رواية اشتقت لك لين صارت بي منك لمحات -20
ابو عبدالعزيز: ديم؟ مو يقولون السكوت علامة الرضاء..انزل ابشرهم؟
ديم ساكته
ابوعبدالعزيز:الف الف الف مبـــــروك يايبه وفيصل زين الرجال
قآم ابو عبدالعزيز ومشى ولما وصل للباب
ديــم: يبــــــــــــه
ابوعبدالعزيز:هلا
ديم:ومشاعل
ابوعبدالعزيز:من هي مشاعل؟
ديم:بنت ابو طارق
ابو عبدالعزيز:فيصل مايبيها وكل شي قسمة ونصيب واعتذروا من الرجال وقالوا له كل شي مكتوب
ديم:طيب وش ردة فعله؟
ابوعبدالعزيز:عادي ترى ابو طارق خوش رجال ومايزعل وهذا الشي مايزعل راح يجي بنته ولد الحلال الي يعزها ...واللحين عند العروسة اسأله ثانيه؟
ديم استحت..رجع ابو عبدالعزيز لعند ديم وباس رآسها وطلع
: : :
فيصل والابتسامه شاقه وجهه:الله يبارك فيكم
ابو عادل:ومتى تنزل بنتنا ديم علشان يشوفها فيصل
فيصل تسكب وتضبط:أي والله ياعمي متى
ابو عبدالعزيز:والله ديم تعبانه
فيصل مسكه قلبه: وش فيها
ابو فيصل:هههههههه اركد ياولد من اولها طرت في العجه
ابو عبدالعزيز:ههههههههههههههه
الرجال كلهم يضحكون على فيصل الي محترق دمه
ضاري:والله لازم يشوفها اذكر نفسي كنت بموت على ماشوف العنود
مشاري:تذكر ياضاري تراك اذيتنا و جننتنا على ماشفتها
تركي: الله اكبر طالع مين يتكلم يادكتور لاتنسى وش سويت في خالي ابو عادل لمن شفت دكتورتك
ابو فيصل:يابو عبدالعزيز نبي العرس مايطول
ابو عبدالعزيز: اللي تشوفونه بس نعطي ديم خبر علشان تتجهز
فيصل:عمي ياليت يصير على بداية الدراسة
ابوعبدالعزيز:يعني بعد 3 شهور؟
فيصل: ياليت
ابوعبدالعزيز:تــم وخير البر عاجله
مشاري:خوش والله انا خطبت قبله وعرسي بعده
الرجال:ههههههههههههههه
فارس: بروح انادي ديم تنزل
ضاري:بشويش على البنت مو دفاشه
فارس:هههههههه ديم تطيع كلامي غصبن عليها
الرجال:حنا نستأذن والله يتمم لكم على خير ويكتب لكم الخير
ابوعبدالعزيز:اصبروا العشاء يارجال
ابومشعل:يابن الحلال خل الولد يشوف عروسته
: : :
ديم:ماراح انزل
جود:يابنت انزلي
ديم:لو تقصون رقبتي ماراح انزل
فارس:اقول بلا هذره زايده وخليك حرمه سنعه وانزلي
ديم:اقول فارس انزل واعطهم خبر اني مستحيل انزل
فارس فتح دولاب ( الكبت ) حق ديم ....ديم وجود واقفين يشوفون ايش يسوي المهبول فارس
فارس طلع جلابيبه :هذي حلوة البسيها وغسلي وجهك وانزلي
جود:خخخخخخ والله انك مهبول تبيها تلبس هذا
فارس:اجل وش تلبس عمتنا فستان؟
ديم:اقول فكوني واطلعوا
جود:ماعليك قلهم بعد شوي بتنزل..خلها علي
فارس:كفو والله
طلع فارس وسكرت الباب جود وراحت لعند المسجل وشغلت اغنية (قــــــمر )
يا أرض احفظي ما عليكي .. حبيب قلبي حضر
اليوم طالع قمر .. في طلتك يا سلام
حلاة غير البشر .. وأخذت مشي الحمام
شفتك وضاع الكلام .. ضيعت حتى الغزل
اعذرني والله جمالك .. ما خلى فيني عقل
وقفت قلبي بسحرك .. يا روحي والله ستر
يا أرض احفظي ما عليكي .. اليوم طالع قمر
يا عيني ع الابتسامة .. تمشي وسهامك تصيب
واللي يشوفك يقول .. يا بخت راعي النصيب
يموت بك من يشوفك .. لو كان قلبه حجر
يا أرض احفظي ما عليك .. اليوم طالع قمر
طلعت جود قميص حرير لونه وردي وازارير لولو وتنورة جينز فاتحه وصندل لونه بينك شامواهـ ..وحطت لها كحل وبلاش مشمشي وتعطرت عطرهآ (بربري) مسكت شعرها النآعم بمشبك نعوم
جود:يخزي العين اللحين وش يبي يقول ولد عمي لما يشوفك
ديم رمت وساده على وجه جود الي طير شعرها
جود:هههههه اخق على الي يستحون
ضاري فتح الباب: وينك حشى الولد تملل
جود:وش رايك بالقمر؟
ضاري يبغى يحرجها:يابختك يافصيييل
ديم راحت ورى جود من الحياء..
ضاري:بتقولين لي استحيتي؟ياسلام لو يجي فارس يشوف الحياء هههههههه
جود:حرام عليك لاتخجلها
دخلت ام عبدالعزيز:ديم تآخرتي انزلي؟
ماشاء الله ...الله يحرسك يايمه ويوفقك
ديم راحت ركض لحضن امها وضمتها..ام عبدالعزيز نزلت دموعهآ
وجود ماقدرت تمسك نفسها لما شافت منظر ديم وآمها
ضاري:اذا اللحين سويتوا كذا صياح ونياح حشى وش تبون تسون بعد ثلاث شهور
ديم:وشو؟ ايش 3 شهور؟
ضاري: يوم زوآجك
جود :بعد 3 شهور؟
ضاري:ايه وش فيكم؟
ديم: ليش كذا مقدمينه؟
ام عبدالعزيز:اللحين انزلي انتي وبعدين نتفاهم
دخلـــت ديم على فيصل وابو عبدالعزيز الي كانوا جالسين ولما دخلت ديم قام فيصل من مكآنهـ ..
ديم بصوت خفيف وحيوي:السلام
فيصل:وعليكم السلام
محلوّه
وكل حسن ٍ غير حسنك
ضوّك اخفى ضوّه !
جامعه زين ودلع
ماخذه طيبك سنع
مدري انا والحب شبنا
ولاّ
تو الشيب توّه ..!!
وشبك احمرّت خدودك
وشبك اصفرّت ورودك
دام من نفسك تغاري
ليه اجل محلوّه .!
ابو عبدالعزيز:تعالي هنيا يبه اجلسي
.... ديـــــم....
لا يايبه مو قبال فيصل...اللحين بيجلس يفصفصني
ديم جلست جنب ابوها مقابل فيصل ..طبعآ فيصل ماشال عيونه منهآ .يطالعها يطالع لعيونها الوآسعه وشعرها النآعم والملموم ونعومتهآ الي سلبت عقله....
بعد خمس دقايق..
ديم:عن اذنكـــم
فيصل [ مابعد شبعت منك]
ابو عبدالعزيز:اذنك معك يابنتي ...
طلعت ديم وجهها صاير احمر وكانت جود واقفه عند باب المجلس ولما طلعت ديم مسكتهآ جود وصعدوا لغرفته ديم مقدرت تقابل اخوآنها وخصوصا فارس لانه من يبغى يفكها من تريقته...
: : :
مشاعل تبكي على السرير وترمي الوسآيد الي على السرير بكل مكان بالغرفه من القهر من الي فيها
آنا اوريكـ يابنـت الـ.... ,,طيب ياديم والله لاخليك تندمين قد شعر رآسك والله ياديم ماخليك تتهنين بحياتك وراح ادمرهآ لك مثل مادمرتي مسقبلتي و خربتي علي الخطبة ...
: : :
ام فيصل بعصبيه: وبنت ابو طارق؟
رندا:الف الف مبروك ..هذا الخبر الي يستاهل الزغروده لولولولييييييييش
ابو فيصل: كل شي مكتوب والولد خاطره في بنت عمه
تركي: يالله رندا شغلي المسجل وخلونا نسوي حفله
فيصل:يمه كآني اشوفك مو مبسوطة؟
ام فيصل تغيرت ملآمحهآ:الا مبسوطة
تركي:بس ماقلتي مبروك؟
ام فيصل من غير نفس:مبروك
ابو فيصل: ماراح نلقى احسن من ديم عروسة
رندا:ياحظي والله بتصير مرت اخوي الدبه ديم
فيصل: وش دبته انتي؟
تركي:اوخص بدينا من الحين ندافع
رندا:مو هينه ديم بروح اكلمها وابارك لها
ابو فيصل:بكرى روحي يام فيصل انتي ورندا وحددوا موعد الشبكة وترى الزوآج بعد 3 شهور
ام فيصل:ماله داعي نروح نتصل عليهم ويكفي ..وبعد ليش العرس مستعجلين فيه يعني ماصدقوا انه ولدي فيصل يخطب منهم
فيصل تضايق من كلآم امه:لا يالغالية فيصل ولدك هو الي طلب ان الزوآج يصير بعد 3 شهور..
رندا:حلو بعد 3 شهور اجل من بكرى بروح للمصممه هويدا تصلح لي فستان يليق بمقام رندا اخت فيصل المعرس
ابو فيصل:ههههههههههه
تركي:بمناسبه الفكة من فيصل وانه راح يفارقنا هو وخشته بعلن لكم اعلان وهو ان المحامي فيصل راح يعزمنا على وليمه
ابو فيصل:هههههههه احسبه على حسابك
رندا: وليمة الله يقطع بليسك انت وهذي الالفاظ طرى على بالي افلام الكرتون هههههههههه
فيصل:هههههههههه ماطلبت شي يالله انا بعزمكم على العشاء
ام فيصل: بس انا طبخت العشاء
رندا:يمه تعشي انتي والوآلد وخلينا نعطيكم بريك وبنفككم منا
تركي:يالله فيصل خلنا نروح
فيصل: يالله
: : :
في غرفة ريآنه وهي جالسة على الكنبه وتلعب بشعرهآ وكآنت تفكر بعمق
..... ريــآنه .....
هي الي بدت تهتم فيني وتسأل عني ايش دخلتي قسم وباي جامعه ..آكيد كل هالاهتمام يعني انها تحبني ومعجبه فيني ..ياويل قلبك ياريانه على طولها وجسمهآ ورزتهآ البنت تخقق الي ما يتخقق
العنود الي ماخذ عقلك يتهنى ..
ريآنه :جآبك الله بسألك وش رآيك في مها
العنود: أي مها؟ بنت جيراننا؟
ريآنه:لا وش جاب الثريا للثرى الي اقصدها مها الي عندكم بالجامعه بنت صديق ابوي
العنود: وش جاب طاريها اللحين؟
ريآنه:لابس توها ارسلت لي مسج عادي وتذكرتها
العنود:ماعليها خوش بنيه
ريآنه: بنت الآيه تخقق
العنود:حشى ولد وش تخقق انتي تبغين تخطبينها
ريآنه:ياليــــــــــــت
العنود: لا حبيبتي ضربت عندك الفيوزآت روحي نآمي..
ريآنه:ليش يعني علشان البنت حلوة
العنود:ايه صح ترى صارت معيده عندنا بالجآمعه ولا بعد بنفس قسمك ( برمجة حآسب)
ريآنه قمزت من مكانها:قولي قاء
العنود: والله ماكذب
ريآنه: الله يبشرك بالخير...يالله خلينا نروح للسوق
العنود:ليش؟
ريآنه: بروح اتجهز للجآمعه
العنود:قسم بالله انك مو صاحيه باقي على الدراسة حوالي 3شهور ونص وبعدين ليش ماتهتمين بزوآجي الي باقي عليه شهر كثر اهتمامك بالكشخه
ريآنه:زوآجك خلصنا منه الفستان وفي المشغل والكوافير وحجزناها والقاعه واخترناها
العنود:ههههههههه
ريآنه:بروح اتصل على صديقاتي ابشرهم انه مها راح تصير تدرسنا
العنود:ريآنه لآيكون انتي معجـ.......
ريآنه ارتبكت:وشو يعني
العنود:الي على راسه بطحا يتحسسها
ريآنه:اقول تلايطي بس وطيري منآك يالله
العنود:وجع اخبر الي لها اخت تبي تتزوج بعد شهر تهتم فيها وتدلعها
ريآنه:اقول ترى الباب يوسع جمل ومن غير مطرود
العنود:اقول الشرهه علي الي جالسه اسولف مع خبلا مثلك
ريآنه بعد ماطلعت العنود اتصلت على وعد...
ريآنه:وجع ليش حاطتني انتظار؟
وعد:اكلم لمياء
ريآنه:وانتي لحد اللحين شابكهـ معها؟
وعد:صرت احبهآ اكثر من قبل غصبن عليك تجذبك
ريآنه:طيب وهي تحبك؟
وعد:هي خاقه معاي ولعلمك رحت انا وياها للجآمعة وسجلتني بالقسم الي هي اختارته لي واللحين صارت تغار علي من نهلاء..
ريآنه:نهلاء الي يوم كنا بثالث ثانوي تحبك؟
وعد:ايه عليك لمبه
ريآنه:آآآهـ ياقلبي
وعد:سلآمت قلبك وش فيك؟
ريآنه:تخيلي قبل شوي ارسلت لي مها
وعد:مين مها؟
ريآنه:لاتخليني اطب من السماعه والصقك بالجدآر الي جنبك لاتجننيني من الصبح اسولف لك عن مها
وعد:ايه الي انتي خاقه عليها وماعطتك فيس
ريآنه:تخيلي قبل شوي ارسلت لي مسج تسأل عني تقول وين سجلتي ومن حسن حظي تقول العنود انها صارت معيده بالجامعه وبنفس قسمنا يعني تبي تدرسنا
وعد:ياهوووه والله انك مو سهله
ريآنه:وهـ بس اخق عندها
وعد:والله وصرتي تحبين
ريآنه:ليش ماحب مالي قلب
وعد:لا بس قبل كنتي تقولين حرآم ومايجوز وغثيتي شلتنا
ريآنه:بس هذي هي الوحيده الي شدت قلبي
وعد:والله وصرنا نحب
ريآنه:شفتي كيف؟
][,, فــــآصلة بيضــآء,,][
اللحين وبشكل كبير نتفاجاء بظآهره الآعجآب (اعجاب البنت بالبنت) والي صارت تزداد يوم عن الثاني وهو ما يسمى بالـ شذوذ وانتشر
بشكل كبير في مجتمعات البنات في الجامعات والكليات والمدآرس..بعتقآدي من اهم الاسباب الي تخلي البنت تروح ورى هالحركآت
هو ضعف الآيمان وقله الوازع الديني ولاننسى السبب الرئيسي الآ وهو( فرآغ العاطفه )..
نرجـــع للقصـــــة .../
ام عبدالرحمن (العمة صيته):الاسبوع الجاي؟
ابو عبدالرحمن:ايه وترى قلت لأخوانك واهلنا كلهم
نجلاء:وشوق؟
ابو عبدالرحمن:وش فيهآ؟
نجلاء:يبه مابعد تجهزنا
ام عبدالرحمن: شوق مفصلة فستانهآ وجاهزة
نجلاء:طيب نبي نروح نسوي حجوزآتنا
ام عبدالرحمن:بكرى الصبح
نجلاء:انا بروح اقول لشوق انه ملكتهآ الاسبوع الجآي..
: : :
السآعه 1 ونص بالليل رندآ نزلت من غرفتهآ ومآسكة الجوآل تكلم آمل..
رندآ:انا ياطولة العمر بالحديقة
آمل:مو برد والله ماكذب عليك اني لابسة بيجآمة شتوية ثقيلة
رندآ:والله مو صاحيه ياخبلا احنا بالصيف
امل:ههههههه ادري
رندا:غريبه؟؟؟؟؟؟؟؟؟؟؟؟؟؟؟
امل:وشو؟
رندا:الباب مفتوح
امل:أي باب؟
رندا:الباب الرئيسي حق الشآرع
امل:يب قومي سكريه
رندا:كان يذبحني تركي دايما اسكر الابواب ويهاوشني ليش تسكرينهم انا بروح وبرجع
امل:ماعنده مفاتيح
رندا:هالانسان انواع الاهمال كل يوم يقص مفتاح ويضيع منه ويخاف يرن الجرس ويصحي اهلي
آمل:هههههههههه
رندا:ياااااااااااااي
آمل:وشو بعد؟
رندا:المــآء بارد يجنن
امل:من وين لك ماء؟
رندا:جالسه العب بالمويا حقت المسبح بارده على كيف كيفك
امل:ههههههه هبلا
رندا:ياربي تدرين ماشفت ديم من خطبتها
امل:حتى انا وكل ماتصلت الا نايمة ولا طالعه
رندا:ههههههه ياحبي لها تجهز عمرهآ
امل:والله وكبرت الدبه وتبي تتزوج قبلنا
رندا:خيــآآآآآنه
امل:خيانه كبرى..اليوم جاء عندنا المعرس
رندا:اي معرس فصيل؟
آمل:ايه
رندا:وش عنده؟
امل:هههه هو وسعود جوا يسلمون على ابوي ويتقهون عنده
رندا: سعود؟
امل: ايه تخيلي انا وشوق ونجلاء وعيالها كنا طالعين نبي نتعشى وشفنا سعود
وفيصل ...سعود صاير مررة جنتل وشعره صاير طويل وشكله متغير
رندا:كيف يعني؟
امل:يعني محلووو مررة من بعد بيروت تخيلي كلنا تسطلنا عليه وماعرفنآهـ ..
رندا ردة فعلها كانت واقفه عند باب المسبح وامل تسولف لها عن سعود وهي مقهورة ومن غير ماتحس سكرت باب المسبح بالقفل عليهآ..
رندا:من زمان عنه
آمل:كلهم عيال خوالي من زمان عنهم
.... رنـــــــــدا ....
بس سعود من زمآن عنه ...!!وربي انا كل الي اسويه علشآنه اكذب على عمري ان قلت مو مشتاقه له ..
امل:يالله انا نعست وابغى انوم تصبحين على خير
رندا:بدري يالدجاجه
امل:ترى وراي الف شغله وشغله لاتنسين انه ملكة شوق الاسبوع الجاي واحنا حالتنا حاله البيت منعفس وجالسين نرتب للحفلة
رندا:اوكي تصبحين على خير....
سعود واقف برى يستنى فيصل والمسبح قريب من باب الرجآل المفتوح...
رندا بصوت عالي سمعها سعود الي كان واقف عند الباب
رندا:ياااااااااربي تسكر علي باب المسبح مين يبي يفتحه لي
سعود طلع مفتاحه وطق الباب بالمفتآح بدقه مميزة ..
رندا توترت وخافت :مين عند الباب؟
سعود بكل ثقه: سعـــود
رندا سكتت
:
توك على بالي محبوبي يالغالي ياسيدي عمرك طويل
علبالي توك ياجميل والحين اشوفك مستحيل ما اصدق اعيوني انا ياسيد عمرك طويل
توني اسولف عن هواك واسال فؤادي اللي معاك وين ارضك انت او سمااك والقاك فعلن مو قليل
:
سعود:ممكن ادخل افتح لك الباب؟
رندا: بس مامعي غطى
سعود:اوكي اجل انتظري فيصل
رندا:وينه؟
سعود:يبي يجي بعد شوي مع واحد من الربع
بعد مرور نـــــص ساعه ...وفيصل تأخر عليهم ..!!
رندا:سعود ممكن تفتح لي
سعود:اوكي
دخل سعود ورندا كانت واقفه ورى الشجرة وباين شكلهآ الي قدر سعود يشوفهآ من غير ماتحس كآنت لابسه بيجآمه تركوآز ورآافعه شعرهآ بربطة بيـضاء
سعود:اطلعي
رندا:لو سمحت تفضل برى علشان اطلع
سعود:هههههههههههههههههه
رندا عصبت
سعود:طيب راح اتفضل برى
رندا حطت يدها على شفايفها
........ رنــــــــــدا ........
فشله كيف قلت تفضل برى ماتترقع اللحين ايش يبغى يسكته من الضحكـ ..
طلعت رندا من المسبح وسعود كان واقف برى لحد ماجاء فيصل ودخلوا للمجلس الي بالمحلق..
: : :
جـــود مسكرة باب غرفتهآ وعايشه جو مع الماسنجر...
اللولو:والله فقدتك
الشآمخ:تعرفين مشاغل الآختبارات
اللولو:وكيف اختباراتك؟عساك قدمت زين؟
الشآمخ:يهمك؟
اللولو:اكيد يهمني
الشآمخ:اكيد دعيتي لي
اللولو:والله ماخبي عليك كل يوم ادعي لك
الشامخ:وانا اقول اكيد (اللولو) داعيه لي علشان كذا حليت زين
اللولو:هههههههه
الشآمخ:دوم ان شاء الله
اللولو:يسلمو
الشآمخ:بقولك على شي
اللولو:تفضل
الشآمخ:انا ماقد حاكيت بنات لا في الماسن ولا في الجآمعه...بس انتي دخلتي قلبي وحسيت نفسي قريب منك
اللولو:كذا يقولون دايماً الشباب علشان يتميلحون قدام البنات
الشآمخ:ورب البيت ماكذب عليك ايش المصلحه يعني
اللولو:مدري
الشآمخ: المهم شخبار الرياض؟ياني ولهان عليها
اللولو:وهي اكثر دايما تسألني عنك
الشآمخ: هههههههه حلو سلمي عليها
اللولو:ممكن سؤال؟
الشآمخ:تفضلي
اللولو:عندك خوآت
الشآمخ:ايه ثنتين وحده متزوجه وعندها ولدين وبنت والثانيه لسى ماتزوجت
اللولو:الله يخليهم لك
الشآمخ:آميـــــــن يانك ذكرتيني فيهم مشتاقه لعيال اختي بالحيل لي حدود السنه ماشفتهم
اللولو:خلاص ابي امرهم واخليك تكلمهم
الشآمخ:هههههه تسوين فيني معروف
اللولو:ههههههههههه
الشآمخ:ما قلت لك انه قريب برجع
اللولو:متى؟
الشآمخ:بعد شهرين رحت للسفارة ورتبت اموري وبرجع واخيرا
اللولو:تصدق ضيقت صدري
الشآمخ:ليش؟
اللولو:لما ترجع ماراح تدخل نت مثل اول وماراح اجلس معاك مثل اول
الشآمخ:ومن قالك بالعكس راح اصير مثل اول
اللولو:حلو ريحتني
الشآمخ:ليش ريحتك
اللولو تبي ترقع السآلفه : تدري وش اسوي اللحين
الشآمخ:وشو؟
اللولو:اشرب قهوة واكل تمر وحلى
الشآمخ:الله قهــــوة نفسي فيها
اللولو:خلاص برسلها لك اللحين قبل ماتبرد هههههه
الشآمخ:ههههههههههههههههههه
الشآمخ: تصدقين اليوم مهند ايش يقول عنك
اللولو:عني انا؟
الشآمخ:ايه
اللولو:ايش قاال؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك