لفيـ..صـ..ـل؟
ابوعبدالعزيز:فيصل خطب
ديم من غير نفس:مبروك
ابوعبدالعزيز:ههههههههههههههه
ديم استغربت من ضحك ابوهآ كآن يضحك من قلب ..لدرجة انها ماقدرت تتكلم ظلت تطالع لمعالم وجه الي صارت حمراء من الضحك
..... ديــــم .....
الله يستر لايكون (زليت) بكلمة ..او طلعت مني كلمة غلط..ليش ابوي يضحك كل هالضحك ماقلت شي غلط؟
ابو عبدالعزيز: بس فيصل خطبك مني
ديم حست وكآنها بوسط دوآمه ...حاولت تقوم من مكآنها مقدرت رجولها ماشالتهآ ..صارت ترتجف (تنتفض) من كلام ابوهآ ... حست وكآنها تتابع فيلم ... حست بكلام ابوهآ و نزلت رآسها بالارض
ابو عبدالعزيز:هاه يايبه وش قلتي موافقه؟
ديم من قالها ابوها انه فيصل طلب يدهآ انسدت اذونها ماصارت تسمع كلام ابوها صارت تتذكر المواقف الي صارت لها من سالفه سيارة فيصل ويدها..وسالفه مشبك الشعر وسالفه الوردة وسالفه الشوكلاته وآخر شي رسمتها ...كل شي مر عليها وكآنها تتابع شريط ذكريآتها..
ابو عبدالعزيز: ديم؟ مو يقولون السكوت علامة الرضاء..انزل ابشرهم؟
ديم ساكته
ابوعبدالعزيز:الف الف الف مبـــــروك يايبه وفيصل زين الرجال
قآم ابو عبدالعزيز ومشى ولما وصل للباب
ديــم: يبــــــــــــه
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك