رواية هروب من الواقع -2
كنت أُمعن النظر في السكة المتعجرفه
علها تكون آخر مرة أعدو بها من هذا الطريق
نعم سأذكرك أيها المكان
لكن احساسي يقول لي انني سأذكرك في قبري الصغير
حاولت أ أُبعد هذه التفاكير من رأسي
وبدأت أتظاهر بالمرح
نعم انني مكبوته
أُريــــــدُ أن أفجّر طاقاتي
أريــــد أن أطير الى كل مكان
علني أّحس بمخالفاتي هذه...واختراقي لقوانين المجتمع
مايريحني
....انني أُحبك يا أبي كثيرا...
أرجوك ان لم أعد لاتغضب علي...
سامحني يا أبي ...
سامحني أرجوك
تمنيتُ أن أراك قبل أن أخرج
لكن هذا هو القدر....
بدأنا نعبر الطرق الوسيعه
صرنا نمشي بسرعه متجهين على طريق الساحل وكنا كلنا
فرحانين بس سماح اللي دايم جنيه به خوف فضيع
ومع انها دايم هي اللي فلاويه...إلا إنها هي اللي هذي المره
خايفه..مشينا بدينا نشوف اللوح حقت الطريق ...بدينا نبتعد
عن المدينه الفوضويه
بدينا نطلع بعيد عن عالمنا...وبدينا بمرحلة مغامرتنا
وبكذا انتهى الجزء الأول من القصة
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجــــــــزء الثاني:
أولا أعتذر عن تأخيري وأتمنى منكم قبول عذري
...وشكرا....تحياتي لجميع اللي شاركوني القصه واللي علقوا عليها واللي قروها...:graaam (294):
اتركني
خلـّك مثل ما انته بعيد .. مابي أنا جرحٍ جديد
مابي اكون بنظرتك دمعة حزن
مابي أكون بدنيتك شك وظنون
مابي اكون وياك مابي اكون
ماعدت أنا ذاك الملاك الي تصورته معاك
الي مشى يتبع خطاك
والي تغنى في هواك
بس للأسف حلمي انتهى!
نسيتني بلحضه وانا احلم بساعات الهنا
أحلم أعيش بعالمك الي تصورته وفا
بيدك وجرحك لي بقى والله بقى
واتركني
أغنية للفنان عبدالله الرويشد
بدت البيوت تقل كل ما مشينا بالطريق...بس قاعده أستنى الخوف يجيني ... (ياربي من صدق حنا ووجيهنا مسافرين) !!!
مشينا بالطريق اللي سكته شبه سكه يغطيها التراب حواليننا جبال مرتفعه ...وبدت الشمس تطلع... كان ناصر مسرع شوي
...وحنا فرحانيييييييييييين...:graaam (120)::graaam (120):
شوي إلا (طااااااااااع) ......وروسنا رجدت رجده صح...بس قعدنا نضحك على أشكالنا...
كان به مطب وماشافه ناصر...بصراحه المطب مو مطب مدري وشو ...ماله لا علامات ولا شي...صغير وطويــل به كثيرمثله بديرتنا كأنها قطعة من الجبل حاطينها...بس اسم مطب
شوي...وكان به خرابيط يعملونها ...شيول الأصفر(السياره الكبيره حقت الحفر ) يبون يسوون جسر بالمحل هذا...
وكان به ارض مرتفعه شوي عند محل الجسر وبه رجال ماشاالله فارش الفراش وناااايم وحاط (الهيلوكس جنبه)
ماشاالله ماخذ راحته..
تعدينا وطلعنا خلاص ...ودعنا مدينة (...........) الغثيثه...
الساعه الحين (6) ونص تماما.
بدت المشاعر الجياشه عاد...وناااسه...جا المفرق ...وأخذنا يمين :graaam (304)::graaam (304):...مكتوب باللوحه الزرقا (..... 150 كم )
دخلنا عالمنا .... ومن يوم لفينا كان به جمس قديم مليان شباب لونه أحمر مع أسود...شكلهم طالعين كشته
وأكيد قاصدين قرية (......) الساحليه شكلهم معنا
رايحين
آمال :الله ونااااااسه
أشواق:تبين قهوه؟
آمال :أكيد...وتضحك...(من الهبال خلاص)
سماح طلعت النظاره حقتها ولبستها ....
آمال وهي تطلّع من الشنطه حقتها (حليب لونا)..و
تحووووس بالشنطه ثم تطلع (مفك)...يوووه نسيت
أجيب أشرطةالأغاني ...قهررررررررر
يامل اللي ماني قايله..
أماني : لييييه يوووه وحنا نبي نرقص ياقهرررررر...
خذت آمال الكوب وحطت به حليب لونا وصبت
قهوه...(طبعا عاده لنا حليب مع قهوه يعني ربع الكاسه
حليب والباقي قهوه)..وشالت
صينية الخليه (صينية حلا )
أكيد تعرفونها...وحطتها بالنص قدام بين السايق ناصر
والراكب
الآنسه سماح....وطبعاً أشواق ما شاالله الخليه حقتها ماعمرنا ذقنا زي سواتها لها ...
وقعدنا ناكل ونتقهوى ...
ناصر:هيه أنتي صبي لي قهوه بسرعه
آمال :هيه لاتقعد تأمر
ناصر :لاياشيخه وش تبينن أقولك ...لو سمحتي يا أموووله
آمال: ههههههه ايه
سماح: خليني ألبس النظاره الشمسيه ( يعنني حركات
طبعا تبي تدخل الجامعه هالسنه تبي تسوي زي البنات)
وتلبس النظاره و(تناظرنا) تراعينا تطالع بنا
(طبعا حنا دايم نستحي نلبسها كلنا بس سماح هالمره
يعنني حركات)
أماني:أقول هاتيها أشوف خليني ألبسه...
أشواق :يووه ياخسارة الأشرطه...
أماني:نفتح الأغاني اللي بالجوال ...كله من هالبقره
آمال..
آمال:أقول طسي بس ..الواحد يعتذر ولا مايعتذر كله
واحد
وفتحت أماني على (مرتاح)...
سماح:يع ماتحمِّــــــس...مابه حمااااااااااس...اذا مو عالي الصوت مايصلح...
أماني : نفتحها مع بعض بجوالي وبجوالك عشان يعلى الصوت..
وقعدوا يحاولون
آمال: هاتي جوالك يا الخبله خلينا نجرب
أماني :يالله واحد...اثنين...ثلاثه...ونضغط مع بعض ...(تنت نتتن تنه تن)...معيّه تجي...
طفشنا وفتحنا واحد بس من الجوالات...
سماح: يوه أنا خايفه مابه إلا حنا بالطريق ....الطريق فاضي
آمال:انتي انثبري ولا كلمه..خلاص ...ماهو صاير شي ان شاالله...
كانت آمال تبي الخوف اللي فيها يروح...تهدي
نفسها...وتضحك وتسولف...
قطعنا تقريباً (15 كم) ...وناصر كاشخ...أشواق هادئه ماشاالله بدون توتر أماني وسماح وآمال فالينها بقوه...
الجمس القديم تعدانا وراح...
أشواق: أنا تراني ماقلت لأمي إني رايحه للكليه..:graaam (31):
آمال :اوف اجل لا قامت أكيد تبي تفقدكم
ناصر: تسمعون؟؟؟كأنه فيه صوت بالسياره....
سكتنا....سماح...إلا به صوت...(ززززززززززززززززززز)..
كلنا :الا والله به صوت...
نزل ناصر من الجمس وقعد يشوف الكفرات...قال مابه
شين بس وشو هذا..!!!
ركب ناصر...وقعدنا نتقهوى...
بس الصوت كان باقي فيه...
آمال :شوفي سماح دقي على حنين إسأليها أبوي قام ولا لا...
سماح طلعت الجوال من جيبها تبي تدق بس طلع مابه
شبكات ابد...ولا حتى نص برج...وحنا خلاص
سماح:امشوا نرجع...(بخوف)...يالله امشوا نرجع...
أشواق:ياشيخه وش بلاك انتي خلاص مو صاير شي
ان شاالله..
آمال :ايه مو صاير شي والله مانرجع
مشينا والطريق باقي فاضي مابه أحد...(بدا الخوف
يدخل نفوسهم كلهم بس يحاولون مايبينون)والطريق كله
جبال...
ناصر : يووه ..السيــــاره سخنت...ارتفعت
حرارتها...مانقدر نمشي عليها خلونا نوقف شوي لين
تبرد..
أماني : يووه...
ناصر :خلونا نوقف كذا بمكان زين...
وقفنا تحت (كُـــــبري) وطفينا السياره...كانت الشمس
طالعه ...
قعدنا نتمقل(نتأمل) المكان...مانسمع شي غير صوت
الهوا...
ناصر:يالله يالله اركبوا......
ركبنا كلنا بسرعه....الحمدلله بعد شوي مشينا ورجعت
الحراره طبيعيه....
كنا نستنى اللوح حقت السفر اللي على الطريق (بس
طلع مافيه لوح )غير أول (50 كم) بس..
تفاجئنا ....لا شبكات اتصال ولا ناس ...ماغير
شباب...وناصر صغير...السياره تسخن...ولابه
لوح بعد....
بس عادي الوضع (إيزي) طنشنا ومشينا كنا متفائلين
....قاموا سماح وأماني يتبادلون النظارات..
سماح :يالله أماني صوريني..
أماني:اعتدلي شوي يالله ياغبيه ...ايووووووووه...كذا
أشواق:أشوف حتى أنا أبي ألبسها(أول مره تبي تسوي
مثل هاللي تطورن أماني وسماح حركات)
أشواق تلبس النظاره وتضحك (من
الفشيله)مستحيه...زينه علي؟؟
وهم يضحكون عليها....:graaam (63):هههههههههههههههاي:graaam (138):
أشواق :وجع انتي وياها...امشي صوريني بس...(يعنني
فوق العبايه والنقاب نظاره)وتسوي حركات
بيديها...وخاصة حركة السبابه والوسطى.....شي مع بعض...يعنني رقم (7)
مشينا بالطريق وقربنا لطريق يسمونه (الخريطه) وهذا
الطريق وَعِرْ به هَويَات(طلعات عاليه وتحته نزلات)
كنا خايفين ...لأنه ناصر صغير...
الحمدلله مشينا المسافه..تعدينا الخريطه بسلامه.. وشوي
حسينا بالرطوبه...عرفنا اننا قربنا...وفرحانين....
الغريب انه بهذا الطريق ماشفنا على طوووووله إلا
محطة وحــــــــده بس....
والحمدلله اننا معبين السياره بنزين قبل نطلع
سماح: البحر البحر أروووه هههههههههههههههههه
أشواق وآمال و أماني وااااااااااااااااااااااااااااااااااااااااااااااااا اااااااااا وناااااااااااااااسه
الله البحر ...وقاموا يصارخووووووووووون ...وناصر يضحك وفرحان...
سماح قامت تصور وتقول: هذااااااااااااااا بحرررررررررررررر وتضحك ههههههههههههههههاي
أشواق: لا هذا بحيره بحيره هههههههههه (عشان
التصوير)
طبعا مايعرفون وين يروحون قالوا يالله نمشي على طول بس...عشان مايضيعون...
آمال: انتبه لا تروح لايمين ولايسار ماحنا ناقصين نضيع بعد
أماني: انت ماتعرف الطريق هنا؟
ناصر:من وين لي أعرف الطريق
وصلنا الساعه (8) وخمس دقايق بالضبط....
كنا طبعا مسرعين....دخلنا وفيه اللوحه الزرقا مكتوب
عليها (........).....أخيرا شفنا هاللوحه...بس حاطينها
في بداية الطريق ونهايته وش هذا...!!!
مشينا والسكه انقطعت صرنا بطريق رملي وكان البحر
قريب على طول قدامنا على يميننا (مسمكه)....هم كاتبين كذا
(اللي يبيع سمك)..تعديناها و به على يسارنا بقاله...
كل شي كان تراثي....بس هذي القريه مريحه...صحيح فاضيه ....وسكانها قليييييييييلين
بس كانت مكان سياحي تقريبا لكل واحد من سكان مدينتنا الغثيثه...
فيه خيام كثيره على طول البحر للإيجار باليوميه...المسؤول عنها ...رجال اسمه (ابو خيري)
سعودي...كبير بالسن...
حنا دخلنا ومحد سألنا ولفينا ندور لنا على خيمه(بكل ثقه)وبدون مانسأل عن القيمه...كأن راعيها أبونا
رحنا على الجهه اليسرى ...ومشينا....كان فيه ناس بس كلهم شباب ...خذينا خيمه بعيده شوي عن الأنظار...
فيه شباب يتسبحون...تدرون مين هم؟؟
راعين الجمس القديم الأحمر....
كان البحر هادي...صدق كان آخره ماتشوفه...لونه مشتبك مع لون السما...وكأنه قطعه منها...
نزلنا على الرمل ...وكنا موقفين السياره على بعد (6) أمتار تقريبا عن الخيمه...
شلنا حوستنا كل أبوها...
سماح :هيه ياست آمال شيلي الأغراض معك وانتي نازله
آمال :أدري مو انتي اللي تعلمينن لا كف الحين
أشواق:هههههههه يالله يالله صوروا..:graaam (159):
ناصر نزل بهدوء..وكأنه مسوي شي كبير...ناصر أول مره بحيااااااته يسوق بسفر....يحس إنه الحين محد قده
ناصر اللي عمره بالديره مايطلع ولايروح ولا يجي إلا بخواته...ألحين يسافر ....ياهوه ياناصر والله إنك قوي
نزلنا من السياره وحنا كلنا نحس بالفخر...وبالحريه...والونااااسه وكل شي...(اختلطت كل الأحاسيس)
ركضنا ركض يم البحر....(يلعن أم الشوووق)...من زمان عن البحر لنا أكثر من سنتين ماشفناه
قعدنا عند السياره وفصخنا أبواتنا (وانتم بكرامه).. يلعن ابو اللي كذا...وبسرعه فصخناه..وطشيناها على الرمل
عند السياره ...وفصختْ سماح وآمال العبايات ...مابه أحد كان المكان فاضي غير الشباب اللي بعيدين عنا
وأماني وأشواق يبون يفصخون بس ناصر به....فهم ناصر وشال بعض الأغراض ودخلها الخيمه وأبعد عنا هناااك
على اليسار...
قالوا خلينا نشيل أغراضنا وعقب نروح نتغطس..
شالت أماني السله حقت أغراضنا وأكلنا...وآمال (الزمبيل البقشه)الشنطه الملونه الكبيره حقته..
ومشوا مع بعض...على الرمل الناعم...صراحه (يازين المشي على الأرض والواحد حـــافي)
كان الرمل شكله يهبل..حطوا الأغراض طش بالخيمه (طاااااع طرااااااااااااااااخ) وركضوا برى الخيمه...
رفعنا بناطيلنا...وقربنا من البحر ...أول وحده دخلت أشواق...وعقبه آمال...ودخلوا أماني وسماح عقبهم...
سماح واقفه آخر وحده قاعده تصور ...أماني تضحك بالحيل انخبلت من الوناسه....
بعّدوا آمال وأشواق شوي...دخلوا جوا...كنا كلنا لابسين جنز أزرق...إلا سماح لابسه جنز أسود مع بلوزه نص
كُـــم سودا وعليها رسمات وحوش....
أماني :ياخساره ياليتنا جبنا معنا ملابس...
آمال :الحمدلله أنا جبت لي يا حرااام
أشواق :يوه والله ماطرى على بالي
آمال: خبلات انتن لازم الواحد ياخذ احتياطاته
أماني: أقول انطمي بس ههههههههههههههههاي
آمال تغني بهباله وضحك وهي تغطس رجولها بخبال
(نزلت للبحر تتشمس الحلوه ...على موج البحر يا محلى مشيتها
نزلت للبحر مدري نزل قلبي...احمييييييييييها من الخطر واحرسها ياربي
البنات بقمة الاستغراب ويضحكون
وقامت تضحك.....
سماح: ههههههههههههههههههههههههههههههاي هههههههههههههههههههههههههههههه
شوفيييييييييييي يا أماني ...أشواق وآمال استغفر الله رجولهم من تحت صغيره وطوال من فوووق...
(عشان البحر يصغر الطول من جوا)
قعدوا آمال وأشواق يضحكون على أنفسهم (ههههههههههههه)
أشواق قعدت تجمع بالأصداف تبيها ذكرى....تلقط من هنا ومناك..امتلينا مويه....وخاصة أشواق القصيره
(الصعنطوطه)....كل البنطلون راح فيها..
ارتفعت الشمس بوسط السما...وبدت أشعتها تحتضن ملامح الأرض... بدينا نحس بالحر اللي مو هيّــــــن...
أماني:يوووه حر خلاص خلونا ندخل بالخيمه.
سماح :ايه والله خلاص...عشان يمدينا...نتقهوى ونرجع عقبه..
بدينا نجرجر رجولنا بشويش عشان نطلع من البحر..
ناصر بعيد هناك حتى هو كان يغطس رجوله ..وطفش بس ماحب إنه ينكد علينا....طلع من البحر وقعد عند الشاطئ
ورجع دخل للبحر ....شاف (صَدفه )يازين شكلها..ونزل يده يبي ياخذها الا اللي (طووووب) طاح من جيبه... لا لا
الجوال ويخطفه بسرعه ويطلع الشريحه...وينفخ عليييييييييه( اووووووووووووووووووف اووووووووووف)
بقووووه..
سماح:ناااااااااصر يالله تعال... تعال....ناااااااااااااااااااصر...
ناصر يأشر لسماح من بعييييد (يعني سمعت خلاص جاي)...أماني وأشواق مبتلشين بالبناطيل اللي مليانه مويه
ومع الحر بعد ونااااسه...
دخلوا الخيمه يضحكون...كانت الخيمه مقطوعه من النص على شكل دائره ...
آمال تطلع راسه وتضحك....
سماح: اصبري ابي آخذ لك صوره بالله ..
والراس صراحه شي وهو طالع من النص ....وابتسامه عريضه و(تشك )صوره
أشواق: خلينا نتصور عند البحر...تعالي
طلعت آمال مع أشواق ووقفوا عند البحر وصورتهم سماح وهم كل وحده حاطه يدها ورى الثانيه..ومبتسمات
من قلب..مع ان الحر ذابحهم..آمال لابسه بلوزه خضرا ربع كـــُـــــــم..وأشواق بلوزه نيلي...
وبسرعه آمال شالت (الصعنطوطه) أشواق....
أشواق :وااااااااااااااااااااااااااا هههههههههههههههههههههههههههههه....
سماح بسرعه صورتهم....
أماني :يوه أنا (مدبقه)يعني تحس بتلاصق...اوف
أشواق: أي والله يع...والله ابي افصخه يع..عادي ألبس عباتي ..(كانت عباية أشواق كتف مقفله بس من فوق فيها سحاب
صغير والباقي ينقفل قفل...دخلت للخيمه وطلعتنا عشان تفصخ وتلبس العبايه...
أشواق :يالله اطلعوا..ياويل أحد (يويق) يطل..
.سماح : والله غير أشوف ههههههههههههههههههه
أشواق: (بحزن مصطنع) أماااانه عاد ياشينك...وتناظر آمال...وتقول أمانه معك
آمال: لا ماعليك ماعليك منها خلاص روحي البسي...بس أنا أويق (أطل)
أشواق:لا والله ههههههههههههههه
آمال :أمزح يالله طسي بسرعه ناصر قريب...
أماني:يوه أنا مامعي غير عباة راس ياقهر...ياليت عندي كتف..
سماح :ياحرام تحزن ههههههههه
آمال:ايه والله الحمدلله اني جبت لي ملابس...
طلعت أشواق..:هاه باين شي؟
سماح :روحي قدام طيب كذا...
تقدمت شوي أشواق عند الشمس..
سماح وأماني وآمال:أي والله باين بالشمس شوي...بس بالظل مو باين...
دخلت أشواق جوا الخيمه وحطت جنزها على الخيمه من برى عشان ينشف...وكان يضحّك شكله...
دخلنا بالخيمه كلنا وشوي جا ناصر دخل...وتغطّوا البنات...كبينا كيس البساكيت على الأرض...
ناصر:يضرب سماح برجله يالله صبي لي قهوه (بضحكه)
سماح:هيه احترم نفسك وجع ...هههههههههه شف شلون وجهه عاد
ناصر: مادريتوا عن جوالي وعلمهم السالفه...
وقعدوا يضحكون....الأخت أماني كانت قاعده وناسيه نفسها السيقان طالعه...وتتقهوى وتسولف بعد
...كنا قاعدين جنب( وتد )
الخيمه...(العمود اللي بنص الخيمه)....
سماح :يالله يالله خلونا نرجع... الساعه (9) إلا ربع...
أشواق:لا تونا يا خيكم..
آمال :ياحليلك إنتي ....نرجع ألحين!!!! ...نقطع كل هالمشوار عشان ساعه....نغامر بأنفسنا عشان ساعه
ناصر وهو واقف جنب آمال (لاتعليق)مشغول بجواله مو فاضي مو يمهم أبد....ألحين خلاص هذا يخرب؟؟
أشواق:لاعادي نشفه ولا نشف يرجع عادي بس أهم شي هي الشريحه...
أماني:لا لا نرجع الساعه (9)
آمال :ياسلام يعني باقي ربع ساعه ...لا والله ..حنا قلنا
(11) نرجع...وعلى الساعه (12) ونص..نكون
بــ(...........)
أشواق :إيه والله حنا قلنا نقعد لــ(11)...
سماح:لا والله تحلمون انتي وياه والله غير نمشي (9)...والله اني خايفه..ينعن ابوكن...
أماني:انتن ماتخافن وش بلاكن انهبلتن؟؟
آمال وأشواق:بس حنا اتفقنا كذا..طيب على الأقل لـ(10) نقعد
ناصر :خلاص خلاص (9) ونص نمشي
أماني:ايه والله (9) ونص نمشي...
الحمدلله جوال ناصر رجع يدق ...بس انه يعلق و الرقم اللي يتصل مو باين (مو واضح)...غير كذا الأرقام تنضغط من
حالها...واذا ضغط على رقم (2) يطلع رقم (7) ...وهكذا ....إلخ....الأرقام احتاست...
الساعه (9) وعشر دقايق رن جوال ناصر ......(انتبه أبوك يتصل بك... {وقعدنا نشاهق ...أماني منخرعه ...وآمال
وأشواق يضحكون...وسماح أم الخرعه...ونقامز نبي نشوف وش يصير}.. ابوك يتصل بك....ماتردش...ماتردش..أحلأ
له ..إحلأ له)
ناصر أخيرا ضغط الزر الأخضربكل قوووووووووووووووووووته...عشان ينضغط
أبوي:السلام عليكم
ناصر :وعليكم السلام
أبوي: وينك إنت؟؟؟
ناصر:أنا مع خواتي وديتهم الكليه
أبوي: ليش؟
ناصر:عشان وثيقة آمال...
أبوي :طيب استعجلوا وتعال....ومتى يطلعون خواتك؟؟ يعني تبي تقعد تستنظرهم لين يطلعون؟؟
ناصر: (يعنني بريئ) شوي كذا ويطلعون...
سماح:يالله يالله خلونا نرجع....السياره ياشيخه لها صوت وكل شوي ترتفع حرارتها...
أشواق:خلاص حنا قلنا (9) ونص يعني تسعه ونص...
قعدت أشواق عند الشاطئ تلقط أصداف...وأماني راحت تركض جابت علبة سفن آب حطت فيها رمل من الشاطئ ....
ناصر بهاللحظه كان (ينفض الفرشات الصغيره اللي تنحط تحت الرجول بالسياره...ويرجع يرتبهن...
دخل بالسياره وشغلها,,,,يبي يشوف الصوت اللي كان يطلع وحنا جايين باقي فيه ولا لا....
نزل من السياره ووقف عند الكبوت ...(خــــشم الجمس)...وقعد يسمع بس طلع الحمدلله ماهوفيه الصوت...
ورجع ركب وشاف الحراره بعد منخفضه..
جبنا الأغراض من الخيمه ...
آمال طلّعت شنطته (البقشه)....سماح منطلقه قدام وتنادي (بسرعـــــــــــــــــــــــــــه يالله انتن يا .....
لأجي ألحين أكفخكن ...)
أشواق شايله السلّه وتضحك....وهي جايه عند السياره...أماني دخلت بسرعه بالخيمه بعد ماطلعت منها آمال وغيرت
ملابسها وقالت لآمال طسي شوين ابي أفصخ بنطلوني
الجنز...وفصخته بسرعه...كانت لابسه تحته شورت أسود لفوق الركبه...
آمال :ناااااااااااااااااصر ..أمانه جيب بوتي وشرابي ياخيك
ناصر:يووووه انتي ياثقيلة الطينه...امشي خوذيهن أريهن عند السياره...
آمال وهي تغسل رجولها بموية الصحه (من الخبال...عشان موية البحر مالحه):لا أمانه أنا غسلت رجليي..إنت جيبه..
ناصر:أوف يا (كوالا) هذا لقب آمال...وخذا بوت آمال الأبيض وشراريبها البيضا...وطشها عندها ..يالله يا كوالا أمشي
آمال:وهي تاخذ البوت(الله يكرمكم)..عجزان تجيبهن يعني وتعطيني اياهن ..غير تطشهن طش...
ناصر:تتشرطين بعد ...أقول احمدي ربك وقومي....
طلعت أماني من الخيمه وهي لابسه عباتها
وآمال تقول لناصر :أصلا غصب عنك...
أماني (تستهبل ) يالله أنا رايحه وتمر من عند آمال
آمال :اقول اصبري يالعنز...
أماني تضحك وتمشي هي و آمال مع بعض وبدوا يطشطشون الأغراض ورى ويركبون ...أماني ماسكه عباتهاعشان
مايبين الشورت...ريحة البناطيل اللي فيها موية البحر طالعه....السياره رطوبه...كأن البحر رجع معنا...
السياره كلها رمل...
***بدأتْ رحلة العوده إلى الواقع
بدأنا نرجع مِن الذي هربنا منه
فمصيرنا لذاك الواقع المؤلم
وليـــــس هنا .....
نعم ..إالى أين المفر؟؟؟!!!
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك